اليائسة 21

هاذي اهو الواقع الي نجوفه بفعاليه ونجاح في الغرب مب عندنا في الشرق وذالك يرجع للتربيه كل شخص يتمني يكون عنده قصه حب جميله وتنتهي بالزواج لكن للاسف تفكير الرجل والمرإه في الشرق وبالتحديد الخليج يختلف لنفرض مثلا: انا قاعده على طاوله اشرب كوفي وياني مثل المكتوب شاب يبي يتعرف علي اول شي بيكون في بالي باقول هه يبي رقمي اكيد عنده 100 رقم وهاذي شكله مغازلجي ودربه مب عدل مع ان ممكن هالشخص تكون نيته سليمه وفعلا هدفه الارتباط ولنفرض انا عطيته الرقم ممكن بيقول هه هاذي عطتني الرقم اكيد عطت درزن غيري مع ان ممكن يكون اول شاب في حياتي اعطيه رقمي من هالتفكير الناس تتردد مليون مره قبل التعارف سواء كان للبنات او الصبيان لان اذا الواحد ضامن نيته ما يضمن نيات الناس واعتقد هاذي سبب من اسباب العنوسه في الوطن العربي مع ان الغرب ما عندهم مشاكل العنوسه كثر الدول العربيه الي تصدمنا الارقام كل يوم لان الغرب الي يبي فعلا يرتبط يتعرف والي يبي يلعب يعرف وين يلعب لكن عندنا انواع واشكال من الخبث مع انا مسلمين على فكره

أكبر عدو للأنسان هي نفسه والنفس إماره للسؤ كما ذكر الله تعالي في كتابه والاعتذار تربيه وتهذيب الشخص لنفسه ليقتل جرثومه الكبر وينمي فيه التواضع

أعرفه هالفلم وايد حلو كان الصراحه ياخوك انا الشكل يهمني من ناحيه الزواج لكن اتنازل في حاله وحده عن الشكل اذا لمست منه الرجوله بكل معنى الكلمه وجفت فيه الطموح والاتزان ممكن اتنازل عن شكله وارتبط فيه

اليائسه : أحس فيها وااايد من طبع ريفوو وسوالفهااا عجووووبيه وتحلى القعده معاهاا وودي أتعرف عليها أكثر مشكوره هاذي من ذوقج وإن شالله من عيوني الثنتين نقعد مع بعض في يوم وتتعرفين علي اكثر من الاعضا الي يعجبوني 1- العضو Viper: متالق بردوده و حرصه وغيرته على دينه 2- العضو مجرمvip : مواضيعه حلوه وتمس الواقع الي نعيشه في مجتمعنا واسلوبه في النقاش راقي ويعجبني فيه تمسكه وحفاضه على العادات والتقاليد الي ابتدت للاسف تتلاشي مع الايام 3- ريفا المحرق : عاد هاذي حبيبه قلبي وصديقه الطفوله وإن شالله ما يفرق بينا الا الموت 4-جمالي معذبهم مع كيفي رفاعيه : بنات والنعم فيهم تربيه وطيبه واخلاق وإن شالله نتعرف بهم اكثر مع الايام 5-بنت الحداده : ردودها تعجبني خاليه من المجاملات وواقعيه يبين عليها انسانه عندها ثقافه وعلى اطلاع واسع 6- دعيج الظاعن: تضحكني ردوده ومازلت اذا اتذكر له رد اقوم اضحك 7-هوليه: فديتها بنت عمتي 8- عاشقه البحر: حلوه ردودها 9- عايشه الحشاش : انسانه طيبه وتحب المساعده للغير وماقصرت علمتني خوش طبخه ههههه ووايد اعضا احب ردودهم وخصوصا اذا فيها تذكير بالدين

أختي القصص الي ترتبط بملك الموت وغيره من الملائكه لازم تكون مصدقه من السنه النبويه والاحاديث الشريفه ومايصيرنقول من الاثار لان ممكن هالقصص تكون من كتب الانجيل او التوراه المحرفه وبجذي تكتسبين اثم كل انسان يقري هالقصه ويصدقها ويعطيج العافيه

هاذي مب حلم هاذي انا قريت هالقصه في كتاب كليله ودمنه حق عبدلله المقفع

تسلمين والله يشفيها يارب

ما قط سمعتها بس عجبتني والله باغنيها حق اليهال ابو العصاقل عصقول عص عص عص عصقول ومااتذكر الباقي

هاي اغنيه مو هههههههههه هاذي الله يسلمج اغنيه ماعرف من الي يغنيها كنا نسمعها في العروس يوم كنا اصغار ويجلعون جلع عليها النسوان هلون الاغنيه توبه من الحب توبه ومن لبس ثوب غير ثوبه حس بالفرق واضح عاشو

أنا عن نفسي اذا انرفضت علشان هالسبب بالعكس باشكثر المدير لانه صارحني في البدايه ولا ياخذوني ويسون لي حرب اعصاب هناك ليش شحادني إما اذا كانت الدائره حكوميه لا باشتكي على المدير لان الوزاره ملك للدوله وماله حق يرفضني على طائفتي

عدم الاستطاعة بكتم الضحك حتى في المواقف التي قد تسبب إحراج للأخرين

1 - 3 - 4 انت تتحرك وتتبع كل حواسك حين تصادف الحب الذي تنتظره ،وتقع في الحب من اول نظرة بسهولة،عادة تبقى بعد فترة اعجاب ممسكاً نفسك وعواطفك،لكن بالتدرج تقوي مشاعرك واحاسيسك .

: شنو سيارتك واي لون..؟؟ واذا حاط عليها ستيكر على شنو؟؟ مازدا 6 ذهبيه ، اي حاطه عليها شعار نادي محرق بس للاسف انشال والحين ادور شعار محرقي خشن الصقه 2 : اشلونك ويا الموضه؟؟ مب متابعه وياها وايد اهم شي البس الي يناسبني 3 : جم رقم"خط تلفون" عندك ..? واحد 4 : تحب الوحده ..? لا اكيد 5 : شنو تحب الناس ينادونك ..? سوسو 6 : عندك مرض التفكير ..? هه مدمنه تفكير 7 : اكثر مكان تحب تروح له؟ اسوي شوبنق في مجمعات السعوديه على الاقل ماجوف الجياكر وهما حاطين طحين خباز رقم 1 مثل مجمعات البحرين

أنا عن نفسي الوم الريال اكثر لان الحياه عباره عن اختبار لما دينا حث على غض البصر هاذي اختبار للمسلم بكيفيه تحكمه في نفسه يعني ممكن يكونون هالبنات مب مسلمات اصلا هل نقع الوم عليهم اكيد لا لان ماعندهم شي اسمه عيب وحرام اذا كل شخص مسؤل عن تصرفاته ولما يسأل الانسن عن اعماله ما يقدر يقول اي هاذي كانت لابسه ملابس مغريه وانا التفتيت لا المفروض يغض البصر لان دينه امره بغض البصر

اكيد الرجل احفظ للسر من المرإه

بكل اختصار من لبس ثوب غير ثوبه حس بالفرق واضح

الحمدالله الذي عافنا مما بتلي به من خلقه وفضلنا على كثير ممن خلقه تفضيلا ياربي شقاعد يصير في البحرين سمعه بنات البحرين كل ماله تسؤ اكثر ياخوفي بس تصير سمعت بنات البحرين مثل بنات بانكوك ولا بعد اذا فتحوا الجسر لا كملت من الزين وين شرطه المجتمع عن هالجامعات الخاصه انا مره رحت جامعه خاصه حطيت يدي على راسي شنو ذي قالو حريه بس ماقالو صيروا مجوس وقعدوا لنا

أول شي لما الاسلام انتشر في العالم وذالك بقناعه الناس بهذا الدين العظيم والي الان الوف الناس من العلماء حطوا في بالكم من العلماء الطبيعه والغه يدشون الاسلام لوجود الاعجاز في القران الكريم فلما دخل التتار والمغول والمسيحين بلاد الاسلام لنشر ديانتهم ردعوهم ردع ومادخلوا ديانتهم مع ان كان دخولهم للاسلام وترك ديانتهم السابقه كانت ناجحه وهاذي الي اثار الحقد والكراهيه للمسيحين للمسلمين ومازالو يحاولون يشوهون الدين بكل ما اؤتوا من قوه انا عن نفسي ليش مقتنعه باسلام تدرون ليش لاني اؤمن ان الله لم يلد ولم يولد ولا عنده ولد ولاشريكه يعني اعبد رب متفرد بالوهيته اي دين الي يقول ان الله لديه ابن ههه ههه هاذي مهزله شلون الانسان مع كل العقل الي عنده يقتنع ان الله عنده ابن اذا الرب عنده ابن وشريكه ما يفرق عن الانسان اذن اعتقد سبب دخول اي شخص للمسيحيه هو تهربه من التزامات الاسلام يبي يشرب ويزني ويسوي كلشي على راحته لانه دينهم محرف ويحلل كلشي كان في الاصل محرم سبحان الله عما يشركون قال عز من قال ( قل ءامنا بالله وماأنزل علينا وما انزل على ابراهيم وإسمعيل وإسحق ويعقوب والاسباط وما أوتي موسى وعيسى والنبيون من ربهم لا نفرق بين احد منهم ونحن له مسلمون ومن يبتغ غير الاسلم دينا فلن يقبل منه وهو في الاخره من الخسرين كيف يهدى الله قوما كفروا بعد إيمنهم وشهدوا أن الرسول حق وجاءهم البينت والله لايهدى القوم الظلمين أولئك جزاؤهم أن عليهم لعنه الله والملئكه والناس أجمعين خلدين فيها لا يخفف عنهم العذاب ولاهم ينظرون إلا الذين تابوا من بعد ذالك وأصلحوا فإن الله غفور رحيم إن الذين كفروا بعد إيمنهم ثم ازدادوا كفرا لن تقبل توبتهم وأولئك هم الضالون إن الذين كفروا وماتوا وهم كفار فلن يقبل من أحدهم ملء الأرض ذهبا ولو افتدى به وأولئك لهم عذاب أليم ومالهم من نصرين)

اذا صار لي هالموقف باروح لكن على شرط انا يكون عندي شي

الله يرحمها ويغمد روحها الجنه واتذكر هاليوم العصيب على البحرين الله يرحم اموات المسلمين كلهم يارب

انا لازم البس نظاره شمسيه لان مااقدر اطلع والشمس قويه اما عن نوع النظاره الي البسها البس النظاره المتوسطه الي مب صغيره ولا عوده بس ساعات اذا المزاج متعكر البس نظاره عوده ماابي احد يعرفني

ههههههههههههههههههههههه اقول كل البنات الي ماعرسوا يقطون روحهم بحر اذا الشحروره عرست لا هاذي الظاهر بتزوج حفيدي

مره سويت لي نودلز في اليل ورحت الصاله وبطلت mbc 2 وقعدت اطالع الفلم وفهيت وعقب ما فات الفوت ما ينفع الصوت رحت المطبخ والا اجوف النودلز تبخر استوي كانه دود متفحم ومره قلت حق اختي تطبخ لي ماي طبخته ونامت ويات الشغاله الصبح الا تجوفه قاعد يطبخ الله ستر الي ما احترق المطبخ

شهالسالفه ذي لا بالله احنا عايشين في ايطاليا مب في البحرين هالكثر جرايم مااعتقد اي دوله من دول الخليج فيها جرايم كثر البحرين يالله سترك بس

شكرا على الخبر