بخصوص اللبس ..
المسلسل يمثل الخليج و لو كان من طبقة الاثرياء .. لو اكتفت الممثلة بلبس المحتشم الانيق شبيصير ؟
اتووقع بعد بيلبسون الممثلات أقمصة نووم شبه عاريه و اتقول ان نقصد من المشهد ان الممثلة مع زوجها !!
بخصوص القضايا ..
اعتقد المسلسل يناقش قضايا مستهلكة و مطروحه من قبل و بمعني ( لاعت جبدنا منها )
و بالنسبة للفنانة بدرية أحمد .. ندري ان حرية شخصية بس مو في التلفزيون لازم ما ترضى على نفسها الا تقدم ادوراها بصورة حلوة و محترمة مع احترامي لها
المفروض من المخرج انا ما ينسى الحذافير او الاشياء الصغيرة .. في اشياء ما تخليك تعيش في جو المشهد او تحسسك ان فعلا هالشي يصير
و سالفة اغتصاب غرام .. البعض يعرف انه مشهد مركب لكن في ناس ما تدري و ما فكر المخرج شنو رايح يصير لو الاطفال جافت هالمشهد بدل ما يفكر شنو بيقولون عن المخرج لما يعرف يركب مشهد !!
و هل يلاقي المخرج ان المسلسل يصلح ان العايلة تجتمع و تجوفه ؟؟ ..
وينهي مسلسلات قبل و مسلسلات الحين شتان بينهم .. و الله يستر من الجاي !!