a7la banoOoOota

ابي أناااام لكن الشغل ما يخلص <_<

صباح الورد صباح الدراسة اللي ما تخلص

1814 أعضاء يتصفحون المنتدى 1 أعضاء, 1813 زوار, 0 أعضاء متخفين ترى 1 أعضاء أنا

العاشقة بنتج اتينن ما شاء الله عليها الله يحفظها و تجوفينها عرووس يارب

سنة ثانية

وَأبحَثُ لنَفسَي عَنْ مَقْعَد بَينْ [مقآعدكم] أجَدهُ وَ أقَتربْ مَنْه..! أنْظَر حَوليْ فـ / أجْدكَم..!وَ أبَتسْم اختاري أيَّ مقعد شئتِ .. فـ جميعها فاااااااضية حياج الله

المكتوب ينفهم من عنوانه <_< محد عطاك ويهه يعني عطنا مقفاك <_< المنتدى طيب و اهله طيبين .. الناس الوصخة ما نبيها <_< دامك عضو يديد .. دور لك منتدى ثاني طلع ريشك فيه <_< قطيييييعة <_<

اذا وحدة من نسوانكم كفو تسوي مثلها تعالوا عيبوا أمة فاشلة .. فالحة في التطبيل <_<

خلص الفصل الثاني و ما كتبت شي .. اصلاً الواحد شلون يقدر يكتب .. و من وين بياخذ الكلمات .. الفصل الثاني .. الفصل الأول من السنة الأولى .. أسوأ فصل قد يمر في تاريخ الكلية .. قبل أن نعاني - احنا الطلبة - عانت جدران و أبواب الكلية .. بداية الفصل ندرس و أصوات التشييع طالعة من جهة المشرحة نسمع شرح الدكتور .. و صوت سيارات الاسعاف تدوي في الطوارئ ناكل و نضحك في الكافتيريا .. و قلوبنا خايفة من أي هجوم مرتقب انضرب الدوار أول مرة انضرب المرفأ المالي و عشنا في بؤرة الأحداث غصباً عنا نص الفصل تفاجأنا بمسجات تعلن العودة إلى الكلية عدنا إلى مقاعد الدراسة بقلب يملئه الحزن .. بنفسيات محطمة نضطر يومياً أن يفتشنا من لديهم نظرات .... أصبح طبيعي جداً .. أن نستمع إلى الدرس و عيون العساكر تطل من الباب تبحث عن مطلوب أن نمشي في الممرات و نسمع أصوات العساكر يضربون أخواننا الطلبة نداري قلوبنا عندما تنفجع باعتقال طلاب شاركونا مقاعدنا و وجباتنا ندفع الصدمة عن أنفسنا .. عندما نكتشف أن " مُخبر الكلية " كان صديقنا نستمع إلى كلمات حقيرة خرجت من أفواه أحقر .. و نضطر إلى تحملها عشنا بجحيم .. لعن الله متسببيه نهاية الفصل انتظرنا اليوم الأخير طويلاً .. و عني أنا .. كُنت أشد الصابرين .. أتى اليوم الأخير .. ودعنا بعضنا نمت ليلتها مطمئنة البال .. فلا كلية و لا خوف أتاني اتصال في اليوم التالي .. وقعت مشكلة في أحد المقررات تسبب بها من صغر عقله و قلت حليته سامحهم الله . . . لا تأبهوا كثيراً .. فلا زلت متفائلة - جداً - بغدٍ أفضل .. و لا زلت متفائلة .. أن ما تكسر في قلوبنا .. سيُعاد اصلاحه .. و سنعود أقوى .. و أزهى " قد يقرأها أحدهم يوماً "

أخوي علي ممكن سؤال صريح و تجاوبني عليه .. و للعلم أنا ابداً مو قصدي أحبطك لو شي .. أنت ليش ذابح روحك على بحرين تودي ؟؟ لازم تجوف المعطيات اللي جدامك .. لا ادارة قاعدة تسيطر بشكل فعلي لا اعضاء متواجدين .. و لا ستايل عدل .. طبيعة الجو في بحرين تودي تخلي الواحد ينفر .. مشبع بالطائفية + كله هواش + ما في تقدير + محد ياخذ حقه .. جوف بنوتة ( نسيت نك نيمها الكامل ) بس هي كانت المراقبة في الديوانية كانت شايلة الديوانية فوق راسها .. شنو حصلت ؟؟ جوف شيفا .. شلون خلت الديوانية في أوج زهوتها .. من قدرها ؟؟ جوف روحك .. ما كنت مدير عام ؟؟ .. شنو السبب القوي و المفحم اللي رجعك عضوو غير إنك عبرت عن رايك في توقيعك .. رغم إن رايك ما كان يضر مصلحة المدير العام .. و أنت المشهود لك بالنشاط جوف الناس اللي انطردت .. كلها بسبب واحد اسمه ابراهيم بن ما ادري من و ربعه .. حتى لو كانوا يبون يتكلمون عشان يدافعون عن نفسهم ما يقدرون و يطلعون هم الغلطانين يا أخوي يا علي .. المسألة أكبر من 2007 أو حتى 2005 محد يحب يقعد في مكان محد يقدره و يحصل من خلاله مشاكل .. في النهاية ما اقول إلا كلمة وحدة .. جفت الشخص اللي قدر يجمع الفنانين الخليجيين و هذي سابقة ما صارت و لا في اي منتدى ثاني .. و اللي قدر يرتقي بمنتداه لين ما تطرشت له برقية من الشيخة سبيجة .. هو الوحيد اللي يقدر يرجعه مثل ما كان ..

اخوي السماهيجي لا تعور قلبك و لا شي .. لا 2007 لا بطيخ .. بحرين تودي كان في القمة .. و وصوله للقمة ما يعني بقائه للأبد عشان تعرف شلون ترجعه لازم تعرف أسباب تدني مستواه و اعتقد ولد مندي عنده الجواب الشافي

بحرين تودي صار ميت على كُلٍ .. الكثير من الاحداث الجميلة و اللي مو جميلة صارت في الكلية خلال هالفترة .. حسيت روحي فهمت الكلية عددل .. و مستعدة تمام الاستعداد للفصل الياي (( السنة الاولى )) B) المتبقي اختبار انجليزي + اون لاين كويز اختبارين بيلوجي + برزنتيشن + امتحان عملي اختبار تمريض + عملي هذلين على آخر اسبوعين او ثلاث اسابيع و خلاص

وحشتوني

السلاااااااااام الله يوفقكم ان شاء الله و يراعونكم في المنتصف :lol: و شدوا الهمة عشان درجة الاعمال و النهائي هالإجازة طافت بسرعة بسرعة و لا حسينا فيها .. آبي بعد اسبوع عن خاطري بالنسبة لدرجاتي مو وايد زينة .. بس الحمدلله الانجليزي .. عطونا امتحان يبت فيه 13 و شي من 15 .. السادسة على الصف الاحياء .. يبت فيه 14 من 15 .. على حااااغة بايخة و يوم الثلاثاء عندنا امتحان .. ربنا يسهل الحليو في الكلية إن الامتحانات كلها ضعي دائرة .. و الاساتذة و الطلبة حليوين حددهم ما شاء الله .. أحسن من أيام العلمي الضغط و الذبحة .. الطلبة يقولون هالسنة بتصير خفيفة عليكم و بعدين بيبدي الجد بس يالله الحمدلله على كل حال مع إن شوي في صعوبة في الحفظ لأن بالانجليزي .. بس اللحين صايرة أهون من بداية الكورس

وحشني المكان هني و انا مختفية أقول يمكن اللحين انشحنت الفضفضة .. اثاري محد ماعطها ويه بس الكلية لحد اللحين كل شي تمام .. هالفصل صاير اورينتيشن و ما في ضغط و ذبحة و لا لي بارض ادرس و أجيس شي .. هذاك الاسبوع طاف و لا حسيت فيه هالعطلة قايلة بدرس فيها احياء ان شاء الله ضيفوو لا و الله ما كانت مبالغة .. الضغط النفسي يولد الانفجار انا يوم كنت في الثانوي ما ذبحونا إلا على سالفة العلمي .. كأن اللي يدش علمي مو آدمي يسوي نفس الباقي إذا مو أخس

صاااااااار عمرررري 18 كل سنة و أنا طيبة كبرررررت

قاعدة اشتغل على الريبورت الأول <_< مللني و ياب لي النودة <_<

صباح البيلوجي بديت أحبه بصراحة B) باقي الهيستوري اوف نيرسنغ و ريبورتين و برزنتيشن B)

صباحك نووور.. صباحك مدرسه .. ونعاس طفلٍ فـ آخر الطابور صباحك أم.. تخوّف ولدها بطاري الدكتور صباحك "لمةّ أصحابٍ" نسوا بـ أن الزمان يدور صباحك ضحكة بنيّه تقول لصاحبتها |..أسرار..| صباحك .. هدهدة أشـعـار .. وعاشق يهمس لخله: أنـــا ما أشك.. بس! ]أغـار[ صباحك طفلتين صغار.. جمعهم صف وافترقوا.. وتلاقوا يوم صاروا كبار صباحك نور أصبحنا و أصبح الملك لله .. الحمدلله ما علي اشياءات وايد ..

بصراحة بصراحة .. الكلية كلش كللللش غير عن المدرسة .. وحشتني أيام قبل .. وين أيام قبل اللي صوتي يوصل لآخر الممر .. و الكشة شكبرها من الصبح .. أيام الصراخ و المراكض .. أيام التحلطم و الضحك .. اذكر من كانت وحدة تبي تتعلف أسفل في حظها حصلت أحسن ربع في حياتي .. و عشنا مغامرات عجييبة .. في معلمات وايد حبيتهم .. ابي هذاك الزمن يرجع .. البنات و صفنا و الطابور اللي كلش ما يذبحنا من الحر .. أيام ما تدخل معلمة الكيم تشرح .. و أيام ما كانت معلمة الحيا تسولف معانا .. كل زاوية في المدرسة لنا فيها ذكرى .. كل شي واحشني .. من اذكر المدرسة .. يصيدني شعور بالاشتياق .. وحشتني المدرسة .. ابي ارجع .. يصير ؟؟ أنا مرتاحة في الكلية .. بس مو مثل حلاوة المدرسة .. المدرسة لها طعم ثاني ..

عبالي الاورينتيشن أسهل كورس و بنرقد و بنلعب عندنا خمس مواد كل وحدة تبي شي توفيقك يا رب

باجر .. عندنا بيلوجي تبينا ندرس اللي عطتنا يوم الخميس .. اختبار نيرسنغ في بعض التعريفات أنا عاارفة كل شي .. بس المشكلة اللغة .. أول مرة أحفظ شي بالانجليزي و أقدم فيه اختبار خايفة سو مج .. ما ابي انقص النفسية صايرة بطيخ .. و ابي ادرس النيرسنغ و أكمل البيلوجي .. و النومة ضاربة حدهاا .. لازم أنخمد من وقت لأن الباص ايي ست إلا ربع فيني صيحة حددددي

ما عندي مكان ثاني أفضفض فيه .. هناك بروحي صايرة اليوم عطونا ملزمة أحياء .. مب عارفة أحفظ بالانجليزي من ناحية المعاني و الحجي .. عندي قوقل اترجم منه بس تعالي حفظي ساعة تقريباً على صفحتين كل صفحة جمن سطر ضااايعة حددي I'm tired