سارونة البحرينية Posted أغسطس 18, 2006 Report Share Posted أغسطس 18, 2006 بسم الله الرحمن الرحيم السلام عليكم ورحمة الله وبركاته،، شلونكم عساكم مرتاحين ؟ موضوعي اليوم وايد حلو عبارة عن كل يوم قصة يديده .. وإنشاءالله بتستانسون فيه لأنه صج عجيب واللي يحب إنه ينقل الموضوع رجاءً يحط لقبي في النقل يعني آنه تعبانه عليه وأنتوا جذي تاخذونه بلاش مايصير اكتبوا سارونة البحرينية .. فـاتنة المحــرق .. مابي أطول إليكم إيميل اليوم .. أهلاً بشباب الجات ، آنه أختكم ذات السن الضاحك ، أحب اتشاركوني في اللي صادني أنا وأختي هيفاء البراري مع صديقتنا الكندية جاكي. بعد مارجعت أنا وأختي من الدراسة في كندا هاذي الصيف ، وصل لنا إيميل من صديقتنا الكندية جاكي تقول فيه أنها بتزور البحرين لمدة أسبوع . قلنا حق أمنا إن صديقتنا بتيي وقالت الوالدة : أشلها بالحر ، أهل البحرين يشردون منه وهالأنجليز يبون هالحر والشموس . قلنا لها : يمه ذي كنديه . أخيراً ، وافقت الوالدة وقالت بس لاتنسون عرس بنت خالتكم في السعودية يوم الخميس . رحنا المطار واستقبلنا جاكي اللي كانت بنص هدومها مثل مايقولون الإخوة المصريين . لابسه شورت وصديري قصير تحت الصدر ، مخففه على روحها ، عيل احنا وعليّـه ، دفه وشيله وبانطلون وقميص يده طويلة وبعد إيقولون لنا نتدلع . احنا نضحك من بره وداخلنا نيران من هالحر . أمي شافتها جذي، وقالت: ويه ، بتيبونها فريجنا هلون ، والله ما بتكون لنا ستره من أهل الفريج. قامت أختي هيفاء البراري وقالت لها : This gown and headscarf jiky you have to wear ( جاكي لازم تلبسين الدفه والشيله ) . جاكي استانست والبستها في السيارة ومستانسه وكل ساعة وقالت : OoH ، this is beautiful دخلناها الفريج وكل الصبيان اللي على الدجه ، طلعت عينهم ، وقاموا يتناغزون ويقولون : هالعيون الخضر طبيعي وله مثل عيون بناتنا Lenses ( عدسات ) وهالقذله شقره من الله ، وإلا مصبوغه . صرخت عليهم أمي وقالت : وع عليكم ، فشلتونه مع الغرب ، جنكم ماشفتو خير . قعدنا من الصبح ، إلا جاكي محد في البيت ، قالت أمي : ويه لحد خطفها ونبتلش مع السفارة وتصير لنا سالفة . قوموا دوروا البنيه ! خلكم معاي لي الإيميل الياي ، علشان أتعرفون أشصار حق جاكي الشقره بنت الأصول . ( السن الضاحك ) قولوا لي شرايكم عجبكم هالإيميل يعني أكمل ؟؟ ولا ماعجبكم وأخليه يولي ؟؟ لازم ردود حلوة .. عشان أكمل لكم الإيميل الياي Quote Link to comment Share on other sites More sharing options...
الــعـيـون الــفـاتـنـه Posted أغسطس 18, 2006 Report Share Posted أغسطس 18, 2006 يسلموو حبوو عل ىالموضوع الكشووخي لا افا عليج قلبوو كملي =) ثنكسوو Quote Link to comment Share on other sites More sharing options...
محبة زينب Posted أغسطس 18, 2006 Report Share Posted أغسطس 18, 2006 شكرا دبتي ع القصة والموضوع حلووو المووضوع كملي حبيبتي Quote Link to comment Share on other sites More sharing options...
فديت أحمدي Posted أغسطس 18, 2006 Report Share Posted أغسطس 18, 2006 عنــزوتـي صــارونهـ ، آبيــج تكمليـن الإيميـل فأسـرع وقـت عندجـ باتوسط لكمـ آنه بنت خالتها وماترد لي طلب صح صـاروهـ . !! عسـاج ع القوة إنشاءالله وننتظر إيميل الجـديد Quote Link to comment Share on other sites More sharing options...
كويتية عسل Posted أغسطس 18, 2006 Report Share Posted أغسطس 18, 2006 تسلم يدج على هالإيميل الحلو سارونتيـ ،، لاتتأخرين علينا ، Quote Link to comment Share on other sites More sharing options...
دمووع الورد Posted أغسطس 18, 2006 Report Share Posted أغسطس 18, 2006 وااااي فـــاااااااان حده .. يسلمـــو حيـــااتي .. كملي لي البــــــااقي بأســرع وقــت ماوصيج Quote Link to comment Share on other sites More sharing options...
بحرينيه_99 Posted أغسطس 19, 2006 Report Share Posted أغسطس 19, 2006 ننطرج Quote Link to comment Share on other sites More sharing options...
free ba7rain Posted أغسطس 19, 2006 Report Share Posted أغسطس 19, 2006 ننتظر التكلمة حبوبة لتتأخرين علينا Quote Link to comment Share on other sites More sharing options...
روحــــــــــ عذاري ــــــــــي Posted أغسطس 19, 2006 Report Share Posted أغسطس 19, 2006 يعطيج العافية قلبوو ننتظر التكملة Quote Link to comment Share on other sites More sharing options...
مكي كوول Posted أغسطس 19, 2006 Report Share Posted أغسطس 19, 2006 يعطيج العافية ننتظر الايميل الجاي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.