solidad555 Posted يوليو 16, 2005 Report Share Posted يوليو 16, 2005 بالعكس يفضل انج تتحاشين الشخص اللي يغلط عليج اوكي انج تردين السلام واذا احد غلط عليج ردي عليه باسلوب يخليه يتفشل من روحه اسلوب هادئ وبكل بساطة قولي له وانتي تبتسمين مشكور وماقصرت والله يسامحك Quote Link to comment Share on other sites More sharing options...
محرقاويه عسل Posted يوليو 16, 2005 Report Share Posted يوليو 16, 2005 باسألج حبيبتي سؤال ،، هالدنيا احنا شماخذين منها ،، مو ماخذين منها شي الا العمل اللي سويناه سامحي الناس اليوم و عذريهم دامج تقدرين ،، و سألي روحج سؤال ،، هل اهم يستاهلون يشيلون ذنبي دنيا و آخره بس لاني شايله في قلبي عليهم و حاسه انهم ظالميني صيري انتي احسن من الناس ،، و لا تقولين كرامتي ،، و عزة نفسي الاجر اللي بتلاقينه و السمعه الطيبه و شهادة الناس كفايه انهم باجر بعد عمرن طويل بيذكرونج بالخير ،، اهم من الكرامه ،، و ماعتقد بالتسامح كرامتج بتنهز ،، مثل ما قلت صيري انتي احسن منهم ( و خيرهم الذي يبدأ بالسلام ) و طبعا محد يعرف شنو في قلب الثاني ،، و محد يدري انتي شنو اللي في قلبج و اذا هالشي من قلبج و الا لا بس الله يعرف انتي شنو نيتج و الله يعطيج على قد نيتج عساج عالقوة Quote Link to comment Share on other sites More sharing options...
Miss Seven Posted يوليو 16, 2005 Report Share Posted يوليو 16, 2005 هلا ولله .. يقويج عيني .. احنا بخير دامج بخير .. إنتي شلونج ؟ عساج طيبة بس ولله بصراحة مادري شقولج .. اللي أعرفه بس من خلال كلامج .. أن لج قلب كبيـر إنتي من النوع الحسااس وايد واللي يتأثر بسرعة .. يعني مستحيل يكون قلبج أسود مثل ماتقولج أمج أو مثل مايقولون لج اللي حواليج .. إنتي دام تعرفين أن اللي تسوينه غلط .. يعني بسهولة تقدرين تبدلين تصرفاتج .. والإعتراف بالذنب فضيلة .. وكلنا نزعل ونضايق لما نجوف الشخص العزيز علينا يسيء لنا شيء طبيعي بنتكدر .. والشيء طبيعي أن احنا راح نسامحه ونتقبل أسفه خصوصاً لما يعتذر .. نصيحة حبيبتي .. الدنيا ماتسوى إنج تتهاوشين مع فلان وماتحاجين علان وتسبين فلتان ولله ولله ماتسوى !! لا تسفهين في كل الأوقات .. أنا وحدة أقولج طنشي .. بس مو الكل اطنشينه .. في أشياء وايد ماتطنش وخصوصاً أهلج وربيعاتج وصديقاتج اللي حبيتيهم وحبوج .. تذكري دايماً أن ماكو شيء في الدنيا يسوى إنج تزعلين روحج دامج بصحة وعافية .. وحاولي من اليوم وساير تغيير معاملتج إلى الأفضل .. لما أحد يسلم عليج ردي عليه السلام ولو عساه من كان .. وأكيد راح تتغير نظرة الكل لج .. عساج عالقوة عيني .. أدري طولت عليج وايد .. Miss Seven Quote Link to comment Share on other sites More sharing options...
زهور البستان Posted يوليو 16, 2005 Report Share Posted يوليو 16, 2005 الله يقويج ،، أختي الغاليه ،، تتحاشين إللي أساء لج ،، أفضل بـ ألف مره من إنج تردين الإساءه بـ إساءه أكبر ،، أنا أجوفها شي عادي إنج تتحاشين الشخص إللي يضرج ،، بس لو بـدأ السلام ،، مو حلوه إنج ما تردين ،، لأن السلام لله ،، حاولي قد ما تقدرين إنج ما تبينين له إنج مستحقرته ،، لا ،، خليه يحس مدى بياض قلبج وطيبته ،، خليه يحس ،، إن مهما سوا ،، تظلين إنتي أحسن منه ،، مهما تعرضتي من إساءه ،، خلج أقوى ،، وقولي ربي شاهد ،، وعالم بـ كل شي ،، وربي ما يضيع حق مظلوم ،، حاولي تكونين طبيعيه ،، لما يسلم ،، ردي السلام ،، بس أهم شي ما تبدئينه عشان عزة نفسج بس ،، حبيبتي ،، قلبج عود ،، وكفايه إنج حاسه بـ الذنب والغلط ،، حاولي تكونين على طبيعتج وطيبة قلبج بينيها أكثر ،، كل ما تحسين روحج متضايقه من تصرف ،، قولي في داخلج أبي أكون أحسن من هـ الشخص ،، ما أدري شنو أقول بعد ،، غير الله يوفقج في كل خطوه ،، أوافقج الرأي اختي .. والله الدنيا ماتسوى احنا شنبي من الدنيا .. Quote Link to comment Share on other sites More sharing options...
علاية Posted يوليو 16, 2005 Author Report Share Posted يوليو 16, 2005 سوليداد555 و محرقاوية عسل ومس سفن اشكركم على تفاعلكم معاي وردودكم أثرت فيني وايد عنت لي الكثير كلامكم حلو وراقي وعلى فكرة كلامكم ذي يبين ان الدنيا بخير وان في قلوب طيبة مثل قلوبكم الله يعطيكم على قد نيتكم ومشكورين على المرور الطيب هذا Quote Link to comment Share on other sites More sharing options...
دلع miss Posted يوليو 16, 2005 Report Share Posted يوليو 16, 2005 مرحبا اختي انه حبيت ارد ع موضوعج لان انه بطبيعتي تقريبا نفسج,, وحصل معي موقف قبل جم سنه مع شخص قريب مني او تصير لي بالاصح,, وهذه الشخص وجه لي اهانه ما ينسكت عليها في مكان عام مع اني ما كنت غلطانه,, ومن بعد هذه الحادثه بديت اتجاهلها وحتى سلام ما اسلم عليها لان بالصراحه اللي سوته فيني مو هين وكانوا خواتي ينصحوني اني اكون احسن منها وانسى السالفه لكن,,, انه بطبعي ما احب احد يجرحني بس مع مرور الوقت حاولت اتناسى الموضوع وابتديت الحين اسلم عليها واحاول اكون احسن معاها,, وانه بعد انصحج انج اتكونين احسن من اللي يجرحونج وحاولي انج ما تحتكين معاهم بس اذا صار وقابلتيهم صيري احسن منهم,, بالتوفيق,,, Quote Link to comment Share on other sites More sharing options...
علاية Posted يوليو 16, 2005 Author Report Share Posted يوليو 16, 2005 مس دلع اشكرج على المرور الحلو ذي بس على فكرة ترا صؤاحة بهل الزمن انا اشوف اذا صرنا اوكي مع اللي ضرونا وأساؤا لنا مانستفيد بالعكس ننضر زوود استغفر الله العظيم ربنا نهانا عن قطع الأرحام والمعرووف وأشياء عظيمة غيرها،،، بس صراحة في أهل ماينفع معاهم الااا القطيعة من كثر حسدهم وغيرتهم ومشاكلهم والله الواحد مايدري شيسوي؟؟؟؟ وانا ماعتقد ان بصير اوكي مع احد ،، القرار اللي اتخذته احسه منصف الاا وهو : اني بسلم وببتسم للي ضروني وأساؤا لي بسسسسسسسسس بدون لاأكثر معاهم وأحتك اكثر من الاازم Quote Link to comment Share on other sites More sharing options...
banoota cool Posted يوليو 16, 2005 Report Share Posted يوليو 16, 2005 الله يقويج ،، أختي الغاليه ،، تتحاشين إللي أساء لج ،، أفضل بـ ألف مره من إنج تردين الإساءه بـ إساءه أكبر ،، أنا أجوفها شي عادي إنج تتحاشين الشخص إللي يضرج ،، بس لو بـدأ السلام ،، مو حلوه إنج ما تردين ،، لأن السلام لله ،، حاولي قد ما تقدرين إنج ما تبينين له إنج مستحقرته ،، لا ،، خليه يحس مدى بياض قلبج وطيبته ،، خليه يحس ،، إن مهما سوا ،، تظلين إنتي أحسن منه ،، مهما تعرضتي من إساءه ،، خلج أقوى ،، وقولي ربي شاهد ،، وعالم بـ كل شي ،، وربي ما يضيع حق مظلوم ،، حاولي تكونين طبيعيه ،، لما يسلم ،، ردي السلام ،، بس أهم شي ما تبدئينه عشان عزة نفسج بس ،، حبيبتي ،، قلبج عود ،، وكفايه إنج حاسه بـ الذنب والغلط ،، حاولي تكونين على طبيعتج وطيبة قلبج بينيها أكثر ،، كل ما تحسين روحج متضايقه من تصرف ،، قولي في داخلج أبي أكون أحسن من هـ الشخص ،، ما أدري شنو أقول بعد ،، غير الله يوفقج في كل خطوه ،، Quote Link to comment Share on other sites More sharing options...
خفيفة جدا Posted يوليو 16, 2005 Report Share Posted يوليو 16, 2005 (edited) بكل بساطة إذا السالفة ما تستاهل ، أنسى اللي صار وإذا السالفة كبيرة >> فلكل حادث حديث أكيد لي تصرف ثاني بس ماراح اقول مثلج : هذا قاهرني .... إلخ أنا أعتمد الصمت والسكوت أسلوبا للرد والشاعر يقول : قل في مسبتي ما شئت فصمتي عن اللئيم جواب ما أنا عادم الجواب ولكن ما من أسد يجيب الكلاب وشكراااا لج تحيااتي،،، Edited يوليو 16, 2005 by خفيفة جدا Quote Link to comment Share on other sites More sharing options...
ملاك الصعب Posted يوليو 17, 2005 Report Share Posted يوليو 17, 2005 الصراحه ما ادري شقول لج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.