ABEER KARIMI

اخوي القلب الحزين مافيها شي اذا البنت طلبت شي من الولد او العكس .. اكييد اول شي بتروح لربعها والبنات اللي معاها بالسكشن وتسألهم بس يمكن في احد شاطر وينقل كل اللي يقوله الدكتور بالسكشن او اذا ماحصلت احد وهي متوهقة وتبي تسأل عن المقرر او تبي تنقل درس معين وما جافت الا صبي معاها بالسكشن ... ترا تصيير هالمواقف واكثرها تكون حزة نهاية السنه .... لان محد في الكلية انا عن نفسي ما طلبت شي من احد من الشباب بس تصيير ان يطلبون مني دفتر او اسئلة مهمة لمقرر معين او اي شي متعلق بالدراسة وفي نظري ما فيها شي دام طلبوا الشي بأسلوب محترم .. اساعدهم واتعاون معاهم ...مثل ما قلت الناس للناس عندي مقرر البحري والدكتور ينقلنا الدرس والدراسة من اللي يقوله مب من الكتاب .. رحتله مرة المكتب وقلتله عن سرعته في الشرحه وان ما اقدر ألحق عليه في الكتابه... قالي في زميل لج في السكشن اسمه(....) هذي شاطر اخذي منه الدفتر ويكتب معاي زين .. بس ما رحتله لان حصلت دفتر احد الطالبات وماخذه المقرر العام يعني اخوي السالفة سالفة اللجوء للافضل ( مافي فرق بين بنت او ولد) وصج في بنات يرزون الفيس بس جذي دايما قول هالدعاء( اللهم مكن لي في دراستي وفي مذاكرتي وسخر لي أساتذة الجامعة وزملائي وزميلاتي بالمحبة والاحترام والتقدير) الله يوفقك ويوفق الجميع

ان شالله الاجواء الانتخابية تكون غير هالسنه ... متفائله خير بشبابنا وشابات الحقوق وفكرة حلوة ان يجمع المرشحين طاولة واحده بكون في روح رياضية وتعاونيه ... هالشي بكون راجع للمرشحيين نفسهم وعلى هواهم في كلا الحالتين لامشكله ( بطاولة وحده او منفصلين) كل التوفيق لهم

كلنا اختي للاسف نتعرض لمواقف مماثلة واكثرها اتيينا من البنات ان الله لا يضيع اجر من احسن عملا ... وانتي اذا تعرضتي لهالموقف فالله يسامح اللي قابلج بنكران واما انتي فإن شالله ما تتعرضين إلا للمواقف السعيدة و الله يسخر لج زميلاتج وزملائج بالدراسة كل التوفيق والنجاح لج

الناس للناس .. لازم الكل يتساعد ويتعاون وطلبة الحقوق ماشالله عليهم من الطلبة المتعاونين ودايما فالخدمه بس مثل ما قلتي ان البعض منهم يتمصلح لغرض المنفعة من امر معين واذا طلبتييه بشغله متعلقة فالدراسه صدج.. تصيير بس بالنهاية هالشخص اللي نكر جميل معين قدمتييه راح يتعرض نفس الموقف اللي تعرضتيله او تعرض له احد الخوات بالنهايه اخواتنا و اخوانا الحقوقيين دايما متعاونيين ومايقصرون وانشالله محد يكون عرضه لمثل هذي المواقف

بالتوفيق للجميع وبالاخص اخونا رياض يستاهل كل خير .. الله ييسر له الفوز انشالله

ان شالله تتسهل الامور وتنزل مواد البي اس هالصيف عشان الكل يستفيد يعطيكم العافية على هالجهود الطيبة

شكرا للتوضيح وبالتوفيق ان شالله للاخ عبدالجبار

ازيد على كلام اختي هوليه الغرامة العادية يتولى المشرع تحديدها بين حدين ادنى واعلى الغرامة في المخالفات(دينار-5دينار) الغرامة في الجنح(اكثر من 5دينار-500دينار) مالم ينص المشرع على خلاف ذلك. الغرامة النسبية لايمكن تحديدها مسبقا من قبل المشرع لانها عبارة عن نسبه تتماشى مع الفائدة التي حصل عليها الجاني صعودا او هبوطا بشرط ان لا تقل عن 100 دينار. الغرامة العادية تتعدد بتعدد الجناة ( اي لاتضامن بين الجناة عند دفعها) اما في الغرامة النسبية بإنها لاتتعدد بتعدد الجناة (وجود فكرة التضامن بين الجناة) فيتضامنون في دفعها بالتوفيق للجميع

اختي المقرر سهل ولاتحاتين وكونج سنة اولى ماعندج اختيار الانسحاب لمقرر او اكثر عن اذا كانت تنزل صيفي فهي تنزل غالبا بس ما له داعي تنسحبين ابتدي دراستج الجامعية بثبات وابتعدي عن التردد واتمنى لج دوام التوفيق والنجاح

مقرر الجنائي سهل ودكتور هلالي طيب ودرجاته اوكي فإنشالله الاسئلة تكون بعيدة عن الصعوبة والتعقيد امثلة على الاسئلة التعريفات .. عرف الرشوة .. عرف التزوير ...خيانة الامانة ،، النصب... إلخ الاركان العامة للجريمة وهو يحدد اي جريمة القصد الجنائي سواء عام او خاص // مثلا ما القصد الجنائي في جريمة الرشوة ؟ هل هو عام او خاص (ماتوع القصد الجنائي المتطلب ... ( لجريمة ....) ماذا يقصد بالعطية؟ شرط التزامن للجرائم ما الفرق بين الغرامة النسبية والغرامة العادية؟ طرق التزوير مع شرح واحدة ... احكام العقاب لجريمة الاختلاس حكم التسليم في الوظيفة العامة .. مثلا في جريمة الاختلاس الفرق بين جريمة استعمال المحرر المزور وبين جريمة التزوير ذاتها ماذا يقصد بالاستعمال ماذا يقصد باليد العرضة وما اثرها في التسليم في العادة امتحان المنتصف ماييب لكم قضايا ،،، اييبها في النهائي بس تأكدوا منه يمكن غير طريقة الامتحان احين شباب الاسئلة اللي ذكرتها مجرد امثلة وعناصر مهمة تتكرر في الامتحانات والدراسة من الملخص اللي تكتبونه معاه فلا تعتمدون الا على دراستكم وبس بالنسبة للقضايا راح اصورها لكم انشالله وبخليها بمقر الجمعية ... موفقين انشالله بالامتحان ولاتحاتون الله يسهل عليكم

ان لله وان اليه راجعون ولا حول ولاقوة الا بالله حبيناه من بداية مشواره الفني وتابعناه من كنا يهال... لآخر مسلسل كان متألق كعادته وانصدمت بخبر وفاته ..بس الموت مايعرف لاصغير ولا كبير فيارب تشفع له وترحمه ومن اهل الجنه تحسبه... اللهم آمين الله يعطي اهله الصبر والقوه... ان لله وان اليه راجعون

بسم الله الرحمن الرحيم اول شي اهني اخوي العزيز عبدالجبار على كل نشاط قدمه لنا في السنوات السابقة والشكر واصل للأخ منصور طارق. هالمؤتمر راح يكون من أضحم الانشطة اللي راح تظهر فيها كلية الحقوق بإذن الله مثل ما تفضل اخونا انه راح يتضمن المؤتمر العديد من الشخصيات القانونية البارزة في المملكة ، دكاترة حقوق ، طلاب حقوق من مختلف الجامعات ، مسؤولين ومشرفيين ومنسقيين من مختلف الوزارات، القطاع الخاص وغيرهم ذات صلة بالمجال القانون تم ذكر اكثر من جهة ادارية وجميعهم ذات علاقة وثيقة بمجالنا الدراسي ليش هذا فحسب بل ان هدف هذا المؤتمر خدمة الطالب الحقوقي فشي جميل جدا ومبادرة طيبة من ابن الطيب بطرح هذه الفكرة .... مب غريبه منه وعساه عالقوه تم ذكر لمحات بسيطة من هالمؤتمر وانشالله سيتم التوضيح اكثر بعد الاعداد الكلي له ويمكنكم الاستفسار والتسجيل لدى الاسماء المعلن عنها اعلاه ملاحظة: مثل هذه الانشطه مفيدة جدا لصقل شخصية الطالب وتنمية قدراته وتحمله للمسؤوليه لذا تم الاعلان عن الاشتراك في فريق العمل فمن يرغب بالمساهمة فإن باب التسجيل مفتوح للجميع او التسجيل كحضور .... حياكم الله والكل مرحب فيه وهذي فرصة حلوه للطلبة اللي على وشك التخرج عليهم التواجد للتعرف على مجالات العمل المستقبلية والتحري عن الوظائف الشاغره تمنياتي لهذه الفعالية بكل التوفيق والنجاح وكذلك اتمنى تواجد كل طلبة الحقوق هناك ،،بحق هو عمل يستحق الشكر والثناء و ما يجعله ناجحا هو مساهمتكم فيه .... ففي الانتظار لهذا المؤتمر كلمة اخير وقت المؤتمر غير ثابت لذا يمكنكم مشاركتنا بطرح اوقات مقترحه شكرا لكم

كل الدعم والتشجيع لشباب الجمعية الكرام تمنياتي لهم بدوام التوفيق والنجاح وان شالله هالسنة جمعيتنا تحصد جميع الجوائز وتكون بالمراتب الاولى يستاهلون

يعطيكم ألف عافية وبالتوفيق في الانشطة الطلابية اليايه ومايجوف شر اخونا محمد