فارسة الاقلام Posted يونيو 18, 2005 Report Share Posted يونيو 18, 2005 السلام عليكم اني ناوية ان شاء الله ادخل تخصص الحقوق وابغي اعرف منكم أي شي ءعن هذا التخصص اللي عنده أي معلومات لا يبخل علينا بليييييييييز Quote Link to comment Share on other sites More sharing options...
اكيد عرفتوني Posted يونيو 19, 2005 Report Share Posted يونيو 19, 2005 انا مو حقوق بس الي اعرفه انش تدرسين حقوق بشكل عام والمواد تتنوع .. علم اجرام .. المدني .. دستوري .. التجاري .. وووو ... على جم كتاب اسلاميات ( شريعة واحكام الاسرة ....) .... واعتقد كتابين انج بالاضافة للمواد المشتركة .. العرب 110 وتاريخ 121 هاي الي يحضرني الحين واعرف ان الحقوق تخصص حلو موفقة اختي Quote Link to comment Share on other sites More sharing options...
القلب الحزين Posted يونيو 19, 2005 Report Share Posted يونيو 19, 2005 الحقوق .. يعتمد على الحفظ ويعمتد على المتابعة والتخصص بسيط .. بس ما اعتقد مضمونه شغل نحصل لانه الجامعة ما تخرج محامين .. بمعنى الكلمة Quote Link to comment Share on other sites More sharing options...
Angel of Love Posted يونيو 19, 2005 Report Share Posted يونيو 19, 2005 تخصص الحقوق بجامعة البحرين بالتحديد، اهوة تخصص حفظ في حفظ، يعني لو اتييبين لي وحده ماتعرف شي كلش ويمكن تكون راسبة من اول ابتدائي بس تقدر تحفظ، بقول لج انها راح تقدر تمشي بالتخصص، من جذي ان الطالب اذا يبي يدش كلية الحقوق في جامعة البحرين يفضل "موب شرط بس يفضل" يكون من خريج التخصص الادبي بالثانوية لان راح تسهل عليه المهمه خصوصا ان الادبي ماشاء الله احفظ و امشي، اما تخصص التجاري راح يكون من بعد الادبي لان يعطونهم شوي مادة ماادري مادتين بالرغم يكون غير بس لابد من وجود تشابه، اما العلمي ممكن يكون اطرش بالزفة لان شي كلش غير عن تخصصه..... ومن الطلبة بعد الي يقدرون انهم يواصلون بهاذي التخصص او يدشونه غير طلاب الادبي اهمه الي يحبون سياسة شوي و عندهم خلفية قانونية او سياسية نوعا ما، و غيرهم طبعا الي عندهم واسطات "عاد هذول اي تخصص يقدرون يمشون فيه" ثانيا بالنسبة لطالب الحقوق في كلية البحرين "مع احترامي لطلبة الحقوق" ماهم الا فئران تجارب و الكلية اهية مختبر تجارب، لان كلية الحقوق في جامعة البحرين مازالت "انشاء الله لو تخرج 1000 دفعة" مازالت نقدر نقول تحت الانشاء، يعني كل يوم او يوم و نص تجوفين الكلية طلعت قرار، و طبعا ما تدرس القرار بابعاده المختلفة و ان درسته تدرسه من جانب اداري اومن جانب يخص الجامعة، موب من جانب الطالب و شنو راح يضره و شنو راح يفيده، ثالثا كلية الحقوق بجامعة البحرين، ممكن يكون هاذي الشي من وجهة نظري الخاصة، بس ان كلية الحقوق شاذه في وايد من الجوانب عن بقية الكليات في الجامعة من عده نواحي ، و المشكلة بالموضوع ان الكلية بنفسها تمدح روحها "يعني رؤساء الكلية و الدكاترة" كله يقولون ان احنا انظم كلية و احنا و احنا... ، و العكس صحيح بالنسبة لكتب التخصص، تكون رخيصة "يمكن هاذي الفايده الوحيده من هالكلية" مقارنه بكتب التخصصات الثانية، بس مليون عيب فيها، اولا طباعة حدها جيييييييب، والكتب طبعا تكون من تاليف دكاترنا الموقرين وكلها حشو كلام و بس، وكل كتاب مشحون من الاخطاء الاملائية بالهبل لدرجة ان العبارة تكون خاطئة و معروف ان تغيير كلمه قد يؤدي الي قلب معنى الموضوع كله.....الخ من الاخطاء بالنسبة لنظام تقسيم الدرجات اهمه نظام يديد صادر هاذي الكورس "وهاذي من ضمن كون الطالب فار تجارب" و القرار طبعا له فائده و له مضار ، بس مضاره اكثر من فوائده، الفائده الوحيده انها اتخفف من عبء الامتحانات، و المضار انها تروح الدرجات، و درجة المشاركة مالها معيار ثابت يعني على شنو بالتحديد الدكتور ينقص ماتدرين عشان تقدرين تناقشينه خصوصا لما "وهاذي الغالب طبعا" لما تكون المحاضرة بمعنى المحاضرة فعلا يعني يكون الطالب مستمع و يتلقى خلال المحاضرة عشرات المعلومات، مع العلك لو تداخل الطالب ممكن يتفشل او ممكن ما يعجبه الدكتور "وطبعا هاذي موب الكل بس الغالب" و طبعا الفاينل الي يقدر يرسبك و يقدر ينجحك، يعني امكان الطالب يقدم بس الفاينل بحيث يدرس له زين و ينجح بالماده، وهاذي كلها اضرار. بالنسبة للدكاترة و شرحهم، و يعني و الله هاذي النقطة ترجع لكل دكتور، بس طبعا النظرة العامة الدكاترة هذارين، يعني ممكن تقعدين بالسكشن من 50 - 75 دقيقة و انتي كله ساكته و تسمعين بس و هاذي طبعا شي ممل، ومعروف يعني التخصص هذرة و لغوه و بس، والشرح الغالبية دايما يكون سرد يعني مافي وسائل ثانية او طرق عرض مختلفة يا الدكتور واقف او قاعد و يهذر على راسج و اغلبيتهم كلش ما يستخدمون السبورة اللهم 10 من مجموع الدكاترة الي يستخدمون سبورة، ومافي شي يديد يعني بالمحاضرة هاذي اهوة الي مكتوب بالكتاب تجوفينه يقوله الدكتور بالضبط خصوصا لما يكون اهوة الي مالف الكتاب، وفي من الدكاترة الطيبين و منهم الي ينرفزون، بس يعني ماكو دكتور كامل من الدكاترة يعني للحين مالقيت دكتور كامل من حيث طيبته و شرحه و درجاته و معاملته، لازم احد هاذي العناصر ناقص... بالنسبة للخطة الدراسية طبعا الخطة الموجوده على الانترنت خطا لان صار فيها تغير، ومثل ماقالت الاخت عرفتوني مقررين اسلاميلات و مقررين انج و مقررين قانون بلغة الانجليزي و طبعا الغالبية كلهم عربي الكتب و هاذي طبعا بالدبلوم و اذا ماحصلتي على معدل 2.5 عشان تدخلين مرحلة البي اس انتي طبعا راح تكونين اوت من الكلية ومصيرج نفس باجي الطلبة الي طردوهم بدبلوم... بالنسبة للامتحانات، طبعا كلهم اسئلة مقالية يمكن اذا نزل عليهم الوحي بس يغيرون نمط السؤال الي صح و خطا معقد او الى عددي، بس عاده ف يالامتحان سؤالين و احين بما ان زادت الدرجة زيدوهم الى ثلاث يمكن و يكتبون لج راس موضوع و يقولون لج كتبي يعني كله حفظ في حفظ و كله سرد في سرد، و احتمال كبير لو كتبتي بفهمج وصار تغيير في كلمه وحده كانت هالكلمة "من وجهة نظر الدكتور" و كانت هالكلمة من وجهة نظره موب في محلها او انها خطا او مادشت باله او كان مزاجه موب اوكي .....الخ احتمال كبير ان اهية تعفس عليج الموضوع كله و تكون اجابتج خطا، و بعد من الاشية الي تصير مثلا ان اهمه يعطونج عنوان درس مثلا اكتب عن كذا، و انتي تسردين، احين انتي وانتي يايه تبين تكتبين و كتبي عنوان او كتبتي مقدمه لدرس ثاني بس الاجابة الي تحت العنوان الي كاتبته صح بس ان خانج العنوان و كتبتيه غلط طبعا و بدون شك راح تحصلين صفر على السؤال "بس يمكن واحد من 10 الي ما يعتبر ان الاجابة كلها خطا و ينقص بس" ،، و طبعا تكون درجة كل سؤال 10 و مافوق من جذي لو خطاتي بالسؤال او كتبتي غلط درجة الامتحان راح تروح عليج، و طبعا هاذي من الاشية الي نكون فيها مختلفين عن باقي الكليات و طريقة توزيع الدرجات على الاسئلة و نمط الاسئلة. وبس يعني حاولت اكون شاملة كل شي و اتمنى قدرت افيدج بشي، و طبعا لازم تكون عندج الرغبة وهاذي اهم شي، يعني لو كانت رغبتج قوية و عندج عزيمه احتمال كبير تتخطين كل المشاكل ولو كنتي خريجة علمي ممكن تواصلين فيه و كل شي راجع لرغبتج، وبالتوفيج انشاء الله Quote Link to comment Share on other sites More sharing options...
بحريني282 Posted يونيو 19, 2005 Report Share Posted يونيو 19, 2005 كلام angel of love اهو صح لانها ما قالت شي والا بكليه يعني كل معلومات الكليه كاتبتها من حرف أ للين ي واذا انتي علمي حرام تدخلين الحقوق بعد تعب هل السنين وانتي براحتج مع تحية بحريني 282 Quote Link to comment Share on other sites More sharing options...
فارسة الاقلام Posted يونيو 20, 2005 Author Report Share Posted يونيو 20, 2005 (edited) أختي أكيد عرفتوني مشكووورة عمري على المعلومات والله يعطيج العافية .. أخي القلب الحزين مشكور على مرورك الكريم وتسلم عزيزتي Angel of Love بصراحة كلمة الشكر في حقكِ قليلة قدمتي لي الكثير من المعلومات التي كنت اجهلها وتمنيت معرفتها ،، معلوماتكِ تقريبا كانت شاملة عن الخطة الدراسية للتخصص الحقوق وأعطتني خلفية لا بأس فيها قبل البدء في الدخول لهذا التخصص .. وانا خريجة المسار العلمي وطبعا كما ذكرتي التخصص يناسب طلبة المسار الادبي أكثر باعتباره يعتمد كثيرا" على الحفظ ولكن انا ولله الحمد لديّ القدرة على الحفظ السريع وتخصص الحقوق يعجبني ولديّ الرغبة في الدخول فيه تسلمي غاليتي والله يوفقج ان شاء الله أخي بحريني تسلم على المرور والتعقيب .. بس سؤال : اني نسبتي 89.9 وخريجة علمي يعني فيه أمل احصل رغبتي الاولى في الحقوق او لا؟؟؟ يعني الاولوية تصير الى الادبي والله شلون ؟؟ تقبلوا فائق تحياتي وشكرا على تعاونكم فارسة الاقلام Edited يونيو 20, 2005 by فارسة الاقلام Quote Link to comment Share on other sites More sharing options...
charmer Posted يونيو 20, 2005 Report Share Posted يونيو 20, 2005 الاخت الكريمة فارسة الاقلام ,, كونك خريجة علمي ربما يفيدك كلامي نوعا ما ,, انا طالب حقوق .. خريج علمي ,, ولله الحمد ماشي حالي ويا الحقوق ,, بالنسبة لكلام الاخت Angel of Love .. لا اعتقد انه ينطبق مئة بالمئة ,, فاان طالب علمي وانتي ادرى ان طلاب العلمي لا يعتمدون على الحفظ اطلاقا بل الفهم ,, وانا لازلت ,, امارس ذات الطريقة التي كنت اتبعها في العلمي ,, وهي الاعتماد على الفهم لا الحفظ .. والحمد لله ماشي الحال ,, ربما تواجهك بعض العقبات لان بعض المواد تحتاج الى حفظ حقيقي .. ولكن اجزم لك انك تتخطينها ,,, في غضون او فصلين ,, بالنسبة للدراسة صعبة او سهلة ,, انتي طالبة علمي ,, المفروض ماتقتنعين بهالكلام ,, انه في شي صعب وسهل ,, بس هم بقول لج ,, للآن لم اجد شي صعب في دراسة القانون (( يفوق صعوبة مواد العملي )) .. ** الا اللغة الانجليزية لخلل فيني انا لا في المقرر ,, بشكل عام دراسة القانون ممتعة جدا .. اذا انتي ,, حابة الدراسة ,, ومعظم الدكاترة .. ممتازين .. تحياتي ,,, وانا حاظر لاي شي ثاني charmer Quote Link to comment Share on other sites More sharing options...
charmer Posted يونيو 20, 2005 Report Share Posted يونيو 20, 2005 اما نسبتك .. 89.9 فهي تتيح لك المجال لدخول مبنى s39 ( مبنى كلية الحقوق ) من اوسع ابوابه ,, ويمكنني ان اجزم بقبلوك في تخصص الحقوق ,, تحياتي Quote Link to comment Share on other sites More sharing options...
فارسة الاقلام Posted يونيو 21, 2005 Author Report Share Posted يونيو 21, 2005 (edited) أخي الكريم charmer بصراحة لا أعرف كيف أشكرك فلقد رفعت معنوياتي كثيرا على الرغم ما حصلت عليه من الاحباط وعدم التشجيع من قبل صديقاتي الذين حاولوا أن يثنوا من عزمي من دخول هذا المجال .. ولكن الحين سأدخل واعتمادي على الله سبحانه وتعالى وسأبذل ان شاء الله جهدي وكل ما بوسعي لتخطي الصعوبات التي تواجهني بتوفيق من الله عزوجل .. وانا أيضا مثلك أواجه خلل نوعا ما في اللغة الانجليزية لكن الحمدلله امشي ،، بالتوفيق لك اخي والله يعطيك الف عافية تسلم والله تقبل تحياتي Edited يونيو 21, 2005 by فارسة الاقلام Quote Link to comment Share on other sites More sharing options...
القلب الحزين Posted يونيو 21, 2005 Report Share Posted يونيو 21, 2005 يالله يزيد عدنا عدد المحامين وعقب بندور شغل فوق القمر .. ما عليكم من دراسه الحين شفايده شهادة بدون شغل ؟؟ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.