***فجر الرحيل***

اختي دامج اخترتي الكلية خلاص تلغى البعثة وتصير في الشواغر.... لأن الوزارة تعتبرج مبتعثة اوردي في كلية المعلمين وحتى اللي حصل منحة هم يلغونها له وحياج الله بينا في الكلية يا معلمة المستقبل

ممم انه آجوف كلية المعلمين خيار افضل ومضمون مستقبلاً وراح تعتبرين مبتعثة عندهم لان اليوم اتصلو فيني الوزارة وقالو لي آختار بينها وبين المنحة واخترت الكلية طبعاً .. انتي اتصلو لج يعني ؟؟ في النهاية انتي وميولج

مشكورين ما اتقصرون بس مب عارفة شاسوي المشكلة اني من النوع اللي ما اعرف اقول لاء .. واخاف اجرح مشاعره رغم كل اللي سواه فيني

جفتو احد مثل غبائي رديت كلمته يا زعم بزفه . كسر خاطري ! عطيته امل يرجع ! احس اني صرت ضعيفة .. استسلمت وخليت قلبي يسيطر علي .. اهو انا ما قلت له ان بنرجع بس قلت له بنجوف اش بيصير مع الايام افففففففف الحين شلون ارقع اللي سويته .. حتى صديقتي زعلانة علي بسببه وزفتني زفت

مشكورة حبيبتي على المتابعة ما اتقصرين

اكتشفت الهوايل ... والمشكلة اني للحين مب مستوعبة اللي يصير احسه حلم ... المهم صديقتي قالت له اهي من ...وانها من طرفي وجذي وقالت له شلون تلعب في مشاعر البنت وهي بنت عمك تخيلو .. قال لها (( يلا مناك خلصوني .. ذلفو )) وقال (( انا ما لعبت في مشاعرها اللي يابت الشي حق روحها واهي اللي خلت الامور توصل لجذي ))!!!!!!!!!!! احسه فيه مرض نفسي هالصبي يجذب الجذبة ويصدقها مشكوريــــــــــــــــــــــــــــــــــــــن وااااااايد على النصايح وكلن على نياته وحبل الجذب قصير

مشكوووورين على المرور والرد (حداوية مشكوورة على المتابعة نورتي ) وصراحة انا ما اقدر اثق فيه عقب اليوم يعني حتى لو عطيته فرصة الثقة بتكون معدومة .. يعني راح يتم الشك مسيطر .. و انا عطيته فرصة وقلت بفتح صفحة يديدة بس اهو تم يجذب يعني لو كان صاج جان اعترف .. شكله ماكو فايدة

ما ادري شاقول .. انا عقب اللي صار, ثقتي فيه مستحيل ترجع مثل قبل وانا مب ندمانة على شي لاني والحمدلله ماسويت شي غلط

مشكورين حبايبي على الرد واليوم طبعا ما بين ولا جفته لان ماله ويه عقب ما كشفته .. ورحت اليوم وفتحت السجلات طلع في جم سجل ما قفلهم اكتشفت انهم بعد بنات ولا يكلم وحدة (( بالكـــــــام )) وما خفي اعظم !!! طبعا غير اللي عليهم قفل ما دري شلون طاوعه قلبه يسوي في بنت عمه جذي !! ولا لما قلت له كل شي انتهى قال انا ابي اكمل حياتي معاج !! جنه على كيفه .. يبي يلعب باعصابي الله كريم

مشكورين على الرد وانا لما كلمته ما حسيت انه ندمان ولا كأنه مسوي شي من اساس ! اللي حاز في قلبي اني بنت عمه وكنت اظن انه اكثر واحد بيخاف على مشاعري ..

ســـــــلام انا كنت على علاقة مع ولد عمي والسالفة وما فيها اني اكتشفت انه خاين ... قبل سنتين اول ما خذيت لي تلفون قمت اجوف رنات وماعرف الرقم وعقب مدة عرفت انه ولد عمي المهم , عقب ما جفت الا عمي اللي اهو قريب مني ومنه قام يكلمني عنه ويمدحه جدامي وتالي قال لي ان ترى ولد عمج (..) جذي مشاعره اتجاهج ... انا احترت وعقب مدة سبحان الله تقربنا من بعض وصرنا انكلم بعض جدام الكل وما يهمنا شي , واهو كان الشي عنده عادي حتى امي وامه درو عن مشاعرنا تجاه بعض .. مرت الايام وابوي درى وصارت له مشكلة ورغم كل اللي صار مازال متمسك فيني وعلاقتنا بالعكس صارت اقوى من قبل ,والحين صار لنا سنة والحمدلله في احسن حال .. لكن قبل شهر واهو يكلمني قام يتقشمر يقول انا بروح اكلم بنية وجذي عن قشمرة .. اهني صرت اشك و صراحة جفت سجل محادثاته في المسن وجفت انه عطى رقمه بنت .. اهني الدنيا لفت فيني وما صدقت .. واجهته وما كان عنده رد .. ولما كلمته فيس تو فيس ما قدر ينطق . تالي حبيت اختبره اكثر فخليت صديقتي اتكلمه وتجاوب معاها واكتشفت انه كان مسويني بلوك ويروح يكلمها وعطاعا الرقم وكل شي وحتى تواعد معاها يا زعم .. الحين اهي خلاص سوته بلوك وديليت لان كشفنا كل شي وانا قلت له اني مو منتظرة منه شي عقب اللي صار .. اللي محيرني انه ماخاف ان يعلن هالحب . وحارب عشاني وتالي يخوني ويجذب علي وحتى لما قلت له بفتح صفحة يديدة وراوني كل البنات اللي عندك بعد ما راواني ايميل رفيجتي !! الشي محيرني وااايد وطالبة رايكم امتنى اتفيدوني

في هالزمن صعبة ان الواحد يعرف اذا الولد صاج او لا ..بس يعني في بعض الاشياء اللي اتبين هالشي مثلا لما يكون يحبج راح يخاف عليج وما بيرضى عليج اتسوين اي شي غلط .. وبيكون في نظره ان علاقتكم رسمية يعني اذا كان في سن مناسب لازم يتقدم لج او يطلب اذن من اهلج على الاقل عشان يكون في فترة تعارف لين يصير كل شي رسمي .. ..... اما بالنسبة لحب المراهقة فهو اعجاب لاغير ونادر يستمر يعني.. واذا كان الشخص جاد راح يصبر ويتمسك في حبه . لين ما يجي الوقت المناسب عشان يعلن هالشي ** تحياتي**

والله يا خوي ذكرتني بشخص اعرفه صارت له نفس المشكلة بالضبط وهو الحين وايد حزين ومب قادر ينساها المشكلة اني نصحته ينساها لان هالشي ما ما يجوز مثل ما خانت ريلها ممكن اتخونه .. اقنع رفيجك ان ينساها ولازم يصير جذي لان ماكو حل غيره وخل يشيلها من باله حتى لو كان هالشي صعب وهي لو صج عندها احساس جان قالت له من اساس ما علقته معاهــا جذي بدون ضمير الغريب ان ان هذي الشي منتشر كل وحدة وراحت حبت لها شخص وقالت ريلي حارمني !! هذا عذر وين قاعدين ! الله يصلح حاله وحال اللي اعرفه والله يكسر الخاطر

95 مافي شي وراها ولا جدامها