محرقية صغيرونة Posted نوفمبر 11, 2006 Report Share Posted نوفمبر 11, 2006 (edited) السلام عليكم اخواني وخواتي حبيت اشتشيركم في شغله بخصوص كليتكم انا ادرس في جامعة البحرين سنة ثانية تخصص Cs والكل عارف اشلون الدراسة صعبة هناك وما اعتقد ان لي امل اواصل فيها ومابي اضيع وقت اكثر خاصة ان سنتين راحت علي بس جذي عاد توني سمعت عن كليتكم وفي وحدة تصير لي توها تدرس عندكم اول كورس تنصحوني انسحب من جامعة البحرين واسجل فيها؟!!!! وصج يقولون ان التسجيل بس كل سنة؟!!!!! يعني ان بس يقدمون الطلبات في الصيف؟!!! وشنو اهو التخصص اللي تنصحوني به؟!!! لا تبخلون علي بالرد وخلوني استفيد منكم ومشكورين مقدمـ"ن" وموفقين كلكم انشالله Edited نوفمبر 11, 2006 by محرقية صغيرونة Quote Link to comment Share on other sites More sharing options...
Sheeva Posted نوفمبر 11, 2006 Report Share Posted نوفمبر 11, 2006 أفا عليــج.. إحنا نحقرچ..؟! أحنا نحقر اللي يحقرچ... :: وعن الدراسة في الكلية..آنا أنصحچ تيين فيها.. أول شي مستقبل مضمون.. ثاني شي.. أساتذه ماشاء الله عليهم مثل الذهب.. ثالثاً..احنا معاچ ومابتضيعين.. :: بس لاتنسحبين من الجامعه قبل لاتسجلين في الكلية.. علشان اول شي تضمنين قبولچ فيها.. :: التسجيل كل سنة...يا بيكون نهاية شهر خمسه او بداية 6 يعني يعتمد على السنة نفسها.. وبالنسبه للتخصص.. إنتي شوفي شنو اللي يناسب ميولچ.. عندچ موضوع اللي طارحه مايكرو عن التخصصات.. وطبعاً معدلج في الثانوي له دور في قبولهم لج في التخصص اللي انتي تبينه.. :: آنا بنزل موضوع عن التسجيل في الكلية جريب.. نطري.. :: Sheeva :: Quote Link to comment Share on other sites More sharing options...
محرقية صغيرونة Posted نوفمبر 11, 2006 Author Report Share Posted نوفمبر 11, 2006 مشكورة حبيبتي على ردج وكلامج الحلو وتسلمين ابوي انا جذي جذي بانسحب من الجامعة او بانطرد!!!!!!!!!!!!!! يعني يا اطلع احين بكرامتي او يطردوني اهم الكورس الياي! انزين انا معدلي كان 88.2 هل لي امل؟!!! بس في الانجلش كان معدلي 91 جذي ما عندج معرفه بهالخصوص؟!!! وانتي شنو تخصصج؟ اذا عادي ومافيها شي اتقوليلي واذا تنصحيني به Quote Link to comment Share on other sites More sharing options...
.. Microbiologist .. Posted نوفمبر 11, 2006 Report Share Posted نوفمبر 11, 2006 (edited) حياج الله خيووو .. محد يحقرج هني .. بالعكس .. نتشرف بخدمتكم .. خصوصا المحرقاااوية عيال الجيران .. ومثل ما قالت خيوو Sheeva .. الدراسة في الكلية ممتعة ووناسة .. الطلاب والاساتذة كلهم متعاونين .. الكل ربع هناك .. طلاب سنة أولى بس أخذ لهم شهرين وتعرفو على كل طلاب سنة ثانية .. خخ تقريبا يعني .. انزين انا معدلي كان 88.2 هل لي امل؟!!! بس في الانجلش كان معدلي 91 جذي ما عندج معرفه بهالخصوص؟!!! وااايد زين خيووو .. هم يقبلون من 70 للتمريض و 75 لباقي التخصصات .. وامتحان القبول الانجليزي بيكون سهل جدا عندج .. اذا مثل ما قلتي معدلج 91 .. وخصوصا وانتي دارسة في الجامعة بعد .. وانتي شنو تخصصج؟ اذا عادي ومافيها شي اتقوليلي واذا تنصحيني به هي تمريض سنة ثانية .. ما اعتقد بتمانع اني اقول .. Sheeva حبوبة واااايد .. بس تقعدين وياها 5 دقايق .. صدقيني ودج تعزمين روحج على بيتهم خخخخ .. لا تقولين اني ابالغ .. لان هذي هي الحقيقة .. اي سؤال او اي شي ثاني .. لا يردج الا لسانج ها .. نخدمكم باللي نقدر عليه .. تحياااااتي .. Edited نوفمبر 11, 2006 by .. Microbiologist .. Quote Link to comment Share on other sites More sharing options...
Sheeva Posted نوفمبر 11, 2006 Report Share Posted نوفمبر 11, 2006 (edited) محرقية صغيرونة حبيبتي..خلاص عيل إذا هاللون..تعالي عندنا ورح نحتضنچ بكل وساعة صدر.. وإذا معدلچ مثل ماقلتي 88.2 يعني تأكدي إنچ تقدرين تسجلين في أي تخصص تبينه... وعن سؤالج لي..ليتخصصي..مايكرو جاوب..وكيلي وإذا التمريض يعجبج دشي.. شغلة كسيفة شوي بس وايد حلو وومتع الشغل.. :: .. Microbiologist .. أفا أفا بس المحرقاوية لهم خدمه خاصه واحنا مالنا رب..؟! أمزح معاااااك مايكرو.. سبق وقلت آنا .. Microbiologist .. هذي صبي غني عن التعريف.. إذا احتجتي أي شي ماايكرو ترى حاضر مابيقصر معاچ.. أعرفه آنا أصيل وولد ناس.. :: Sheeva :: Edited نوفمبر 11, 2006 by Sheeva Quote Link to comment Share on other sites More sharing options...
يقين العلم Posted نوفمبر 11, 2006 Report Share Posted نوفمبر 11, 2006 بصراااااااااحة الكلية خيو عجااااااااايب وناااااااااسة واحلى من الجامعة بواااااجد اني رحت الجامعة ودخلت لكاجر فيها والله اساتذتكم يلوعون الجبد ولا يحترمون الطالب الجامعي صراحة .. بس الكلية اساتذتنا عجايب والله صدق كليتنا مجتمع صغيييير لكن اجمل بوااااااجد من الجامعة .. وان شاء الله انشوفش سنة الجاية ويانا يقونة Quote Link to comment Share on other sites More sharing options...
بنت المحررق Posted نوفمبر 11, 2006 Report Share Posted نوفمبر 11, 2006 (edited) حيالله أهل ديرتي الطيبيين .. وحياج الله في كليتنه (المتواضعـة) .. البيت بيتتتج .. شيفا ومايكرو* ماقصروو معااج معدلج شحليله واكيدين بيشفع لج في التسجيل .. بس حطي في بالج .. في الجعجع (جامعتكم) مايعرفون اسمج واساتذج مايتذكرونج وززززين ياخذون الحضوور اصلا .. في الكلييية العكسسس لا تفكرين انج بتسوين غلطة وبتشردين منها او انه استاااذتج مابتتذكر ويهج او اسمج حته ... (بيني وبينج كنت احسب الهنود اي شي .. بس احين كبروو في عيني واحسب لهم الف حسااب خخخ لانه معظم اساتذتنه هنووديشن) مرة ثااانية .. حياج الله في كليتنه .. يالله سرررعي تعالي خـنـ(ولكم) فيييج أختتكم بنت المحرررررررررق Edited نوفمبر 11, 2006 by بنت المحررق Quote Link to comment Share on other sites More sharing options...
حرقة قلب Posted نوفمبر 11, 2006 Report Share Posted نوفمبر 11, 2006 الاخوان ماقصرو في الخدمة دوم واذا بغيتي شي هم احنا حاضرين لج ولايردج الا لسانج Quote Link to comment Share on other sites More sharing options...
BAD_DARKNESS Posted نوفمبر 11, 2006 Report Share Posted نوفمبر 11, 2006 السلام عليكم, بدايتا حبيت اهنييج أختي الكريمة على حسن تفكييرج , لئن من المهم جدا انج ماضيعين وقتج في الجعجع(الجامعة على قولت الأخت الحبوبة بنت المحرق) وشغلة ثانية واللي تنحسب من حسنات الكلية أن في الكلية انتي بتعرفي حق المعرفة شنو معنى كلمة دراسة .. بس مو معناته ان الدراسة صعبه ولكن دراستهم قوية من ناحية النوعية والكمية..مابي أطول عليج عشان ماتقولين من احين بشردوني خخخخخ .. انا دااش في الموضووع عشان بنت المحررررق.. ابي اعرف من اللي غلللللب في المبااارة أو متى الشباب ألعبوا ؟؟ واتمنالج النجاح وإلى الأمام دائما(نغزة كاااك) بنت المحرق افهمت النغزة خخخخخخخخ بس صج صج ابي اعرف منو غلللب ضرووري اتردين علي تره باعصب او باعصب او من العصبية باقوم او باقعد خخخخخ تحيااتي أخوكمBAD Quote Link to comment Share on other sites More sharing options...
محرقية صغيرونة Posted نوفمبر 11, 2006 Author Report Share Posted نوفمبر 11, 2006 (edited) فديتكم والله كلكم يزاكم الله خير وما قصرتوا والله انفتح قلبي لكم وتحمست أكثر حق اسجل فكليتكم بالنسبة حق "بنت المحررق"، انتي ف أي مدرسة كنتي؟ المحرق الإعدادية الثانوية؟ "يقين العلم" و "حرقة قلب" من وين انتوا؟!!!! "Microbiologist" مشكور يا ولد الديرة على الرد الوافي و الحلو "Sheeva" مشكورة حبيبتي وانتي بعد من وين؟!!! "BAD_DARKNESS" لا تخاف مابشرد بصراحة احس اني ابي بسرعة اسجل في الكلية بس باسألكم عن التسجيل بعد ادري اني وايد اسأل بس استحملوني بالنسبة حق رسوم التسجيل اشلون؟!!! وأي احسن؟ الدوام العادي "الصباحي" ولا "المسائي"؟!!!! Edited نوفمبر 11, 2006 by محرقية صغيرونة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.