مناير9 Posted يوليو 24, 2005 Report Share Posted يوليو 24, 2005 هلا وغلا باحلى اعضاء حبايبي يبتلكم اليوم قصه متسلسله الفصل الأولى : ريم حبيبتي انشالله مافيهم الا الخير ... ادعليلهم رفعت ريم راسها واهي تطالع عيون اخوها انقبض قلبه بقوه عليها وتمت ساكته بدر حس بدمعاته يتدافعون لبرا قام عن اخته خاف لا تشوف عيونه و تحس بضعفه وريم تتجول عيونها على الرايح والياي تمنطر اي احد ايي ايطمنها قولو لي اي شي ... اي شي بس طمنوني يات نرس قامت لها ريم تركض : قولي شلونهم شصار بس ويه النرس ما كان يبشر بالخير النرس لبدر : اخوي راجع الدكتور لحالة الوالده ريم بخوف : شفيها امي شصار قولي .... وتذكرت ابوها : وابوي شصار عليه ..... تكللللللللميييييييي النرس: ابوج عطاكم عمره انهارت ريم بنوبه من البكا بدر ماقدر يمسك عمره حظن اخته وقعد يهديها واهو يبجي معاها ماعاد يهمه انها تشوف حالته ما كان يبجي على ابوه كثر ماكان حال اخته معور قلبه بدر علاقته بابوه ماكانت ذاك الزود ... كان على خلاف معاه ومهما كانت امه تحاول تصلح بينهم ماكانت تقدر ..امي !!! امي مادري عنها قام بدر وخلى اخته على حالها اللي يعور القلب مع يدته واهله اللي كانو في المستشفى و قام للدكتور وعرف منه ان امه ماراح تقدر تمشي مره ثانيه لان الحادث تسبب لها بشلل نصفي وتسبب بموت ابوه خلص بدر اجراءات المستشفى وراحو البيت اللي خلص ماعاد نقدر نسميه بيت كان جو حزن الايام تمشي ببطئ على العايله حزن مو طبيعي صج ان ام بدر فقدت الحركه بس و ابوه هو اللي توفى بس ام بدر كانت سبب حزن عيالها اكثر من ابوهم الاسباب كثير اولها ان بو بدر ماكان الابو الحنون اللي اذا صار شي تبكي على ريله و لا الابو اللي تقعد معاه في لمه عائليه بعد العشا وتسولف له وتفضفض شسويت في يومك لا كان الابو اللي اقدر اسميه الصخر رمز للقوه وكان عنده هيبه كانو عياله مايرتاحون معاه غير عن امهم اللي كانت رمز للحنان و العطف وكانت اللي ماليه البيت عليهم بحبها ثانيها الحزن اللي سببه لامهم قبل لا يتوفون بفتره بس يوم عرفت بزواجه عليها واللي زاد المها ان الزوجه من زمان من سنين ..... الله يابو بدر كنت تخدعني كل هالسنين ذي اللي تجازينه به .... يوم طحت محد عابلك وحط باله عليك غيري .... ويوم كانت ايامك صعبه كنت انا اللي اوقف يمك .. طبعه القاسي استحملته سنين .. الله يسامحك.... ويرحمك الايام مشت ببطئ حتى انها ما ممشت زححححفت زحفت الايام لي طاف 6 شهور على الحادث خلاص بيت الغاوي خلاص نقدر نقول فهمو الوضع اهم مافهموه يمكن تعودوا عليه وتعايشوا معاه بدر: ريموووووو ... ريماااااان وويعه قووووومي ريم: اوهوووووو بدر فج عني الحاااااله صععععععبه في حجرة ريم الساعه 6 ونص الصبح المنبه يرن والتلفون يغني مذهللللله ماهي بس قصة حسن رغم ان الحسن فيها بحد ذاته ..... مشكلللللله وبدر ايصارخ شوي و يغني مع التلفون شوي من قلللللب مشكله غصبن عنها بطلت ريم عيونها بدر واهو يضحك على شكل اخته ويا كشتها وويها اللي كله رقاد : صباح الخير حبيبتي ههههههههههههه ريم واهي فيها صيحه على حره على ودها تقوم تطقه طققق ما طقوه غنم في العيد <<< شهالتشبييييه البليغ ريم رفعت راسها طالعت اخوها : شفيييييييييييييييك ... وردت حطت راسها على المخده بتنام ركض لها بدر : وين وين وين ناويه تكملين ؟ قووووومي يلا .....ما ندللللللع بناااات من الصبح وردي على هالشيما عورت راسنا من صباح الله خير مذهلللللللله اللي يسمع عاد يقول هيفا ولا اليسا مو جنه شيموووو .... يلااا قووووووومييييي اليوم مدرسه ولا نسيتي الشيخه ريم : اووووووووووووووف منك انت ويا هالسباله ردت على التلفون : هااااااااا انتي ريم حطته على السبيكر لان مافيها شده وحذفت التلفون شيما: ويييييييي شفييييييييييييج cheer up صااار الصبح لازم نقوم يلا يلا يلا ريم: شهالنشاااااااااااااط والله انكم متفرغيييييين من الصبح .. اول مره اشوف احد مستانس من الصبح شيما : اذا مر يومون ولم اتذكر به ان اقول صبااااااااحك السكر بدر: صبااااااااااااحك سككككككككككر ..... صباحك سكرررررر شيما : ............... بدر؟ بدر: اييييييه شيما : تعاني مثلي؟ بدر: هههههههههههههههههههههههههه ..... انا اختيييي قالها المثل مالك بد من خشمك لو كان عوي انتي اللي شلج مرافجتها هالدبه السباله خلصوووو البنات ريم: ويييييييي مالت عليييييييييييك ودك بنص جمالي حق مرتك مالت على هالويه شيخة البنات ذي اللي مو عاجبتك بدر + شيما : هههههههههههههههههههههههههههههههههه بدر: ايييييييه هالهواااش قمتي بعيييير اقصد حصااان حق المدرسه لا شيما : guyz يلا يلا قومو بسرعه انا ماشيه now انطركم تمرون علي مو تنسوووون يلا ريمان قومي برزي باي طلع بدر عن ريم اللي قامت وبدلت وبرزت لبست المريول كان اول يوم دراسه بعد عطلة الربيع وبدل ما الناس كلهم مستانسين ومتفائلين وفرحة اول يوم ريم نزلت على الدري : اوووووووووووووووووووووووووفففففففففف يعني لاااااااازم نروووح المدرسه .... طولوها شوي بعد .. بيموتون يعني بدر يقلد شيما ويحرك شعره ويده : baby cheer up honey come on ريم خزته بنظرررره يعني وقتك الصبح يعني وباست امها ويدتها على راسهم وقعدت على طاولة الاكل مالها خلق تاكل شي بس لااازم هالروتين اليومي ام بدر: ريمي قلبي اكلي شوي ... شوفي شكلج والله .... بعد اسبوع وتختفين بدر طالعها بنص عين : تختفي ؟!؟؟!؟! هههههههههههه والله قووووووويه يمه تختفي عاد ... شيخفي هالدبه ريم طقته على جتفه بقوه من حرتها عليه من الصببببح مو يايز عنها بدر : آآآآآآآآآآآآآآآآآآآآآآآآي شهالرررررررقه انتي بنت انتي الله يالجذب يابدر اذا ريم مو بنت عيل من البنت؟ ريم كانت نقدر نقول قطعه من القمر ولو انها شيطانه شوي وكسلانه شووووووووي وفيها دفاشه يعني بس يهاله لانها توها صغيره ذي اخر فصل لها في المدرسه عمرها 18 سنه وملامحها عربيه اصيله العيون الوسيعه الذباحه السوده الكحيله وشعرها الناعم وجسمها اللي من مشيتها تحسها فرس عربيه مغروره ومفتخره والصراحه يحق لها بس بعد على هالجمال كان ريم طييبه بشكل مو طبيعي وقلبها رقيييييق وتصدق بسرعه كان بدر سرحان في ريم ريم : ويييييييي وين رحت .... قولي سحرت بجمااااااالي ,,,, عيونك الحلوه ,,,,,, وهي ترامش بعيونها بدر : تصدقين ايه ... ريم طالعته بنص عين بدر: تشكين يعني ... ليش في احلى منج اسرح فيها؟ ام بدر: ويييييييييييييييي شهالحب .... مااااقدر ماااقدر ... بس جنهم طلعوني من الباب الشرقي بدر: ههههههههههههههههههههههههه ريم: انزين يلا قووووووم .... عور راااااااسي محمد عبدووووو يدتهم : ووووه من ذي ؟ بدر: هههههههههههههههههههههههههه اللي يزاااعق في تلفونها ... اونه مذذهلللله ام بدر : فديييييتها قول ماهي بمذهله بعد الا فديت بنت علي بن فضل مذهله ونصين بعد ريم : اووووه يمه انتي معانا على الخط ام بدر : ههههههههههههههههههه افا عليج .... وطالعت الساعه وكملت : قومي قومي ..... من اول يوم متأخره ... خليتيها باجر يعني قامو بدر وريم علشان يلحقون على الدوام ذي اول مره بيوصل فيها بدر ريم المدرسه قبل كان السايق بس هالفصل قرر بدر ان يوصلها بعد ما صارو اقرب من بعض بعد وفاة ابوهم بدر عمره كان 22 سنه اكبر من ريم باربع سنين كان حلووووو من قلب مو بس شكله كان بدر حلو بكل شي حلو قلبا وقالبا على قولتهم يعني اللي يعرفه يحبه اهي خفة دم وحلاوه و كريزمااااا <<< اخرة متابعت ستار اكاديمي المهم يعني من الاخر يدش القلب ..... ويتربع فيه بعد <<< حبته خلاص ريم: لا تنسا شيوووم بتكلنا ان مامرينا عليها بدر : حلاتها ننساها .والله مقلب ,,, يلفت على ريم : نسويهااااا؟!؟؟! ريم : ويييييي طالع ذي .. حزتها مقالبك من الصبح اتصلت ريم لشيما واهم كانو عن بيتهم شيما سمعت الرنه سلمت على امها ويدتها وابوها والاهل اللي قاعدين من الصبح ونزلت بسرعه طلعت من باب الفيلا كالعاااااده شيما اللي يعرفونها كلها نشاط وحيويه وضحك ولعب بالابتسامه العوده ومشيها السريع وشعرها الاشقر يتمايل معاها دشت شيما السياره وبابتسامه : قوووووووووووووه ريم رافعه حاجب و بدر يضحك بدر: يقوووووويييييج شيما : شلوووونكم شخباركم شمسويييين ... وتلفت على ريم : والله ولك وحشه طول الوقت يازييين بدر يكمل معاها : ان غبت لك وحشه وان كنت امام العين ريم : ابي افهم انتي وياه من وين نشاطكم من الصبح والله انكم متفرغين بدر يكلم شيما واهو معفس ويهه : رفيجتج ذي مادري متى بتهد عنها النكد شيما : ريمااانييييي حبيبتي اليوم يوم يديد ... فرص يديده افاااااق يديده ... صدددف يديده استغليها ... عيشي حياتج gurl ريم: طااااالع انتي.... سامعه مريم نور من الصبح انتي؟ شيما : ههههههههههههههههههههه والله انج تحفه من الصبح ويا هالمزاج بدر: خذيها معاج خذيها ... حطيها مزهريه ... منظر اي شي دامها تحفه ... بس عاني معاها انتي ووصلو المدرسه نزلوووو من السياره لربعهم وبدر كمل دربه للشركه دامهم للحين مابدو الجامعه وبعدين بيرد البيت ولين يخلص الدوام بيرد ياخذهم وفي المدرسه البنات كلهم عيونهم على بدر اللي نزل ريم وشيما من سيارته ....... : وااااي ياقلبي واحد كشخه و سياره كشخه ,,,,,, ويطالعون ريم : واخت كشخه ههههههههههههههه اما الشباب اللي متيمعين عند المدرسه نفس كل يوم الصبح ومن اول يوم دراسي فكللهم عيونهم على البنتين القمرين اللي نزلوا سلمو على ربعهم والبنات والدوشه والحاله واللي يسلمون علة بعض وحالات غريبه من اول يوم ورن الجرس تررررررررررررررررررررررررررررررن بدت اول حصه شيما : ونااااااااااااااسه رجعنا مثل اول البنات كلهم يطالعونها ويخزونها .. مينونه ذي ؟ شيما تضحك : ههههههههههههههههه what غريبه احد يستانس من الرده للمدرسه وبعدين فكرت تراها صج غريبه واهم ماشيين شيما وريم وربعهم ويطالعون المدرسه ولو ان مايعترفون بهالشي بس صج وحشتهم المدرسه ووحشتهم لمة الربع وبتوحشهم اكثر لما يخلص ذي الفصل ويطالعون المدرسه بعيونهم ..... بس ريم لمحة شي ماتبي تشوفه تبي تنساه وماتبي تتذكره خلاص .... تبي تطوي هالصفحه ... بس يا ريته يصير ريم تهمس لشيما : شيوم شوفي هناك شيما بعد تكدرت : ريم سوي روحج ماتشوفينها ... ومن اهي علشان تعطينها هالاهميه؟ ريم : اهي اختي شيما : بالاسم بس ومرو يم شهد شهد بنت في الاولى ثنوي مغروره واااااايد ومتكبره و الكل ينفر منها ومن اسلوبها ومن كل شي .. صح ربي انعم عليها بجمال بس ماكان يهم احد جمالها ... لان نفسها مو نظيفه .. اللي يميزها بسسسس انها اخت ريم من ابوها هالجرح اللي جرحها اياه ابوها يوم اكتشفت ان متزوج على امها من زماااان .. من زمان وايد ... من يوم كان عمر بدر ثلاث سنين ... تزوج من موضي ... موضي ما تفرق وايد عن شهد بنتها نفس الطبايع الخايسه .... موضي ماتزوجت عبدالرحمن الغاوي بو بدر حبا فيه ... اتزوجت مغصوبه بعمر صغير تزوجته وعمرها 16 سنه يعني بعمر شهد الحين ... تزوجته لان اقنعوها ان السعاده بالمال وبس واغصبوها على بو بدر بالسر طمعا فيه شيما : ريم ماتسوى ذي تتضايقين عليها والله ريم : .................... شيما : فديت قلبج والله شهد من زود النذاله يوم مرت صوب ريم وقفت وبملل ومن غير نفس : هااااي اختي ريم بنفس الطريقه : هلا شهد : شلونج شيما بعدم اهتمام : سوري لازم نمشي علينا حصه الحين خزتها شهد وردتها لها شيما نجلا رفيجتهم : ياربي شهالاخلااااق مااستحملها والله العظيم شيما وهي تحرك شعرها الطويل اللي رابطته ذيل حصان : مااااتهمنااااا مو ريم؟ ريم : ومن اهي علشان تهمني .... اخر عمرهم هالاشكال يهموني ابتسمت شيما وكنها ارتاحت وراحو صفهم دشو البنات صفهم وعلى في اخر حصه معلمة الاحيا تشررررح واهي مندمجه بشكل رهيب في الشرح والبنات اللي ترسم في دفترها وكل وحده الدفتر حالته صعبه اللي قلووووب ورماح واسهم وسيوف واللي تطرش لربعها رسايل بالاوراق وحركات النذاله من اول يوم اللي تقص المحايه وتحذفها على بنت منتبهه واللي تغني بنص الشرح واللي تحن على المعلمه : معلمه حماااام بليييييييييييييييز المعلمه: ايه ده .... صف ده ولا ايه .... مالكم ماشبعتوش لعب ولا ايه ... خلونا في الجد بقاااا الجرس : تررررررررررررررررررررن طلعو البنات من الصف وتوديعات عند الباب مال المدرسه وكل وحده تدور على سيارتها شيما : ريمان كاهي سيارة بدر ريم : ايه والله يلا باااااااااي بنات سي يو باجر شيما : بااااااي تيك كير ركبو السياره شيما : اااااااااااااااااااااااااااااااااه بدر يضحك : ويييييينه نشاط الصبح ويقلدها ويحرك راسه : فرص يديده و افاق يديده شيما بملل : whatever بدر : ياويييييييليييييي عالشقرااااا ريم : ههههههههههههههههه ووصلوا عند بيت شيما شيما بطلت الباب وريم بعد التفت بدر : ويييين ؟ ريم : وييييييييي ماقلت لك اني بانزل عندها بدر : لا والله ... قولي والله بس شيما : والله هههههههههههههههههه بدر : سكتي يالملقوفه ريم : فديتك اخوي حبيبي والله شيما فتحت الباب بيدها تالي رفسته بريلها بدر : هههههههههههههههه ربع والله ربع ..... عنبو ابليسكم انتو بنات انتو ونزلو البنتين بيت شيما شيما وهي تفتح الباب : home sweet home ودخلو :السلام علييييكم عايلة شيما بنت علي التركي ابوهم علي بن فضل التركي وامهم مريم وعيالها السته في عين العدو ان شاء الله اكبرهم فضل اللي عمره 25 سنه ويشتغل في الشركه المشتركه بينهم وبين ابو بدر عبد الرحمن الغاوي الله يرحمه واللي الحين صارت ملك ورثته و اصغر منه بثلاث سنين عيسى وكان للحين في الجامعه يدرس هندسه بعدين رهف اللي عمرها 20 سنه وبعد جامعه وبعدين شيما و بعدها فوز اللي عمرها 16 سنه واصغرهم واخر العنقود مشعل دلوع العايله وحبيب امه مع شطانته وعمره 10 سنين ام فضل : هلا وغلا والله .... هلا بهالحس والطاري ريم واهي مبتسمه وتبوس راس ام فضل : هلا ماما حبيبتي وحشتيني ام فضل : باين يالقاطعه ... اشوفج مطيحه عندنا ريم ضحكت بحيا وراحت سلمت على بوفضل وباسته على راسك ريم : هلا يبه شعلومك الغالي بو فضل : علومي زينه ياكل الزين انتي .... حياج يبه يلسي شيما : عيل اطلع عنكم انا .... شكلها سااااده مكاني ريم ... اشك اهي بنتكم ولا انا فضل يدني لشيما علشان تقعد يمه ويم فوز اصغر البنات : حياج يلسي معانا في صفه المهمشين .... ريم هني وتبين حد يعطيج ويه فوز : روح يبه .. انت محد يبيك كيفك ... انا غالية ابوي ومحد يسواني ,,,, وراحت قعدت يم ابوها فضل : وييييييي طاع ذي .... شهالثقه ويا راسج ... قلنا حلوه بس يعني مو جذي فوز ضحكت وهي لامه ابوها ويه مشعل اخر العنقود : ريماااان هني وانا مادري ريم : وييييي فديييتك تعال حبيبي ,,, وقعد يمها وطاحت فيه تبويس بو فضل : ايه من قدك يالدب .... احلى ثنتين يموتون فيك ذي وذي ( ويأشر على ام فضل و ريم ) ريم تضحك وفوز و شيما غيرانين فوز : وي وي وي اشوف الا صارت من لقا احبابو نسا اصحابو شيما : شكله جذي فضل : ماعليكم منهم ... قومو قومو عازمكم على ايسكريم ههههههههههههههههه فوز : ماناخذ ريمانوووو ,,, وتطلع لسانها لريم ريم : ويييييييييييي الحين عندي امي وابوي وابي ايسكريم ... صج انج فقر تضحك فوز هي وشيما ويروحون ويا فضل ريم من قلب تحب هالعايله تحس بالراحه هني ... تحس بالجو العائلي .. حتى قبل الحادث .. كانت اتيي هني تحس بالحنان اللي ماتحصله في البيت ... مع ان العايله كبيره بس ام فضل وابو فضل كان قلبهم كبير يوسع الكل والكل كان حاس بالحب ودخلت رهف من الباب مع عيسى اللي كانو توهم رادين من السوق ادخلو البيت رهف استانست : ريييييييم هنييييي ريم ورهف كانو يحبون بعض وايد ... يمكن ريم تحسها اختها الكبيره اللي تحن عليها ... اللي تشكيله وتحكليها بعد شيما طبعا ركضت ريم لرهف وباستها ويلست يمها ريم : رهف نروح فوق ام فضل : مسرع مليتي مناااا ريم : افاااااااااااا ماما انا امل منكم .... علني مااخلى منكم انشالله فديتكم بوفضل : روحي حبيبتي ... وشوفي شيما و فوز شكل زعلهم جايد ريم : ههههههههههههههههههههههههههههههههههه رهف ظايعه في الطوشه ريم : يلا قوووومي مشعل : انا بعد بايي رهف : مكرهك يالمتيييييح .... حد اعزمك الحين ام فضل : خلي عنج الياهل رهف : هالكبر ياااااهل ..... صار درام وانتي تقولين لي ياهل ام فضل : رهفووو سكتي عن اخوووج ,,, وتلف لمشعل : عمري تبي غدا انجب لك مشعل : ايه ماما والله يوعااااااان ريم : ههههههههههههههههههههههههههههههه رهف : بللللللل وتقولين لي ياهل ام فضل : خل الصبي يتغذااااا يحتاااج فيتامينات وغذاااا رهف : من عمره سنتين وانتي تغذين فيه تغذين فيه ..... بقا غذوتين وينبطططط وتقعد تدلدق مشعل و تنقزه واهو ميييييت من الضحك شوي ويختنق و تسحب ريم وتركض علشان يشردون عن مشعل فوق واهي تركضو اهو وراها و هي تضحك : ههههههههههههههههههههه زلزاااااااال مو مشعل الكل منشغل برهف و مشعل .... الا عيسى ... اااااااه ياقلبي ياريم .... اه جم نطرت هالنظره ... ويطالعها بنظرات عتاب ... وينج عني انتي .... هنت عليج تتركيني هالايام كلها .... وقطعت افكاره رهف يوم سحبت ريم لتروح فوق ... ذي القصه من تأليفي انا (مناير) حبيت انكم تشاركوني بافكاركم بما انها اول قصه لي بتفيدني اراءكم و مشاركاتكم فلبيز لا تبخلون علي برايكم مهما يكون واتمنى منكم مساعدتي اول محاولاتي .... اتركم معاها وانشالله تنول رضاكم بليز ابي رايكم ... علشان اكمل او لا Quote Link to comment Share on other sites More sharing options...
shai6ano Posted يوليو 24, 2005 Report Share Posted يوليو 24, 2005 والله خوووش تأليف فنااانه بعد يه يه يه مانقدر ثااااااااااااااااااااااانكس على القصه الحلوه Quote Link to comment Share on other sites More sharing options...
*Dooset Daaram* Posted يوليو 24, 2005 Report Share Posted يوليو 24, 2005 مبين عليها انها رووووووووعة كمليههااااا بسررررررعة Quote Link to comment Share on other sites More sharing options...
C00L GIRL Posted يوليو 24, 2005 Report Share Posted يوليو 24, 2005 يسلموو ع القصه ,, Quote Link to comment Share on other sites More sharing options...
5oshgel Posted يوليو 24, 2005 Report Share Posted يوليو 24, 2005 حلوة القصة يسلموو حبيبتي Quote Link to comment Share on other sites More sharing options...
بحرينيه^مزيونة Posted يوليو 24, 2005 Report Share Posted يوليو 24, 2005 مشكووره حبيبتي ووننتظر التكمله Quote Link to comment Share on other sites More sharing options...
الورود الحمراء Posted يوليو 24, 2005 Report Share Posted يوليو 24, 2005 قصة وايد حلوة ويلا نبي التكملة تحياتي(جمال البحرين) Quote Link to comment Share on other sites More sharing options...
مناير9 Posted يوليو 27, 2005 Author Report Share Posted يوليو 27, 2005 مشكووورين على الردوود الحلوه وانشاالله التكمله في الطرييج Quote Link to comment Share on other sites More sharing options...
بحرينيه^مزيونة Posted يوليو 27, 2005 Report Share Posted يوليو 27, 2005 ننتظر Quote Link to comment Share on other sites More sharing options...
بـنـوتـة الـكويــت Posted يوليو 27, 2005 Report Share Posted يوليو 27, 2005 يسلمووو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.