الدلــــــــ:فرح:ـــــــدلـوعه Posted مايو 8, 2005 Report Share Posted مايو 8, 2005 نبدا بتعريف الشخصيات ...بيت ابو فهد.... الأب : ابو فهد الأم : ام فهد رهف : البنت الأصغر 18 سنه ...ثالث ثنوي رحاب : البنت الأكبر 28 سنه سعود : زوج رحاب عبد الله وماجد : اولاد سعود ورحاب فهد : الأبن الأكبر والوحيد 24 سنه ويشتغل في شركه ابوه وعمه ...بيت ابو خالد.. الأب : ابو خالد الأم : ابو خالد خالد : الأبن الأكبر ومتخرج من اكبر جامعات بريطانيا 27 سنه فيصل : 24 سنه ويدرس باالجامعه رانيا : توأم فيصل وتدرس هم باالجامعه وراح تتخرج قريب مروج : 18 سنه ومع رهف في نفس المدرسه جواهر : 16 سنه تدرس في ثاني ثنوي ][**][ الجــــزء الأول ][**][ دخلت ام فهد الغرفه على رهف ام فهد: يمه رهف يلا قومي رهف : اممممم يمه خليني انام شوي ام فهد : شنو تنامين قومي الساعه 5 ونص ويادوبك تفطرين وتصلين وتروحين المدرسه رهف : اووووووف من المدرسه متى بس اخلص وارتاح وقامت رهف وهي متضايقه لأنها مو شبعانه نوم كانت سهرانه تذاكر اخذت لها شاور سريع وصلت ولبست ملابسها ونزلت رهف: صباح الخير وقربت من ابوها وحبته على راسه ابو فهد : هلا والله بحبيبتي رهوفه شلونك اليوم؟؟ رهف : بخير دامك ياالغالي بخير فهد ( وهو يقلد رهف ) : بخير دامك ياالغالي بخير رهف : انت اسكت ياالسخيف فهد : انا سخيف ؟؟؟ طيب ماراح اوديك اليوم رهف : لا ...يلا عاد فهودي كنت امزح معاك ام فهد : ليه وين بتروحون اليوم؟ رهف : يمه تعرفين اليوم الأربعاء يعني ويك اند ولهذا متفقين انا وفهد نروح الراشد ام فهد : شنو بعد واك ناد؟؟ لا مافي روحه فهد : يمه ويك اند مو واك ناد ام فهد : ماعلينا بس مافي روحه رهف : يبه اقنع الوالده ابو فهد : خليهم ياام فهد يروحون يغيرون جو ام فهد : انا ماادري دلعك لبنتك وين بيوصلنا اقول فهد قوم وصل اختك المدرسه فهد : لايمه انا مشغول الحين شوي مع الوالد رهف : اوكي باروح مع السايق Good Bay ام فهد : اقول اعدلي كلامك وقولي مع السلامه رهف ( وهي تطلع من باب الصاله ) : ههههههه من عيوني وصلت رهف المدرسه وشافت بنت عمها مروج جالسه على كرسي في الشمس رهف : هههههههه شمقعدك هنا مروج : طبعا تضحكين ...بدري رهف : وللل شكلها الأخت معصبه مروج : ليش تأخرتي.؟ رهف : تعرفين بيزنس ومن مروج : عدال يلا نركب الفصل وصعدوا الفصل وهم يسولفون ويضحكون وفي حصه الكيمياء... الأبله : بصوا يابنات المعادله دي مش صعبه اوي لكن ركزوا معايا مروج ( بصوت منخفض ) : ودي اقوم واطلعها بره الفصل رهف : هههههههههه انتبهت الأبله لهم وقالت الأبله : ايه مالك يارهف ؟ تضحكي ليه؟؟ رهف : سلامتك ابله الأبله : رهف لو عايزه تخرجي بره تفضلي الباب بيوسع جمل رهف : لا خلاص ابله اسفه رهف ( وهي تكلم مروج وبصوت منخفض ) : الله يغربلك وكانت حصه الكيمياء اخر حصه طلعت المعلمه من الفصل قامت مروج من مكانها ... مروج : مابغت تطلع هاالدبه رهف : حرام عليك مروج ( وهي تشيل عبايتها وشنطتها ) : اقول رهوفه وش رايك تجين معي اليوم البيت رهف : مادري والله مروج : خلاص راح تجين معي رهف : امممممم خليني افكر مروج : في شنو تفكرين ياحضي اقول يلا نروح اصلا رأيك مايهمني نزلت مروج مع رهف ولبسوا عباياتهم وطلعوا رهف : مروج لحضه هذا فهد جاي باروح اقوله اني برجع معاك مروج : لاتتأخرين مروج وتقول في نفسها ...يابعد عمري يافهد والله اني اموت فيك وصلت رهف للسياره ودقت عاالنافده فهم فهد ان قصدها افتح النافذه فهد : وش بلاك؟؟ رهف : فهد انا برجع مع مروج فهد : مروج بنت عمي؟؟ رهف : ليش في غيرها فهد ( وهو متشقق ): رهوفه وش رايك اوصلكم رهف : اجل لحضه باروح اقول لمروج وراحت رهف لمروج وسحبت يدها ومروج مو عارفه وش السالفه مروج : وش بلاك رهف؟ وش فيك ؟ رهف : فهد بيوصلنا مروج : اها طيب نزل فهد في هاالوقت النافذه فهد : شلونك مروج مروج ( وهي مستحيه ) : بــ بخير الله يسلمك فهد : يلا اركبوا احترقنا من الشمس مروج : طيب بس باروح اقول للسايق يروح فهد : مروج اركبي عثمان موقف السياره بعيد شوي انا راح اقول له رهف : لاتتأخر فهد : ومن قال لك اني بنزل ...بنروح باالسياره وركبت رهف قدام ومروج ورا ووصلوا لعند عثمان , نزل فهد النافذه فهد : عثمان عثمان: اهلا بابا فهد كيف حال انته؟ فهد : حال مال انا كويس ...كيف حال مال انته؟؟ رهف : ههههههههههههه فهد : عثمان خلاص انت روح بيت عثمان : لا ماما مروج مافي جي فهد : ياالخبل مروج هنا معاي باالسياره عثمان : اوكي بابا وبعد 10 دقايق وصلوا البيت رهف : فهد مابتنزل تسلم على عمي؟ فهد : معليش بس مشغول شوي استسمحي منه رهف : طيب قول للوالده اني هنا فهد : طيب وبعد مانزلوا ودخلوا البيت كانت ام خالد جالسه مع رانيا باالصاله... رهف , مروج : السلام عليكم رانيا , ام خالد : وعليكم السلام رهف : شلونك خالتي وشخبارك؟ ام خالد : بخير الله يعافيك انتي شلونك وشلون الوالده؟ رهف : بخير الحمد لله شلونك رنووش ؟ رانيا : تمام الحمد لله في هاالوقت نزل خالد على الدرج وماانتبه لرهف ... خالد : يمه يلا حطوا الغداء حطت رهف على طول الشيله عليها مروج : هههههه خالد رهف هنا خالد : اوووه اعتذر ماشفتها وراح على طول المجلس وجات وراه رانيا رانيا : هههههههه كيف ماانتبهت لها؟ خالد : والله مادري رانيا : بس المفروض تسلم عليها خالد : خلاص المره الجايه ولاتزعلين اقول رانيا رهف في نفس عمر مروج صح؟ رانيا : ايوه ليش تسأل نبينا نخطبها لك؟ خالد : مستحيل اتزوج وخاصه رهف رانيا : ليش وش فيها رهف كامله والكامل الله جمال وعلم واخلاق وفوق كل هذا بنت عمي خالد : انا ماقلت فيها شئ بس الزواج شايله من بالي رانيا ( وهي تطلع من المجلس ) : انت الخسران رجعت رانيا للصاله .. رانيا : يلا بنات قوموا نتغدى دخلوا المطبخ وجلسوا يتغدون ويسولفون الا وحده داخله عليهم جواهر : هاااااااااااااي رهف : اهلين جواهر جواهر : وانا اقول وش فيه بيتنا منور اتاريك عندنا رهف : منور بأصحابه يلا تعالي اتغدي جلست جواهر وكانت تاكل بشراهه رانيا : جواهر الأكل ماراح يطير جواهر : لاتلوميني جوعانه موت كملوا البنات الغداء وبعدها راحوا لغرفه مروج وجواهر راحت لغرفتها رهف ( وهي تفتش في خزانه مروج ) : مروج تعالي طلعي لي شئ حلو البسه مروج : شنو قالوا لك عني فاتحه بوتيك ملابس رانيا : هههههه اقول رهوفه البسي هذيك التنوره السوداء والقميص البيج راح يطلعون عليك جنان طبعا رهف كانت تبي تلبس وتكشخ لأن العصر راح تجي اخت ام خالد مع بناتها اخذت رهف القميص مع التنوره وراحت تجربهم في غرفه رانيا ووقفت تناظر نفسها باالمرايه ...وراحت بعدها لغرفه مروج رهف : شرايكم؟؟؟؟ رانيا : وااااااااااو حلو مروج : جنان ...... جواهر كانت فاتحه ايميلها وتكلم صديقتها ساره عاالماسنجر احلى بنوته ( جواهر ) : على فكره سارونه حلو الموقع اللي عطيتيني اياه دلع الدلوعه ( ساره ) : ايوه حلو حتى المنتدى روعه احلى دلوعه: سارووه في اضافه جاتني باروح اشوف من صاحبها دلع الدلوعه : اوكيك قبلت جواهر الأضافه وكملت صاحبها احلى بنوته : سلام فارس الشرقيه : هلا والله سلمانووه احلى بنوته : مالت عليك...اي سلمانوه بعد؟ فارس الشرقيه : اوووه شكلي غلطان احلى بنوته : اجل باي فارس الشرقيه : لحضه احلى بنوته : خير؟؟؟ فارس الشرقيه : خلينا نتعرف احلى بنوته: صدق انك فاضي ...انا مااحب اتعرف باي فارس الشرقيه : ليش الأخت معصبه علينا؟ احلى بنوته : والله انا حره اعصب في الوقت اللي يعجبني فارس الشرقيه : طيب انتي من وين؟ احلى بنوته : اووووووووووف من الشرقيه فارس الشرقيه : حيا الله بنت بلادي ..معاك محمد من الخبر احلى بنوته : وش دعوه سألتك عن اسمك فارس الشرقيه : ههههههههه طيب ماعرفنا اسمك ياالغاليه احلى بنوته : مالك خص فارس الشرقيه : طيب قولي حتى لو اسم مستعار احلى بنوته : العنود ..طيب انا استأذن فارس الشرقيه : بدري ...على وين؟ احلى بنوته : مشغوله شوي ...بــــــــــاي وسكرت جواهر ايميلها ونست صديقتها ساره ..ودقايق ويرن جوال جواهر جواهر : هلا ساره ساره : ليه طلعتي؟ جواهر : والله نسيتك تصدقين ساره : ياسلاااااااااااام ..على فكره من صاحب الأضافه جواهر : فارس الشرقيه ساره : ومن يطلع هذا؟ جواهر : مادري بس شكله ضايفني باالغلط ساره: وانتي صدقتيه ؟ هذاهم يجلسون يضيفون في هاالبنات ويقولون باالغلط جواهر: هههههه معاك حق ساره : طيب حبيبتي جواهر اكلمك وقت ثاني جواهر اوكي باي يتــــبع ... اخوانــي واخــواتي اعضــاء منتــدى المعامير هــذي القصــه وهـي بصــراحه سرقــت قلــبي واتمــنى ان يعجـــبكم ذوقــي ارق واجمــل تحيـة معطــره بعبيــر الـورود.......... Quote Link to comment Share on other sites More sharing options...
رومانسي حزين Posted مايو 8, 2005 Report Share Posted مايو 8, 2005 هههه الف شكر على القصه ويعطيج العافيه تحياتي وتمنياتي لج بالتوفيق Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.