Bounty Posted ديسمبر 24, 2005 Report Share Posted ديسمبر 24, 2005 بسم الله الرحمن الرحيم السلام عليكم ورحمة الله وبركاته الدنيا الحين تتطور واحنا مضطرين نواكب هالتطور ومن اهم متطلباته >>> اللغة الانجليزية لكن لو تلاحظون بين الطلبة البحرينيين يمكن ما تلاقون غير 1 من 30 اللي يتقن اللغه الانجليزية الكل عنده عقده منها وكانها طلاسم من الفضاء ليش هل هذا نتيجه الى طبيعتهم ..<< غير قابلين الى تعلم لغات جديدة بصراحه ما اعتقد ما فيه انسان يقدر يتعلم ولكن السوؤ في التدريس خل اعطيكم مثال انا فيه كتاب درسته في british council طبعا الاستاذ كان انجليزي وعقب سنتين صار هالكتاب ضمن منهجنا الدراسي ودرسته نفس الكتاب في المدرسة ومدرسة بحرينية لكن شفت الفرق بعيوني اكيد المدرسة ما صارت مدرسة الا عندها مؤهلات لكن ما تقدر تعطيك كفايه لان هذي مو لغتها الاساسية يعني باختصار هل توافقوني ان لو كان المدرسين انجليز كان الوضع احسن Quote Link to comment Share on other sites More sharing options...
Cherry Bloom Posted ديسمبر 24, 2005 Report Share Posted ديسمبر 24, 2005 أشكرج اختي على إثارة هـ الموضوع طبعاً من وجهة نظري إذا سمحتي لي عامل من العوامل هو أن يكون المدرس إنجليزي لكن عن تجربه عندنه في المدرسه مدرساتنه من الهند وباكستان وهـ الدول وبس عندنه معلمه وحده أمريكية لكن ما أشوف هذي سبب إلى عدم طلاقتنا في الكلام بالإنجليزية ولا هـ السبب يضعفنا في هـ اللغة الأسباب متعدده .. قد يكون منها إن الشخص منا حاط في باله إنه مايقدر يتعلم اللغه ومثل ما تفضلتي من أهم الأسباب المدرسين وسبب حبيت أذكره عندنه يمكن مانستخدم هـ اللغة إلاّ إذا كنا برع الديره أو مع ناس أجانب يعني نادراً مانستخدم اللغة في البيت مع الأهل وهـ الشي يضعف قدرتنا وطبعاً تعتبر اللغة الإنجليزية من أهم اللغات في العالم وأنه يمكن أختلف معاج مو شرط يكون المدرس إنجليزي حتى نتعلم منه ومسامحه ع الإطالة Quote Link to comment Share on other sites More sharing options...
وسمي الفزيع Posted ديسمبر 24, 2005 Report Share Posted ديسمبر 24, 2005 موضوع جميل ونحن بحاجة إلى هذه اللغة حيث أنها أصبحت اللغة الأم في كثير من دول العالم وحتى العربية والتقدم الذي تشهده دول الخليج بحاجة إلى مفتاح للتعامل معه والسر في هذه اللغة لكن قبل ذلك هل سألنا أنفسنا كيف هي لغتنا العربية؟ تعرفون أن هناك دراسة أجريت في مجمع اللغة العربية في جمهورية مصر العربية أن نسبة 75%من العرب لايتقنون لغتهم الأصلية بشكل صحيح وذلك لتداخل اللغات الأخرى وظهور مايسمى باللهجات العامية التي معظم ألفاظها لاتنم للغة العربية بأصل فكيف نريد أن نكون غير قبل أن نكون ذاتنا؟ تحياتي Quote Link to comment Share on other sites More sharing options...
دعوني أعيش! Posted ديسمبر 24, 2005 Report Share Posted ديسمبر 24, 2005 وعليكم السلام ورحمة الله وبركاته،، بكل تأكيد أختي باونتي لو كان المدرس أنجليزي أو على أقل تقدير يكون لا يعرف العربيه مثلاً هندي @ أنا أتذكر يوم كنت في الأعدادي كان مدرس اللغه الأنجليزيه هندي وتأقلمنا معاه أكثر جديه من المدرسين العرب 0 أشكرج أختي باونتي على الموضوع إللي أكثر من رائع 0 Quote Link to comment Share on other sites More sharing options...
nonocat76 Posted ديسمبر 24, 2005 Report Share Posted ديسمبر 24, 2005 انا احس ان الشعب البحريني احسن شعب يتكلم الانجليزي من دول الخليج المفروض الشخص ما يعتمد على المدرس في تعلم اللغه الانجليزيه لازم يروح معاهد او يتعلم بنفسه عن طريق الممارسه دام اللغه صارت مهمه ومن متطلبات كل وظيفه. Quote Link to comment Share on other sites More sharing options...
حلا الدنيا Posted ديسمبر 24, 2005 Report Share Posted ديسمبر 24, 2005 اي اكيد المدرسين الانجليز احسن // و جفت الفرق العوود يوم دشيت الكليه Quote Link to comment Share on other sites More sharing options...
snows_3 Posted ديسمبر 24, 2005 Report Share Posted ديسمبر 24, 2005 اشكرج اختي على اثارة الموضوع.. بس مثل ماتفظل اخواني واخواتي الأعضاء،،يعني في بعض الأحيان يكون المدرس الأجنبي أفضل من المدرس العربي،، وأحيانا العكس صحيح..يعني هل الشيء مايفرضه نوع المدرس وإنما خبرته وطلاقته في المادة الانجليزيه.. بس انه من وجهه نظري أجد انه المدرس الأجنبي أفضل،،خصوصاً بعد مادشيت الجامعه،،وجربت هل الشيء.. بس الشخص هو بعد يعتمد عليه حب التعلم،،يعني اذا حب يتعلم وصارت عنده الجراة وعدم الخوف،،اكيد بيتعلم بسرعه وما بيمنعه شيء او باثر عليه.. وبس،، Quote Link to comment Share on other sites More sharing options...
a7la dala3 Posted ديسمبر 24, 2005 Report Share Posted ديسمبر 24, 2005 بدايتاً .. يعطيج العافية على الإختيا الموفق .. موضوع رائع .. فعلاً إذا بنلاحظ في البحرين .. اللغة الإنجلينزية صايرة كعقدة للطلاب .. خصوصاً الصبيان .. يعني نسبة الأولاد أكبر من نسبة البنات .. يمكن لأنه الأساس عندنا ضعيف .. يدرسون الإنجلينزي قبل من الرابع الإبتدائي .. ألحين جنه سوه من ثاني إبتدائي .. أوكي ذي خطوة جيدة .. لكن حتى الكتب ما تحسين إنه فيهم شي مفيد .. أو إنه شي محرز !! .. يعني الأساس جداً ضعيف .. فيكبرون ما يعرفون عدل .. إذا الأساس مو عدل شلون بعدين يصيرون fluent .. أكيد ما بيصير إلا نسبة ضعيفة .. و اللغة يبي لها practice .. إذا ما كان في practice ماكو فايدة .. تنسون كلشي و ما تتعودون على اللغة .. practice .. يعني لازم تقرون .. لازم تتحجون إنجلينزي .. القراءة كلهم بيقولون كفاية علينا المدرسة .. بعد نقعد نقرى زود .. الحجي بالإنجلينزي .. في ناس لما تتحجى إنجلينزي .. الناس سيدة تقول إلا ذي مصدقة روحه ما يتحجى عربي .. إلا يبي يفوشر إنه يعرف .. ليش تقولون جذي ؟؟ .. تخلف !! .. و يمكن من جانب آخر .. المدرسين إلي يخلونهم .. في بعضهم ضعيف .. و ال pronunciation مالهم يكون خطأ .. فالطاب يقول ذي إستاذي و يكون واثق فيه .. و يتعلم ذي اللفظ .. بعدين لما يقولون له خطأ .. بيكون شوي صعب إنه يقول الصح .. لأنه تعود على الخطأ .. و أنا شخصياً حصل لي ذي الموقف .. بس أنا وحدة ما أسكت .. في الثنوي .. كان عندنا مدرسة إنجلينزي كله تقول خطأ و ميح حدها في الإنجلينزي .. إذا تقول خطأ أعدل لها أنا .. و أتعمد أسألها عن كلمات أعرفهم .. عشان أوهقها .. >> جوف اللعانة بس ! .. بس لو مثل ما قلتي خلو مدرسين إنجلينزي .. صج أهو أحسن إنه بيتقنون اللغة و بيعلمون عدل .. لكن يمكن البعض يحتاج إلى العربي فيتوهق إنه المدرس ما يتكلم عربي .. فهني بيخرس مرة وحدة و إذا جت بباله سؤال ما بيسأل حتى .. أخيراً و ليس آخراً .. مسامحة على الإطالة .. و أتمنى إنه يغيرون المناهج و يحطون مناهج مطورة شوي .. و يحطون أساتدة عدله .. مو كل من هب و دب .. و يعطيكم العافية .. Quote Link to comment Share on other sites More sharing options...
moony girl Posted ديسمبر 24, 2005 Report Share Posted ديسمبر 24, 2005 ايييي أكيد راح تكون لغتنا أفضل <<<< شرايج ياأختي أنه احنا هالكورس في الانج مادرسنا غير شي المعلمة تدخل توزع اوراق حق الدفتر ونلصقهم ونقعد بقية الحصة يااما نكتب احنا بروحنا اواهي تهدر وتبلبل على الفااضي .... ولمن تدخل كل مرة شنو تقول لنا سبرت يور جيرز وي هاف تست على طول عندنا حصتين في الاسبوع وهالحصتين لازم سبرت يور جيرز <<< فرقوا الكراسي حق الاختبار شنو هالحالة وين احنا نتعلم زين احنا مقبلين على مرحلة دراسية جديده الجامعه شلون نروح واحنا اساسنا ضعيف ..... من جذي الكل مايحب هاللغة ... والله لو نعتمد على الدراسة في المدرسة جان ماصرنا شطار في العطل نروح المعهد ويالله نلحق على هالمعلمات ..... شكرا على طرح الموضوع ..... Quote Link to comment Share on other sites More sharing options...
Bounty Posted ديسمبر 24, 2005 Author Report Share Posted ديسمبر 24, 2005 اول شي اشكركم كلكم على مروركم الطيب وتفاعلكم بالموضوع Cherry Bloom اكيد مثل ما قلتي الواحد لما يحط في باله انه يبي يتعلم اكيد يقدر والمدرسه صح مكان نتعلم فيه لكنها مو المكان الوحيد اللي نقدر نطور فيه لغتنا ويمكن فعلا المدرس مو سبب اساسي ولكنه بعد احد الاسباب فيه فرق لما تدرسج معلمه عربيه طول الحصه تتكلم عربي ومعلمه ثانيه تضطرين تتفاهمين معاها بالانجليزي وسمي الفزيع اقدر مشاركتك خوي وانا وياك في لغتنا الام احنا ما قاعدين نستخدمها بالطريقة الصح ولكن مو هذا محور نقاشنا<>> ولكني موافقتك كلامك((فكيف نريد أن نكون غير قبل أن نكون ذاتنا؟)) دعوني أعيش! عدل كلامك خوي<< لانك لما يدرسك مدرس ما يعرف عربي راح تتضطر انك تتعامل معاه بالانجليزي اسئلتك واجاباتك وحتى سوالف وياه راح تكون بالانجليزي فغصبا عنك راح تتطور لغتك nonocat76 شكرا اختي على المشاركه .. وفعلا المفروظ ما نعتمد على المدرسة بس وانما نبحث عن كل الوسائل اللي ممكن تخلينا نطور لغتنا حلا الدنيا شكرا اختي على مرورج ومشاركتج snows_3 شكرا خوي على ردك ومثل ما قلت اهم شي تكون عندنا رغبه في التطور لانك اذا تقنع روحك بانك ما تبي تتعلم عمرك ما راح تتعلم سواء بمدرس اجنبي او عربي moony girl هذا اللي كنت اتكلم عنه بالضبط ..<< يعني انتي قاعده تدرسين لغه مو خرابيط وحفظ يعني المفروظ يكون فيه تعامل وحجي بينكم بالانجليزي.. والمفروظ يكون عندها اساليب بالتدريس لان هذا بصراحه مو اسمه تدريس ابدا a7la dala3 اشكرج اختي بصراحه ردج فعلا رااائع فعلا مناهجنا في المدارس ابدا ما قاعده تفيد الطالب يعني واحد في صف رابع او سادس ابتدائي كل الكلمات اللي يعرفها بالانجليزي هي apple و ball وما يعرف يكتبهم صح بعد وفيه نقطة ان ما قاعده المدارس تعتمد اسلوب ال speakingبالانجليزي في الحصه يعني كل النقاشات اللي تصير بالعربي...>> او بالانجليزي المكسر ومثل ما قلتي عن المدرسات لغتهم معظمهم مو سليمه يعني شلون تدرسج وحده وانتي اساسا افهم منها في اللغه!! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.