*النايفة*

اشدعواا،، آنا اعرف بنات واااايد لابسين دفة راس واهم اللهم يا كافي ،، استغفر الله رب العظيم من تحت لي تحت.. واعرف بنات سفور وما شاء الله عليهم قمة في الاحترام .. يعني الحجاب مب بس مجرد قطعة تنقط ع الراس ،، الحجاب في النفس قبل انه يكون ع الراس اشفايدة القطعة اللي بتغطي الراس ومن داخل البنت وسخ متعفن ومريض.. هذي يبي لها طبيب نفسي يعالج الشعور بالنقص اللي تظن ان بحركاتها اللي ذكرتها قبل اخوي ان تلبس ضيج والدفة مبطلة والباقي من هاهلحركات المكشوفة.. وبعدين اللي يبي يفرض احترامه على كل صغير وكبير يعرف .. وعمرها ما كانت هالقطعة اللي تنقط ع الراس مقياس للاحترام والشرف.. واللي يمشي واهوا محترم نفسه يفرض احترامه ع الكبير قبل الصغير يعني كا اللي لابسة دفة شبهة واللي بدون الكل يشهد انها محترمة.. فاسمح لي اخوي اعارضك بجزء وأأيدك بجزء ثاني من كلامك.. والسموحة..

اييييييييييييي نبي قسم خاص لمكسورين الجناح شرط تسمونه قسم مكسورين الجنااااااااااح ههههههههههه مساكين احنا

اهوا صح ان الانسان الطموح دائماً يلاقي العوائق اللي تعيق تقدمه بس السؤال هني يقول اهو هالانسان يقدر انه يتخطى هالعوائق ويتحداها بحيث ان نقدر نطلق عليه طموح؟؟ والا انه يوقف ويقول خلاص آنا طموح وصلت لين هني وهذا اللي آقدر عليه .. خلونا ما نروح بعيد .. اللي صار هالفترة في التخصصات في الجامعة .. كل من شاف الوضع الخايس اللي فيه صاروا فيه كل المتقدمين للجامعة.. هني نعرف منو الطموح ومنو اللي طموحه محدود او نقدر نقول عنه اهدافه محدودة.. فتلاقي اللي يقول خلاص آنا مابي هالتخصص ومابي آدرس ومادري شنو.. وتلاقي الل يقول لا آنا رغم هالتخصص اللي ماندري عنه شي بادرسه وباخذ مؤهله وإذا الله أحيانا لذيج الساعة بادرس تخصص ثاني وزيادة الخير خيرين.. هذي نقدر نقول عنه طموح وأهدافه مرسومة بدقة.. خلاصة كلامي ان الانسان الطموح مب اهوا اللي يوقف عند حد معين ويقول هذا اللي الله اكتبه علي.. الانسان الطموح اهو اللي يطمح لأشياء أكبر من اللي حصلها ومستد انه يحارب عشان يوصل لها وكل ما يوصل لهدف يحاول يوصل للهدف اللي أكبر منه اللي اوصلوا لأهداف عودا مب أحسن منه.. ووو بس هذي اللي عندي.. سلام،،

السلام،، اممم اكو مواضيع صج حلوة بس أحيانا اللي يدشها يكون ماعنده رد عليها فانتي شتفضلين؟؟ ان يرد عليج رد محترم والا يرد عليج مشكورة وخلاص يطلع؟؟والا تبين ان ما يكون الردود بموضوعج وايد بس يكون كل رد أحلى من الثاني؟؟ هني انتي تختارين.. وماله داعي تعصبين ،،ريلاكس ،،تعودي .. هذي حالة كل منتدى .. سلام،،

ما يفتحون لي .. أبي اجوف نسبتي جم صارت..

ماعرف شي عنه يعلهم ذبحه ،،حذفونا كلنا فيه.. صج أي أحد يعرف عنه شي يخبرنا..

Monmon_Cute اذا كنتي تقصديني .. فشي طبيعي ان كلامي مو شي يديد لأن الشي منشور في الجرايد وبكل مكان.. وماله داعي ردج علي..

شنو راح يسون اول يوم في الجامعة بما ان انتقالهم من مرحله الثانويه الى حياة ومرحله جديده في الجامعة .. اول يوم عادي تعودنا على الوضع في المدرسة وامردنا انتعود على الوضع في الجامعة.. شنو راح يكون انطباعهم ؟ عارفين الوضع قبل لا نروح وما اظن اني ممكن استغرب من شي شلون راح يتصرفون اول يوم ؟ عادي،، ماكو شي يستدعي ان نستانس غير ان بنجوف بنات من سن ابتدائي مو شايفينهم.. هل راح تتغير نظترهم حق الجامعة بعد جم شهر ؟ ما اظن لني عارفة الجامعة وسوءها وقدموا لنا البشارة على طبق من ذهب لمن حذفونا كل ابونا في تعليم تطبيقي اللي يستاهله واللي ما يستاهله مشكاهم لله.. بس اهم شي سؤال اول يوم شنو راح يسون او تسون ؟؟ والله مادري بس يمكن اتم ويا رفيجاتي وما نحضر أول يوم..

هالدفعة 3000 طالب وطالبة تعليم تطبيقي و 1000 مهددين بالفصل و56% من الطلبة المقبولين هالفصل مو مأهلين لمواصلة الدراسة يعني اقبلوهم عساس يرفعون ميزانية الجامعة على ظهور خلق الله غير هذا هالتخصص زفت كلش وكل كورس لازم 6 مواد وما تقدرون تغيرون هالتخصص وفوق كل هذا الشهادة دبلوم مشارك اشتنفع بالله هذي؟؟ واللي أوضاعهم ما تسمح بجامعات خاصة ياكلون تبن وايتحملون ذل مريم الخليفة .. مالكم غير انكم تشكون حالكم للي خلقكم وتخلونها على الله وكل واحد يجد بيحصل تعبه.. والله يوفقكم ..

الالالالاي أحب جذي وناسة.. يسلموا ع النقلة..

فعلاً كما عودنا هذا البطل المغوار دائماً وأبداً له منا التحايا والإجلال.. صدق قولاً وفعلاً.. حفظه الله ورعاه من كل شر محدق.. سلمت يداك أخي ..

آنا ما يأثر فيني اللي طاف بالعكس يخليني أعرف شلون اتعامل مع اللي جدامي ويعطيني صورة عنهم.. ولو كنت حاطة ابالي هالشي جان من زمااان هديت المنتدى باللي فيه بس أعرف شلون أتصرف مع اللي جدامي واللي قاعدة اناقشه و آنا مب مثل هذولا اللي أقل شي قالوا انهم خلاص بينسحبون من المنتدى عشان انحذف موضوع لهم.. اعرف ان لو ماكو سبب في حذف الموضوع جان مستحيل ينحذف .. واذا كنت واثقة ان الموضوع ماكو اشكال فيه وانحذف آنا هني بوقف للي احذفاه وباسأله واذا تبين لي ان اكو اشكال فيه آنا بنفسي راح أشكره لأنه عدل صورتي.. وموقفي ..

وايد ايتكرر هالموضوع بشكل غريب سبحان الله بس مجرد الاسلوب يختلف ولو نرد نلقاه مثل الشي بعد..

طبعاً كل واحد قبل لا ايتقدم للبنت لابد ان يسأل عنها وعن أهلها واصلها وفصلها و طبعا الناس ما تخلي شي تقول الزين والشييين يعني ما اظن ان احد ما يعرف سمعة اللي بياخذها وبالخصوص عند الشباب أما لو صار وتزوج واهو يجهل ماضي هالبنت .. وواثق منها كونه ما سمع عنها شي يدنس سمعتها او يلون صفحتها بعينه .. والبنت تابت لربها وعاهدته ان ما يتكرر اللي صار في الماضي واهي على ذمة زوجها فآنا من رايي ان ماله داعي تكشف أوراقها جدامه.. ليش؟؟ الزوج نفسه راح يشك فيها والمشكلة اذا كان من اللي يمشي ورا مثل بو طبيع ما ايوز عن طبعه .. الزوج بيحط اباله ان اهي قبل لا انتزوج خانت أهلها بماضيها فآنا شيضمني انها ما تخونني @!@ وإذا الله أراد ان تنكشف الاوراق بيوم من الايام جدام الزوج فهني تحط البنت أمرها بين يدين ربها واهو العالم بالصلاح اذا كان الزوج من صجه شاري البنت وما شاف أي شي يخليه يشك فيها فما راح ايتأثر كون الشي اللي صار من ماضيها يعني صار في صفات انقلبت وماله داعي انهم يردون لها.. اما اذا كان واقف ع الوحدة ويبي من الشرارة نار فأهو راح يقلب الدنيا و الله يعينها هالبنت.. أما آنا عن نفسي بعيد الشر عني.. ماضيي نظيييف والله يقدرني اني أحافظ على حاضري ومستقبلي بنفس نظافة الماضي.. وكل شي صار لي بالماضي راح يسعدني إني اتشاطره معاه.. ويعطيج العافية اختي ..

آنا من رايي ان التطنيش مب شي مو سنع لمن الواحد يطنش اللي يمه او المجتمع والبيئة ياللي عايش فيها.. اهوا في مجتمع ومقيد بأشيا وايد.. ومن خلال اسلوبه في حياته وبالتزامه بقوانين وعادات وتقاليد مجتمعه نقدر نحدد اذا كان هالشخص سوي او لا سوي.. فتلاقون ناس ماخذة مفهوم التطنيش في كل شي بحياتها.. فتطنش راي الناس فيها وفي حركاتها في اسلوبها في كل شي .. هني عاد تطوف الحد الواحد لازم يحط اعتبار للمكان اللي اهوا فيه .. اهوا مجبور ان يتقيد بأشيا ما لازم يتعدى حدوده واذا تعداها فأهو المسؤول عن ردات الفعل تجاهه.. أما مثل ما قالوا بعض الأعضاء ان التطنيش أحيانا يكون له وقته في حالات زعل او مواقف تصير بين الناس فيكون التطنيش لهالزعل والمواقف اهو أنسب ردة فعل لحل المسألة .. وكأنه ولا شي صار.. فنقدر نقول ان اكو تطنيش ينعش و تطنيش ثاني يكسر كل رابطة بي الأفراد ويسبب ويفصم كل صلة حلوة بين هالناس.. يعطيج العافية اختي