مرحبا اختي...
بالنسبة لسؤالج هو في أربع جامعات خاصة تدرس حقوق في البحرين...على ما اعتقد
جامعة المملكة: انا أدرس فيها حقوق وهي وايد زينة والدكاترة شرحهم وايد زين...وعندنا وايد طلبة محولين من
جامعة البحرين ويقولون ان هني احسن لأن يعطونج الدرجات اللي تستحقينها...وبالنسبة للدراسة فيبيلج تحطين
على روحج شوي لأن القانون بشكل عام مو بس حفظ لكن يحتاج لفهم وتركيز لكنه تخصص رااااااااااااااائع
وعلى فكرة جامعتنا ثلاث كورسات في السنة عشان نتخرج في ثلاث سنوات وهو متعب شوي...
وترا الكتب اللي ندرسها هي نفسها كتب جامعة البحرين والخطة الدراسية تقريباً نفسها مع اختلاف بسيط
واذا تبين معلومات اكثر شوفي الموقع
جامعة المملكة
جامعة العلوم التطبيقية:سمعت انها زينة وهي تتعاون مع جامعة العلوم التطبيقية اللي في الاردن...لكن ترا مو فرع لها بس مجرد تعاون
جامعة العلوم التطبيقية
الجامعة الخليجية: والله ما ادري عنها بس ما يمدحونها كلش...واعتقد انها اغلى وحدة فيهم
الجامعة الخليجية
جامعة دلمون: في ناس مدحوها لي وناس ذموها والله يعلم اذا زينة او لا
جامعة دلمون
والقرار في النهاية راجع لج اختي صحيح ان الجامعات الخاصة غالية وايد بس على الأقل يعطونج اللي تستحقينه
...وانشا الله اكون افدتج