بنووتة كووول

البارت الثامن في بيت ابو محمد الساعة 5 العصر البيت هدوء .. راحت ام محمد لغرفة احمد وطقت عليه الباب .. طق طق طق احمد كان نايم شوي وماسمع طقة الباب فتحت ام محمد الباب ولقت احمد نايم قعدت فوق السرير يمه وحطت يدها على جتفه وهزته بالعدال ام محمد: احمد .. احمد احمد متخرع : ها ها يمة شصااير ام محمد: شفيك اسم الله عليك احمد : ما مافيني شي بس خرعتيني ام محمد: وي مب قصدي يايمة احمد وهو يعدل قعدته: مومشكلة ام محمد: احمد يمة احين شسالفة عن الخطوبة لا يكون هونت احمد وهو يتذكر جنه فاقد الذاكرة: الخطوبة .. وي يمة نسيت كلش راحت عن بالي السالفة.. كلمتي ام البنية ام محمد: من صادك الحادث ماكلمتها بس خبرتها ان بنأجل الموعد لان صايدك حادث وهلون احمد وهو يحك شعره: اليوم اي يوم ام محمد: ههه اليوم الاثنين احمد: امم عيل خبريهم ان يوم الخميس بنروح لهم ام محمد: الخميس؟ زين بخبرهم وبخبر ابوك وعمك وخالك ومحمد احمد: يمة يمة حشى كل هذلين بيون ويانا ام محمد: اي لازم عيل شلون احمد: هههههه هاي مب ملجة بس بنتفاهم ام محمد: ماعليه احمد: اوكي يصير خير ام محمد: يلا عيل انا اخليك ترتاح احمد: لا بس خلاص بقوم بنزل تحت اطالع التلفزيون متملل ام محمد: اوكي عيل انا بعد بسوي لك شاي وبقعد معاك احمد: اوكي يمة في غرفة حسين حسين توه قاعد من النوم دش الحمام وخذ له شاور و طلع ويود كتابه بيدرس لان عنده اختبار باجر وهو يدرس الا رن تلفونه حسين: الو هيثم: هلوو.. شخبار؟ حسين: الحمدالله انت شخبارك هيثم: اوكو حسين:سوري عن اليوم بس كنت معصب حدي واحين رايق هيثم: تعودت عليك ويا ويهك كله تحط حرتك فيني حسين:ههههههه شاسوي ماعندي الا انت اغربلك هيثم: ههههه مالت عليك ها تطلع اليوم حسين: باجر عندنا اختبار وتوني ببدي ادرس هيثم: مب احين يعني عالساعة 9 حسين: باجوف اذا خلصت بخبرك .. من بيطلع ؟ ووين بتروحون هيثم: هذا احنا الربع ياسرو وخلود و عبود .. خاطرنا نروح السينما حسين: اوكي بجوف اذا خلصت بتصل لكم تمروني هيثم: اوكي يلا باي حسين: باي وكمل حسين دراسته الساعة 8 الليل الكل قاعد تحت بالصالة ولا حسين نازل حسين: احمدوووو سارة تطالعه مبققة عيونها تقول في قلبها توهم متهاوشين احمد: ها قول حسين: انا توني مكمل دراسة وربعي بطلعون بروحون السينما يلا تعال ويانا انا عازمك احمد: خوش شي والله من زمان مارحت احين ابدل وايي وياك حسين: اوكي بسرعة انا ببدل بعد وبمرون علينا سارة: الاااي ابي اروح السينما ودوني حسين: هههه خبلة كلنا صبيان احمد: ماعليج اختي يوم اليمعة بوديج انا سارة: فديييييتك .. الله ونااسة احمد: ههههههه ام محمد: احمد اتحمل بروحك انت تعبان ومكسورة يدك احمد: يمة جوفيني مثل الحصاة يلا بروح ابدل ام محمد: اوكي حبيبي حسين: انا بعد يلا بروح ابدل وراحو فوق سارة تطالع امها وهي تضحك: ههههه تصالحو ام محمد: ايي الحمدالله اخوان ومالهم الا بعض سارة: الا وين ابوي ام محمد: ابوج يتسبح سارة وهي تفرفر في قنوات التلفزيون: اها ام محمد: شخبار دراستج راجعتي زين؟ سارة: اي يمة راجعت وكلشي تمام والمعلمات يمدحوني احم احم ام محمد: الله يوفقج يا يمة نزل ابو محمد من فوق وقعد معاهم ابو محمد: ها سارة حبيبتي شلونج سارة: الحمدالله تمام ابو محمد: وين حسين واحمد سارة: تصالحو يبة ام محمد: اكو يتجهزون وبيطلعون مع بعض ابو محمد: اووه زين زين الحمدالله ام محمد: بو محمد يوم الخميس لاتنسى انا قلت حق اهل البنية ان بنروح لهم يوم الخميس ابو محمد: اي ان شاء الله خير سارة: اي بنية؟ ام محمد: اللي بنخطبها حق احمد سارة: ايي .. شسمها؟ ام محمد: اسمها إيمان سارة: اها .. انزين انا باروح وياكم ام محمد: مو مشكلة سارة : اخااف احمدو بعدين مايدلعني لين تزوج ام محمد: لا شدعوه.. بتصير مثل اختج وبتطلع معاج وبيطلعكم بعد سارة: اممم ولا بنزلة احمد احمد: السلام يبة ابو محمد: هلا عليكم السلام احمد: وينه حسينو وايد تأخر احمد: حسينوووو حسين: كاني ناازل اكا هم عند الباب ينطرونا تأخرنا احمد : محد أخرنا غيرك حسين: يلايلا بسرعة .. مع السلامة احمد: مع السلاامة ام محمد: الله يحفظكم ************** ريم بنت جامعية .. أول سنة جامعة لها وهذي هي البنت اللي دعم فيها حسين بنية طيبة وحبوبة وفي حالها و هي وحيدة امها وابوها لكن على قد حالهم ام ريم: ريم يمة جهزتي العشا ريم: اي يمة يلا بنادي ابوي وبايي ريم راحت لابوها المريض الغرفة ريم: يبة .. يلا قوم العشا جاهز ابو ريم: ان شاء الله يابنيتي احين انا ياي وقعدو يتعشون مع بعض ابو ريم: ريم يا بنيتي انتي صرتي كبيرة وحليوة ولازم تتزوجين ريم وهي خايفة: يبة انا ابي اكمل دراستي ابو ريم: مافيها شي تتزوجين وتكملين وايد بنات متزوجين ويدرسون ريم: لا مابي ابو ريم: ياي لي واحد شغلته زينه و ومن عائلة معروفة وشاريج ريم وهي متضايقة: بس انا مابي ام ريم: بو ريم بس خلها على راحتها ابو ريم: براحتج يا بنيتي ريم عمرها ماكلمت صبي وتخااف وايد من سوالف الحب وهالاشياء وخجولة وتخاف من سالفة الزواج تحس روحها ماتعرف تتصرف مع ريال ولا تعرف شتسوي وفي نفس الوقت ماتبي تخلي امها وابوها الكبار في السن بروحهم في البيت عشان جذي كل مايخطبها احد ماتقبل. ********* حسين واحمد في السيارة حسين: احمدو هاي ربعي كلش عادي لا تستحي منهم هيثم: اي ترى عادي احمدوو خلك فري معانا احمد: شدعوه انا بستحي ههههههههه وصلو المجمع ودشو السينما فلم رعب ************ سارة عالساعة 10 كانت قاعدة عالنت لاحظت سارة هالايام اهتمام بدر فيها وكل يوم مطرش لها رسالة خاصة ويسولف وياها وهي تسولف ومابنيتها شي لكن اليوم مطرش لها رسالة غير! فيها ايميله وقال لها انا حاب اتعرف عليج ازيد وازيد وياليت تضيفيني على ايميلي واذا مو حابة خلاص سامحيني ومسحي الرسالة سارة حست روحها تبي تتقرب منه وحسته صادق في كلامه قامت وضافته دش بدر اونلاين وعلى طول كلمها بدر: هلا والله الوردة الحنونة: اهلين بدر: شلوونج الوردة الحنونة: تمام .. وانت بدر : انا بخير دامج بخير الوردة الحنونة: بدر: مشكورة على ثقتج فيني وانج ضفتيني .. الوردة الحنونة: العفو شدعوه وتمو يسولفون تقريبا لي الساعة 12 سمعت سارة طقة الباب خافت على طول صكت الاب توب ودشت عليها امها ام محمد: سارة لحين مانمتي سارة وهي خايفة: ما ما ماننمت احين عقب شوي بنام ام محمد: شفيج خايفة وليش صكيتي الاب توب سارة: لا ولاشي كنت صاكته لان بنام احين ام محمد: انزين يلا تصبحين على خير طلعت ام محمد سارة: وه قلبي اول مرة اسويها بدر: وينج الوردة الحنونة: سوري كانت امي تكلمني بدر: اها الوردة الحنونة: يلا انا بقوم انام باجر بكلمك بدر: اوكي الوردة الحنونة: بااي بدر: باايات صكت الاب توب وانبطحت عالسرير ونامت بعد مادارت افكار وايد في بالها وشنو يبي بدر منها وهل هو معجب فيها صج؟ وامها شكت فيها ولالا؟ واللي تسوي صح ولالا ********** الساعة 12 ونص حسين واحمد رادين من الطلعة احمد: يحليلهم ربعك حليوين وحبوبين حسين: ههههههه اكيد طالعين علي احمدو: هههه مالت عليك يلا بروح اناام باجر وراي دوام الوالد يقولي صرت زين ومادري شنو ومليت من البيت حسين: اوكي انا بعد وراي جامعة احمد: تصبح على خير حسين: وانت من اهله الكل نايم في البيت والبيت هدوء ومر يومين الثلاثاء والاربعا واليوم الخميس يوم اللي بخطبون حق احمد عالريوق احمد وهو متشقق: هذا يوومي ام محمد: هههههههههه يحليلك حسين: هالله هالله بالكشخة احمد: افا عليك ههههههه ابو محمد: يلا سارة تأخرنا .. واحمد الحقني عالشغل لاا تتأخر احمد: ان شاء الله يبة وسوري عالتأخير

تسلمين عالبارت وننتظر البارت الياي

تسلمون عالمرور... وان شاء الله باجر بنزل البارت الثامن

ننتظررررر ونبي نعرف شصار بسرعة يا اختي

البارت السابع في المستشفى رآحت ام محمد للدكتور وطقت عليه الباب .. طق طق طق الدكتور : تفضل ام محمد: السلام عليكم الدكتور: عليكم السلام.. تفضلي ام محمد: دكتور ولدي احمد يبي يطلع من المستشفى .. عادي يطلع مايصيده شي خطر ولاتعب؟ الدكتور: اممم.. لا ان شاء الله مايصيده شي بس لا يتحرك وايد ولا يصيد الجرح اللي براسه ماي لمدة 3 ايام على الاقل يعني عادي يتسبح بس صوب الجرح لا يصيده ماي لان نخاف ينفتح الجرح والجرح توه ماصار له يوم اذا انفتح بيكون خطر عليه خاصة ان الجرح غزير وبالراس .. ام محمد: ان شاء الله دكتور بخبره ان يحاسب .. يلا مشكور مع السلامة.. الدكتور: مع السلامة وانا بخبر الممرضة ان تطلع ورقة ترخيص بخروجه من المستشفى وتعطيكم اياها احين.. ام محمد: خير ان شاء الله ****************** في شركة ابو محمد ابو محمد قاعد بالمكتب و يحاتي شصار بالمستشفى عند احمد و ام محمد قال بيتصل على ام محمد رن التلفون فترة وعقب شوي شالته ام محمد ام محمد: الوو ابو محمد: هلا السلام عليكم ام محمد: عليكم السلام ابو محمد: ها شخباركم شمسوين ام محمد: الحمدالله بخير واحمد بيطلعونه اليوم من المستشفى عقب شوي بنرجع البيت ابو محمد: صج .. الحمدالله ام محمد: شخبار العيال سارة وحسين ابو محمد: الحمدالله زينين ومشتاقين لكم ماجنه يوم واحد اللي رقدتو فيه برع البيت حالتهم حاله متضايقين ههههه ام محمد: ههههه آية عليهم هم بعد وحشوني ابو محمد: اتصلتي على شغلج خبرتيهم ان ماتقدرين اتيين اليوم ؟ ام محمد: اووه ذكرتني والله التهيت مع احمد ونسيت كلشي .. اكيد اتصلو بالبيت بس محد شاله ابو محمد: عيل اتصلي فيهم احين ام محمد: اي الحين بتصل فيهم وبخبرهم ابو محمد: يلا عيل اجوفكم الظهر .. مع السلامة ام محمد: مع السلامة ************** في الجامعة عند حسين حسين مو من عادته ان يسهى بالمحاظرات ويفكر وفي هذا اليوم كان وايد متضايق ويبين عليه تعبان لان مانام عدل الاستاذ: حسين يا حسين حسين: همم نعم استاذ الاستاذ: شفيك تعبان؟ مريض؟ حسين : لالا مافيني شي الاستاذ: انت مو على بعضك اليوم مو من عادتك ماتنتبه للمحاظرة حسين: لا بس تعبان شوي امس كنت سهران الاستاذ: اها .. مرة ثانية لا تسهر واتيي لنا تعبان مثل اليوم كلش مو عاجبني حسين: ان شاء الله استاذ بعد ماطلعو من المحاظرة .. حسين ورفيجه هيثم كانوا يتمشون مع بعض قعدو على كرسي جريب من السكشن هيثم: حسينو .. شفيك اليوم حسين: اوهو مللتوني شفيني يعني هيثم: يه.. بالعدال لا ينط لك عرج .. زين مني اسألك شفيك حسين: مابي احد يسأل علي وحدي مالي بارض احد وقام بسرعة ومشى عن هيثم ومرة وحدة !! دعم في بنية بالغلط وطاحو كتبها !! وحسين تعرفونه يستحي من البنات شلون داعم بنية تلخبط حسين وماعرف شسوي نزل عالارض بيشيل الكتب وهي نزلت معاه تبي تلملم كتبها رفع راسه رفعت راسها صارت عينه بعينها!! حسين حس بشي غريب ولاول مرة يحسه .. حس حسين لنفسه انه سرحان في عين البنية حسين بخجل وتوتر: م م م مسامحة ا اختي انا ما كان قصدي البنية وخدودها صايرين طماطة: لالا مومشكلة اخوي وخذت كتبها الباقيين منه ومشت عنه وهو ظل واقف مكانه متجمد هههههههه البنية كانت طبيعية بجمالها يعني مو جميلة وايد ولا كريهة كانت ملامحها حلوة بنية سمرة و رشيقة و عينها عسليين و ملامحها شوي طفولية .. وكانت يبين عليها محترمة ولابسة دفة وشيلة حسين طول الطريج وهو يمشي مو قادر ينسى الموقف ولا قادر ينسى نظرات عيونها مع انه ولا مرة فكر انه يكلم بنت او يحبها لكن شكلها هالبنت دشت قلبه ********** طلعو احمد وام محمد من المستشفى وام محمد ميودة احمد من يده ويد ثانية على جفته وتمشي معاه احمد: يمة بس عاد والله فشلة ريال شكبري تسوين لي هلون استحي هههههههه ام محمد: بلا هالكلام الفاضي يعني تبي اخليك تطيح احمد: خخخخخخخخخ وصلو السيارة وراحو البيت عالساعة 11 كانو بالبيت احمد: الله شحلاته جو البيت صج راحة نفسية ام محمد: هههههه يلا يمة اركب دارك ارتاح ولين جهز الغدا بناديك احمد: ان شاء الله يمة راحت ام محمد المطبخ عشان تقول للخدامة تسوي شوربة حق احمد وتجوفها شسوت غدا .. ام محمد: مـاري .. مـاري !! ام محمد: وين راحت هذي راحت الحمام .. غرفة الخدامة.. الصالة.. الميلس.. الغرف كلها والحديقة والسطح مافي احد ام محمد: يااه وين راحت هذي !! ام محمد اتصلت حق ابو محمد ام محمد بصوت عالي شوي: عبدالله ماري مادري وينها ابو محمد: شلون يعني ام محمد: دورتها بكل مكان مالقيتها ابو محمد: تأكدتي من كل مكان؟ ام محمد: ايي كل مكان دوورتها مو موجودة ابو محمد: لا يكون شردت!! ام محمد: شردت !! ليش احنا ماسوينا لها شي وكنا نعاملها زين ابو محمد: لا حول ولا قوة الا بالله ام محمد بخوف : احين شنسوي يعني ابو محمد: ببلغ الشرطة عنها يمكن يحصلونها واذا ماحصلوها امرنا لله نييب غيرها هذلين الخدم كله هلون الله يغربلهم ام محمد: والله حالة .. لو مو محتاجين لهم جان مايبناهم كل يوم طالعين لنا بسالفة هالخدم .. هاي بعد لو نطقها ونصرخ عليها مادري شسوت ابو محمد: يالله خلاص لا تقهرين روحج عشان خدامة ام محمد: اوكي عيل بطبخ لكم الغدا لان هذي ماسوت شي .. مع السلامة ابو محمد: مع السلامة ******************* الساعة 2 الا وصلو ابو محمد وسارة البيت سارة دشت البيت سارة وهي رايحة المطبخ: يمة يمة ام محمد: ها يمة شخبارج سارة : زينة .. صج احمد رخصوه وينه ام محمد: هههه اي اكو بغرفته سارة: اوكي بروح اجوفه وحشني ام محمد: اوكي حبيبتي سلمي عليه وبدلي وصلي ونزلوا تغدو اليوم الغدا انا مسويته سارة وهي رايحة وردت رجعت سارة: صج يمة ماري شردت ام محمد: اييي الله يغربلها سارة: ههههههههه وي هالخبلة بعد تعرف تشرف وين بتروح هي زين منها تدلي البيت والله انا حدي مستغربة ام محمد: والله هالخدم ينخاف منهم يسوون روحهم مايعرفون شي وهم يعرفون احسن منج سارة: هههههههه اي والله راحت سارة فوق حق احمد وطق عليه الباب طق طق طق احمد: من سارة: انا سارة احمد: دشي وراحت وحظنت اخوها بقوة وباسته سارة: الحمدالله عالسلامة احمدو.. نور البيت احمد: ههههه منور بوجودج يالقمر سارة: ها شلونك احين تحس بألم احمد: شوي بس عادي يعني بيروح مع الوقت سارة: ان شاء الله احمد: شخبار المدرسة سارة وهي مستانسة: والله الحمدالله كلشي تمام وعلاماتي فوق احمد: الحمدالله الله يوفقج .. عاد ابي يحطون صورتي معاج بالجريدة عشان افوشر فيج هههههه سارة: افا عليك ههههه كلنا بنصور صورة عائلية وبخليها لان ماقدر استغني عن ولا واحد بهالبيت وكل واحد فيكم ساعدني في دراستي احمد: فديتج ساروو يحليلج كبرتي بتروحين الجامعة سارة: هههههه ايي بصير ويا حسينو في الجامعة احمد: بل لا تييبين طاريه تييني الكحة ههههههه سارة: هههههه يالمليغ هاي اخوك لا تسوي هلون والله امس يكسر الخاطر شكله احمد: خله يولي سارة: اوكي انا بقوم ابدل واصلي عشان ننزل نتغدى احمد: اوكي في هالاثناء وصل حسين البيت ودش وركب فوق غرفته وانبطح عالسرير وغمض عينه ويحس كل احاسيس الدنيا فيه تعب خوف فرح حزن توتر غضب اعجاب ويمكن حب من اول نظرة ومرة وحدة دشت عليه امه وهو كلش مانتبه لها ام محمد تقربت منه شوي ام محمد: حسين حسين اتخرع واعتدل : بسم الله.. يمة خرعتيني جان طقيتي الباب ام محمد: هههه الحلو يفكر في شنو حسين قام من السرير وسوا روحه بيبدل: مافكر في شي يمة انا ببدل وبنزل ام محمد باستغراب: انزين يلا ننطرك اخوك رخصوه واكو تحت بيتغدا معانه وابيك تتسامح منه حسين: رخصوه !! بهالسرعة ام محمد: اي شفيها لا يكون ماتبيه بالبيت حسين: لا يمة شهالحجي هاي مهما كان اخوي ام محمد: اي عبالي بعد يلا ننطرك حسين: اوكي يمة عقب ماطلعت امه بدل بسرعة وفكر شلون يعتذر من اخوه يخاف يعتذر ويسمع كلام يقهره من احمد ويردون يتهاوشون لكن قال انا بعتذر واللي يصير يصير نزل تحت وكانو الكل متيمعين عالغدا وينطرونه ابو محمد: يلا عاد صار لنا سنة ننطرك احمد عافس حواجبه ويشرب ماي ويسوي روحه مب مهتم له سارة: حسين تعال اقعد بقولك خبر يديد ههههههه حسين قعد يم سارة حسين: شصاير سارة: ماري شردت ههههههههههه حسين: شردت! شلون يعني شردت !! سارة: هههههه هاي اللي مستغربة منه هاي هبلة شلون شردت مادري ام محمد: هههههه يلا اكلو وخلوها تولي حسين: هههههههه ان شاء الله وتمو ياكلون ويسولفون وحسين يكون مكانه مجابل احمد كل مايطالع حسين احمد .. يقوم احمد يكشر بويهه وحسين مب عارفة يعتذر يخاف تصير هوشة قال في قلبه خله اروح له بعدين بروحه بالغرفة ونتفاهم ام محمد تغمز لحسين تبيه يتحجى لكن حسين يأشر لها ويقولها بعدين وعقب الغدا ابو محمد راح ينام شوي و قعدو كالعادة العيال بالصالة مع امهم ام محمد: حسين تعال شوي ابيك حسين: ان شاء الله يمة ام محمد راحت على صوب مع حسين ام محمد: وانت اخرتها وياك يعني مابتاسف من اخوك حسين: يمة انتي ماجفتيه شلون يطالعني عالغدا .. خفت اتحجى ويقوم يسوي هوشة جدام ابوي ام محمد: عيل متى بتكلمه انا ماربيتكم على الحقد والزعل انتو اخوان حسين: ادري يمة والله بكلمه بس مب احين لين صار بروحه بغرفته بروح له وبكلمه لا تخافين ام محمد ابتسمت: ان شاء الله حسين: يلا يمة بروح غرفتي تعبان برتاح شوي ام محمد: اوكي حبيبي ورجعت ام محمد وقعدو يطالعون التلفزيون سارة: انا بقوم انام شوي عشان اقعد ادرس بعدين احمد: انا بعد بقوم ارتاح شوي ام محمد: ايودك .. اساعدك تركب عالدري! احمد: ههههه يمة شفيج الله يهداج والله اقدر امشي والكسر بيدي مو ريلي ام محمد: هههههه انزين يلا يمة ركبو ارتاحو لما ركبوا فوق سمع حسين صوتهم وهم يسولفون وعقب شوي راح حق احمد يكلمه راح طق الباب احمد: سارة دشي فتح الباب حسين احمد طالعه بنظرات استغراب وشوي عصبية احمد: هاي انت .. نعم حسين: ممكن اكلمك شوي احمد: انزين حسين قعد عالسرير يم احمد وطالعه وقاله: احمد انت اخوي و انا وياك كنا وايد كلوز ويا بعض ونروح ونطلع مع بعض ومرت فترات قمنا نحقد على بعض ليش مادري الغلط مني يمكن بس ياخوي ابيك تسامحني على كل اللي صار ونبدا صفحة يديدة ونرجع مثل قبل طالعه احمد قال: اممم اللي سويته فيني مو شوي يا حسين ولا عدو يسويه حقي انا ماتكلم عن آخر هوشة اتكلم عن كل اللي سويته لي حسين: انت بعد سويت لي اشياء قوية احمد: امم ..الكلام اللي قلته من قلبك؟ تبي نرجع اخوان واصدقاء مثل قبل؟ حسين: اكيد من قلبي ابتسم احمد وقال: انا مسامحك.. بس آخر مرة لك ومرة ثانية مب مسامحك حظن حسين اخوه بقوة وقاله : والله انك احسن اخو بالدنيا ومابحصل واحد مثلك يفهمني احمد استغرب من حسين وضحك: هههههههه بس هدني شفيك حاظني جنك بنية حسين: ههههه بس البنات يحظنون بعض يعني احمد: ههههههههه حسين: احين انا مرتاح حدي لانك سامحتني وكلشي رجع مثل قبل احمد: وانا بعد مستانس من زمان ماضحكت هالضحكة معاك ويبلينا طلعة مع بعض هالاسبوع حسين: اي لازم نطلع مع بعض احمد: ان شاء الله حسين: يلا اخليك بقوم انام وراي دراسة احمد: اوكو طلع حسين وهو مرتاح نفسيا من غرفة احمد وراح غرفته ينام شوي لما حط راسه عالسرير رد اتذكر الموقف اللي صاده وغمض عينه بقوة يبي ينسى الموقف يبي ينسى عيونها ماقدر! تم يفكر .. يا حسين شلك بسوالف الحب والله انت مب مال هالسوالف ولاشي ولا تقعد تفكر في هالبنية يمكن مخطوبة ولا تحب احد .. وتم يبعد هالافكار عنه لين مارقد ***************** تعبت

يسلمووو عالقصة الحلوة صج صج مؤثرة

وييييي صج مايستحي !!

الله يسلمك اخوي .. وان شاء الله اليوم في الليل بنزل البارت السابع =)

تسلمين شيخة البنات عالمرور

باال قلبي عوورني ان شاء الله طلال يحبسونه ومايسوون شي حق ريان والجوري تنسى كلشي تسلمين عالبارت الحلو ننتظررررر البارت الياي

[/size] سوري عالتاخير البارت السادس بعد مانقلوا احمد لي غرفة عادية قالهم الدكتور تقدرون تشوفونه بس هو مب موتعي حاليا لان تحت تخدير البنج .. دشو الغرفة ام محمد وابو محمد و حسين وام محمد على طول راحت وحظنت احمد وتمت تصيح ام محمد: آية عليك يا وليدي ابو محمد: يا ام محمد خلي الولد يتنفس حسين: هههههه امي فديتها حنونة ماتقدر تجوف احد من عيالها طايح في بيت ام محمد سارة قاعدة في غرفتها وتحاتي اخوها ولا تلفونها يرن سارة جافت اسم حسين وشالته بسرعة سارة: حسين قولي شخبار احمد شصار عليه حسين: الحمدالله طلعو من غرفة العناية المشددة وصاده كسر بيده وشوي رضوض واحين نقلوه على غرفة عادية وقاعدين يمه بس مب نايم سارة: اشووووة الحمدالله .. حسينو عاد تعال خذني ودني المستشفى ابو اجوف اخوي حسين: انزين احين انا يايج بسرعة بدلي بسوي لج رنة طلعي لي سارة : اوكي باي حسين: باي ابو محمد اتصل على محمد بعد وخبره بالموضوع وقال اهو رايح لهم مع نورة الساعة 7 المغرب كان الكل متيميع في الغرفة الخاصة بأحمد وينطرونه يفتح عينه شوي شوي فتح عينه بس كان ضباب مايجوف عدل غمض ورد فتح مرة ثانية ام محمد: يمة حبيبي فيك شي يعورك شي؟ احمد بصوت تعبان: لا يمة ام محمد: الحمدالله على سلامتك ابو محمد: الحمدالله على سلامتك ولو اني زعلان منك احمد وهو متضايق: الله يسلمكم حسين طالع اخوه وهو متفشل من اللي سواه وقال له وهو منزل راسه: الحمدالله على سلامتك احمد فر احمد ويهه عن حسين وهو منقهر سارة تبي تغير الجو: احمدووو حبيبي وقعدت يمه وباسته على خده فديتك مرة ثانية لا تمشي سرعة وتخوفنا عليك ماعندي الا احمد واحد محمد: لا تخافون عليه هاي بطل الكل : هههههههههههه احمد يبتسم ابتسامة بسيطة لكنه يحس انه تعبان وايد احمد: يمة ابي ماي عطشان ام محمد: احين باييب لك صبت له ماي وشربته بيدها احمد: بس ام محمد: تبي شي تاكله احمد: لا مب مشتهي شي سارة:الله الله شهالدلع ام محمد: هههههه انتي بعد مدلعينج حسين حس ان احمد متضايق من وجودع فقال بيروح البيت حسين: يلا انا ماشي بروح البيت ولين تبون شي اتصلو فيني ام محمد: ليش بتروح البيت ابو محمد: خليه يروح ام محمد: اوكي تحمل بروحك ولا تمشي بسرعة كفاية اللي صادنا حسين : ان شاء الله يمة مع السلامة ام محمد: مع السلامة راح حسين ولا احمد يقول احمد: افتكينا منه هو ساس البلا ام محمد: حبيبي احمد مايصير تقول جذي انتو اخوان والله ماتقدر تتصور شكثر كان خايف عليك احمد : هاي يخاف علي هاي يبي يفتك مني ابو محمد: خلاص صكو هالسالفة وابي اجوفكم متصالحين ماله داعي تتزاعلون على شي تافه محمد: يبة احين متى برخصون احمد ابو محمد: والله مادري بس ماعتقد اليوم لان يبين عليه تعبان ويحتاج شوي متابعة من الطبيب محمد: اي صح احمد: افف انا ماشتهي المستشفيات ام محمد: شنسوي يا يمة عشان تصير زين مانقدر نطلعك نخاف يصيدك شي او تتعب علينا الساعة 9 ابو محمد ومحمد وسارة قالو بروحون البيت وبتظل ام محمد مع احمد ابو محمد: يلا احنا بنمشي لين تبون شي اتصلو فيني او في محمد ام محمد: ان شاء الله ابو محمد وسارة ومحمد: يلا مع السلامة ام محمد: الله يسلمكم ************** في بيت بدر بدر قاعد عالنت ويتساءل .. ليش الوردة الحنونة اليوم مادشت المنتدى !! خله اطرش لها رسالة خاصة عشان تحس اني مهتم فيها وطرش لها رسالة خاصة وكتب فيها السلام عليكم ورحمة الله وبركاته شخبارج اختي ؟ ان شاء الله بخير بس حبيت اسأل عليج انشغل بالي عليج جفتج اليوم مادشيتي المنتدى طمنيني عليج المشرف BaDeR ******************* في بيت ابو محمد عالعشا مافي الا ابو محمد وحسين وسارة كل واحد ماله خلق ياكل ابو محمد: حسين حسين: نعم يبة ابو محمد: شفيك تاكل حسين:امبلة اكو آكل ابو محمد: انا ادري انك متضايق عشان اخوك بس ان شاء الله بتتصالحون احمد قلبه طيب حسين: ان شاء الله سارة بحزن: الصراحة البيت كريه بدون امي وحسين وانا مب عارفة اتعشى واجوف مكان امي واخوي خاليين ابو محمد: اي والله ماعليه ان شاء الله جم يوم ويردون سارة: ان شاء الله عقب كل واحد راح على غرفته عشان ينام دخلت سارة غرفتها اتسبحت ولبست بجامة نوم وكانت بتنام على طول لانها تعبانة لكن اتذكرت المنتدى وقالت بتدش شوي دشيت ولقت الرسالة الخاصة لما قرتها حست شي بقلبها قلبها يدق بطريقة غير عن كل مرة وقالت في قلبها هو يفكر فيني مثل مافكر فيه ! يعني هاي اللي يسمونه الحب .. لكنها كانت خايفة وماعرفت شترد عليه وردت عليه رد عادي وقالت له بس كنت مشغولة شوي وصكت الاب توب وانبطحت عالسرير بتنام حطت راسها عالمخدة وتمت تفكر في بدر قامت شغلت الراديو اللي بتلفونها وخلت السماعات باذونها تسمع بحرين اف ام لين ماتييها النومة مع انها تعبانة لكن ماقدرت تنام من التفكير ولا حاطين اغنية كاظم الساهر الليلة احساسي غريب عاشق وانا مالي حبيب وتمت تسمعها وابتسمت تقول في قلبها : جنه هالكلام عني هههههههه اما في غرفة حسين .. حسين كان منبطح عالسرير ويبي ينام مب قادر يتقلب ومتضايق وايد قام مرة وحدة من السرير وشرب ماي و راح عالبلكونة يشم هوا وقف يجوف القمر والنجوم ويفكر انا ليش ماحب مثل باقي الصبيان ليش استحي هالكثر من البنات .. وبعدين ليش اسوي مشاكل حق اخوي .. وتم يتذكر ايامهم مع بعض و قعداتهم وسوالفهم ولعبهم *********** في المستشفى ام محمد: يمة احمد لازم تاكل شي احمد: شنو فيه من اكلات ام محمد: والله مادري بروح اجوف الكافتيريا شنو يبيعون وبشتري لك احمد: اوكي راحت ام محمد وشرت له شوية اكل ورجعت ام محمد: جوف هاي اللي موجود احمد: مو مشكلة ام محمد: يلا بأكلك بيدي احمد: هههههه لا تدلعيني وايد ترى اصير دلوع بعدين ام محمد: ههههه اذا مادلعت عيالي ادلع من ************** في بيت ابو محمد سارة نامت لكن حسين للحين مو قادر ينام قام فتح الكمبيوتر وتم يسمع اغنية شيرين كلنا ممكن نغلط لكن في غلطنا بنتمادى وبنكمل طول ما الدنيا بخير نفضل نغلط تاني و ضميرنا بيستحمل و آه لو يجي اليوم وتغدر بينا الدنيا مابنعرفش النوم ولا نرتاح ولا ثاني http://www.bahrainights.com/forums/uploade..._1219741529.mp3 ودمعت عينه .. وتذكر اللي كان يقوله على احمد من كلام ايام الثانوي وكان وايد يشوه سمعته جدام الصبيان ويقولهم سوالفه بالبيت وساعات اشياء ماسواها مع ان حسين كلش مو مال هالسوالف لكنه كان يسوي هالاشياء لاخوه بس لكنه طيب ويا الكل وحتى هو يحب اخوه لكن ينقهر منه وقال في قلبه انا لازم اغير اسلوبي مع احمد واصير معاه زين وفي نفس الوقت لازم ما استحي من البنات وبعد فترة استسلم للنوم ********* في صباح اليوم الثاني وعلى الريوق سارة : يبة العصر ابي اروووح المستشفى حق احمد ابو محمد: خلي حسين يوديج لان انا مابروح الا المغرب.. العصر بكون بالشغل حسين: يبة انا يمكن ماروح ابو محمد: ليش؟ حسين: احس وجودي يضايق احمد ماجفته امس شلون يخزني جنه يقولي انت السبب ابو محمد: لا لازم تروح اذا مارحت بيظل بمخه انك تكرهه لكن لين رحت له بيحس انك تحبه وتخاف عليه وتبي تتطمن عليه حسين وهو يبتسم: ان شاء الله يبة راح ابو محمد على شغله و سارة على مدرستها و حسين على جامعته اما في المستشفى احمد كان احمد نايم وامه نايمة يمه على الكرسي .. ام محمد فتحت عيونها ولقت ولدها احمد في سابع نومة حست راسها يعورها قالت بتروح تشتري لها كوفي .. راحت ام محمد عالكفتيريا وطلبت واحد كوفي ولما رجعت لقت احمد مو عالسرير !! خافت وقامت تناديه : احمد .. احمد وينك يمة احمد: كاني يمة بالحمام ام محمد: اشوة وعقب شوي طلع احمد مبدل ثيابه وتم يحط اغراضه في الشنطة ام محمد: شتسوي احمد: يمة تمللت والله بامرض زود اذا ظليت هني تعرفيني احب اطلع ام محمد: بس انت مريض وتعبان والدكتور ماقال لنا نطلعك احمد: يمة لا تخافين مافيني شي ام محمد: عمري ماجفت واحد عنيد مثلك .. خل اروح للدكتور اقوله انك تبي تطلع احمد: هههههه اوكي تحياتي

يمكن اليوم الصبح او باجر

قريبا بنزل البارت السادس بس صبرو علي

آسفة عالتأخير البارت الخامس في شركة ابو محمد ابو محمد في مكتبة ويتكلم في التلفون: اي الساعة 11 ابيه يكون عندي الطرف الثاني: ان شاء الله ابو محمد: يلا مع السلامة الطرف الثاني: مع السلامة ابو محمد شرى تلفون يديد وردي حق سارة هدية عيدميلادها ! صارت الساعة 1 ونص و طلعت سارة ولقت ابوها ينتظرها والابتسامة منورة ويهه وهي تقول اكيد مسوي لي مفاجآة سارة وهي داشة السيارة سارة: السلام عليكم ابو محمد: عليكم السلام ومشو وهم ساكتين ولا تحجو بشي وصلو البيت ونزلت سارة ودشت البيت لقت البيت عادي قالت في قلبها ما اظن في مفاجاة ركبت بدلت ثيابها وصلت الظهر في غرفة ابو محمد وام محمد ابو محمد: جوفي التلفون اللي شريته لسارة ام محمد: اينن اكيد بيعجب سارة ابو محمد: اي بس عاد انتي جلديه وزينيه انا ماعرف هالسوالف ام محمد: اي ماعليك العصر سارة تكون نايمة بزين البيت وبجلد الهدايا وبطبخ الاكل ابو محمد: الله يعطيج العافية والله وكبرت بنتي ام محمد: اي والله كبرت الله يبلغنا فيها عروس ان شاء الله ابو محمد: ان شاء الله نزلو كلهم عشان الغدا وقبل لا توصل سارة ذكرتهم ام محمد بعيدميلاد سارة وقالت لهم الساعة 6 تكونون هني وانا بتصل بمحمد واخبره بعد ونزلت سارة وهي زعلانة لان محد سوا لها مفاجأة مثل ماتوقعت وقعدو يتغدون ويسولفون وعقب الغدا كل من راح على غرفته دخلت سارة غرفتها و كالعادة قالت بتقعد عالنت شوي قبل لا تنام دشت المسنجر والمنتدى وبالمنتدى تفاجأت ان مسوين لها موضوع بمناسبة عيدميلادها و اللي صدمها وبنفس الوقت فرحها ان فراس مطرش لها رسالة خاصة !! فتحتها وقلبها يدق مكتوب فيها كل عام وانتي بخير يا الوردة الحنونة ( كان نك نيمها الوردة الحنونة) و عقبال مليون سنة وتقبلي هالوردة مني كعربون صداقة تقبلي تحياتي المشرف BaDeR اندهشت سارة من الرسالة وردت عليها وانت بخير اخوي بدر و الله احرجتني مشكور اوخوي وحطت ويه مستحي وردت على الموضوع الخاص بعيدميلادها وطلعت من النت وصكت الاب توب وقالت بتنام شوي انبطحت وتمت تفكر في بدر وليش هو بالذات طرش لها رسالة خاصة .. يعني هو بعد حاس فيها ويحبها ويفكر فيها ولا بس جذي ؟! وهي تفكر غلبها النوم ونامت ام محمد تجهز للعيدميلاد هي والخدامة ينفخون البالونات ويعلقونهم على الدرج الواسع والكبير اللي يطل على الصالة ويزينون الصالة بالبالونات و عبارات Happy Birthday و الزينة و بعدها طبخت ام محمد ( ورق عنب - فطاير - بسبوسة - معكرونة ) وواشترو شوي اكل جاهز و عالساعة 5 حسين راح وياب الكيكة اللي على فروت كيك ومكتوب عليها Happy Birthday Saroona الساعة 6 كلشي جاهز على طاولة الطعام الاكل و الكيكة والكل قاعد بالصالة ام محمد وابو محمد والعيال ( محمد - حسين- احمد ) ونورة مرت محمد وعيالها ويسولفون ينطرون قعدة سارة من النوم يدرون انها هالحزة تنزل قعدت سارة من النوم غسلت ويهها وصلت المغرب و بدلت ثيابها لبس برمودا وردية وتيشرت ابيض فيه قلوب وردية ورفعت شعرها وحطت شوي كحل ولابيلو وطلعت ناعمة واتينن ولبست شبشبها الوردي وفتحت باب غرفتها عشان تنزل ام محمد بس سمعت باب الغرفة ينفتح على طول صكت الليتات سارة فتحت الباب ولقت البيت ظلام خافت قالت وين راحو مو عادتهم يطلعون هالحزة وحتى لو طلعو مايصكون كل الليتات .. قالت يمكن الكهربا مصكوكة دشت غرفتها بطلت الليت لقته ينفتح ! طلعت برا وتمت تمشي عالدري بالعدال لا تطيح وهي تنادي : يمة .. يبة .. ولا فتحت ام محمد الليتات وكلهم يغنوون لها : هابي بيرثدي تو يو هابي بيرثدي تو يو هابي بيرثدي تو سارة هابي بيرثدي تو يو سنة حلوة يا جميل سارة انصدمت لان قالت خلاص مافي امل يسون لي مفاجاة ووقفت مكانها تطالعهم وتضحك ودمعتها بعينها وقالت في قلبها المفروض ماظلم اهلي واقول انهم نسوني وعلى طول ركضت وحظنت امها وباستها ام محمد: فديتج حبيبتي كل عام وانتي بخير سارة : وانتي بخير يا احلى ام بالدنيا انا قلت اكيد مانسيتوني وراحت حظنت ابوها واخوانها وسلمت عليهم ام محمد: حبيبتي هاي هداياج سارة : الاااااي مشكورين كلكم والله وناسة وراحت تفتحهم جنها ياهلة ابو محمد ياب لها تلفون وام محمد يابت لها شنطة ماركة ويبين عليها غالية .. محمد ونورة يابو لها دب كبير وفيه كاكو .. احمد ياب لها عطر .. و حسين ياب لها ساعة سارة : الاااااي وايد حلوين الهدايا مشكورين مرة ثانية ماقصرتو ابو محمد: جم سارة عندنا الكل : هههههههه ام محمد : يلا سارة تعالي طفي الشمعة سارة : راحت وطفت الشمعة وفي قلبها تمنت امنية وعقب قعدو يتعشون و يسولفون سارة : يمة ام محمد: قولي حبيبتي سارة: احين انا صار عمري 18 يعني لازم اتدرب عشان اخذ الليسن ام محمد: اي بس خلصي المدرسة اول سارة : يمة عاد ابي اتدرب احين ابو محمد: لا سارة احين مدرسة شلون بتتدربين وبتدرسين سارة : عادي اكو رفيجتي امينة هلون ام محمد: لا حبيبتي انتي اول ماتخلصين الامتحانات النهائية على طول نقص الكجة وتتدربين سارة وهي مبرطمة : ان شاء الله وبعد اسبوع وعائلة ابو محمد عالغدا ام محمد: احمد حصلت لك بنية احمد وهو متخرع: صج من وجم عمرها وشسمها وشلون شـكـ.. ام محمد :هههههه شفيك متخرع اصبر وانا اقولك كلشي عنها حسين :هههههه انا مادري شلون هالخبل بيعرس احمد: جب عاد عبالك انت تستحي من البنات صج بناتي حسين : انا بناتي ياللوفري يا بو البنات سارة : هههههههه ابو محمد وهو معصب: شهالقلة الادب تقولون هالكلام جدامي كل واحد يوصف اخوه بشي استغفر الله مال ولاد حرام .. ماتستحون انتو ؟ احمد: انا اسف يبة بس هو اللي غلط علي حسين وبنظرة حقد: انا كنت امزح وياك احمد: هلون احد يمزح؟ كل ماتسمع ان بخطبون لي تنقهر حسين : انا لو ابي اعرس عرست من زمان احمد: اي اجوف عرس لا انت اصلا ماتحب الا الــ.. حسين : انا ابو صبيان يالجلب وتوه بيعطي احمد كف ابو محمد ايود يده ابو محمد: انتو ماتستحون جدام امكم وابوكم تقولون هالكلام و تبون تتهاوشون .. يلا كل واحد على داره ولا ابي اشوف واحد منكم هني يلا انجلعو لا بارك الله فيكم احمد يطالع حسين وهو منقهر عليه احمد طلع من البيت وحسين ركب غرفته سارة مندهشة من اللي صار ام محمد: ابو محمد اهدا ماعليك منهم ذلين توهم شباب واقل شي يعصبون ابو محمد: مايحترمون حتى وجودنا عبالهم احنا من قدهم يقولون هالكلام الوصخ جدامنا ام محمد: ماعليه خلاص لا تعصب لا يرتفع ضغطك سارة راحت على غرفتها وخلت امها وابوها على راحتهم ( كان حسين وايد يغار من احمد بدون مايعرف السبب بس كان يحس ان احمد عنده ثقة بنفسه ويقدر يتحجى مع اي بنت لكن حسين العكس كان يستحي جدام كل بنت ويعتفس حتى لو كانت بنت معاه بالجامعة وتبي مساعدة منه فكان ينقهر لما يجوف احمد البنات يحبونه وحسين لا .. ويحب يتهاوش مع احمد لهالسبب التافه) قعد حسين على سريره وتم يفكر يا حسين هذا اخوك ليش تسوي معاه جذي بس لانه واثق من نفسه ! ليش انت ماتصير مثله ؟ وتم يفكر في هالشي اما احمد اللي طلع من البيت معصب ومنقهر قعد يمشي السيارة ومب عارف وين يروح وكان يمشي بسرعة مرة وحدة طلعت عليه سيارة وماقدر يتجاوزها ودعم فيها شرطة واسعاف و احمد مغمى عليه والدم مسبح ويهه والحادث كان قوي والعالم كلها متيمعة يم الحادث .. الاسعاف نقلو احمد عالمستشفى في بيت ابو محمد الساعة 4 ونص كانت ام محمد قاعدة بالصالة كالعادة تطالع التلفزيون وابو محمد كان بالشغل تررررن تررررن ( رن التلفون) ام محمد: الو نعم .. اي .. شنووووووو احمد وين اي مستشفى يمة ولدي خبروني شصار فيه .. طيب احين احنا يايين ام محمد صكت التلفون وهي خايفة حدها وراحت غرفة حسين تطق عليه الباب حسين كان يدرس ام محمد وهي تطق الباب بقوة: حسين حسين الحقني حسين فتح الباب بسرعة: خير يمة شصاير ام محمد: الحق اخوك احمد مسوي حادث وبالمستشفى حسين وهو منصدم: احمد مسوي حادث ام محمد وهي تصيح: اي بسرعة يلا تعال معاي خل نروح له بسرعة حسين : ماعليه يمة انتي هدي نفسج وروحي السيارة انا ببدل ثيابي وياي لج حسين بدل ثيابه بسرعة وفي باله يقول انا السبب انا الي خليته يطلع من البيت معصب احين اذا صاده شي ما راح اسامح نفسي ( حسين واحمد على كثر الحقد اللي بينهم الا لما كانو صغار كان عمرهم جريب من بعض وكانو كله مع بعض لي ماوصلو الثنوي من وصلو الثنوي صارت بينهم هالخلافاات) راح حسين يركض بسرعة و دخل السيارة وراح هو مع امه للمستشفى ام محمد وهي تصيح: آية عليك يا وليدي مايندرى شحالتك حسين بحزن: يمة لا تفاولين ان شاء الله مافي شي ام محمد: اتصل في ابوك خبره خل يلحقنا عالمستشفى حسين: ان شاء الله يمة حسين طلع تلفونه واتصل على ابوه حسين: الو يبة ابو محمد: شتبي بعد مو كافي اللي سويته مساعة مو فاضي لك انا حسين: يبة اسمعني احمد يقاطعه ابوه وبصوت عالي: لا بارك الله فيك لا انت ولا احمد .. احمد مايا الشغل ولا تسالني عنه حسين: احمد مسوي حادث ابو محمد انصدم: حااااااادث! شفيه شنو صاده في وين هو حسين : تعال لنا احنا رايحين احنا المستشفى (...) ابو محمد: انا ياي بسرعة قلب الام وقلب الابو خايفين على ولدهم والاخو خايف اكثر لان خايف انه يكوون اهو السبب لين صار شي حق احمد لا سمح الله وصلو المستشفى وراحو يركضون وسألو الممرضة عن احمد خبروهم انه بالعناية المشددة ام محمد : العناية المشددة .. ليش ولدي شفيه الممرضة : والله مادري لما يطلع الدكتور سألوه ام محمد تعبت واغمى عليها وحسين خاف على امه وابوه للحين ماوصل قام نادى الممرضى عشان تساعده قامو رشو ويهها بماي وفتحت عيونها وتمت تصيح وحظنت ولدها حسين ام محمد: احمد يا حسين احمد حسين وفي عينه الدمعة: يمة احمد مافيه شي ان شاء الله بقوم لنا بالسلامة ولا بوصول ابو محمد وجاف ام محمد حاظنه حسين وتصيح خاف ابو محمد: وينه احمد شصاير ام محمد وقفت وقعدت عالكرسي وتمت تصييح ابو محمد: حسين شفيه احمد حسين : احمد بالعناية المشددة ابو محمد بخوف : ليش هو شصاده شفيه حسين : والله مادري قالت الممرضة بس يطلع الدكتور بخبرنا قعد ابو محمد يم ام محمد يهديها وحسين قاعد على وحاط يده على جبينه ويخبي دمعته وخايف على اخوه في بيت ابو محمد لما صحت سارة من النوم نزلت كعادتها الصالة مالقت امها راحت على المطبخ مالقت احد .. راحت غرفة امها وابوها مالقت احد وراحت غرفة احمد و غرفة حسين مافي احد في البيت ! خافت قالت بتتصل على امها في المستشفى تلفون ام محمد يرن ام محمد بحزن: هذي اكيد سارة مابي ارد عليها اخاف اصيح واخوفها زيادة (تعطي ابو محمد التلفون )رد انت ابو محمد: هلا حبيبتي سارة سارة بخوف : يبة وينكم انتو وليش امي ماردت على التلفون امي فيها شي؟ ابو محمد: لا حبيبتي امج مافيها شي بس تعبانة شوي سارة بصوت شوي عالي: انتو وين ! ابو محمد ماقدر يجذب عليها: احنا بالمستشفى سارة: المستشفى ليش اكيد امي فيها شي وانت تجذب علي ابو محمد: حبيبتي امج مافيها شي .. احنا بالمستشفى عشان احمد سارة: احمد شفيه !! الظهر متهاوش جنه اسد ابو محمد: سوا حادث سارة وامتلت عينها دموع: حااااااااادث ابو محمد: اي الله يقومه بالسلامة .. انتي قعدي بالبيت وادعي حق اخوج سارة وهي تصيح: انا ابي اجوف اخوي ودوني له ابو محمد: لين طاب بتجوفينه لكن ماله داعي تيين احين المستشفى قعدي بالبيت سارة: ان شاء الله صك التلفون وحطت راسها على سريرها وقعدت تصييح بقوة وخايفة على اخوها سارة : مسكين اخوي بدل مايكون معرس سوا حادث وقعدت تقرا قرآن وتدعي حق اخوها الله يقومه بالسلامة في المستشفى الدكتور طلع من الغرفة وعلى طول راحو ابو محمد وام محمد وحسين يركضون يسألونه ام محمد: شخبار احمد شفيه الدكتور : الحمدالله .. تجاوز الخطر .. احنا خيطنا له الجرح وحطينا له دم لان نزف وايد و صاده كسر بيده جبسناه و شوية كدمات بس الشي الخطير انه خسر دم وايد وسيارة الاسعاف تأخرت عليه شوي وخفنا انه يموت عشان جذي دخلناه غرفة الخطر بس احين عقب شوي راح نطلعه ونوديه غرفة عادية ابو محمد بفرحة: مشكور يا دكتور والله طمنتنا ام محمد وهي تصيح: الحمدالله والشكر لك يارب حسين مستانس : الحمدالله يعني اخوي بيرجع لنا ابو محمد: انت اللي سببت له هالشي وخليته يطلع معصب من البيت حسين ووهو يحب راس ابوه : اسف يبة ماراح اكرر هالشي مرة ثانية انتظروا البارت السادس تعبت هههههههه

والله البارت يعور القلب الله يعين الجوري والله يستر شبسوي ريان جان مايذبح طلال ننتظر البارت الياي بشووق نبي نعرف شصار