danat aldonya Posted أغسطس 23, 2006 Report Share Posted أغسطس 23, 2006 تسلمين فديتوني والقصه صراحه روعه وانتي الاروع اللي ما تخلينا ننتظر وايد Quote Link to comment Share on other sites More sharing options...
بنووتة كووول Posted أغسطس 23, 2006 Report Share Posted أغسطس 23, 2006 القصـ‘ـة رووعة ننتظر البارت الياي Quote Link to comment Share on other sites More sharing options...
moon83 Posted أغسطس 23, 2006 Report Share Posted أغسطس 23, 2006 يسلموووووووو اختي على القصه يعطيج العافيه ننطرج لا تتاخرين Quote Link to comment Share on other sites More sharing options...
فديتوني Posted أغسطس 23, 2006 Author Report Share Posted أغسطس 23, 2006 حبايب قلبي والله انتو الاروع فديتكم والله تسلمون على مروركم وتواصلكم يعطيكم ربي العافيه Quote Link to comment Share on other sites More sharing options...
دايخه في دنيه بايخه Posted أغسطس 23, 2006 Report Share Posted أغسطس 23, 2006 تسلمين على البارت الحلو و في انتظار البارت الياي Quote Link to comment Share on other sites More sharing options...
fatemate Posted أغسطس 23, 2006 Report Share Posted أغسطس 23, 2006 ثنكس بأنتظار التكملة Quote Link to comment Share on other sites More sharing options...
فديتوني Posted أغسطس 24, 2006 Author Report Share Posted أغسطس 24, 2006 ان شاء الله البارت بنزله قريب اول ماخلص منه وتسلمون على مروركم يعطيكم ربي العافيه Quote Link to comment Share on other sites More sharing options...
فديتوني Posted أغسطس 25, 2006 Author Report Share Posted أغسطس 25, 2006 ((الجـــزء الســـادس عشـــر )) في سيارة عبدلله عبدالله : يمه شوق مرقده بالمستشفى ام عبدالله : شوق اي شوق ؟ عبدالله : شوق خطيبة سلمان الله يرحمه ام عبدالله : الله يرحمه .. عسى ماشر شفيها عبدالله :والله مادري بس بالعنايه المركزه ام عبدالله : وعليه الله يشفيها . ان شاء الله بنروح لها عبدالله : اي والله تسون خير العنود كانت صاخه حاطه راسها على الدريشه وتفكر بحياة عبدالله اخوها الي تشوف الحيره بعيونه عبدالله :العنود شفيج العنود : سلامتك اخوي مافيني شي في بيت منصور حسن كان موجود عنده منصور ساند راسه ع الكنبه ويفكر حسن : منصورو حالك مو عاجبني شفيك ؟ منصور: امي حسن : من عرفتني وعرفتك هذي امك ماتغيرت يعني الحين بتتغير منصور : جان زين بتتغير اليوم متصله لي حسن : ششفيها ؟ منصور: تبي تعرسني حسن : زين الي حنت عليك هذي قلب الام منصور : اي تعرسني انت لو تدري ليش ناويه تخليني اعرس حسن : ليش ؟ منصور : هذي سالفه طويله حسن : في سالفه عنك ماعرفها منصور : لا بس هي تبي تعطيني بنت خالتي حسن : لو انا مكانك بطير من الفرحه امي وتخطب لي بنت خالتي منصور : حسون لا تبط جبدي بنت خالتي وحده مو زينه وهي غلطت وامي تبيني اخذها استر عليها حسن سكت انصدم من الي قاله منصور منصور : وتقولي حالك مو عاجبني حسن يبي يغير من حال منصور يعطيه شوي امل : زين يمكن انت ظالمها منصور : ظالمها طل المشكله امي الي قايله لي سالفتها على قولتها طالبه العون منك اي عون في هالسوالف منصور : جان خطبتها حق دلوعها والا ماتقدر الا علي انا امحق ام والله حسن : زين هونها وتهون انت كنت مقاطعها ومرتاح منصور : قلت بفرحها ان مرت عمي بتخطب لي قالت لي انا عندي لك خوش عروس حسن : زين خلاص انسى هالسالفه دام انها مو داشه راسك منصور : ولا بتدش بعد في بيت بوعبدالله العنود تكلم شهد بالتلفون شهد : الله واكبر امس شايفتني اليوم وحشتج العنود : اي وحشتيني تعالي بيتنا شهد : اممممم عندي اشغال اليوم العنود : اشغال سكتي بس بزنس ومان شهد : خخخخخخخخخخ بعد تطنزين علي شوفي من بييج العنود : يعني بتذليني على شوفتج عاد من زين ويهج مابقى شي وبتيي الريم عندي باشوفها 24 ساعه احسن من ويهج شهد : تو الناس باقي شهر العنود : ادري بس في العطله بتكون وياي شهد : عنودو خايفه من الشهاده العنود : من غبائج شهد : والله درست بس خايفه من الكيماء العنود: ان شاء الله ننجح ونفتك شهد : احس الثانويه هم وبينزاح العنود : اي والله شهد : شخبار عبدالله العنود بعصبيه : مو شغلج شهد : بل عاد ايل يقول الحين توم كروز العنود : من غبائج انج تحكمين ع الناس من شكلهم شهد : اوووه عنودو لاتغثيني بتفلسفج العنود : انزين يلا صكيه لا تسندريني وتبين تين زين ماتبين بالطقاق شهد : حشى جبريت مو بنت خاله العنود : اي لاتيبين طاري اخوي بكون خوش بنت خاله شهد : جني الا ميته عليه مو اهو الي ميت علي العنود تبي تقهر شهد : ذاك زمان شهد : احسن ويلا خليني ابدل وايي حق سندراتج العنود : وي صج شهود متى بتاخذين الليسن شهد : لي خذت الشهاده العنود :اها يلا ذلفي عن ويهي وصكته عن شهد وخلت شهد تتحلطم عليها في المستشفى ظهرت الدكتوره من عند شوق مالقت ابوها لاول مره راحت للمرضه الدكتوره : ماشفتي ابو المريضه شوق الممرضه : امبله طلع من المستشفى الدكتوره : لان شوق وعت وتصرخ بأسم سلمان وتنادي ابوها الممرضه : اتصل في اهلها الدكتوره : اي اكيد قوليلهم ضروري يحظروون لان الصراخ مو زين لها وهي توها ماصار لها اسبوعين من العمليه الممرضه : الو السلام عليكم رد بوشوق : وعليكم السلام الممرضه : انت ابو المريضه شوق بوشوق متدوده : اي ليش شوق فيها شي صار فيها شي الممرضه : شوي شوي اخوي بس لازم تيي الحين ضروري بوشوق : ان شاء الله الحين ياي طبعا بوشوق ماصارله عشر دقايق من ظهر من المستشفى حتى للحين ماوصل البيت رجع للمستشفى وراح على طول للغرفه الي فيها شوق وكان يسمع صوت تصرخ تناديه وتقوله ماتبي تتزوج عوره قلبه على حال بنته بوشوق في خاطره : ياربي لي متى بتم على هالحال تنهد وقتها ظهرت الدكتوره الدكتوره : مرحبا اخوي ممكن تتفضل تواجدك عند شوق الحين بيخفف عنها دخل بوشوق وتأثر بحال بنته ضعفت وااايد وحالته حاله تقرب منها وبوسها مثل اليهال كأنه صارله سنين ماشافها شوق من شافت ابوها قامت تصيح بوشوق : لا تخافين حبيبتي دام اني وياج لا مبارك ولا غيره بياخذج شوق وهي تبوس يد ابوها : ابي اطلع من هني بوشوق : ان شاء الله وتمت شوق ماسكه يد ابوها بالقوه ماتبيه يروح عنها وطبعا ام شوق لاهيه في البيت ماتدري عن بنتها كلام ام شوق اكثر من فعلها قالت مابتلوم نفسها اذا صار في بنتها شي وهي ماتدري عن حال بنتها غير لي رجع بوشوق البيت تسأل عن حالها في الكوفي جوري كانت قاعده ويا صديقتها هدوء هدوء : جوري مافي احد انتي شسالفتج تتحلمين ولا تقصين علي جوري : انتي صبري بس والله مساعه جفته هدوء : مساعه متى يوم تكلميني جوري تهز راسها بمعنى اي وهي تتلفت كأنها تدور شخص وهي فعلا كانت تدور سلطان هدوء وهي تقوم وتشيل شنطتها : حمدالله والشكر قومي بس روحي بيتكم شوفي الساعه جم كانت الساعه 1 الظهر جوري : والله انج ماتحسين فيني هدوء : شاحس فيج وهو صارلنه ساعتين ومافي احد ناويه تقعدين لي العصر ؟ جوري : ان شاء الله اقعد العمر كله بس اشوفه هدوء : مادري من وين يايبه هالغباء قومي بس جوري : اففف انا غلطانه الي يايبتج وياي وقامت جوري وهدوء طلعو من الكوفي سلطان يكلم احمد بالتلفون سلطان : انت حياتك كلها رقاد وين تدري عن العالم لا وبعد خلصنا جامعه وين نشوفك الحين احمد : ليش تشتاقلي انت بعد سلطان : اقول انطم والعصر بنطلع احمد : وين بتوديني في الشمس سلطان : قلت لك العصر ماقلت لك الحين احمد : ادري وين بتوديني ؟ سلطان : بوديك مكان آآآه ياذاك المكان بتشوف فيه شي عمرك ماشفتك احمد :سلطانو استخفيت انت سلطان : لا بس لاني من زمان ماشفتك احمد : يعني تشتاقلي سلطان : هذي الي بكفخه غصب اشتاقلك احمد : اي اي غصب سلطان : انزي لاتنسى طلعتنا العصر احمد : اوكو سلطان : يالله بايو وسكرو من بعض العصر بيت بوعبدالله وصلت شهد وطقت الجرس وفتحت لها الخدامه الباب ولقت خالتها بالصاله قاعده مع العنود شهد : السلام عليكم العنود وامها : وعليكم السلام شهد : شخباج خالتي ام عبدالله : بخير الحمدلله شخبارج انتي شخبار امج شهد : تمام تسلم عليج ام عبدالله : الله يسلمها العنود : شفيج مرتزه قعدي شهد : هههههههه انطرج تقولين لي تصدقين العنود : بايخه شهد : مو ابيخ منج ام عبدالله : انتو ماتملون من هالهواش شهد : لا خالتي اذا ماتهاوشنا مكون انا شهد وهي العنود ام عبدالله : ههههههههههه في هاللحظه نزل عبدالله كان بروح ويا سلطان واحمد شاف شهد بس ماعطاها اهتمام لانه يأس ومايبي يقط روحه عليها لوهي تبيه تعرف شلون تلاقيه عبدالله : يمه انا بطلع تامريني بشي ام عبدالله : سلامتك يمه بس ابيك توديني بيت يدتك ع الدرب عبدالله : ان شاء الله يمه يالله انطرج وقامت ام عبدالله راحت تلبس شهد : شخبارك اخوي (( متعمده تقوله اخوي )) عبدالله طنش : العنود قولي حق امي انطرها في السياره لاتتأخر العنود طبعا استغربت من تصرف اخوها بس قالت يمكن اقتنع بكلامها العنود : ان شاء الله وطلع عنهم عبدالله شهد : شفيه اخوج مصدق عمره العنود : فديته من حلاته غصب يصدق عمره شهد : وايد مصدقه عمرج انتي العنود : يحق لنا شهد : بكفخج العنود : ملل لوعندي الليسن الحين جان قعدنا في البيت شهد : عاد طل يخلونج تطلعين بروحج العنود : والله ملل صبري بقول حق علي يطلعنا محد يعطيني ويه حق الطلعات غيره شهد : يالله بنشوف وراحت العنود فوق غرفه علي طقت الباب ودخلت كان علي يتكلم بالتلفون العنود : وانت ماتشبع حتى ريموه تمللت علي : مو شغلج العنود : هههههههههه انزين علي حبيبي انت علي : سمعي بس التمصلح والريم كانت ع الخط تضحك العنود : صج علي والله ملل من زمان ماطلعت علي : الصبح طالعه رايحه المستشفى يازعم مريضه وين مريضه ماشوف فيج شي العنود : لا اله الا الله انضلني بعد علي : ههههههههههههه ويهج العنود : يالله عاد علوي علي : شنو يالله العنود : طلعنا علي : لا وطلعنا انتي ومن ان شاء الله العنود : انا وشهود علي يحاجي الريم : ها شرايج قلبي اطلعهم ؟ الريم : خخخخخخخخخخخ حرام عليك طلعهم علي : خطيبتي تقول تغار لا توديهم كان العنود مبوزه : مالت عليك انت وخطيبتك علي : هذي يزاها الي تقول حرام عليك طلعهم لكن عناد مو مطلعج العنود : اوكي ذليتنا على طلعه وفتحت الباب بتطلع علي : يالله لبسي خمس دقايق والا اهون العنود : اشتغلت النذاله عندك وطلعت عنه علي : ههههههههههههههه احبج الريم استحت : حبتك العافيه علي : يالله انا بصكه بروح اكشخ يمكن ينعجبون فيني الريم عصبت : انزين يالله باي علي : هييي تعالي وين الريم : روح بدل عشان ينعجبون فيك علي : فديت الي تغار علي الريم سكتت علي : يالله اكلمج بعدين الريم : اوكي مع السلامه وسكر من عندها عند الشباب طبعا كلهم في سياره وحده احمد : تدري انك فريت راسي صارلك ساعه وانت تحوط فينا عبدالله : اسكت بس لا الحين يودينا الكوفي لوع جبدي بهالكوفي احمد : شعندك هناك اعترف سلطان : هههههههههههههههههههه الحين بوديك براويك شعندي عبدالله : اقوله شعندك احمد : هابعد صار عندكم اسرار وماتعلموني عبدالله : واحلى سر بعد سلطان : هههههههههههههههههه جب بس احمد : صج شفيكم عبدالله : سلطانو نسى قلبه فالكوفي احمد فهم قصده : ههههههههههههههههههههه سلطانو يحب ماصدق عبدالله : وفاتك الي يحبها بعد سلطان : شفيها ؟؟ عبدالله : انت شفتها عدل سلطان : اي عبدالله : شكلها مو خليجيه سلطان : اي شكلها جذي احمد : والله حلفو انتو بس سلطان : خلاص نوديك تشوفها عبدالله : هههههههههههههههه تبيها من الله انت احمد : يالله نروح شورانا وراحو الشباب الكوفي Quote Link to comment Share on other sites More sharing options...
moon83 Posted أغسطس 25, 2006 Report Share Posted أغسطس 25, 2006 يسلموووووووووو اختي يعطيج العافيه Quote Link to comment Share on other sites More sharing options...
فديتوني Posted أغسطس 25, 2006 Author Report Share Posted أغسطس 25, 2006 الله يسلمج حبيبتي تسلمين على مرورج الرووعه يعطيج ربي العافيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.