مرحبا
مشكوره اختي ع الموضوع الحساس والمهم واااااااايد
انا اشوف ان هاي المسأله حلها في يد اولياء الامور اشلون
1) انا احط لكل واحد من العيال تلفزيون في الغرفة وفيه ثلاث اقمار على الاقل عرب سات نيل سات والهوت بيرد واشلون مابي الولد او البنت يشوف هاي الاشياء الولد يمكن اول مره بيتفاجأ ثاني مرة يبي يستكشف ويشوف ثلاث ورابع مره الى الادمان
الحل: انا اشوف ان ماله داعي في كل غرفة تلفزيون لكن لو احنا حبينا نحط نحط لهم بس قنوات عرب سات ونيل سات لان الهوت بيرد كلش ماله سالفه احنا كان عندنا وكنسلناه خلينا قمرين بس.
2) الانتر نت نفس الشي نحط حق الولد انترنت في غرفته ويقدر يستخدمه في اي وقت ويدخل اي موقع على راحته
الحل: الانترنت يوضع في مكان مشترك الكل يستخدمة والكل يقدر يشوف هاي الشخص وين داش اما اذا حبينا نرتب المكان ونخلي الانترنت في غرفة النوم في برنامج نقدر نشبك جميع الكمبيوترات في البيت مع الكمبيوتر الرئيسي الي هو المفروض يكون كمبيوتر الاب ويقدر يوضع عدة برامج عشان يعرف كل واااحد من العيال اش المواقع الي يدخلها (صج هاي نوع من التجسس) بس لازم يكون رقابه والعيال ما ينهملوون.
والام لها دور كبير في هاي الموضوع لازم اهي تتقرب من العيال وتفهمهم الصح من الغلط وتبين لهم عقوبة كل فعل خاطئ عشان يتجنبونه
واللحين بعد طلع لنا البلوتوث الي يقدون العيال يستقبلون اي شي عن طريقه (هاي التكنلوجيا ومساؤها ) الله يعينا ويحمي اعيالنا من هاي الاشياء
المفروض احنا ناخذ من التكنلوجيا الاشياء الزينه ونبتعد عن المساوئ لكن احنا اللحين نرووح نركض ورى المساوء ونخلي الايجابيات
سامحوني طولت مع ان بعد عندي كلام وايد
مع الف سلامه