دايتونا

مفروض قرار توقيف ستار كافيه يكون من زمان حق اسباب واضحه جدا واتمنى بالمستقبل ان يكون اي مشروع اذاعي تقدمه اذاعتنا يكون راقي ويقدمونه مذيعين دمهم خفيف بالفطره وسرعة بديهتهم قويه وثقافتهم عاليه وقادرين على محاكاة كل فئات المجتمع............... وشكرا

احلى صور والله واتمنى المره اليايه نشوف الصور الي عرضتيهم لج قبل جم شهر في شاليه الهلتون بحفلة تكريمج ويعطيج الف عافيه

مثلا اقعد من النوم واطل بويهه الي يمي اخترع؟؟؟ شلي حادني بالله اكيد الشكل مهم والاهم ان البنت ترتاح نفسيا من شكل خطيبها الي بتكمل باقي حياتها معاه والتناسب بين الاثنين بالشكل مهم لان مو معقوله البنت حلوه والاخ جكر او العكس عاد اذا سالفه بيحسن النسل سالفه ثانيه

مو مهم لو الشخص دش منتدى او شات نك نيم بنت او رجل لان المهم الانسان واهدافه وتصرفاته الي وراء النك نيم لان راح او يه مجرد اسم وعن نفسي انا مااهتم للكاتب كان بنت او رجل ولا ردودي له بتأثر لنوع جنسه واتمنى باقي الاعضاء جذي

كاتبين على العبايه اتحداك تلمسني ؟؟؟ شنو الاخت فيها آيدز او مرض معدي مثلا؟؟؟ صج اي شييييييييييييييييييييييييييييي i think she`s very cheap girl

ماكو املق؟؟

صج عاد؟؟؟ انا مدمنة بخور يوميا طايحتله بخور لو ماتبخرت احس شي ناقصني مايبرد قلبي الا لو بخرت الشعر بس عقب هالموضوع براجع نفسي وتبخر يوم وترك

عرس الدم مسلسل قوي وجريء من حيث تعاطيه لمشاكل مجتمعنا حاليا وقصته تقترب من واقعنا والممثلين ابدعو صراحه وخلو المسلسل احلى وكل ممثل وممثله طلعو ابداعاتهم سواء ادوار الطيبه والحب او ادوار الشر وشجون دورها متقلب بين البنت الشيطونه الجريئه والبنت الي تحب وبلاخير المرض الي يكسر فيها وبعيد الشر عنها انشاء الله والممثل الي لفت نظري مشعل( النمر السعودي) صراحه صج اجاد دور الانسان المعقد والمجرم البارد واحلام عاد ماقصرت المرأه حتى انا اخترعت منها جنه صج ماشاء الله تخصص شر وجريمه وميسا مغربي (غاده) طيبه وبراءه بس مشكلتها طنشت نصيحه بنت عمتها المحاميه وعطت شجون ويهه جنه تبيها من الله والحوسني امنه امها حاشتني كأبه من اشوفها واعليه حزن بحزن ..ومنو بعد ايييييييييييييييييييييييي الصراف اكثر واحد خلى المسلسل حلو على كثر وقاحته واجرامه بس دمه خفيف ولعبها صح على قولته والمحروقه العاصي صايره جنها شولة البيت كل شوي مولعينها مادري شسالفه ووووووالباقي هم ماقصرووو بس الي ذكرتهم فعلا عجبوني وخلوني ماطوف حلقه من عرس الدم والحين ابعرف كل عضو والممثل الي حب دوره بعرس الدم وليش وتسلمووووووووووووووووووون حبايبي

الله يرحمها اختي الغاليه وفعلا اول مره اشوف انسانه قمة الابداع بالالم وهذا يدل على قمة حزنج على امج وشخصيا مريت بهذا الفراق والالم الي مابعده الم ولايقدر عليه وصف. والله يقويج على تخفيف معاناتج,,,,,وكلنا خواتج وفضفضي لنا بكلامج الرائع ومشاعرج الاليميه

الخطابه:السلام عليكم ام محمد ام محمد:هلاهلا ام صويلح الخطابه:والله يايتج بخير بس لاترديني يانظر عيني ام محمد:أمري يا الغالية الخطابه:والله خليفه ولد بوخليفه يدور بنت ويبي يكمل نص دينه عاد انا مالقيت الا بنتج سبيجه ام محمد طايره من الوناسه:وي وي ياهلا ويامسهلا بس خليفه هذا مانعرفه زين الخطابة:الله يهداج خوش ريال من البيت للمسيد ومن المسيد للبيت بعد البنت شتبي اكثر من جذي؟؟؟عشتااوووو ام محمد:صاجه والله وانا بعد بقول لابوها يسئل عنه بس احنا واثقين انج ماتيبين حق بنتنا الا الريايل السنعه كلولولووووووووووش الف صلاة وسلام عليك ياحبيب الله محمد....... وتزوجت سبيجه..... الزبده..... ان قبل كانو يتزوجون ويبون اعيال والبنت لاتشوف الي بتاخذه ولا تسولف معاه وتمشي الدنيا ويمكن طريقتهم ساذجه حزتها بس الحين البنت على الاقل تسولف مع الي تعرفه ويمكن تشوفه وفوق هذا البنت حاليا مو سبيجه البنت الحين ماشالله شاقه القاع وقايله امباع يعني تقص على الف شارب ماينقص عليها ومومثل قبل يعني في تختلط بشباب بالجامعه وبالدوام وبين اهلها لو الولد من العايله يعني تجاربها خمسين الف كيلو خبرة واذا يت السالفه على النت او غير النت ماوقفت والشين والزين معروف والبنت الزينه تعرف حدوها وتعرف ان هالشاب ديليت من القائمه لو طلع مو زين وشخصيا شفت ناس تزوجو من النت وعندهم اعيال الحين ويقولون للناس بكل فخر ان تزوجنا من النت لان علاقتهم دشت طريج صح وسليم وحلال وووووووبس

ههههههههههههههههههههههههههاي والله زين الي يمها خلتج تلمينها وتسلمين عليها س ماظنتي كانت يمها حزتها لان لو يمها جان انتي فناقر خو انا اعرف سوالف رفيجتها

مولية الصداقه ماتنقاس بالمده والوقت والصداقه تنقاس بالوقفه يم رفيجك بالشدائد والمصايب واحسب لرفيجك وقفته معاك بتعرف معزته بقلبك.وبهالوقت حتى الاخت او الاخ يخلى فيك ويطعنك وتلاقي رفيجك احسن من اخوك وانا مع المثل الي يقول تلقى بالخلان ابرك من الاهل وضد المثل الي يقول مايحكك الاظفرك والصداقه شي مو سهل واذا بنتعرف على ناس لازم نسوي لهم فلتر ونخلي الزين ونترك الشين وياقلة الزين الي بتحصله بس بنهايه بنفوز فيهم وثقتنا بشخص كنز لازم مانستسهله عشان مانسئ استخدامها ويقلب ضدنا وصديق واحد ابرك من شلة متيمعه حواليك مايفيدونك ويمكن يضرونك بس صديق واحد يكفي اذا كان قد الثقه وشخصيا احمد ربي على صداقتي لرفيجتي الي اكثر من اختي وعلاقتي فيها 4 سنوات بس جنها 40 سنه وشكرا اخ فايز على الموضوع القوي

يت السالفه عبو انها مسترجله او بنوته؟؟ تركتو كل الاسئله بلقاء عجعجتو بهالكلمه؟ صجججججج ماكو سالفه وهذي اشياء شخصيه والاهم انها فنانة حبوبه وجريئه قدمت الي ماقدرو غيرها يقدمونه لانها واثقه من نفسها .....عربوووووووووووووووووووووووووووووو

أبيات و وحكم : ما كل من نبت له شنب صار رجال ......................... ولا كل من عرضت كتوفه قالوا سنافي !!! لا ... لا يغرك ياولد بعض الازوال .................................. إن جيتهم مضيوم قالوا عوافي !!! ثوب .. وطاقية .. وغـترة .. وعـقـال ............................ والله أعلم في باقي الامور الخوافي !!! بعض الـعـرب ما يصلح حتى لرجلك نعال ......................... ترميه لو تمشي على الارض حافي !!! .................................................. .................................................. .................. بعـدك عن اللي ما يعـزك معـزة ........................... وصدك عن اللي يعتني بك ردى منك !!! واللي يعزك لازم إنّك تعـزة ....................................... وتعلن معه طول الليالي تضامنك !!! وللهرج حزات وللصمت حزة ....................................... ومن لا يعرفك معرفه ما يثمنك !!! وإن كان عينك كل درب تقـزه ................................... إعرف ترى غيرك عيونه تعاينك !!! .................................................. .................................................. .................. قـيـل عـن الجار : إلا ومع هذا لك الله لنا كار .............................................. عن جارنا ما قط نخفي الطريقة !!! نرفا خمالة رفية العش بالغار ......................................... ونجعل له النفس القوية ضعيفة !!! إحدٍ على جاره بختري ونوار ........................................... وأحدٍ على جاره صفاةٍ محيفة !!! .................................................. .................................................. .................. نوم الفتى على راس شفشوف .................................. خير من نوم المهونة على زل !!! .................................................. .................................................. .................. أكبر عذاريبي براءة وضوحي ...................................... واصعب عيوبي إني إنسان لماح !!! .................................................. .................................................. .................. أمر مر مر في دنيتي لي ... وامر مر لي في حياتي ... لا جاني العاني وانا ما معي شي ... ودي قبل يأتي تجيني وفاتي !!!! .................................................. .................................................. .................. يا ما حلى الخوة مع طيب الناس ... دايم خويه ينفعه ما يضره ... يفرح إذا شافه سليم من الباس ... وإن غاب يسأل عنه وإلا يمره ... هذا هو اللي خوته ترفع الراس ... والطيب مع مثله يزيدك مسره !!! .................................................. .................................................. .................. كل العداوات قد تُرجى إقالتها ..................................... إلا عداوة من عاداك عن حسد !!! .................................................. .................................................. .................. إذا المرء لا يرعاك إلا تكلفا ..................................... فدعه ولا تكثر عليه التأسفا !!! .................................................. .................................................. .................. اتمنى من القراء اختيار الحكمه او البيت الذي اعجبه وارساله بالردود وشكرا

والله موضوع زينب( واتمنى اعرف اسمها عقب التحول عشان اناديها باسمها الذكوري ) موضوع مازال معقد في ديرتنا ودول الخليج بسبب عاداتنا وتقاليدنا لان في ناس من هب ودب قال بسوي عملية تحول ولكن في ناس مثل زينب يعانون نفسيا فوق مانتصور من هاذا الوضع ولازم ان يسون العمليه وفي دول الغرب مثلا لندن او امريكا يساعدون هالنوعيه من الناس يساعدونهم بمصاريف العمليه وعقب العمليه يحطون لهم اخصائيين نفسين يساعدونهم ان يندمجون مع الناس ويتكيفون مع نفسهم وحتى لهم نوادي خاصه ومساعدات ماليه شهريه ليمن يوقفون على ريولهم ويندمجون واتمنى هالشئ عندنا لان هالشئ عند زينب من رب العالمين ولازم الكل يساعدها عشان تعيش او يعيش حياته من يديد وبتوفيق زينب