أكسيموس Posted يناير 3, 2007 Report Share Posted يناير 3, 2007 دعوني قبل أن أدلف إلى كتابة يومياتي " البحرينية " أعترف لكم بالآتي : هذه اليوميات لا تعبر سوى عن رأي كاتبها وحده , فلا يجب أن تُعتبر حالة شعورية عامة تمثل رأي سعودي عام. كما أن الشخصيات البحرينية سيئة كانت أو جيدة لا تمثل سوى نفسها , ولا يمكن اعتبارها ممثل عن الطيف المجتمعي البحريني. يهمني أيضاً الإشارة إلى أن فكرة كتابة هذه اليوميات نشأت الآن , وهذه اللحظة , وكل ما سأكتبه هنا لم يسبق تسويده وتبييضه كما يُقال. أنا أكتب من الذاكرة فقط. الأسماء المذكورة غير حقيقية , وإن كنت سأحرص على أن تحمل الأسماء الاعتبارية مضموناً مشابهاً لذلك الذي تحمله الأسماء الحقيقية , ( فقط حتى يستمتع محبي روايات أغاثا كريستي )... ......... ذبحني أبو مشعل بالحديث عن التسجيل في هذه الجامعة !! أبو مشعل مسجل في برنامج الماجستير لإدارة الأعمال , وكل ما شافني قال لي : صدقني هالبرنامج يصلح لك ( حشا برنامج في روتانا ). تذكرون المسلسل الكرتوني اللي فيه رجل بوليس قصير( كلب صغير وأنتو بكرامة ) يطارد مجرم خطير ( قطو كبير , عتوي على قولة أخواننا الكوايته ) كل ما انخش المجرم في مكان وجد الشرطي معه , وكان الشرطي يردد دائماً كلمة : بووو. يقولها بدلاخة غريبة. يهرب بعدها المجرم وهو يقطع شعره , بينما يمشي الشرطي بحثاً عنه في هدوء وعلى مهل ( على أأل من مهله على قولة إخواننا في مصر العروبة والكفاح والتحدي , يعيش أحمد عرابي , يعيش محمد علي كلاي , يعيش شعبان عبدالرحيم ,وإييييييييييييييييييييييييه , أنا بأحب " بوووووو " وبأكره الحرامية إيييييييييييييييه) أبو مشعل صار بالنسبة لي مثل هالشرطي القصير , كل ما شافني قال : بووو , قصدي قال هالبرنامج يصلح لك. مرة من المررايت قلت بأعطيه وجه وبروح معاه للجامعة وأسأل عن هالبرنامج ( أدري , أعرف وش تفكرون فيه . تقولون الحين , هالدلخ هذا كفو ياخذ ماجستير؟! . ما عندي رد عليكم سوى أن اقول لكم : بووو . غصبن عليكم آخذها . لا تخلوني أسجل الحين مرة ثانية عناد فيكم . تعرفون نكتة المحشش اللي جالس يلعب بلوت مع حمار !! قالوا له الناس مستنكرين : تلعب بلوت مع حمار ؟؟؟ قال : هاللي مش عاجبكم ( يقصد الحمار ) هزمني مرتين .خخخخخ . ( لحد يفهم غلط ....) بيني وبينكم أنا وافقت على روحة البحرين عشان ألعب بليارد !! لأن أبو مشعل دوخ راسي ,ما غير " يزعط " أنه لاعب بليارد محترف ( زعط يزعط إلحاحاً يعني يتفشخر على قل سنع ) وأنه كسَّر راس كثيرين , بيني وبينكم هو متدين أكثر مني , عشان كذا أنا أصدقه ( بيني وبينكم أنا إذا قارنت نفسي فيه أحس أني المسيح الدجال ) خلوا هالمعلومة في روسكم . تصدقون أحياناً أكذب على نفسي , ولا أقول لنفسي إني كذبت عليها . وتروح المسكينة تصدق , لين أعلمها , وبعد ما أقول لها تزعل شوي وبعدين ترضى , وبعد ذلك أقول لها الحقيقة المرة : أني كذبت عليها يوم اعترفت لها . وهكذا !! يعني بعيد عنكم عاهة ....قولوا ما شاء الله )... بيني وبينكم أبو مشعل " يهك " في بعض الأحيان ( هك يهك إلحاحاً , يعني بالعربي الفصيع شلخَ, وبالعربي الفصيح : كذبَ ). مرة قال أنه ضرب خمسة رجال . مع أني أذكر أنه قبل سنة دبغه شاب ما يزال في المرحلة المتوسطة المهم رحنا للجامعة ....وش ذا يا ولد ؟ بناااااات ... صرخت بأعلى صوتي : ياهووووووو. ا أبو مشعل أبغى أسجل في الجامعة. - يا ولد أركد. قالها أبو مشعل وهو يعدل نظارته - ماني براكد . وش دخل أهلك أنت . قلت لك أبغى أسجل يعني أبغى أسجل . يا ولد وش ذا البنات ؟ شعر وجنز ومكياج . آخر مكياج أذكره في حياتي كان ديرم أمي !! - يا ابن الحلال أركد لا تفشلنا . - وش أفشلك فيه ؟ قلت لك أبغى أسجل في هالجامعة . - وش الله بلاني بهالخبل . أنت الحين سألت وشهي المواد أو كم هي الرسوم أو كم المدة ؟ - يا أخي إن شاء الله ندرس عبري , وبـ500 ريال , وقرن كامل !! نو بربلم ( أحلى يا فرنسي ) - يا ابن الحلال الرسوم 50 ألف ريال . - إيش ؟؟؟؟؟؟ ( أكبر مبلغ شفته في حياتي 500 ريال , كان أبوي يقول لنا إذا نجحتوا أوريكم 500 ريال , وإذا نجحتوا في السنة اللي بعدها أخليكم تلمسونها !! ) - هاه !! وين راح شغل الهبال اللي قبل شوي ؟ - هاه ؟ قمت أحك راسي . كنت أفكر من وين أجيب 50 ألف ريال !! ( حتى البنوك في ظني ما فيها أكثر من 500 ريال أو ألف ريال . . ولد فقر ما عليك شرهة ). فكرت : بعملية حسابية بسيطة( تراي ضعيف في الحساب , لكنني فنان في الجغرافيا. تبون دليل ؟ عاصمة فنزويلا : شافيز !! صح ؟ . سؤال ثاني عشان الحبايب : عاصمة جزر القمر ( شفتو الذكاء عارف أنه ولا واحد فيكم يعرفها , وخلوا عنكم الزعاطة . العاصمة هي مدشقشر. يا ولد يا واثق أنت .) المهم بعملية حسابية بسيطة ...هممممم 1000 تقسيم 2 ضرب 2 , أعط أبوك اللي عطاك . قط نصفها في البحر . واحد في اليد , يصير الحل النهائي : يبغالي أسطو على 14 بنك حتى أستطيع توفير هالمبلغ !! - وش هالكلام يا الأفدغ ( قالها , ولا أخفيكم أني زعلت منها , سامحته لأنني غلطت عليه واحنا جايين في السيارة قبل الجوازات رغم أنه ما زعل , قلت له : تصدق يا أبو مشعل شكلك تشبه الحمار . قال : قول ما شاء الله !! ) قلت له : طيب يأبو مشيعل , وش الحل ؟ - اصبر . خلنا نسأل ؟ - يا أخي تسأل عن إيش . جحش أنت ما تفهم ؟ مش أنت مسجل في هالجامعة ؟!! - إيوا الله نسيت . بس تعال أنا مسجل عن نفسي , الحين أنا اسجل عنك !! ( ألعن أبو الذكاء يا شيخ ). ذكرني بذاك الشاب اللي لقوه يدخن سيجارتين, قالوله : ليش تدخن سيجارتين ؟ قال : وحدة عني ووحدة عن أخوي اللي في السجن . بعد كم يوم لقوه يدخن سيجارة وحدة بس , قالوله : ما شاء الله أخوك طلع من السجن ؟ قال : لا أنا اللي بطَّلت تدخين !! - يا أبو مشعل . أنت وش بتسأل عنه ؟ اسألني وأنا أجاوبك ...خخخخخخ - يا أخي لا تستخف دمك , خلنا نسأل التسجيل متى يبدأ برنامجكم ؟ كان فيه زحمة في مكتب التسجيل . كانت فيه وحدة كاشفة وجهها وشعرها ما غير تطالع فيني. قمت أنا وترززت. وأطالعها على جنب. مدري ليه حسيت كاني توم كروز ( إيه هيَّن , والله حدك نجاح الموجي ) .... شوي وقامت تعفط في وجهها كأنها شامة ريحة خايسة !! بيني وبينكم أنا خفت يكون أبو مشعل فلَّت شوي ولوث الجو بالغاز الكيماوي . خصوصاً إذا علمنا أن هوايته المحببة هي أكل الفلافل مع البطاطس على الفطور ...يعني بالله عليكم , واحد ماسك نفسه طوال هالمدة , ولقى فرصته في هالزحمة ....أنا لو مكانه أسويها وبكل شجاعة ..أخييييييييييييييييه منك يا خايس يا معفن يا ربي على الناعمات الحنينات .....بيني وبينكم أنا ما يحلا لي أسويها إلا في الزحمة , وإذا ما فيه زحمة طلَّعت معها كحَّة ( يا ولد أنت يا تمويه ) ...وشفيكم ؟ الناس وشفيهم ما يحبون يتكلمون في حقائق الوجود البيولوجية والحيوية ؟ يعني الحين البنات الحلوين المزايين ما يرحون الحمام ويفضون مثل كل البشر . ......المهم ...طالعت فيها وقلت : فيه شيء يا مدموزيل ؟ ( شايف هذه اللقطة في فيلم لرشدي أباظة ) . ما ردت علي . اسفهتني . عاد أنا كبرت في راسي : كيف وحدة تسفهني ! - فيه شيء يا مدموزيل , أشوفك تطالعين فيني ؟ قلت لها برضه اسفهتني . - أجل لا تطالعين فيني . طالعي قدام وشبكي أصابعك على الطاولة , وإلا حطيتك غياب ! برضه اسفهتني ولا علقت , بل أشاحت بوججها عني. قلت لأبو مشعل : يا أبو مشعل هدىء أعصابك , لا تتحمس كثير , حتى ما يفلت منك شيء. قال : وش قصدك , وش اللي يفلت مني ؟ - اللي أنت خابر ؟ - وش اللي أنا خابر ؟ أنا ماني خابر شيء . - الأوراق . قصدي لا تفلت منك الأوراق ( ذبحنا بالكيماوي الله يقرفه . أنا بس لو أعرف راعي البوفيَّه اللي يسويله الفلافل والبطاطس كان رفعت عليه دعوى صنع أسلحة دمار شامل !! ) طالع فيني , كأنه ما صدَّقني . ثم قال : طيب . وشرايك تجي تصف في هالزحمة بدل طنازتك فيني. ترى الشغلة لك ما هي لي . - يا أبو مشعل أنت كلك خير وبركة . والمسلم للمسلم كالبنيان يشد بعضه بعضاً. ويا بخت من نفَّع واستنفع. والشاعر يقول : إنتا إييييييييييييييييييييييييييييييييه .... - ووووجع . وش قصدك بنفَّع واستنفع ؟ قصدك إني جبتك لهالجامعة حتى آخذ منهم كومشن ؟ - أي كونديشن ؟ هم يبيعون في الجامعة مكيفات ؟ - كوميشن , كوميشن يا أهبل مش كونديشن . يعني سمسرة. - قصدك مسمار , بس لسانك ثقيل؟ - وش مسماره , جعل والله المسمار ما يخلي فيك مغز إبرة . أقول لك سمسااااااررررر - وشهو السمسار ذا ؟ يقرب شيء لأنفلونزا الطيور ؟ - أقول الشرهة بس ما هي عليك , علي أنا اللي صاف في الدور عشان واحد ما يستاهل. عنَّك ما سجَّلت. - ما بقى يا أبو مشعل إلا تقول لي كان يوم أغبر يوم ما خلِّفتك !! ياخوي تراي ماني ميت على الماجستير. ولا تفكر انك تقدر تبتزني ( أحلى يا آل باتيشنو ) لأني صغير وطيب ويتيم....لا تنسى أن ألف وحدة تتمناني !! ( وش دخل أم هالكلام ) ....وبعدين يا أبو مشعل أنت باقي في سرندل الغاز حقك نسبة كبيرة . خلصها بعدين أجي مكانك .... غضب أبو مشعل وخرج من الصف. قمت أبي أعتذر منه , وأحب راسه . طيحت نظارته بالغلط, قامت الكريهة اللي كانت تطالع فيني ودعست عليها لين كسرتها تسوي روحها ما شافتها. وقالت : أووووه أوه . آسفة والله. ما شفتها. قلت لها : ولا يهمك أختي . كله فداء الوطن . يتبع .... Quote Link to comment Share on other sites More sharing options...
the king of goblins Posted يناير 3, 2007 Report Share Posted يناير 3, 2007 والله فيها تشويق القصه يتبع... Quote Link to comment Share on other sites More sharing options...
**المزااجي** Posted يناير 3, 2007 Report Share Posted يناير 3, 2007 مشكور اخوي على القصه بس لاتطول علينا Quote Link to comment Share on other sites More sharing options...
بنت أبو ديب Posted يناير 4, 2007 Report Share Posted يناير 4, 2007 هههههههههههههههه فن حد الف ننطر البقية Quote Link to comment Share on other sites More sharing options...
أكسيموس Posted يناير 6, 2007 Author Report Share Posted يناير 6, 2007 بعد محاولات مضنية وحب خشوم , وافق الأستاذ المحترم أبو مشعل إنه يرجع للصف ( زي الكلب ) . يوم جاء يرجع لمكانه في الصف , رفضت الكريهة أنها تسمح له يرجع...قام المسيكين يبي يرجع لآخر الصف . قلت : معصي . والله تصف في الصف غصبن من وراها هالدبة اللي كأنها دعاية كفرات بريجستون !! أنا قلتها والا ما قلتها , بأت هي تضرب , واللي وأقفين يضربوا , ومدير التسجيل يضرب , (حتى أبو مشعل الله يخس وجهها قام يضربني معاهم !! ) والنسوان تزغرط , والرغالة تؤل الله أكبر !! , وبأيت أنا اضرب فيني , لحد ما طلعلي صاحب ...ما العالم كلها بتضرب فيني , يعني وأفت عليا أنا !! عينكم ما تشوف إلا النور . قمت أبي أخوفهم , أسوي روحي محترف كراتيه , وأسوي حركات بروس لي . ويجيني واحد ( شكله يكرهني ) ويسطرني ذاك السطار على وجهي !!. بيني وبينكم أنا ما حبيت أكبر الموضوع , قلت له : الله يسامحك !! اللي ذبحني من القهر , أن أبو مشعل كان يضحك علي , مش هذي بس , كان يقول لهم وأنا أسوي حركات الكراتيه : ما عليكم منه , والله ما عنده ما عند جدتي , خويي وأعرفه !! المهم تدخل الأمن الموجود في الجامعة , وبعد الموت سيطروا علي , لأني كنت منفلت مرة وناوي أسوي لهم مذبحة ( إيه هيَّن يا بروس ويليس ) , وجلست أقول : فكوني عليهم , فكوني عليهم . واصرخ في اللي كانوا يضربون : معليش نجيتوا مني هالمرة . والله ما أخليكم , وين تروحون مني يعني . اللي في أمه خير يطلع لي برا الجامعة !! اطلعوا كلهم برا !!! رحت أنا وجلست مع رجال الأمن في الكوفي شوب داخل الجامعة نسولف( أحلى يالثقة بالنفس , ياللي ما تخضع للاستفزاز ) !! قام الخايس أبو مشعل , يقول : اطلع يا غباااان . اطلع يا غباااان . وأنا اقول لرجل الأمن اللي جنبي : ترى هذا الرجل قليل الأدب , تراه يقصدك أنت بالغبااان !! المهم . ما أطول عليكم , صليت ثاني يوم الفجر في الجامعة !! بيني وبينكم أنا حبيت جلسة الكوفي شوب وهي فاضية . ثاني يوم الصباح طلعت من الجامعة , لابس ملابس رجال الأمن , وكانوا المتظاهرين اللي ينتظرون خروجي ناصبين خيامهم مثل اللي في لبنان . انسحبت من السراي الجامعي متنكراً ورحت لأقرب فندق , ويوم جيت أدور بوك الفلوس والبطاقات ما لقيته ( خل جلساتك وسوالفك مع رجال الأمن تنفعك الحين ) , بعد استرحامات وتعطفات ودميعات وافق حارس الأمن في الفندق انه يخليني أدق تلفون على أبو مشعل. رد علي , ويوم عرفني , قال : أنت وينك يا غباااان ؟ قلت : أنت اللي وينك ؟ قال : أنا مع المتظاهرين برا !! قلت له : وجعن يوجعك . أنت معي وإلا معهم ؟ قال : أنا لا معك ولا معهم , أنا مع الحق !! يا هم مزهبين في ذا ( أي مجهزين هنا لكن بلغة أهل الرياض ) عجر وعصي وخيازرين على كيف كيفك . قلت أفا يا ابو مشيعل , ما كأننا إخوان , ولا كأن بيننا محبة وعداوة , وعلى قولة المثل ما من محبة إلا من بعد عداوة !! قال : وش تخربط أنت وخشتك( الخشة هي لما يوأع الواحد ما يحطش منطق ) ؟ عاد قام أبو مشعل ودق على الوتر الحساس , وقال : يا فيه في هالخيام لعب بلوت على كيف كيفك !! قلت : من جد ؟ قال : إيوالله من جد . والله حريفة هالبحرينيين !! قلت : وين مكانك بالضبط , فيني لعب بلوت اليوم ؟ قال : وين داس ؟ قلت : جعل الكريهة اللي داست على نظارتك تدوس على خشمك , قل آمين. وش داس وما داس ؟ قال : شف لما تطلع من باب الجامعة خامس خيمة في الوجه. بتلقى شبة نار , وبليلة , وأبو فروة ( كستناء , لكن بلغة المحاكم الإسلامية بالصومال ),,, - طيب أنا جاي الآن يا أبو مشيعل , بس شف لي خوي محترم , ولا تعلمهم أنه أنا , تراي متنكر. - طيب , أنت بس تعال. المهم جيتهم , قام أبو مشعل , وقال : هلالالالا والله . يوم شافهم يطالعون فيه . قال : تراي ما أعرفه ( يا فيه دلاخة هالولد ), سلّمت عليهم , وجلست . استمروا هم يلعبون , قمت وسألتهم: وش هالجمعة , إن شاء الله فيه محاضرة دينية ؟ قال واحد منهم ( اللي سطرني على وجهي ) , شكله يكرهني كره العمى : فيه واحد نبغى نغير معالم وجهه , ناوين نحوله للنعجة دوللي حتى يتم الاستفادة منه في عمليات الاستنساخ. قلت : ليش تروحون لهالواحد , وأنتو عندكم نعجة دولللي جاهزة , وأشرت بيدي إلى أبو مشيعل! , مشاها أبو مشيعل , وما علَّق , وهذي من جد تحسب له . جاء دوري في اللعب , وادهرت , وفزنا أنا والكريه اللي سطرني على كل الفرق , وشكله صار يحبني في الله ( شكله له سنين ما فاز في البلوت ).....تأخر الوقت , ونسيت نفسي , فقلت لهم : هالكلب اللي داخل ماله نية يطلع ؟ وشرايكم نهجم عليه ؟ ( نسيت نفسي ) , قام أبو مشعل وقال : الحصار إن شاء الله يسقط الحكومة ؟!! ¸الخطة ب لسه بدري عليها . ما راح نقطع الطرق , ونكسر غراش الببسي إلا إذا ثبت لنا أن الاعتصام والحصار لن يحقق شيئاً. ( أحلى يا أبو مشعل يا مخ , صاير لي سليمان فرنجية على غفلة ) المهم في آخر الليل , فكرت في أمر : كيف أستطيع أن أفك الحصار عني , رغم أني في الخارج! ( يا إني عبقري ) قلت لنفسي : الحل الوحيد هو في مهاجمة أحد الخيام حتى يظنوا أن المعكسر الثاني يهاجمهم , فتبدأ الحرب الطاحنة !! ( أي حرب وأي معسكريا أهبل , إحنا في الزير سالم ؟ ) قمت وهجمت على الخيمة المجاورة !! مسكوني ودبغوني لين قلت بس. ما فكهم مني إلا أبو مشيعل جزاه الله خير , اللي قال لهم : هذا صاحبي , ومنا وفينا , بس بالغلط هجم عليكم , كان يبغى يهجم على الخيمة اللي جنبكم !! ( يبغى يرقعها الله يوفقه , يا إني حبيت أبو مشعل في الله يوم سوا هالحركة) فكرت مرة ثانية في خطة أخرى , كانت هي القاتلة . خذيت غرشة ببسي , ورميتها على مدخل الفندق فتكسر غزاز المدخل , وشوي اللي الشرطة جاية . وشوي إلا فرق تفريق المتظاهرين جاية . وأقوم أنا وأطلع من الخيمة بلباسي , لباس رجال الأمن , وأقول لفرق تفريق المتظاهرين : الله يهديهم هالشباب , حاولت أقنعهم بالذهاب إلى منازلهم , فرفضوا . قلت لهم : الديموقراطية تعني التوافق . تعني احترام حقوق الآخرين . تعني الأمن . تعني السلمية . وشهوله يعني يرمون غرشة ببسي على الفندق , أصفخص على شباب هذي الأيام . خصوصاً هذاك اللي يده كأنها مرزبة اللي في الخيمة خمسة , ومعه واحد سعودي قليل أدب بعد , كان يتهجم على الحكومة البحرينية ( خخخخخخ ) . المهم كلها نصف ساعة , إلا والمتظاهرين متسدحين , وأبو مشيعل , ماسكه واحد مع اذانيه وهو يقول : أحد أحد !! وشعنده أحمد مرعي في دور بلال ! والحمد لله انزاحت الغمَّة ذلك اليوم , وانتهى ذلك اليوم بذهابي للشرطة من أجل الكفالة ....قال لي الشرطي من جيت تكفل ؟ قال أبو مشعل : مين يعني , أكيد أنا ؟ قلت : معصي . جيت أكفل الكريه أبو يد كأنها مرزبة , لأن ورانا بلوت أنا واياه , واحنا متفاهمين مع بعض. أما أنت يا أبو مشيعل , فأنصحك بالتوبة إلى الله من سب الحكومة البحرينية , هذا جزاهم منك يا مثير الشغب والفوضى والاضطرابات , ما كفاك المذابح اللي ارتكبتها في حق المسلمين , ما اقول إلا الله يجزى حكومة البحرين كل خير اللي وقفت سد منيع ضدك وضد أمثالك من اليهود !! التفت عليَّ الضابط فقلت : الظاهر ما تدرون أن جده الرابع كان يهودي أشكنازي !! قام الضابط : قال إيش ؟ أجل طلعت يهودي . يا عسكري طلعوه من السجن لا يسوون لنا مشكلة , كلش ولا اليهود !! بكرة يتهمونا بمعاداة السامية . طلَّعوا أبو مشعل , وقلت له : هاه وشرايك في خطتي , شفت كيف خليتهم يطلعونك ؟( إيه هيَّن , الود ودك لو داسوا في بطنه !! ) قال : ما تاكل تبن ؟ إلا كان ودك انهم يسجنوني , لكن ربي فشلَّك ؟ - دايم ظالمني يا أبو مشيعل , الله يهديك. ومضينا في طريق مظلمِ , نبحث عن رابع , يكملنا للعب البلوت .... يتبع Quote Link to comment Share on other sites More sharing options...
أكسيموس Posted يناير 6, 2007 Author Report Share Posted يناير 6, 2007 اخوي الملك هلا بك , ومشكور على مرورك , واتمنى أن تجد فيما أكتبه ما يمتعك. مودتي Quote Link to comment Share on other sites More sharing options...
see moon Posted يناير 6, 2007 Report Share Posted يناير 6, 2007 في انتظار التكملة اخوي Quote Link to comment Share on other sites More sharing options...
أكسيموس Posted يناير 7, 2007 Author Report Share Posted يناير 7, 2007 أخوي المزاجي هلا وغلا ... أبشر بسعدك يا طيب القلب. مودتي Quote Link to comment Share on other sites More sharing options...
ريمو الحلوه Posted يناير 7, 2007 Report Share Posted يناير 7, 2007 أكسيموس كملهااااااااااا الحين الحين تكملها عااااد بليييييييز ماعندي شي لا شغله ولا مشغله كملها ابي اقره التكمله والله مافي شي سلاني الحين غير اللي كتبته يعل ربي يعطيك الصحه والعافيه كملها انزين عشان خاطري كملها لك 5دقايق <<<<< شكله وااايد بس يلا عشان خاطرك 5 دقايق وتحط التكمله اوكي طنكيوووووووو Quote Link to comment Share on other sites More sharing options...
القيثارة الحزينة Posted يناير 7, 2007 Report Share Posted يناير 7, 2007 هههههههههههههههههه والله اني احب تعليقاتكم يالسعوديين .. تذبحني من الضحك .. كثررر منها ( الله لا يهينك ) .. ما تشوفه الا طالع لك عن الموضوع ( مدري ) يجيبها من وين هههههه وخفة دمك محلية القصة اخوي كمل بليييز ننتظرك .. بسرعه عقب ساعتين وراي امتحان .. قاعده اخفف عن نفسي >>> امحق تخفيف ههههههههه .. وي ار ويتنغ .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.