الشقرة Posted يوليو 28, 2006 Report Share Posted يوليو 28, 2006 روووعة ننتظـــر الباقـــي .. Quote Link to comment Share on other sites More sharing options...
ديهيه Posted يوليو 29, 2006 Report Share Posted يوليو 29, 2006 مشكورة اختي ننطرها بفارغ الصبر Quote Link to comment Share on other sites More sharing options...
عابره Posted يوليو 29, 2006 Report Share Posted يوليو 29, 2006 شكرا على القصه الحلوه ... وننتظر التكمله بسرعه ... لكن في كلمه اكثر من مره كانت مذكوره في القصه والصراحه مو عارفه معناها واللي هي عفد او عفدت او عفدوا ... شنو معنى هالكلمه ؟؟؟؟؟؟؟؟؟؟؟؟؟؟؟؟؟؟؟؟؟؟ تحياتي : عابره Quote Link to comment Share on other sites More sharing options...
بنت بشارة Posted يوليو 31, 2006 Report Share Posted يوليو 31, 2006 شكرا لكم على ردودكم.. اختي عابرة شكرا لج..وعلى تفاعلكم.. بغيت اذكركم بس معنى "عفدت" ..تعني"نزلوا" واحلى التحيات لكم.. Quote Link to comment Share on other sites More sharing options...
قمر المحرق Posted أغسطس 1, 2006 Report Share Posted أغسطس 1, 2006 يسلمو حبيبتي ومتى بتكملين لنا القصه؟ Quote Link to comment Share on other sites More sharing options...
ديهيه Posted أغسطس 1, 2006 Report Share Posted أغسطس 1, 2006 يلا خيووو كمليها Quote Link to comment Share on other sites More sharing options...
بنت بشارة Posted أغسطس 2, 2006 Report Share Posted أغسطس 2, 2006 انشالله اليوم الليل.. سوري ع التأخير Quote Link to comment Share on other sites More sharing options...
بنت بشارة Posted أغسطس 2, 2006 Report Share Posted أغسطس 2, 2006 >>الجزء الرابع<< ((بيت عبد الرحيم)) الساعة 8 الليل الجمعة ناهد بعد الصلاة راحت حجرة ام ناصر وفتحت الباب بهدوء.. ام ناصر كانت نايمة وابو ناصر كان يسقي الزراعة...... ناهد في خاطرها: وين راح ابوي؟ ونزلت تحت وطلعت من البيت تدوره في حديقتهم الواسعة .. وشافته قاعد يتأمل في وردة المحمديه من الحجم الكبير وخاصة انه لونها زهري جميل وكأنها تتمايل وتتراقص في الهوا.. لفتت هالورده انتباه ناهد فيلست جنب ابو ناصر تتأمل معه فيها اتقربت منها تهمس بصوت منخفض: اللله وااايد روعة لونها وشكلها.. انته زارعنها ابويي؟ ابو ناصر: ايه يا بنتي ترى هااا هالله هالله فيها مو ما تعطونها ماي ترى تموت انا ماني زارع غيرها ناهد تفز: لا لالا ولا يهمك خلاص اوعدك كل يوم اني اسقيها واخليها تكبر وتكبر وتصير احلى واحلى واحلى... ابو ناصر: خليها تصير مثلش.. ناهد بخجل وبضحكة رقيقة حمرت خدودها: لا عاد ههه مو الى هالدرجة.. ابو ناصر: واكثر تدرين امش لوماكانت تشبهش ما اخذتها... ناهد: هههههه والله تنكت ياابويي.. ابوناصر: والله انها كانت نسخة منش.. ناهد تغيرت ملامح وجها وبخجل واحمرت خدودها مرة ثانية: انزين علمني شلون عرفت امي؟ ابو ناصر يطالع السما: اييييه من زماان قصة عجيبه كنت انا عمري 23 سنة وامش كانت صغيرة على نياتها كان عمره 18سنة وبعدين انا كنت رفيق ابوها الله يرحمه اله اهو جدش انتين وانا كنت من اروح بيت جدش اشوفها وبعدين اقعد على كرسي ابوش العود الله يرحمه انتظرها لما تطلع وطلعت وانا اطالعها بس بدون ما تحس واشوفها بالتفصيل شتسوي وتروح مثلا تاخذ لها اي شي وترجع وانا عيوني عليها ناهد بخجل:هههههههههه كمل حليوة شكلها قصتكم... ابوناصر مستحي: بعدين تطالعني بغرور وتروح تقول الى جدتش رحمها الله اني كله اطالعها تقول اووه اماه هذا الكريه كله يطالعني...كنت اسمعهم واضحك.. ناهد: ههههههههههه انزين كمل.. ابوناصر: انا كنت اسمعها واهي تشتكي الى امها ما تدري اني معجب بها كانت طيبة على نياتها.. ومن تطلع امها انا اشرد من الباب بسرعة علشان لا تسوي شي او تلحق ورايي باعصاة.. ناهد تعقد حواجبها وتضحك: انزين.. ابو ناصر: وجيت يوم من الايام لها حق اتقدم لها واهي توها صغيرة وما تعرف مسؤؤليات الزواج لكن اخرتها اخذتها يعني اخذتها.. ناهد: ايه قصتكم حليوة بعد... ابوناصر: من سنيييييين تصدقين يابتي اله يصير لنا من عشرين سنة نتذكره واله توه صايرلنا ننساه.. ناهد: ايه والله.. ناهد دخلت في الموضوع: ابويي لكن اني مب يايتك عشان هالموضوع.. ابوناصر: هههه ادري ادري انه جيتش لازم وراها شي.. ناهد: هههههههه لابس اني ابغي سيارة زيين سيااااااارة خاطري في سيارة... ابوناصر: خلاص يابتي نوديش تتدربين واذا نجحتين في السياقة اشتري اللي تعجبش... ناهد وكأنها بتطير: والله؟ احلف ابويي احلف قول والله؟؟؟ ابو ناصر: والله خلاص انتين عبارة كبرتين.. ناهد: ايه طبعا كبرت وابغي سيارة مو عادية ابغيييي رنج روفر سودااا..((تطالع فوق وتفكر)) ابو ناصر بانحباط: رررنج؟ وش فيكم على هالسيارة والله انها لاعت جبدي بهامن كثر ما اشوفها واسمع عنها.. ناهد: بالعكس رووووووعة كووول والله احب هالسيارة.. ابو ناصر: اوكيه خلاص يصيرخير دامش ملزمة واخوج ناصر بعد راح اعطيه 30 الف لسيارته اليديدة.. ناهد: كل السيايير غاليين يا ابويي يعني جديدين وش تبى؟ ابوناصر: خلاص يصير خير.. ناهد: انشاللله اني بروح فوق .. ابوناصر: يلا روحي شوي الجو بارد مو زين لش.. ناهد: انزين كانت ناهد بنت رقيقة وهادئة وفي نفس الوقت فرفوشة وحبوبة وكل الناس تحبها .. ساعات تحسينها دلوعة ومغرورة وساعات تلاقينها عسل وراحت داخل البيت تسوي العشا مع ام ناصر وسووا نعايم الله كلها مايحتاي اعدد لانه ماشاء الله البيت متروس وابو ناصر مايخلي البيت فاضي اذا راح يشتري شي يشتري مب عربانة وحدة 2 .. وصارت السفرة عجبيبة.. …….. ((بيت ناصر)) الجمعة.. الليل الساعة 8:55.. طلعت عبير من الحمام اكرمكم الله لايعة جبدها وترجع وتفرغ لين ماطلعت روحها.. ناصر جا مسرع ويمسكها من يدها خايف :عبور وش فيج عسى ماشر؟؟؟؟ عبير واهي تصيح: ماادري ما اشوف من العصر اله لايعة جبدي وافرغ .. وطاحت على الارض مغمي عليها.. ناصر خايف ويشيلها ويحملها بكل قوته ويلبسها الدفة ويحملها الى السيارة ورجع البيت اخذ ولده رائد وراح ركب السيارة خايف ومتهوس .. ووصلو المستشفى وخلا المساعدين اللي ينقلون المرضى ينقلونها للمستشفى وحمل ولده رائد... وضل ينتضرها واهو قاعد على الكرسي اللي جنب الغرفة مالت الفحوصات .. طلعت الدكتورررة!! ناصر محبط وخايف ويطالع الدكتورة ويبلع ريجه.. الدكتورة:مبروك المدام حامل.. ((بيت عبد الرحيم)) الساعة 9:55 بعد العشا ناهد تشيل الصحون وتروح مع امها المطبخ تغسلهم تنتبه لام ناصر:اماه.. ام ناصر منشغله بتنظيف الادراج وماطالعتها:نعم؟ ناهد :اماه شحوال عبور وناصر والياهل من زمان ماجوا.. ام ناصر: ايه ولله يابنيتي من زمان مايو.. لكن بكرة راح يجون عندنا.. ناهد تبتسم:انشالله.. اماه هاج الصحون جففيهم على مااغسل الباقي... ام ناصر تاخذهم:ييبيهم اهوو.. ناهد تحب راسها: بعطيج الف صحة وعافية.. ام ناصر تبتسم بحنان لها :الله يعافيش ياحبيبتي.. *** ناصر ما عرف شنو يسوي كانه بيطير وبيرقص من الفرحة... وطلعت عبير من الغرفة واهي تعبانة ووجها اصفر ولكن في نفس الوقت فرحانه ... ناصر بعدهو مو مصدق وفرحان: عبورة عبورة انتين حامل حامل؟ اللللله ابي بنية علشان تطلع مثلش حليوة.. عبير بخجل:انزين وش فيينا واقفين هنيه ههه خلنا نروح .. ناصر: يلا... وراحو السيارة ووصلو البيت وماخلاها ماتسوي اي شي خايف على اللي ببطنها........ ((بيت سالم)) .. الساعة 8الليل.. ايمان واهي قاعدة تمشط شعرها الطويييل وهي تغلغل المشط في شعرها تذكرت ابوخالد وفي خاطرها :لايمكن استسلم لو يذبحني لازم اخليه يسأل عنا وش ذنب خواتي؟ والله حرام.. وفلتت المشط بقهر: لكن من حنا الي يعوضنا عن حنان الابو الي فقدناه..... واخذت التلفون وقعدت تدق في الرقم لكن لا يمكن لاتصال وجربت عشر مرات لكن المحاولة فاشلة ايمان بقهر وبصوت واطي..: رراجعة لك .. ام خالد مستغربة واول مرة تشوفها معصبة جديه..: ايمان؟ وش فيش مستحرقة؟ وتتكلمين بروحش؟ ايمان تطالع الارض بقهر : مافيني شي..... وراحت عنها وجت حنان لها :ايمان تلعبين بلاي ستيشن ويانا؟ ايمان مفولة: لاء يعني لاءخلوني بروحي خلوني وش فيكم كله تحنون عليي؟ وراحت تركض فوق مقهورة ودموعها تسيل دموع تسقط بغزارة مثل المطر او السيل واول مرة تكون وتواجه ايمان اوقات من الحرقة والالم والحزن مثل هذي الاوقات وانه تحس راسها بيشيب من كثر التفكير:مهما امي تزوجت او خالد صار مثل ابو مابيعطوني او بيعوضوني عن هالحنان.. ام خالد مسرعة الى ايمان: اني ادري حقويه مستحرقة على ابووووش ؟ اي ابو الي تتكلمين عنه يا بتي؟ اي ابو؟ الي مايزورنا ولا يعطينا ويغرقنا بحنانه؟ شنو شايفة فيه ؟ كأنه غريب عنه.. ايمان وبصرخة قهر والدموع مثل السيل..: انتين ام ماتحسين باللي داخل ولادها؟ اني محتاجة ابو يحن عليي ويحسسني صدق انه ابو.... ام خالد بالم: ويش نسوي يا بتي حظنا جدي والله.... يارب صبرنا يارب صبرنا ... وراحت ام خالد نزلت من الدرج ....... وايمان اخذت التلفون واتصلت مرة ثانية.. اكو يرن!!!!!!!! مومشغول!!!! ابوخالد: الو نعم؟... ايمان دمعت عيونها:. الو هلا بالغالي شخبارك انشالله بخير؟. ابوخالد بدون نفس: والله ماشي الحال.. ايمان تصيح: ليش تسوي ابويي جدي فينا ليش ؟ اني خاطري فيك اني احبك واموت عليك تعال ابويي وانسى الي صار احنا كلنا نحبك حتى امي... بس كانت معصبة ديك الحزة الله يخليك انت اغلى انسان على وجه هالكون وما اعرف حياتي بدونك تضيع .. مهما سويت فينا نضل نحبك وشايلين اسمك.. ابو خالد متقطع قلبه على بنته لكن الشيطان شاطر... اما ايمان ظلت تصيح بصوت مرتفع وزلقت التلفون من ايدها وانفلت في الارض...... وراحت تحتضن الالم والدموع وتفكر في ظلم هالدنيا ؟ليش الناس جديه يظلمون؟ مايحسون.. ليش؟ واي ناس؟ ابوي؟ ليش الدنيا تعاندني.؟ وضلت تبجي وتبجي لين ماجفت دموعها دموع الحسرة والالم : استغفر الله العظيم.. وراحت غسلت ويها ونزلت تحت تساعد امها على العشا وتسوي نفسها عادية وتشغل روحها ببعض الاشغال...علشان تنسى اللي صار.. بعد العشا ايمان تغسل الصحون.. منى تجي تطالعها بنظرات غريبة ليش ويهها معتفس؟..من الهم.. منى تطالعها بطيبة: اساعدش؟ ايمان تبتسم ابتسامة باهتة: لا مشكورة خلصت.. منى : انزين.. ايمان: غريبة مو وياشش حنان.. منى بصوت واطي وتنهدت: تعشت ونامت.. ايمان: وش هالجدية اللي طارية عليش وعمرش ما سئلتيني اساعدش لولا؟ منى: عيب الاخت تساعد اختها؟ ايمان بفرح: لا مو عيب .. منى: ايمان؟ ايمان: نعم.. منى : وش فيش حبيبتي احسش اليوم مو طبيعية ايمان : اني يا حبيبتي مو بس اليوم مو طبيعية كل يوم.. منى: خير عسى ماشر.. ايمان: ماشي شر انشالله.. منى: ليش ماتبين تقولين لي؟ ليش تعتبريني غريبة؟ ايمان بأحباط: اني اعتبرش غريبة؟ انتين اختي تعرفين يعني وش اختي؟ والاخوان في بيت واحد مثل الاصدقاء يامنى صداقة جميلة احسن من صداقة الناس اللي مانعرفهم ...والاخت مثل الصديقة لكن اللي تتمنى لاختها الخير في كل شي ومن قلب.. منى: اذا اني صدق اختش قولي وش صاير؟ ايمان قالت لها بكل السالفة اللي صارت عن ابوخالد ذاك المرة .... منى باحباط وكأنها مو مصدقة: ابويي يسوي جديه معقولة؟ وحنا ولا ندري؟ ايمان: المصرية قصت عليه وخلته يضربني.... منى: لو تموت هالمصرية جان نفتك خاطري اعطي ولادها كل واحد ضربه على مخه حق يستجنون ايمان فيها ضحكة بس كتمتها لانه الموقف مايدعوا للضحك : لا يامنى لا تقولين جديه موزين لاتتمنين الشر لغيرش ..... منى في خاطرها: ايييي يا سلام عليش يا ايمان يا اختي تتمنين الزين حتى للي يكرهش ما كنت اتوقع انش طيبة هالحد!! ومرت الايام ..... ((بيت عبد الرحيم)) الساعة 4الضهر بعد الغذا ودخلت عليه .. باسم ........((نور الدنيا)) *+ نور الدنيا+*: هااااي ... : وعليكم السلااااام هايات *+نور الدنيا+*: شلونك شخبارك؟ ... : تمام الحمد لله وانتي؟ *+ نور الدنيا+*: بخير دامك بخير.. ... : واخيرا ؟ ناهد : ههههه مصدق عمره خيييبة... *+ نور الدنيا+*: طبعا عيوني ابغي اتعرف.. واحد بالطيبة والاخلاق يتفوت؟ ... : احلفي؟ صج؟ والله انج بنت حلال ناهد: هه انزين اصبر الحين وبتشوف.. *+ نور الدنيا+*: ..... ...: انا اسمي احمد محمد العلي عمري 23 في الجامعة .. *+ نور الدنيا+*: والنعم والله وين بالضبط في البحرين... ...: بمدينة حمد.. ناهد مستغربة: مدينة حمد؟؟؟؟؟؟؟؟ هذا يعني من ديرتنا ؟؟؟؟؟بالضبط.. !!!!!!! ...: طيب انتي من؟ *+ نور الدنيا+*: بدت تتنكر لا يبه خلاص انته تعرف من اني .. .....: لا بس ابغي اتعرف عليج بالضبط… ناهد: مسكين وايد يحلم...... *+ نور الدنيا+*: اني الحين بنخطب لولد عمي… ...: لولد عمج؟؟؟!!!!وانا؟؟. *+ نور الدنيا+*: بدت تتركه انته؟ شيخصني فيك؟في ستين الف داهية يه.. ...: نعم؟ ليش غيرتي رايش؟ *+ نور الدنيا+*: قلت نتعرف مو نقيم علاقات يه؟ ....: زين يانهود انما خليتج تندمين ماكون احمد.... *+ نور الدنيا+*: اووووه هههه من انته احمد ؟ اهبل صدق طلعت على حقيقتك.. سكرت النت بويهه واهي تضحك ..دخل سلمان عليها فجاة..:شفيش تتكلمين بروحش ومن تحاجين؟ ناهد خايفة ومرتبكة ومب عارفة شتقوله:وولا ..ا.. احد كنت .. اكلم رفيجتي نادين.. سلمان مب متطمن:اشوف المحادثات.. ناهد فاتحة عيونها: يعني ما عندك ثقة فيني؟ افااا بس.. سلمان يصارخ:انتي وريني الحين ويصير خير.. فتحت المحادثة.. وقلبي دقاته ع الاخر.. سلمان محبط وساكت يطالع بناهد باحتقار واخيرا نطق وناهد خايفة يقلب السالفة عليها..... سلمان مقهور: زين اوريه هالجلب.. ناهد خايفة .: لالا سلمان لا تتهور اخاف يصير في ولد الناس شي بعدين يتضرر وانته تروح ملح.. وتركها سلمان وفي داخله نار مو قادر يطفيها ونزل واهو يركض ويطلع من البيت ويشطف بالباب وناهد تلحقه بس ما قدرت عليه ووقفت على الباب مسنده وطاحت على الارض واهي تصيح خايفة يصير في ولد الناس شي او اخوها سلمان يروح فيها... وكان سلمان يركض في الشارع ووصل بيتهم ويطق الجرس وتطلع له الخدامه مالتهم: نعم؟ سلمان مهتد ومشتط: نادي احمدووه الزفت.... الخدامة خافت : احمد مو هنيه.. سلمان :طيب يا احمدوووه عليي هالسوالف راجع لك... احمد داخل غرفته يطالعهم من الدريشة ويضحك ... سلمان حس بوجوده اكيد موجود لكن انتظره لما يطلع من البيت.. سلمان يتوعد والله يستر: هين يا احمدووووه هيين ... احمد تمالك اعصابه ونزل له .. وطلع له وسلمان يطالعه بنضرةغريبة وقهر وكأنه بيموته وناهد قاعدة في البيت على اعصابها.... وسلمان واهو يسحبه مو ثيابه: اه يانذل كل هذا يطلع منك يالخسيس... احمد معصب ويفلت يد سلمان ويسحبه من فانيلته : تهددني يالجلب؟ اترك يدك عني يالجلب.. سلمان ويطيح فيه ضرب وترفس والتمو الناس وللاسف محد انقذه ياذابح يامذبوح اليوم مامن منقذ الله يستر جان مايذبحه... وتم يصارخ :يالجلب يالسفلة انته يالي مو مربى تقص على بنات خلق الله ابتعد عن طريق اختي لا بتشوف شي عمرك ماشفته والناس تطالع واخيرا جا رجالين 2 يوقفونهم ويهدونهم ويصارخون: ماليكم شغل مو شغلكم خلوني على هالكلب...راح واهو يركض الى البيت والصبي انهار من الضرب واغمى عليه ماقدر يستحمل ونقلوه للمستشفى بسرعة الى الطوارئ... وسلمان دخل البيت مهتد واهو يتنهد ويشاهق وينافخ وعصب : هاتي لي ماي.. ناهد واهي خايفة وعيونها متورمة من الصياح: ان..نششال.لله.. وجابت له ماي في الحال وتطالعه بترجي وخوف : س..سسلمان شنو سويت في الصبي؟ سلمان: ذبحته من الضرب علشان ثاني مرة يتأدب ويلزم حدوده مع الناس.. ناهد واهي منحبطة وقعدت تصيح : لو مات بيكون انت السبب.. سلمان يصرخ: نااااااااااااااااااااهد....اووفففف ياربي اسكتي تراج مصختينها لا اهفج كف الحين.. ناهد تدمع عيونها وتصيح.. ام ناصر مستغربة وابوناصر بعد يسالون وش السالفة وسلمان منزل راسه ويطالع الارض هذي السالفة فيها محاكم.... ام ناصر: وش فيها بتي وليش تصيح؟ ابوناصر: وش فيها تكلم... وقال ليهم بكل السالفة .. ابوناصر منحبط: انته تدري يالثور انه السالفة فيها محاكم ياغبي ماتدري لو الصبي مات اوصار شي لاسمح الله شنو بتسوي؟ سيدة الشرطة والمحاكم والسجن و..وبدا صوت ابوناصر يرتفع اكثر.. واكثر لين ما طفش سلمان.:انا كنت ادافع عن اختي تبيها يصير فيها شي؟ واذا صار شي يلا عاد اكلها الحين.. ناهد: خلاص بس لاتصارخون وتتزاعلون انتون عشاني.. ابوناصر بعصبية خلت ضغطه يرتفع :وش فيك ياصبي والي بيدافع عن اخته بهطريقة؟ صدق انك ماتعرف تتصرف ... ابو ناصر ..: يااا غبي ..... وسلمان مجود روحه لكن طفش من هالكلمة وماقدر ينهان قدام الاول والتالي....طلع من البيت واهو يشدخ الباب بعصبية.... ابوناصر: باللي ما يحفظك... ام ناصر بعصبية: عاد هادي يابو ناصر مو طريقة تعامل وتفاهم ويا ولدك .. ابو ناصر تعبان وناهد تركب فوق وام ناصر خايفة على ولدها يصير فيه شي .... وناصر خبر خير والصبي في المستشفى مايدرون حي واله ميت واهله بيسكتون والله ما يسكتون؟ ابو ناصر وياه الضغط مايتحمل الصراخ وناهد كانت تحتي والسكوت سيد الموقف.. تروح وتجي .. ام ناصر واهي تساعد ناهد تودي ابو ناصر في الحجرة وتهدئه وتشربه ماي ....وابو ناصر يجود راسة يحسه بينفجر ..... ام ناصر تهدئه وناهد خلتهم على راحتهم وراحت المطبخ تشرب ماي ...رن موبايلها وراحت ترد عليه: الو.... ...: الو سلام عليكم؟ ناهد :وعليكم السلام نادين: ياهلااا شخبارج ولهت عليج.. ناهد: وانه اكثر شخبارج... نادين: حمد لله .. شلونج عساج طيبة؟ ناهد: زينة حمدلله تمام التمام وانتي؟ نادين: تمام اشتقنا لج يامعوده وينج ماتمرين علينا ولا تزورينا ولا تتصلين لنا... ناهد: وش نسوي يامعوده بعد مشاغل الدنيا تلهينا حتى من احبابنا... نادين : اوكي اني حبيبتي عازمتج على العشا في بيتنا ............ ناهد متحيرة اهي ماعندها سيارة واخوانها مو هنيه والظروف الحين صعبه.... ناهد: حبيبتي ما عليش خليها مرة ثانية اذا لقيت احد يوصلني بيجي اي وقت بتصل ليش ولانه الحين ابوي تعبان مو هني... نادين خلاص حبيبتي على راحتج ناهد: زعلتين؟ نادين: لا حشى انه ازعل على نهودة؟؟ ناهد: اوكي يلا باي ياعمري... نادين: باي حبيبتي.. ناهد: مع السلامة.....سكت التلفون نادين هاي صديجة ناهد الروح بالروح وعمرها مثل عمر ناهد وحليوة ومملوحة والقعدة معاها تونس.. وطيبة وتتفهم الامور ... وجا وقت العشا وراحت ناهد وام ناصر المطبخ .. واهي تشتغل وتقطع والهدوء عام المكان وما ينسمع غير صوت السكاكين ولوح التقطيع والتقطيع... ام ناصر واهي تتنهد تنهيده: اااااااااااااااااااه ... ناهد: اماه اني خايفة على سلمان ام ناصر: وش نسوي يابتي لا وما دور اله يضرب ولد العلي.... ناهد كلما يقولون اسمه تحس الدنيا تدرو واطرافها ترتجف .. لكن الله يعلم انه كاسر خاطرها بعد كل اللي سواه.... ناهد: انتون مايصير تسكتون اني مايصير اخلي اخويي لحمي ودمي يتعذب وانتون تتفرجون لازم ابويي يروح لابو احمد .... ام ناصر: يصير خير يا بتي..... اهم ناس طيبين.. ناهد نزلت راسها بحزن وكملت شغلها وجهزت العشا لكن العشا محطوط ومحد ياكل كلهم مهمومين وينتظرون الافندم سلمان وقاعدين ومتجتفين.. واخيرا جا واهو منزل راسه ويمشي بهدوء.. ناهد يوم جا كانها مخترعة وتطالع في ابو ناصر وابو ناصر يطالع فيها.. ام ناصر وقفت: تعال ياولدي العشا جاهز.. سلمان :..... وابو ناصر مانطق ولا بكلمة وقاعد منزل راسه ويطالع الطاوله بنظرة خلت سلمان ينكسر خاطره عليه سلمان دمعت عينه شاف ابوه بهالحالة وتفهم الامر انه ابوه كان خايف عليه وراح يمه ونزل لمستواه وحب راسه وحضنه واهو يبوسه... ابو ناصر: الله يرضى عليك.. ناهد وام ناصر يطالعون بعض سلمان يقعد وياهم على السفرة وتعشوا... وبعد العشا راحو اهو ويا ابوناصر بيت ابو احمد طقو الجرس طلعت الخدامة كالعادة... الخدامة: نعم ؟ ابوناصر: موجود ابو احمد؟ الخدامة: ايه بابا الهين جي.. سلمان كان واقف جنب ابوه وخايف .. ورحب فيهم ابو احمد ودخلهم المجلس وقعدو وابو احمد:هلا والله مرحبا... ابوناصر: هلافيك يااخويي.. وسلمان مبتسم له..ابتسامة باهتة ابتسامة خوف.. ابو ناصر : والله ويش اقول ليك يا ابواحمد؟ ارجوك سامحني يا ابو احمد والله فشيلة.. ابو احمد: خير ويش صاير يا ابوناصر... مسموح يا اخويي لكن على ويش...؟ ابوناصر قال ليه بكل السالفة ابو احمد منحبط: ولدي احمدوه؟ ابواحمد: والحين هو في المستشفى؟ ابوناصر: ارجوك يا اخويي تسامحني والله هذا بيفشلنا بس تعرف وقت العصبية محد يقدر يجودك.. ابو احمد واهو منزل راسه : لاحول ولاقوة الابالله العلي العضيم انا الى الله وانا اليه راجعون.... والله وش اقول لك والله هالولد اهو الي مفشلنا ياماحذرته لاا تتعلف ببنات خلق الله ماطاع لكن زين الي استوى فيه..... سلمان يبتسم ابتسامه خبث.. ابو ناصر:مشكور ياخوي اعرفك فاعل وراعي خير كثر الله من امثالك... وسلمان راح وحب راس ابو احمد... ابواحمد: الله يرضى عليك ياولدي انت وابوك اخواني وانت ولدي عبارة... وسلم عليه وابو احمد طلع من البيت وراح المستشفى حق ولده.. ومر يوم كامل (( بيت عبد الرحيم)) العصر الساعة 4 الخميس وفكر سلمان يروح له وبدل ملابسه ولبس ثياب كشخة رش له عطر.. ولبس نضارته... وركب السيارة .. وصل للمستشفى.. وراح يدور الغرفة بعدين دخل عليه واهو يحمل باقة ورد حمرا تهبل له واهو يمشي بهدوء وطق الباب لكن شاف محد يرد ودخل الغرفة لقاه مسند على السرير ويطالع النافذة الكبيرة ... وكانه سرحان ويفكر هذا يموت؟ هذا قطو ابو سبعة ارواح بس شاف عليه جبس بيده.. واول مادخل سلمان طالعه واهو يبتسم له....احمد: انته وش جيبك اهني؟ بعد كل الي سويته لك عين تجي؟ وانفعل احمد وبغى يقوم له حق يسطره ولكن ماقدر رجوله تعوره:اااااااه.. سلمان: عيب نصحح الغلط ؟ انته غلطت على اختي لازم تتحمل.... حط البوكيه مال الورد على طاولة اللي يم احمد وقعد على الكرسي.. سلمان قاعد ولام ايده لبعضهم وبابتسامة: حمد للله ع السلامة.. احمد ساكت ولا رد عليه ويطالع في الدريشة ومب عاطه فيس ..... سلمان يحس بالاهانات ووجوده وعدم وجوده واحد اخذ جواله ونظارته وقال كلمة اخيره: المهم خوك .. النا ياي اطلب منك السماح واصفح عني ... عن اذنك.. احمد يلوي بوزه:...... سلمان يمشي للباب وفتحه ودار يطالعه مرة ثانية بنظرات مافهمها : مع السلامة.. احمد يحس انه قسى عليه بس هذا مايعني انه يحبه.. حسيت بضيج قلت خلني اروح لبيت عمي اونس روحي مع خلود.. ودخل حوش بيت عمه الواسع ولقى ايمان تسقي الورد.. كانت مو لابسة شيلتها وشعرها الطويل مفلول واهي تسقي الزرع وتغني ودخل سلمان ولا يدري وايمان اتخرعت وتشهق: هييي هههه بسم الله الرحمن الرحيم .. سلمان ينزل راسه:يالله.. وتركض لغرفتها تجيب لها شيلة حق تلبسها ونزلت لسلمان واهي مرتبكة: هلا وغلا.. سلمان: هلا شحوالش؟ ايمان: زينة وانته ششحوالك؟ سلمان: زين ومو زين ايمان: عسى ماشر؟ وزين ومو زين يعني شنو؟ سلمان:تعرفين شوي مرشح ومريض.. ايمان: ايه لحظة بناديه.. سلمان: اخذي راحتش.. ايمان: اكو ناديت عليه الحين بجي وبأرتباك قالت له: سسامحني ولد عمي خليت واقف هنيه اتفضل.... سلمان مبتسم: لا لا عادي انا اصلا متواعد وياه حق اطلع وياه مايحتاج... ايمان : اها عجل اقعد على الكرسي الي تحت الطاولة مالت الحديقة.. وراح قعد واهو يتنهد وايمان تطالعه بأعجاب وتبتسم .. :ياربي شكثر هالصبي وسيم واخلاقه ولا فوق الفوق.. ماشاء الله.. اهو صج كان سلمان وسيم وطويل شوي وحليو وابيض وشعره للأذونه حليو ناعم والي تشوفه تتهبل عليه.. وضلت تراقبه لين ماوصل خالد وهربت لداخل.. وقعدت على الكرسي تفكر.... خالد ركب في سيارة سلمان واهو ساكت وسرحان ... سلمان قطع حبل افكاره: هووووي خلود وش فيك ولد العم؟ خالد: مافيي شي بس ابغيك في موضوع .... سلمان معصب: ؟ امر تدلل؟ خالد بخجل واهو يطالع الارض ويحك راسه وقال مرة وحدة: سلمان اهني مب مكان مناسب سلمان واهو مو فاهم: اف عيل وين؟ خالد يطالعه مقهور: اتصور ياالدعلة عاد موضوع مهم في سيارة؟ سلمان:ايه عادي.. خالد منقهر وطفح الكيل به: والله حاله اقول ليك اهني ما ايوز.. وراحو البحر ونزلو يتمشون واهم يسولفون خالد وقف وقعد يطالع البحر وسلمان يطالعه:احسك في كلام بقلبك ودك تقوله .. خالد طالعه ورد وجه نظره للبحر بتردد:ا..ايه.. سلمان:خير؟ صاير شي؟ خالد يبتسم ابتسامته الحلوة:ابي ... ابي اتزوج ناهد.. سلمان متفاجئ:ناهـــــــــــد!!!... ........... ايمان بالصالة تروح تشوف ام خالد تطالع اخبار وتقعد يمها وتبتسم:مامي خالد تأخر.. ام خالد ونظرها كله بالتلفزيون ولا عبرتها.. ايمان بنظرة عجز:مامـــي اكلم الطوف؟ ام خالد ترد عليها:هااا؟ نعم؟ شدراني عنه مايه للحين .. ايمان تبرطم:اهو وعدني يوديني بيت عمي ولا وداني لكن هيّن ياخلود.. ام خالد تأشر عليها بروحي:ايمان الله يخليش خلني اسمع الاخبار وتركي عنج تفاهاتج اللي مالها اول ولا تالي.. ايمان متفاجئة وتأشر على نفسها: الحين انا صرت تفاهات؟ راحت غرفتها وسكت عليها الباب... بهدوء.. ام خالد تحس بتأنيب .. .... سلمان متفاجئ لكنه ضل طول الوقت ساكت.. خالد يطالع البحر وخال يده بجيبه :انا حمد لله الحال عندي ميسور ومستعد.. وناهد اختك بنت ولا كل البنات وماتنعاف .. وماشفت منها ولا عيب.. وانا حمدلله اشتغل وراتبي زين وصج انا مستعد.. سلمان مبتسم له:خلاص شورك وهداية الله ... بكلم البنت وبشوفها شتقول... خالد يطالعه واهو ساكت بعد مدة تنهد :انته قول لها بالسالفة وانا بخطبها بعدين رسمي من عمي.. سلمان يبتسم: انشالله... خالد يحس بسعادة لا توصف بعد 25 سنة يتزوج.. خلاص انتهت حياة العزوبية .. ويحس بأنه اذا تزوج فتاة احلامه راح يكون اسعد انسان بالكون.. ابتسم بداخله يتنهد بأرتياح ...لازم شوي ينهي حياة العمل والتعب.. ويتفرغ لنفسه ..سلمان يحس بشعور خالد ... بعد مدة ركب السيارة وراح وراه سلمان... وصل خالد البيت وسلم عليه .. واهو راح بيتهم.. دخل البيت ولقى ام ناصر بروحها :يمه .. وين ناهد.. ام ناصر: هلا ..ناهد فوق نايمة.. سلمان متفاجئ:نايمـة؟ هالحزة؟ دجاجة؟ ام ناصر: ادري عنها؟ سلمان يطالع غرفتها من فوق... بس خلاها تنام مايبي ينكد عليها.. خل السالفة بعدين.. ام ناصر تدخل على سلمان لقته يفكر على السرير.. ام ناصر:خير ياولدي فيك شي؟ سلمان يتنبه لامه ويبتسم وكأنه مخبي شي:لاء ... اذا قعدت ناهد قولي لها سلمان يبيج بموضوع ضروري.. ام ناصر مرسوم بويهها علامة استفهام: موضوع ضروري..؟ سلمان:ايه بس بيني وبينها يمه لاتزعلين مردج بتعرفين.. ام ناصر:انزين ياولدي قولي وش صار ويا الولد؟ سلمان يطالع الارض بحزن:رحت له المستشفى بس كلش كان معصب علي ووده يطردني.. ام ناصر تهز راسها بعدم الفايدة ونزلت للصالة.. سلمان للحين شايل بخاطره وما يعرف شنو يسوي علشان يرضي هالطرف.. الصبح قعدت ناهد من النوم تحس بكسل شلت نفسها وراحت الحمام اكررمكم الله وغسلت ويهها وفرشت اسنانها...طلعت منه نزلت الصالون شافت ابو ناصر مع الاخبار:صباح الخير يااحلى ابو ناصر بالعالم.. ابو ناصر بأبتسامة: اوه اوه .. صباح الفل والياسمين والشذى.. ناهد تضحك :كل هذا كلام لي؟ بو ناصر :ههههههههههه.... ام ناصر جاية من فوق:ناهد سلوم يباش في سالفة يقول روحي له.. ناهد:انشالله.. استغربت شنو يبا اول مرة يناديني في سالفة خاصة.. طقيت الباب وفتحته بهدوء لقيته نايم.. طالعت امي من تحت:يمه الله يهداج نايم.. ام ناصر:يقول اذا قعدت قعدوني .. دخلت عليه ونادت:سلووم.. سلمان نايم في سابع نومة.. قعدت يمه:سلوم سلوم اقعد.. سلمان يفتح بهدوء ويناضرها يعيونها الحلوة: خير وش تبين؟ ناهد :خير انته اللي شتبي؟امي تقول تبيني بسالفة.. سلمان بأرتباك وابتسم:ا..اايه ابيج بموضوع.. ممكن؟ ناهد تبتسم:تفضل كلي اذان صاغية... سلمان :اه.. ناهد بصراحة خالد ولد عمي يبيج.. ناهد تضحك ومب فاهمة الموضوع طالعت الباب وردت نضرها له:يبيني؟ هه يعني شلون؟ سلمان يلوي بوزه:اوووه يبيج للزواااج .. طالعت سلمان بشوية احباط وقلبي يرجف من سمعت اسمه رديت وكأنه الساني بينقص وماعرف شقول:خــ..خالـــد!!! سلمان يبتسم:ايه والليلة راح يجون.. تجهزي واكشخي اللليلة بيجي...يطلبج رسميي... ناهد مصدومة:االليلة!! الليه بيجي؟ من صدقك تتكلم والله تخرف؟ سلمان يعطيها طراق :من صدقش عيل قاعد اخرف يعني؟ ناهد تستحي وتنزل راسها وقامت من على السرير وركضت برى من الحيا.. سلمان يطالع بلا مبالاة ويحب يده: حمد الله.. والشكر.. الليل الساعة 9:54 خالد كان يحاول مع ابوخالد بس ماكو فايد خالد حالته تكسر الخاطر كان يحاول انه يحضر المواساة وبيت اخوه بس القرادة وماتسوي خالد ينقهر من كلام ابو خالد ويسك التلفون وتدمع عيونة وفي قلبه يقول بأنكسار ودمعات القهر تساقط :فيه ابو بالدنيا مايتمنى السعادة لولده؟!!! اخ يالقهر.. اخخ... خالد يزور بيت عمه وحيد وكان متواجد ناصر وسلمان وابو ناصر بالميلس ويطلب يد ناهد رسمي :والله يابوك الراي الاول والاخير للبنت .. وانا بوك ماعندي مانع انته ريال طيب وملتزم.. ومافيك اي عيب.. خالد ينزل راسه مستحي من كلام ابو ناصر... ابو ناصر يسأل سؤال يخلي خالد ينحبط:اقول خالد وانا بوك ليش اخوي ماحضر وياك؟ خالد يطالع سلمان وناصر محبط ومفتشل وبعدين وجه نظراته لابو ناصر.. وسلمان وناصر يطالعون ببعض بنضرات الشفقة.. ابو ناصر يفهم الموقف ويقدر: انا اسف يا ولدي ماكنت اقصد.. خالد يتدارك الموقف: لا عمو ماعليش ماصار الى الخير... ابوي اشوي عنده شغل ومايقدر يحك راسه وثاني مرة يزوركم.. ابتسم بأرتباك لولاد عمه ولعمة وقلبه متقطع بنار شعلها ابو خالد لخالد ولده على هالموقف اللي حطاه له.. ابو ناصر :اسمع ياولدي الحين انا بشاور البنت وانشالله بشوف رايهها.. خالد :اخذ راحتك... ناهد قاعد بالصالة كانها ملاك وحلوة مثل القمر ابو ناصر يخزها من فوق لتحت: ماشاء الله .. يلا يا بنتي تعالي وسمعي خالد كلمة موافقة او لاء.. ناهد مستحية وتعقد حواجبها بخوف..:يلا يابنتي مب وقته.. ناهد تدمع عيونها وتنفجر بحضن ابو ناصر بجي...:شفيج يابنتي يلا.. مو وقته تبجين.. تمشي وراء ابوناصر بهدوء وانكسار وعليها الشال... دخل ابو ناصر وقعد وقدامها ام ناصر.. ابوناصر يأشر على ناهد: يلا يابنتي خالد ولد عمج ياي يطلب يدج والراي الاول والاخير لج.. ناهد تعقد حواجبها:اللي تشوفه يبه.. خالد يخز ناهد بنظرات خلت ناهد تموت من الخوف وتنزل راسها وتبتسم وخالد ميت يبي يسمع الكلمة الاخيرة.. وابتسم لها وهز راسه لها بأي.. ناهد تقول مرة وحدة وتطلع: انا موافقــــــــة!!.. ام ناصر تضحك: وه وه هذي الساعة المباركة كلللللللللللللللللللللوووووووش.. خالد مب مصدق طاير من الفرح وقعدوا ولاد عمه يباركون له.. ام ناصر تروح فوق لغرفة ناهد كانت قاعدة على الكرسي وعيونها تدمع يوم شافت امها ماقدرت تمسك دموعها وام ناصر تطالعها وتبتسم:الف مبروك يابنتي.. بس ها ديري بالش عليه وسمعي كلامه ولا تعصبينه.. وتقعد يمها توصيها على ريلها..ناهد تسمع كلامها وتبتسم.. ((بيت سالم الاولي)) الساعة 12 الليل.. الصالة.. العايلة عندهم اجتماع بالصالون خالد يالس يخبرهم بالسالفة ام خالد فرحانة وكانت تدري قلبهم كلهم حنان ومنى يصيحون: يعني خلاص بتفارقنا؟ خالد يطالع ايمان وام خالد بأرتباك وابتسم لهم:لاء حبايبي الحين بس خطوبة وانشالله لين ناهد كملت الجامعة على طول نتزوج.. منى تبتسم: ايه فكرت بعد تتخلى عنا.. ترى حنا مالنا غيرك.. خالد يطالع الارض بحزن: انا عارف انه ضروفنا ماتسمح اني اتزوج.. وانا الحين بمكانة ريال البيت... وابوي مب موجود .. لكن لاتخافون.. انا اذا تزوجت ناهد انشالله .. راح اسكن معاكم هني... مايصير تضلون بروحكم.. كلهم بعد ماقال خالد هالكلام ابتسمو وكبر بعينهم اكثر واكثر ونعم التربية ...ابتسمو بأمل.. *********** Quote Link to comment Share on other sites More sharing options...
ديهيه Posted أغسطس 3, 2006 Report Share Posted أغسطس 3, 2006 الجزء وااااااااااااااااايد حلوووو يسلموا ننطر البقية Quote Link to comment Share on other sites More sharing options...
danat aldonya Posted أغسطس 5, 2006 Report Share Posted أغسطس 5, 2006 لا يكون هاي نهايه القصه لانج صراحه تاخرتي وايد الله يخليج كملي الباقي او اذا هاي نهايتها خبرينا على الاقل Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.