Miss Seven Posted يونيو 19, 2005 Report Share Posted يونيو 19, 2005 موضوع مهم جداً .. بات يناقش في أي مطرح وأي مكان في البحرين .. صحيح احنا قاعدين ندرس ونبي معدلات عالية سواء في المرحلة الثانوية أو في الجامعة .. لكن تقريباً الجميع متيقن أن حال تخرجه من الجامعة لن يلاقي وظيفة تناسب مستواه الجامعي إلا بعد عناء طويل قد يدوم سنوات وسنوات .. أو أنه سيستسلم للأمر الواقع ليحصل على وظيفة بمرتب 120 أو 150 وفي حوزته شهادة بكالوريوس مثلاً .. نحن لا نريد مقارنة بشعوب دول الخليج الأخرى .. نحن نريد رفع المستوى المعيشي للفرد فقط .. ومثل مايقولون خير البحرين وايد .. بس الدخلاء وايد والتساهل في الأمور السياسية وايد .. يعني باتكلم بصراحة عدلة أحين .. من بدأ شهر 6 ولا 10 مرات الكهرباء منطفية علينه !!!! شهالحاله ياربي ؟! الكل يذكر 23/8/2004 !! ماكو أحد ينساه طبعاً .. يوم اللي بندت الكهرباء كامل .. من مجمعات تجارية إلى محلات صغيرة وإلى مصانع .. في أي دولة نامية في طور التحضر يصير فيها هالحدث ؟ حتى في الهند مايصير !! إلا أهي أفقر بلد .. لو بنظل نتحجى مابنخلص .. شكراً على إثارة المووضووع .. Miss Seven Quote Link to comment Share on other sites More sharing options...
zoozo92 Posted يونيو 19, 2005 Report Share Posted يونيو 19, 2005 والله معاك حق وانته الصادق .... وآنه وياج اختي solidad555 حتى البونس اللي نحلم فيه ما جفنا منه ولا شي ... اكو الكويت كل مواطن كويتي عطوه 200 دينار .. هذا غير العيشه الزينه اللي هم عايشينها .. والله يساعدنا ويهدي هالحكومه .... وتحيااااااااااااااتي Quote Link to comment Share on other sites More sharing options...
Bounty Posted يونيو 19, 2005 Author Report Share Posted يونيو 19, 2005 شكرا zoozo92 و Miss Seven على مروركم الطيب وفعلا احنا نطلب المستحيل احنا فقط نطلب حياة ومستقبل افضل وهالمستقبل مو صعب تحقيقه Quote Link to comment Share on other sites More sharing options...
الناعمه Posted يونيو 19, 2005 Report Share Posted يونيو 19, 2005 شنسوي هاي احنا وهاي حالنا لكن شقول!! لو نتكلم من الحين لين ما ينشف حلجنا ما راح يتغير الحال Quote Link to comment Share on other sites More sharing options...
عشوق البحرين Posted يونيو 19, 2005 Report Share Posted يونيو 19, 2005 اي والله وانت الصاج بس بعد يااخوان تفائلو بالخير وماتدرون شنو يصير بعد كم سنه انتوا ادرسوا وخلوا شهادتكم سلاحكم والي له رزق راح بياخذه وحسبي الله على الظالم تحياتي العشوقية Quote Link to comment Share on other sites More sharing options...
Bounty Posted يونيو 19, 2005 Author Report Share Posted يونيو 19, 2005 شكرا عشوق البحرين والناعمه على المرور وابداء رايكم اهم شي ان احنا نسوي اللي مطلوب علينا ندرس نجتهد ونحصل درجات ونريح ظميرنا الشغل الباجي يتم عليهم Quote Link to comment Share on other sites More sharing options...
miss zose Posted يونيو 19, 2005 Report Share Posted يونيو 19, 2005 صج والله كلامكم انا لما اروح الكويت ماتسوى علي الطنازة اللي اسمعها من اهلي! اهما مايهم حلو يوصلهم كل يوم وييهم ماي مالح مرتين بالاسبوع ببلاش "ماي مالح = احلى من ماي البحرين بعد" واحنا نتحاسب على على ماي البحري ذي والكهربا تعبانة مايصير شوية ضغط الا ومنطفية بالبحرين كلها! اقل معاشات عندهم 600 دينار وبعد يفكرون بزيادة على قولتهم لغلاء المعيشة...واهني اذا الواحد حصل 200 دينار لازم يعيش فيه اهله اذا الكويتي تزوج يحصل 4000 دينار من الحكومة واذا كان في الجامعة يعطونه معاش شهري ويدفعون عن عياله وبدل سكن واحنا صبيانننا مساكين القروض كاسرة ظهرهم مب حالة ذي! Quote Link to comment Share on other sites More sharing options...
انا قمر شوبخ Posted يونيو 19, 2005 Report Share Posted يونيو 19, 2005 اي والله مادري ليش جذي؟ حتى البونس اللي قالوا عنه من عيد رمضان وماحصلنا شي الكويت حصلوا وحنا للحين صج الشعب البحريني مظلوم يعني معاشات كلش ضعيفة مقارنة مع سعودية وقطر وكويت وامارات حتى عمان احسن منه بس لاتنسون ان باقي دول الخليج عندهم بترول اكثر منا وقطر عندهم غاز طبيعي احنا اقتصادنا يعتمد اكثر شي على السياحة والفنادق بس بعد الدولة مب مقصرة يعني هم يحاولون يسدون النقص بس لاتنسون ان الكثافة السكانية مرتفعة وايد والدولة صغيرة بس السبب الرئيسي للي حنا في ………………………….. مب قايلة علشان ماينحذف الرد Quote Link to comment Share on other sites More sharing options...
Bounty Posted يونيو 19, 2005 Author Report Share Posted يونيو 19, 2005 تسلمون انا قمر شوبخ و miss zose على مروركم فعلا احنا حتى مستوانا اقل من عمان ما نطمح في اشيا وايد على الاقل مثل ما قلتي miss zose ماي حلو كهربا ما تنقطع شويه زياده في الرواتب لالي ما توكل عيش يعني الحين اذا واحد معاشه يادوب 200 دينار من وين يتزوج من وين يلاقي له شقه بهالسعر؟ Quote Link to comment Share on other sites More sharing options...
مهاوي المحرقيه Posted يونيو 19, 2005 Report Share Posted يونيو 19, 2005 والله معاك حق وانته الصادق .... وآنه وياج اختي solidad555 حتى البونس اللي نحلم فيه ما جفنا منه ولا شي ... اكو الكويت كل مواطن كويتي عطوه 200 دينار .. هذا غير العيشه الزينه اللي هم عايشينها .. والله يساعدنا ويهدي هالحكومه .... وتحيااااااااااااااتي هالحكوووومه الله يهداهم بس و هالشسمه ....................... شعبهم محتاج بس .............. فاهمين علي من غير مااكتب و لا حرف انا عارفه وانتو عارفين وشكلي بانطرد الحين Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.