حفرت اسمك على قلبي Posted نوفمبر 20, 2005 Report Share Posted نوفمبر 20, 2005 (edited) حبايبي القصة مب كاملة هاي ليدي منال كل مرة تنزل جزء في منتدى ثاني و احنا ننقله لكم هاي السالفة كامل و مسامحة عالازعاج Edited نوفمبر 20, 2005 by حفرت اسمك على قلبي Quote Link to comment Share on other sites More sharing options...
manameya Posted نوفمبر 21, 2005 Report Share Posted نوفمبر 21, 2005 يلا ننتظر التكلمه Quote Link to comment Share on other sites More sharing options...
خواطر البحرين Posted نوفمبر 21, 2005 Report Share Posted نوفمبر 21, 2005 الصراحة القصة مو طبيعية نبي الجزء اللي بعده بسررررعة Quote Link to comment Share on other sites More sharing options...
DloOo3aH Posted نوفمبر 23, 2005 Report Share Posted نوفمبر 23, 2005 ننطر البااااااااااااااااااااااااااااااااااااااااقي Quote Link to comment Share on other sites More sharing options...
se7eral3yoon Posted نوفمبر 23, 2005 Report Share Posted نوفمبر 23, 2005 ياالله نبي التكملة Quote Link to comment Share on other sites More sharing options...
الحيرة Posted نوفمبر 24, 2005 Report Share Posted نوفمبر 24, 2005 ثنكس عالقصة Quote Link to comment Share on other sites More sharing options...
lady manal Posted نوفمبر 24, 2005 Author Report Share Posted نوفمبر 24, 2005 شكر خاص : تسلمون كلكم و حفرت اسمك ع قلبي تسلمين لانج نزلتي الجزء ..و انا جم مرة حاولت ادخل كل مرة ما يصير و هالمرة نجحت و تفضلوا هاي الجزء.. .....بعد اسبوع..... منال قامت من النوم و صار لها 4 ايام بدون علي ..علي كان مسافر ويا ابوه عندهم شغل في السعوديه و قطر..كانت تحس بوحشه .... ((منال)) يا ربي اشكثر اشتقت له لهالدرجه ما توقعت ..لبست جلابيه سماويه و حطيت لي مكياج سماوي خفيف و حطيت شعري ع جنب و نزلت تحت اتريق مع ام علي ...الصراحه كاسره خاطري طلو هالسنوات لما كانوا يسافرون و يهدونها بروحها مع الخدم من جذي بغيت اعوض لها و مللتها مني 24 ساعه يمها اسولف و اضحك معاها و في الليل تنام في جناحي انا و علي عشان اذا صار شي لا سمح الله اكون موجوده... نزلت و ام علي تنتضرني تحت و هي مبتسمه ... ام علي : هلا و الله بالزين شحالج ياغاليه .. منال : هلا يمه انا بخير انتي شلونج.. ام علي : الحمدالله يسرج الحال .. منال : ها يمه شتبين تاكلين ام علي : و الله من يدج الاكل يحلو أي شي من يدج حلو منال: تسلمين طبخت طبخه قريتها في مجله من المجلات عجبني شكلها و حسيتها حلوه ..للاسف ما نجحت الطبخه و حطينا الطباخه تطبخ لنا ..و كنت حدي متفشله .. لطيفه (ام علي) : غناتي ريم اليوم اتصلت الصبح تسال عنج و سلمت عليج و تقول لج اليوم بتروح مع خالد المستشفى و تقول لج تعالي معاهم.. منال : و الله يمه ليش ما تيين معانا لطيفه (ام علي) : و الله قالت لي ريم بس انتوا روحوا انا مافيني شده.. منال:يمه بس انتي شباب و للحين وينج وين ..تعالي ويانا لطيفه : يه و الله صج كلامج شباب و تنهدت : بس المرض زادني 20 سنه من عمري ... منال بقلق : عمتي انتي للحين تتالمين.. لطيفه : لا لا لا تشغلين بالج غناتي منال : انزين بتين لطيفه : يالله شورانا بني خالد بحسبه ولديمو غريب اعرفه من ما عمره 5 سنوات... منال ابتسمت.. راحت لطيفه(ام علي) و لبست عباتها و تغشت و منال راحت بدلت و نزلت تحت مع ام علي ينطرون ريم تيي ...طلعوا بره و قعدت منال مع لطيفه ورى و ريم جدام مع خالد.... بعد عشر دقايق ..............(بعد السلام و كل شي...) منال: ها خالد شلون مهره اللحين خالد :خبري خبرج اخر مرة جفتها امس.. منال: ههههه انزين شلونها امس انا ما شفتها خالد : الحمدالله وايد متحسنه منال: الحمدالله وصلوا المستفى و نزلوا يجوفون مهره ...صار مده لها بالمستشفى و اللحين عادي يحملونها ...حملتها ام علي و هي مستانسه و دموعها في عيونها .. و خالد و ريم يلاعبون مهره و كل واحدد منهم يبتسم للثاني و مهره شكلها صاير ملاك بيضه وايد على ريم و عندها شعر خفيف وايد..و ملامحها بالرغم من انها صغيره ملامحها حاده تشبه خالد وايد .. منال : واي خالد فديتها ..تشبهك ريم : أي و الله... قعدوا في المستشفى نص ساعه بعدين طلعوا ام علي بغت شي من السوق و ريم بعد اشتروا لهم اللي يبونه خالد راح في كوفي قعد بروحها في طاوله و منال و ريم و ام علي في طاوله ثانيه و هو يمهم ...بعدين راحوا مطعم ...و بعدين راحوا البحر يتمشون ..بعدين دخلوا ام علي و ريم و منال يصورون ام علي كانت وايد مستانسه حست انها رجعت شوي للحياه وايد كانت مستانسه صوروا مع بعض و خالد كان بره يدخن بعدين طفى سيجارته لما طلعوا ..و راحوا مسيد يصلون ...خالد دخل مسيد ريايل و هم دخلوا مسيد الحريم .. ...طلبوا لهم اكل من مطعم و خالد وصل ام علي و منال البيت و قعدوا يتعشون مع بعض و جافوا اخبار و تلفزون شوي و راحت ام علي غرفتها كانت تعبانه تبي تنام و كانت الساعه 9 في الليل.. بعد ساعه منال كانت بالغرفه متملله قعدت تحوس باغراض علي جافت اشياء محتفظ فيهم من ايام المدرسه قعت ع الارض تجوفهم و هي تضحك ع خباله ..... اخذت لها بودي مال علي واسع وايد حتى عليه ...اخذتها و لبسته و كبير عليها يوصل لها للركبه و شوي اعلى ..و كانت لابسه شورت جينز مالها و كانت مرفعه شعرها فووق و المصااص في بوزها و ماكو مكياج في ويها بس كحل خفيف ...و ميوده قلم و ورقه قاعده ترسم بالصاله .. ...علي و ابو علي وصلوا كمفاجاه خلصوا شغلهم من وقت و لما وصلوا البيت ابو علي كان تعبان من الطائره دخل غرفته جاف ام علي نايمه و تسبح و بدل و عدل اغراضه و شنطه و نام... اما علي ركب فوق لطابقهم راح الجناح الاول ما كانت موجوده فيه منال و راح الجناح الثاني جافها قاعده ع القنفه في الظلام بس ليت سبوت لايت خفيف يمها و ترسم و مندمجه مع الرسم و هو يمشي بطي و في يده ورده و هديه...علي كان لابس بنطلون جينز ديرتي و بودي اسود عليه مكتوب بالاحمر و الابيض لبسه عشان في الطائرة يرتاح اما في شغله هناك كان يلبس ثوب..المهم و كان مرتب شعره شوي بالجل و قصه من تحت و صار مرتب .. راح يمها و هو فيه ضحكه ع اللي لابسته منال بالذات بوديه شلون واسع عليها ... علي : شترسمييييين منال اخترعت : علي !! علي : عيونه منال : بدون ما تحس منال ركضت حظنته علي ما توقع هاي رده فعلها بتكون استانس وايد .. علي: لهالدرجه اشتقتي لي منال استحت علي : انا اشتقت لج اكثر منال : شلون يتوا اليوم كان لازم تيون بعد 2 يومين علي : أي ما قدرت ابتعد عنج اكثر منال : هههههه لا صج ليش علي : شغلنا خلص بس بعد ما قدرت ابتعد عنج ..سالي ابوي كل ما اجوف بنيه اقول ...وااااي منال منال ترفسه : ليش تجوف البنات علي : اييي ..افا منال انا كل هالسنين ما اجوف اللحين لما اتزوج اجوف.. منال : انزين شلون شغلكم و الشركه هناك علي:ماشي الحمدالله رفيجي مو مقصر ماسك الشركه ..هناك منال: اها علي:انزين حطيني من الشغل تعبت منه انتي شلونج و ترى البودي حلو عليج حلال عليج تاخذينه.. منال : هههههه سوري علي قاطعها : شنو شنو انا ثيابي كلها لج لا سوري و لا شي بزعل ترى منال " : هههههه انزين علي: و الله شكلج ياهله عيل انتي جذي تبين تصيرين ..تنتضريني اختفي عشان تلبسين جذي هههههه منال : لا بس جذي علي حمل منال و يده تعوره نزلها تحت للمطبخ .. منال : نزلني علي عاااااااااااااد نزلني علي وصلوا المطبخ نزلها ...و هو مبتسم بشر : وصلنا المطبخ منال مضيعه : خير ؟! علي يبتسم : ابي ماي من يدج عطشاااااان وايد منال : هههههههه انزين تفضل علي : تسلمين ..منالووو وينج عني اشتقت لج منال : مي توو.. علي : هههههه شسويتي اليوم منال طلعت من المطبخ و علي لاحقها منال : مم رحنا اول شي المستشفى مع خالد و ريم علي : منو رحنا منو وياج منال : اانا و امك علي : امي طلعت غريبه منال: ههههه مو بس طلعت احم احم رحنا المستشفى و رحنا السوق و رحنا مطعم نتغدا و رحنا البحر نتمشى و رحنا نصور و رحنا المسيد و طلبنا عشا و رجعنا البيت علي : اوله و كل هاي و امي موجوده منال : أي و كانت مستانسه وااااااايد... علي : و الله عندج سحر ع الكل... منال : و الله امط شباب انتوا مكبرينها علي : ههههه و الله يامهم يتزوجون و هم صغار منال: ليش اانا عيوزه و انت عيوز علي :لا بس ما عندنا عيال هم قدنا و عندهم منال : أي علي : اصلا انا عادي عندي ان اللحين ما عندنا عيال لاحقين عليهم مو لازم نستعيل منال: أي.. علي: يودي حياتي يبته لج انشالله يعجبج.. منال : وااي حلو ...ليش عبلت ع عمرك ممو قلت لك ما ابي شي علي : مو بكيفج انا اشتريت لامي بعد و لخلود و لمهره و فهد كهديه لولادتهم ..و جم هديه انتني عطي للي تبين منال : انتوا رايحين شغل مو سياحه .. علي : ههههه شنسوي صايرين اخس من الحريم انا و ابوي كل ما نشوف شي حلو نشتريه منال : ههههههههه علي : فديت ضحكتج واااااااي هاي اربع ايام و جذي عيل اذا شهر بموت منال: الله لا يقول .. علي تثاؤب منال : تعبان؟ علي يهز راسه يعني أي منال ابتسمت : روح نام علي : ما شبعت منج للحين منال : و لا انا علي : منال فكيني قولي خليني انام منال: شنو علي : أي شي أي كلمه حلوة منال: انزين حبيبي روح نام علي : واااااااي ما بغيتي تقولين ما سمعت منال : لا علي : هههه انزين بووسه منال بااسته ع خده علي : تسلمين يا اغلا من الغلا حياتي منالوو منال استحت علي : فديت اللي يستحون ما بتين تنامين منال: بلى علي :اوكي .. راحوا منال و علي ينامون... ***************************** ((بعد خمسه ايام )) خالد و هو طاير من الفرحه خالد : ريمووووووووووووووووووو ريم و هي تنزل من الدري خايفه : شنو خالد خييير خالد: مهره بيطلعوننها اليوم ريم : صج صج خالد : أي بس الدكتور قال لازم نهتم فيها عنايه خاصه لانها للحين اصغر من الازم و ناكلها لازم وايد و.. Quote Link to comment Share on other sites More sharing options...
lady manal Posted نوفمبر 24, 2005 Author Report Share Posted نوفمبر 24, 2005 ريم قعدت تصيح بصوت خفيف خالد راح يمها .. خالد : شفيج حياتي ريم : مستانسه خالد : فديتج انا بعد مستانس ..باس ريم ع يبهتها .. و راح يخبر ابوه و ..علي و منال .. اما ريم راحت لالاء اللي فيها اكتاب و صارت تاكل قليل بسبب ان ناصر رجع من السفر قبل 3 ايام و ما يدخل الا في ليل ينام و دائما يكون متضايق و زعلان.. الاء ببرود : مبروك ريم و هي متضايه ع حال الاء : الله يبارك في حياتج سمعوا صوت راشد يصيح.. الاء : عن اذنج ..و راحت له ريم نزلت و خالد كان قاعد يخطط و حاله و مستانس .. ريم : قلت لناصر خالد : ايه ريم : شنو قال خالد : مبروك ريم : ببرود ؟؟ خالد : أي ريم : مثل حال الاء خالد : شفيهم شالسالفه ريم : انا الاء ما الومها ناصر اللي شفيه لازم تكلمه حشى مو اخوج خالد : انا ما ابي ادخل ريم بعصبيه : انت اخوه العود خالد : ريم..احنا ما تعودنا ندخل ع اشياء بعضنا ريم بحزن : يمكن يحتاجك خالد و هو يفكر : تضنين؟ ريم : متاكدة...ترى اخوك للحين صغير مو فاهم شي..عالاقل اذا يبي يتزوج خلى يقول مو باسر حلال عليه 4 ما قلنا شي ..بس مو جذي مكره عيشته البنيه و مكره عيشه الولد اللي ما يجوف ابو بالايام ...و ترى هاي بنت عمتك مو غريبه و خالد انت عم راشد ..مو شخص غريب خالد و هو يحس بالذنب : ما كنت مهتم الصراحه حسيت انها ازمه و بتعدي انا باجر بكلمه .. ريم : و ليش مو اليوم خالد : ريييييم ريم : خالد خالد : انزين بكمله اليوم بعد امري .. ريم : ما يامر عليك عدو خالد : ههههه انزين انا بروح له الديونيه تبين شي؟ ريم : سلامتك.. خالد : مع السلامه ريم : في حفظ الرحمن... :::::::::::::::::::::::::::::::::::::: خالد دخل الديونيه و سلمان و فيصل و ناصر بس كانوا موجودين.. الصبيان : حيالله بو الشباب ..و الله الديونيه اليوم خاليه خالد : هلا و الله ببو سعود وينك فيصل : و الله تعرف المراة و العيال عذااب .. خالد : هههههه ما عليه هونها و بتهون .. سلمان: ها شميبك اعترف انت ما تيي الا اذا من وراك شي... خالد : أي ناصر تعال معاي بكلمك بسالفه فيصل : لا وين تروحون قعدوا خالد : مرة ثانيه انشالله يالله ناصر.. ناصر : انشالله سلمان : زين اخذت اخووك ما اعرف شفيه اذا قعدت \ معاه ينسد نفسك .. فيصل : عيب شالكلام لا تتكلم عن نصوور الغالي.. سلمان : انا اقول الصج ما ادري شفيه ناصر: ما فيني شي طلعوا ناصر و خالد من الديوانهي و ركبوا سيارة خالد.. ناصر : ع وين؟خير شصاير خالد : الخير بويهك بس بغيتك بسالفه ناصر : انشالله .. خالد كلم ناصر بالسالفه و ناصر ما رضي يقول لخالد و لا شي... منال راحت بيت ابوها و قعدت بالصاله تحاول مع ناصر لان ناصر دائما ما كان يقول مشاكله لمنال.. منال قعدت تكلمه لمى سحبت منه كلام ناصر انهار قال لها كل شي ..دائما كانت منال اللي تفهمه ..كلمته عن الحل و كل شي و ناصر طلع من الصاله انسان غير عن اللي دخل .. منال ركبت تقول لالاء السالفه و بعدين بتتصل لناصر يي لها..و يفهمها كل شي.. منال و هي بدات نص السالفه.: و ناصر لما سافر ما سافر يتزوج كان دائما حاط الزواج كاخيار الثاين له يعني اذا بغى يهال و التبني خيار ثالث ..\ الاء : و الاول منال : ناصر راح المستشفى و طلع ناصر نفسج.. الاء : شنو ! تمزحين معاااااااي منال: لا و الله من جذي ناصر كان متضايق اولا لانه خلاص فقد الامل ثاني شي ..يحس انه ضلمج حس بشعورج يبيج تسامحين بس ما سالج لانه ما يعرفج ..يقول الاء بتكرهني و خرابيط يلهوس كلام ..هاي السالفه و ما فيها الله كتب لكم جذي ..كانكم ولدتوا لبعض ..الاء شفيج تصيحين ترى ماكو الا الخير ..خلاص دموعج ما بتغير شي .. الاء و هي تصيح : انا ابدا ما تمنيت يصير له اللي فيني و الله لو تزوج ما كانت عندي مشكله ابي اجوفه مستانس مو متضايق كله جذي ليش ما قال لي ..اناا مستحيل اكره ناصر منال انا احبه احبه ..تعرفين يعني شنو احبه ..احبه بكل عيوببه احبه ...و خلصت صياحها و هي تقول احبه ... منال مسحت ع راسها و طلعت و دموعها ع خدها ابدا ما تمنت هالشي لاخوها و زوجته ..ناصر دخل و قعد مع الاء ع الارض و ما كان اول مرة يصيحون مع بعض و يشكون الامهم ..بس حسوا خلاص يقدرون يبدون صفحه يديده ماكوا مفاجات يايه يديه لهم ...يقدرون يستمتعون بحياتهم اللحين ناصر يحبها و هي تحبه .... ((بيت بو خالد)) ((ساعه 8...عزيمه ...ضيفه الشرف : مهره )) خالد دخل و هو حامل مهره في يده و كانوا بس قرايبهم موجودين الريايل في الحديقه و الحريم داخل البيت الكل مستانس ... ناصر كل دقيقه يدخل البيت يحب الاء و يقول لها احبج و يطلع بره ..و الاء مستانسه و خدودها كله حمره تحس انها بتطير من الفرحه ..\ خالد و ريم مستانسين لبنتهم اللي رجعت .. منال كانت بالحديقه اللي ورى قاعده مع مهره و تبوسها و مرة وحده يي لها علي.. علي :و اناة ادورج كل ماكن طلعتي اهني مع مهره منال : ههههه ةواي فديتها جوفها علي تقرب راح يم منال و قعد يجوف مهرم : و الله حلوة ..باسها ع يبهتها ..الله يخليها..و صد لمنال شكلج مستانسه وياها تبوني اهدكم..بروحكم .. منال : هههههه لا مو لازم ... علي : جنها بردانه الجو حلو اليوم .. منال : أي.. فصخت منال شيلتها و لفت الياهله فيه...و من قوه الهوا شعرها يطير و يي ع ويها و تحاول توديه ورى اذونها بكتفها لان هي حامله البنيه في يدها ..علي اخذ شعرها و وداه ورى اذنها برقه و ابتسم و منال ابتسمت له.. خالد : احم احم علي انتفض : شتبي خالد : يالله انثبر ادور ع بنتي انا .. منال : بنستعير البنيه يومين خالد :ههههههاي يبيها يالله علي : خلاص منال بخاطرها البنيه ذي يعني بتحصلها ..رووح يالله خالد : هيييي صدقت عمرك علي و هو يبتسم : نتهاوش و اللي يفوز البنت له خالد: افا عليك بس حاول منال: لا لا خلاص ما ابيها لا تعور زوجي علي : وااااي جووف اللي يخافون علي خالد : كاكاكاككاكا ما سمعتها تقول لك لا تعور زوجي ما تبيني اعورك لانها تعرف اني بفوز ههههههه منال : ما قصدت جذي علي : لا حتى لو قصدت ما الومها انت و دبتك ..دب اكيد بتفوز خالد : انت الدب ويا ويهك علي : احم احم احلى منك منال : بسكم اوووووف يهالوو خالد : أي و الله تذكرت ايم المراهقه علي : أي مراهقه انت بعد قد امي انت ..امي اصغر بعد علي و منال : ههههههههههههههههههههههه خالد : اجوفج واقفه وياه علي : زوجتي اكيد بتوقف معاي وييييييو خالد: انزين منال تعالي ريمو تبيج منال : اوكي الحين بروح بس عطني شيلتي اللي لفيت بنتك فيها خالد اخذ الشيله و عطاها : ليش تلوثين بنتي منال : عاشوا ..اصلا ما صدقت هي انا افصخ شيلتي عشان ادفيها علي: أي والله خالد : يالله يالله وايد صدقتوا روحك يالله قدامي داخل منال : انزيييين بعد ما منال دخلت .. علي يرفس خالد : لا تقول لعمري جذي خالد : ااااااااااااي ريلي امزح يبه .. علي ابتسم : انزين يالله خنروح طولنا عليهم خالد : يالله و الله بطني علي : يالله مو قلت لك دب خالد : انت الدب.. ((راحوا يتعشون ....و انتهى اليوم ع خير)).............. ::::::::::::::::::::::::::::::::::::::::::::::: ((نهايه الجزء ....27....)).. ::::::::::::::::::::::::::::::::::::::::::::::: Quote Link to comment Share on other sites More sharing options...
lady manal Posted نوفمبر 24, 2005 Author Report Share Posted نوفمبر 24, 2005 [align=center]و يا ريت يثبتون القصه [/align] Quote Link to comment Share on other sites More sharing options...
lady manal Posted نوفمبر 24, 2005 Author Report Share Posted نوفمبر 24, 2005 تسلمين ميمو على الجزء اللي نزلتيه.. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.