Mr:Dj Posted يونيو 5, 2006 Report Share Posted يونيو 5, 2006 اول شي احب اسلم عليكم وابيكم اتكونون مصحصحين على هالموضوع ... امس كنت قاعد مع الربع ويات سوالفهم عن الي يبي يتزوج حبيبته وهالشي خلاني وايد افكر وللحين افكر وابيكم اتساعدوني .. في هالجيل الي احنا عايشين فيه صارت سوالف الحب شي عادي نسمع على لسان اي واحد انا احب وحده وبتزوجها .... ويكلم غيرها ويعيد الكلام نفسه من غير فايده .. وفي ناس صج يتزوجون الي يحبونه ومنهم الي ما يكون له حظ وبعضهم اتصير حياتهم الزوجيه كله مشاكل ومعايـر .. وبعضهم ياخذ له وحده عمره ما كلمها عن المشاكل الي اتصير , بس الي ياخذ الغريبه يسلم المتاعب او لا ... ؟ واستوت نسبه على زواج الحب ,, وطلعت نتيجة الي ينجحون في زواج الحب 23% , والزواج الي يفشل 77% , يعني الواحد يحتار من وين يختار زوجته , لان اذا حب وحده وظل معاها عشرت عمر وتزوجها ما بحس روحه متزوج لان متعود على البنيه ولا في شي يديد غير لان اهلها بيدرون , وبقول الصبي ما في الي اتزوج بنيه عمري ما كلمتها وهاذي الشي الي صاير , بس من عقب ما يتزوج البنيه وسألوا عنها وطلعت اوكي وبدت ايامه تنحسب مع زوجته وعرف لان زوجته طبعه مب حلو , تحب اتوصل كلام واتسوي مشاكل اهني الصبي شبسوي ,, او طلعت البنيه عليها سوابق ومن تحت لي تحت سوالفها شبسوي بعد . يعني زبدة الموضوع اذا بيتزوج وحده عمره ما كلمها احتمال يطلع طبعها ما يعجبه ,, لكن اذا كلمها في التلفون وعرف طبعها وعجبها اهني بيتزوجها لكن بيسلم من المشاكل او لا؟ ياريت اتفهون عدل واتناقشونه حق نستفيد من افكاركم واقتراحاتكم ..... Quote Link to comment Share on other sites More sharing options...
Dloooo3at Almntda Posted يونيو 5, 2006 Report Share Posted يونيو 5, 2006 بصراااااحه اشكرك اخوي على الموضووع الحلو والقيم مو شرط اذا الواحد تزوج عن حب يعني اهو تعود على البنت ومافي شي يديد بالعكس البنت تقدر كل يوم تجدد حياتها مع زوجها وبعدين سوالف التلفون بالسر غير عن الواحد يعيش وياها في بيت واحد وغرفه وحده واايد اشياء يمكن الاثنين ما يعرفون عن بعض تطلع واذا من غير حب لازم لازم تكون في صرااحه بين الطرفين بكل الجوانب ويفظل ان تكون فترة الخطوبه طويله شوي عشان كل واااحد يتعود على الثاني ويقدرون يمشون حياتهم بعدين وبعد شي احنا عندنا في الخليج السؤال عن البنت قبل الزواج يعني تقدر تقرف عنها واايد اشيااء فبل ما تتقدم لها وعلى فكرة المفروض نناقش الموضوع على الطرفين يعني سوالف الصبيان اكثر من البنات << اتغشمر لا تزعلون اختكم :Dloooooooooooooo3at Almntda Quote Link to comment Share on other sites More sharing options...
JROoOo7 Posted يونيو 5, 2006 Report Share Posted يونيو 5, 2006 (edited) مشكووووور اخوووووي على الموضوووووع 00 انه معاك انه الحب اللحين صار شي عادي لكن اذا اواحد يحب وحده وظل يكلمها على سبيل المثال ثلاث او اربع سنوات ويكمن اكثر وبعدين توج حبهم برابط شرعي وتزوجوا انه من وجهة نظري انهم راح يعيشون حياة سعيدة لان هذا اللي يبونه انهم يتزوجون ويكونون اسرة ويمكن تكون علاقتهم علاقة ناجحة ومثمرة لكن اخوووي انه ماقول انه مافي مشاكل بس اللي حبهم مبني على الاحترام اكيد ماراح يعاير كل واحد الثاني لأنهم فاهمين ومتعلمين وفي ناس يفضلون الزواج التقليدي من وحده مايعرفه عن طريج الاهل وهني يمكن تكون المشاكل اكثر لأن مايعرفها ولايعرف طبعها وهي بعد يمكن ماتتقبل بعض التصرفات منه يعني الزواج من وحده تعرفها وعارف طبعها وواثق فيها انها تكون زوجة لك وام لعيالك احسن من وحده مالك معرفة ابها وهذا طبعا رايي الشخصي وانشالله اكون كفيت ووفيت 00 Edited يونيو 5, 2006 by JROoOo7 Quote Link to comment Share on other sites More sharing options...
Crazy Angel Posted يونيو 5, 2006 Report Share Posted يونيو 5, 2006 توني ياهلة على هل سوالف Quote Link to comment Share on other sites More sharing options...
@صدي الحرمان@ Posted يونيو 5, 2006 Report Share Posted يونيو 5, 2006 هلا اخوييي موضوعك حلو بس لو بتفكر فيه ما بتوصل لنتيجه تدري ليش؟؟؟ لان ذي يعتمد علي الشخصين وعلي الشخص نفسه اخوي في هل الايام مافي شي ينخش لو تبي تسأل احد الف من ادلك انه احس ابهل زمن الكل اعرف الثاني او من النادر ما اتعرف معلومات عن الشخص اللي تبي ترتبط فيه اخوي سواء كنت اتحب وحده او لا بتعرف اتقرر شنو اللي لازم تختاره بحاول اوضح لك ... مثلا انت لو كنت اتحب وحده واتحس اتحبها من كل قلبك وانت سائل عنها ولقيتها خوش بنت يعني مو شرط البنت لين كلمتك كلمت غيرك يمكن اهيا حبتك انت بس وتقدر تكتشف هل شي من سؤالك عن اخلاق البنت (مع اني ما افضل قصص الحب قبل الزوج ) شنو المانع اللي اخليك ما ترتبط فيها!! او بالنسبه حق نقطت انك اتخاف اتمل منها ذي يعتمد علي نوعية العلاقه اللي بينك او بينها يعني اذا انت اذا كنت قاط الكلافه يختلف عن اذا كان بينك او بينها حدود الاختلاف اهواا مثلا اذا انت متزوج من سنه كنك متزوج من 3 سنوات ساعات يا خوي الحب قبل الزواج يربط العلاقه بين الزوجين اكثر واخليهم ما اتنازلون عن بعض لكن في حالة انك تبي ترتبط او ما عندك احد معين اهني الاختيار بيكون اسهل عليك لان انت حاط مواصفات معينه تبغيها ابزوجة المستقبل وماباقي علي الاهل الا انهم ادورون لك وترا بنات الحلال وايد ابهل زمن او وايد اللي يبون الستر واهم احسن البنات خلق ودين والبنت اللي سمعتها مو لي هناك ابسرعه الناس اتعرفها قلت في البدايه مافي شي ينخش الحين يعني لا اتخوف من هل نقطه يمكن ما اتلاقي اللي اتعجبك لان مستحيل ابهل دنيا اتلاقي شخص مثلك 100% والفرق بين الحالتين ان الزواج من شخص اتحبه انك عارف عيوبه او مستحملها علشان خاطر عيونه والحاله الثانيه شخص توك بتكتشفه لكن ما تدري شنو يايك بالطريج يعني يمكن ترتبط ابأنسانه كلها رقه واخلاق وتصونك واتصون اعيالك السموحة علي الاطاله وشكرا اخوي مره ثانيه علي الموضوع Quote Link to comment Share on other sites More sharing options...
أحلى سمورة Posted يونيو 5, 2006 Report Share Posted يونيو 5, 2006 آنة معاج اختي صدى الحرمان كلامج حلو ودش قلبي،، كلامج صح ألف ألف.. صح لسانج وتسلمين على المشاركة,, ومشكور اخوي على طرحك لهالموضوع الحلو تقبلوا تحياتي... Quote Link to comment Share on other sites More sharing options...
Mr:Dj Posted يونيو 6, 2006 Author Report Share Posted يونيو 6, 2006 مشكورين الي رديتوا كلكم وما قصرتوا لان افكاركم حلوه بس للحين متحير بين كلام جروووح وكلام صدى الحرمان لان جروح اتقول ( وفي ناس يفضلون الزواج التقليدي من وحده مايعرفه عن طريج الاهل وهني يمكن تكون المشاكل اكثر لأن مايعرفها ولايعرف طبعها وهي بعد يمكن ماتتقبل بعض التصرفات منه يعني الزواج من وحده تعرفها وعارف طبعها وواثق فيها انها تكون زوجة لك وام لعيالك احسن من وحده مالك معرفة ابها ) ورد صدى الحرمان ( بالنسبه حق نقطت انك اتخاف اتمل منها ذي يعتمد علي نوعية العلاقه اللي بينك او بينها يعني اذا انت اذا كنت قاط الكلافه يختلف عن اذا كان بينك او بينها حدود الاختلاف اهواا مثلا اذا انت متزوج من سنه كنك متزوج من 3 سنوات ) لان الموضوع بصراحه يسوي شعر الراس ابيض كل الاقي فيه حل غير Quote Link to comment Share on other sites More sharing options...
بكاء الحنين Posted يونيو 6, 2006 Report Share Posted يونيو 6, 2006 ظروف الطرفين يمكن هي المانع الأول و الأساسي لعدم نجاح الإرتباط .. لكن لو اثنين تزوجوا قبل ما يعرفون بعض .. فإن فترة الخطبة كفيلة بالتعارف و التفاهم و الإتفاقيات .. تسلم اخوي مستـر دي جي ، Quote Link to comment Share on other sites More sharing options...
رفاعية و كلي فخر Posted يونيو 6, 2006 Report Share Posted يونيو 6, 2006 ظروف الطرفين يمكن هي المانع الأول و الأساسي لعدم نجاح الإرتباط .. لكن لو اثنين تزوجوا قبل ما يعرفون بعض .. فإن فترة الخطبة كفيلة بالتعارف و التفاهم و الإتفاقيات Quote Link to comment Share on other sites More sharing options...
Mr:Dj Posted يونيو 6, 2006 Author Report Share Posted يونيو 6, 2006 تسلمين على ردج يا بكاء الحنين ويا رفاعيه معنا ردكم نفس الشي .. بس حتى لو كان بيتعارفون في الخطوبه والخطيب عرف طبع خطيبته شبسوي في هالوقت .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.