نوره عيسى

بصراحه عنده اسلوب غريب في المعامله و كان اذا ما حب الواحد يتجاهله و لا كأنه موجود و هذي الشي سواه معاي و اخرتها حط كل السكشن في تشكيل المحكمة و انا شالني مع انه كان في شواغر و ياب ناس من سكاشن ثانيه وطبعا قدمت شكوى عليه ,,, غريب اهو انا ليلحين مب فاهمته مع انه شكله حليو وايد بس حاسبي منه لا يحط في باله.

أختي بالنسبه حق دكتور ضاري انا وايد سمعت عنه يرسب و في بنات انا اعرفهم شخصيا رسبهم بالعمد بس انا خذته الفصل اللي طاف تفاجأت بالدرجات كان وايد حاط لنا زين وخصوصا ان الامتحان كان وايد سهل وسمعت انه ما رسب احد الفصل اللي طاف ((الله أعلم)) بس اهم اهم شي الحضوووور و المشاركة ،، الغريب فيه انه اذا حطج في باله يحاول يضرج بأي طريقه ((انا مثال حي)) بالنسبه حق الخاص انا اخذه الحين وما اخفي عليج ساعات احسه سهل و ساعات يكون صعب بشكل مب طبيعي يعتمد على القضايا اللي يعطيج اياها ،،، أنا للأسف اخذه عند د. محمد وليد المصري بس نصيحه اذا د. صلاح او اي دكتور ثاني يعطي المادة اخذيها عنده احسن... وبالنسبه حق القضايا بحاول احصلج نموذج من الامتحانات السابقه .... بالتوفيق أختي

تطبيقات العام امتحان المنتصف قضية وحده والنهائي قضيتين وايد وايد سهل بس ركز مع قضايا الدكتور

مشكورة أختي و يزاج الله خير و الله يعطيكم ألف ألف عافيه على الشغل المبذول ,,, بصراحه مبين تعبكم و الحمدلله انه النتايج كانت أكبر من مذهله ،،، وأكيد هذي نجاح لنا كلنا ,,, يعطيكم العافيه و مشكورين و ما قصرتوا والله

توقيت فعاليات الملتقى الحقوقي الأول المحور الأول : القوانين الجنائية وتحديات التطور 2 أبريل 2008م 10:00 حفل الافتتاح 10:45- 11:30 الورقة الرئيسية للملتقى ( ورقة النائب العام) 11:30- 12:00 استراحــة 12:00 - 12:50 الجرائم الإلكترونية - بدر نبيل كمال ( مشرف على أمن المعلومات ببيت التمويل الخليجي ) - النقيب علي الجودر ( وحدة مكافحة الجرائم الاقتصادية – وزارة الداخلية ) - د.علي الطوالبة ( عميد كلية الحقوق بجامعة العلوم التطبيقية ) 1:00 - 1:50 الجرائم الاقتصادية - أ. أمل أبل ( وكيلة النائب العام ) - وفاء جناحي ( مساعدة بحث وتدريس في كلية الحقوق بجامعة البحرين ) 2:00 - 2:50 الاعتداء على حق الملكية الفكرية - د. صبري حمد خاطر( رئيس القسم الخاص بكلية الحقوق بجامعة البحرين ) - د. شحاتة غريب شلقامي ( أستاذ مشارك بكلية الحقوق بجامعة البحرين ) 3:00 - 4:00 تناول وجبة الغداء المحور الثاني : القانون وتحديات النمو الاقتصادي 3 أبريل 2008م 10:00 - 10:50 متى تكون التشريعات جاذبة للاستثمارات - د. عادل الأبيوكي ( خبير ومحكم قانوني دولي ) - د. حسين المهدي (رئيس لجنة التدريب بغرفة تجارة وصناعة البحرين) 11:00 - 11:50 المعاملات الإلكترونية في ظل القانون البحريني - د.جميل العلوي ( المستشار الأول لمجلس التنمية الاقتصادية ) - ورقة طلابية : يوسف ناس ( طالب بكلية الحقوق بجامعة البحرين ) 12:30- 12:00 استراحة 12:30- 1:20 قراءة قانونية في اتفاقية التجارة الحرة بين مملكة البحرين والولايات المتحدة الأمريكية - أ. الشيخ عبدالله بن أحمد آل خليفة ( أخصائي قانوني بمجلس التنمية الاقتصادية ) - ورقة طلابية: خليفة علي الفاضل ( طالب بكلية الحقوق بجامعة البحرين ) 1:30 - 2:20 الورقة الختامية : أ. دلال الزايد ( محامية وعضو مجلس الشورى ) 2:30 - 3:30 تناول وجبة الغداء 3:30 - 4:30 حفـل الختـام 4:30 توزيع الشهادات على المشاركين نتمى حضوركم .....

الله يعطيكم ألف عافيه

وأنا أضم صوتي لصوتكم فعلا التسجيل هالمره كان وايد منظم حتى انا كنت المفروض أشارك في التنظيم بس يوم رحت وشفت مستوى التنظيم بصراحه ما لقيت لي مكان, طلبتنا وطالبتنا مب مقصرين ابدا ومغطيين كل مكان ما كان في ابدا اي نواقص تذكر عساكم عالقوة واحنا نفتخر فيكم ,,, وأخص بالشكر الطالبات المشتركين في التنظيم طالبه طالبه والطالب سعود العماني على المسؤوليه الكبيره اللي حملها طول فتره الحذف والاصافه ,,, كفيتوا ووفيتوا يا جماعه ونتطلع لشوفتكم مع بداية العام الدراسي بأذن الله

انا مع الأخ محمود بصراحه تخصص الحقوق ما ينفع له الا بي اس وبعد يالله يالله يكفي ,,, أما دبلوم الحقوق يعتبر ولا شي مثل شهاده الثانويه ,, يعني شنو ممكن يشتغل بهالشهاده؟؟ مستشار قانوني مثلا

بصراحه المجهود اللي بذله الأخ محمد في سبيل تنزيل المعدل مجهود جبار,, كلمات الشكر لا تكفي ولا تفي بحقك ,, المفروض عقب ما طاح صنم ال 2,5 نسوي لمحمد الصفار تمثال في الكليه ,, والله إنجاز راح تتذكرك فيه الأجيال ,, فرحت قلوبنا يا محمد وإنشاالله للأمام دايما ....

مشكورين يا جماعه والله ما قصرتوا ,,, وانا أملي في الإداره الجديده كبير جدا وأنا متأكده انهم بيحققون كثر ما حققناه وأكثر وأكيد أكيد انه احنا كلنا بنوقف وياكم وموفقيين إنشاالله

السلام عليكم ورحمة الله وبركاته موضوعي هو عباره عن رسالة شكر (( مثل ما فهمتوا من العنوان)) رسالة الشكر هذي موجهه مني لكل طالبه وطالب وقف معاي وساعدني طوال فترة رئاستي للجنه الإجتماعيه في جمعية كلية الحقوق في العام الماضي ,,,, ما أبالغ لو أقول ان احلى ايام عشتها كانت ايام عملي في الجمعيه ,,, حيث انتقلت من كوني طالبه عاديه في كلية الحقوق إلى عضو إداري في الجمعيه مع ما تحمله هذي العضويه من مسؤوليات وواجبات ,,, على الرغم من صعوبه الأمر في البدايه إلا ان وقوفكم معاي في كل فعاليه ,,, ((سواء اللي صارت بالفعل أو اللي ما صارت لأسباب خارجه عن إرادتنا)) هو اللي خلانا نحقق النجاح في الجمعيه عامة وفي اللجنه الإجتماعيه خاصة, وطبعا ذلك بالرغم من الصعوبات اللي واجهتنا إلا ان احنا قدرنا نتغلب عليها من دون أن تهبط من عزيمتنا أو حماسنا ,, واسمحولي أكرر شكري لكل الطلبه اللي كانوا يشتغلون معاي ليل ونهار, وما يحضرون أغلب المحاضرات و طبعا ما قصروا الدكاتره في إنذارات الغياب, كل هذي كان من أجل هدف واحد وهو أن نحقق ما كلفنا لأجله. وفي عندي رسالتين شكر من نوع خاص أبي أوجه الأولى لزميلي وأخوي رمزان النعيمي, لأن للأمانه كل فعاليه كنا نسويها كان لرمزان مشاركه او إقتراح او مساعده, وفعاليات وايد كانت ما بتصير لولا وقوفه معاي ,,, والرساله الثانيه لزميلي وأخوي علي حسن لان اهو أول من رشحني لرئاسة اللجنة وساندني طول السنه,, وطبعا ما راح أنسى فضل كل الأعضاء الأداريين وأعضاء الجمعيه فردا فردا على المجهود اللي بذلوه سواء في تنظيم الفعاليات أو المشاركه فيها ,, أشكركم من كل قلبي واقبلوا إعتذاري لو بدر مني أي تقصير في واجباتي ,, واحب أهدي التكريم اللي حصلت عليه اللجنه لكل طلبة الحقوق لان لولاكم ما حصلنا على التكريم . سامحوني على الإطاله ,,, لكم مني جزيل الشكر