حميدة مندني Posted أغسطس 9, 2005 Report Share Posted أغسطس 9, 2005 >> تخيلوا البنات يخطبون الاولاد << تتفاجأ في يوم وانت قاعد تقرأ كتاب رومانسي وأنواع الأحلام الورديه (يااي) وسرحان في فارسة احلامك على الحصان الابيض.. الا وامك داخلة عليك وتوها جاية من بيت جيرانكم و تقولك : يا ولدي ودي اكلمك في موضوع. . ترد انت بكل خوف : خير يمه؟ .... تقول امك : ترى جارتنا ام خالد تبي تخطبك لبنتها. وانت ماشاءالله كبرت و احلويت وكلن يبيك. ها وش رايك؟ وعاد تنزل انت راسك في الارض و تلعب باصبعك في شعرك (او شنبك) وترد وانت مستحي وخدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك : انا بصراحة ما اشوف في البنت شي. . ماشالله عليها محترمة و وظيفتها زينه وراتبها ممتاز ومن عائلة محترمة ومن البيت للمسجد ومن المسجد للبيت .. ولا عندها سوالف السفر والخربطة ولاتدخن ، يعني بنت ما عليها. . تقول انت : بس يا يمه هي ما شافتني من اول. انا دايما متلطم بشماغي تقول امك : هي شافتك و انت نازل من باص المدرسة (الله واكبر يالروز رايز)... بس ..و سألت عنك وقالوا لها ولد ماهوب راعي سوق و كوفي شوب و ما يطلع الا مع ابوه. و تراها هي وامها جايين يوم الخميس علشان يشوفونك.. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المرآه و تاخذ نص لفة يمين و نص لفة شمال تشوف جسمك و تمشط شعرك وشنبك بدلع (ياعمري) و تقول : اه اخيرا حست وخطبتني. و قبل يوم الخميس تروح انت لكوافيير رجالي وتكون مسوي حجز وتقعد وتصبغ شعرك (هاي لايت) وتزين حواجبك وتجي البيت و تلبس الثوب اللي فصلته عند المصمم (عبده شولق) لثياب الاعراس و الحفلات واللي فيه فتحة من عند الساق وفتحه في الظهر وسيور وذاك المكياج وذاك العطر اللي يشق الخشم و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: لالايا يبه انا استحي ابوك يقولك وهو يطق على كتفك ويضحك يا ولد روح لعروسك إهئ إهئ تقول انت: يا يبه دايما تحرجني انت ... و تاخذ صينية العصير وتدخل المجلس اللي فيه البنت بكل نعومه ورقه ودلع وأدب وتقول بصوت ناعم : احم احم الس السسسلام عليكم (صاير حكيم على غفلة) ترد هي بعد ما وقفت وعليكم السلام ( و هي تطالع فيك وفي كل قطعة فيك) ... و تقولها تفضلي.... تقول هي: وش الاحلى العصير الاحمر ولا الاصفر؟ بزعمها تبي تلطف الجو معك <...تتلصق. تقول انت: كله حلو تقول هي: اكيد كله حلو لانك انت اللي مسويه وبعدين تحط الصينية بسرعة وايدك على فمك وتضحك و تروح داخل بسرعة ياربييييييييييييييه الا اخوانك ينتظرونك و يقولون: ها شلون شكلها تقول انت: واي واي تهبل تهبل حلوة ودمها خفيف و ذوق اهههههااي الا ابوك من المطبخ يزغرط لللللللوووولللللوووووشششش شششش مبروك يا ولدي الا بدخلة اختك العربجية من بره وحاطه عبايتها على كتفها و تقول : خير وش السالفه!! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ وتعطيك كف وتصرخ والله لالعن شكلها اللي جايه تخطب اخوي شباب آخر زمن الا بدخلة امك وتسطر اختك كف وتطلع اختك بالسيارة وتفحط وتروح.... و تمر الايام وانت تجهز ثوب العرس والكوشة وبيت الزوجية وخلال هالفترة تمرك زوجتك بالسيارة تتمشون وتحاول انها تمسك ايدك وانت مستحي ( ومن هناك ودك وبتموت) وانت تقول لا لا عيب احد يشوفنا (يعني لو ماحد يشوفنا ترى عادي) و يجي يوم العرس وتقعد انت في الكوشة وكل الشباب حوالينك يرقصون وشوي الا العفسة قايمة : ترى العروس جايه و ينطون الرجال والشباب كلن يلبس شماغه ويتلطم .. وتدخل العروس مع امها وخواتها (خواتها يتيميلحون قدام الشباب ) وتقعد العروس جنبك وترفع الطرحة (طرحة البسام بصمة ألف) وتقولك: الله صاير مثل القمر ثم تلف وجهك وانت مستحي و يتم الزواج وبعد تسعة شهور الا انت تصرخ في الليل فيك الطلق و يودونك المستشفى وتولد وتجيب توأم وتطلع من المستشفى الى بيت اهلك علشان النفاس <....حركات و تاخذها زوجتك فرصة وتسافر مع البنات ويهيصون قبل ما تخلص مدة نفاسك الله يساعدك الله يساعدك ويكون في عونك و ترجع لبيتك تربي عيالك وتطبخ الغدا لزوجتك وتتخانقون ساعات وتنام و دمعتك على شنبك ويزيد حدة الخلاف وتاخذ شماغك وعيالك وتروح لبيت اهلك و تصلح امك ما بينكم وترجع الحياة مثل اول.... Quote Link to comment Share on other sites More sharing options...
ريم البوادي Posted أغسطس 9, 2005 Report Share Posted أغسطس 9, 2005 ههههههههههههههههههههه حلوة أختي واااااااجد حلوة تسلمين ويعطيش ألف عافية تحياتي ريم Quote Link to comment Share on other sites More sharing options...
مذهلة بحرينية Posted أغسطس 9, 2005 Report Share Posted أغسطس 9, 2005 هههههههه @@ يعطيج العافية @@ يسلمووووووووو @@ Quote Link to comment Share on other sites More sharing options...
ندمانه Posted أغسطس 9, 2005 Report Share Posted أغسطس 9, 2005 تهبل القصه يعطيج العافية Quote Link to comment Share on other sites More sharing options...
C00L GIRL Posted أغسطس 10, 2005 Report Share Posted أغسطس 10, 2005 يسلموو ع القصه ,, Quote Link to comment Share on other sites More sharing options...
danooo Posted أغسطس 10, 2005 Report Share Posted أغسطس 10, 2005 هههههههههههههههههههههههههههههههههههههههههههههههههههههههههههههههههههههههههههههههههههههههههههههههه اي والله هذي النااقص بعد .. انييهم ويستحوون ولا مايبوون يدخلوون العصيير خوووووووش خووووووووووش اختربو الصبيان Quote Link to comment Share on other sites More sharing options...
jessica Posted أغسطس 10, 2005 Report Share Posted أغسطس 10, 2005 ههههههههههههههههههههه حلوة أختي واااااااجد حلوة تسلمين ويعطيش ألف عافية تحياتي ريم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.