ناز دلم Posted ديسمبر 13, 2005 Report Share Posted ديسمبر 13, 2005 يعطيج الف الف الف عافيه عمري وبانتظار قصصج الحلوة بس لا تطولينها تخليني على اعصابي مشكوره عمري Quote Link to comment Share on other sites More sharing options...
MeeMoo Posted ديسمبر 13, 2005 Report Share Posted ديسمبر 13, 2005 ثنكس ع الجززززززززززززء وبانتظاااااااااااار البااااااااااقي Quote Link to comment Share on other sites More sharing options...
مجنونه بكيفي Posted ديسمبر 15, 2005 Author Report Share Posted ديسمبر 15, 2005 مشكورين ميمو و ناز دلم لانه هم اكثر شي متفاعلين معاي راح اكملها لكم لكن بس جزء لانه مافي تفاعل الجزء واحد و ثلاثون :: في اليوم الثاني من الصبح الساعة 8 أمل كانت زاهبـــــة و متكشخــة .. بما ان غرفتها هي مقابلة لغرفة عبدالله .. فراحت لأخوها و دقت الباب .. بس محد رد عليها فدخلـــــــــــت شافت عبودي راقد .. أمل و هي قاعدة عنده على السرير :: عبووووود قوم عبدالله : اووووو خالتي رشا خليني برقد .. خلصنا الجامعة يعني الحين مب لازم اقوم بسرعة .. أمل : قوووووم انا أختك أمل عبدالله و هو يفرك عيونه : أمــــــــــــل أمل : اي قوم بسولف وياك شوي عبدالله : أمرنا لله بقوم .. و بعدين شاف ثيابها و كشختها : يا سلام خيووووو وين بتروحين من صباح الله بالخير .. ؟ أمل : هههه بروح الجامعة اليوم بيقولون لنا النتايج .. عبدالله : اهااااااا .. تدرين أمل انا شكثر مستانس أمل باستغراب : ليش يا خوي ؟ عبدالله : لأن اخيرا صارت عندي أخــــــــــــــــــــــــــــــــــــت .. أخت ولة كل الخوات .. أمل : فديتك و الله .. أحنا اللي لازم نسويه نحاول نرجع علاقة أمك بأبونا .. عبدالله : اي لازم .. أمل : زين قوم تريق وياي .. شوي .. عبدالله : اي تعالي شلون بتروحين الجامعة .. سيارتج عند العمارة اللي فيها شقتكم أمل : اي صج شلون فاتتني ها الشىء !؟! عبدالله : خلاص عيل روحي وية السايق أحسن .. أمل : خلاص عيل .. عبدالله : زين أنتي نزلي و تريقي و انا ببدل بيجامتي و بنزل .. أمل : ابشر و نزلت أمل تحــــت .. فشافت رشا أمل : قوووة خالتي رشا : يا هلا أمل تعالي قربي امل : مشكووووووورة .. رشا : وين على الله حبيبتي ؟ أمل : بروح الجامعة النتايج بارزة اليوم .. رشا : بالتوفيق .. زين أمشي نروح غرفة الطعام نتريق بعدين روحي أمل : اوك يالله و مشوا المطبخ و قعدوا يتريقون .. فدش عليهم عبدالله و وراه أحلام أحلام و عبدالله : السلام عليكم أمل و رشا : و عليكم السلام أمل : وينه أبووووي خالتي أحلام ؟ أحلام : على شنووو اتفقنا حبيبتي قولي لي يمة أمل و هي تبوس احلام على راسها : خلاص سامحيني يمة .. أحلام : مسموحة بنيتي عبدالله : احم احم .. أمي خلاص من أول ما شافت أملووووو نستني أحلام : ههههههههههههه أمل : زين يمة ما قلتي لي وينه أبوي ؟ أحلام : فوق راقد .. أمل : زين ليش ما قومتيه ؟ أحلام : خفت أزعجه أمل : اوك انا بروح الحين الجامعة أحلام : زين لا تتأخرين يمة أمل : انشاءالله عبدالله : و انا بروح فوق اقوم ابوي و بعد ما طلعوا أمل و عبدالله من غرفة الطعام .. أحلام : رشا رشا : هلا أحلام : ودي اقول لج شىء بس ما اعرف من وين ابتدي رشا : ليش شالسالفة ؟ أحلام : يعني احنا وايد مثقلين عليج و انتي في بيتج حتى ما صرتي تاخذين راحة بوجود حسن رشا : تراني بعصب أحلام .. ترى عادي حسن بحسبة زوج أختي .. و أخوي .. أحلام : يعني مو متضايقة ؟ رشا : لا ابد .. تتذكرين يوم عبدالله كان يقول لي .. : خالتي فصخي شيلتج ولة مرة شفت شعرج ؟ كنت أقول له : ما يصير كان يقول لي : زين ليش انتي خالتي و انا حلال عليج كنت ارد عليه : لا يعني انا متعودة ما أفصخ الشيلة لان شعري كريه كان يعاندني و يقول : زين ابي اشوووفه و بقول لج رايي فكنت اعصب و امشي عنه و هو مسكين ما كان يدري السالفة أحلام : هههههههه صج ايام و ذكريات .. رشا : مب جنة عبدالله تأخر ؟ أحلام : اي بروح فوق بشوف شالسالفة ؟ يوم راحت غرفتها : أحلام : شالسالفة ليش ما نزلتوا ؟ حسن : الناس يسلمون في البداية حبيبتي أحلام : السموحة السلام عليكم حسن و عبدالله : و عليكم السلام حسن : يا ولدي ممكن تطلع اشوية بكلم امك عبدالله : اكيد يبة .. فطلع من الغرفة و احلام محتارة ما تدري حسن شيبي منها ؟؟ أحلام : خير حسن : قعدي اول أحلام : قعدنا حسن : احلام ليش للحين تحاولين تتجاهليني .. احنا امس اتفقنا بان نبدا صفحة بيضة يديدة أحلام : انا ما سويت شىء .. حسن : زين خلاص توعديني بان تنسين كل شىء من ماضينا أحلام بنص ابتسامة : اوعدك حسن : بعد ابيج بشىء ثاني أحلام : شنوو ؟ حسن : ديري بالج على أمل و حسسيها انها بنتج أحلام : افا عليك حسن أمل بعيوني حسن: تسلم لي ها العيون حياتي .. أحلام : خلاص الحين يصير اروح حسن : لا بعد بقول لج شىء أحلام : آمر حسن : تدرين متى آخر مرة سمعت كلمة حبيبي من لسانج ؟ أحلام و خدودها حمرت : يوووووووز حسن : لااااا ههههههه يالله قولي لي أحلام : مابي ترانا كبرنا على ها السوالف حسن : بس ترى ما للحب مكان ولة زمان أحلام : أدري حسن : زين قولي أحلام بحيا : انشاءالله حبيبي و بسرعة طلعت من العرفة حسن : ههههههه يا حليلها **************************************** ***** في البحرين :: بالاخص في بيت العايلة .. وصل يوسف البيت و هو مستانس و متشقق من الفرحة .. و بسرعة ركب غرفته نور كانت ترتب أغراضها .. يوسف : هلا و الله بأغلى زووووووووووجة بالوجود نور : هلا فيك حبيبي يوسف : تعالي حبيبتي قعدي يمة بقول لج سالفة نور : ليش شصاير ؟ يوسف و هو قاعد يراويها تذكرتين سفر : .. نور : بنسافر ؟ يوسف : اي الليلة نور : يوووووو يوسف زين ليش ما خبرتني من قبل ؟ يوسف : بس حبيت اسويها مفاجأة بنسافر انا و انتي ثلاثة ايام أيطاليا شرااااايج ؟ نور : و عيالي ؟ يوسف : بيقعدون هني .. نور : حرااام عطلتهم الصيفية بدت يوسف : يالله حبيبتي وافقي .. ترى لا تنسين بكرة ذكرى زواجنا .. لان جذي بنسافر ايطاليا نور : هههههه فديتك و الله صج ما يفوتك شىء يوسف : اكيد اذا السالفة تخص حياتي و هوووواي نور نور أستحت : ... يوسف : زين قومي جهزي أغراضج و انا بروح أخبر أمي و ابوي و خالتي .. عن سفرتنا عشان يديرون بالهم على العيال .. نور : خلاص بجهز أغراضي و أغراضك .. **************************************** ***** خلونا نرد للبنان :: بعد ساعتين رجعـــــــــت أمل من الجامعة و هي مستانسة حيل .. حسن : شالسالفة أمل ؟ أحلام : ها يمة بشري شخبار النتيجة ؟ أمل : الحمدلله نجحت و لا بتفوق .. رشا : الف حمدلله احلام : تعالي قربي يمة ببوسج أمل راست و باست أحلام على جبينها : .. عبدالله : مبرووووووووك أختي أمل : الله يبارك فيك يا خوي حسن : تستاهلين كل الخير بنتي أمل : مشكوووور يبة .. أحلام : زين لازم نجهز روحنا عشان بعدين نروح الشقة نييب كل أغراضكم حسن : اي صج نسيت أحلام : خلاص بعد ساعة بنروح وية السايق وانشاء الله ألقى تفاعل تحياتي..... مجنونه بكيفي Quote Link to comment Share on other sites More sharing options...
MeeMoo Posted ديسمبر 16, 2005 Report Share Posted ديسمبر 16, 2005 ثنكس ع الجزززر وننتظر Quote Link to comment Share on other sites More sharing options...
ناز دلم Posted ديسمبر 17, 2005 Report Share Posted ديسمبر 17, 2005 مسامحه عمري كان عندي امتحان من جذي مادشيييييييييييت يالله حبوبه كملي ويعطيج العافيه Quote Link to comment Share on other sites More sharing options...
د1نة 1لخليج Posted ديسمبر 17, 2005 Report Share Posted ديسمبر 17, 2005 القصة كم جزء؟؟ Quote Link to comment Share on other sites More sharing options...
MeeMoo Posted ديسمبر 18, 2005 Report Share Posted ديسمبر 18, 2005 ثنكس ع الجزززر وننتظر Quote Link to comment Share on other sites More sharing options...
ناز دلم Posted ديسمبر 18, 2005 Report Share Posted ديسمبر 18, 2005 وين التكمله عمري Quote Link to comment Share on other sites More sharing options...
مجنونه بكيفي Posted ديسمبر 19, 2005 Author Report Share Posted ديسمبر 19, 2005 مشكوره اختي ميمو ونازدلم ودانه الخليج وباقي 5 اجزاء وبكملها لكم بس جزئين الجزء الثاني و الثلاثون :: في شقة حسن :: أحلام : يالله يمة أمل جمعي الأغراض اللي محتاجينه بسرعة لان تأخرنا أمل : زين زين يمة اكاني كملت أغراضي و الحين قاعدة أجمع أغراض ابوي أحلام : عفيـــــــة رشا و هي تصارخ : أحلام تعالي هني أحلام : شصاير ؟ رشا : شوفي ها الظرف أحلام و هي تاخذ من رشا الظرف : يبين عليه قديم .. يمكن عمره اكثر من 20 سنة رشا : اي يبين أحلام : وين شفتيه ؟ رشا : ورى ها اللوحة أحلام : اوك خلاص انا باخذه و بوريه لحسن .. يمكن هاي يخصه رشا : اوك انا الحين يمعت كل شىء .. أمل خلصت ؟ أحلام : مدري رشا و هي تصارخ : أمل خلصتي ؟؟ أمل : اي خالتي خلصت كل اغراضي و أغراض ابوي .. بعديــــــــــــــن نزلوا تحت العمارة .. و دخلوا الأغراض في سيارة السايق .. و ركبت أمل سيارتها و راحت البيت .. اما رشا و أحلام ركبوا في سيارة حسن اللي هم كانت موجودة عند العمارة .. و راحوا كلهم البيت .. و هناك نزلوا أغراضهـــــــــم و قاموا الخدامات يساعدون أمل على ترتيب غرفتها و أغراضها .. اما أحلام فركبت دراها و هناك :: أحلام : حسن حسن : عيوووونه أحلام : تعال شوف ها الظرف رشا حصلته ورة لوحة حسن و هو متعجب : اشوف الظرف أحلام : تفضل حسن : اي ها الضرف عطتني اياه المحكمة بس انا ما فتحته .. أحلام : المحكمة ليش شالسالفة ؟؟ حسن : قعدي و بقول لج بعد ما قعدوا يوم انا و خالد دشينا مستشفى العلاج هو توفى مثل ما قلت لج قبل .. و كان تارك وصيـــــــة .. و كانت الوصية اني انا الوريث لكل أملاكــه .. بس انا ما رضيت لان نص امواله كانت بالحرام .. فقلت لهم بان يوزعون نص فلوسه على الجمعيات الخيرية .. و اما الباقي .. شريت وياهم جم أسهـــم و عقارات .. و كنا نعيش انا و أمل في البيت اللي ورثته منه .. و كانت المحكمة ماعطتني ها الرسالة .. و قايلة فيه كل اللي ورثته .. ما همني في يوم بان افتحـــه .. و اصلا نسيت سالفته أحلام : زين الحين فتحه حسن و هي يفتحه : بسم الله أحلام : ..... حسن : هاي مكتوب فيه أملاكي .. لحظة لحظة .. انا عندي 500000 في حسابي .. و مكتوب ان ها الفلوس نقلت لحسابي عن طريق وصية خالد أحلام : .... حسن : ... أحلام : زين انت يوم ييت لبنان استقلت من شغلك ؟ حسن : لا تقاعدت أحلام : تقاعد مبكر .. اي و كانوا يرسلون لي معاشي التقاعدي كل شهر و احنا كنا نعيش عليه .. و على ايجارات العقارات اللي عندي بفرنسا ما كنت اعرف بان عندي ها المبلغ العود في البنك الا اليوم .. علبالي بس عندي جم عقارة و أسهم بس .. أحلام بحزن : زين اللي هدم حياتنا سوى عمل خير فيك عشان شوي يكفر عن ذنبه حسن : غيري السالفة احلام مابي اتذكر الماضي .. أحلام : خلاص انشاءالله *************************************** في البحرين :: نور راحت غرفة امها فشافت أمها و خالتها أم يوسف قاعدين على السرير يصيحون: نور : يمــــة .. خالتي شفيكم تصيحون ؟ محد جاوبها .. فشافت على السرير متناثرة صور أحلام و حسن .. صور زفافهم و صورهم و هم صغار .. و صورهم وية العايلة .. نور : شفيكم حراااااام عليكم .. توكم الحين تذكرتوا خالي حسن و خالتي أحلام .. مرت سنين على فراقهم .. و الأمل ضعف في رجوعهم .. اصلا ما يندرى هم في السما او في الأرض او حتى تحت الأرض .. أم نور : لا تفاولين بنيتي .. احنا طول ها السنين ما فقدنا أمل .. و الأمل بيكون مستمر الى موتنا .. احنا سوينا اللي في وسعنا .. و الباقي على الله .. أم يوسف و هي تبجي : انا أمس حلمـــت .. شفت بنومي أحلام و هي تيي و تحضني و تبوسني و تقول لي رجعــــــــــــــــت لحضنج حبيبتي رجعت .. طول ها السنين و هي على بالي .. نور شفقت على أمها و خالتها و راحت بسرعة حضنتهم و باستهم و جمعت الصور .. و خلتهم في الألبوم .. *********************************** في شخصين عند البحر يمشووووون .. واحد منهم تعب و قعد على صخر عود .. و الثاني بعد قعد عنده .. نوف : الهوااااا وايد حلو أحمد : اي حبيتي وايد حلو و الأحلى هو البحر الله وااااايد حلو نوف : اي حلو .. أحمد : نوووووووووووف رفعي راسج شوفي عيوني نوف : ....... أحمد : أحبج نوف بخجل : و انا بعد أحبج يا شريك عمري أحمد : الايام قاعدة تمر بسرعة و احنا كبرنا .. و عيالنا كبروا مشاءالله نوف و هي سرحانة : تدري حبيبي شنو قاعدة أتذكر ؟ أحمد : شنووووو حياتي ؟ نوف : تذكرت ايام الشباب و الجامعة .. و قصايد الغزل و الحب أحمد : هههه صج زمان .. نوف : مشاءالله كنت موهوب في كتابة القصايد أحمد : أكيد اللي يشوفج حياتي يصير شاعر في الحب و الهوى و الغزل و في كل شىء نوف : شوي شوي علي لا اطير من الفرحة أحمد : مستحيل اخليج تطيرين بعيد عني .. نوف : زين اقرى لي قصيدة من قصايدك أحمد : انا امس كتبت قصيدة .. قولي انشاءالله تكون بمخباي نوف : انشاءالله أحمد و هي يشوف في مخباه : الحمدلله الورقة موجودة نوف بابتسامة : يالله شاعرنا اقرى القصيدة أحمد : سنين مضت على لقائنا .. و الحب لحد الحين موجود في قلوبنا .. و الفرح أصبح صديقنـــــــــــــــــــــا .. يا الحب أنــــــتي .. يا العشق أنتــي .. ياللي روحي ينتفض بحبج .. ترى ذكراج غالي على قلبي .. و فراقج مثل السم على نفسي .. فديتج و الله حيـــــــاتي .. حبـــــــــي و قلبي .. انتي وحدج شريكة حياتي .. تراج عزيزة و لج كلمة من نفس غزيرة .. أحبـــــــــــــــج و الله أحبج أحبـــــــــــــــــــــــج و الله أحبـــــــــــــــــــج أحبـــــــــــــــــــــــــــــــــــــ ـــــــــج حياتي نوف : برااااااااااااااااااااافو أحمد : عجبج حياتي نوف : وااااااااااااااااااااااااااااايد حبيبي .. مشكوور أحمد : فديتج و الله انتي الحب في الحياة .. حبي قاعد يزيد و يستمر مع الايام تجاهج .. نوف : هيه يا دنيا أحلى شىء فيج انج علمتينا معنـــــــــى الحب أحمد : اوووو موبايلي قاعد يرن .. أحمد : الوووووو يوسف : هلا و غلا شخبارك يا النسيب ؟ أحمد : تمام انت شمسوي ؟ يوسف : بخير .. أتصلت على بيتكم الخدامة شالت و قالت انكم طالعين أحمد : اي انا و المدام طالعين يوسف : بغيت أسلم عليكم لاني راح أسافر اليوم وية نور أحمد : صج بتسافرون ؟ وين على الله ؟ يوسف : انشاءالله ايطاليا أحمد : اوووو عيل مرة وحدة ايطاليا يوسف : خفض صوتك يا الحبيب .. ليش انت ما تدري ان ايطاليا بلدة العشاق أحمد : اي قووووول تبي تروح رحلــــــــة حب .. يوسف : يوووووووو خفض صوتك لا تفضحنا .. أحمد : هههههههههه يا حليلك .. زين و العيال .؟ يوسف : بيقعدون وية أمي و ابوي و أم نور أحمد : اهااا عيل ديروا بالكم على روحكم .. يوسف : انشاءالله أحمد : و انشاءالله تردون لنا سالمين يوسف : امين .. سلم على نوف و على العيال .. يالله اترخص لان احنا الحين في المطار و الطيارة عقب ربع ساعة بتحلق .. أحمد : خلاص يوصل مع السلامة يوسف : فمان الله نوف : هذا يوسف ؟ أحمد : اي يوسف .. الحين هو في المطار يبي يسافر وية نور نوف : الله يحفظهم و يبلغهم السعادة في الدنيا و الآخرة .. أحمد : الله يسمع منج انشاءالله .. يالله أمشي نرد البيت نوف : يالله .. الجزء الثالث و الثلاثون :: لقد أعلنوا أنطلاق الطيارة .. و فيها يوسف و نور كانوا قاعدين في فرست كلاس .. يوسف كان قاعد صوب الدريشة .. يوم الطيارة تحركـــت خل يومسف ايده على الدريشة و قال بقلبه : آآآآآآآآآآآآه يا الوطــن .. على ترابج ولدت .. و على أرضك كبرت .. و بلغت عليج غاياتي و أهدافي في الوجود .. و أهم شىء حصلته منج هــو الحــب .. اي الحب .. اللي صار نادر بزماننا .. الحب اللي حسنني بالأمــان في الدنيا .. حب نور هو اللي مخليني أعيش .. تدرين يا بلادي أن ها الحب هو اللي يعطيني دافع لشوفة السعادة و الفرح على شفاتي .. أحبـــج نور .. و الله العظيم أحبـــج .. و بحركـــة فنتكيــة و سريعــة .. يود ايدها و ضغط عليها بكــل رقــــة .. و نـــور أبتسمـــت بدون ما تعرف في شنو كان يفكــر زوجهــا .. و حبيبها يوسف .. ! بعد ساعات يوم وصلوا الفندق كانوا تعبانين حيـــل فراحوا و رقدوا .. ***** في لبنان :: أحلام : خير حسن ليش مسوي لنا أجتماع ؟ حسن : خلونا نقعد كلنا عشان نقدر نتكلم بتفاهم رشا بحرج : أحس أن وجودي ما له اي داعي ! أحلام بعصبية : شنوووووو ها الحجي رشا قعدي الله يهديج رشا و هي محتارة : يمكن الاجتماع بس عايلي ؟ عبدالله : عيل أنتي مو من العايلة خالتي ؟ حسن : اي رشا أنتي منا و فيني رشا : مشكورين أمل : زين يبة خرعتنا السالفة ؟ حسن : الله يسلمكم أحنا لازم نحدد مصيرنا و مصيركم أحلام : شلون ؟ حسن : انا و أنتي أصلنا بحرينييين .. أما عيالنا فجوازهم فرنسي .. ما يصير .. ! و أهلنا مساكين الله يعلم شصادهم ؟؟ و هل هم عايشيين ولة لا .. لازم في نهاية المطاف .. الطير يرجـــع لعشــه مهما طالت فترة الفراق له .. و أحنا لازم نرجع للوطن .. لازم أحلام : الله على الدنيا .. سنين و الله سنين .. أكيد الصغار كبروا و تزوجوا و عيالهم الحين في سن المدرسة .. أنت صادق بكل كلمة حسن .. احنا لازم نرد للديرة .. بلدة غيرنا ما تقدر تستحملنا أكثر من جذي .. المكان الوحيد اللي يقدر يضمنا و يضم عيالنا .. هو وطننا .. ماوانا .. بحريننا .. لازم نرجع عشان نطلع جواز بحريني لعيالنا .. عشان نثبت وجودهم و هويتهم الضايعتـة من سنين .. هويتهم أنهم بحرينيين .. عبدالله : يمة انتي في كل ها السنين .. ما سولفتي لي عن خالاتي و عماتي و خوالي و أعمامي .. ! كل اللي كنت أعرفــه أن يدتي متوفية و أن خالتي رشا أختج الوحيدة .. الحين أبي أعرف الحقيقة أحلام : شوف يمــة .. أنت ما عندك ألا خالة وحدة و عمة وحدة .. خالتك أم يوسف عندها ولد أسمه يوسف و بنت أسمها نوف .. أما عمتك أم نور ما عندها الا بنت وحدة أسمها نور .. أكيد الحين كلهم تزوجوا .. او نسيت بعد أقول لك عندك خالة ثانية عبدالله بغباء : منوو ؟ أحلام : هو يا ولدي نسيت خالتك رشا ؟ الكل : هههههههه عبدالله : على عيوني خالتي رشا .. مكانتها دوم عالية و غالية عندي .. رشا : حبيبي و الله أمل بغيرة : و انا ؟ رشا : و انتي بعد حبيبتي أمل : أحم أحم عبدالله : اي تعالوا و اذا بنرد البحرين شسالفة الشركة و الأملاك اللي بلبنان و فرنسا ؟ رشا : اي شلون ما يصير ؟ عبدالله : لا كل شىء يصير .. نقدر نبيع كل شىء و نبدا بفلوسهم من الصفر أحلام : بس حرام و خسارة تعب كل ها السنين تروح بالفاضي حسن : اممممم صدقتي تدرون ترى نقدر نحول الشركة الى البحرين أما العقارات نبيعها و مثل ما يقولون خيرها بغيرها أمل : و دراستي للمحاماة ؟ حسن : راح تردين هني مع بداية السنة عشان تكملين دراستج أمل : و بروحي ؟ حسن : الى هذيج الوقت يصير خير عبدالله : انزين اتوكل على الله و أحجز يبة حسن : لا أصبر شوي عشان نحدد كل شىء أحلام : تدري حسن انا اقول من الأفضل بان لا ناخذ كل أغراضنا مرة وحدة .. ناخذ نص الأغراض و بعدين أحد منا يرجع و ياخذ باق يالأغراض طبعا بعد أسترارقا في البحرين رشا : زين وين بنسكن هناك ؟ حسن : ها الشىء اللي قاعد أفكر فيه .. تدرون الليلة اللي بنوصل بنبات يا عند أختي أم نور أو عند أخت احلام أم يوسف .. و مثل ما يقولون اذا اصبح افلح .. و انشاءالله من صبح اليوم الثاني بنروح ندور لنا بيت و نشتريه .. و انشاءالله مع الأيام تستقر أمورنا هناك .. عبدالله : يعني الحين أتصل و أحجز تذاكر لنا ؟ حسن : اشفيك يبة مستعجل ؟ عبدالله : هو يبة مشتاق لديرتي و أهلي اللي طول عمري ما شفتهم ولة عرفتهم حسن : انشاءالله بالهداوة بتعرف كل شىء أمل : اقووول عبودي عبدالله : هيي شايفتني اصغر عيايلج .. زين قولي خلصيني شعندج ؟ أمل : لا تنسى تحجز تذاكر درجة أولى عبدالله : هههه ولة يهمج انتي همج الوحيد هو المكان اعرفج أمل : تعجبني عبدالله : اكيد حبيبتي لاني أخوج .. اوو يبة نسيت أسئلك انا لاي يوم أحجز ؟ حسن : حق باجر رشا و أحلام مرة وحدة : شنوووووو ؟ حسن : بسم الله الرحمن الرحيم أمل و هي ميتة من الضحك : هههههههههههههههه خرعتونا رشا : بس ما يمدينا نرتب كل أغراضنا لبكرة حسن : مثل ما قلتوا من قبل ما بناخذ كل أغراضنا مرة وحدة .. جهزوا كثر ما تقدرون .. من أغراضكم .. اللي بتحتاجونه وايد عبدالله بعد ما أتصل على المطار وحجز : يبة حجزت بكرة الساعة وحدة اربع العصــر حسن : الوقت وايد زين مشكور عبدالله : ما سويت الا الواجب أمل : طلع أخوي مادب و يعرف اللباقة في الحجي عبدالله : عيل شتبيني أكون وية ويهج أمل و هي تدلع : احلى منــك عبدالله : الله يعين اللي بياخذج أمل : عشنووووا ليش الله يعينه بالعكس من حسن حظه .. أصلا انت في يوم من الأيام كنت معجب فيني عبدالله : اعجاب أخو لأخــه يا سالبالة .. اصلا مع كل الصرقعة اللي فيج هم بعد أحبج أختي .. أمل : عسى الله لا يحرمي منك يا خوي حسن : تدرون يا عيالي ذكرتوني بمن ؟ أمل و عبدالله : بمــن ؟ حسن : بيوسف ولد خالتكم .. كنا نسميــه المصرقع .. ههه يا حليله مدري الحين تزوج ولة لا ؟ أحلام : اي يوسف .. شكثر مشتاقــة له .. و لنوفو و أم يوسف .. و أم نور و نورووو حسن : اوووووو نورو أم لسانين أحلام : ه حرام عليك أكيد هي الحين تزوجت و عقلت حسن : تهقين تزوجت منو ؟ أحلام : بكرة بنعرف كل شىء حسن : عيل يالله لخونا نروح من الحين نرقد لان بكرة من صالبح عندنا وايد أشغال رشا : يالله مع السلامة .. انا وايد تعبانة جني بضربها نوم ههه أحلام : نوم العوافي انشاءالله أمل : قود نايت مامي آند دادي أحلام : قود نايت سويتي حسن : يالله أحلام سعيدة أحلام : سمعت أسمي .. اقووول حسنو ليكون تزوجت علي سعيدة ؟ حسن : ههههههه لا حبيبتي انت بوجودج في حياتي صارت حياتي سعيدة عبدالله : الله على الحب احلام : يالل جب ور وح أخمــد عبدالله : افا ام عبودي .. ما هقيتها منج أحلام : يالله بوي روح أرقد بكرة علينا وايد أشغال من صبار الله بالخير .. عبدالله : خلاص يبة مانبي الا رضاج و على قولة المثقفة أملوو و هو يغلدها : قود نايت أحلام : حرااام عليك هههه عبدالله : هههههههههه مع السلامة ركب كل من دراه بانتظار و لهفة لليوم المقبل .. و لرؤية الوطــن عن قرب و ضم الأحباب من جديد .. و جمـــع تشتت العايلــــــة واذا لقيت تفاعل بكملها كلها Quote Link to comment Share on other sites More sharing options...
MeeMoo Posted ديسمبر 19, 2005 Report Share Posted ديسمبر 19, 2005 مشكووورلاة وناطرين البااقي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.