تسلم اخوي فهد على هالفرصة عشان نعطي طاقم العمل وجهات نظرنا
بداية
تحية شكر وتقدير واجمل باقة ورد للمخرج احمد الفردان
في اول عمل له على شاشة تلفزيون البحرين يطلع بهالمستوى من الاخراج صراحة شي يشكر عليه
العمل بصورة عامة هادي ومافيه اي تكليف في المواقف اللي تنعرض وكل موقف يمر يعبر عن حياة اي شخص على ارض البحرين
اخوي احمد كلمة واقولك اياها سهل وايد انك تصيح الناس لكن صعب وايد تضحكهم وانت بعملك هذا ضحكتنا من غير مقدمات ومن غير تصنع او تكليف علي الغرير اعطى للعمل نكهة خاصة وصراحة ابدع فيها
العمل ماعليه كلام وخفيف ويذكرنا باعمالنا السابقة اللي كانت تنعرض في البحرين
مثل بث غير مباشر ولكنه اليوم بصورة اجدد وافضل
الى الامام يا طاقم 321 اكشن وخصوصا لمخرجنا الشاب احمد الفردان >>> اتوقع لك مستقبل باهر في السنوات القادمة حافظ على تقدمك وتقبل انتقادات جمهورك الهادفة وليست الهدامة
باختصار المسلسل خفيف وجميل ومتعوب عليه
وجمهور البحرين صعب ارضائهم يا 321 اكشن لكن ولله الحمد قدرتو ترضونا وتضحكونا من غير تصنع او تقليد على الغير
تحياتي