*زنو*

آنا مستحيل اكلمه اي كلمة... لأني استحي...شلون اقول ارقص و ما عرف شنو..

* تعدد الزوجات: ضد..بتصير له مشاكل..وحده مكفي * الزواج المبكر:ضد...للحين ما فهموا و لا جافوا الدنيا و لا حبوا..حرام نحرمهم من حياتهم...و هم مراهقين ما يعرفون مصلحتهم و ما يعرفون يختارون. * الوثوق بالناس:مع... ال ما يثق بأحد ما يثق بنفسه.. آنا اثق بالناس و احس كل شخص بداخله شي طيب. المدارس الداخليه :مع.. تعليمهم زين.. و ما يهينون طالب * نوم البنت عند الاقارب :مع.. إذا اقارب اخلاقهم زين * قيادة المرأه للسيارة:مع..عشان تروح ال مكان ال تبيه بوقت ال تبيه * الانترنت:مع...اهو مفيد.. و حتى المواقع ال مو اوكي.. ممكن نتعلم منها دروس * حقوق المرأه : مع..بس في حدود..بس ما احب مرأة تشتغل اشغال رجال و تشتغل بالسياسة لأنه تفقد انوثتها.. * التمسك بالرأي حتى وان كان خاطئا : ضد.. ال يسوي جذي غبي * الثقه الزائده بالنفس : مع.. بس يكون شخص يستحق.. * ستار اكاديمي :ضد يقصون على مراهقين عشان يربحون فلوس * مقوله : الغايه تبرر الوسيله : ضد..ضد * الوجبات السريعه : ضد.. يضر بالصحة.. آنا احب اكل بيت * منح الموبايلات للأطفال :ضد.. خلهم في دراستهم * زواج الأقارب :ليش لا.. إذا يحبون بعض * عيد الحب : مع * الاختلاط : مع..زين..عشان يتكون صداقة بين بنات و اولاد.. لأنهم يحتاجون بعض * البلوتوث : مع • قناة الجزيرة:ضد لأن ما عندهم محايدة و يميلون حق بعض دول

صباح الخير أبي منكم شي ...يا سنة ثانية.. آنا تخصصي تصميم مواقع سنة اول فصل ثاني.. و أبي منكم كتب.. أبي استعيرهم بس... و آردهم لكم آخر الفصل ... لا تخافوا راح آحافظ عليهم و اتحمل فيهم.. اللي عنده و يقدر يعطيني خل يدز رسالة خاصة... اوكي... باي

سلام.. انا الحين بروح. يا ريت تخلونه عند مكتب الخاجة.. مو احسن.

نفس تخصصي.. حلو.. بتستانسين عليه..

ههههههههه ضحكني ال يقول عل ايام رسول ما كان في شيعة و سنة.. اكيد ما كان في.. و إذا تبي اقرأ التاريخ.. و شوف اشلون صار هاي الشي.. المهم.. بحرين شعب مو طائفي... لكن في ناس معرفة و مهمة تميز بالوظائف و بكل شي بين الشيعة و السنة.. و هاي اشعل الحقد في قلوبهم...و الا من قبل كان الشيعة اصدقاء السنة.. عجبني رأي كاسبر ((((((((ويوم القيامة راح نتحاسب ع افعالنا موب على كونا شيعه او سنة...)))))

ما راح اناقش في الموضوع لأنه حرية شخصية..كل بنت كيفه.. بس آنا استغربت من اخ وسيييييييم يقول ان خروج مرأة للضرورة... شنو يعني ضرورة؟؟ احنا في 2007 يعني مرأة بس تطلع للمستشفى و اشيا ضروري!!! و ثانيا إذا كل مكان بنقول احتمالا في كاميرا ما بنطلع اي مكان لأن كل مكان ممكن يصورونا.. حتى جامعة ما بنروح لأن ممكن في شاب يصور بتلفونه من دون ان نحس فيه.. شرايك؟؟

مو بس آثار البحرين.. كل شي يروح..حتى السواحل.. اللي كل يوم يآخذونها و يحرمون الشعب منها..خصوص ان في ناس فقراء و يعتمدون على الصيد.. و ما في شي بيد المواطن.. و آنا اقترح يناقشون هاي القضية في المجلس

آنا الشخص ال أحبه.. اكيد راح اقبل فيه.. انشالله عاطل وما حصل وظيفة.. و الشخص ال ما احبة.. انشالله مليونير و رجل اعمال..ما راح اقبل فيه..

بصراحة آنا اسمع عن هاي برنامج و طالعت اعلان عنه.. بس و لا مرة شفته.. بس آنا عرف شتقصدين.. و اشوف هاي شي طبيعي.. يعني في ناس عندهم تسؤلات من هاي النوع و لازم اجابة عليه..

لا حرية مع الخوف... إذن لا حرية بدون قتل الشعور و الضمير.. إذن لا حرية إلا لأعدائها......

بصرف نظر عن ان اهو يخرب مخ الشباب.. آنا اعتقد هاي برنامج ما معنى.. شنو يعني ناس قاعدين ببيت و يدرسون خرابيط و ما عرف شنو..و الاسخف الناس ال يتابعونهم.. تصور في ناس تلفزيون 24 ساعة ع هاي قناة.. والله ناس ما عندها شي تسوية.. وهاي الفراغ و ال يسوية.. و اخوي ترى مو بس هاي برنامج.. حتى في مسلسلات... العام طالعت مسلسل جديد بحريني... تصور في بنت عازمة رفيجها البيت ... لا و الاكثر ان الابو قابل هاي الشخص.. هاي متى صارت في البحرين.. هاي مسلسلات مخصوص البحرينية ما تعبر عن البحرين.. و اشوف شوي شوي جايين يطلعون سخافات لنا.. و طبعا مراهقين يتبعون هالشي.. الفن مفروض ينقل الواقع و الثقافة للبلاد.. و الفن البحرين(التمثيل) ما قدم اي شي.. و ما نقل ثقافة البحرين.. و هاي برنامج ستار اكاديمي... بالاصل غربي..و هم ماشاالله بس يشوفون برنامج غربي يوم ثاني يسون له نسخة عربية.. ليش ما يسوون اهم برنامج يناسب مجتمع؟!!

هذي مواقع في دروس و مراجعة .. دروس بالعربي في سي بلس بلس http://www.kettaneh.net/programming/cpp.htm هاي بعد دروس بالعربي http://www.kettaneh.net/programming/cpp4.htm موقع فيه شرح بالتفصيل و كل شي عن سي بلس بلس http://www.cplusplus.com/doc/tutorial/ موقع مهم للتعلم سي بلس بلس http://en.wikipedia.org/wiki/C++ منتدى عربي ل سي بلس بلس اسأل اي سؤال و تلقى الاجابة http://www.vc4arab.com/forumdisplay.php?f=3 و هاي موقع المادة الثانية.. في تمارين و اسئلة مثل ال تجي بالامتحان http://www.scsite.com/DC2005/index.cfm?act...eview&chapter=1

شفيكم عصبتوا..ناقشوا بهدوء و بدون اتهامات و بعدين شنو نترزق ما نترزق... شنو احنا نحب و الا جايين نطلب فلوس أحس كلام بعضكم مو منطقي.. و ع فكرة كل يرى الناس بعين طبعة يعني ال افكاره موب زينة يظن كل الناس افكارها و مقاصدها موب زين. و ال يقول لا تنسون ان حنا في جامعة...ليش احنا قايلين شنو ...آنا قايلة اني ضد سوالف مراهقين...بس مع الحب و الصداقة و الزمالة.. و زين طلع لي احد يوافقني رأيي شكرا naz naziii

انزين... من كثر العصبية ما فهمت ش تقصدين