المخلصه لحبها

بصراحه حلوه الحيه و الشنب بس خفيف مو مشيوله كامله الله يعطيكم العافيه ومشكورين

1. هل تقبل بالأرتباط بشخص مختار من قبل الأهل (يعني يراوونك صورة الشخص اللي بترتبط فيه)؟ لا لازم أكون اعرفه اصوره ماتبين شخصية الواحد 2.هل تؤمن بعلاقة زوجية من دون وجود حب في البداية؟ نعم يمكن اكون مافي حب في البدايه بس اكون في انسجام ومع التفاهم العشره بينتج الحب 3.هل تقبل الأرتباط بشخص مطلق؟ اي مو شرط ان المطلق يعني ان فيه عيب بس أختمال ان ماقدر يتفاهم وينسجم مع اطرف الثاني 4.هل تؤمن بعلاقة حب من شخص جامعي(خاصة مع وجود الأختلاط بين الجنسين)؟ نعم لان انا في الجامعه والعلاقه هناك بين الصبي والبنت حلاقة اخوه وزماله وكلها أحترام 5.هل تقبل بشخص له سوابق حتى لوكان بريئاً أو مظلوماً؟ اي لان الواحد اذا غلط وما غفرناله بنخليه يستمر ومافي منا الي ماغلط

انا بقدم في المكانين الي يقبلني اول , واحصل عنده ميزات أكثر راح اتم فيه, يعني بدور الي أخيرلي

[quote 1) هل سوف ترقصين في ليلة عرسك ..؟؟ ماأظن ارقص بس بصراحه ودي ارقص رقصه مع زوجي رقصه رومنسيه 2) ماهي اسبابك للقبول او الرفض ..؟؟ يمكن لان الناس عندهم اعتقاد ان الوحده في يوم عرسها لازم اتكون خوله واذا ارقصت اتصير جريئه وهاذا شي مو مقبول. 3) اخواني ما رأيكم بهذا ..؟؟؟ هل يعجبكم هذا التصرف العفوي و المعبر عن الفرحة؟؟ بنسبه لي عادي الوحده ترقص وتفرح في يوم عرسها بس بعقل مو رقص ميانين.

من واقع خبرتي بصراحه انا أحب واحد وهو احبني وفي مشاكل تخلينا مانقدر نتزوج في الوقت الحالي لان هو يبيله فتره عشان أكون نفسه مثل ماتعرفون مسؤوليات الزواج مو سهله , لكن انا ماأظن ان الزواج عن حب لازم يفشل او احتمال فشله كبير اذا كان الي احبون بعض صريحين من البدايه. الي اخلي نهاية قصص الحب بعد الزواج تفشل ان اكون كل من الطرفين مايكون على طبيعته مع الثاني يعني يخبي مشاعره وغضبه والأشياء الي تضايقه , في الهاله الطرف الثانيه مايفهمه عدل , زبعد الزواج تطلع كل الأشياء المخفيه لان هم في بيت واحد وطول اليوم مع بعض يعني مايقدر احبي مشاعره وايد ومرده بيطلع على طبيعته. ومن ناحيه ليش الواحد اذا كان احب وحده وهي اتحبه ماياخذها مو لسبب نفسه لان اخاف ان يتغير كل شي بعد ازواج واحس ان اهو لا حب ولا شي .

اي والله هالعده كريه وايد لان اصلا بعد اتأثر على الناس الي نتكلم عنهم لان هاذي الطريقه نحسسهم بالنقص وان هم مو مقبولين , انا اعرف ناس وايد من جنسيات مختلفه مو ينقال هالكلام بس من وراهم حتى جدامهم وهالشي أمضايقهم وايد مع ان الناس الي يتكلمون عنهم مايسوون شي . اتمنى الناس بدال ما يطالعون الجنسيه والأصل اطالعون الأخلاق احسن لهم. ومشكورين على الموضوع

برايي ان الفتاه تلجأ للخطابه اذا كان مايتقدملها لان ليست لها علاقات مع الناس يعني دايما في البيت والأهل بعد ماعندهم علاقات وايد حتى العلاقات الي عندهم يعني مابيتناقشون فيها عن بناتهم. او اكونوا مو مناسبين فتسأل الخطابه واتقولها المواصفات الي تبيها. والصبي بعد نفس الشي يمكن بعد امه ماعندها معارف عشان تخطب لولدها فتسأل الخطابه وتقولها عن المواصفات الي يبيها ولده. بس انا بنسبه لي البنت لازم ماتلجأ للخطابه الا كأخر حل يعني تصبر اول لين اييها الزوج المناسب.

لا مااتضايق اذا حبيبي اغار علي بس أتضايق أذا الغيره زادت عن حدها ووصلت الى مرحلة الشك في هاذي الحله بينهدم كل الي بيني وبينه مشكور أخوي على الموضوع

راح احمد ربي وأخليه , لان في حالات صارت أن اقولون ان الجنين مشوه او فيه شي يس اول ماتولد الوحد تكتشف ان المولود سليم , فتسلم امرها والجنين لله لان الخطأ ممكن.

انا معاج ان في مليون طريقه عشان الواحد احسن من وضعه بس اذا كانت كل الطرق مسدوده في ويهه او مستحيل ان يقر اسويها . وهو سوا الي يقدر عليه وحاول ومافي فايده شسوي حزتها . مايتزوج يعيش بروحه لان مايقدر يفتح بيت بدون مساعدت أحد . الحياه الزوجيه مشاركه الزوجين هم يبنونها طوبه طوبه وكبرون مع بعض مش يمكن هو محتاج مساعدتها في البدايه بس بعد ماتتعدل ضروفه هو من نفسه اقولها خلاص ريحي وقعدي في البيت.

يعتمد على السبب الي يخليه يطلب فتاه موظفه يمكن ظروفه صعبه ومايقدر يأسس بيت براتبه فقط لأن راتبه ضعيف وحاول ان اعدل وضعه بس ماقدر . في هاذي الحاله لابأس اذا المرأه تتساعد مع زوجها عشان يأسسون بيتهم . لكن اذا كان مايبي يتعب ويشتغل اويشتغل شغل بسيط براتب بسيط و ماحاول اطور نفسه وبس يبي يعتمد على راتب الزوجه في هاذي الحاله لا انا مأيد هاذا النوع من الرجال , وبالنسبه لي ماعنده كرامه.