ابله فاطمة

احنا بإنتظار التكلمة،، يسلموو

البارت ال11 بعد 6 اشهر،، وليد: سارة حبيتي ابشرج الليله بنزوركم سارة: حياكم الله بس ليش البشارة مب اول مرة تزورونه وليد: سارة انه ياي اخبطج الليله سارة: ها وليد: وويع لا تقولين ها سارة: وليد توها الناس اصبر شوي يمعود وليد: شنو توها الناس لا ابي اصير ابووو سارة: ونعم الابو ان شاء الله وليد: ان شاء الله ، زين حبيبتي اخليج انه لازم اروح الدوام سارة: تحمل بنفسك انه بروح لرفيجتي حنان بكلمها عن موضوع عمي فيصل وليد: صار سارة: مع السلامه حبيبي وليد: الله يسلمج عيوني راحت سارة لرفيجتها حنان عشان تخبرها بموضوع عمها فيصل ، حنان ما ردت عليها بخبر اكيد بس قالت لها ان شاء الله خير وطلبت منها انها تعطيها يومين تفكر فيهم بعد اسبوع تقريبا اتصلت حنان في سارة وخبرتها بموافقتها ، سارة استانست لشيئين اول واحد فرحت لعمها و الثاني لان حنان راحت تصير مرت عمها الغالي وليد وفيصل اتفقوا ان يسوون عرسهم مع بعض وطبعا كان عرسهم من اجمل الاعراس النهاية،، سارة + وليد: حبهم كل ماله يزيد والله رزقهم ببنات توم "غادة، غيداء" فيصل+حنان: احلى زوجين ، عايشين بحياة كلها حب ، يابوا ولد اسمه عبدالعزيز والحين حنان حامل بالشهر الاخير رهف + ناصر: عايشين حياتهم من اجمل ما يكون ، نورة صار عندها اخت (مريم) واخو(خالد) نوف: عايشة قصه حب و ان شاء الله تتوج بالزواج على نهايه السنه روان: انخطبت لولد خالها و زواجهم بعد ما يكملون دراستهم سلمان: صار ريال، عاقل، رزين كل الصفات الحلوة تتجمع فيه دانه: للحين تدرس بالثانوي اتمنى انها عجبتكم بإنتظار تعليقكم عالقصه..

البارت التاسع روان: نوفو قومي خلنا نروح نسبح برع دانه: بايي معاكم نوف: مانبي يهالو دانه: سارة تبوني اقعد معاكم انتي ورهف سارة: من عيوووووووونه اكيد أي روان: يلا نوف نوف: يلا مشينا سارة سمعت صوت تلفونها راحت تشوف ، شافت المسج اللي من عند وليد ابتسمت ابتسامة بريئة وقالت بنفسها " يحليلك وليد انه هم احبك" دزت له مسج " تصبح على خير نام زين واكل زين" وراحت لرهف ودانه رهف: سارة وين امي وامج ويدو سارة: طالعين السوق رهف: سويرة سيارتج عندج سارة: أي ليش رهف: ابيج توديني المستشفى ما اقدر اتحمل خلااااااص سارة: شفيج رهف رهف: مادري حاسه إني باولد الحين سارة ماعرفت شلون تتصرف وماحبت تقعد عمها ولا وليد من النوم على طول اتصلت في ناصر اخوها ناصر: هلا سارونه سارة: هلا ناصر ناصر تعااال الحين بيت يدو ناصرك ليش شصاير سارة: رهف تعبانه ومافي احد بالبيت ناصر: اخذيها للمستشفى وانه يايينكم الحين سارة: ان شاء الله بس لا تتأخر ناصر: اوكي سارة: دانه بسرعه ييبي عباية رهف دانه: ان شاء الله يابت دانه العبايه ولبسوها رهف واخذوها سارة ودانه للمستشفى في المستشفى دخلت رهف لغرفة لعمليات وظلوا ناصر وسارة ودانه برع سارة اتصلت تخبر امها عشان تخبر العايله وييون المستشفى وكلها ساعه ووصلوا الكل الكل كان قاعد في غرفة الانتظار ينتظر رهف تطلع بالسلامه طلعت الدكتورة: مبرووووك بنت قمر ناصر: صج والله الحمدلله الحمدلله وين رهف اقدر اشوفها الحين الدكتورة: اكيد ناصر دخل لرهف باسها على جبينها ناصر: رهوف حبيبتي الحمدلله على سلامتج رهف: الله يسلمك ناصر: يبتي بنت قمر مثلج رهف: شبنسميها ناصر: الشور شورج يالغاليه رهف: بنسميها نورة على اسم يدتي ناصر: عاشت الاسامي البارت العاشر وبعدها الكل دخل لرهف يبارك لها ويشوف نورة سارة تذكرت ان خبرت الكل ما عدا فيصل ووليد للحين راقدين بالبيت اتصلت سارة في عمها بس ما كان يشيله اتصلت لوليد وليد: هلا حبيبتي سارة: هلا بيك وليد: شخبارج وحشتنيي سارو سارة: اخباري الحمدلله بخير ، ما يوحشك غالي ، سارة لو سمحت وليد: فديتج والله سارة: وليد انه بالمستشفى وليد: شنووووووووو ليش سارة: رهف يابت نورة شحلاااتها قمر والكل هني ماعداكم انتوا الاثنين حتى سلمان وصل قبلكم وليد: سلمان قبلنا ما يصير اكيد فيه شئ سارة: أي كاهو حده متولع في نورة وليد: سارة سارة: عيون سارة وليد: احبج سارة: وانه هم مثلك وليد: يعل عيني ما تبجيج سارة: وين عمي وليد: راقد وينه بعد سارة: فديته عمي ، صحيه بسرعه وتعالوا وليد: مسافه الدرب سارة: يالله وليدو تحمل بنفسك وسوق زين لا تسرع وليد: وليد لو سمحتي وان شاء الله حبيبتي ما بسرع سارة: ان شاء الله وليد: مع السلامه سارة: بحفظ الرحمن وليد: احبج سارة: ........... وليد: احبج سارة سارة: مع السلامه وليد وليد ضحك على حيا بنت خاله سارة قالت بنفسها بدز لوليد مسج " وليد .. احبك .. يعلني ما اخسرك" وليد استانس حييييييييل بالمسج واتأكد ان سارة تحبه مثل ما اهو يحبها راح صحى خاله عشان يروحون المستشفى بإنتظار تعليقكم ما بقى الا بارت واحد راح انزله عقب شوي

شكرا عالتواصل هاي البارت الثامن في البيت العود.. روان: ها رديتوا وليد: لا انتي شنو شايفة دانه: هلا سارة نورتي البيت فيصل: بس سارة اللي نورت دانه: لا عمي، كلكم منورينه بس سارة غير فيصل: أي والله صدقتي رهف: افاا عمي بس سارة اللي تنور البيت وانه وين رحت فيصل: اصلا البيت من دون سارة ورهف مب حلو روان، نوف: واحنااااااااااااااااااا دانه: انه اصغركم يعني اكيد اكيد البيت مب حلو بدوني وليد: صح لسانج روان ونوف: واحنااااااااااااااااااااااا وليد: انتوا سكتوا خبالكم مكفي نوف: اصلا احنا اللي شحلاتنا روان: أي والله فيصل: شخبارج رهف رهف كانت تتألم بس كانت ساكته مابي تقول لأحد رهف: الحمدلله زينه فيصل: زين انه اخليكم تعبان بروح انام لي ساعتين وليد: انه هم تعبان بايي انام معاك فيصل وبإبسامه عريضه: ليش بتنام القعده حلوة هني سارة كانت بس تعطيهم نظرات وليد: خالي ودي بس لازم اقوم عشان اروح الشركة بعدين ، انه مابي اروح الشركه وانه تعبان عشان لا اتعب ازيد ، لازم ارتاح سامع يا خالي لازم ارتاح ولازم آكل زين عشان ما يدور راسي روان: حشى حشى شنو ذي نوف: ههههههههههههههههههههه وليد: يلا خالي خلنا نروح فيصل: يالله وليد ما حب يروح ينام وما يودع سارة، بس ما كان عارف شلون يودها قرر ان يدز لها مسج قبل لا ينام ركب مع خاله لغرفته وطبعا خاله من شاف السرير ما قام وليد فتح تلفونه ودز مسج لسارة " تحملي بنفسج يالغاليه أحبج"

البارت السادس في غرفة الدكتورة الدكتورة: وين سارة يابني وليد: سارة تعبت شوي ففظلنا نخليها برع وانه ايي اشوف النتيجة الدكتورة: اهي من زمان تييها هالاعراض وليد بدى يخاف: لا توها الدكتورة: دي اعراض عادية لأي بنت في بدايه وليد: لالالالالالالالالالالالالالالالالالا لا تقولين لي سارة مصابة بالسرطان الدكتورة: فال الله ولا فالك يا ولد وليد: عيل شنو الدكتورة: دي كويسة وسيبني بآ اكمل كلامي دي اعراض عادية لأي بنت في بدايه مرحلة الشغل وليد: يعني بنت خالي مافيها ولاشئ وولا مصابة بشئ الدكتورة: دي اصحى مني ومنك يا ولد وليد والفرحة مب واسعتنه وليد: عن اذنج دكتورة بروح ابشر خالي وبنت خالي الدكتورة: ازنك معاك يا بني وليد دخل الغرفة والوناسة مب شايلته وليد: سارة انتي مافيج شئ انتي مب مصابه بولا شئ سارة:.................. فيصل: صج والله وليد: أي يا خالي سارة سلمية والاعراض اللي تييها هاي اعراض أي فتاة في بداية شغلها وخاصة سارة شغلها وايد متعب سارة كانت بس تسمع وتبجي بس هالمره دموعها مب دموع حزن دموعها دموع فرح وليد: الله يعطيج العافيه سارة سارة: الله يعافيك وليد: عند الوعد فيصل: انه أي افا عليك عند الوعد ونص وليد: من عيوني يا خالي سارة: وليد خلها وقت ثاني ابي ارجع البيت وليد: اول نروح ناكل لنا شئ وبعدين تردين واصلا انتي شلون تبين تصحين وانتي ابد ما تاكلين فيصل: يلا وليدوو انزل مع سارة وانه بروح اكمل اجراءات سارة وليد: خالي وليد لو سمحت فيصل: ان شااء الله يالشيخ سارة: عمي ، وليد مشكورين تعبتكم معاي فيصل: شدعوه عاد وليد: تعبج راحه فيصل: بدينا يمعود اصبر شوي سارة ما كانت فاهمه اللي قاعد يصير فباعدت ويهها عنهم وراحت تفكر بحنان رفيجتهاا كانت اول مرة تفكر بحنان كانت تقول في نفسها ليش ما تخطب حنان لعمهاا ،، ابتسمت وقالت لازم افاتح عمي بهالموضوع وليد: يلا سارة مشينا سارة: ها أي يلا فيصل: انه بروح اكمل اجراءات سارة وآييكم وليد: اوكي وليد : وين تبين تروحين سارة: البيت وليد: صج انج عنيده سارة: بنت ابوي شسوي وليد: واحلى بنت ابوها سارة استحت ونزلت راسها حست ان ولد عمتها هالايام واايد مزودنها معاها وليد: سارة سارة: نعم وليد: انه مثل ما انتي عارفة مالي بسوالف اللف والدوران سارة: اعرفك ولد امك وليد: واحلى ولد امي بعد سارة: وين سلمان يسمعك الا صج وينه سلمان اليوم وليد: مادري عنه طلع الصبح ومارد سارة: من زمان ما شفناه البارت السابع وليد: نرجع لموضعنا احسن سارة: تفضل ولد عمتي وليد: انه ابي اخطب سارة: صجججججججج هاذي الساعه المباركة يا وليد بالمبارك وليد اذا تبي مساعدتي انه جاهزه وليد: سارة اسمعيني للآخر لو سمحتي سارة: ان شاء الله وليد: انه ابي اخطب وحده من بنات خالي سارة: قوللي منو وانه اكلمها اذا نوف اختي افا عليك رقبتي سداده حتى لو كانت مب مقتنعة فيك انه اقنعها اذا روان انه اخبرهااا واذا ما نفع اخلي رهف تكلمها دانه ما اتوقع بعدها ياهل وليد: سارووو سمعيني احسن لج سارة: ان شاء الله وليدوو وليد: وليد لو سمحتي سارة: ان شاء الله وليد وليد: سارة انه ابي اخطبج سارة فتحت عينها للآخر ما كانت متوقعه اللي قاعد يقوله ولد عمتها سارة: وليد اذا كنت تبيني لان انه كنت متوقعه إني مريضة وتبيني شفقة فآنه مابي هالشئ وليد: اعنبوه دارج ماحسيتي فيني طول هاذي المده سارة: بلى بس توقعته شئ عادي بين الاهل وليد: سارة عندي لج كلمتين ابيج تنفذينهم اذا كانت لي معزة عندج يالغالية سارة استحت ونزلت راسها: تفضل مهما يكون انت ولد عمتي وليد: صج عنيده سارة: بنت ابوي وليد: زين يا بنت ابوج ،، شغل في البيت مابي ، الشغل بس وقت الشغل وقت دوامج بس طلعة برع البيت بروحج مابي سارة:لا والله وليد: سارة انه احبج مابي اخسرج سارة: وليد تبي الصراحه وليد: تفضلي سارة: انه هم مابي اخسرك وليد كان منزل راسه بالارض لان كان متوقع ردة فعل سارة غير بس ليما سمع كلامها رفع عينه مصدوم بس لقى سارة تبجي وليد: سارة حبيبتي لا تجين سارة: ............. وليد: سارة عفية سارة: ............. وليد: سارة تكلمي سارة: وليد وليد: عيونه فيصل: الله الله عليك يا ولد اختي بدينا من الحين اصبر شوي توها الناس سارة استحت من كلام عمها وليد: يلا خالي مشينا فيصل وابتسامته ماخذه كل ويهه: أي وليدوو مشينا يلا سارو وليد: وليد لو سمحت سارة: سارة لو سمحت اثنينهم قالوها مرة وحده فيصل: أي شعلينا القلب على القلب الله يرزقنا مما رزقكم في المطعم،، سارة تذكرت حنان رفيجتها سارة: عمي فيصل واهو يطالع وليد : عيونه وليد يناظر خاله بنظرة توعد سارة: عمي شرايك بحنان رفيجتي فيصل فهم كلام سارة بس حب ان يتهيبل معاها فيصل: بنت طيبة الله يخليها لأهلها، حلوة بس انتي احلى منها بمليون مرة سارة: مشكور عمي وليد: افا فصولي ما توقعتك جذي ، افهمها عالطاير يبه فيصل: عبالك ياهل من عيالك عشان تناديني بفصولي ، احترم نفسك انه خالك الشيخ فيصل وتاج راسك وليد: والنعم فيك يالخال ، السموحه منك فيصل: وبعدين انه فهمتها بس حبيت اتهيبل على سارة انت شكو سارة: افا عمي انه اكلمك جد وانت تتهيبل علي فيصل: مسامحه سارة بس انه توني صغير ابي اعيش حياتي قبل لا ارتبط بأي أحد سارة: عمي حنان بنت ما تنعاف ، اتمنى انك تفكر بالموضوع بجدية اكثر وليد: خالي من متى انت صغير فيصل: اسكت انت وليد: خالي فكر بالموضوع زين عشان تصير خطوبتنا مع بعض فيصل: وانت منو قال لك ان سارة موافقه عليك اصلا انه اللي بخليها ترفضك وليد: افااا خالي ليش سارة سااااااااااكتة على الاخر لانها كانت حدها منحرجة من كلام عمها وشغلت نفسها بالموبايل فيصل: بصراحه انه اتمنى لسارة شخص يقدرها لانها وايد عزيزة علي وليد: شقصدك خالي انه ما استاهلها، خالي اسمح لي موافقتك وله عدمها مب مهمه لي فيصل: تكبرنا من الحين وليد: خالي اذا وافقت سارة علي انت ما راح تقدر تتكلم واذا رفضتني انا اللي بحاول ان انسحب من حياتكم فيصل قال في نفسه خلاص لعب بمشاعر ولد اخته وااااااايد: افاااااااااااااا وليدوو ومن بيحافظ على سارة اكثر منك اصلا اذا رفضتك بكسر رقبتها سارة: بسم الله علي بعدويني ان شاء الله فيصل+وليد:ههههههههههههههههههههههههههه فيصل: توج صاحيه معانا سارة: ها وليد: صباح الخير يا عيون وليد سارة: عمي ها شقلت اكلم حنان وليد: أي يالغاليه كلميها سارة: ان شاء الله فيصل: شوركم وهداية الله وليد راح بخاله وباسه على جبينه سارة ما قدرت تتحمل فرحتها راحت لخالها وحضنته جدام الكل وليد: يا ويل حظك يا خالي سارة ابتسمت بحيا وطلعوا كلهم من المطعم عشان يروحون البيت العود انتظر ردوودكم

مشكورين عالرد البارت الخامس عند الدكتورة اصرت سارة تدخل بروحها الدكتورة: ايوا يا سارة انتي بتعاني من ايه سارة: ولا شئ دكتورة بس انه حاسه هاليومين بتعب شوي وامس راسي كان على طول يدور وانه مب عارفة شسالفه الدكتورة: انتي رحتي الطبيب اقبل كدا سارة: أي الدكتورة: وشو عملو لك سارة: ما قالت لي شئ مفيد انه ياييه الحين ابي اسوي فحص كامل الدكتورة: اوكي طيب اتفضلي سارة: وين الدكتورة: هون سارة: ان شاء الله بعد نص ساعه الدكتورة: النتايج راح تاخذيها بعد نصف ساعه تأريبا سارة: انه بإنتظارها سارة راحت لفيصل ووليد غرفة الانتظار سارة: مرحبا وليد: ها بشري فيصل: شقالت الدكتورة سارة: بعد نص ساعه بتطلع النتايج وليد: ان شاء الله خير سارة+فيصل: ان شاءالله بعد نص ساعه الدكتورة: سارة خالد سارة نقز قلبها : نعم الدكتورة: تفضلي معايا سارة ما قدرت تتحمل حست نفسها مب قادرة تتنفس وصلت لي عند الباب وصرخت عمييييييييييييي وطاحت فيصل: سارة حبيبتي قومي قومي سارة ما كانت معاه كانت غايبه عن الوعي وليد يطالع سارة وعينه تدمع فيصل: وليد قوم معاي وليد: وين فيصل: مادري خبر أي دكتورة تشوفها وليد: ان شا ء الله خالي وليد توه بيقوم ووصل لي عند الباب بس سمع صوت رده لمكانه سمع صوت حبيبته سارة سارة: عمي ابي ماي فيصل: من عيوني دقايق فيصل: وليد بسرعه ييب ماي وليد: دقايق سارة: عمي شصاير وليد: خالي اخذ الماي فيصل: سارة شربي بدت سارة تشرب الماي بس ما كانت قادرة انها تواصل شرب الماي فوقفت فيصل: كملي سارة: مابي وليد: انه بروح للدكتورة سارة: لا مابي ردوني البيت فيصل: وليد تعال ابيك وليد: تامر خالي طلعوا فيصل ووليد برع الغرفه وليد: ها خالي فيصل: روح انت شوف النتيجة وانه بقعد مع سارة ولين سألتني عنك اقولها انك رديت البيت وليد: ها انه اروح اشوف ماقدر فيصل: وليد اذا تحب سارة نفذ اللي اقوله وليد: ان شاء الله خالي فيصل راح لعند سارة سارة: عمي ردني البيت فيصل: ان شاء الله سارة: صدق عمي بتردني فيصل: أي بس سارة: مابي البس مالتك هاذي ابي بس ارد البيت فيصل: اتوقع كان في اتفاق بينج وبين وليد صح سارة: مااذكر فيصل: بلى اهو قال لج يبي يروح مطعم سارة: أي صح تذكرت،، وينه وليد الحين فيصل: رد البيت سارة: ليش فيصل: تعبان سارة: ادري متعبة الكل فيصل: سدي حلجج

نورتي صفحتي راح انزل بارتين البارت الثالث في الصالة ،، العيال كانوا متيمعين بالحديقة فيصل: روان وين سارة روان: مادري عمي وليد: خالي فيصل ابيك بموضوع فيصل: تفضل وليد: خالي الموضوع خاص شوي روان : فهمتها يا ولد عمتي بقوم عنكم وليد: لا مب قصدي روان بس روان: لا بس ولاشئ اصلا انه قايمه وقايمه وليد: اوكي براحتج بعد ما راحت روان عنهم وليد: خالي انه مب عارف شلون ابتدي معاك بس مثل ما انت عارف انه ما حب اللف والدروان فيصل: انه اسمعك وليد: انه ابي اخطب فيصل: هاااااااااذي الساعة المباركة يا وليد ومن اهي سعيدة الحظ افاا انجان قلت لي عشان اخطب معاك مرة وحده وليد: خالي لا تستعجل فيصل: ليش،، وليد: خلني اعرف بالاول راي البنت فيصل: وليمتى ان شاء الله ولييد: ابغي مساعدتك فيصل: انه وليد: أي فيصل: ومن اهي سعيده الحظ وليد: سارة بنت خالي فيصل والحزن بعينه (تذكر مرض بنت اخوه): سارة!! وليد: أي فيصل: آه أي اوكي بسألها وليد: خالي اهي شفيها هاذي اليومين والله ان حالتها ذابحتني فيصل: ها لا ولا شئ مافيها شئ الحمدلله بخير وليد: خالي اتمنى هالشئ بس انه متوقع ان فيها شئ فيصل: لا الحمدلله مافيها شئ ظلوا 5 دقايق ساكتين فيها بعدها وما قطع تفكيرهم الا صوت تلفون فيصل يرن وكانت المتصله اهي سارة فيصل: هلا سارة وليد من سمع اسم سارة فز من مكانه بس مسكه وليد وقعده يمه سارة: هلا عمي فيصل: شخبارج الحين سارة: الحمدلله على كل حال، نفس قبل ما تغير شئ فيصل: الحين الساعه 3 ونص موعدنا 4 سارة: عمي مابي فيصل: مب كيفج خلج زاهبه يلا باي وليد: خالي انه قلبي مب مطمني سارة شفيها فيصل: سلامتك مافيها الا العافيه وليد: خالي فيصل: آآآه شقولك يا وليد وليد: خالي لا تعور قلبي اكثر بسرعه تكلم فيصل: بنت خالك مريضة يا وليد وليد والصدمة باينه على ويها وليد: شفيها فيصل: المرض الخبيث وليد: لاااااااااا فيصل: محد يدري بالسالفه واهي نفسها للحين ما تدري اذا كان فيها هذا الشئ وله لا فاتمنى هالشئ يكون بينا لا يطلع لأحد وليد: ان شاء الله خالي وليد: خالي ممكن اروح معاكم المسشتفى اليوم فيصل: ودي بس سارة اكيد راح تزعل اذا درت ان انه قلت لك وليد: خالي انه بقول لها فيصل: شوفها بس اعرف انها عنيده وما راح تخليك وليد: اوكي نحاول سارة كانت قاعده يم حديقة الحيونات وبالاخص يم ارنبها اللي وايد كانت تعزه وليد: احم احم سارة: هلا وليد وليد: شخبارج سارة سارة: بخير الحمدلله وليد: سارة سارة: نعم وليد: انه عرفت شفيج سارة: لااااااااا وبدت تبجي وليد: سارة انه اللي اصريت على خالي يقولي شفيج سارة: .................. وليد: سارة لا تبجين والله ان دموعج غالية علي سارة مصدومة من كلام وليد: .................. وليد: سارة كل شئ بيد رب العالمين ، خلي ايمانج بالله قوي سارة: ونعم بالله وليد: سارة ممكن طلب سارة: تفضل وليد: ممكن ايي معاكم المستشفى سارة: لا وليد: ليش سارة: مابي اروح المستشفى وليد: سارة بلا عناد هاذي صحتج خلنا نتأكد بس كلها ساعات و راح نعرف النتيجة سارة: يا وليد انه الحين عايشة على امل 50% على الاقل ان مافيني هذا المرض خلوني عايشة على هالامل مابي اروح انصدم خلوني وليد: سارة لا سمح الله اذا فيج المرض احنا ما راح نخليج راح نعالجج في احسن المستشفيات وحطي في بالج هذا المرض اذا كان في بدايته فعلاجه اسهل سارة واللي يرحم والديج قومي خلنا نروح سارة: ان شاء الله وليد : بس لي طلب ثاني سارة: يا كثر طلباتك وليد أبتسم لسارة ابتسامه كلها حب وحنان : بعد ما نطلع من المستشفى نروح مطعم تاكلين لج شئ شوفي ويهج شلون صاير سارة: ان شاء الله ولو ان مالي نفس بس ما يصير خاطرك الا طيب وليد: اوكي يلا مشينا سارة: وين عمي وليد: عمج بداره اكيد سارة: بروح بقول له وليد : انتي روحي برزي اغراضج وانه اروح له سارة: اوكي البارت الرابع طق طق طق فيصل: منو وليد : انه وليد فيصل: تفضل وليد: يلا خلنا نروح فيصل: وين وليد: المستشفى بعد وين فيصل: ماشاء الله اقنعتها وليد: قدها يبو عبدالعزيز فيصل: كلمتها عن الموضوع بعد وليد: لا شدعوه عمي اذا طلعنا من المسششتفى اتفقنا نروح مطعم فيصل: بعدددددددددد والله انك مو هين يا وليدو وليد: وليد لو سمحت فيصل: اقول فارق يالله وليد: خالي فيصل: نعم وليد: تتوقع سارةمريضة فيصل: الله العالم وليد: ان شاء الله خير فيصل: ان شاء الله فيصل: يلا برع وليد: اوكي ننتظرك في الحديقه فيصل: اوكي سارة: يمه انه طالعه مع عمي ام سارة: أي عم سارة: عمي فيصل روان و نوف و رهف و دانه كلهم مرة وحده: واحناااااااااااااا ليش ناس وناس سارة: عندي مشوار مع عمي و وليد انتوا شكو دانه: سارو انه اصغر وحده وديني وياج سارة تذكرت مرضها وباست اختها على خدها: حبيبتي دانه خلج هني مشوار خاص ساعتين بالكثير وانه راده دانه: اوكي سارة بس ما اوصيج أي مكان تروحين تشوفين فيه شئ حلو اشتريه لي سارة: من عيوني روان: شدعوة كلها ساعتين كل هاي وداع دانه: كيفنا رهف: سارو حبيتي انه مابي شئ بس لين شفتي شئ حلو للبيبي اشتريه سارة: ههههههههههه ان شاء الله يا مرت اخوي رهف: حبيبتي انتي والله روان: تروحين وتردين بالسلامه نوف: شدعوه بتسافر سارة: اوكي يلا نشوفكم باي الكل: باي راحت سارة لعند سيارة عمها لقت وليد واقف ينتظرها سارة : هلا وليد وليد: هلا سارة سارة: وين عمي فيصل: كاني وصلت سارة: هلا عموو فيصل: شخبارج حبيبتي سارة: الحمدلله رايحه للمستشفى وانه حدي واثقه من نفسي وليد: الحمدلله سارة+فيصل: الحمدلله بإنتظار تعليقكم

شكرا على المرور هاي البارت الثاني وبعدها وصلت عايلة بو رائد الكل راح يسلم على اليده وطبعا اولهم روان اللي كانت متعلقة بيتدها اكثر من الكل روان راحت ليدتها وباستها على جبينها : شخبارج يا ام راشد اليده: بخير اسأل عن حبيبتي القمر روان:تسأل عنج العوافي يدو طق طق طق طق فيصل: منو سارة: عمي افتح انه سارة فيصل: سارة؟ سارة: أي انه سارة فيصل: دقايق وبفتح سارة: بسرعه عمي فيصل فتح الباب لقى سارة تبجي فيصل: سارة حبيبتي شفيج، سارة: تعبانه يا عمي فيصل: شفيج ما عاش اللي يتعب حبيبة قلب عمها سارة : عمي فيصل: عيون عمج انتي سارة: انه مريضة فيصل: شنو فيج؟ ومن متى ؟ وليش محد يدري سارة: محد يعرف في البيت بس انه اللي اعرف و الحين انت فيصل: شنو فيج بدت سارة تبجي اكثر فيصل: سارونه حبيبتي تكلمي سارة : ان انه ف في فيني فيصل: تكلمي سارة: فيني المرض الخبيث يا عمي وبدت تبجي بأكثر من ما كانت قبل فيصل: لااااااااااااااااا، استغفر الله ، من متى فيصل اخذ بنت اخوه بحظنه ليما هدت فيصل: هديتي ساره سارة : أي عمي احسن الحين فيصل: قولي لي السالفه كامله وشلون عرفتي بمرضج ومتى سارة بإبتسامه بريئة: عمي شوي شوي علي فيصل والحزن بعينه: سارة حبيبتي تكلمي سارة: ان شاء الله عمي، انه من كم يوم حسيت بأعراض تييني بس ما خذيت فيها واعتبرتها اشياء عادية لان مثل ما انت عارف الشغل هالايام زايد بشركتنا فيصل: لا تشتغلين وايد على حساب صحتج شفتي آخرة الشغل الزايد عن حده سارة: عمي خلني اكمل كلامي فيصل: انه اسمعج سارة: امس كنت طالعه مع حنان _حنان صديقة سارة المقربة والكل يعرفها_ رايحين المجمع وانه نازلة يا عمي ما قمت اشوف شئ دارت فيني الدنيا خذتني حنان الى المستشفى وقالت لي الدكتورة ان الاعراض اللي فيني اهي اعراض هذا المرض! فيصل: اخذت عليج فحص؟؟ سارة: لا فيصل: عيل شلون تقولج فيج وانتي ما تدرين اذا هالشئ فيج وله لا سارة: مادري يا عمي ، عمي اذا رحت عنكم ما اوصيك فأمي وابوي واخواني ويدتي نورة اهم شئ ديربالك عليها وحطها بعينك فيصل: انتي شقاعده تقولين ساروو يوزي سارة: عمي طلبتك اذا لي خاطر عندك اذا تزوجت ويبت بنت فيصل: سارة اذا ما سكتي عن هالاشيا بتشوفين شنو بسوي لج سارة: عمي طلبتك سميها سارة فيصل: ما استحمل كلام بنت اخوه اكثر من جذي وبدى يبجي سارة: عمي انا آسفة ضايقتك فيصل: سارة قومي خلينا نروح المستشفى سارة: لا مابي فيصل: عشان نتأكد بس سارة: لا مابي فيصل: سارة عفيه عمي قومي الدكتورة ماخذت فحص عليج خلينا الحين نروح ونشوف سارة: عمي مابي مابي فيصل: سارة سارة: عمي خلنا نطلع برع الكل برع الحين فيصل: اوكي بس خلج زاهبه الساعه 4 العصر عشان نروح سارة : يصير خير عمي

السلام عليكم هاذي اول مشاركة لي في المنتدى،، انه عندي قصه من تأليفي وهاذي اول تجربه لي اعرف انها فاشله بس ابي رايكم بكل صراحه البارت الاول،، نورة و حمد لهم ثلاث عيال و بنت عايلة بو رائد (راشد) متزوج من بنت عمه( فاطمة) رهف، 22 سنه متزوجة من ولد عمها ناصر روان، عمرها 19 عايلة بو ناصر(خالد) متزوج ( مريم) ناصر، عمره 25 سنه يشتغل في بنك ومتزوج من بنت عمه رهف سارة، 23 سنه توها متخرجه من الجامعه وتشتغل في شركتهم نوف، 19 سنه دانة، 10 سنه آخر العنقود وطبعا ما ننسى آخر عنقود نورة وحمد أهو فيصل عمره 23 سنه فاطمة عندها ولدين وليد 24 سنه سلمان 20 سنه اليوم الجمعة ومن اسمه جمعه فالكل متجمع في البيت العود مع حمد ونورة كالمعتاد اول عايله توصل اهي عايلة فاطمة بنتهم وليد: شلووووونج يدوو اليده(نورة): بخير الحمدلله اسأل عن وليدي حبيب قلبي وليد: الله يسلمج يدوو سلمان: وانه مافي احد يسأل عني اليده: افاا سلمان انت هم حبيب يدووو ، انت شمعة البيت بدوونك البيت ما يسوى شئ سلمان: احم احم سامع وليدوو انه شمعة البيت وانت الدخاان وليد: ما ارد على اليهال انه اليده: يالله عاد كلكم عيالي وكلكم شمعة البيت سلمان: يدو وين خالي فيصل ما اشوفه في الصالة اليده: خالك بداره وليد: انه بروح له سلمان: اخذني وياك فاطمة: يمة شلونج اليده: وينج شتسوين توج داشه البيت فاطمة: مريت على الحيوانات اللي برع فاطمة : يمه الا وين ابوي، وعيالي، واخوي فيصل، واخواني الباقي للحين ما يوا اليده : ابوج بالشركة لي الحين ووليد وسلمان وبدار فيصل واخوانج اكيد ما يوا وي توها الناس على ييتهم دخلوا الثلاثي المرح(وليد، سلمان، فيصل) فيصل: هلا فاطمة شلونج فاطمة: بخير دامك بخير يا خوي فيصل: تسلمين يالغاليه فاطمة: الله يسلمك سلمان: يمه يووعان وليد: انه من عرفتك لي الحين متى قلت يمه مب يوعان فيصل: هههههههههههههه أي والله سلمان: سكتوا زين انه من اول امس ما كليت ولا شئ فيصل: جذااااااب ، امس انت متغدي وياي وما ظل شئ بالطاولة ما كليته فشلتني مع ربعي سلمان: انه؟؟؟؟؟؟ يمكن وليدوو مب انه وليد : اعنبوه دارك عمي اهو سلمان: يمه يوووووعان ام وليد: فديتك يا يمه، الحين اسوي لك خبز وجبن وليد و فيصل: ههههههههههههههههههههههههههههه سلمان: يمممممممممممة خبز وجبن عاد اليده: عشان تتغدى عدل يا وليدي سلمان: بس مابي آكل شبعت وليد: احسن انت شوف شكلك شوي وما بتطوف من الباب اليده: يلا عاد كل شئ ولا سلمااني حبيب يدته سلمان: فديتج يا نويرة والله ان متي الا اسمي بنتي نورة فاطمة: شنو نويرة صج ما تستحي فيصل: بسم الله على امي يلا عاد وليد: ههههههههههههههههههههه يااهل ولا راح يكبر سلمان: اف انه طالع فيصل: ابركها من ساعه يا ولد اختي سلمان راح لعند يدته وباسها على راسها وقال لها: سامحيني يا يمه قلتوها يااهل اليده دمعت عينها بس ابتسمت لحفيدها وقالت له : مسموح يا وليدي سلمان: مع السلامه اليده: بحفظ الرحمن وليد ، فيصل، ام وليد: الله يسلمك وليد: رووحة بلا رده اليده: بسم الله على وليدي دخلت عايلة بو ناصر بو ناصر: شلووونج يمه اليده: بخير، خالد يمه انت شلونك من زمان ما شفنااك بو ناصر: الحمدلله شسوي يا يمه مشااغل الدنيا، الشركة ماخذة كل وقتي اليده: لا يمه الشغل ما يخلص ، لا تشتغل على حسااب صحتك بو ناصر: ان شاء الله يمه راح اخفف شغل اليده: وين العيال؟ بو ناصر: سارة مع دانه برع و نوف مع بنت عمها روان وناصر مع مرته يايين بالدرب اليده: طمني عنهم شلونهم بو ناصر: كاهم عندج سأليهم شلونهم سارة راحت ليدتها وحضنتها وباستها سارة: شلوونج يدوه وحشتييييييييينا اليده: بخير اسأل عن بنيتي نظر عيني دانه: يدووه وحشتيناا وليد: اقول بنات عمي نحن هنا سارة : شلونك وليد وليد: تمام الحمدلله شخبارج انتي سارة: الحمدلله فيصل : صج انكم ما تستحون وانه عمكم ما تسلمون علي دانه: عمي حبيب قلبي شخبارك فيصل: ما تيوون الا بالعين الحمرا دانه : افا عموو فيصل: شفيج سارة؟ سارة: مافيني شئ عمي فيصل: ويهج اصفر ومافيج شئ جذابه دانه: ما عليك منها عمي من امس الصبح واهي مب ماكله شئ فيصل: ليش سارة عمي؟ سارة: ها عمي لا مادري وليد: شفيج سارة؟ سارة: مافيني شئ فيصل: انه ما راح اغصبج على انج تتكلمين بس وقت اللي تبين تتكلمين تاكدي ان انه راح اسمعج يالغاليه سارة ارتاحت من كلام عمها معاها وحست براحه كبيييييييرة وليد حزت بنفسه حالة بنت عمه واصر ان يعرف بنفسه شفيها حاول معاها لكن ابد سارة عنيده ما رضت تتكلم انتظر تعليقكم على البارت الاول تحياتي الابله