DloOo3aH Posted أكتوبر 2, 2005 Report Share Posted أكتوبر 2, 2005 وين الباقي متنه واحنه ننطر Quote Link to comment Share on other sites More sharing options...
nazaneen Posted أكتوبر 4, 2005 Report Share Posted أكتوبر 4, 2005 متى بتنزلون الباقي Quote Link to comment Share on other sites More sharing options...
بحرينيه^مزيونة Posted أكتوبر 4, 2005 Report Share Posted أكتوبر 4, 2005 ووويــنــ الـتـكـمـلـه؟؟؟؟ Quote Link to comment Share on other sites More sharing options...
افا ياقلب تخدعني Posted أكتوبر 5, 2005 Report Share Posted أكتوبر 5, 2005 يسلمووووو Quote Link to comment Share on other sites More sharing options...
DloOo3aH Posted أكتوبر 6, 2005 Report Share Posted أكتوبر 6, 2005 ويييييين الباقي صار لج شهر الحين Quote Link to comment Share on other sites More sharing options...
lovemoon Posted أكتوبر 7, 2005 Report Share Posted أكتوبر 7, 2005 وين التكملة عسى ما شر Quote Link to comment Share on other sites More sharing options...
lady manal Posted أكتوبر 8, 2005 Author Report Share Posted أكتوبر 8, 2005 ****************************** ريم قامت من النوم ساعه 9 و نص تسبحت و بدلت ثيابها و قومت خالد ساعه 11 و نزلوا تحت يقعدون مع ابوخالد... خالد و ريم و هم ينزلون من الدرج : السلام عليكم.. ابو خالد ودر الجريده و الكوفي و ابتسم : و عليكم السلام صباح الخير منورين شحالكم.. خالد : الحمدالله يبه انت شحالك اللحين.. ابو خالد : الحمدالله احسن.. ريم : احسن من شنو ليش شنو كان فيك عمي.. ابو خالد و خالد توتروا : مم و لا شي.. ريم : اكيد.. خالد : هوو ريم شنو تحقيق.. ريم : هيي بو خالد : انزين منال للحين بالصالون مع الاء.. ريم : ههههههههههههه اكيد عمي توهم رايحين هم عباره ساعه 6 المغرب بيجهزوون يمكن اكثر بعد.. بو خالد : ليش شيسوون كل وحده احلى من الثانيه ما يبي لها شي.. ريم : أي عاد عمي منالوو مو لي هناك حلوة .. خالد : يغاروون بعض الناس هههههه بو خالد : ههههه صح كلامك منال طالعه ع امها في كل شي.. ريم : أي خالد مو طالع ع امه يبين.. خالد: عن النحاسه.. ريم : بييه انا نحيسه.. خالد : لا انا ريم : أي علبالي. خالد : ههههه فديتج.. ريم احمرت تستحي قدام عمها ((ابو خالد)) ابو خالد : ههههههههه ..انزين انا استاذن بروح اللحين مع بو علي بره نبي نتاكد عن الصاله و كل شي قوومح وياي خالد انت ولدي العود حتى علي بيي معانا كلنا بنسير رباعه ... خالد: ما قال لي علي خلاص عيل توكلنا .. ابو خالد : انا بالسياره اترياك.. خالد : انشالله يبه.. ابو خالد ركب االسياره...اما خالد قعد مع الريم شوي.. ريم : خالد قول لي شفيه عمي.. ابو خالد : ريم ما فيه شي.. ريم : لا تجذب علي اعرفك لما تجذب..اكو سبب ما تبي تقول لي. خالد : أي اكو اسباب اول شي انتي حامل ثاني شي اليوم عرس منال ثالث شي اخاف تقولين لمنال او مريم او الاء فيزلق السانج.. ريم : انزين قول لي عقب ما اولد .. خالد : انزين..بس لا تحاتين و تفكرين شفيه ابوي هو مو شي خطير شي عادي.. ريم : انشالله... خالد : يالله باي يالغلا و باسها ع يبهتها.. ريم : مع اسلامه... خالد : تامرين ع شي.. ريم : سلامتك... ************************ بعد 4 ساعات رجع ناصر من الشغل و ياب الاء معاه وريم راحت مكان الاء و مع مريم راحوا الصالون.. كلهم تعدلوا و بدلوا و سوو شعرهم و كل شي و خلصوا ساعه 6 و نص.. ********************** كل الريايل راحوا الفندق و الفندق ساعه 7 و نص انترس بالمعازيم و الناس.. اما في الغرفه اللي بالفندق الاء و ريم و منال و ام الاء و ام الريم و مريم و ساره و سلا و نور و نوره (بنات خالات علي) و سمر و مي ( بنات عم منال )كلهم كاناو قاعدون ييغرون جو منال..و يباركون لها.. نور : عاد الله الله بولد خالتي...غربليه و خلى غروره و دلعه يودرهم.. سلا و سمر و مي و الاء و مريم (المو متزوجين) : ههههههههههههه ام الاء : أي ضحكوا انتاو كلكم مو متزوجين لا تحطون منالوو تتطلق من اول يوم.. منال: لا شنو يمه تعالي اقري علي ..((تقصد ام ريم و منال معضم الاوقات تناديها يمه)) ام ريم : فديتج بنتي هاي كله يغارون... مي : تبارك الرحمن الصراحة شكلج روعه ... منال : من ذوقج يالغلا.. نوره : انزين الغرفه صارت ضيجه احنا بنطلع نهدج ع راحتج باي.. مي و سمر : أي يالله جااااو.. ام مي دشت الغرفه : جااو في عينج.. منال وقفت و دمع هي ما جافت عمتها الوحيده ام مي(رويا)من زمان اخر مرة جافتها كان لما امها توفت : السلام عمتي ام مي : فديتج لا تصيحين اليوم يومج حياتي السموحه بس تعرفين احنا نسكن في مكان و انتوا في مكان سوري ع التقصير و .. منال قاطعتها: ما اهتم المهم انتوا اللحين هني.. و توايهوا و كل شي.. ام مي : يالله سمر مي طلعوا حطونا ع راحتنا.. الكل طلع و ما بقى بالغرفه ما عدا منا و ريم و الاء و ام مي و ام الاء.. ام مي : وينها حنان.. منال: و الله اتصلت لها لما كنت بالصالون و هي كانت بصالون ثاني و تقول بترجع البيت بتنيم بنتها و بتيي.. ام مي : و منو بيقعد مع بنتها.. منال: رفيجتها عندها اختبار بالجامعه باجر و اهي بتقعد معاها بالبيت و بتدرس هناك بالهدوء.. ام مي : منو رفيجتها.. منال : نسيتيها اسمها مروة و هي اهلها يعيشون في سعوديه بس اصلها لبنانيه.. ام مي : أي عرفتها مروة بنت ******* منال: أي هاي هي.. ام مي : فديتها حليوة البنت..للحين تعاني بالرجيم.. منال: أي مسكينه وزنها ارتفع مرة ثانيه بس اللحين وزنها 90... ام مي : هي.. بعد ربع ساعه حنان و صلت و الكل طلع ... حنان تبارك لاختها و يضحكون و يسولفون و بعد شوي مريم دخلت مع ناصر و خالد ..و كانوا يباركون لبعض و يتكلمون مرة وحده منال قاطعتهم : احنا كلنا هني داخل و ابوي بره بس امي محد تمنيت اناه تكون موجودة بهاليوم تجوفني.. خالد: قاطع كلامها لما لاحظ حنان و مريم يدمعون و ناصر تاثر بس كان يحاول يود روحه.. خالد : منال لا تذكرين هالشي هاي مكتوب و قدرها جذي و احنا ما نقدر نغير هالشي و الموت حق.. منال و حنان : النعم بالله.. حنان : أي و الله عالقال احنا عندنا بعضنا مو مثل عبدالله ما عنده لا ابو و لا ام و لا عم و لا اخت و لا اخو و لا عمه و لا احد.. منال : صح احنا لازم نجوف شنو عندنا مو شنو ما عندنا.. ناصر : صح.. خالد : يالله غنير الجو حنانوو يببيي.. حنان : كلوووووولووش.. ناصر : ههههههههههه صارت عيوز.. حنان : لا و الله.. خالد : انصر انت ينيت .. ناصر : لا ليش.. خالد : ليش يبت ولدك.معاك العرس.. ناصر : لا و الله احه بالبيت يعني.. خالد : بس جذي هو ما بينام من صوت الديجي... ناصر : لا ينام المهم انا اعرف ان هو معانا و بخير.. خالد : هههههه خوش يالله متى ريموو تولد ابي اجوف عيالي.. ناصر ابتسم : بتجوفهم.. خالد : اخووي انت علمتني اشياء.. ناصر : مثل شنو.. خالد : تعجبني طريقه تصرفك مع وضعك الصراحه لو انا ماكنك ما كنت بسوي اللي انت تسويه صج بظل احب ريم بس كنت بتزوج عليها بس انت تعجبني تصرفك يدل عليك.. ناصر : تسلم ..و الشكر بعد لج منال انتي صحيتيني.. منال : و الشكر لعلي بعد هو اللي خلوني اكلمك.. حنان : يالله وين علي عسب يخلص اللعبه.. ناصر و خالد و مريم : ههههههه خالد حمل مريم و طلع و وراه طلع ناصر .. حنان : تبيني اطلع معاج بس الى الباب.. منال : لا شفايده نادي عمتي ام ريم خلى تطلع معاي.. حنان : براحتج بروح اناديها أي منال الفستان طالع روعه عليج بس شعرج وايد مرفوع فوق شوي نزليه.. منال: بعدين بيخترب.. حنان : صح بس حطيه بنادي لج خاله علي فنانه في الشعر و المكياج بس انتي مكياجج روعه بس مو حاطه وايد بس شوي.. منال : ما احب وايد مايك اب.. حنان : اعرف بس لازم يكون ثقيل يوم عرسج.. منال : لا مو لازم بس معضمهم يحطون ثقيل بس انا احب جي.. حنان : وايد طالع شكلج حلوو.. منال : اعرف.. حنان : عن الغرور انتي بعد .. منال : يمدحونه حنان : بس مو وايد اانا احلي منج.. منال : ههههههه انتي بعد طالعه حلووة فنان اللي سوى شعرج.. حنان : أي تاليا اللبانينه سوت لي... منال : اها حنان : بروح اناديها بعد 5 دقايق رجعت حنان مع ام ريم و ريم.. ام ريم: تبيني اطلع معاج حبيبتي.. منال : اذا ما تمانعين عمتي.. م ريم : بالعكس فخر.. منال : ههههه ام ريم : دقيقه بس بروح الحمام.. ريم انتضرت امها تدش الحمام و تكلمت : منالوو عندي خبر زفت لج.. منال : شنو لا يكون علي ما وصل...... ريم : ههههههه لا ..مم هدى و سارة و مها و دلال هني.. منال: لا الشله هني اوووووووف لازم يعني..ع كيفهم ييون... ريم : انا بس ابي اعرف شدخلهم الفندق اقصد الصاله.. منال: اووف ريم سمعي بس ايوون بجهتي انتي تععالي.. ريم : اوكي.. حنان : تبيني انا بعد ايي.. منال: أي تعالو لاني الصراحه اخاف منهم.. حنان: شتخافين منهم هاي يستخدمون حركات مراهقه عشان يخرعونكم.. منال : بس حنان انتي ما تعرفينهم هاي يسوون أي شي.. ريم : أي انتي ما تعرفين سالفه هدى كلمت ناصر..بالتلفون.. حنان : صج.. منال :هيي ريم ليش تقولين.. حنان : لا و الهل انا لازم اعرف هالاشياء يعني شنو بسوي تبون تخشون عني كل شي.. منال : اخاف تتكلمين معاها و تنضمين حق لسته التعذيب مالهم.. ريم : حناان صدقيني هاي يخربون حياة الناس.. حنان : الله يهديهم.. ام ريم دخلت : منو.. ريم : الناس يمه.. ام ريم : الله يهدي اليميع.. حنان : يالله ريم نطلع اللحين بيطلعون عروستنا و المعرس.. ريم : اوكي..يالله منال قود لاك.. ام ريم : شنو قود لاك ذي بعد.. منال : هههههه يعني حظ سعيد.. ام ريم : مالت ع ثقافه الغرب.. حنان : هههههههههه ************************* منال و ام ريم طلعوا و اليتات كانت مصكوكه و النور صغير مركز عليهم منال كانت ترتجف تخاف تطيح او تزلق ..كانت تمشي بطي و تجوف يمينها و يسارها تجوف الناس يطالعونها و مرة وحدة دخلوا المعرس يمشي معاها المصورة قالت لهم ييودين ايد بعض ابو خالد كان واقف ع الزاويه يطلعهم و هو فخور ببنته ..مشوا عدال و الكل يجوف البنات متخبلين ع علي و النسوان يقولون يا ريت زوجناها لولدي خلصوا كطريقهم كان يحسون انه اميال معنه كان يبعد دقايق الى ما وصلوا للكوشه و قعدوا عليه اتفتحت الليتات و الكل رجع يسولف او ياكل الكل بحاله منال كان قلبها ينبض بقوه حتى انها خافت علي يسمع صوت قلبها ...علي صد صوب منال و ابتسم و قرب راسه منها و كل ما يقرب هي تبتعد هو يبي يكلمها بس ما تسمع لان صوت الاغاني عاليه .. علي : مبرووك منال.. منال : الله يبارك في حياتك .. علي : اشتقت لج.. منال : اشتاقت لك العافيه .. علي : الله يعافيج.. علي ضغط ع يدها : شفيج ترتجفين ليش يدج بارده.. منال : ههه لا تخاف ما قاعده احتضر.. علي : منو قالج ما اخاف... منال : ههههه الله يطول من عمري... علي : صج كلام اخوج عيل انتي مغروره هاا... منال : لا.. علي رفع حياته .. منال : انزين شوي بس.. علي : ههههه تعجبيني.. منال و يها صار احمر.. علي : شفيها المصورة تبيني اسوي حركات قوومي وقفي.. منال : ليش.. علي : باكلج هههههههه ليش بعد بحب يبهتج ما تشوفين المصوره.. منال : خلى تولي.. علي : هههههههه انا احب اسمع كلام الناس يالله وفي.. منال وقفت و علي باس يبهتها و منال ما عندها طرحه لان ستايلها يديد و غير يعني مو مثل التقليدي.. الكل اكل بعدين المصوره تصورهم و يحطهم يشبرون عصير بعدين تبيهم يوقفون هني و هناك الى ما منال و علي تمللوا و قالوا لها تصورهم بالاخير.. ياو الناس يباركون لهم واحد بعد الثاني ... ((التكلمه بعدين لان الجزء طويل لا تقولون قصير لان اذا قلتوا بكتب لكم جمله في كل جزء <<<تهدد مع ويها )) Quote Link to comment Share on other sites More sharing options...
lady manal Posted أكتوبر 8, 2005 Author Report Share Posted أكتوبر 8, 2005 منال وقفت و علي باس يبهتها و منال ما عندها طرحه لان ستايلها يديد و غير يعني مو مثل التقليدي.. الكل اكل بعدين المصوره تصورهم و يحطهم يشبرون عصير بعدين تبيهم يوقفون هني و هناك الى ما منال و علي تمللوا و قالوا لها تصورهم بالاخير.. ياو الناس يباركون لهم واحد بعد الثاني ... قعدت منال ع الكوشه بعد ما صاوروا و هي تعبانه حيل من الصبح قايمه و امس ما نامت من التوتر كانت تحس ان عينها بتنصك و صوت الاغاني زاعجها بس مسكت روحها و ما بينت شي و كانت تبتسم طول الوقت و علي يسولف معاها و هي مستحيه بس تهز راسها أي او لا او تضحك.. علي : انزين ما خلصت لج عاد اانا و خالد لما رحنا اول امس ذيج الصاله و الله انصدمت لما عرفت عطوها اليوم لاحد ثاني اللحين احنا حاجزينها من شهر و ييون يعطونها اليوم لاحد ثاني انقهرت الصراحه..... منال : ههههههه علي : أي ما قلت لج قبل شهرين رحت الشاليه مع اخوج ناصر جان ناصر ينزلق و يطيح .. منال تقاطعه : علي انت لما متوتر تسولف وايد... علي مات من الضحك : هههههههه أي الصراحه هاي واحد من عيوبي لما اكون متوتر اسولف وايد في اشياء بايخه ليش ما سكتيني ... منال : لانك تضحك ههههه.. مرة وحده لاحضت منال شله بنات مغرورات و مو محتشمين حيل كل وحده لابسه شي اقصر من الثانيه و كانوا ييون في صوب منال ..منال عرفت ان هاي هدى و شلتها عضت ع شفايفها و كانت تدعي ان ريم تنقذها.. هدى : هلا و الله بالغلا هلا بمنال و زوجها الغلا ....... منال مستغربه من جراتها : هلا.. سارة : مبروك ما بغيتي تعرسين.. مها : مكياجج و ثيابج وايد حلوة محليتج .. دلال : اكيد حلوة مها لانه من ذوق زوجها يالله منك المال و منها العيال.. هدى : انا متاكده ان بيعطيها المال و هي بتعطي العيال هههه.. منال رافعه حياته لان طريقتهم بالكلام مسخره و يبين من شكلهم :تسلمون.. سارة : شفيج زايغه عيونج تدور ع احد تبين تشردين منا.. منال : لا ليش انشالله .. مها : انزين المهم..انشالله ما نسيت كلامنا ذيج المره لانج شكلج نسيتيه .. منال : لو سمحتوا هاي مو وقته .. علي ما يستحمل كان ساكت و كان يحس بمنال لانه هو بعد منقهر و من شكلهم عرف ان هاي هم البنات ..... علي : احم يصير لو سمحتوا تتفضلون بكل احترام لا تكلمون منال مرة ثانيه و تهددونها باشياء طفوليه انتوا مو قدها فتوكلوا ع الله قبل ما انا اتصرف..انا احترمتكم كفايه.. هدى : انشالله بس ويني وينج و احم منو قال احنا مو قدها .. و راحوا....... *************** منال :" انا للحين مو فاهمه شيبون شفيهم عليي انا شنو سويت لهم شفيهم ذوله مو جايفين خير........ علي : خليهم و لا اتخافين منهم منال صيري قويه اللحين انسيهم اليوم يومنا خلى نستانس...... منال : أي صح كلامك اوووف ..شكرا علي لانك تدخلت.. علي : ولو لازم اتدخل بس انا قلت بنتتضر الى ما يمضخونها بس ما استحملت الصر احه..شكلهم يسد النفس.. منال : بالعكس هم وايد حلوين...... علي : انتي احلى و هم اصلا ما جافوا شي من الحلاوة....... منال : تسلم..... علي : توقعتج بتقولين عيونك الحلوة........ مناال : ههههههههه و بعد نص ساعه طلع علي و ساعه 2 و نص رجع و بس الاهل كانوا موجودين و عمه منال كانت تصيح و ابوها دمع و ام و ابو علي بعد كانوا متاثرين وايد.. و ساعه 3 ونص وصلوا الفندق......... ************************** خالد وصلهم .......... خالد : علي ما اوصيك باختي منال ........ علي : منال بعيوني........ خالد : أي لان اذا صار شي فيها او غربلتها وا لعوزتها بحاربك هههههههه.. علي : الحمدالله و الشكر اللي يسمعك يقول انت ما تعرفني اللحين انا اسوي هالاشياء.. خالد : لا هههههه بس لازم اقول أي منال حطي علي بعيونج.. منال: انشالله... ******************** دخلوا علي و منال الغرفه و قعدت منال ع السرير و هي تثاؤب.. علي ابتسم : تعبانه مو صح.. منال مستحيه و متوتره : أي.. علي : انزين يالله بدلي و نامي ع ما اناا بتسبح و ببدل انا بعد تعبان منال انا بحاول اكون احسن زوج لج ...و بسوي اللي تبينه يمكن انا حبيتج بدون ما اعرفج اذا قلت لاحد قالوا اكيد من شكلها بس انا شكلج ما يهمني الصراحه حسيت بعيونج شي ما اعرف جذبني لها شعور احساسا غريب..... منال ابتسمت : يعني انا لو بعد سنه بصير دبه مثل الثلاجه و صرت مو حلوة بتضل تحبني.. علي : اكيد.......و انا لو صرت دب و طلع لي شعر ابيض بتحبيني.. منال : يمكن ....... علي : لا صج.. منال : ههههههه اذا حبيتك اسالني هالسوال ....... علي : براحتج ..و راح للحمام و قبل ما يدخل قال : بتحبيني بسرعه........ مننال ضحكت و قال في روحها : اكيد انا حبيتك باحلامي...... منال بدلت بس شعرها ما فتحتها ما كانت تقدر.. علي طلع و بدل و ساعدها في شعرها و هو مستانس يفج شعرها خصله خصله و صار لهم ساعه تقرياب و هم يفجون شعرها و بعدين قعد يلعب بشعرها و منال مستحيه و بعدين قالت له انها تعبانه.... علي : تصبحين ع خير.. منال : و انت من اهله... علي نام و منال قعدت ابتسمت كل هالمواقف الحركات تحس انها عايشتها و اللحين تمثلها ابتسمت و هي خايفه ان السعاده ما تدوم ....... ************************* و بس.....التكلمه االاسبوع الياي.. *********************** السموحه ع التاخير بس تعرفون الشهر بدى و مرضت و اللحين انا اوكي بس الحمدالله و مبارك عليكم الشهر و هاي اكثر من جزء طويل.. Quote Link to comment Share on other sites More sharing options...
MeeMoo Posted أكتوبر 8, 2005 Report Share Posted أكتوبر 8, 2005 مشكوووورة على البارت وننتظر الباقي Quote Link to comment Share on other sites More sharing options...
khalijia Posted أكتوبر 8, 2005 Report Share Posted أكتوبر 8, 2005 mshko0o0o0o0o0o0o0o0o0o0o0ora matchoofen shaaar mbarek 3layna o 3laich:D fe int'9ar il bagey Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.