قسم لطرح جميع الاسئلة فنان البحربني خليل الرميثي

[جابر حاجي]

فتح قسم جديد لطرح جميع الاسئلة الفنان البحربني خليل الرميثي لاعضاء بحرين تو دي وشكرأ

 

 

 

تحيات : جابر حاجي

مراقب منتدي الكمبيوتر والانترنيت والبرامج

 

 

[شيماء جناحي]

اشكرك اخوي جابر

 

وانا عندي سؤاال

 

جم كان عمرك يوم اول مره بديت اتمثل ؟

 

وسؤال ثاني جم عمرك الحين ؟

 

 

وثانكس

[Um-ShHaYiB]

مشكور أخوي جابر حاجي

وحبيت أسال فنانا:

1. شنو الأدوار اللي ما مثلها وخاطره يمثلها؟

2. شنو أقرب دور مثله ويعتبره قريب من شخصيته؟

وإنشالله أسئلتي ما تكون ثقيلة على فنانا

[محرقية و كيفي]

هاااااااااااااي انه بعد ابي اسألك بس انشاء الله ما تضايقك اسألتي؟

1- هل شخصيتك الكوميدية والمرحة تكون فقط في التمثيل او في الحقيقة شخصيتك جذي(خفيف دم)؟

2- انت متزوج وإلا لا؟ وعندك عيال ؟ (اذا تبي تجاوب على هذي السؤال جاوب واذا ما تبي وتعتبره خاص انت حر ).

3- في مسلسل دروب... شلون طرت على بالكم المغنية (شمة الخضاري وجاسم الحربان) يوم شيماء سبت قالت (شلون نقوم وشمة الخضاري وجاسم بن حربان يغنون) ههههههههههههه؟

[محرقية و كيفي]

تحيااااااااااتي لك.

[معذبــــ فراقك ـــني]

عندك مسرحيه هسنه اذا عندك وين و من معاك

[خليل الرميثي]

حبيبي جابر حاجي تسلم يالغالي على المجهود اللي تبذله والله يعطيك العافيه وانشالله انكون عن حسن ظنك وظن الجماعة الموجودة ،،،،،،،،،،، تسلمون جميعاً ،،،،،،،،،،،،

Edited نوفمبر 1, 2005 by خليل الرميثي

[خليل الرميثي]

تسلم اخوي جابر على فتح هذي القسم ، اما بالنسبة للأسئلة فأجابتها هي :

1. سؤال شيمو :

عمري اللحين 25 سنة وعمري يوم بديت التمثيل كان 6 سنوات مع مسرحية في نادي الحالة

 

2. سؤال ام صهيب :

الادوار اللي مثلت متعددة ومختلفة وهناك ادوار وايد اتمنى امثله بحيث تكون ادوار جديدة ومو متكررة يعني ماقدمته من قبل ، وبصراحة كل دور مثلته له مكانه وذكرى في قلبي ، واسألتج على عيني وراسي .

 

3. سؤال محرقية :

على ما أعتقد ان شخصيتي مرحة بس شخصياتي في التمثيل فيه جنون زيادة واخذ راحتي ، اما بالنسبة عن انا متزوج او لا فأنا متزوج بس ماعندي عيال وانشالله في الدرب اذا الله كتب ، اما بالنسبة شمة الخضاري وجاسم بن حربان فهذي الشي مو من عندي بصراحة هذي مكتوب في النص الي كاتبه الاستاذ عيسى الحمر وطبعاً جاسم بن حربان وشمة الخضاري يعتبرون اعلام من اعلام الفن الشعبي البحريني ومافي احد يقدر ينكرهم .

 

4. سؤال معذبني فراقك :

هالسنة والله ماعندي مسرحية كان في كلام بس ماصار نصيب واللي الله كاتبه بيصير وعلى العموم خل انريح جم سنة مارحنا الوداع في المحرق مع الفنان سعد محبوب ( بوثنوة ) لأني دائماً اكون مشغول بالبروفات في الابع سنوات الماضية .

 

هذا وتحياتي لكم جميعاً واذا في اي سؤال لا تترددون وانا حاضر ،،،،،،،،،،، تسلمون كلكم والله ،،،،،،،،،،،،

[معذبــــ فراقك ـــني]

مشكور اخوي على الجوبه الحلوه والصريحه

[محرقية و كيفي]

اجوبتك الصريحة وايد عجبتني بس مو غريبة عليك ما دامك محرقي . يسلموووووووووووووو.