الطفل الحزين Posted فبراير 22, 2006 Report Share Posted فبراير 22, 2006 السـلام عليـكم شخبـاركم حبيت انقل لكم سالفة رفيجي اسمه مثل اسمي محمد .. عمره 18 سـنة بداية قصة محمد انه شاب وسيم .. واخلاقه عالية مرة من المرات كان داخل احد الشات وتعرف على بنت مهذبة وخلوقة وحاب يكلمها على الايميل .. المهم كلمها على الايميل وبعد فترة طويلة .. تقريبا لعدة اشهر اكتشفها بنت ما شاءالله ما عليها زود ومتفاهمين وكان له ميول معاها عن حب وغيره .. وصارحها باللي بقلبه واستمرو فترة عمرهم ما تهاوشو ونفسية محمد اوكي والحمد لله جتهم فترة .. انه حبيبة قلبه راح تسافر عنه وسافرت عنه .. لمدة شهر هالشهر كان بالنسبة له شهر جحيم اتذكر يتصل لي ويبجي والله يقطع قلبي المسكين المهم يوم ردت حبيبته من السفر دخلت متغيرة عليه وتكلمه بطريقة ما دري شلون لدرجة انه محمد تكون نفسيته زفت زفت من قلب المهم يات له فترة كل ما يتصل يشوف رقمها ويتنغ اهو تدمر كل ما يدق ويتنغ وكل ما يتصل لها ما تشيله الحين حياته مادري شوصفها لكم جحيم سوى كل شي عليه حتى نصحته بس اهيه مادري شلون يمكن نقدر نقول فقدت الاحساس مع انهم علاقتهم 3 سنوات بس هالثلاث سنوات محمد رفيجي ما عمره خانها بشرفه .. مادري والله شاسوي نصحوني يا جماعة اخوكم طفلوه Quote Link to comment Share on other sites More sharing options...
الكاسر Posted فبراير 22, 2006 Report Share Posted فبراير 22, 2006 لا حول و لا قوة إلا بالله سالفة تعور قلب ... والله يساعد قلب رفيجك ما راح أعلق على طريقة تعارفهم بس كل الي اقدر اقوله إن هالبنت اكيد ما تستاهله .. لأن الي يخون المفروض يكون بخس الثمن في النظر و اهي حسب ظني تعرفت على شاب غير ... و في نظرها احسن ليها و اختارت مصلحتها على حبها الزائف لمحمد اخوك \ الكاسر تحياتي Quote Link to comment Share on other sites More sharing options...
بحريني محد يقدر عليه Posted فبراير 22, 2006 Report Share Posted فبراير 22, 2006 واللـه سالفـة تعـور القـلب،،،، اللـه يعيـن قلـب رفيجكـ ،،،، بـس نصحـه،،وقـولـه،،خـل يخليـها لـ حالـها،،و لايـدق عليـها،، لأنهـا باعتـه،،و اذا اهـي تحبـه بترجـع لـه،، وانا أعتقـد أن اهـيه تعرفـت على صبي ثـاني،، ،، فـ الأفضـل أنــه يتكرهـا،،و اللـه يصبـره و ينسيـه ايـاهـا،،،، Quote Link to comment Share on other sites More sharing options...
مريمو كيوت Posted فبراير 22, 2006 Report Share Posted فبراير 22, 2006 والله ان شالفة رفيجك تعور القلب ياخوي الصراحة ماتستاهل واحد مثله اهوه اللي حبها وصانها وفي الاخير اهيه تسوي له جذي كل واحد وعنده كرامه ولازم اهوه ماينزل كرامته لوحدة مثلها اكثر من جذي وسوري اذا غلطت في حقه هذي الصج ولازم يسويه Quote Link to comment Share on other sites More sharing options...
حورية الجنه Posted فبراير 22, 2006 Report Share Posted فبراير 22, 2006 والله ان شالفة رفيجك تعور القلب ياخوي الصراحة ماتستاهل واحد مثله اهوه اللي حبها وصانها وفي الاخير اهيه تسوي له جذي كل واحد وعنده كرامه ولازم اهوه ماينزل كرامته لوحدة مثلها اكثر من جذي وسوري اذا غلطت في حقه هذي الصج ولازم يسويه كلامي من كلام اختي مريم Quote Link to comment Share on other sites More sharing options...
سـارونـة Posted فبراير 22, 2006 Report Share Posted فبراير 22, 2006 انا اقول ان رفيجك محمد لازم يعرف الاسباب يعني لازم يواجهها في اي مكان ويعرف ليش اهيا سوت جذي واذا طلعت انها اهيا تمللت او جذي فالمفروض (محمد) يتركها ماينزل روحه اكثر من جذي لأن البنت ماتستاهل يعني المفروض انها تبين ليش اهيا سوت جذي مو سيدة جذي وانشالله تنحل مشكلته Quote Link to comment Share on other sites More sharing options...
Miss moon Posted فبراير 23, 2006 Report Share Posted فبراير 23, 2006 ليش تظلمون البنت يمكن عندها ظروف ماتبي تقول له فأحسن شي سوته انها ماترد عليه Quote Link to comment Share on other sites More sharing options...
غزوووله Posted فبراير 24, 2006 Report Share Posted فبراير 24, 2006 خل يسألها ويشوف شنو فيها يواجهها علشان يعرف عقب شلون يتصرف Quote Link to comment Share on other sites More sharing options...
همســـة حـــزن Posted فبراير 26, 2006 Report Share Posted فبراير 26, 2006 بصراحة سالفتة تعور القلب واللي صار حق مصلحتة خل يحاول ينساها لن ماتستاهله اهو يستاهل وحدة احسن منها مع اني مابي اظلمها يمكن عندها ظروف وقول لة الله مايسوي شي الا صلاح واكيد هالشي صار لصالحة يمكن اهي مو البنت المناسبة الي يواصل معاها حياتة واذا طلعت تخونة معناها ماتستاهل حتى يضيع دقيقة من وقتة ويذكرها لنها ماتستاهل يضيع دقيقة عليها وانت تم معاه على طول حتى يحاول ينسى شوي يعني طلعات وروح لة البيت حتى مايتم بروحة ويفكر فيها والله يعينة Quote Link to comment Share on other sites More sharing options...
صوفيا ستار Posted مارس 1, 2006 Report Share Posted مارس 1, 2006 من مصلحته انه ينساها حتى ولو حباها يمكن اهي ماعندها لا اخلاق ولا مشاعر او يمكن اهي متعوده على تصرفاتها هذي ومشت في هذا الموضوع مو علشان حب علشان لعب او بالاحرى علشان تستانس مو اكثر ومااخذت الموضوع بجد .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.