][غلاوي][ Posted سبتمبر 7, 2006 Report Share Posted سبتمبر 7, 2006 السلام عليكم طبعا كما عودتكم بكل شي جديد وحصري قبل فتره قريت موضوع عن الكاتبة العملاقة فجر السعيد انها انسانة تشتري الاعمال وتضيف عليها وهم قريت مقابلة لمحمد الصيرفي بسبب حقده على فجوره فديتهااا المهم انا امس كلمت فجر السعيد لانه تربطني فيها علاقة صداقه والصراحة فجر ماامنها ابدا ابدا ابدا المهم بخصوص الموضوع الاول اللي يقول انة فجر شرت المسلسلات مثل القرار الاخير ودرات الايام ودروب الشك عقب قالوا اوقفت لانه صار خلاف بينها وبين اعيال المنصور علشان جذي مالقت اللي يبيع لها عمل لانة قبل كان فيه مصدر يبيع لها المصدر كان قريب من حسين المنصور المهم وبعدها بسنة ارجعت اكتبت وقالوا انها دورت كاتب جديد ولقت من اخوها مشعل السعيد المهم اانا يايبة لكم اليوم التقاصيل من فجر والصراحة ردت بدون تردد قالت مثل ماقالوا عني انا برد عليهم ضعفاء النفوس بالنسبه لخلافها مع حسين المنصور قالت لي ماراح اعلق عليه بصراحة لانة موضوع راح وانتهى المهم قلت لها صج وقفتي سنة علشان ماكان عندج كاتب ردت علي وبكل روح مرحة قالت انا اقولج ليش وقفت طبعا بعد انتهاء مسلسل دروب الشك بفتره قعدت اكتب عمل وراسمه فيه شخصيات اعيال المنصور بدقة يعني عمل جديد لهم لاكن بعد الخلاف اللي حصل وانا قاعده اكتب العمل وقربت انتهي منة حصل هالخلاف بعدهااا رفع قضييه حسين المنصور على ولاكن الحمدالله بفضل من الله طلعت براءه من هالقضية المهم قالت لي بعد مااحصل الخلاف وبنفس الوقت اللي كنت اكتب فيه عمل يديد لهم لاكن طلعوا على حقيقتهم واطريت لحرق العمل كله اللي تعبت عليه بحدود اربع اشهر وانا اكتب فيه بعدها قعدت لمده شهر ماكتبت بسبب ظروف القضيه وبعد ماانتهت انقطعت علاقتي فيهم (عيال المنصور)وكتبت بعدها جرح الزمن بس ماكان فيه وقت اعرضه برمضان لانة وانا اكتبة باقي شهر على رمضان مايمدي اخلصه المهم خلص رمضان وبعد رمضان وبعد ماانتهيت من الكتابة كلمت المخرج عامر الحمود على اساس يخرج العمل لي لاكن قالي عنده ظروف تصوير عمل المهم وبعدها بجم يوم دق علي وقالي انة انتهى من العمل وانه بيصور العمل لاني ارسلت له عينة من العمل المهم وصور من العمل تقريبا 15 حلقة واطر لسفر في السعوديه لسبب مرض والدته المهم وكمل المخرج عبدالله البراك العمل بكل دقة وبعدها كملت مع عبدالله البراك هم في ثمن عمري وبعدها فتحت شركة سكوب سنتر واسستها وحطيت قرار العقد للممثلين والمخرجين والمؤلفين ولليوم هذا الحمدالله انة الشركة اسست اعمال حلوه وعلى فكره اعمالي اللي مع اولاد المنصور شطبتها من قائمة اعمال فجر السعيد لانة انطلاقتي كانت في جرح الزمن ومافوق ... عاد انا اهني تليقفت وزل لساني قلت لها طيب وشنو سبب خلافج مع وداد الكواري قالت لي ابدا وداد الكواري اختي لاخلاف بيننا وللأمانة انا مااعرفها ولاكن شفتها مره بمسرحية قناص خيطان اللي كانت من تأليفي واقول لها الله يوفقج انشالله لاكن اذا كنتي تقصدين روح المنافسه فعلا هناك روح المنافسه ولاكن ليس مع وداد فقط بل مع كل الكتاب قلت لها طيب ليش ماتسوون فلم سينمائي ردت علي بسرعه وقالت انشالله هناك فلم سينمائي قادم ستقوم ببطولتة شجون الهاجري ويعقوب وطاقم من سكوب ولاكن نريد ان يأخذ العمل وقت كااف لتصوير علشان جذي تأخرنا في تصويره العمل جاااهز لاكن للحين ماافيه تصوير انشالله قريب راح يتم تصوير الفلم وقلت لها ليش تخليتي عن شجون هالسنة قالت لي انا ماتخليت عنها شجون بنت سكوب سنتر ولايمكن اتخلى ومن طبعي اي نجم مااتخلى عنة اذا كان من سكوب سنتر قلت لها طيب ليش ماخترتيها بالامبرطوره قالت لي لانة مااكان لها دور مناسب بما انه العمل اكشن وفيه اثاره مالقيت دور لها كنت بحطها بمكان شيماء بس لقيت انة شجون صغيره على دور خصوصا انة دور شيماء تتزوج رجل الاعمال فيصل (ابراهيم الحربي)عشان جذي خليتها تختار هالسنة عمل اهي تبيه وخيرتها بكذا عمل واختارت الاختيار الصعب وعلى فكره دائما انا اختار الدور لشجون لاكن هالمره خليتها اهي اللي تختار .قلت لها طيب عطينا تفاصيل للأمبرطوره قالت لي سوري باقي اسبوعين على رمضان وحرام والله احرق العمل كل اللي اقدر اقوله انه العمل فيه اثاره واكشن ولأول مره اتخذ هالطريق الدرامي قلت لها ليش محمد الصيرفي زعلان منج اهو وهبة الدري ومشاعل الزنكوي ردت قالت اولا محمد الصيرفي سالفته سالفه انا قلت للفنان محمد الصيرفي قبل لانصور عملي دنيا القوي ابيك تكون بدور مشاري البلام رفض قلت له انت موقع عقد ولاتنسى هالشي قالي طيب واذا موقع عقد كيفي اوافق مااوافق كيفي وسجلت عليه قضية لانه قام يخالف قوانين العقد وبعدين اطلبوا مني اني افك العقد اللي كان يربطة وقانون العقد في سكوب سنتر انك مااتترك العقد الا بعد خمس سنين والا تدفع مبلغ وقدره خمس وعشرين الف واهوه دفع وطلع من سكوب سنتر وعلى فكره قريت لقاء لمحمد قالوا فيه لولا فجر السعيد جان ماطلعت قال لا لولا موهبتي جان ماطلعت احب اقوله طيب لولا موهبتك نشوفك نجحت بعد ماطلعت اصلا ماافي فنان من سكوب سنتر يقدر يتخلى عنهاا والدليل النجوم الموجودين وابداعاتهم من عمل لي عمل وتكلمت عن خلافها مع هبه الدري قالت قصه هبه الدري اني انا كنت بمصر لمقابلة الفنانة الكبيره فيفي عبدو علشان يكون هناك تعاون مسرحي وفي نفس اليوم اللي رحت فيه مصر على اساس بقعد اهناك اسبوعين في نفس اليوم اللي طرت فيه مااتت ام الفنانة هبه الدري ومااقدرت ارد الكويت علشان العزى وكل ماادق عليها كان جهازها مغلق يمكن لظروف العزى المهم بعدها رجعت الكويت ولاكن لاحس لها ولاخبر وبعدها انصدمت يوم قريت انها تقول عني اني زعلانة عليها لاكن لو بقول انه الحقيقة العكس اكيد محد راح يصدق علشان جذي طنشتها وكلمتها عن خلافها مع مشاعل قالت لي مااكو خلاف مع مشاعل ابدا اهي ارفضت عمل وانا مااقصبتها خليتها على راحتهااا اطلعت وارفعت قضيه على سكوب سنتر لاكن الحمدالله القضيه صارت من صالحنااا واقول لمشاعل صدقيني لو هناك اي دور مناسب لج في اعمال سكوب سنتر راح نقدمة لج ولاتزعلين ياام الجود وابارك لها بالجود هذي تفاصيل قالتها الكاتبة العملاقة فجر السعيد اللي شهادتي فيها مجروحة وعلى فكره خليتها تدش البحرين اليوم وشافت المواضيع المكتوبه عنها وعن اعمالها والنجوم اللي معاها لاكن اهي دائما تترد على موقع بالانرنت يخص شركتها سكوب سنتر وقريب بتشوفون منتدى فجر السعيد على شاشات الانترنت واي واحد عنده شي بيقوله لأم عثمان لايتردد وعلى فكره ام عثمان تصيرلي من قريب ودائما اتردد على كواليس اعمالها اللي حضرتهم عديل الروح واعزمتني يوم السبت بحضور كواليس الامبرطوره ووافقت طبعااا لانه استانست واايد بكواليس عديل الروح وانشالله بحاول احط لكم صور من كواليس الامبرطوره بس فجر مشالله عليها تخاف نعرض صور او اخبار عن اعمالها لانها حريصه من هالناحية تقول حلات العمل يشوفونه بعرضه بدون صور وتفاصيل.... الله يوفقج ياام عثمان وسيري ونحن وراج اختج غلاوي Quote Link to comment Share on other sites More sharing options...
شيومة Posted سبتمبر 7, 2006 Report Share Posted سبتمبر 7, 2006 كل الاسئلة اللي سألتيها انا كنت ابي اعرف جوابها من فجر ومن قـدج بتروحين كواليس الامبراطورة عاد سلمي على كل الفنانيين اللي تشوفينهم ومشكــوورة حبيبتي غلاوي ياام الحصريات ويعطيييج العافية .. ماننحرم منـج ان شاء الله Quote Link to comment Share on other sites More sharing options...
][غلاوي][ Posted سبتمبر 7, 2006 Author Report Share Posted سبتمبر 7, 2006 هلا حبيبتي وااي سكتي مستانسة طايره من الفرح بروح اشوف الكواليس مشتاقه لهم من زمان من عديل الروح المهم حبيبتي الحمدالله انه فجر ردت على اغلب الاسئلة اللي كانو الناس بيسألونها وام عثمان ماتقصر دووم وانشالله بسلم على كل الفنانين وانشالله بعد عرض المسلسل بحط لكم صور الكواليس لانة فجر مااترضى اعرض صور من اعمالها وشكرا لمرورج وكلام الحلو اختج غلاوي ام الحصريااات هههههههههه Quote Link to comment Share on other sites More sharing options...
أسير الوجدان Posted سبتمبر 7, 2006 Report Share Posted سبتمبر 7, 2006 مشكووورة اختي على الموضوع وننتظر مسلسلها الامبراطورة باحر من الجمر Quote Link to comment Share on other sites More sharing options...
ولـد ديـرتي Posted سبتمبر 7, 2006 Report Share Posted سبتمبر 7, 2006 اصلا كل الي طلع من سكوب سنتر ( اقصد فجر صار فاشل ) سامحوني بس هاي الصج جوفو عيال المنصور واعمالهم عقب فجر جوفو هبه الدري جوفو الصيرفي بدال ليرفعون روحهم انزلو لو انه بدالهم جان ولا هديت هالشركه الحلوه Quote Link to comment Share on other sites More sharing options...
أسير الوجدان Posted سبتمبر 7, 2006 Report Share Posted سبتمبر 7, 2006 اصلا كل الي طلع من سكوب سنتر ( اقصد فجر صار فاشل ) سامحوني بس هاي الصج جوفو عيال المنصور واعمالهم عقب فجر جوفو هبه الدري جوفو الصيرفي بدال ليرفعون روحهم انزلو لو انه بدالهم جان ولا هديت هالشركه الحلوه صح كلامك كانوا ناجحين عيال المنصور واللحين قليل اللي يتابع اعمالهم والصيرفي لكنه نجح في عندما تغني الزهور وهبة الدري خسرت سكووب وااااااااايد وحتى الفنانين اللي يمثلون مع بداد يشتهرون وايد ويعيش الفن والفنانين Quote Link to comment Share on other sites More sharing options...
ولـد ديـرتي Posted سبتمبر 7, 2006 Report Share Posted سبتمبر 7, 2006 والدليل على كلامي الي قلته بثينه الرئيسي من سنه ماكنه نعرفها والحين جوفوها شلون صارت Quote Link to comment Share on other sites More sharing options...
متيم عراد Posted سبتمبر 7, 2006 Report Share Posted سبتمبر 7, 2006 شكرا عالموضووع وشي اكيد ماشالله عليها فجر تصنع نجوووم وشركتها ممتازة اتمنى لها التوفيق Quote Link to comment Share on other sites More sharing options...
جـاســـــم Posted سبتمبر 8, 2006 Report Share Posted سبتمبر 8, 2006 مشكوره اختي الله يعطيج العافيه Quote Link to comment Share on other sites More sharing options...
][غلاوي][ Posted سبتمبر 8, 2006 Author Report Share Posted سبتمبر 8, 2006 العفووو ولو بس عندي تعليق على كلام الاخ اسير الوجدان حبيت اقولك صحيح محمد الصيرفي نجح بدور ولاكن خسر ادوار وبالاخص خسر شركة كااملة واعمالها وفيه نجوم شباب يتمنون الانتماء لهالشركة وانطر على محمد الصيرفي راح يطيح بأدواره وراح تكون اغلبها مكرره وكوميدية فقط يعني بيصير ممل اخوي ولد ديرتي كلامك عدل مو بس بثينه لو نرجع لخمس سنين راح نشوف نجوم ماكنا نعرفهم مثل الهام مشاري شيماء محمود يعقوب شجون يمكن كنا نعرفهاااا بمسرحياات بس كبرت صارت نجمة والفضل يرجع لله ثم فجر السعيد اللي طلعتهم وابهرتهم وخلت لكل واحد فيهم جمهور ونذكر بالفتره الاخيره طلعت نجوم شباب جدد مثل بدر الشرقاوي بثينه الرئيسي وفواز الشطي وغيرهم واايد وشكرا لمروركم الحلو Quote Link to comment Share on other sites More sharing options...
![][غلاوي][](data:image/svg+xml,%3Csvg%20xmlns%3D%22http%3A%2F%2Fwww.w3.org%2F2000%2Fsvg%22%20viewBox%3D%220%200%201024%201024%22%20style%3D%22background%3A%2362c471%22%3E%3Cg%3E%3Ctext%20text-anchor%3D%22middle%22%20dy%3D%22.35em%22%20x%3D%22512%22%20y%3D%22512%22%20fill%3D%22%23ffffff%22%20font-size%3D%22700%22%20font-family%3D%22-apple-system%2C%20BlinkMacSystemFont%2C%20Roboto%2C%20Helvetica%2C%20Arial%2C%20sans-serif%22%3E%D8%BA%3C%2Ftext%3E%3C%2Fg%3E%3C%2Fsvg%3E)
Recommended Posts
Join the conversation
You can post now and register later. If you have an account, sign in now to post with your account.