شمووسة Posted يوليو 5, 2005 Report Share Posted يوليو 5, 2005 السلام عليكم ورحمه الله وبركاته اول احب اقولكم ان عندي اخت اسمها فطووم (ان شاء الله بحط صورتها قريب) المهم هذي فطوم عمرها 2 ونص انزين احنا العادة ما نرووح بيت جدتي وايد من اول ما سكنه بيتنا الجديد انزين عاد اكيد نروحه في يوم كنه متمللين فقالت لنا امي شراييكم نروح بيت ابوكم العووود احنا اكيد وافقنه عن الملل في البيت انزين المهم واحنا في الطريق مرينا بالمطعم واخذنا لنا العشا ولما وصلنا بيت ابوي العود سلمنه وسولفنا وقعدنا نتعشى طبعا المهم عاد اختي ليلى قالت بترووح تشتري لها بيبسي فقالت اختي الصغيرة: اني بروح الدكان المهم قالت لها امي وديها وياج وعطته روبيتين علشان تشتري لها اكل ولما رجعت احنا قمنا بنروح المجلس لان كل ليلة الجماعة والجيران يتجمعووون في بيت جدتي المهم فقلنا لاختي ليلى انتبهي لفطووم قالت انزين المهم اختي زينب على النت كانت في غرفة غير ليلى راحت وياها عاد اختي فطووم انتهزت الفرصة وقالت في قلبها(ايه ايه... ما بغت تتباعد عني علشان انفذ الي في راسي) تتوقعون شكان يدوور في راس هالياهلة؟؟الحين بنعرف المهم فطوم قامت وتفحصت الممر وشافت محد فقامت طلعت وفتحت الباب وقامت تمشي في شوارع الديرة كان صدفة ذاك اليوم ان زينب العسكري كانت تصور حلقة في ديرتنا(هههه عاد ما دورت الا ديرتنا قلت الاماكن ) المهم جدتي كانت حاسة ان بصيير شي كانت كل دقيقة تسال امي واحنا في المجلس مع الجماعة وين فطوم واحنا كنا نرد عليها مع ليلى طبعا احنا ما ندري وفطووم الحلوة في رحلتها تجوب شوارع الديره ههههههه المهم يعني مر الوقت ومر ساعة ساعتين فطووم تجوب شوارع الديرة وامي العودة قلبها حاس انه فطووم فيها شي كل دقيقة تسال امي المهم صارت الساعة عشر في الليل الحين دخلت علينا اختي زينب تسالها امي العودة: وين فطوووم ما ادري امي العودة: يعني مو ويه ليلى؟؟ ما ادري لا لا مو ويه ليلى ليلى كانت قاعدة ويايي انزين دخلت ليلى وين فطووم ما ادري شدراني عنها وطبعا انتو تدرووون وين فطوم بس احنا ما كنا ندري انها في رحلتها بس اعتقد ان في هذا الوقت اهي مب في الشوارع اهي في مركز الشرطة لا تستعجلووووووون بقولكم السالفة كلها المهم قامت امي العودة تدورها سالت الخدامة مافي سالنا ولد عمتي ما يدي قلنا لا اكيد مع عمي وعلى فكرة فطووم واجد تحب عمي المهم الحين صارت فترة شك وين فطوووم ويوم عرفنه انها طلعت قمنا كل الي في المجلس ندور عليها لانها صغيرة مثل ما قلت وانتوتعرفوووون السوالف الي تصييير المهم تقسمنه فرق وانه كنت مع امي واختي ليلى وزينب ووحدة من بيت الجيران المهم احنا نمشي ونسال ما شفتو ياهلة صغيرة تمشي عليها اصفر كنه نسال رجال في النهاية احنا تعبنا قلنا هذلين اليهال الي عند البرادة اخر ناااس انه ضحكت عليهم رجال ما عرفوو عن الجاهلة الحين الجهال بيعرفوووووون المهم لما سالناهم يقولول لنا الجاهل اييييييي انتو توكم جايين تدورونها من زمان خذوها الشرطة قامو يدورونكم ما حصلوكم الحمدلله تطمنه بس من الي بيروح اجيبها ابوي في الشغل كان يرجع الساعة 11 ونص قالت امي لعمي يروح يجيبها راحو للشرطة فقالو لهم حولوها على شرطة المحافظة الوسطى المهم لما راحو اهناك قالو لهم انه ما يصير يستلمونها ما يصير ال ولي امرها بس امي ما تدلي الشرطة المهم قالت لولد عمتي ورحنا وياه واحنا في الطريق عبالنا انها الحين في الشرطة يا نايمة او تصييح بس المفاجئة كانت غير تصدقوون عمي الي تموت عليه ما رضت يا خذها عجبها المكان ههههههههههههههه بس لكن اكيد اخذناها في النهاية في تفاصيل شوي ما قلتها واهي وايد حلوة بس المهم هذي سوالف اختي فطووم اذا تبوون تعرفوون غيرها قولو لي وانه بكتب لكم سوالفها Quote Link to comment Share on other sites More sharing options...
حنين العمادي Posted يوليو 5, 2005 Report Share Posted يوليو 5, 2005 ثانكس على القصة Quote Link to comment Share on other sites More sharing options...
سارو الهبلة Posted يوليو 5, 2005 Report Share Posted يوليو 5, 2005 ثانكس ع القصة Quote Link to comment Share on other sites More sharing options...
زهره العجم Posted يوليو 5, 2005 Report Share Posted يوليو 5, 2005 خخخخخخخخخخخخخخخ مشكوورة حبيبتي على القصه Quote Link to comment Share on other sites More sharing options...
ronaldinho Posted يوليو 5, 2005 Report Share Posted يوليو 5, 2005 حلوووه القصه Quote Link to comment Share on other sites More sharing options...
el reem Posted يوليو 5, 2005 Report Share Posted يوليو 5, 2005 ههههههههههههههههههههههههههه الله يقطع سوالف اليهال الحمد الله يابوها الشرطه ثانكس عل القصة Quote Link to comment Share on other sites More sharing options...
محرقية فخورة Posted يوليو 9, 2005 Report Share Posted يوليو 9, 2005 هاذي ياهل وتسوي هلون شلون لو كانت عودة هههههههههههههههههههههههههه Quote Link to comment Share on other sites More sharing options...
نواه Posted يوليو 9, 2005 Report Share Posted يوليو 9, 2005 بس انت ما تقول الى الحمد الله لانكم حصلتونهاااااا سالمه غانمه ما عليهااااا شر وعموما مشكور على القصه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.