ورده منسيّه

يعطيكِ العافيه خيتوو .. / وبالتوفيق لملك الاحســآآس =) تحياتي / عزيزتي .. الالبوم صرحنا لكم سابقا انه راح ينزل بإذن الله شهر مايو ,, / تحيـــآتي ..

=) عن العياره بورشود انت اللي معطلنا .. نعطيك شغل تسوي عكسه اسكت بس لا اطلع فضايحك خخخخخ يعطيني العافيه فديتني ما اقصر امممم وانت بعد شوي يعطيك العافيه بس لووول وعادل امممممممممممممم يعطيه العافيه شويه اقل منك بس عاد في التفلسف لووووول /

فديتكم والله ,, حلالكم كلهم وبالعافيه عليكم واهم شي انهم اعجبوكوم / ومشكوورين كل ابوكم على التواجد =) تحياتي ,,

تسلمون حبايب قلبي والله / تواجدكم هو الرائع واللي اسعدني كثير .. وإن شالله تشوفوا اكثر من هذا بالملتقى عما قريب شكرا لكم كلكم والله والله لا يحرمنا منكم / تحيــآآتي

شكرا لكل من تواجد هنــآآ .. وعسـآكم على القوة يارب ,, / ويعطيكم العافيه على تواصلكم الدائم .. وبإذن الله راح نجمعكم في منتدى ملك الاحساس عن قريب جدا / كونوا بالانتظار احبتي ,,

عبـآآآلي بعد لووووووووول / تسلم يالغالي ماتقصر والله عثـــآك بولد حلو اسمه رشودي عشان يسمونك بوراشد صج خخخخخ اقصد عساك على القوة ههههههه <<<< اقول اثقلي بث هع هع / تحياتي ,,,

شكرا لك بوراشد عساك على القوة / بس مدري ليش كله مايشتغلون الروابط معاي

ماعليه يالغالي هونها ,, هذا الشي مو بيدنا والله بيد شركات الانتاج .. / يعني لو بيد عادل كان من زمان نزله هونها ياخوي ,, وسع خاطرك ومالك إلا طيب الخاطر فالك طيب ..

شهر مايو راح ينزل الالبوم باذن الله =) تحياتي ..

افا ياخوي .. ليش عاد .. / قويه وعنيده .. ريهام الكويت .. دلع البحرين .. حبي وجنوني .. توفي الرياض .. بصيص الامل .. / تسلمون حبايب قلبي .. ويعافيكم ربي من كل شر انشالله ’,

انشالله وبإذن الله شهر مايو راح ينزل الالبوم .. / ونتأمل خير بس انشالله الشركخ مايطلبون شي يديد

مسا الخير على الحلوين كل ابوهم ... شخباركم وشمسوين .. / حبيت اقولكم يعطيكم ربي الف عافيه ومشكورين واااايد على كل شي تسووونه هني ,, الفنان عادل وايد مستانس منكم ويفتخر فيكم بعد ,, / حبيت اخبركم ان المنتدى بقى شوي ونكمل منه يعني انشالله قبل لا ينتهي الشهر ذي المنتدى بينفتح الحمدلله تقلبنا على كثير مشاكل وامس حليت آخر مشكله وطورنا المنتدى طبعا لآخر اصدار ,, عشان نرضي اذواقكم طبعا ,, / اللي بقى اننا نضيف له اخر اللمسات وبعض من المواضيع وهالاشياء يعني ,,, وتراكم مو بس انتوا تنتظرون الكل ينتظر يعني كلنا قاعدين على جمر هههههههه وهذا احنا نشتغل ليل نهار حتى عادل شغلناه ويانا لووووول هو لان بعد مستعيل يبي يفتحه عشانكم والله امس كان يقول انه يحاتيكم لووووول بس كل تأخيره انشالله فيها خيره / انتوا بس لو ما تحنننووون شوي ,, ولا تفكرون واااايد وانشالله خير / بس هاي اللي حبيت اقول لكم اياه ,, ولو في اي شي يديد راح نخبركم به { جربت الساعه يابوصالح ... خخخخخخخخخ تحياتي فريق منتدى عادل محمود الاداري ,,

دع التصميم يحكي ما اود ان اقوله .. / اتمنى ان يحوز رضاكم ..

الف مبروووك .. ومن نجاح إلى اخر يارب .. / شكرا لج بصيص الامل عساكِ على القوة تحياتي { ميزآاآز ...

كيف هي اخبــآركم ياحلوين .. / اول شي حبيت اشكركم على هذا المجهود والمتابعه المستمره لأخبار الاعلام عن ملك الاحساس .. ربي يعطيكم الف عافيه كل ابوكم يارب / وللعلم .. ورده منسيّه راح يتغير اسمها إلى { ميزآاآز ... يمكن الاسم كريهه بالنسبه للبعض او غريب وماتعودتوا عليه .. لكن انشالله مع الوقت تتعودون يعني احين انا موب وردوووووو لووول / تفضلوا التصاميم وهالله هالله بنشرها انشالله يعجبونكم ..

/ ياصباح الخير بوراشد ,, هههههههههههههههههه من صباح الله خير تشتغل على الريمكسات لووول / والله الريمكس ماعليه قصوووور ومعروف عنك ... وطبعا صوت عادل مايعلى عليه بس بعد وليد صوته حلو كلمه حق خخخخ <<< تدري بتتكفخ هاهاي بس ووااايد صوته صاير ناعم ومادري شنوو / يعني الاغنيه لايقه على ملك الاحساس اكثر لان اللحن وهلون وكل شي احلى / هارد لك عدوووول ,,, وبالعكس هي شي نفتخر فيه لان الاغنيه لاقت نجاح كبير وواسع والحين ييي وليد يبي يطلع فيها خخخخخخ يعني دليل انها عجبته ويبي يوصل لمستواها بس ماقدر ... / ولا يهمك ياعادل انت الاول ومحد يوصل لك /

هلا وغلا فيج حبيبتي .. / مو قصدي ازعلك بكلامي .. او اني اتهمك او اقولك انك ما تحسي ,, بالعكس انا جدا فرحانه لتواصلكم معنا ,, وتواصلك وتحليلك لكل شي .. وعساكِ على القوة يارب .. / يمكن اسلوبي كان في جفاف شويه ,, اعذريني غناتي ,, والسموحه من قلبك بس كنت ابغي اوضح كل شي بالضبط من غير تحسينات بالكلام / تحياتي لج .. وخلج ويانا دون متواصله لا تزعلين غناتي ,,

{ همس } .. { توفي الرياض } .. وغيرهم .. مشكورين حبايب قلبي .. / و ... بوراشد ماقصر كفى ووفى ورد على كل شي تبونه ,, الله يعطيه العافيه والله .. / { بصيص الامل } حبوبه بغيت اخبرج شغله ,, اولا : اعذريني ماقدرت اقرا كل شي للأمانه بس فهمت شنو تبين بشكل عام ثانيا : ترا حنا نشتغل بجهد وبيد وحده ,, عادل ، بوراشد ، بلبول ،ادمن و انا .. كلنا نتشاور ونشيل ونحط ونسوي .. يعني ثلاث ارباع الاشيا اللي قلتي ونوهتي عنها احنا نعرفها ودارسينها ,, ومنفذه ,, واللي على قيد التنفيذ إلا بعض الشغلات اللي احسها اوووووفر شويه ,, ماراح نسويها .. بس عطونا الوقت وكل شي حلو راح يصير ,, / وبخصوص لون عادل ,, اوردي غيرناه يعني لا تسبقين الاحداث ترى معظم اللي قلتيه نفذنااااه / صور عادل والاغاني وغيره بكككككل تأأأأأأأأأأكيد راح تكون ذات جوده عاليه ,, لان احنا كل شي اصلي عندنا واكيد راح نحطه بالمنتدى ,, بدون لا احد يقول ,, هذا بيصير منتدى رسمي وكل شي نحطه بيكون ذو جوووده عاااااااااليه / اقسام الاخبار وغيره الحصريه طبعا حق عادل هذا هي ماتغيرت وبتظل حصريه تحمل مواضيع عادل بس .. لكن ان نسوي قسم خاص لتصاميم ورنات وماعرف شنو خاص باغاني الفنان اعذريني لو بنقسم المنتدى هلون مابنخلص والله عشان جي هذه الاقسام بتكون مشتركه ,, زي ماكانت قبل ... / وبالنسبه للموقع ,, حبيبتي انا عندي مشكله في الوقت ,, يعني [ شغل + جامعه + منتدى ] >> قسميهم على اليوم الواحد وشوفي الوقت اللي ارتاح فيه حبيبتي والموقع يبيله افضى له بكل مافيني .. لان كل ابوه تصميم وتركيب وكودات والوان وتضبيط ولينكات وحاله ... وحاليا ماكو وقت موليه حق احك راسي والله يعني اعذروني كللللللكم بس انشالله / ما اوعدكم لكن انشالله بحاول وبإذن الرحمن خلال نهاية شهر 4 راح يتبطل الموقع وكل شي فيه بينحط بس هذا كل اللي عندي / ويعطيكم العافيه على الاهتمام حبايبي ,, تحياتي ,,

@ دلع البحرين @ حلو اقتراحج حبيبتي ,, الالقاب حاليا عادل جديد / عادل نشيط وغيره بس حلو نغيره إلى عدولي جديد و ... الخ راح ندرس الفكره حبوبه ,, وشكرا على الفكره اعجبتني حيل .. / بوراشد مشكور يالغالي على كل هالكلمات اللي اسعدتني كثير .. الله يعطيك العافيه يالعلا ,, بوراشد كفا ووفا على كل تعليقاتكم .. ومابكثر على كلامه وفعلا كلنا نكمل بعض بكل تأكيد .. / غرامي عادل محمود 1- بكل تأكيد حبيبتي في قسم للإستفسارات وراح يكون هناك متابعه 24 ساعه من قبل اعضاء الاداره 2- فيه ايضا شريط بس مو للأخبار الحصريه .. ولكن آخر الاخبار 3- بكل تأكيد راح ندرس فكرة الاوسمه,, وراح نشتغل عليها من اليوم 4- بكل تأكيد راح يتم إضافه الصور الجديده والحصريه بين فتره وفتره 5- قسم خاص لعادل وتفاعل .. اممممم هذه فكره شويه صعبه بس ممكن نسأل عادل إذا وافق عليها مو مشكله عفوا لج غنــآتي ,, / يعافيكم ربي يالغلا كلكم .. وعساكم على القوة يارب ,, تحياتي ,, ورده منسيه

كلام بوراشد مره جميل وعين الصواب ,, المنتدى بحاجه لأعضاءه السابقين ,, وياليت ماتغيرون نكاتكم اللي كانت خصوصا اننا كنا كلنا عيله وحده ونعرف بعض ,, وإلا شرايكم .. واعذرونا على التأخير ,, بس هناك مشاكل فنيه شوي بتأخر من الافتتاح .. تحياتي ,, ورده منسيّه

السلام عليكم ورحمة الله وبركاته .. كيفكم حبايب ,, إن شاء الله تكونوا بخير وصحه ,, / احبتي ,, اظن المدير العام [ BoO RASHED ] خبركم ان المنتدى قريب راح ينفتح بإذن الله ,, وإن شاء الله راح نفتحه قبل نزول الالبوم بشوي او معاه .. وطبعا هذا الشي بيد الاداره ,, / مو مهم .. بس لان شعارنا في منتديات الفنان عادل { بكم ومعكم نرتقى .. فحبيت اسمع آرائكم وخططتكم واقتراحاتكم بخصوص المنتدى وشنو هي الاشياء اللي تتمنون انها تكون موجوده / ما اضمن اننا راح نلبي كل اللي تبونه لكن على الاقل نشوف شنو الاشياء اللي تحبونها تكون موجوده ,, يعني رايكم بالوان الاعضاء ,, بالاقسام ,, ببعض الاشياء اللي ماكانت متواجده في المنتدى سابقا وتمنيتوا تكون موجوده والخ .. وانتوا ادرى والله ,, / وحبيت اخبركم بعد بشي .. الطاقم الاداري تغير تغير جذري ,, عشان يكون في العلم ,, بوراشد مدير عام للمنتدى بلبول مدير عام مثل ماكان ورده منسيّه مراقبه عامه مع احتفاظها بكامل الصلاحيات وعادل محمود طبعا هو ملك الاحساس ,, / ورده منسيّه راح تكون في خدمتكم كما قبل طبعا ومالها غنى عنكم بكل تأكيد ,, مجرد الالوان تغيرت والمسميات ,, يعني هي نفسها القبليه ماتغيرت وبتلبي كل طلباتكم كما السابق ,, <<< فديتني لوول / وبس هذا حاليا اللي كان خاطري اقوله لكم ,, وانشالله تسمعون اخبار حلوة قريبا انشالله ,, / وكل ما اختصرتوا بالحجي كل ماكان احلى ههههه وبوراشد راح يتابع مقترحاتكم وبيقولي / عشان ماعندي وقت ادخل كثير ,, تحياتي ,, نائبة إداره منتديات الفنان عادل ,, ورده منسيّه

يابعد قلبي انتوا كلكم .. / فديت روحج والله بصيص / شكرا لج حبيبتي من كل قلبي ,, تبين الصراحه استانست وااايد وماكنت اتوقع احد بيتذكر خصوصا ان عادل وياي في نفس اليوم وكالعاده اضيع من تحته لووووووول / بلبول { تسلم يالغالي ومشكور .. هموس { الله لا يحرمني منج حبيبتي , واللي قلت لج عنه امس صار يعني انا موشي ولازم اشوفك قريب فديتج .. ام سوسو { آيه عليج حبيبتي وحشتيني والله مشكوره وماتقصرين فديتج .. قويه وعنيده { تسلمين يابعدي والله .. وانشالله تتعرفين عليّ أكثر لما نفتح المنتدى ومشكوره وماقصرتي ,, دلع البحرين { شكرا لج حبيبتي ,, ويعطيكِ العافيه بصوص على هالموضوع اللي فرحني بقوه عساكِ على القوة حبيبتي ,, واعذروني كلكم على الغياب .. بس انشالله من يفتح المنتدى راح تلاقوني موجوده وياكم دوم / تحياتي ,,

وقسمن بالله ماكو بيدنا شي .. انا مرره اتعب وهذاني قاعده اشتغل كل مالقيت وقت فراغ وهذا خبر سيء بعد ,, احتمال يتأخر افتتاح المنتدى لسه الشغل ورانا كثير ,, اعتذر من قلوبكم والله ومايبدي شي اللي عليّ قاعده اسويه سامحوني حبايبي ,,,

ياهلا فيكم حبايبي .. ردا على سؤال اختي دلع البحرين : للأسف اقولك غاليتي بأن كل شي انحذف وكل المواضيع والاقسام تغيرت يعني كل شي جديد / اللي ما تغير هو الاعضاء ، والرسايل الخاصه الباقي كل شي راح .. واعتذر من قلبكم بس كان غصب عننا .. / واشتقنا لكم والله وادعوا ان ينفتح عن قريب .. تحياتي ,,,

/ من خلال وقت قصير / اثبت نفسه .. واثبت وجوده وجدراته في منتدى الفنان عادل محمود مرورا بـ جروب الفيس بوك ذو روحِ مرحه وضحكه فتـانه دخل قلب جمهور عادل / بـ طيب تعامله وروحه المسليه وقلبه الطيّب / وبعد ساعات قلائل وبالتحديد السـاعه 00.00 28-12-2009 سـ يطفئ احدى الشموع من عمره المديد جعلها الله شمعة مُنيره / تنير له دروب الخير والسعاده في كنف من يحب / انه الرائع / BOo Rashed مدير منتديات الفنان عادل محمود /وجروب الفنان عادل كل عام وانت بخير بورشوووود يالسحليه لووول وعساك اقرب إلى الرحمن وتتحقق كل امانيك اعذرني على القصور وهاك هذووولي / وكل عام وانت بخير اخوي الغالي وجعل ايامك كلها افراح تقبل تحياتي / ورده منسيّه