%كيفي قطرية% Posted يونيو 7, 2005 Report Share Posted يونيو 7, 2005 بسم الله الرحمن الرحيمفي موضوع سابق تم طرحه من قبل الاخ إماراتي، وكان نسبه الردود فيها معدومه من قبل الشباب ورد من بنتين.مع ان الموضوع يستاهل المناقشه، واحسن من مواضيع الفنانات والفانين والمطربين لانه يخص مجتمعاتنا.على العموم حبيت اطرح نفس المشكله ومقتبسه من موضوع اخوي الاماراتي بس بشكل اجرأ:(( لو حبيت واو خطبت وحده وبعد مده اعترفت لك انها غلطت مع شخص وانت شفت من اسلوبها وصفاتها توبه حقيقه ترتبط بها او تتركها، او انها لها علاقات سابقه وكثيره وغلطت مره ومرتين عقب استرت على نفسها وتابت وعرفت انت عن طريق الصدفه وواجهتها واعترفت لك ومع اعترافها بالغلط ذيلته بتوبتها، شتكون ردة افعالكم)).ارجو منكم المشاركه والرد لانه ماراح نزوجكم على حسب رايكم هاذي نظرتكم ورايكم الشخصي ممكن يحتاج لتوضيح فنحاول بالنقاش نقنع بعض. Quote Link to comment Share on other sites More sharing options...
بوحصـه Posted يونيو 7, 2005 Report Share Posted يونيو 7, 2005 السلام عليكم تسلمين اختي لطرحك للموضوع والي كثيره التسؤلات حوله وكثير من طرحه ورأيي : الناس اجناس وكل شخص تحكمه شخصيته في ناس مايقدرون يعيشون معا وحده غلطت لنه بيعيش طول عمره وبشك وفي ناس مايقدرون العيش معا الاغلاط ويخافون من كلام الناس كل شخص واسلوبه وطريقه تربيته اما عن نفسي انا للحين ماحبيت وحده وصارلي هالموقف من الاساس وماقدر افيدك لنه يمكن اكون احبها وماقدر استغنى عنها ويمكن اشوف انها تابت واهي صادقه بتوبتها لربها وفي نفس الوقت يمكن اشوف انه مافي نصيب لنا معا بعض ومانقدر نواصل اسف علا الاطاله وادري اني مافدتك شكراّ ... دمتم سالمين Quote Link to comment Share on other sites More sharing options...
شمس القصيد Posted يونيو 7, 2005 Report Share Posted يونيو 7, 2005 تسلمين اختي على الموضوع اصلا اهيه لازم تعترف له لانه اذا ماعترفت بطيح في مشاكل مالها نهايه لكن مافي وحده عاقله تغلط هل غلطه و تندم والله اعلم بس ذي رايي يعني الي اتسوي هل شي ماعتقد لانها بتفكر في عقب و مابيتزوجها واحد الا يكون صج صج صج صج صج صج يحبها لانه الي يحب مايجوف العيب و بعدين الموضوع الي طرحه اخوي اماراتي كلش غير عن موضوعج اهوه قال اغتصاب يعني شي خارج عن ارادتها و انتي في موضوع وحده سوت شي غلط و اهيه تدري لانه غلط لانه اذا صج تابت الله سبحانه و تعالي يسامح ف لازم الانسان يسامح وشكرا Quote Link to comment Share on other sites More sharing options...
حـكـومـة بـوظـبـي Posted يونيو 8, 2005 Report Share Posted يونيو 8, 2005 مشكورة اختي على هالموضوع وانا رايي مثل راي اخوي 5662 ... في ناس مايحبون يعيشون مع اشخاص غلطو من قبل ومايتحملون الفكرة حتى!! وفي ناس يتأقلمون مع الوضع ويقولون خلاص البنت تابت والحين هي زوجتي ولازم استر عليها وخلنا انكمل حياتنا مثل مابديناها ايام الزواج بس اعتقد انه من المفروض انه البنت اتصارح الزوج ... يعني احسن من انه يكتشف الزوج هالشي بعد فترة بس في نفس الوقت موقف البنت محرج لانه صعبة انها تعترف حق زوجها بإنها غلطت وجذي يعني موقفها جدا حرج وحساس وبالطبع هي بتخاف على روحها ومابتعرف تتصرف عدل وهالشي هو اللي بيدفعها إلى انها تخفي هالشي عن زوجها يمكن ومشكورة اختي مرة ثانية على تجديد فكرة الموضوع تقبلي مني اجمل وارق تحية Quote Link to comment Share on other sites More sharing options...
عاشقة دلبو القمر Posted يونيو 8, 2005 Report Share Posted يونيو 8, 2005 مشكورة اختي على هالموضوع وانا رايي مثل راي اخوي 5662 ... في ناس مايحبون يعيشون مع اشخاص غلطو من قبل ومايتحملون الفكرة حتى!! وفي ناس يتأقلمون مع الوضع ويقولون خلاص البنت تابت والحين هي زوجتي ولازم استر عليها وخلنا انكمل حياتنا مثل مابديناها ايام الزواج بس اعتقد انه من المفروض انه البنت اتصارح الزوج ... يعني احسن من انه يكتشف الزوج هالشي بعد فترة بس في نفس الوقت موقف البنت محرج لانه صعبة انها تعترف حق زوجها بإنها غلطت وجذي يعني موقفها جدا حرج وحساس وبالطبع هي بتخاف على روحها ومابتعرف تتصرف عدل وهالشي هو اللي بيدفعها إلى انها تخفي هالشي عن زوجها يمكن ومشكورة اختي مرة ثانية على تجديد فكرة الموضوع تقبلي مني اجمل وارق تحية رايي من راي اخوي Quote Link to comment Share on other sites More sharing options...
Bounty Posted يونيو 8, 2005 Report Share Posted يونيو 8, 2005 شكرا اختي على اهتمامج بالموضوع وطرحه اولا انا بنت يعني ما اقدر اتخيل شلون راح تكون ردة فعل الشباب الى هذي المساله لكن المفروظ انها تكون واقعية يعني دام البنت خلاص انسانه مستقيمة وماشية سيده يعني خلاص غلط وتابت عنه المفروض نعطيها فرصة خصوصا اذا ما جاف منها الا كل خير يعني انا مثلا لو كنت في هالموقف يمكن اعصب اول شي وااجل موضوع الزواج لكن بالتفاهم وبالعقل ينحل كل شي لو شرحت لي ولقيت انها فعلا خلاص تابت اسامحها وانا ما اقدر احكم على الناس من ماضيهم لانهم بشر والبشر مو معصوم عن الغلط احنا معرضين الى الغلط في كل لحظة ودام الله سبحانه وتعالى يسامح ويقبل التوبه احنا ليش ما نسامح؟؟؟ يقولون كبرياء الرجل...... بالعكس يا اخي رجولتك تبين في المواقف لما تسامح لما تنظر الى المساله بمنطق وعقل .. مسامحة على الاطاله وشكرا مرة ثانية Quote Link to comment Share on other sites More sharing options...
مطلع شمس البحرين Posted يونيو 8, 2005 Report Share Posted يونيو 8, 2005 كل انسان وله ماضي منهم اللي ماضيه يشرف ومنهم اللي ماضيه أسود ويعقد اول ما تكون الوحدة مقبلة على الزواج لازم تصارح وتفاتح اللي راح ترتبط فيه بماضيها سواء كان ماضيها اسود او ابيض انا ما اقول انها تقول كل شي بالتفصيل الممل بحيث انها لو سوت جذيه راح ينفر الزوج منها ويبتعد لأنه بيحس انها مستهلكه لكنها تقول اللي في حدود العقل والواقع وكونها امتلكت الجرأة في انها فاتحتك انت يا الرييال لازم تشكر فيها هالخصله ويكون عندك اقتناع كامل بأنه لو مو جادة في موضوع الارتباط ولو مو رغبانه في فتح صفحة جديدة تاركه وراها الماضي ما اقدمت على مصارحتك مع في مصارحتها مجازفه لسمعتها ولصورتها في نظرك وانت لازم تكون قد هالكلمة اللي اهي أمنتك اياها ان بغيتها فإمساك بمعروف وان ما بغيتها وعافها خاطرها فتسريح بإحسان ، لا فضايح ولا حجي مجالس ولا من هالقبيل. مطلع شمس البحرين Quote Link to comment Share on other sites More sharing options...
%كيفي قطرية% Posted يونيو 8, 2005 Author Report Share Posted يونيو 8, 2005 بسم الله الرحمن الرحيم تسلمون على المرور والرد الطيب. انا برايي ان الله غفور رحيم واذا تابت الله يجزاها خيرويجزي اللي ستر عليها بلميون خير. لان لو انا رفضتها وفلان رفضها ممكن ترجع لسابقها بلا شعور. الله يستر علينا وعليكم ان شاء الله وعلى جميع امه المسلمين ان شاء الله Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.