دمعة الشوق..

السلام عليكم مشكووورة واتمنى اقرأ قصة من تأليفج تحياتي

السلام عليكم ورحمه الله وبركاته... سوري إذا أتأخرت عليكم..... ****** اليوم الثاني.... الساعة 7 الصبح.... كنا ارقود إلا ميرة كانت اتحس بالملل...سارت المطبخ مالقت حد ...ردت عندي وواعتني من الرقاد...وكنا امخططين البارحه انسير ابعد مكان نقدر عليه...ونشل دبتين ماي وشويه حلاوة... ميرة يت عندي وصاصرتني..عسب ماتقوم حد طبعا غير بنت عمناالعنود ميرة: علياء نشي قومي .. انا: شو تبين والله تعبانه... ميرة: نشي دخيلج بنسير مثل ماتفقنا يله قبل ماينشون.. انا: اوكيه سيري جهزي العدةو خلي العنود اتنش يله.. ميرة: اوكيه والعنود واعيه هب انتي فخاره...والبسي بنطلون أنزين... انا: اوكيه.. سارت ميروة الا ماصدقت على الله...وجهزت كل شي... وانا نشيت واتذكرت الكف اللي ياني البارحه.... وتميت منقهرة وانا حالفه اوكيه وانتوا شاهدين والله ليندم ها الخام... لفيت شعري واتلبست... ولبسنا ابوات انا وميرة العنود عسب الرمل مايخيس ريولنا..((رقيقات لووول)) المهم سرنا بعيييييد طبعا بعد ما تسلقنا العرقوب((اونه اتسلقنا طوفو )) يلسنا فمكان استراتيجي يعني نحنا نشوف كل شي بس محد يشوفنا بدينا بالتخطيط الخبيث عشان نسوي جو فالعزبه بدال هالخمول الي عايشينه وحبينا انسوي شي يديد طبعا التخطيط والتكتيت كله من هالخبيثه ميروووه بس الصراحه خططها فنانه............... ميروه: بسم الله الرحمن الرحيم طبعا يا اخواتي نحنا اجتمعنا في هذا اليوم لكي ((وين تبا تتحسب عمرها في جتكس تلقي ندوه))نبدا بكسر هذا الجو ال.... تعالوا اقولكم كيف اتحملتوني وياويهكن ارمسن قولن شي... انا: كيف نرمس ونحن زايغين من هالرمسه الي ترمسينها؟؟ العنود: اقول لا ضيعن وقتنا على السخافات ميروه دبوه يله خططي عشان نبدا انفذ ميروه: اسمعوا انا في انسانه عايفتنها من الدنيا وبسوي المستحيل عشان افتك منها وطبعا اكييييد اتعرفونها هاي اللوث مريووم عنلاتها دخيلج عليوة مب تقهر...كله كوم وثيابها كوم....ههههههههههههه العنود: هييييييييييه تذكرون هايج السنه يوم كانت لابسه لبس كله فيه سمج هههههههههه... انا: ياويل حالي على السمج ... ميرة: سكتي سكتي كله كوم ولون اللبس كوم.. انا: وع وع وع حاشيه زرقاء وسمج برتقالي... العنود: ههههههههههههههههههههههههه ((الحمد لله والشكر صدق بنات)) ميرة: ايه انتوا مب جني كنت اقول شي وغيرنا الموضوع..((اونه عصبت)) انا:فديتج هدي بلاج معصبه انزين ارمسي هاي والله قاهرتني تذكرون يوم كانت تتسدح ويا هالكلب ميود ولد عمتكن على السياره اونه يتحرا عمره عالم فلك يشرحلها النجوم... العنود+ميرة: هههههههههههههههههههه.. ميروه:المهم اسمعن عدل التخطيطات والتجهيزات اليوم والتنفيذ بعد اليوم.... انا: ياويلي حار بحار..شوفي تراني في ها الجزء وايد مسوتلج سالفه.. ميرة+العنود: شو..؟؟؟؟؟؟؟((مليون علامه استفهام)) انا : هههههههههههههههههههههه (( مايدرون بشي وحليلهن خخخخ)) ميرة: بس بس عليوه خرفتي ثرج المهم سمعن.. العنود:ارمسي ذليتي امي ارمسي لا تضيعيين الوقت. ميروه:اسمعن بنحفر حفره كبيييييييييييييييييره وبنمثل عليها هالهبله انا احنا نبا نتحوط وياها بس شرط اتكون الحفره مجهزه بجميع اساليب التطور الحديث ونفرش فوقها زوليه ويوم اطيح بتقدر تستخدم الاساليب فالحفره انا:يا عيني عليج. العنود:سلامي عليج يا بنت العم ......بس تعالي شو يعني الاساليب المطوره؟؟؟ ميروه:ههههههههههههههه عنلاتكن ما عرفتن بجلي خايس وكرسي وحرام يله دبة ماي الله يعلم متى بيحصلونها خخخخخخخخخ((يعني بنعقها وبنشرد)). انا ((يا خوفي ياميروه مره اتواجع وياج اتسوين فيه شي الله يستر من خططج الخبيثه علينا.. يارب))هيه والله حلوه الفكره بس مب جنه فيها شويه مجازفه؟؟ ميروه: حلي عن سماي لو بيعطوني بكس واحد يوصلني دبي عادي يفداها على هالحركه((الله واكبر عليج يا عليوه اونه مجازفه انا اعرف انج بتموتين من الخوف اتحريني بسوي فيج شي اذا عصبت)). العنود:يله بنات انرد عشان ما يحاتونا وانشالله العصر بنسوي اعمال الحفر والفليل بنفرها خخخخخخخخخخ...(( والله واستوت مثلنا )) انا :هيه يله انرد عشان ما يكنسل باباه ويزتنا ويسفرنا كل وحدها بلادها ...امشن جدامي.. ..........وفي العزبه الكل يدورنا وابويه متخبل يدور حبيبت القلب ميروه ((يحليلي انا لو اموت بتتحلل الجثه ومحد بيفتكر فيه يا حيج يا ميروه ياام العلوم)) وصلنا نحنا بكل برود نتمشى ونضحك واول ما دخلنا من الباب الصغير الي ورا ابويه شاف ميروه ويا يركض و لوا على ميروه ويحببها ويتخبرها اذا هي بخير ولا لاء؟ وطبعا انا بنت البشكاره انهزبت لاني ما خبرت ابويه وتم ابويه متلصق فميروه ما يفجها يخاف عليها.. المهم نش ميود ثقيل الدم....يع ويهه يلوع بالجبد...يخ فقمه مربيه هههههههههههههه...((اوة مايخصنا فيه)))) يلست انا والعنود وام الدواهي ميروة...نتريق ونضحك ونتصاقع ومحد قدنا ...ويت الرقيه مس ليبانون يلست ويانا وقالت انها رمست سلطان عشان ايي ويشلها عنا. ميروه:احسن فكه بتفكينا من ويهج اما احنا بنكون على احسن مما يرام((وتطالعنا وتضحك)). انا ((في خاطري هيه والله صدقج يا ام المشاكل لو موزوه اتعرف عن شي جان ربعت وخبرتهم بس انخلي كل شي مستور احسن))((عاد الحين اوني الاخت العوده)) ميرووه شو هالرمسه عيب هاي اختج هب زين هالرمسه الي تقولينها خيلي وستحي على ويهج... موزوه:فديتج علايه والله محد يسواج..... على فكره مسز حساسيه((تقصد ميروه تراها تتحسس من كل شي بس هي اتي البر عشان اتقاوم وتستانس((صدق من قال كل شي في سبيل الوناسه يهون)) نا اعرف انج تبين الفكه عشان اتنفذين واحد من خططج الخبيثه لاني اعرفج مستحيل اتمر عليج سنه بدون ما تسوين مغامراتج الفظيعه. ميروه :انتي اشعليج اقولج عطيني مقفاج لو تسمحين الكبار يوم يتيمعن اليهال ما ييلسون وياهم. انا:ميروه كفي الشر دخيلج((وفي هاللحظه عرفت كيف نفتك من موزه ومن مشاكلها ويا ميروه واعلنت الحرب على الطرفين))لقول موزوه الصراحه ميروه وايد زودتها سيري خبري ابويه عليها عشان يأدبها ويهزبها جدامهم .((خخخخخخخخ طبعا ميروه وموزوه موتهم وحياتهم بس محد يهزبهم جدام الناس وانا حبيت اشوف منو اللي بيكون منتصر في هالمعركه)). موزوه(شويه وبتصيح)) هي صح ان كنت ناويه عشان ابويه يأدبها هالسباله ام القمل... العنود+انا:ههههههههههههههههههه حلوه بس على فكره كيف طلعت منج ما ادري ميروه ارتفع عندها الضغط بس ما بينت عشان اتفوز في اول معركه بينها وبين موزوه وجان اتقولها:على الاقل شعري حرير هب شرات ناس كل يوم يشترون مشط لان المشوط تتكسر في روسهم ولا انا غلطانه مس كشه؟؟ موزوه احترق عندها القيج وسارت تربع عند ابويه والحين اشتد الوضع. وبعد ماشتكت موزة قال ابويه: ابويه:فديت مياري انا برايها خل تاخذ راحتها هاي الغاليه وشيختكم واي شي اتقوله تتقبلينه كما الكلبه.....فاهمه؟؟ طبعا العنود سمعت الرمسه وانفجرت من الضحك على موزوه لانها وايد ويا ميروه وهن على قلب واحد. وسارت عنود عند ميرة عسب اتخبرها شو استوي بينها وبين عمها ((ابويه يعني)). العنود:ههههههههههههه ميروه الغلا ابوج قطعج. ميروه((شويه وبتصيح لانها ما توقعت حبيب القلب ابوها يقطعها ولا من وراها بعد ...وغرغرت عيون ميروه))هاه باباه سبني؟؟ العنود:دخيل والديج لا تصيحين ابوج قطعج من المديح. استانست ميروه يا حليلها من يوم هي صغيره وهي يسمونها الملايين وقطوة أبوها ............... ياسلام موزوووه ردت دبي وكانت معصبه وشكلها متحلفه تصفع ميروة في البيت لان دوم هاي الحركة تستوي.. ميروة تضارب ويا موزة عقب موزة تعصب وترد البيت فعادي يعني اتوقعنا هالشي... روحت موزة وعيدت ميروه بدال العيد عيدين أول عيد عشان الحين وقت التنفيذ والثانية لان موزووه روحت. العصر الساعة ثلاث ((طبعا هذا بتوقيت ميروه لأنها متحمسه ليش ما ادري سرنا مكان بعيد وايد عن العزبة. العنود: روفي بالبنت ميروه واذكري الرحمن الصراحة المكان وايد بعيد.... ميروه: لمي ثمج لو تسمحين وأنا على كيفي((بعدين ميروه حن قلبها الصراحة هي طيبه وفناااانه بعد... وطبعا عشان ما توضح أن قلبها حن على البنت)) الصراحة المكان بعيد لأني عقب ما احفر بتعب وما فيه أدوخ عليكن ويذبحكن باباه بروف ابكن خلونا نتقرب شويه... انا(( فديتج ميروه والله اعرف انج طيبه)) هي صح دخيل والديج ما فينا على ابوج. ميروه: ايوه نقع بكس الغيره. العنود:ايييييييييييه انطبن ويله خلونا انشوف شغلنا قبل لا ينش عميه ويدور حبيبة القلب وما يحصلها. ميرة: ايوا الغيورة الثانيه. وصفعتا على راسها الظاهر وايد سوينالها سالفه ونحنا (business women) ووايد عدنا اشغال.. ............تمت اعمال الحفره على خير وفرشن الزوليه..........حان وقت التنفيذ. ميروه: اقول علايه هب جنه غميضه انحط هالزوليه الغاويه عشان هاي ام القمل؟؟ العنود: ميروه يوم بيحصلونها هذا اذا حصلوها(خخخخخخخخخخ يلعن ابو الاجرام الي فيكن انتن الثنتين)) بنوديها المغسله وبعدين عاد حطيها عندج فالغرفه ذكرى.......... انا: هههههههههههههههه خسكن الله من طينه وحده ثركن. العنود: ههههههههههههههههههه.. ميروووه: اسكنت غرفتيه عن هالزوليه الي بتيلس عليها ام القمل يله... وبعدين حبيبتي انا عندي حساسيه من هالسوالف ما تشوفيني الحين اقاوم وياكم؟؟؟ انا : له ميروه دخيلج خلينا انسير نزقرها ام القمل على قولتج وانعقا وانروح. العنود: ولاجنج العوده.. ايوا يا جميل انته. انا: هههههههههههههههههههههههههه. ميروه:الله انا احب خطط لا منشاف ولا مندري هههههههههههه العنود:يلعني كم بعيش ميروه احبج. ميروه:العنود هاي رمستنا الخاصه لا ترمسينها جدام الغرب((ميروه يالسباله الحين انا استويت غريبه؟؟)) انا:الله يسامحج ميروه. ميروه:انزين. ((اووووووووووووووووب ارتفع عندي الضغط بس سكت عشان ما تفرني في هالحفره الي يشوفها يقول حوض سباحه)). ميروه: زين يوم سكتي ولا جان عقيتج في هالحفره وطبعا عنودي ما بترمس ولا بتتنطق انج هنيه صح الغلا. العنود:هيه فديتج كله ولا مياري انا(( بديت انتفض من هالبنت ))عنبوج وحش هب بنيه. ميروه :اقول انطبي ويله انا اشتقت لباباه ابا ارجع عنده. انا : حوووة شو انطبي ثرني قلت شي ياهراااااااااااس. ................................................................ سرنا العزبه... ويلست ميرووه عندهم والكل يسولف على رواقه ميروه يالسه ويا ولد عمي الي اكبر عنها بكمن سنه واللي هو اخو ميود وهو مش من النوع الي يتأقلم وي الناس بسرعه بس العنود و ميروه عليهن سولف يا سلام ماشالله عليهن المهم ميروووه بدت اتغامز بعيونها عشان ازقر ام القمل بس شرط ان محد يشوفني عشان ما يزخزنا... يتني ميروة: اقولج مثل ماوصيج خليج في قمه الطيبه. انا: اوكيك. ونشيت ونفضت اثيابي....وسرت عزبتم... كنت امشي بثقه بس بيني وبين نفسي احس بالخوف والله قويه الحركه.... وشفت مريوم ... ام القمل:هلا حبوبه اشحالج؟؟((من ورا خاطرها)). انا(طبعا مثل ما وصتني ميروه اكون طيبه لان حرام يمكن يكون اخر يوم فحياتها))هلا يعلني افداج يسرج الحال اشحالج انتي ربج الا بخير؟؟ ام القمل(ومليوووووووووووون علامة استفهام على شيفتها)) بخير الحمدلله خير انشالله شو هالزياره المفاجأه؟؟ انا: (( لا تتحرين عشان سواد عيونج مسودة الويه)) لا ماشي بس حفلة ميروه اختي وحبت تعزمج هي مسكينه امجهزه اليوم الصبح اليلسه وكل شي وقالت نعزم مريومه بما انج بروحج((صييييييييييييييييييو يالجذب)) ام القمل: يعلني افداها ختج من استوت وهي عليها سوالف ما تتفوت وألا اقولج من وين الكيكه ..من مستر بيكر.. انا: (( من مستر حفرة في خاطري))...هههههههههه الله يهديج شو مستر بيكر...كيكه على قدنا.. ام القمل: هيه زين زين ...يله بس بلبس الشيله ويايه. ردينا عزبتنا وشفت ميروة وعنود ميتات من الضحك وكانن ياكلن عنب وتوت..ياسلام ماخذات راحتن هههههههههههههههه.... ميروة: هلا والله بالشيخه((وتوايهن)) مريم: كل عام وانتي بخير. ميروة: على الشو... مريوم : عيد ميلادج. ميروة تطالعني ومافهمت شي ياربيه العنزة شكلها مافهمت اني خرط على البنت... يوم غمزتلها شوي فهمت ... ميرو: ايوا ايوا ليكون خبرتي حد... مريوم: لا والله ... العنود: يالله عيل نتمشي..((فديتاه غطت الذكيه )) انا: يالبقر قصدي عنود وميرة...انتن نسيتن انا نحنا مسوين حفله اهناك وبنتيمع نحنا الاربع ونسوي حفله اتجنن... ميروة: بكل ثقه بعد مافهمت الجذبه...ادري يالذكيه بس بييب جوتيه انا وعنود وبني... انا: يله بسرعه.... .............وسرنا ووصلنا لمسرح الجريمه ...... ونمشي بكل ثقه وشكلها ميروة تنتفض وانا قافطه وعنود بتصيح والعنزة مستانسه .....لاحووول.... مشينا مشينا فجاه يوم وصلنا عند المكان اللي فرشناه طاحت مريوم وربعنا نحنا الثلاث مانبا نسمع يوم اتقول ساعدوني بنتغمظ عليها واعلي عنها..ههههههههههههههههههههههههه مادري احس بتقولون ليش سويتوا جيه واحس بتنقمون علينا..بس والله انتوا ماتعرفون هيه شو سوت فينا هاييك السنه...والله بلاوي مايعرف ابها غير رب العالمين...خلها اشويه تحس والله ان ها شي بسيط اللي سويناه.... في درب الرده وللاسف ميروه تعبت واضطرينا انا انخلي علي ياخذها ويوديها البيت لان حساسيه ظهرتلها....ياحيج يا ميروة شردتي بتم بروحي.... الفليل يت ام ام القمل وتتخبر عنها وقالت انها سارت ويانا ((لتنويه ترى ام القمل عقيناها الساعه خمس)) تقصدنا نحنا البنات... وقالت ان اليوم عيد ميلاد ميروه والخريط الي خرطناه على ام القمل كله..... وطبعا انا ارتبكت وخفت وما عرفت شو اجذب جان اقول انها سارت البيت . والحين الساعه 7وجان يطالعني ابويه بنظره ........................ استوت الساعه 9 وردت امها واتخبرت عنها. انا الحين انحطيت في موقف صعب((يا حيج ياميروه اشعليج الغاليه تعبتي وردوج دبي )) وطبعا مابغيت استوي نذله واقول ان العنود كانت ويانا.. دخلت ويا ابويه داخل العزبه ويوم اطالعني بنظره قلت له كل شي وساروا بسرعه يتلاحقون على البنت ويشوفون اذا ميته ولا بعدها عايشه هههههههههههه ((يا برودي الاوضاع مشتده وانا اضحك)) ابويه عصب والبنت كانت حالتها حااااااااااااااااااااااااله.......... ميود كان يضحك وسيف اطالعني بنظره فهمت منها اني طحت من عينه جان اذكر اغنيت راشد الماجد........... طحت من عيني بعد ما كنت عالي....... حبك ارخصته بعد ما كان غالي كل شي برضاه منك الا الخيانه......... بعدها يحرم على حبك وصالي. ((((اوووووووووووووووووي ايه انتي الهبله ارمس عمري أي حب واي بطيخ بلايه اليوم؟؟)) المهم انا اتكنسلت في نفس الوقت من حظي الوصخ انا عموتي كانت بترد دبي بروحها اليوم وجان يحكم عليه بالاعدام وقرر ابي العزيز اني لازم ارد دبي اليوم ودوايه عنده يوم بيرد..((اهى اهى )). عند السياره يوم كنت بركب اذكرت اني ما خذت الثأر من هالسبال ميييود جان اسير عند ابويه وجان اسوي فلم هندي........... اخبركم ولا اكمل الجزء الياي مممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممممم لا غمضتوني بكمل سرت عند ابويه وقلت له ان ميود كان صاحب هاي الفكره وهو الي حفر ولانا نحنا البنات اشعرفنا نحفر حفر عميقه ووعدني انه بيركبني الدراجه وعاد انا اموت على شي اسمه دراجات.... ابويه عصب اكثر وسار عند ميود وشرشحه تشرشيح...وميود ماقدر يدافع عن نفسه وعرف اني كنت اجذب على بويه وشكله ناوي عليه هاي المرة من خاطرة...ياويلي ياويلي.... كانت مريوم متكسرة وساورا جبوسوا ايدها وريلها لا والقهر ماردت بيتها ردت العزبه مرة ثانيه....سرت عندها اليوم الثاني بعد ماردت من المستفي اتشكرلها بالسلامه.... بس قبل مااسير ميروة ام العلوم دقتلي على تلفوني... ميرة: الو هلا والله هلا هلا هلا غريبه ماردوج البيت الظاهر انا ماعرفو شي صح.. انا: شو ماعرفوا شي سكتي سكتي رديت على ميود. ميرة: حلفي هههههههههههههههه.. انا: ههههههههههههههه أي بطني والله...تعالي اتخبرج مابتردين العزبه ارف اني ايلس ابروحي تعالي عاده.. ميروة: والله انا داقه عسب اقولج اني برجع اليوم. انا: حلفي ...WOW ..على فكرة سمعي ترا مريوم اتكسرت وبسير اتشكرلها بالسلامه.. والا اسمع اختى منفجرة من الضحك ..... انا: بلاج حووة. ميروة: ياويل حالي ميهوده مريومه.. وبديت استهبل.. انا: هبه ياوخيتي ..اتقول كانت تمشي ويا البنيات ومرة وحده طاحت ياربيه عينن ماصلت علي النبي ياوخيتي ام راشد ..ههههههههههههههه..( كنت ارمس شرا العيايز). ميروة: واغمي عنها ياربيه والا اقولج ام سالم.. انا: عونج ام راشد. ميروة: قوليلها اتقولج ام راشد اقري على عمرج وهاتيلج ماي قارين عليه واشربيه وانشالله اتقومين بالسلامه.. انا: خسج الله من بنت هههههههههههههههههههههه.. ميروة: ههههههههههههههههههه خلاص عليوة اخليج جيه بعد كمن ساعه بييكم تبين شي.... انا: أي شي حلو هاتييه. ميروة: والا اقولج ماتبين اييب الكيكه اللي من مستر بيكر ههههههههههههه.. انا: هيه والله بنوديه وبنقولها اندوج الكيكه للاسف مارمنا ناكلها بدونج هههههههههههههه... ميروة: اللحين انتي خسج الله يله باي. انا: بايوووو.. وسرت عند مريوم وانا اتوقع كلام وايد بييني..منها الله يعني... وردت دقت ميروة مرة ثانيه.. ميروة وهيه اتقلد العيايز: الوو ام سالم.. انا: عونج ام راشد. ميروة: صدي وراج .. اول ماصديت لقيت ميروة ورايه...ياربي عليها مفاجاه اونها... ونزلت من السيارة...وسرت عندها تميين نضحك مادري ليش هههه والله وناسه... انا: شو هالمفاجاه.. ميرة: اعجبج... انا: المهم شو الحساسيه اللحين. ميروة: والله بصبر عسب استانس.. انا: يله شو رايج انسير انسلم على مريووم.. ميروة: يله اوكيه وبزقر العنود وبرد . انا: ابسرعه يله... وسارت ميروة وزقرت العنود وسرنا ارباعه عند مريوم.... اول مادخلنا عليها...كانوا اهلها يالسين وياها...والله ترا اللي ماتعرفون مريوم دلوعه وخقاقه وحركاااااااااااااااااااااات مادري على الشو.. مريوم: نعم يله برع... ميروة: طوفن طوفن ماعدنا سالفه.. قرصت ميرة. ام مريوم: عيب الريم شو هالرمسه .. مريوم: الله يخليج اميه ظهريهن...يوم طحت ماساعدني... في خاطري وحليلج والله... العنود: ترا يايين انقولج نحنا اسفين مارمنا وبغينا نطمن عليج مريم.. مريوم: مابا يله انجلعن ومابا اشوفكن مرة ثانيه.. ((ميروة عصبت وماستحملت)) ميروة: ايه انتي ام القمل انا يايه من دبي بس عسب اطمن عليج خسج الله تراج ماتنعطين ويهه سوري ام مريوم ماحشمت بس بنتج اونها كبر راسها جدامج وانا بصراحه ماعليه من حد ...((وانا متفشله واحاول ايود ميروة بس ماشي فايده))...قومي عني عليوة ... انا: خلاص ميرة يله طوفي... ميروة: بعدني خليني اظهر اللي في خاطري.. العنود: ليش بقي شي قومي يله استهدي بالله... ومطينا ميروة لين ماطلعناها من العزبه كانت اتصيح من الخاطر اتحس تبا اطلع اللي في خاطرها بس ماشي فايده....نحنا ماخليناها تراها شكلها تبا تفضخنا عند العرب... وردينا العزبه بس قبل مانرد هدينا ميروة وتمينا انسولف عسب تنسي... ************** (( واللي خايفه منه انا ...ميود ..ميود...ميود...شو بيسوي.. شو المقلب اللي ممكن يطلع منه الله يعني والله انا ماستاهل...)).... بعد اسبوع من كل هاي المغامرات بس باقلنا اسبوع واحد حق الوناسه... وبعدين كل واحد يرجع حق المدارس والدوامات والارف...وانا مابا ارد البيت حياه البر عايبتني وايد..وناسه في وناسه.. ************* اليوم السبت من الاسوبع الثاني... الفليل وكنا انا +ميرة+العنود+ميود+سيف+ مريوم رازة ويها ويا سيف... بصراحه مابجذب عليكم سيف دش خاطري طيب صريح حبوب وكل شي....بس ماعتقد اني وصلت درجه الحب يعني يمكن اعجاب.... انا اسولف ويا ميروة...وعنود سارت تيبلنا حليب ابيض ونسكافيه... ميرة: هاي شو تبا خس الله هالشيفه. انا: طبيها الله يخليج.. ميرة: انزييييييييين. حشا متكسرة ويايه بعد. انا: لاحول طبيها اقولج.. ويت عنود وعطتنا اكواب الحليب.. مايد: عفان الله جان يبتيلنا.. العنود: جانك الا مادل المطبخ...ترا اكوا اهنك مايضيع... انا+ميرة: ههههههههههههههههههههههههه.. سيف: مريوم تبين تشربي شي.. (( اففففففففففففف والله منقهرة ليش مادري)). مريوم: لا سيوفي بنرد عزبتنا وبنشرب أي شي اهناك.. بس اللي انتوا ماتعرفونه ان ميود يموت على تراب مريوم الله يعينك يالثور.. كم مرو حاول يوضحلها بس (No way)..هاي رافعه خشمها وايد... انا: وابويه عليج انا .. مايد: جب انتي. انا: يمدحونه الطااااااااااااف صح عنودي. العنود: هيه صح..صدقج عليووووة.. مايد: عنود لمي ثمج لاندمج .. انا: اقول ميرة انتي لمي ثمج... مايد: اقولج تراني متحفلج ولاتخليني اصيحج.. انا: جانك ريال تعال يله.. (( اشتغلت الضو امبينا)). يا ميود صوبي....وأول ماوصل عندي...الحقير والله ماتوقعت هاي الحركة منه أتوقعت انه نذل بس جيه..((!!!!!))...كلم انصدموا كلم اتفأجاوا... مابقـــــــــــــــــــــــــــــــــــــــــــــــــول خلوها حق الجزء الحادي عشر.... والله ادري حمستكم بس اتريوني... تحيااااااااااااااااااتي

تسلمين حبيبتي .. قصة في قمة الرووووعه .. يعطيج الف عافيه في انتظار البارت القاااادم

يـــــــــار بي ليش ما كملتيهـــــــا !! بالصراحــــة القصة روعــــــــه والاسلــــــوب اروع !! يالله حطــــــي الاجزاء كلهم مرة وحده !!

السلام عليكم الرحمن الرحيم.... سوري إذا أتأخرت والله ومرضت في الفترة الأخيرة والله تعبت وأيد مشكله أنا أبدويه ماسير عند الدخاتر لوول....اتشوووووووووووو ..يوم أقولكم تعبانه لووول.. المهم وهذا الجزء التاسع وانشالله يعجبكم... نحنا في إجازة الربيع .... يعني الجو يجنن حق الرحلات وهاي السوالف.... عاد أنا أتخبل على شي اسمه طلعه وخاصا البر... المهم قبل ابيوم أبويه متفق ويا عمومتي وكلهم بيوون باجر على أساس إن بنبات أهناك عدنا عزبه على قدنا بس عزبه اتجنن...أميه مابتخاوينا اتقول ماعثرها على الوصخ والتراب ....المهم هاي كل الاتفاقات العائلية ...الحين تعالوا كوكبي.... نزلت تحت عند امويز .... ولقيت ميروة في الصالة .... أنا: ميرة تعالي بنسير حجرة موزة بنشوف شو بنشل من الثياب.. ميرة: اوكي ليش لا..أقول عليوة بتلبسين بناطلين... ((( شكلها اتنكت الحبيبه)).. أنا: اتخبلتي أنتي تبين أبويه يرقعني ابكس ايطيرني....على اقرب ند..ويتملج النمل يتضاحكون عليه هههههه... ميرة: ههههههههههههههههههههههه...ماعليه الا النمل مب حد غريب ... أنا: خس الله عدوج يالشيطانه ميرة: ههههههههههههههه أنا: طوفي بنسير عند موزة....يالله اتلين راسها واتخليها اتسير ويانا...عاد هيه اتحيد ماشي نيت اهناكي... ميرة: صبري أنا بدق الباب... أنا: انزين ..مافرقت ياهرااااااااااس... ودقت ميرة على موزة والله موزة طبعا ماقصرت وخيستنا اشويه الا وايد و نحنا نترياها... موزة: نعم... انا: وسعي اشوي بندش بنرمسج... وحطت موزة ريلها على الباب على اساس ان ماندش... موزة: قولي رمستج عند الباب انا بزي شوي.. انا: عشتوا شو حبيبتي باجر بيبون البضاعه وسعي لاضربج.. ((وشرعت الباب ومطيت ميرة ويلسنا على الغنفه مالت موزة)) موزة: يله ابسرعه لاني مشغوله... انا: اوكي بدون مقدمات سمعي...باجر ترا قوم ابويه معزميين ايسرون البر مابنقيل بنبات بتين والا لا... موزة: لا مافيني على الوصخ. انا: حرااااام عليج والله السيرة بدونج مب شي تعالي عاد... موزة: والله عليوة مالي بارض مول خذي وياج ميروة بتونسج صدق.. ميرة: عن الحركات موزة على الاقل نبا نطلع نحنا الثلاث مع بعض...ولاتخافين شلي كمبيوترج وياج ..يمكن شي واير اهنك اذا انتي ماتستغنين عن النت... انا: هييه صدقها وترانا بنتم اسبوعيين واذا ماعيبج اليلسه خل حد من اخواني يردج لان هم احتمال مايباتون... تمت موزة اتفكر شكلنا اقنعناها.... موزة: اوكي بنلبس بناطلين... (( صديت على ميرة وتمينا نضحك )) انا+ميرة: ههههههههههههههههههههههههه.. موزة: بلاكن.. انا: تبين ابويه يضربج.. موزة: عيل شو نلبس.. انا: استوي حرمه ولبسي كندورة وحطي شيلتج على راسج..نحنا مب سايرين نتزحلق على الاسكيت الا سايرين عند الوصخ ترانا.. موزة: لا حوول ياعليوة ثرج انتي وهقه وين اطلع كندورة الحينه... انا: ماعليه عن العلث انا بعطيج ... موزة: خلاص عيل ...يلع ابويه شلي اقشارج انتي واختج واطلعن برع...لاني بجهز اغراضي من الحين... ميرة: والله يا موزة شكلج بتشلين عدت المكياج مالتج.. انا: ههههههههههههههه اهم شي ... موزة: اكيد يعني بس والله مب تن عندي وتقولن موزة نبا نتمكيج بكف على روسكن والله... انا: اتخبلتي انتي ها ويهي ان ييت.. ميرة: بعدين انا ماحط هالسوالف.. موزة: اقصورج بعد.. انا: يله عيل امويز بنطلع وجان تبين شي دقي على تلفوني... موزة: اوكي ... وطلعنا انا وميرة برع...وايد كنا متحمسين حق هاي السيرة.... بالباجر الصبح.....نشيت من وقت وركضت صوب حجرة ميرة كسرت الباب عليها اباها تنش.... ونشت ميرة ونزلنا تحت سولفنا ويا اميه وشكلها مول ماتبا اتسير وطبعا للاسف سالم وعبدالله مابيسيروون ويانا....اللي بيسر من بيتنا انا موزة وميرة والوالد واخواني على وسلطان بس مابيباتون .... دقيت على موزة الباب.... موزة: منووووووووووو انا: انا عليوة... (((وللمرة الاولى في التاريخ حدث الموسم صدق او لا تصدق اختي موزة بطلت الباب بهاي السرعه ياللهول....))) انا: اشحالج...؟ موزة: بخير بس تدرين غيرت رايي مابسير... (( حسيت بالاحباااااااااااااط مادري ليش))) انا: ليش عاد حرام عليج امويز... موزة: والله عليوة ماستحمل عيال عمي.... انا: انتي اشعليج منهم سويلم طاف دام ابويه ويانا محد يروم يقول شي... موزة: مادري عليوة مب في خاطري السيرة... انا: سمعي تعالي يومين ماعيبج الوضع ردي ويا سلطان.. موزة: واذا محد فضالي... انا: يالله باموزة ثرج ادورين سبب يله عاد عيني من الله خير وتعالي باتم ابروحي... موزة: انزييييييييييييييين... انا : هيه جيه اباج حرمه... (( لحـــــــــــــــــــــــــظه)) (ماتلاحظون اني مستويه طيبه ههههههههههه والله مادري بلاني...شكلها الا سلامه مخلتني طيبه هههههههههههه لاتحاتون بكشر بأنيابي صبروا علي...).. مافي داعي اكمل كلنا انعرف تجهيزات البر والاغراض والاكل طبعا المعلب...ماشالله ابويه نش من وقت وحط الاغراض في السيارة وحط الغاز حق الكهرباء وماخلا شي.... في هالوقت كنا انا وميرة فوق انحط النسكافيه والنيدو وهاي السوالف مالت البنات ... وحطيناها في شنطه حلوة...ويبنا اغراضنا وحطيناها عند الصاله اللي فوق... وكل وحده قفلت حجرتها..... وزقرت على امالي تي اتنزل الشنط والاغراض من فوق... شليت عباتي لانها طويها وركضت ابسرعه من الدري,...وسرت صوب حجرة موزة ... ولقيت الحجرة امبنده ليكون غيرت رايها والله احس بطني يعورني احساس غريب بضربها والله.... انا: موزة وينج ...فتحي الباب... موزة: ها بلاج خير... انا: فتحي... فتحت موزة الباب .....وانصدمــــــت ليش انصدمت ..؟؟ الاخت ماخلت شدو ماحطته في عينها..وكااااااااااشه من الخاطر ...وانا ويهي يزيغ والله يروع جني بشكارة توها يايه من المكتب... انا: حلفي انتي عاد شو هالكشخه اللي مالها معنى... موزة: يالله بديت عاد لاتخليني اغير رايي... ((ماعليه يالسباله انا شو مصبرني... صبري عليه جان ماراويتج في البر...)) انا: على راحتج بس طلعي اغراضج برع عسب اتشلهن البشكارة.. موزة: اغراضي في السيارة من زمان بس يالسه احط اللمسات الاخيرة. انا: انتي ليش اتمكييجين.. موزة: سبحاااااان الله حد من ربع يدوة يكون اهناكي ويشوفني بها الويه لاياختي انا دومني انيقه مب انتي.. ((( قفط الويهه)) (( بما انا موزة يابت طاري يدوة ترا قوم يدوة من البارحه كانوا في البر من جيه ابويه اتحمس اكثر وعمومي بعد)) انا: ياهراااااااااااااااااااااااس....جلبي ويهج اترياج في السيارة... ورحت عنها... قهرتني والله يعني البنت لازم تتعدل والله احس اني اكون طبيعيه احلى والله اف وانا اشعليه منها.... بنات اخر زمن.... سرت المطابخ اللي برع ولقيت ميرة اهناك كانت تاكل برتقاله ويلست اكل وياها.... ودردشنا وسولفنا.... يانا سالم يصيح... سالم: علياء ابا اسير وياكم... انا: اميه مابطيع سلوم تراها ماتصبر عنكم... سالم: قوليلها ان في البيت ملل ..بليز علياء.. انا: سالم والله ودي بس اميه مب طايعه خلاص لاتحن راسي يعورني... ((شو اسوي ماقدر والله اميه ماتصبر عنهم..)) سار سالم وهو زعلان ....وعبود ولا عليه مب هامتنه السيرة ابد.... كان ابويه يدق هرن السيارة على اساس نركب وياه... والا المفاجأه الحلوة سوتها موزة فيني وركبت جدام وعاد انا مايسر افتح حلجي وابويه يالس ابصراحه استحي وابويه ماتفرق عنده جدام والا وراء... ويالله عاد موزة ماخذ راحتها وتحط الشريط اللي تباه على كيف كيفها ...ياراسها والله كنت ميته من القهر ...بس بالعه لساني وصااااااااااخه.... وميرة كانت ترمس في تلفوني...اتكلم اربيعتها.....وانا يالسه افكر كيف بونس عمري بهاي السيرة ...وماخلي أي حد يجرا ويخليني اتضايج يعني بختصار تاااااااااام انا مخططه اني استاااااااااااااااااااااانس... بعد ساعه ونص يمكن وصلنا المكان المحدد اللي هيه عزبت قوم يدوة يعني عزبيتنا بعد.... نزلت وشفت سيارة عمي خالد واكيد عياله وياه...وسيارة عمي راشد وعياله كانوا اصغار ..وسيارة عموتي عفراء واكيد عيالها وياها.....اف ((عيالها قصتهم قصه هاذيلا)).... نزلت وكنت قاااااافطه مادري ليش اللي يقول بيزفوني احس ان ريلي ماتشليني من الارض .. سرنا سلمنا على يدوة وعلى اعمومي وعماتي.... ويلسنا واتفاولنا....وعااااااااااد موزة رقيقه ماطاعت تاكل اونه لا مافيني اكيد 100 ذبابه مارة ..وانا في خاطري وابوي عليج حلاته تاكلين الذباب في البر عيل كيف بتحسين انه بر ((وع)) فجاه اسمع وحده تزقر عليه عاااااااااااد هاي انا مادانيها بعيشه الله بس كلم يحبونها على الشو مادري وكان اسمها(( مريم))....ممم طويله وملامحها حلوة وبيضاء...بس تقهر...اف...شو هالحظ ..وعاد جدام هلي لازم انش واجامل اوهووو وانا صدق مالي بارض.. سرت صوبها بس هيه مب من اهلنا هيه من العزبه اللي احذالنا...طبعا اتعديت السور وسرت عندها وسلمت عليها... مريم: هلا علياء وينج انتي من زمان ماشفتج... (( احسن عسب انطب المشاكل اللي تستوي كل ماني البر والسبه انتي)) انا: لا والله اتعرفين جامعه وشغل وهم وكراف... مريم: الله يعينج...مممم ها قولي محد في حياتج.. ((اوهووو من جيه ماحب ها ي البنت...اسالتها كلها غبيه وتقهر...)) انا: شو تقدصين بالضبط.. مريم: ممم يعني ما تحبيين.. انا: لا والله ليش ماشي شغل... مريم: ممممم تدرين ماخليت حد ماكلمته من اولاد مدرستنا هههههههههههههه ( قطع وتضحك بعد) انا: مب ها الشي غلط ماتخافين على سمعتج انتي... مريم: لا ياحبيبتي كل البنات يكلمن اولاد الكلاس ليش انا ماكلم... انا: كيفج ابويه انا مايخصني غيري السالفه... (( وتمت اتغلس عليه ولوعت ابجبدي...)) بعد ماحسيت اني طفرت من سوالف اليهال يلست العب بالتلفون وخليته اونه يرن ادري الحركه جديمه واستسمحت منها على اساس ان اربيعتي على الخط....((وجان اشرد هههههههههههههه)) سرت عزبينا بس قبل ماسير اتلاقيت بولد عمتي.... كان يقهر بس ليش احسن انا ها الانسان وراه اسرار مادري والله....يعني احسبه نوعا ما معقد...(عفان الله). طبعا هو يحب يغلس على الواحد.... مايد: هالدبه علومج... انا: ابخير وبعدين احترم نفسك يوم بترمسني اوكيه...وسرت عنه وشكله ميت من القهر هههه يتأدب سخيف... وتم هو ميت من القهر وانا بروحي اتقاشرت على عمري اكيد بيسويلي حركه غبيه بعدين الله يعيني والله... وسرت عند قوم يدوة ويلست وياهم ..وكان ابويه يالس ويا عمومي....يسولف وياهم... سرت عند ميرة وموزة وكانوا يالسات ويا خوات مريم...والله ماعندم سالفه بعد...لبستم ويلست عقب مليت وسرت برع امشي بروحي...مشيت لين ماوصلت عند ند كان وراء عزبيتنا بشوي.... ويلست العب بالرمل وارسم ماعرف أي شي يخطر على بالي.... ماكنت حاسه ان في شخص اتقربلي.... ؟؟؟: شو تسوين.. (( كنت زايغه بس هو شكله طيب يعني ماخفت حسيت انه ولد يرانا وعاد في البر فري عادي ارمسه هههههههههههههههه)) انا: يالسه والله.. ؟؟؟: ماتخافين تيلسين ابروحج.. انا: لا والله عادي وترا عزبتنا ماجابلتني... ؟؟؟: اها هاي عزبت ميود يعني انتي تقربيله. انا: هيه انا بنت عمه.. ؟؟؟: تشرفنا وانا اربيع مايد وهو يدرس ويايه في نفس الصف.. ((يعني مثل ماتشووفون يهال ههههههههههههههه)) انا: هلا والله قولي اسمك انزين.. ((ادري جريئه بس حسيت انه عادي...) ؟؟؟: اسمي سيف. انا:هلا سيف .. سيف: هلا فيج خلاص انا بسير الحين تأمرين بشي.. انا: سلامتك... سيف: المهم لاتيلسين ابروحج... انا: انشالله... ((وبعدين سار سيف وحليله والله)).. يلست مرة ثانيه العب واشخبط على التراب....واحسن اني مليت مادري ليش....عقب نشيت من مكاني وسرت وراء العزبه ولقيت الدراجات محطوطه واو والله كشخه جان ماسير عند على او سلطان اشاورهم اني بلعب.... بجرب ليش لا احس يوم اسير البر عادي اخواني عندم.... كان سلطان يرمس في التلفون..اتريته لين ماخلص وسرت عنده.... انا: سلطان...ممكن. سلطان: ها شو بغيتي علياء... انا: سلطان دخيلك والله مابيمع حد بس بتخليني العب بالدراجه الله يخليك ضايجه... سلطان: اوكي بس بخليج تركبين ورايه لاني من الصبح افكر اني العب بس محد شجعني... انا: خلاص اوكيه ليش لآ.. سلطان: اوكيه سيري البسي بنطلون وتعالي.. ((( والله انصدمت ماتوقعت بيقولج جيه...))) انا: اوكيه ههههههههههه ركض الحين بييك سير اترس الدراجه بترول ويايتنك.. سلطان: شوفي وان لقطي حد بغير رايي... انا: ثواني سلطون... ياي منو قدي بركب دراجه والله مستانسه .... وصلت عند حجرة البنات...وكانن يسولفن..لبستن ودشيت الحمام ولبست البنطلون وعقب فوقه الجلابيه عسب مايسالوني وين سايرة هههههههههه فديتني ذكيه.... طلعت وسرت عند سلطان ولقيته قالص الدراجه ويالس في السيارة واشرلي عسب اركض عن حد يشوفنا.... وصلت عنده وركبت السيارة.,... انا: وين بنسير... سلطان: بنسير اشويه مكان بعيد والله مابا البنات يتيمعن ويقولون نبا نسوق ماعثري على الحشرة...وانتي يمكن اعقل وحده فيهن من جيه وافقت .. ((واشله بعدك مادريت اني مثلهن ههههههههههههه)) انا: هيه زين زين اشكر فنك.... سلطان: يادبه انتي شو رايج انمر نشتري عصير.. انا: اوكيه ليش لا.... ((رن تلفوني)) رقم غريب... مارديت.. سلطان: ليش ماترديين.. انا: رقم غريب سلطان... سلطان: هاتي برد ... انا: اندوك... سلطان: الووووو ؟؟؟: الو منو ابا علياء.. سلطان: اربيعتج علياء... انا: هاتها... سارة: الو هلا علياء اشحالج.. انا: بخير ممم ساروة صح... سارة: هيه عليوة شكلج بيزي صح... انا: هيه سارة يوم بخلص انشالله اذا لقيت فرصه بدق حاليا انا ويا الاهل في البر... سارة: ياي وناسه عاد اهم شي الدراجه.. انا: فديت الذكيه تدرين عاد انا الحين بسير العب بالدراجه... سارة: هههههههههههههه سبحان الله ... انا: خلاص عيل اسويرة اخليج.. سارة: مع السلامه سارة وصكيت عنها.... (0سارة كانت وحده وياي في الكلاس...) شكلها تبا تسال عن النتيجه....بما ان نحنا في الاجازة يااااااااي ونااااااااااااااااااااسه..... وصلنا الدكان وطلبت عصير وشيبس.....اتسلي في الدرب..وصلنا بقعه مافيها حد نزلنا الدراجه...وبندنا السيارة.... ركب سلطان وانا كنت لابسه بنطلون ابيض وقميص ازرق فااااااااااااااتح ومتلثمه بالشيله ....اونه سلطان اتلثمي عسب بنمرعلى عزبتنا وبنسوي حركات ((شوها الاخو العجيب ههههههههههههه)) عاد يالله انا ماصدقت....وسويت اللي يباة....كشخه ...وناسه...بطير.... ركبنا وطار سلطان وانا ميته من الوناسه ....كان يسرع من الخاطر..ياي كشخه ههههههههههه وانا اضحك باعلى صوتي...لين ماوصلنا عزبيتنا...عاد مشكله يوم حد يشوف واحد ويا وحده يالله يالافكار السوداء...لا لا اكيد هاي اربيعته اخ عليها وين هلها احم احم كلنا جيه انقول هههههههههههههههههههههههههه ....... مرينا عليهم وتمينا انسوي حركات بس الاغبياء ما لاحظوا ان هاي دراجتنا ..صدق عنز..هههه... ميرة: صوبنا صوبنا هههههههههههههههه موزة: كف على ويهج انتي..... امل(اخت مريم): ياي والله كشخه خاطري اركب بالدراجه.. ((يالله عاد انتي واختج تقليد ابيزة)) بعد ماسوينا حركات جدام البنات عاد الرياييل ساروا يلقطون حطب عدنا وليمه الفليل ياي.... بعد ماشبعنا ردينا السيارة.....ولا من شاف ولا من دري...لبست الجلابيه.... وردينا العزبه بس سلطون ماخلاني اسوق اونه لا صعب....يله المهم ركبت واستانست.. على المغرب... سرت المطبخ ولقيت يدوتي اتسوي الحليب....وكانوا بسويولنا خبز خمير ياي يعني اتخيلوا الجو بارد وكوب حليب وخبز حار الله ماقدر وناسه.....ودفوة بعد ... يلست ويا يدوة اسولف وياها...واشوفها كيف تخبز الخبز ....ودشت عموة عفراء ويلست اسولف وياها وعقب اتيمعن البنات وضربنا سوالف..... في نص الرمسه.. موزة: اقول علياء شفتي اليوم البنت ويالولد اللي راكبين الدراجه... (((يالله الحين بيبدا الحش)) انا: بلاهم ...شو فيج ... موزة: والله مايستحي يركب اربيعته اخ عليه.. انا: يمكن وحده من هله اشدراج انته ترا ان بعض الظن اثم... ميرة: لا لا ماشفتيها كيف كانت متشبصه فيه ((والخيبه والله من الزياغه تراني متشبصه عفان الله صدق عرب والحش ابيزة)) انا: خلاص عاد مايخصكم في حد طبي السالفه يله... عاد ماكنا نرمس جدام قوم يدوة نستحي.... دش ولد عموة اللي يقهر.... مايد: علياء تعالي علي يباج... انا: انشالله.. ((عاد اونه جدام امه قلت انشالله)) طلعت برع ..شفته جدامي.. مايد: اقول علياء اباج في سالفه... انا: انا ليش انشالله خير بلاك... مايد: لا كل خير بس تعالي انتي وبقولج... انا: ارمس جدامي مافي داعي اسير أي مكان... الخايس فر عليه فار ميت وتميت اصاارخ من خاطري... مايد: علشان مرة ثانيه تحسبين احسابج يوم تكلميني... (( ااااااااااااااااه والله بتندم ياميود )) لاعت جبدي وسرت اتسبحت وانا في خاطري متحلفتله والله بيندم هالكلب.... بعد ماسبحت سرت المطبخ ولقيتهم محد..دورتم ولقيتم يالسين على الضو اللي يلعب ورقه واللي يسولف واللي يتمريح ...يعنى كل واحد لاهي...ومايد يطالعني ويضحك ضحكت من سرك بلا قول امين.... بس والله حشمتن في عموة ساكته عنه بس انا براويه... يلست وشربت الحليبه حسيت بالبرد من بعد السبوح .... وادفيت .... عقب ابويه كان ياي ويايب الدياي اللي بنشويه حق العشاء ياي حلاته والله...يلست احذاله وتموا الرياييل يرمسون ونحنا البنات نصوخ ونسمع السوالف ونضحك .... عقب فترة جيه... اشوف البنات نشن عفان الله ازقرني على الاقل.... انا: ميرة وين بتسيروون... ميرة: عزبت يرانا بتيين.. انا: هيه اكيد يعني ... ونشيت ونفضت جلابيتي وسرت وياهن.... ودخلنا عزبيتم حسيت انها خاليه مافيها حد.... ولقيت مكان حق اليلسه ويلست فيه... والبنات دشن اونه بيشوفن اذا امل ومريم وحصه هن خوات طبعا ...بيشوفون اذا موجودات والا لا كان سيف يضحك بصوت عاااااااااااالي ..وياي انا مانتبهت عدل و لاهو بعد... ياي صوبي واكيد يتحسبني حد من هله ..لفيت شفته وشافني وابتسمت.,... انا: هلا سواف ها بلاك شاق الحلج.. ((يلعن ابو الجرأه من وين يبتها مادري والله)) حسيت الولد فقط مسكين.. سيف: لا والله ميود ضحكني يوم خبرني سالفت الفار... (( عنلاتك ياميود زادن الولد يضحك كله منك يالسبال مخلني مضحكه)) انا: هيه ماشالله .. سيف: سو ري يعني بس هزبته وقتله عيب.. ((ها وين يعرف العيب عنلاته)) انا: هيه زين زين مشكور... سيف: مممم انا اول مرة اشوفج ...كنتي تيين العزبه قبل.. انا: هيه دوم مم حتي انا اول مرة اشوفك... سيف: مادري والله يوم ماتلاقينا...المهم صدفه حلوة ... انا: مشكور سيف....والا اقولك مريم وخواتها شو يقربلك... سيف: مريم خطيبتي... انا: شووووووووووووو سيف: شو الشو... انا: لا ماشي ماشي....ممم انتي تدرس في نفس المدرسه وياها.. سيف: لا والله...انا مدرسه حكوميه وهي خاصه... انا: اهااااااااااااا....يله الله يوفقك... سيف: وانتي انا: في الجامعه... سيف: ايوااااااااا يله الله يوفقج.. انا: يوفق الجميع.. (( عيل بالذمه هالطيب اتكون خطيبته مريووم ياربيه احسبم اصغار والله مممم انا اشلي)) ين البنات واترابعن....وشفت مريم اتكلم سيف وتضحكله والحاله لله... يله الله يهينهم.... انا: المهم انتوا تموا اهنيه انا بسير عند قوم ابويه.. البنات: اوكيه عليوة انشوفج اخلاف.. ((فايقات والله عقب ارقاد عاد اذا ماسهرت هههه حلاته)) سرت عند قوم ابويه ويلست وياهم وكنت ساكته واسمع سوالفهم... عقب جهز العشا واتعشينا كلنا ارباعه.....وانا منقهرة من مايد خاطري اسويله حركه تقهر.... على الساعه 12 كلم ساروا يرقدون الا انا ومايد وميرة ..كنا يالسين على الضو انسولف... انا كنت لاهيه وياميرة يالسه اقرالها المسجات...ويالسين انتضحك... ميرة: مايد تعال اسمع هاي النكته ((وانا فخاطراي اصفعها)) مايد: لايابويه مابا اسمع دام انها من صوب اختج انا: ودك يالخايس.. مايد: احترمي نفسج انا: اذا محترمت يعني شو بتسوي ميرة: بس عاد استهدو بالله... انا: جب انتي مايخصج ماايد جرب صوبي كان يبا يرشني كف وكان عدالي اكلاس ماي يخسي والله انه يصفعني اقصورة والله....طبعا يعني مابطول يوم حسيت انه يا صوبي رشيته بالماي على ويهه تم هو معصب...من الخاطر اتقاشرت على عمري زياااده يا ومطني من ايدي وتم يفاتن ورشني كف على ويهيي وتمت ميرة امبهته حقير وهاي الكلمه قلتها بعد ما ياني الكف... مايد: عسب اتعرفين منو مايد انا : منو انته الا قطعه خايس مايستحي على ويهه يمد ايده على البنات ... صدقني الكف ماعورني ولا بيعورني ولابيهزني بعد بتم حقير طول حياتك مثل ماعرفتك...وبتموت وانته حقير انته اصلن محد يحبك كلهم يكرهونك...طوفي ميرة محد ييلس وياهاي الاشكال التعبانه....وكان سيف ياي صوينا وتقريبا سمع نص الكلام... بعد ماروحنا.... سيف: عيب عليك ميود.. مايد: خله اتقول اللي اتقوله. سيف: والله شكلك وحركاتك اتحب البنت ها اعترف...هههههههههه مايد: هاي حد يحبها اتخبلت انته... سيف: بلاها بنت خالك ... (( انا بنت خاله لان هو ولد عموتي(( للتذكرة)) مايد: نفسها خايسه ومغرورة وانا ابا اكسر غرورها مادري على الشو شايفه نفسها ((عنلاتك الحين انا شايفه نفسي)) سيف: بس ياميود عيب اتمد ايدك على البنيه مهما كان عيب والله عيب... طبعا ميود سكت واتمنى سكوته ها ان يحس ابغلطته مع اني ماتوقع هالشي... الله يخسه قهرني سرت اصيح وميرة اتسكتني....اف منه اليوم بطبه بس باجر ان اتحرش فيني...على طول بخبر عليه ابويه.... اتريوا الجزء العاشر شو تتوقعون مايد يسوي...؟؟ هل انا بتغير من ناحيته...؟؟ ها كله في الجزء العااااااااااااااااشر..............؟؟

أنا احلم انزين... الوحش يلحقني وأنا أقول... لا شو تبا مني ياوحش يامفعوص((( امحق حلم مفعوص اونه وين مابا الوحش يلحقني لوول))... الوحش: أنتي شيطانه وأنا لازم اجتلج ليش جيه اتعاملين عبوود.. أنا: هو يقهرني شو اسويبه قولي.. الوحش: اقولج شي . أنا: شوووو قول ابسرعه.. الوحش: يباله كف هالولد. انا: ههههههههههههههههههههههههههههههه ((فديت الوحوش ياربيه))... ((حلم اخر زمن هع)) ونشيت من الرقاااااااااد وكلي نشاط أن حد ويايه ضد أخويه المفعوص..طع بعد رديت أقول هاي الكلمه... نشيت وسرت اتسبحت بعد هالحلم اللي كرفت فيه كراف وأنا اركض... ماخليت بقعه مازحلقت فيها... مادري إذا كنت لابسه جوتي وألا لا...اشوى مالبست مافيني يخيس خخ.. كله وألا الجواتي ماتهون عليه... طلعت من الحمام صبروا بنشف شعري... ((خلصت)).. مممم خلني أقولكم سالفة.... أتذكر يوم كنت أصغيرة ... يوم كنا انا وعلى وموزة وأتذكر ميروة كانت أصغيرة ... كنا نشتري شيبس وصرط من الدكان..اللي هو الحينه معسكر أخواني... يوم كان يوصل راع الدكان ..تدرون كلم ياكلون إلا انا... تدرون ليش؟؟ لان اباهم ياكلون ويخلصون عقب اغايضهم أن مالي ماخلص..طع الغباء ترا انبونه جيه وألا جيه باكله باكله... عاد أحلى شي بالنسبالي أني اكل وهم مخلصين والله برائه يهال... مممم بعد شي أتذكرته بس لحظه بودي الفوطة الحمام.... ((رديت)) أتذكر كنت اشتري ايس كريم مانجو أو أي نوع... وشو تتوقعون أحط فيه والله لوعت جبد...بس كان على أيامي يجنن.. كنت اخلطه ويا البيبسى وعععع..... والحينه يوم انشوف اليهال أيخبصون انعصب عليهم... مانشوف أعمارنا يوم كنا حشكل لووول.. ممممممم ترا اليوم الخميس من جيه ماسرت الجامعة...عن اتقولون غايبه... ممممم أتذكر كنا نلعب انا وعلى وموزة بالتراب اللي في بيتنا... ياي روعه والله انسوي اونه جبل وتدرون أكياس الدكان الزرقاء انطرطرم وانعدلم وانحطه فوق الجبل على شكل شلال كشخه والله ونييب ماي ونصب عليه اونه شلال ياي والله خاطري ارد العب..لا والا احلى شي تراب وماي نيب التراب اونه انسوي كيكه واونه موزة عندها بيت وانطرشلهم الكيك بسم الله اتذكر كل خمس دقايق انا مسويه كيكه واوصلها حق موزة اونه يران انحب بعض انسويلم كيك حشا الكيك انسويه كل خمس دقايق اسميه كرم ....والمسكينة البشكارة اتحرطم علينا تدرون ليش..؟ لان نص الخواشيج ((الملاعق)) مدفونات في التراب... يالله يالوسخ اسميها اميه كرفت اكراف لين ماخلتنا أنهد هالسوالف كنا من الصبح لين المغرب أنعسكر على التراب... ايام التراب والله....جيلنا جيل التراب...حلاته والله.... لحظه بشغل التلفزيون .... ((رديت يلست على الشبريه)) ابغي اتذكر سالفه بعد... ممممممم يالله يالمخ لحظه بعصرة الا اطلع شي ... هههههههههههههه اتذكرت ..على كان دوم يلعب ويانا....والا اللي ماخبرتكم اياه اونه كنا نطبخ...شو نسوي نعفد المطبخ طبعا بالدس عسب البشكارة ماتشوفنا وتخبر اميه...ونسرق البطاطا...وناخذ قصدير(المنيوم)..وملح وكبريت...المهم سمان وايد لزوم السهرة... ويوم يرقدون كلم...ايي على ويدق عليه انا و موزة أتذكر ميرة كانت صغيرة فماكانت تعرف خربطانا وايد...انزين انسير وراء البيت ههههههههههههه وألا احلى شي مسولينا بيت من الحطب وراء اسمه مقر على وشركاءة لووول وين نبا...انزين ونلف البطاطا بالقصدير وطبعا انكون مجهزين الضو وكل شي...ونفرة في الضو وانترياها لين ماينضى...يمي يمي... دوم نسهر لين الفجر نلعب ونسولف...كنا على قلب واحد ومازلنا بس الله يسامح أبويه يوم سوى حق كله وحده حجرة ... نادر ما انشوف بعضنا انا في الجامعة وعلى في الدوام والباقين في المدارس...يله ماحلى الذكريات... دبف دبف دبف والقفعه منو يدق الباب...السموحه بشوف منو عند الباب...وألا اقول تعالوا بنشوف منو عند الباب استحي أخليكم ابروحكم... لحظه بنش من الشبريه... فتحت الباب.... امالي: الياه. انا: نعم ..والا اقولج في اداميه ادق الباب جيه...ماتشوفين ناس عندي. ((ويهه امالي اتغير ههههههههههههه)) امالي: وين انا ماشوف نفر.. انا: أي نفر مينونه أنتي محد في الحجرة(((وجان اجلب السالفة عليها ههههه)) أمالي: ماما تباج. انا: انزين بنزل سيري........ صكيت الباب...ماروم انزل بتصل حق اميه بشوفها شو تبا... جاري الاتصال ...اميه.. اميه: الوووو. انا: هلا اميه اشحالج. اميه: أبخير...يله نزلي أتريقي. أنا: صبري بنزل بعد اشوي. اميه: على راحتج. وصكيت عنها... انزين وشخباركم بعد لوووول.. ممممممممم والله أحس السوالف امكوده بس المخ أمقفل.. اعتقد اليوم بس بخليه حق السوالف يوم كنت أصغيرة... ايوااااااااااااااااا سمعوا هاي السالفة... أتذكر اربيع علي واسمه خالد كان دوم ايي بيتنا وكان عدنا صندوق عود بو قفل...شو سواا خالد الذكي قفل على( علي) الصندوق...وشرد وخلي علي من العصر لين الفيل بعد أذان العشاء..مسكيييييييييييين علي يوم طلعناه كان يصيح هههههههههههههه أي بطني...والله ماقدر شكله كان يموت من الضحك ... ومن هاك اليوم ماشفنا ويهه خالد..... بعد وين له ويهه ايي عدنا مسود الويهه....يالله ياخالد أكيد الحينه معرس ودي أنا اشلي لوول... لالالالالالالا وألا أحلى شي يوم العيد... أيام والله من أول مانقبض البيزات على طول انطير الدكان اسميه الدكان كد من ورانا.... والله أيام تجنن...وعلى كثر ماقول مابسكت وايد سوالف حلوة مابتخلص... (((نغمه مسج)) اووة اوووة منو مطرشلي مسج..... لحظه بجيك...صدقوني بقراه ولايهمكم... المسج من ريم ... يقول المسج واللي هو عبارة عن نكته... (( واحد حاكمين عليه بالشنق أول مابدوا يشنقونه كان يأشر...يوم يو صوبه جان يقول : الله يغربلكم بغيت أموت..))) هههههههههههههههههههههههه أي بطني الله يغربل عدوج يا ريمووة أنتي ونكتج اللي أتجنن.... من بعد حلم الوحش طبعا لووول...واعليه عنك يالوحش... ابصراحه ميتة من اليوع....بسير أتريق وبرد.... ((بعد عشر دقا يق)) هلووو رجعت ليكون مليتوا وانتوا يالسين في حجرتي... سوري بس ما بغيتكم تون تحت لان أتعرفون نفس المعركة تستوي يوميا... لو تذكرون من زمان على أيام البيبسى الجديم يوم كانوا يسوون مسابقه اللي يجمع أحرف بيحصل سيارة... ماعتقد تذكرون بس اسمينا ما خلينا كرتون بيبسى ماشتريناه... وياريت لو نفوز مالت ...نحاااااااااااااااااسه....بس والله أحس يوم ايمع شي استانس حتى لو ماربحت شي.... لووووووووووووول سوري إذا اليوم سوالفي عشاوئيه بس اليوم بغيت اتفرغ عدل عسب اسولف وياكم...طبعا كلنا أنعرف أفلام والت ديزني ومنو ما يعرفها هاي الايااااااااااام .... ونعرف بوكاهانتس...منو ما يعرفها هاي مسودت الويهه حابتلها واحد بريطاني امحق حبي من هلج ياملعونه الصير وديه اتاثرت ما علينا تنقع بس أنا بغيت أقولكم من ها كله أني أول ما شفت بوكاهانتس سرت صحت أتعرفون ليش ...؟؟ اونه أبا استوي مثلها وأشله هههههههههههه وين أبا ... دبف دبف دفب..لاحوووووووووووول ياهالباب….. أنا: منووووة. علي: بطلي. قومي ونشي من الشبريه والله متعايزة بس مجبورة أنش مافيني ياكلني لوول.. بطلت الباب… علي: تبين أتسيرين السينما… (((((( أتعرفون شو استوي حسيت أني في مهرجان دبي والألعاب النارية من ورايه لاعبه دور))))) أنا بعدني امبهته…. علي: يله شو قليتي… أنا: هيييييييييييييه بدون كلام بعد. علي: خلاص قولي حق خواتج يتلبسن. أنا: اوكيه..ماطلبت .. وكنت أسرع من أبو الحروف مال المناهل والخيبة كح كح ادري غبار بس أحيده كان سريع لووول… والخيبة زين ماتخرطفت وأنا عند صوب حجرة ميروووة.. دقيت الباب….ميرووووووووووة افتحي الباب مفاجأه ميرة وبكل ملل فتحت الباب…. ميروة: شوووووووووو انا: يوقل على بنسيرالسينما بتين ويانا.. ميروة: اذا انتوا بتون مابسير … دزيت ويها وصكيت الباب…. انا: ماتبين هاك الدرب عادي الدنيا مابيستويبها شي… ونزلت تحت وسرت عند موزة ودقيت عليها الباب…. مووووووزوووووووووة بطلي الباب مفاجأه ….. خست عشر دقايق عقب فتحت الباب…. موزة: شو المفاجأه … انا: يقول على انه بيودينا السينما يله لبسي… موزة: حلفي.. (((اوة ردت فعل محترمه مب هاييك الخقاقه))) انا: والله يله ابسرعه ودخيلج لاتحطين شي في ويهج مافينا يهون ونيلس في البيت.. موزة: ليش انشالله….انا لازم احط على الاقل جحال… انا: لاحوول محد بيخرب الظهرة غيرج…. موزة: انزين .. انا: انا بروح فوق بسير البس.. وركبت الدري….ووصلت حجرتي… مممم حبابيبي سوري مارمت ايلس وياكم على انفراد …بس والله مرة ثانيه اذا في فرصه بيلس بقول السوالف الجديمه لانها تقريبا ماتخلص… بس اللحين حد يعوض بذمتكم هاي الفرصه الخياليه… اكيد لا…نحنا مانصدق على الله اخوانا الشباب يطلعونا لووول … هو صدق اطلع ويا خواتي بس ويالاولاد احلى …محد يقدر يتحرش…. بلبس لون بنفسجي بستوي عيناويه فديت هل العين ياربيه…. ممممم اقول استريحوا في الحجرة لين ماغير اثيابي…. (((خلصت))……لاتقولون اتاخرت اتعرفون عاد نحنا البنات بالذات وايد انتاخر لين مانلبس….مشكله والله وياليت لو حد يعرف شو نلبس …بس خقه وخساير على الفاضي….بس الواحد يوم يلبس حق عمرة….لوول… دبف دبف …(( الباب يندق)) علي: عليوووة خلصتي.. انا: هيه الحين بيي بس بلبس النعال.. (((بذمتكم مب كلنا جي انقول يوم حد يقول خلصتوا لووول)))) وطر على الدرسنج روم ولبست عباتي وشيلتي… لحظه بتعطر…. وجان اخلص… الله يعينا اكيد الكونتيسه ماخلصت لين اللحين… ياخوفي اتسوي تسريحه هههههههههه… ياربي انا متأكده انها ماخلصت وياخوفي علي يهون..والله لزغدها… لحظه بقفل الحجرة لان ادري ابغيابي…بتتنبش الحجرة وياخوفي مثلا لو امضيعه شي هم من كثر مابنبشون بيحصلونه لوول..حشا فيران يوعانه…بتوكل وبقفل انا….كله والا اغراضي… المهم نزلت واستغربت ابصرااااااااااااحه امويز يالسه ومخلصه يالله لو المدرسه جان بتخيسنا وتلعب على النيت...خس الله عدوج يا موزة.... علي: شو ميرة مابتي.. انا: اتقول ماتبا اتسير ويانا اذا بروحك وانه تبا اتسير وياك ..عفان الله ماتبانا((( خخخ البق الضو)))... علي: والله هاك الدرب مابنبوسها على ايدها... انا: صدقك والله انزين أي فلم علي. علي: فلم ههههههههههههههههههههههه. مورزة: بلاك .. علي: مفاجأه.. (((والله لو يكون اللي في بالي بفصخ جوتيه وبضربه في السينما))) نزلنا من الدري وسرنا صوب سيارته....... اللحين بتبدأ الضرابه ...لان الكونتيسه تبا تيلس جدااااااااااام...وطبعا على حسب اللي تستخدم ذكائها وتشل جوتيها وتركض جدام يعني ياغالب او مغلوب مافي كاني ماني.... طبعا طبعا انا ركضت قبل الاوادم حتى علي ماوصل السيارة وكان يضحك ...ويقول عفانالله وموزة اتصارخ من القهر اني ركضت قبلها ابصراحه مب حلوة العوده تركب وراء....لوول... فأنتهزت الفرصه وكانت موزة ترمس علي وانا ركضت لووول...لقافه على المكشوف.... يلسنا في السيارة وحطلنا علي شريط يلوع بالجبد بالعماله بس اعناد فينا.... ((( اغنيه جديييييييييييييييمه من اغاني عبدالحليم))) انا: علي غير الشريط شو ها اتخبلت.. علي: اشعرفج بالفن انتي ياغبيه((وضربني على راسي ضربه صغيرة)) انا: هيه ماشالله خلاص خلينا الفن حقك.. موزة: اقولك حطلنا شي ايديد نبا انجليزي.. علي: تبين خيزرنه على ظهرج..خيبه ماظهرنا من كراج البيت وانتن تشرطن يله انزلن من السيارة. انا: ودوني ذلوني.. موزة: هيه والله ... ((( بس ولا جنه يسمع لبسنا لووول))).. وبعد خمس دقايق اتحركنا من البيت متوجهين السينما اللي صوب وافي مادري شو اسمها نسيت لاني ماهتم هاك الزود .... وصلنا والدنيا هاااااااااااااديه مافيها حد وانا احاتي ياخوفي ان الفيلم اللي في بالي.... والله لهز الدنيا.... مادري علي ساعات يوم يقهرنا يتفنن الحبيب.... قبل ماننزل من السيارة... علي: ابسرعه كل وحده اتخش الكشه اللي جدامها.. انا: هههههههههههههههههههه ياراسك.. موزة: مابا.. علي: شو قلتي جني ماسمعت... موزة: انا مب متحجبه... علي: بكس على ويهج يله اشوف استوي مثل اختج.. ((وجااااااااااان يمدحوني لا لا بطيح بطيح خخخخخ))))) موزة: انزيييييييييييييييييين.. ونزلنا من السيارة ويالله الهواء قوي وايد لالا لالالالالالا عباتي بطير .... هاللي مادانيه العباه يوم اطير...حشا خفاش حال على المكان.... يوديت العباه غربلاتها من عباه.... موزة ولابهامنها...وعلووة اشويه وبيرطخها من الغيظ واتسوي حركات امغايظ لووووول...صدق ياهل... ركبنا الدري ووصلنا عند المكان اللي يشترون منه البطايق... واول ماقل علي حق الفلبينيه ((Finding Nemo))) والله ان احس لون ويهي استوي 100 لون وموزة اشوي و بتصيح....وعلي ميود ضحكته.... انا: احلف انته بس.. علي: والله روعه وبعدين ليش ويهج اتغير ترا انا اللي عازمنكم ...ممم وعلى فكرة انا وربعي داشينه امس وحبيت انكم اتشوفونه ها يزاي ههههههههههه.. موزة: وتضحك بعد...ردوني البيت.. انا: انزين مايخالف بنشوفه على الاقل نتسلي انضيع وقت.. موزة: مابا ...ليش يهال.. ((عيل انتي شو)) علي: يالله جدامي لاكفخج يله بسير نشتري شي نبلعه يوم انجابل الفيلم.. ((( اكل ياسلالالالالالالالالالالام هاي الرمسه في خاطري عسب مايقول اخوي ان اخته ملقوفه ماياكلونها)))....هو صدق ماأكل عدل هههه وحليلي اونه والله يبالي كف على بوزي....ام لسان انتي ..((الحمدلله والشكر حد يرمس عمرة))..هيه انا لووول... علي: دبوة شو تبين ... انا: حرمتك دبوووة.... علي: اتخسين .. موزة: هههههههههههههه ياربي على الحب... علي: مارضى عليها ولو اني مب معرس... انا: عشتوا المهم اسكت ابا ناتشوز...واحذاله جبن... علي: شو هالغباء اصلن لازم الجبن وياه.. انا: انزين لاتتفلسف اباه وخلاص.. موزة: ابا من ماك دونالد.. انا: ههههههههههههههههههههههههههههههه... علي: هيه ماشالله ...وبعد شو تبين ...ماتبين اسكريم بعد... موزة: لا لا بعدين بحلي اللحين الوجبه الرئيسيه.. علي: اقول ماعندي سالفه والله كل وحده على كورن وكولا والبسن الباب اشوف... ((ولبسني ولاخذلي ناشوز والسبه موزة وحركاتها...))) دخلنا Finding Nemo وابصراحه انصدمنا نحنا الثلاث.... القاعه ممزورة شبـــــــــــــــــــــــاب والله ماتوقعنا طنشنا ودورنا مكان ويلسنا فيه..... وشفنا الرسوم ابصراحه حلو وايد...بس اعتقد الترجمه المصريه احلي.... وبعد ماخلصنا من الرسوم .... زين ماصحت بغيت استوي سمجه لووول....كشخه ابصراحه ..لووول.... سرنا ركبنا السيارة.....وتمينا انسولف لين ماوصلنا البيت.... انا: علي مشكوور وماقصرت اخويه... موزة: thank u Ali … علي: Welcomooo انا: وايد متاثر بالشات شكلك ههههه... علي: نعم !! انتي ادشين الشات... انا: ها لا منو انا حشا تف تف شو هالرمسه...بس اعتقد هاي المصطلحات مالت الشات... علي: على بالي والله ان دريت انج تحدرين الشات لاقص ريولج... انا: افااااااااااااا عليك انته...الكلام ليكي ياجاارة... موزة: شو انا لا بسم الله عليه... علي: ايووا جيه اباكم حريم... انا و موزة: افاااااااااااااااا عليك... ( مايدري بالمستخبي ههههه)... دشنا انا وموزة الصاله وكنا نضحك .... ميرة: حشا مابغيتوا تون... (((شوفوا الاستهبال اوكي))) انا: شو تبين انتي شو اللي قاهرنج... موزة: يمدحونه الفلم صح عليوة.. انا: هيه وايد ..فاتج موزة ماشفتيه ايجنن.. موزة: هيه عليوة ابروحج انتي ماييتي ويانا الخقه بتنفعج.. انا: هيه والله موزة شو اسوي خقاقه انا تراني.. (((والله بنطر من الضحك كشخه يوم موزة تتعاون وياي))) انا: هيه موزة شو سويتي يوم كنا برع.. موزة: مادري عليوة بس كنت متندمه لاني ماسرت ماتشوفين تلفونج كله مس كول ههه. انا: هههههههههههههههه بس بس بنطر من الضحك.. ميرة: والله انكن سخيفات. انا: مثلج.... موزة: ههههههههههههههههههه حركات اخر زمن... وسرتي حجرتي وانا ميته من الضحك..... احلى شي قهرت ميرة لانها وايد شايفه عمرها اكثر عن الللزوم ...والله تتأدب... وين سلوم وعبود ماشفتم اليوم وي وي بسكت عن ينقزون عليه.... اول ماوصلت الصاله لقيتم جدامي.... انا: شو تسوي انته... سالم: انني اطعم السمكه.. انا: بصفعك بالشنطه على مخك ارمس عدل... سالم: مابا.... عبدالله: وين كنتي وشو يبتيلي... انا: مايبتلك شي شو بيبلك مثلا.... عبدالله: ليكون سرتي الجمعيه... انا لله وانا اليه لراجعون... انا: عبود مالي بارض قتلك طلعت وخلاص بلا تحقيق... سالم: انتي وين سرتي... انا: سلوووم شو بلاك انته بعد... سالم: مادري بس نحنا انتحسبج في حجرتي... انا: هيه ماشالله اشوي قفلتها... عبود: وين سرتي.. (((خلاص ارتفعت درجه الحرارة وانا وعدتكم اني اخفف عليه لانه جد يرفع الضغط)) لبستم هم الاثنين وسرت حجرتي تعبانه .... ارتحت وصليت اللي فايتني..... واتصلت حق ريم وتميت اسولف وياها اشوي....وعقب دقتلي وفاء وارقع وياها سوالف عن الجامعه..... وعقب اذن المغرب....ونزلت كالعاده اشرب حليب وايلس ويالوالده.... ياني سالم وقالي ادرسه عسب عنده امتحان يوم السبت ويلست ادرسه وافهمه ... وعقب يا عبدالله... عبود: علياء حلي الواجب.. انا: ياسلالالام ليش انشالله...؟ عبود: لاني ماعرف شو السالفه... انا: عبود انته تفهم شي في الحصه... عبود: لا ... انا: ليش ماتنتبه.... عبود: اربيعي يرمس ويايه... انا: هيه ومشالله الجواب على لسانك بعد زين زين بس اذا انا حليته انته مابتستفيد شي كيف بتحل حق الامتحان... عبود: مادري والله بخلي الاستاذ يدرسني... انا: ماشالله وايد معتمد...بكفخك بالكتاب على راسك....يله اشوف حل جدامي...وغصبته انه يحل وحاولت افهمه قد ماقدر.... ....وعقب حطوا العشاء ويالله من يشم عبود ريحت الاكل ينسي الكتاب وابو اسلاف الكتاب.... واتعشينا لان صدق كنا يواعه....وطبعا سلوم الرقيق ياكل بأدب بينما عبود ياكل بدفاشه العالم....الصدق عند البطون تعمى العيون بس اخويه دوم جيه ههههههههههههههه....فديت عبودي والله يقهر بس فيه حسنات ممممم امممم امممم ماعتقد ههههه.... عقب رديت حجرتي وقريت قصه على اللاب توب كنت مخزنتنها حق الويك اند عن الملل...وقريتها لين الساعه 12 حسيت ان عيوني خلاص راحن احمرن واااااااااااااااايد واااااااااااايد وحرقني وايد...سرت غسلت ويهي وبدلت ورقدت..... هاللي استوي تقريبا هاليوم....تصبحون علي خير....

ابي اعرف شنو مكتوب في الورقه

ثنكس على البارت و ننتظر القادم على أحر من الجمر

قريت بنات الرياض أكثر من مرة و بصراحة ما احس ان الاحداث صاريرة في السعودية

السلام عليكم ورحمه الله وبركاتـــــه.......... اليوم السبت *_* ططوط ططوط لاتتروعون ها صوت المنبه أف منه ها الوذى أنا مفتكه من حشرة البشاكير ايي ها الثاني كانت الساعة 6:40 رديت اتلحفت خمس دقايق ويرد منبه التلفون يرن مرة ثانيه عنلاته رديت سكته وتميت جيه على هاي الحالة ربع ساعة لين ما عفت الرقاد سرت اتسبحت أول مابطلت الماي نقزت من مكاني زين ماثلجت كان الماي باااارد وايد.... اتسبحت وطلعت من الحمام متنشطه ....سرت جففت شعري وحطيت اشويه ميكب واتلبست لبست تنورة كحليه وقميص دنتيل ابيض ...واتزهبت.. انزين تقريبا ماتدرون الحفله اللي تستوي كل يوم الصبح خلني اخبركم والا تعالوا شوفوا ارواحكم ... بطلت باب حجرتي وكنت لابسه شنطتي الحلوة مال اللاب توب ماركه فندي هديه من ابويه .. انزين ...نزلت تحت وشفت عبدالله لبس جوتيه بس طبجه وحده وسالم فديته يالس ياكل كورن فلكس واعليه عنه.. انا: اقول متى ناوي اتخلص.. (((طبعا اكيد كنت ارمس عبود)) عبود:ها شو يعني؟؟ (( والله لو اني مب معينه من الله خير جان ذبحته)) انا:متى بتلبس الجوتي يله انا اتأخرت عبود:انزين خلصت انا: ميروة وموزة وين. امالي: مافي خلاص. سرت عند موزة لاني حاطه في بالي انها تسوي شي والله لو اكتشف اللي في بالي بذبحها.. لقيت باب حجرة امويز امبطل دشيت وانصعقت الصراحه ومثل ماتوقعت الحبيبه يالسه على النيت... انا: اقول الشيخه اتاخرت على الكلاس يدوب اوصلكن ... موزة: انا خلصت بس اتريا ميروة. ميروة كانت توها نازله من فوق.... انا: يعني تبوني انش الساعه ست واشرد الجامعه واعسكر اهناك الساعه 7 قبل السكيورتي... موزة: انزين يله سرينا. ميرة: لا انا ابا امر المحطه ابا اشتري لبان اكسترا. ((الحرارة عندي ارتفعت..)) انا: طوفي لاغسلج بكف على مخج... اميه سمعت الحشرة اللي مستويه وطلعت من الحجرة وعطتنا هزبه محترمه وسرنا ركبنا السيارة..... في السيارة...... سالم: علياء ممكن انمر الدكان. أنا: سلوم يوز عني أتعرف الشياطين كلها في راسيه الحين.. سالم: خلاص عادي على راحتج. عبدا لله: أنتي مب على كيفج نحنا نبا نمر. ميرة: تبا نمر والا اسد. ((خخخ يادمها اتنكت على الصبح...))) انا: انتي بتيوزين عنه والا اكفخج.. موزة لابستنا وكانت تدرس... وسالم ساكت مايخصه في حد.. وعبدالله بعده يتحرطم يبا يمر الدكان... وانا الود ودي دايستنه على بطنه مول مالي بارض له خيبه كيف يخلون الواحد يتعكر مزاجه بالغصب... خمس دقايق ووصلنا مدرسه عبدالله وسالم... نزلوا وعبود رضخ الباب السبال يباله كف على ثمه.. نزلت موزة وميرة وسرت صوب الجامعه... رن التلفون .. المتصل..وفاء.. طبعا طبعا مارديت لان صدق راسي كان يعورني.... المهم الله يعيني على ارف الجامعه اليوم ومجابل هالسير المغثه من الصبح... كانوا حاطين اغنيه على الاف ام... قله لي وصلني منه يكفيني عمر كيف يبغى طعني بسكين الغدر..اه قله كان لي عنده قدر لا تلاقينا امام الناس يسلم.. وصلت عند باب الجامعه ونزلت وشخطت بطاقتي ... بسم الله الرحمن الرحيم طع منوا جدام ويهي ع الصبح...اربيعتي النحسه السابقه طبعا بدور ..لاحول شوفوا الاسئله الحينه ... بدور: ها حق شوا متاخرة.. ((انتي اشلج..سلمي اول شي السلام ببلاش..)) انا: لا والله وصلت اخواني من جيه.. بدور: ايواا شومابيظهرولج ليسن. ((لاحووووووووووووووووووووووووووووووول)) انا: لا والله مابا اسوق ابصراحه مالي بارض على السواقه اقولج باختصار هلي مابيخلوني.. بدور: هيه زين زين.. (((اف منج يله سيري كلاسج..)) بدور: يله عيل خلينا انشوفج.. ((يحليلج انا ماريد اشوفج بالمرة)) انا: انشالله خير الغاليه..(((مب من خاطري)) كنت امشي عسب اسير صوب الكلاس بس ابصراحه المبنى بعيد يبالي درب.. اللي يقول بسير درب العين دبي يبالي احمل سمان وايد وماي وعصير هههههههههه حشا حشا ...شوفوا اتخقق اراويكم ان جامعتنا كبيرة .. بعد ماتلاقيت في البنات اللي ابتسملها واللي تبتسملي الي تلبسني والعكس طبعا لان نحنا عايشين جو ثاني او بالاحرى مجتمع ثاني...فيه كل انواع النفاق الحب الصراحه الصداقه والتعاون. يله نتحمل الا كم سنه واخلص من الجامعه على خير.. وصلت الكلاس وطبعا مب شي ايديد على بنات اكلاسي والاساتذه ان الانسه علياء كله تتاخر واعليه عنها عندها التزامات وايد ههههه ليش عندي ريل وانا مادري... السير: Alia don’t tell me why I think as usually.. انا: عنلاتك. بنات الكلاس: ههههههههههههههههه. السير: WHAT.. انا: Nothing sir. سرت مكاني وطلعت اقشاري هههههه ليش ليلام المهم طلعت اللاب توب ويلست العب واتجول عالمواقع وفتحت المسنجر... السير: Alia look at the board plz. انا: سير سير طشونه . السير: what is tashoona البنات كلم يلسوا يضحكون فديتني اصلن انا الوحيده اللي اسويلم جو الا هم ييلسون جنم في عزى .. خلصنا من الكلاس الاول....وسرت صوب الكافتريا يالله بالستر الحين درب لين ماسير صوب الكافتريا... وكانت ويايه ناعمه وحده في الكلاس... ناعمه: ها علياء شو تحسين بها الكورس.. انا: الحمدلله. ناعمه: انزين علياء في شي مافهمته ممكن اتساعديني.. انا: انشالله الغاليه في البريك شو رايج. ناعمه: انشالله خير.. وسرنا صوب الكافتريا لاحوول الحين بدش كرنفال مب كافتريا حق الاكل والشرب...يالله بعدني مافتحت الباب والحشرة واصله لين برع .....اللي تضحك واللي يايبه سماعه ومطوله على الاغاني...يالله بالستر شو هالمذهب... ناعمه: خيبه يالحشرة انا: بعدج ماشفتي شي. اول ما فتحت الباب لقيت في ويهي وحده كانت ويايه الكورس القبلي. مريم: هلا علياء اشحالج. انا: بخير. مريم: يله علياء بخليج عندي اكلاس. انا: see you اونه انجليزي هههههههههههه .. وانا امشي اسمع بنات على الزاوية يقولون سمعوا اوكيه.... البنت: شفتي فلانه وع شنطتها تقليد ههههههه. اربيعتها: أصلن هيه ابكبرها تقليد هههههه بس بس بطني يعورني من الضحك.. (((واعليه عنج ))) وسرت عنهم وفخاطري ميتة من القهر.. شوهالمذهب اخ عليكن اشتبوبها البنت تاكلون في لحمها ني.. انا لو احط عليها مابخلي عيب ما بطلعه المستخفة .. أنا اشتريت نسكافيه وناعمه شراتي وسرنا وحاسبنا وطلعنا من الكافتريا... ******* وعقب رجعنا للكلاس لان مابقى شي على الكلاس الثاني ومافينا على لسان كلاوديا بتشخطنا غياب .. في الدرب كنت ارمس ناعمه ونسولف في اشياء عامه وايد وايد سولفنا وحسيت ان ناعمه وايد طيبه حليلها وانا كنت اقول في خاطري انها معقده صدق ماستحي....اتذكر اول مادخلت الجامعه مول ماكنت ارمس حد ويوم اتاقلم في أي كلا س ايديد البنات يتيمعون ويقولولي علياء نحنا بنصارحج ابشي اونه تدرين يوم دشيتي الكلاس اول مرة كنا انتوقعج خقاقه ورافعه خشمج وماتعطين حد ويهه بس والله طلع العكس اللي يعرفج بيعرف انج عاديه ومب خقاقه.... هاذيلا البنات كل التخمين عندم ابيزة ...ترا انا شراتم ههههههههههههه.. دخلنا الكلاس وياليتنا مادخلنا.....نعوم من صوب وانا من صوب منطرات من الضحك على المس زين ماصبينا اللي في ايدينا.... مس كلاوديا لابسه شي يروع وايد يعني هيه صح كل يوم اتفاجئنا بلبس يلوع بالجبد بس عاد ها مول ماتوقعت ...لابسه قميص فوشي وعليه حيوانات هههههههههههه نعوم تطالعني وانا ارد اطالعها ماقدرت ابصراحه... كلاوديا: Hi girls. نحنا: انتي خليتي فيها girls كلاوديا: where were u? نحنا: in the café كلاوديا: mmmm do u think this is a good reason انا: لاحووول ابكيفج ابويه حسبي غياب يرحم والديج ابا ايلس مكاني مب قادرة اوقف من لبسج ههه. بنات الكلاس ماتن عليه من الضحك اببصراحه مب اني مشاغبه والا شي بس ابصراحه تقهر تيلس تسال عن القرحه وشو دواها.. كلاوديا: go back to ur chair plz. انا: اف مابغت قذيه. وردينا مكانا وكملنا الكلاس عادي طبعا...والكلاس الثالث ماحضرته كان عندي شغل في المكتبه ...ولازم اسلمه على الظهر.. في البريك تايم كنت في المكتبه ابا اخلص البروجيكت مالي لان احس انه ثقل على قلبي......شفت ناعمه لاني كنت متواعده وياها ان نتلاقي في البريك عسب افهمها.... ناعمه: هاي علياء. انا: هايين نعوووم....اتغديتي.. ناعمه: لا والله قلت اشاورج اشوف اذا بتتغدين ويايه والا لا.. انا: ليش لا بس انا ماباكل وايد لاني اريد اتغدا في البيت عاد كله ولاطبخ بشكارتنا(((وع عمى بعينها انشالله...)))... ناعمه: يله ابسرعه بناكل شي خفيف وبنرجع المكتبه شو رايج.. انا: اوكيك... كنا انا وناعمه نمشي مع بعض كنت انا في الطابق الثاني من المكتبه ونزلنا من الدري....وانا نازله كنت افكر شو بشتري لان تقريبا اكلهم نفس الشي ويلوع بالجبد اف ياربيه منهم مممم لو ييبولنا برجر كينج ..اووو chilies ههههههههه شكلي وايد احلم مشكله احلام الفقراء لوووول.. على طاري احلام الفقراء اتذكرت حلم يموت من الضحك صدق صدق مال الفقراء... حلمت اني في شقه كبيرة اتجنن انا وموزة اوكيه وهاي الشقه صعب انج تتحكمين فيها بس اذا ماعرفتي أي شي مثل وين الفصوص مال الكهرباء وهالسوالف...بتلقين كمبيوتر يتكلم فوق والله شكلي يضحك في الحلم وانا اكلم الكمبيوتر واقوله ...وين فص المكيف هههههههههههههههه بنت فقر فص اونه بدال ماقول رمونت على الاقل... تلقون الكمبيوتر زاغ بس احترم ههههههههههههههههههه... المهم نزلنا من الدري وسرنا صوب الباب مال المكتبه وطلعنا من المكتبه بس اول ماتنزلون من الدري في دري مسطح عاد ها اخاف منه بالقو احس اني بزحلق او بطيح... في بنت مسكينه والله طاحت جدامنا على طول قرصت ناعمه عسب ماتضحك.. البنت شكلها اتعورت وايد والله غمضتني مسكينه.. سرت صوبها وساعدتها .... ناعمه: سلامات.. البنت: مشكورة اختيه.. انا: سلامات اشوى انها يت سليمه اختي اتحملي مرة ثانيه.. البنت: انشالله ومشكورة اخت... انا: علياء..وهاي ناعمه البنت: اتشرفنا علياء وناعمه وياكم علياء.. انا: هلا علايه صدفه والله نفس الاسم... علياْ: صدفه حلوة بس مب وانا طايحه. انا: اختي اشوي ماتعورتي.. علياء: مشكورة علياء.. انا: شو رايج تتغدين ويانا.. علياء: تدرين ادور حد اتغدا وياه .. ناعمه: عيل يله حبوبه سرينا.. سرنا نحنا الثلاثه مممم ارتحت وايد من علياء احسبها طيبه والله مسكينه ماتستاهل هالطيحه... .......وصلنا صوب الكافتريا... البنت: ها عليوة المعوقه اشحالج... (((((((((((انصدمت بس كانوا يطرون اللي عدالي...مب انا)))))))))) انا: اقول انا مابسكت ليش جيه تقولين مب عيب عليج.. البنت: انتي بلاج محتشرة. انا: اكيد بحتشر دامني اشوف انج تغلطين على اربيعتي.. علياء: خلاص خليهم الله يسامحهم ... ناعمه: عليووة خلاص.. انا: صخن انتن ماتعرفن تاخذن حقن. البنت: شو بتسوين.. انا: ممم ولاشي اتعرفين ليش...لاني ماحط راسي براس ياهل مثلج ماعندها اسلوب وادب....عفان الله بس انتي شوف الروب لين شو واصل سيري اميه اتغسلي حتى اللبس اتأكلينه... ناعمه وعلياء: هههههههههههههههههههه بس صخي صخي بطني.. البنت السخيفه قفطت وجلبت ويهها هيه وربعها اونم شله وين تبن... دشينا الكافتريا وكالعاده حشرة وازعاج على كيف كيفكم مستوي سوق السمج.. يالله نحنا بنترس الكرشه وبنطلع... يلسنا انا وعلياء وناعمه نسولف و ناكل بس انا كلت تبوله عسب حاطه في بالي اني بتغدا في البيت... الظاهر متولهه على غدا امالي...... انزين..عقب كملنا يومنا عادي وحضرت اخر كلاس.... خلصت من الجامعه ورديت البيت....اول مادخلت الصاله... انا: السلام عليكم.. امي: عليكم السلام والرحمه . انا: شو الغدا اميه والله يوعانه. امي: بريان دياي. انا: خلاص قوليلهم خلي يحطولي غدا. اميه: انشالله ... سيري وتعالي اباج في رمسه. ((الفضول يجتل ترأ )) انا: لا اميه قولي شي في خاطرج. اميه: يالله يالفضول. انا: لا اميه مش فضول بس قولي شو. اميه: اباج اتسيرين ويايه الجمعيه. ((( ويهي اتغير عشرين لون...وانا اتحسب شي خطير هههه))) انا: اميه شلي عبود وياج انا ادري بيخم الجمعيه بس انا تعبانه وماروم اسير.. اميه: اباج انتي عسب تختارين هديه حق حرمه مربيه.. انا: انشالله يصير خير اميه لين العصر.. اميه: يله عيل سيري بدلي ثيابج واتغدي . انا: انشالله. سرت فوق وانا يالله يالله اشل عمري وشنطتي...وايكم عبود طر من فوق ويدعمني وماكان لي بارض اني اقوله شي صخيت بس يلست افكر بعد زين افكر المخ يشتغل لوول قلت يعني عبود ماله خانه فوق اكيد داش حجرتي ونبش اف بس والله لو اكتشف شي بزواله... سرت حجرتي وفتحتها وياليتني مافتحتها.... بغيت اموت من القهر كنت بصيح خلاص بجتله بزغده اليوم هالعبود بيموت على ايدي... انا واللي يمكن ماخبرتكم بها الشي هوايتي التصوير يعني التصوير عندي ابيزة وصوري كلها في حجرتي مش غرور بس لاني يوم اصور الصورة تطلع حلوة ..ممممم مب جنه ها اسم فلم مصري ههههههههههههه...المهم ماعلينا شفت صوري متنشرة على الارض والالبومات امشرعه على الاخر وانا وحده ترا مالي بارض اني ايلس القط واردهن امكانهن انا براويه ها بو الذنين ...عقيت شنطتي وبدلت ثيابي ....كنت امصليه الظهر في الجامعه فمن جيه نزلت على طول لا والحبيب يالس عادي عنده ماقال بشرد عسب ماتزخني .... انا: لا والله على الاقل اشرد يامسود الويه والله ويقول المثل (( يجتل القتيل ويمشي بجنازته)). عبدالله: شو بلاج شو سويت انا اميه شوفي علياء تتبلى عليه. اميه: بلاج على الولد عيني من الله خير وقري اتغدي. انا: سيري شوفيه كيف امنثر الصور في حجرتي. عبدالله: أي صور. ((الحرارة ارتفعت عندي خلاص بزغده بجتله)) انا: شوف انته ايه والله العظيم بيي وبضربك ضرب البلا وقسم بالله ماعليه من حد يالخايس وانا دشيت الحجرة لاتلوم الا نفسك .. اميه: حشمي عاد.. صخيت عنهم وحتى ماتغديت من القهر.... سالم كان ياي من برع وثيابه خايسه قمت من القهر رشيته ابكف على ويهه بعد ماهزبته لان ثيابه وصخه ويلس يصيح وانا لبسته لان مول مالي بارض حق دلع اليهال.. ااااااااااااه ياربي انا شو اللي خلاني اصفعه سلوم مسكين والله بس يله... يلست اشويه اتجول في الحجرة عقب بطلت اللاب توب ويلست اسمع اغاني اغير خلفيت الكمبيوتر حشا ياهي الخلفيه اللي تتغير في اليوم الواحد 70 مرة....شو اسوي من زود الصور الممزورة في الكمبيوتر... اذن العصر صليت وسرت ويا اميه الجمعيه.... ..........في الجمعيه........... بعد مانزلنا من السيارة ... اميه: علياء هاتيلي قاري بس ماباه معوق.. انا: انشالله. سحبت القاري ودخلنا انا واميه يلسنا اشويه نسولف لينا ماسرنا الطابق الثاني من الجمعيه... اتنقينا شي مال اليهال..وحاسبنا طلعنا.... في السيارة.......... اميه: هيه متى...لا والله... وانا طفرانه راسي يعورني لان اميه اتزاعج يوم اترمس اربيعتها.......... اخ على طاري اتزاعج ذكرت سالفه بقولها دامني في السيارة وملانه... مرة كنت اتوسل واقول حق اميه انها ماتزاعج يوم ترمس في التلفون... بس اميه شكلها طاف ههههههههههه... كنا سايرين مركز من المراكز ورن تلفون اميه وياليته ما رن الحين بتيلس اتزاعج ادريبها.. اميه باعلى صوت: هيه ماشالله أي دخون حددي .. وانا ويهي يعورني ماتم حد ماسمع ... انا: اميه خفي على صوتي دخيلج. اميه طاف كالعاده.... ويهي استوى احمر... خلاص اتغير لونه ... واحد من الشباب..((((بلاها الوالده مكالمه خارجيه هههههههههههه))) هيهيهيهيهيه ابصراحه سخييييييييييييييييييييييف.... مالت عليه قهرني مارديت لان اميه عدالي والا انا ضاريه ارد واقفطهم الخياس.... ............وصلنا البيت............ رديت حجرتي فوق ...ويلست على الشبريه ضايجه ومتملله وايد.... ميرة كانت ادق باب حجرتي.... سرت فتحت الباب... ميرة: اقول علياء عندج شامبو.. انا: ليش يعني... ميرة: حق شو يعني باكله ابا احط في خمرتي الشامبو مالي خلص.. انا: سيري الحمام ...وبتلقين الشامبو...في كمن نوع اختاري...وابسرعه مول لايعه جبدي... ميرة: اوكيه... سارت ميروة خذت الشامبو وطلعت... رديت تميت ابروحي... كانت الساعه تقريبا 6.. مادري فكرت اسير عند حد من ربعي طبعا وفاء فديتها... اتصلت حق اميه واستاذنت منها ووافقت.... بس اميه قالت اخلي وفاء تشلني لان اميه بتشل السيارة لانها بسير عند الحرمه المربيه... اتصلت حق وفاء... وفاء: هلا والله.. انا: هلا وفاء اشحالج... وفاء: ابخير الغاليه... انا: وفاء مري عليه بيي بيتكم.. وفاء: حلفييييييييييي انا: والله.. وفاء: يله ربع ساعه وانا عندج عليوووة ياي وناسه.. انا: ادري وناسه يله اترايج وفوي.. وفاء: يايتنج مع السلامه. انا: في الانتظار.. وفاء: على قناه ابوظبي ههههههههههههههه انا: ياويهج مع السلامه. وفاء: شااااوووووووووو.. وصكينا عن بعض... وحليلها استانست البنيه... سرت صوب ثيابي ولبست واتسحيت واتريتها... بعد 10 دقايق وصلت وفاء وركبت عدال وفاء وراء ويلسنا اندق سوالف... قبل مانسير بيت وفاء مريت المحطه عسب نشتري صرط ههههه نزلنا.. وفاء: عليوووة اشتري اللي فخاطرج مرة. انا: اشهد انج ماطلبتي هههههههههه بخم المكان عيل... وفاء: حشا لقافه هههههههههههههه. انا: حد قالج تعزمين.. وفاء: هيه والله غلطت هههههههه. انا: ياراسج... وفاء: دبه وتمينا على هاي الحاله كل وحده اتعاير الثانيه.. فجاه دش واحد استراحه المحطه اللي كنا انا ووفوي نشترى منها... بقولكم شكله مم عريض اشويه مسمر من الشمس شكله المهم وسيم ويلفت الانظار... انا ووفاء كنا عند ثلاجه البارد... وفاء: اتشوفين ها انتي والا لا. ((( بدون اهتمام )) انا: بلاه. وفاء: مب جنه غاوي الله يخليه حق هله. انا: انشالله....يله خلصي ياحرمه ورانا درب. وفاء: ههههههههههه وين تبين اكو بيتنا قريب ياحرمه.. انا: انزين... كنت شاريه فيتامين سي وشيبس واسكريم ممم وبس.... كنت شاله الفيتامين سي ومادريت الا وعباتي اشويه وبتخرطفني وكان هو جدامي... في خاطري ((( لالالالا طيحي بعدين بليييييييييييز))) لالالالالالالالالالالالالالالالالالا طاحت عنلاتج من غرشه انا براويج.. الولد: فدوة عن راسج. ((شو فدوة عن راسي الحين بيدفعونا مال المحطه هههههههههه اسميني فايجه افكر في هالسوالف بس انطب احسن)) لبسته وماقتله شي اقصوري بعد ارد عليه... وفوي صخت من الموقف... وعقب يت عدالي.... وفاء: عليوووووة فشله.. انا وميوده عباتها: صخي صخي بليز احترق ويهي....اجدمنا ابسرعه صوب الكونتر حاسبنا باقي الاغراض وشرده على السيارة.... كان الولد يضحك عنلاته الدب فايج يضحك انا ويهي احترق وها يضحك ... لكن بعاقب عباتي هههه متفيجه والله انا خاطري اصيح اهى اهى اهى... عقب وصلنا بيت وفاء ودخلنا السيارة داخل قبل ماننزل قلت حق وفاء ان ندش من الباب اللي وراء لأني استحي اجابل أهلها... يوم نزلنا الولد اللي كان في المحطة برع وأشوف اخو وفاء سايرله... مممممممممم الحين ها اربيع اخو وفاء شو هالصدفه... وفاء: أتشوفين اللي أشوفه.. انا: شقايل ماشوف ماشوفين عيوني وصلت سيارته ههههه. وفاء: أشوفهن يلعبن هههههههههههه. أنا: صخي صخي خلينا اندش.. دشيت بيتهم من وراء ..والحينه يالسه اركب الدري فتحنا الباب وشفت صالتهم أتجنن أثاثهم روعه.. أنا: وفوي روعه أثاثكم.. وفاء: وين يا روعه أنا اعزر على أميه اتغيرة.. أنا: لا بالعكس حلو ماشالله... وفاء: عيونج الاحلى عليوووة... أنا: شو عشاكم هههههههههه. وفاء: بسم الله بعدنا ماحدرنا تنشدين عن العشا هههههههه. أنا: أخاف ماتعشوني بعدين اتوهق.. وفاء: لاتحاتين الخير موجود... وحليلج ياوفاء...طيبه ... سرنا فوق وسولفنا ويلسنا على النيت والله وناسه ابصراحه.... عقب اتعشينا ورديت البيت لاني كنت تعبانه وورايه دوام باجر... هاللي استوالي اليوم ....... وبعدين بخبركم سالفه يوم كنت مسافرة .....

الاااااااااااي يالله نبيش تخلصينها بسرعه بلييييز تحياتي

وسرنا صحارى... عبدالله وسالم يتضاربون ويصخون فجاه اسميهم خبايل... وتم سلوم يسولف عن ربعه اللي في المدرسه....وانا اضحك عليه ابصراحه سوالفه اتضحك وخاصا المقالب اللي يسويها حق البنات...ويكرة وحده في الكلاس اسمها شمسه يالله هاي البنت من كثر مايطريها سلوم كرهتها ابا اضربها....مممم مثلا اللي يقهرني انها حاطه دوبها ودوب اولاد الكلاس ماتتعاون وياهم لانها على قولت سلوم مغرورة لانها طالعه الاولى عليهم ..مممم من حقها والله بس عاد تراها انانيه... قالي مرة سالم انها كانت يالسه جدام عند المعلمه وانها كانت تواشي على سيف انه ماكتب الواجب ..انزين سلوم قالي اف منها هيه اشلها يبالها ضرب..وكانوا شله سلوم اخويه متعاونين ان يضربونها ضرب....بعد الكلاس طلعت المعلمه مالتم .. وشو سووا نايهاهاهاهاها....زخوها من شعرها ومطوة وخلوها تصيح ... هههههههههههه تتادب الوشايه بس صدق ماتلاحظون ان الشطار عادتا يواشون وايد ابصراحه انا كنت اعاني من هاي المشكله يوم كنت صغيرة لان البنات كلن يواشن حشا عفان الله ماعندن روح التعاون.....يعني ماكنت هاك الزود شاطرو يله ايام وعدت... بعد دقايق وصلنا صحارى...يالله كيف نسيت عمري وانا اسولف عن سالم .... قلت حق الدريول انه يوقف في الباركات اللي تحت لان ماحب انزل جدام ليش...؟ لان كل الشباب يالسين في ستار بكس اللي جدام ...وانا بصراحه استحي... وانا اكتب اتذكرت شي هههههههههههههههههههههه اول شي ضحكت لحظه برد اضحك ههههههههههههههههههههههههه...اكيد اتقولون في خواطركم اكيد بتتلاقى ويا اللي تحبه في صحارى ..وانا اقولكم ((لا)) ....اوني اطورت وغيرت اشويه طريقه القصه لووول...يمكن احب ويمكن لا ....كل شي جايز وبعدين الحب مب حرام صح.... المهم ... نزلنا..وركبنا الدري المتحرك ...ودشيت دبنهامز بغيت اطالع شو ايديهم ...وسحبت اخواني ويايه ...اخاف يضيعون... ونحنا داشين اخويه سالم شاف فستان يلوع بالجبد ..جان يقول بصوت عالي عليوووة شوفي هاللبس القرنبع هههههههههههههههههههه.... أي ويهي ... وكان في واحد واقف عند العطورات وسمع سلوم وهو يقول هاي الرمسه ويلس يضحك ..اي ويهي عورني بصراحه... زخيت سالم وقتله ... أنا: بذمتك تم حد ما عرف اسمي في المحل.. سالم: اووة سوري.. عبد الله: ها شفتي الغباء الحين منو الغبي فينا.. أنا: انطب انته يالله ماصدقت تلقى شي على سالم. ((بصراااحه لاتقولون اني افرق بين أخواني بس ترانيه أحب سالم وايد احسبه برئ زيادة عن اللزوم أما عبدالله ترا ياخذ حقه بيده...فيعني لاتحاتونه بولسان طويل..))... يلست اتمشى ويا الحشكل اللي شالتنم ...ابصراحه ويهي عورني لان كلمته قرنبع ابروحها اتضحك ...يالله انشالله ينسى الريال...المهم ماعلينا من الريال... لقيت بدي حلو يلست اطالعه بس عبود علق... عبدالله: اخ شو هالعنقاش.. انا: ليش بالعكس وايد حلو. عبدالله: انزين كيفج. ((اسميك انته فايق)) شليت البدي وسرت حاسبت وطلعت من المحل... سالم: الله يخليج علياء في خاطري اشتري من باسكن روبنز.. انا: انزين يله.. وسرنا ركبنا الدري المتحرك....وعقب سرنا صوب باسكن روبنز. ((ابصراحه مابغيت اكسر خاطر سالم فديته....)) عبدالله: ابا اسير تويز ار اص لاني ابا اشتري السيارة. انا: اوكيه يوم بتخلصون من الايس كريم بنسير. عبدالله: لا انا بسير اتنقاها والله يبالي مده طويلة. (((شفتوا يالله عليه الشيطان...بس ما بغيت اكسر بخاطرة..)) أنا: انزي سير بس في أي قسم بن تلقى... عبدالله: قسم السيارات. أنا: اوكيه يله سير .. يلس سالم يسولف ....يوم خلصنا من الايس كريم...سرنا صوب تويز أر اص.. وشفت عبدالله في قسم الالعاب مال السيارات ... بس انا قلبي ناغزني ان سلوم بيغار ... والله انا طلب بضربه ...مب زطيه بس ماحب التقليد .. وفي شي اعتقد كل الاهالي يعانون منه اللي هو.. اللعبه اذا اشتروها اليوم الاول يدلعونها واليوم الثاني شي منكسر منها اليوم الثالث اللعبه انقرضت....عيالنا مب متادبين ومستوين شرات هالولد اللي في حكايه لعبه ..اسميه كيف مدلع اللعوب ياحظهم الالعاب مستانسين عليه..يله احيد يوم شفت حكايه لعبه اول مرة والله بغيت استوي لعبه اسميني ياهل وتفكير يهال... المهم عبدالله اتنقى اللعبه وحاسب وطلعنا..اللحين باقي نشتري سمجه حق سالم... سرنا صوب السمج واشترا سالم سمجتين ..في خاطري اللحين بدشون بيتنا وبتنسون صحارى ابكبرة من الدلع اللي بيدلعكم اياه سالم وعبدالله... اوووة ليكون سمعتني السمجه اخاف تستانس وتتحرقص واطر الكيسه ... ماتدري ان بيوعونها وبتموت حالها حال السمجه القبليه... انزين بعد ماشترينا السمج ... اتصلت حق الدريول لان الساعه استوت 12 ولازم انرد البيت ...لان اتاخرنا.. نزلنا تحت عند الباركات ..وركبنا السيارة ...... وطبعا السوالف اللي في السيارة ماتخلص... وصلنا البيت ونزلت وكنت تعبانه لان خاطري احط راسي وارقد لاني ناشه الساعه 8 وبصراحه ماحد ينش هالوقت في بيتنا الا البشاكير ..لا والله البشاكير ينشن قبل وحليلهن والله... سرت فوق وعقيت عباتي وشيلتي ولبست بدله نوم وطحت على الشبريه ... حتى ماكملت خمس دقايق ورقدت .. يعني رقدت بدون غدا وحطيته على السايلنت لان اعرف قوم اميه بيتصلون عسب اتغدى ... استوت الساعه خمس نشيت من الرقاد بس حسيت اني تعبانه ومتهايزة ومالي بارض انش من الشبريه احس راسي ثجيل وماروم اشله ...يلست يمكن نص ساعه على الشبريه عقب حسيت اني يوعانه ..قمت غسلت ويهي وصليت الظهر والعصر ..ابصراحه اتندمت لان فوت الصلاة... نزلت تحت اشوف البيت هادي...استغربت مادري ليش احس ان يوم الخميس ملل....يلست في الصاله ابروحي كنت العب بالتلفون لين ماستوت الساعه 6 ودشت البشكارة وحطت الدلال...قمت صبتلي حليب ...وكان حار ...خليته يبرد...عقب حسيت بالملل.. اتصلت على مبايل اميه .. اووة تلفون اميه يرن يعني اميه برع البيت لان لو هيه في البيت بيكون التلفون مغلق...اف اميه : الوووو.. انا: هلا اميه اشحالج.. اميه : ابخير..متى ناشه..؟ انا: قبل اشوي...اميه انتي وين.. اميه: بيت يدتج علياء. انا: شووو وليش ماقلتيلي كنت بسير وياكم.. اميه: استرحي ماشليت حد ويايه وبعدين انا ويدتج بنسير العزى عدنا حرمه بنتها متوفه في حادث. انا: وحليلها والله ..خلاص اميه برايج.. اميه: ابرايج مع السلامه.. اووة ياميه اذا انتي محد يعني بتم ملانه ... اتصلت حق علي..((ادري فايجه الحين مابخلي حد ماباذيه لان الشيخه علياء ملانه..)) علي: الووو انا: على اشحالك..اقول شو اخر تلفون في السوق. علي: ابخير وسهاله...وبعدين على طاري التلفون حشا انتي كل شهر تلفون ...وايد قلبج يعورج يوم عندج بيزات يله عن اللعب اللي ماله معنى .. انا: انزين في تلفون قبل شويه شفته في الجريده عيبني.. ((وانا اصلن لاشفت الجريده ولا شي...)) علي: هيه ها تراه غالي ب 2200 انا: عادي شو يعني ببيع تلفوني وبزيد عليه وانته فديتك بعد بتزيد وبتبليه اياه صح. علي: شوفي انا عندي شباب اللحين عقب بتفاهم وياج على سالفه التلفون.. انا: باي. علي: تفو عليج . انا: خيبه هههههههههههههه علي: باي. اسيمك ياعلوووة سوالف...امممم الحين ازعج منوة ياترى والا اقول مب فايجه...بسير عند ميروة بسولف وياها.. اوووة يهالدري كيف يلعوز الواحد ...الحقوني بنشوف ردت فعلها بتفتح الباب والا بتلبسني هاي البنيه.. لحظه..................................................... رديت ........................سرت اشرب ماي من المطبخ.............................. اول ماوصلت فوق لقيت ميروة توها فاتحه الباب... انا: اشوى زين فتحتي الباب تعالي بنسولف تحت. ميرة: اوكيه يله اقولج يابو دله الحليب. انا: هيه.. ميرة: اف راسي يعورني وابا اعدل مزاجي بكاس حليب. انا: يله انزين... وصلنا الصاله... انا: تدرين اليوم اشترينا سمجتين من صحارى. ميرة: حلفي .. انا: والله ليش احلف بعد اسميج. ميرة: حرام عليج الحين مابيسولم سالفه. انا: لا شكله سالم اتادب لان اليوم الصبح يوم شاف السمجه ميته تم يصيح وشكله بيوز عن هالسوالف..قبل يوم كانت عدنا هاييك القطوة لعنوا بو الخير فيها... لين ماماتت... ميرة: وين ماتبينها تموت عيل يحطون القطوة في الماي الحار ويوم نسالهم اونه حمام سونا... انا: هههههههههههههههه الله يقطع ابليسم والله انهم مابييوزون. يلسنا انا وميرة انسولف ... لين الساعه سبع تقريبا..... حسينا بالملل.... وسرت حجرتي ورقدت بصراحه ماكان لي بارض …..راسي يعورني…يوم بنش باجر بسولف وياكم…. باي ...تحياتي: عليوووة...شوفوا اسوي دعايا حق عمري لووول. اليوم الجمعه لاتنسون... نشيت الفجر لاني البارحه رقدت من وقت اففف انا شو يقومني من الفير يله بتحمل الملل .. سرت اتسبحت وكانت الساعه 5 تقريبا .... قريت كمن آيه صليت الفجر وطلعت من الحجرة... انا: غريبه حشرة في حجرة علي..اكيد سهران على النت والله فايج شو مخرب عيونه غير هاي السوالف الا نيت وتلفزيون والحاله لله كيفه عيوني والا عيونه.. ممممممممممم شو اسوي الحينه اول شي بسير المطبخ يوعانه ماتعشيت البارحه ... وانا خاطفه على الصاله شفت الضحايا في الصاله ويلست اضحك ..طبعا كلكم تعرفون منو الضحايا اللي هم رقيه ((السمكه الاولى)) وسبيجه ((السمكه الثانيه))...ماعليه ادلعن اليوم يابختكن بتشوفن الويل مع الايام ... مشيت صوب المطبخ ابصراحه عاد انا جنيه سرت المطابخ اللي برع لاني يوم خطفت الصاله اللي تحت مالقيت شي... وانا امشي..سمعت صوت خلاني افز من مكاني... شو تتوقعون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سلطان يالسن برع....وكان يرمس في التلفون حشا منو يرمس هالخبله.. سلطان: شو تسوين خاري مينونه انتي.. انا: سايرة المطبخ ...يوعانه . سلطان: اخر مرة تظهرين ابروحج ماتخافين انتي شو من القلب عندج انتي... اعنبوة انا ريال واتروع انصاص الليالي..((في خاطري ها شو يقول ليكون مايدري ان اللحين الفجر والشمس خلاص بتظهر)))... لاحوول والله ياسلطان ثرك فايج وانا راسي يعورني ... انا: انشالله ..تبا شي من المطبخ. سلطان: يله ابسرعه احدري المطبخ وردي الفله مرة ثانيه..ان شافتج امج بتهزبج.. انا: انشالله...ممم منو ترمس انته مخلي الريال يسمع رمستنا .. سلطان قفط ابصراحه يتادب انا هاللي بغيته يالس من الصبح يهزأني..واللللله ناقصتنه انا.. سلطان: انجبي يالس اسمع الاف ام. ((( قص عليه نونو انا )) انا: انزين انزين... سرت المطبخ وفتحت الثلاجه ولقيت فيها لبن ابصراحه هاللي جذبني صبيتلي في كاس ورديت اللبن مكانه...يوم طلعت من المطبخ رديت مرة ثانيه وخذت دبت اللبن وسرت فوق انا اقول تكون فوق احسن ...عشان اذا بغيت ماتعب نفسي واسير برع... رديت حجرتي وحطيت قناة ميلودي حاطين اغنيه غبيه ابصراحه اغبى من هاي الاغنيه ماشفت...المغني اسمه ..ريكو .. والاغنيه طهقان زهقان..ابصراحه لاعت جبدي عنلاتك يالسه يترقصلي جدام البحر وين تبا خاف ربك يالخسف..ويلست اتحرطم على كل اغنيه تطلع والله فايجين.. ممممممممممم ابصراحه مليت بحط راسي وانشالله ارقد بس... ممممم لحظه بتلحف .. اتلحفت ورقدت.. البيت كان حشرة من الخاطر اف شو هاي الحاله مايخلون الواحد يرقد على راحته .. نشيت وكنت من خاطري معصبه الود ودي اجتل اللي في البيت كلم. بطلت الباب ولقيت البشاكير ينظفون الصاله..المدام امالى واربيعتها شاندرا. انا: حد ينظف هالوقت. امالي: اخت مال انتي ايجي اليوم. انا: انزين والاحتفالات من اللحين . امالي: ماما قول الحينه. انا: صكيت الباب ودشيت اتسبحت عاد اليوم الجمعه وخواتي شكلهن بيتيمعن اليوم .((الله يعين الحشرة والنغزات اللي ابيزة.)) يالله بتحمل. خلصت السبوح واتلبست ونزلت واتريقت ومزاجي كان مول متعكر ابصراحه... وكانوا مسوين محلى وحليب وخمير وزقرت امالي اقول في خاطري هاي الخديه اشعرفها اتسوي محلى وبغيت اتنشدها منوة مسونه.... امالـــــــــــــــــــــــــــــــــــــــــــى. امالى: نعم . انا: تعالى. يت امالي. انا: منو مسوي المحلى. امالى: قوم ماما عوشه . انا: وانا اقول انتي اشعرفج . امالى: لا انا معلوم كل شي. انا: ياسلالام وليش ماتسوين عيل دامج اتعرفين كل شي. امالى: مافي اغراض شو اسوي. انا: اقول جلبي ويهج سيري نظفي لاني والله بحط حرتي كلها فيج. وسارت امالى والله اخيرلها لاني كنت معصبه. دشت اميه الصاله ويلست اسولف وياها وقلتلها اذا خواتي بيين اليوم وقالت هيه ومسويين مجبوس دجاج مممم والله لذيذ حشا يعت من الصبح ولا جني زاجه محلى قبل اشوي.. يلست اميه تتريق .. اميه: طلبتوا روب من الدكان والا لا. امي: حشا ياعليوة وايد مستعيله على رزقج. انا: صدق امايه لان المجبوس بدون الروب مب شي. امي: لاتحاتين على الغدا بتلقين كل شي جاهز. انا: انزين نزلت الظهر على ربشه الصغاريه اخ يا عبود كيف تقهر.. عبدالله: بتيب القحفيه والا لا. سالم: هاي قخفيتي مش مالتك. انا: احلى مش هههههههههههه. عبدالله: علياء شوفيه هالغبي ماخذ القحفيه اذا ماعطاني اياها والله ماسير المسيد. انا: مايخصني اتضاربوا ابروحكم. سالم: علياء هاي قحفيتي لان عبود راسه عود. __ياك الموت ياتراك الصلاة. عبدالله شات سلوم بريوله والله اخياس مايحشموني ...اونه ههههههههههههههه... ابويه: شو هالمذهب . كلنا قفطنا...بس سالم دلوع ابويه... سرنا صوب ابوي وسلمنا عليه.. سالم: ابويه شوف عبدالله بوراس يقول ان هالقحفيه مالته. ابويه: ههههههههههههه عيب عيب بوغنيم شوهالرمسه. ياحرتك ياعبووود... عبدالله: ابويه مالتي والله مالتي. ابويه: انزين عبدالله يعني ماعتقد ان هاي القحفيه الوحيده اللي فالبيت يله سير عسب نلحق عالصلاه يله بارك الله فيكم. .....بعدين هالحشكل اقتنعوا.... ابويه: يله عليوة سيري فوق اتزهبي حق الصلاة ودقي على خواتج اللي مافيهن مذهب شكلهن امرقدات لين الحين.. ((هاي فرصتج ياعليووة..)) انا: هيه عفان لله محد ينش من وقت غيري... سرت حجرتي واتزهبت ويوم اذن صليت.. وفتحت اللاب توب مالي ويلست اقرا قصه اتجنن. اندمجت من الخاطر .. ترن ترن. المتصل عفرا.. ((عفرا اختي البجر)) عفرا اوهووووووووو اختيه هاي احم احم بشوف شو بتقول.. عفرا: الووو السلام عليكم. انا: هلا هلا عفاري((شو تبين في خاطري)). عفرا: شو تسوين. انا: يالسه اقرا قصه. عفرا: ابويه في البيت. انا: هيه كلم بييون بعد الصلاة. عفرا: هيه زين زين. ((بدت حركات الاستفزاز)). عفرا: زين مادقت حصه . انا: لا والله مادقت ..ليش هيه مابتي. عفرا: مادريبها بس انا كلمتها الصبح وقالت بتي.. ((حركات انتي بعد يوم انج تدرين ليش تسالين)) انا: هيه زين حياكن. عفرا: يله عليووة برايج. ((عليوة اونه)) انا: فمان الله. وصكييت عنها ويلست على اللاب توب وفجاه اتذكرت من فترة شاريه جلكسي وفريته في سدتي...والله العظيم ان مالقيته يالتكفيخ بيشتغل اللحينه... انا الحين نشيت من شبرتي سرت عند السده ايدي تتقرب من القبضه مالت السده انفتحت السده وطبعا طبعا مالقيت الجلكسي وشليت البيت شل مب اني زطيه بس قهر والله قهر يوم اتحس انك تبا تحلي قبل الغدا وماتلقي اللي تباه والقهر بعد يوم حد يدش الحجرة بدون شور اف... اكيد كلكن اتعانوون من هالشي..خاصا البنات مانحب حد ينبش اغراضنا..صح والا لا.. المهم سرت فتحت باب حجرتي ودقيت على ميرووة .. انا: ميروة فتحي. فتحت ميروة الباب.. انا: شليتي الجلكسي اللي في حجرتي. ميرة: لا ليش..؟ انا: شوفي لو دريت انج انتي بتتصفعين . ميروة: لا مش انا حشا عليه.. انا: وبعدين خواتنا بييون اليوم ..يله اتجهزي بيون بعد اشوي على الغدا. ميروة: انزين.. ونزلت عنها ...وشفت ابويه وعبدالله وسالم وعلى وسلطان.. على يقرا الجريده وابويه يشرب قهوة وسلطان خزني بعينه عسب حركه الصبح والخيبه وعبدالله وسالم يالسين مع بعض وشكلهم مارين على الدكان منو قدكم .. انا بكل رقه وادب.. عبدالله: عطني قطعه من كندر. عبدالله: يله يله. سالم: تعالي انا بعطيج وبلعب بالعلبه. انا: لا مابى ابا من عبود. عبدالله: لاتحاولين يله يله. انا: قد هالحركه. شوفو النذاله,, عبدالله: ابويه شوف علياء. انا: بتندم. عبدالله: ابويه قالت انها بتنندمني. ((طع السخافه بروايك ياعبود)) ابويه: علياء يوزي عن اخوانج. انا: ابويه ماقلت شي والله بس كنت ابا قطعه من الحلاوة. ابويه: خليهم في حالهم..مافيني عالصدعه. انا: انشالله. سالم بكل طيبه و اعليه عنك ياسلوم فديتك. سالم: تعالي انا بعطيج وجان بغيتي جبس بعد عادي خذي والله عادي. فديييييييييييييييييتك والله.. انا وفي خاطري اقهر عبوووووووووود .. انا: سالم اسكت امسات نزلت رسوم يجنن على اللاب توب شو رايك انشوفه ...سالم اللي فرح من خاطره ... سالم: ياااااااااي والله متى. انا: الحين يله تعال . سالم : اوكي. عبدالله: بيي وياكم. اانا: استريح مكانك يله يله...والله ان اشتكيت بصيحك ... عبدالله: انزين بتشوفيين. انا: يهيهيهيه خوفتني. ركضنا انا وسالم وياحلاتها الحركه اللي استوت طحت على ويهي ويلس عبود يضحك وسالم شهق وساعدني..وانا في خاطري ابا ارد بس اصفع عبود وارد اركب الدري واتوجهه حجرتي.. ساعدني سالم ورديت الحجرة واحس ويهي وايد يعورني لاني ضربت الرخام مسكينه ولله انا وحليلي... المهم يلست وياسالم على الشبريه وراويته الرسوم .. سالم: علياء اذا مت بتصيحين عليه. شهقت من خاطري. انا: بلاك سلوم حبيبي شوهالرمسه غربلاتك مب زين .. ولويت عليه بالقو مهما كان سلوم الغالي وانا اموت فيه وكلامه صعقني وايد فديته بسته وردينا انشوف الرسوم... وفجاه اتذكرت اربيعتي الله يرحمها............. منال: علياء يلسي والله اخافج اتضيعين في السنتر. انا: لا منوول بلاج ليش انا ياهل . منال: ياهل ونص بعد. انا: حرام عليج ههههههههههههه.. كان عمري 16 سنه يعني صغيرة ومافتهم هاك الزود.. يلسنا على الكوفي وهيه كانت اكبر عني بس اتموت فيني .. منال: شو تشربين .. انا: تانك . منال: حووة وين تبين شو تانك انتي الثانيه هههههههههه. انا: استهبل بلاج ههههههههههه. منال: اشوى عبالي اربيعتي مش مطورة. انا: شو بتطلبين انتي. منال: بطلب عصير فروله. انا: بطلب شراتج. منال: علياء اذا مت بتصيحين عليه بتذكرين بعد موتي. انا: شو هالرمسه منال مب زين ياحرمه اميه اتقول لازم ما نرمس جيه تراها خطفت ملك بس عاد والله قلبي عورني.. منال ماكانت تدري ان في نفس اليوم بتموت ..وفعلا بعد ماردينا البيت سمعت بخبر وفاتها اليوم الثاني ابصراحه مستحيل انسى اعز انسانه في حياتي الله يرحمج يامنال... سالم: علياء تلفونج يرن.. وانتبهت فجاه والله ماحسيت ان الذكريات خلتني اسير بعيد.. المتصل البيت. انا: الووووو ((كنت متضايجه)) اميه: نزلي خواتج اهنيه . انا: انشالله. اميه: ولبسي شيله لان ولد عمج تحت هو وامه وعمج سيف.. انا: انشالله...((في خاطري لاحوول شو يايبنه رشود الدب.)) سالم : بلاج. انا: ماشي يله انزل وانا بلحقك ويوز انته وعبود لاصفعكم . سالم: انزين بتذاكريلي حق باجر .. انا: هيه بيصير خير لين المغرب. نزل سالم ... وسرت لبست واتعدلت اشوي ...بس مب هاك الزود لان اخواني بيطالعوني بنظرة وعقب عادي يهزبوني جدام الخلق...فاحسلي اتجنب هالمواقف يعني.. نزلت وانا اسمع صوت رااشد ولد عمي ابصراحه يقهر مادري ليش يطالعني بنظرة مب حلوة ماعرف اعجاب مادري مادري بس هالنظرة ماتعجبني موووووول....عنلاتك يالجبش .. نزلت والانظار كلها على في خاطري خيبه خيبه ... سلمت على عمي وحرمته..وعقب شافني راشد بنظرة سخيفه. راشد وبكل جرأة: السلام ببلاش علياء. انا: هلا راشد السلام عليكم. راشد: عليكم السلام. ام راشد: ماشالله غديتي حرمه وحلوة بعد . انا والويهه استوي طماطا: مشكورة الغاليه ها من ذوقج. راشد وكان صوته بس قريب مني يعني محد سمعه غيري.. راشد: لاتصدقين عمرج عليووة. اطالعته بنظرة خليته يوخي الماصخ قهرني.. المهم سلمت على حصه وعفرا وعيالهم الصغار.. حصه عندها بنت وولد وحتى عفرا عندها وهي حامل الحينه... حصه انسانه طيبه وايد عكس عفرا كلامها كله استحقار وقله ادب تقريبا يعني ماتحشم حد مادري ها طبعها والا شو صدق مادري.. عفرا: متنتي علياء. وانا ولامتنت ولا شي هيه غاديه شرات البطه واشوف كل الناس بط ههههههههههههه.. انا: لا والله مادري يمكن.. اجاملها اوني..ياراسها... بس اشوى كان الكلام جدامي انا وحصه وميرة..وموزة لابستنا ويالسه ويالحريم صوب اميه وام راشد.. راشد يسولف ويا سلطان وعلي.. اتعرفون خرابيط الشباب...وراشد يطالعني من طرفه عينه الدب مادري شو مسوتله.. طاف طاف في خاطري قاهرني بس منطبه عنه.... مر عليه شريط الذكريات مرة ثانيه.. راشد: علياء انتي اسخف وحده عرفتها. انا وبكل برود.. انا: مايهمي راشد . راشد وباستفزاز ...امبلى يهمج وسمعي انتي بتكونين لي فاهمه والا لا.. انا: مب على كيفك. ((((درب درب درب ترا كنا في العزبه انزين يله انرد للحوار الشيق)) راشد ومط ايدي بالقوو. انا: انته ايه شو تسوي قومي عني . راشد: احبج ياحمارة.. ((انزين ليش اتسب)) انا وبكل عفويه. انا: حمار محد غيرك.. راشد عصب اقول بوسيني*_+ انا: حقير .. وشردت عنه الحقير من هاك اليوم محد درى بالسالفه لاني ماخبرت حد ابصراحه راشد وقح وااااااااااااايد اكثر عن اللزوم صح كنا صغار هاييك الايام بس بعد وقاحه.. ورديت للصاله يعني رديت عليوووة 2004 هههههههههههه اونه. اميه زقرتنا عسب الغدى وكلنا تيمعنا على السفرة وكان سالم احذالي يسولف باشياء بريئه وايد وانا ابتسم واحس بالقو انا حد يطالعني بس طنش تعش تنتعش ليش ديو هههههههههههه .. عقب ماخلصنا الغدى سرنا وشربنا الشاي وتموا يسولفون لان عادتا ماحب اليلسات العائليه وايد مارز ويهي في الكلام اخاف اتقفط ...مافيني على ويع الراس.. اذن العصر وساروا يصلون العصر واترخصوا خواتي وتموا قوم عميه ..بس حسيت ان راشد محد بس والله مادري انه في الميلس اللي برع ..وبرع في الشوتايم تتحدون هههه سرت لاني اتابع برنامج يجنن على قناه من هالقنوات ومادري ان راشد في الميلس...سرت وفتحت باب الميلس ويلست وعقيت شيلتي و كنت مكيفه على الاخير...والميلس فيه مغاسل اتجنن وهو كان في الحمام يتيدد وبيصلي في الميلس..عسب الرياييل كلم بيتيمعون في الميلس... بطلعت شعري تتحدون الاسترخاء انتوا ....يلست اطالع البرنامج ..الدب حس ان حد داخل وشافني وانا الغبيه بعدني مادري... راشد وبكل حقارة.. راشد: ها شو تسوين ليكون تلحقيني تبين اتقولين شي. انا شهقت زين مامت الله ستر بس.... انا علطول حطيت الشيله. انا: شو اقول مثلا وبعدين استح على ويهك على الاقل قول هود والله مافيك مذهب يالمؤدب انته... راشد اللي شكله اتنرفز,,, راشد: احترمي نفسج عاد واقولج هاي نظراتج اللي كانت في الصاله مب عايبتني غيريها يعني والا لج حساب ثاني ويايه.. انا: هع شو بتسوي مثلن ارجوك رشود روعتني.. راشد: رشود في عينيج.. انا: في عينك انته ..اقول بطلع الكلام وياك ضايع وماله أي معنى اصلن انا ماعرفت كيف اتجرات وكلمتك يابو دم خفيف... وعلطول طلعت برع ورضخت الباب...حقير قهرني والله عيني انترست دموع وسرت حجرتي ويلست اصيح من القهر يتحسبني غبيه الحقير ... كان دوم يقارني ببنات عمتي انهن احلى والخ من المديح سخيف بس والله طاف... باب حجرتي كان يندق... حصه: علايه بطلي الباب. انا: انشالله. حصه كانت تبا تصلي وحليلها وعقب شكلها تبا تسولف.. صلت حصه وصليت عقبها... حصه وهي على السياده: علياء ترا قوم عمي خطبوج حق راشد وهالسبب نحنا متيمعين اليوم فغناتي مالج غير ولد عمج يصونج وتصونينه يعلني افداج.. (((((((((((( شووووووووووووووووووووووو لا لا كنت اقول في خاطري شو..)))))))))))))) ((انا وبكل برود بس البراكين في قلبي كانت اتفور))) انا: مستحيل اوافق على راشد والا غيرة. حصه: ليش راشد حلو وماعليه كلام. انا: مايخصه الحلاة ياحصه شوفي اسلوبه الوصخ. حصه: بلاه اسلوبه علياء ماشالله احسبه جنتل والله. انا: ماريده وع حصه: شو وع اصلن الملجه بعد اسبوع. انا: شوووووووووووووو بس ابوي ماشاورني. حصه: وتعتقدين ان ابويه بيرد عميه مستحيل عليوة شو اتخبلتي انتي. انا واشويه وبصيح الا صحت بعد.... انا: مب على كيفكم . حصه: عليوة صلي الاستخارة وانشالله خير. خلتني حصه وانا اصيح ...مستحيل اوافق على هالنذل شو هالمصخرة منو قال اني بعرس طع ولاشاوروني بعد خوش والله عصر السرعه... انقهرت وايد مستحيل اني اعيش ويا رشود لالالا مابا مش متقبله الفكره اصلن لالالالالالالالالا مابا مابا...((( اخاف بعدين سلامووة وماتكتب مذكرات علياء عقب مابستوي مشهورة مسكينه حتى وانا حزينه افكر فيكم..))... اوووة برد على مشكلتي الحينه والله اني منقهرة اف منهم.... نزلت تحت وشفت اميه يالسه ترمس في التلفون.... كان على قراب المغرب انا: اميه اباج في رمسه.. اميه اتاشرلي عسب اصبر... وانا فايرة الا بمووت من القهر.. صكت اميه التلفون ... انا: اميه صدق راشد خطبني. اميه: هيه غناتي خلاص منو قدج يالعروس. انا: لالالا اميه حرام ودراستي. اميه: كمليها بيت ريلج. سرت صوب الدري بزقر على البشكارة ومرة وحده اتخرطفت من الدري... أي اخ راسي........................... . اكتشفت اني طحت من الشبريه واكتشفت اني راقده بعد ماشليت اللبن ورديت فوق وحمدت الله مليون مرة انه حلم...اشوى زين ماصحت والله... وكملت يوم الجمعه عادي ورقدت الفليل لان باجر عندي دوام في الجامعه....

يسلمو ناطرين الباريت الياي

شكرا دموع الآلام على تكملة القصه الثانيه

يااااي إنشاء الله باجر تنزلين لينا الجزء الاخير ... يا ترى فيه مذكرة ثالثة أو لا