السنيارية

* عندما أتذكر إنسان عزيز رحل بلا عودة .. أكثر شيء يعذبني .. أصيح بدون إحساس باللي يدور حواليّ كل الي ذكرتيه من نقاط أحتمال أنها تتغير في يوم من الأيام إلا هالنقطة ما تتغير .. لأن اللي مات مستحيل يرجع في يوم من الأيام . اللهم أرحم موتانا وأجمعنا بهم في فسيح جناتك اللهم آمين

عن نفسي متزوجة الحمدلله وعندي ولد صغيرونو (حمودي) بس أقول وفي رأيي لو كان الشاب عنده قسم في بيت أهله .. فيه غرفتين ومطبخ صغير مثلاً .. وبشرط أن البنت تشتغل حتى تقدر توفر مع زوجها أحتياجاتهم وأحتياجات البيبي في المستقبل . لأن راتب واحد ما يكفي أبد .. خصوصاً أنه لو تزوج وبهذا الراتب أكيد راح يكون عليه قرض المهر و الملجة أو الخطوبة .. حتى لو كانت بسيطة . فراتبه هو على راتب زوجته .. و الحياة تمر عليهم حلوة إن شاء الله

أخووج غلطان أنه رفع صوته عليج جدام الكل وبعصبية .. يعني ما أحترم وجودكم بين الناس . و موب شرط أن الواحد يكون متدين أختي حتى يكلمج عن الحجاب و الالتزام فيه .. بالعكس آنه أخوي موب ملتزم وفري على قولتج .. بس يغير علي وعلى خواتي وما يحب أن يكون فينا شيء يجذب نظرات الشباب لنا . أنتي أختي تعرفين أنج غلطانة بطريقة لبسج للحجاب .. لأنج تغطين شوي منه وتطلعين شوي .. يعني ما نقدر نقول حجاب كامل لأن جزء من شعرج طالع أنزين شنو العبرة من أنج تطلعين شعرج !!! لفت النظر مثلاً !! يعني الحجاب ماله داعي في هالحالة ! مرة حضرت محاضرة للأستاذ عمرو خالد .. وقال للبنات الموجودات هناك .. تعرفون أن الحجاب فرض .. مو فعل مستحب .. فرض من الله سبحانه وتعالى على المرأة .. ومن تعصي ربها تتحاسب يوم القيامة .. فيقول للبنات اللي مطلعين شعرهم .. تخيلي أن كل ما شاف شاب واحد شعرج حصلتي أثم .. يعني لو دخلتي ملعب كرة قدم وكان كله شباب ورجال .. جم أثم بتحصلين ؟! أنتي أختي في نفس الحالة .. الشباب في المجمع يجوفون شعرج .. فتخيلي جم أثم تيمع عليج طول هالفترة الي انتي موجودة فيها هناك !!! هذا بالإضافة إلى غضب رب العالمين على المعصية . صدقيني أختي حجاب المرأة فخر وأعتزاز لها .. وعن نفسي ما أحب يطلع ولاشيء من شعري ولا حتى جدام ولد خالتي مع أنه مثل أخوي لأن الحجاب .. حجاب كامل .. مو زينة إن شاء الله ما تزعلين مني يا الغالية .. وتأكدي أني ما كتبت لج هالكلام إلا لأني أعتبرج مثل أختي وما أرضى عليج .. وأخوج بيحس بلغطتطه جريب إن شاء الله وبيعرف ان أسلوب العصبية ما ينفع إلا بالعكس تكون نتايجه سلبيه .

لأني متزوجة .. وأعرف غلاة الزوج ومقداره .. أقول يتزوج علي ولا يقولون لي مات لأنه لو تزوج علي .. بس بعد بيظل معاي في هالدنيا أجوفه ويجوفني .. و ما بيصير ولدي الصغير يتيم تره الموت مو شيء سهل صج الزواج بعد مو شيء سهل .. يذبح الزوجة ويخليها تحس بالنقص وأنعدام الثقة في نفسها وفي شخصيتها .. وبيكون بالها مشغول بألف سؤال وأستفسار .. في شنو قصرت حتى زوجها يتزوج عليها !! وهل تزوج عليها لأن شكلها تغير بعد الزواج !! أو لأنها صارت أم وأنشغلت بواجبتها الزوجية عنه !! أو لأنها كبرت وزوجته اليديدة أحلى وأصغر منها !! أسئلة ما لها اول ولا ثاني . بس أهون بمليون مرة من أني أسمع خبر موته لأن بعدها الله يعلم بحالي بدونه .. وحيدة الله لا يقول وأنحرم من زوجي ..

بالنسبة لي كنت أحب أسم (أم يوسف) أو (أم ريم) وطبعاً أخيراً صار عندي بيبي .. ولد لكن سميته (محمد) لأن زوجي كان خاطره في الأسم وأنا كان الأسم هو أختياري الثاني عقب يوسف .. فقلت له أوكي نسميه محمد وإن شاء الله عقب جم سنة إذا صار عندنا بيبي ثاني نسميه يوسف أو ريم

عاشقة عبدالله رويشد تسلمين أبوي على الموضوع وبالنسبة للحمل وللياهل .. وايد ناس يفضلون أنها تكون مفاجئة .. فحتى لو بين شنو جنس الياهل وقت الفحوصات بالـ الترا ساوند يفضلون أنهم ما يعرفون شنو لحد يوم الولادة .. هالشيء حلو .. ما أقولج لا .. بس بالنسبة للزوجة اللي اول مرة تحمل .. تتمنى انها تعرف شنو ببطنها لأنه البكر بالنسبة لها ويمكن لأنها تتمنى جنس معين .. يزيد فضولها .. ويمكن تسمع تكهنات أهلها وقريباتها من حولها عن جنس الطفل من شكلها أو شكل بطنها .. الخ فيزيد فضولها وشوقها أنها تعرف شنو جنس البيبي .. وما أعتقد أن اختيار لون الثياب أو طقم الطفل له علاقة بالموضوع .. أو يمكن له علاقة بس بسيطة .. لأن أغلب محلات ثياب الأطفال ما صارت تلتزم بلون معين .. مثل مذركير .. تلقين عندهم كل الألوان وتكون روعة .. وحتى المحلات اللي تبيع و تجهز سرير الطفل مثلاً .. ما صارت تلتزم باللون الوردي أو الأزرق .

بالنسبة لي تزوجت و الحمدلله أنا حامل الحين .. وما باقي إلا القليل على ولادتي بس لو لا سمح الله .. الله كتب وطلع زوجي عقيم مستحيل ومليون مستحيل اني أفكر أنفصل عنه .. لأني عشت معاه وعرفته وحبيته .. ولأن الله قدر لنا هالشيء .. فليش اعترض على حكم رب العالمين . بسم الله الرحمن الرحيم (وعسى أن تكرهوا شيئاً وهو خير لكم) صدق الله العظيم صحيح أن أغلبنا يفكر في الأطفال ويحبهم ويتمنى اليوم اللي يسمع فيه كلمة ماما أو بابا من ولده أو بنته .. بس إرادة الله سبحانه وتعالى فوق كل شيء وهو الأعلم بمصلحة البشر . بالنسبة للوفاء و الحب .. اغلب الزوجات يرضون بنصيبهم مع زوجهم إذا كان عقيم .. وما تفكر تتركه وخلاص تحمد ربها على نصيبها وتتقبل حياتها مع زوجها بدون أطفال .. لكن الزوج صعبة عليه يتقبل حياته بدون أطفال .. حتى لو كان العيب فيه موب في زوجته .. فلو كان العيب في زوجته أحتمال كبير ان يتزوج عليها وحدة ثانية برضاها وبعد ما يشاورها في الموضوع .. وأحتمال أنه يطلقها ويتزوج غيرها إذا ما قبلت أن يتزوج عليها وفضلت الطلاق .. لو كان العيب في الزوج نفسه .. اعرف شخص كان العيب فيه هو .. وبعد ما عاش سنوات مع زوجته اللي تقبلت عدم قدرة زوجها على الإنجاب ورضت بقدر ربها وحكمه .. فكر بعد كل هالسنوات أن يتزوج عليها وحدة مطلقة وعندها أولاد !! بس لأن خاطره في الأطفال .. و المسكينة بعد كل هالسنوات الي قضتها معاه طلقها ورجعت بيت أهلها وهي مكسورة .. بس والله أعلم وحسب ما عرفت أن تقدم لها شخص ممتاز وأحتمال كبير انها تقبل فيه . الله يوفقها ويرزقها بالذرية الصالحة بعد كل هالسنين .

تقريباً نفس الظواهر اللي ذكروها الأخوات وأضيف عليها ظاهرة (عبدة الشيطان) اللي زاد أنتشارها هالأيام في الدول العربية و في الخليج بشكل ملحوظ

هههههههههههههههه الله يغربل إبليسك ذبحتني من الضحك بسم الله عليك هههههههههههههههه على العموم مشكوووووووووووور ( أخوي ) على القصة ويستاهل الأب هالإحراج من ولده الصغير .. حتى يعرف ان العيال ما تهمهم الفلوس كثر ما يهمهم .. وجود أهلهم معاهم وأهتمامهم فيهم .. أصلاً مجرد إحساسهم بمحبة الأم والأب وأهتمامهم فيهم يخليهم أسعد أطفال في الدنيا

حسبي الله عليه من زوج نذل وخسيس إن شاء الله أيي عليه يوم .. تقول له زوجته الجديدة .. طلقني يا الشايب يا العايب لأنك كبرت في السن وأنا للحين صغيرة وأبي زوج مثلي صغير .. فيطلقها وينسى موضوع الذهب اللي أشتراه لها باختيار زوجته .. ويكون ما له غير دار العجزة أما أبناء وبنات هالأم المسكينة .. فراح يمر عليهم وقت يكبرون فيه وينسونهم عيالهم وما يزورونهم مثل ما هم نسوا امهم وتركوها بدون ما يزورونها ..

مع كل رد تقريباً .. تثاوبت !!! وتره صج إذا ما كنتي منتبهة للي يتثاوب يمج .. ما تتثاوبين .. لكن خلج تلتفتين أو حتى تسمعين صوته وهو يتثاوب على طول تتثاوبين معاه ههههههههههه

الصراحة مغامراتي مع أختي يوم كنا صغار وايد وايد وايد لأن الفرق بيني وبينها بس سنة أتذكر أن أبوي كان عنده زرع ويحب يهتم فيه .. طبعاً أحنا كنا نحب نتسلق الأسوار .. سور بيتنا وبيوت الناس .. فمرة كنا متمللين ومرة وحدة نجوف زرعة أبوي وهو تعبان عليها .. مسوي لها سور من الخشب تتسلق عليه ورابطها في قطع طابوق حتى ما تطيح .. وقمنا أحنا الطرزانات نتسلق السور الخشبي وطبعاً بمساعدة سيقان الزرعة ههههههههه وشوي إلا الزرعة ترجع على وراء وتطيح على الأرض طبعاً صارت كأنها ملحف سرير على الأرض ههههههههه وطبعاً أنا وأختي سكتنا ولا قلنا شيء عن الزرعة لين أكتشفها أبوي .. وعلى طول يدور الخيزرانة ويركض ورانا في حوش البيت .. أحنا نركض وهوه ورانه وشوي ويوصل لنا .. آخر شيء ما لقينا غير (تكرمون) الحمام ننخش فيه ساعة كاملة لأنه ينقفل بسرعة بدون مفاتيح وغيره لين نسى أبوي السالفة وبردت حرته علينا وعقبها طلعنا ههههههههه هاذي غير الألوان الشمع اللي كنا ناكلهم !! تخيلوا ناكل ألوان شمع !! أمي كانت تتعجب إذا عرفت أن الألوان خلصوا بسرعة ههههههه

صج صج مغامرة فيرية من الزين ههههههههه والحمدلله أن أختج ما صادها شيء مع السيارة جاااااااااان بيصيدها خصوصاً أنها كلش ما تعرف تتصرف في هالمواقف وبعد مرور بس عاااد إن شاء الله هاللي صار يخليج شوي تخففين سرعتج في الشارع مو كله فالته والحمدلله أن طلع بنجر بس مو شيء ثاني .. جان بيقولون أختج اللي خربت السيارة يوم خذتها لأن ما كان فيها شيء

العيون العسلية : رغم القلب الطيب الذي يتمتعون به، فهم أناس غير صريحين مع أنفسهم كما مع غيرهم، يبحثون بشكل دائم عن الصحبة لكنهم يلفّون ويدورون كما لو أنهم في دوّامة. ويعتمد أصحاب هذه العيون على أنفسهم منذ الصغر فلا يحبّون الإتكال على الغير أبدا.ً آنه بعد مو كل شيء صح أنا صريحة مع نفسي .. وبعد ما أحب اللف و الدوران .. و الحمدلله قلبي طيب ودائماً أعتمد على نفسي

أحنا أختي بعد شاركنا في المسابقة .. بس ما عندنا فكرة متى النتائج أو كيف راح يعلنون عن أسماء الفائزين بالمسابقة !! إن شاء الله يقدر احد يساعدنا بهذا الخصوص

أنا أتفق مع أخوي حمود سلمان الإنسان ما يتعقد من شيء مني و الطريج .. لازم يكون في سبب لهذه العقدة .. شيء صار وخلاه يتعقد . مثلاً واحد سافر مع أهله والطائرة صادتها مشاكل في الجو وكان أحتمال كبير أنها تطيح فيهم .. لولا أن الله سبحانه يسر لهم وأنزلوا مطار أجرب مدينة لهم .. خلاص الواحد يتعقد من السفر وما وده يسافر مرة ثانية حتى ما يصيده نفس الموقف المخيف .. أو وحدة مثلاً كانت عندها خدامة في البيت .. مرة وحدة تكتشف ان خدامتها تدخل رياييل البيت بدون ما يدرون .. تقوم تقول للخدامة أن خلاص باجر ترجعين ديرتج .. تقوم الخدامة من القهر تصارخ و تكسر أغراضها وتسوي روحها مينونة وتهجم على أهل البيت .. تتخيلون أن هالأم ما بتتعقد من الخدم !! ما اعتقد تفكر أتييب خدامة مرة ثانية أو على الأقل خدامة من نفس الديرة هههههههههه يعني مواقف تصيد الواحد تخليه يتعقد من شيء او مكان .. مثلي آنه تعقدت من شيء أسمه شركة التأمين ( ..... ) كنسلو سيارتي وعطوني مبلغ سخيف بالنسبة لسعرها .. ومع اني حاولت معاهم يرفعون التعويض ما رضوا حسبي الله عليهم .. وبس تعقدت من شركتهم ومستحيل أتعامل معاهم مرة ثانية إذا طلعت السيارة اليديدة ..

يا الله أكثر شيء عور قلبي الأم المسكينة .. لأن اللي تعرضت له يفوق كل اللي تعرضوا له عائلتها .. لأنها كانت موجودة مع الريال وولده .. جافت الريال وهو يموت جدامها .. وتم الولد عندها .. وبعدها الولد مات بين يدها وتركته من يدها (الله يرحمه) يا ربي عورني قلبي .. ما اعتقد أنها راح تنسى الي صار بسهولة الله يهون عليها وعلى كل شخص فقد له عزيز أو قريب في هالحادثة ..

سبحان الله .. ما أعظمها من قصة اللهم أحسن خاتمة أعمالنا وأعمال من نحبهم فيك اللهم أحسن خاتمة أعمالنا .. وأجمعنا اللهم بالأنبياء و الشهداء في جناتك اللهم آمين

حسبي الله ونعم الوكيل قصة حزينة وتعور القلب .. مسكينة هالزوجة الله يصبرها على فراق زوجها الله يحفظ لي زوجي من كل شر .. وما يحرمني منه طول العمر

الزواج هو نصف الدين شنو فايدة الشهادة لو بقت البنت بدون زواج !! يعني بمعنى أوضح يطوفها قطار الزواج أعرف بنت كانت ترفض فكرة الزواج .. وتفرغت للدراسة .. وبعد ما خلصت دراستها أنتظرت الزوج بس طال أنتظارها وهي الحين بدون زوج وبدون أطفال .. وتحس بالندم لأنها فرطت في اللي تقدموا لها .. لأنهم كانوا شباب مناسبين لها وما فيهم عيب .. بس أنانيتها ورغبتها في مواصلة الدراسة حرمتها من الأمومة .. البنت تقدر تواصل دراستها بعد الزواج .. يعني لو فرضاً البنت تقدم لها شاب وهي تدرس في الجامعة بترفضه لأنها ما خلصت دراسة !! طيب شلون تضمن أنها تتزوج بعد التخرج !! وهل بتنفعها شهادتها لما تكبر وتعنس وتعيش وحيدة في حين أن خواتها وإخوانها تزوجوا وصار عندهم عيال !! وكيف راح تكون نظرة المجتمع لها وهي تعيش وحيدة في شقة أو في بيت بروحها !! الزواج مهم ومثل ما قلت يمثل نصف الدين

حسبي الله ونعم الوكيل الأم والأب ينفصلون وما يفكرون في عيالهم ومصيرهم من بعد هالانفصال شنو راح يكون !! والغريب أن الأم ما تكلم ولدها !! وما رضت أن أخوانها يتدخلون في الموضوع !! يعني تجوفها عدلة أن بنتها الوحيدة تنضرب هالضرب المؤذي وتنكسر يدها وتبقى هي ساكتة !! ولا تأثير أنفصالها عن زوجها خلاها تتجرد من المشاعر و الرحمة !! لا حول ولا قوة إلا بالله العلي العظيم .. لو كنت آنه مكان هالخوال جان ما سكت .. يعني أختي على عيني وعلى راسي .. بس البنت قاعدة تتأذى وفكرت في الانتحار !! أقوم أسكت بس لأن أختي تقول لا تتدخلون !! شنو ينفع الندم لو البنت تأذت أكثر من جذي !! وهالأخ .. والله أني مستغربة منه !! تضرب أختك بهالقوة ليش !! ما تخاف عليها !! ما تحس بنقص في رجولتك لما تجوفها تبكي من ألم الضرب !! حسبي الله عليك ونعم الوكيل ياريت لو يتعرض لهالضرب لو مرة وحدة حتى يعرف مقدار الألم اللي سببه لها .. والله يسخر لهالبنت من يقدر يحميها ويبعدها عن الظلم اللي هي عايشة فيه .. ومردها الأم بتندم على أنها فرطت في بنتها .. وسمحت لولدها أن يضربها ويعذبها وهي ساكتة ووتفرج قهر والله العظيم قهر

آنه بعد من صباح الله خير كوب الجاي جاهز .. وساعات إذا ما حصلت وقت أشربه في البيت أخذه معاي السيارة مدمنة على الجاي بشكل غريب خلاص من اليوم ورايح أول شيء الريوق وبعدين الجاي

وهالملكة دام هي كارهة المسلمين لي هالدرجة ليش تصدر منتجات بلدها لدول المسلمين لكن خلها تعرف قدر العرب .. والمسلمين بشكل عام لما تبتدي تكتشف خسائر المقاطعة .. وتأثيرها على اقتصاد بلادها بشكل خاص ذيك الساعة خلها تصرح بأن البلدين صديقين ... الخ من الكلام الفاضي

أوافق وريلي فوق راسي بعد .... مو بعد يهدوني في القصر لو يربطوني فيه بعد هم قااااابل هههههههههههههههههههه ضحكتني أخوي .. أنا مثلك اكييييد باوافق .. بس ما يربطوني عااااد .. على الأقل أقدر أتحرك مني مناك شوي يعني أتجول .. أغير جو في القصر .. وعقب خمسة شهور .. عطه يا طلعات ويا تشري بالمليون اللي حصلتها

صح المفروض ما نسامحهم بهالسهولة لازم نبين لهم أن حمية المسلمين على رسولهم و على دينهم الإسلامي مو سهلة .. المفروض أن خسارتهم تكون عظيمة .. حتى يكون لهم درس قوي وعبرة أقوى ..