**ريـــ المحبةــــم** Posted فبراير 19, 2007 Author Report Share Posted فبراير 19, 2007 LOeNLy GirL اذا مب حابه تدخلين الموضوع لا تدخلينه مب مجبورة تدخلين وتقرأين القصه وهي مجرد قصه لا اكثر وايد مكبرة السالفه واذا حابه تدخلين وتقرأين القصه بلليز لا تسوين غوغله في قصتي... والسموحه لج... بايوووو Quote Link to comment Share on other sites More sharing options...
عازفة الأوتار Posted فبراير 19, 2007 Report Share Posted فبراير 19, 2007 ريوووووومه عمــــري ماعليج من هالكلاام الفاضي .. كملي القصة وكلنـــا معاج خيوو .. والي موب عاجبتنه القصة في الطقاق الى يطقه .. موب لا تقراها .. ريومه كلنا وياج ياغالية .. Quote Link to comment Share on other sites More sharing options...
**ريـــ المحبةــــم** Posted فبراير 19, 2007 Author Report Share Posted فبراير 19, 2007 الله يخليكم الي يا احلى اعضاء Quote Link to comment Share on other sites More sharing options...
نــ الروح ــداء Posted فبراير 19, 2007 Report Share Posted فبراير 19, 2007 كملي وكلنا وياج ,, Quote Link to comment Share on other sites More sharing options...
soso pr!nceSs Posted فبراير 19, 2007 Report Share Posted فبراير 19, 2007 كملــيها حبيبتي Quote Link to comment Share on other sites More sharing options...
جود القمر Posted فبراير 19, 2007 Report Share Posted فبراير 19, 2007 مـا عليج من الكــلاام يا ريووم كلنـا معـاج والله ننتظر الجزء اللي بعده تكفيييين لا تتــاخرين .. لان نبي نشوف الاحداث شصار عليها واللي ما تعجبه القصه لا يدخل ولا يعلق بعد يكون احسن لأن كل واحد ورأيه .. وهني لكتابه القصص مب لتهاوش صج فاضين المهم ريوووم يالله لا تبطين علينــا Quote Link to comment Share on other sites More sharing options...
**ريـــ المحبةــــم** Posted فبراير 19, 2007 Author Report Share Posted فبراير 19, 2007 يسلموو على مروركم مو الانه بسافر فما بيمدي ان اكملها او اخليها وكتبها كامل راح ختصر يعني راح تكون 10 اجزاء وانه حاطه في بالي ان القصه راح تكون ازيد بس يالله اذا رجعت من السفر اخلي لكم قصه ثانيه والسموحه ادري وايد اتاخر بس عذروني Quote Link to comment Share on other sites More sharing options...
قلوب الحزن Posted فبراير 20, 2007 Report Share Posted فبراير 20, 2007 ننتظر الجزء الجاي Quote Link to comment Share on other sites More sharing options...
النملة الشقية Posted فبراير 20, 2007 Report Share Posted فبراير 20, 2007 يسلمووووووووووو وبانتظار التكملة ... وتروحين وترجعين بالسلامة Quote Link to comment Share on other sites More sharing options...
**ريـــ المحبةــــم** Posted فبراير 20, 2007 Author Report Share Posted فبراير 20, 2007 الجـــ 9 ــــــــــــزء الساعه4.30 وريم للحين نايمه ام ريم: قعدي عاد ما نجوفش كله نايمه وبس مو زين الى جسمش ريم:... ام ريم: قعدي تغذي أكلي شي لش قعدي ويه الجماعه ريم : الله وهالجماعه للي يجمعون كله يتكلمون عن هرار وزواج ام ريم: قومي قومي بسش نوم ريم: ياربي في هالبيت ما ناخد راحتنا فيه وعلى طول قامت ريم وغسلت وجها وخلت لها غذه وتغذت وراحت الصاله اختها: توها الناس على انش تقعدين من النوم ريم: يالله عاد سكتي كلش مالي خلقش اختها: وانتين محد يكلمش لا وعطيتينه السان وشطوله ريم: تعرفين والله ما يحتاج ارد اعيد واكرر ان ما احب احد يتعلف فيني واني توني قاعده من النوم اختها: ليش تسهرين قبل ما تسهرين ريم: مو من اختصاصش تساليني اختها: هالمرة بجي بطل عليش بجوفش شسوين ريم: جي بخاف منش يعني طليتين ما طليتين مثل الشي ما بغير شي اختها: قبل تنامين قبل الكل والحين اخر وحده تقعدين ريم: جيبي الرموت اختها: خلي الحين بخلون الحلقه ريم: جيبي قلت لش بخلون الفلم اختها: روحي حجرتش ريم: كيفي اعناد لش بقعد اهني ماني رايحه ام ريم : يلا قوموا ثنتينكم أذن الاذان وقوموا صلوا ريم : مالت على هالوجه اختها: حسنى الفاظش مادري على من طالعه انتين بعد ام ريم: بتدبحني هالبنيه وعلى طول راحت ريم غرفتها وصلت ولقت من احمد20 مسكول ومسجين المسج الاول اذا خلصتين ارقادج حاولي تدقين علي المسج الثاني بسج نوم قعدي ترى مزاجي حده مو حلو حتى تهاوشت ويه استاذ مال الدورة وطلعت وصل التقرير الى احمد ان تم التسليم واتصل احمد: صباح الليل ريم: صباح العشى احمد: لا روحي نامي بعد توها الناس على قعدتش ريم: اشفيك انت متسبب بعد احمد: ليش في احد غيري متسبب؟ ريم : اختي بعد من احمد: انزين شخبارش ريم: زينه وانت احمد: مو زين الانه ما كلمتش اليوم ريم: اكو كلمتني الحين احمد: لا الظهر ما كلمتش ريم: امممممم احمد: عمري ريم: ها حبي احمد: صليتين ريم: لا احمد: شتحارسين بعد يلا قوموي ريم: توة مأذن اصلا مداك تصلي احمد: طالعي الساعه جم الحين ريم : انزين يلا بصكه احمد: ليش ريم: بقوم اصلي له انجت امي ودرت ان ما صليت بسوي وقعه بتقعد تهدر احمد: يلا صلي وكلميني ريم: اوكي يلا باي احمد باي راحت ريم تصلي الساعه 6.10 رن تلفون البيت محد شاله رن مرة ثانيه وقعدوا يتراكضون على التلفون ريم واختها من يشيلون التلفون قبل وشالته اختها اختها: الوو سكينه: الو سلام اختها: هلا شحوال سكينه: زينه اختها: شخبار جاسم ونبا سكينه: مو مسوين سوايه عافسين البيت عفاس من اللعاب اختها: جيبيهم البيت سكينه: وين القرعه اختها: يالقرعه ريموو تبغيش سكينه ريم: ويش سكينه: تكلمي عدل ريم: وش قلت انتين بعد امه انتين بلوة سكينه: بجين اه ريم: وينه سكينه: بنهيم بنطلع ريم: وين عاد بنروح سكينه: مادري يمكن جيان ريم: لاعت جبدي منه مابي اروح سكينه: تبين السيف ريم: ويع السيف ما اشتهي اروحه سكينه: انزين الدانه ريم: يالله عاد هذا لا اخس سكينه: وين تمبين تروحين عجل الكورنيش ويه لهنود ريم: مادري انتين مري وبنجوف سكينه: الساعه 8.30 بجي ريم: اوو نبي نطلع قبل سكينه: منزهقه على الطلعه طله عليش ريم: لا نبي نطلع قبل على شان يكفينا الوقت ما نرجع 10 البيت او 11 سكينه: جنش خلصتين بطاقتي يلا قلبي وجهش بجيش 8.00 اوكي ريم: الاااي سكينه: اشفيش مستانسه ريم: يلا يلا روحي برزي روحش سكينه: الله يخلف عليش يالمجنونه ريم: يلا قلبي فيسش بروح اتبرز سكينه: حشى من الحين ريم: لا بس على شان يمدي الوقت خخخخخخ سكينه: انزين يلا باي ريم: باي رن تلفون ريم وريم ماتدري ام ريم: ريم تلفونش يرن ريم: بروح له اسمعه اكو ام ريم: بدلي الرنه مو مخليه لينا اغاني واحنا للحين في محرم ريم:اوكي بحط حسين الاكرف شالت التلفون ريم في اخر لحظه ريم: ألو احمد: لا قعدي بعد شوي ريم: اشفيك اشفيك احمد: قلت لش اذا خلصتين الصلاه اتصلي ريم: توني مخلصه الصلاه لا اختى متصله احمد: شتبغي اختش ريم: بتمر عليي بطلع وياها احمد: يعني لو ما سالتش ما بتقولين بتطلعين ريم: انت خليتني اتنفس ولا اكمل كلامي احمد: على وين بتهيمين انشالله ريم: جهنم بروح بجي احمد: تكلمي عدل احسن لش ريم: مادري وين بنروح قلت لها في السيارة بنتفق احمد: عمري اتصلي وقولي وين انتين بجي بجوفش ريم: مانى قايله ولا شي احمد: اوو حبي دام محصله جانس وبتطلعين اتصلي قولي وين بتروحين وبطوف عليش بس ريم: يصير خير بس ما اظمن ان اتصلك او اطرش لك مسج اقول لك احنا وين في احمد: بنجوف حاولي قد ما تقدرين ريم: اوقي احمد: عمري بقول لش شي بس مو تعصبين ريم: قول وش صاير احمد: تخيلي من متصل لي اليوم و امس ريم: من بعد ما نخلص يعني من المعجبين احمد: هههههههه تطنزين ريم: ما اطنز اذا هذى حالك كل يوم وحده تتصل فيك مابكلمك الصراحه احمد: تذكرين للي تدرس ويانه في الدورة مالت الشغل ريم: ايي هذيك لمزوجه احمد: اي متصله وتقول تحبني ومادري شنو ريم: ما تستحي ذى مزوجه وتتصل فيك احمد: لو زين مزوجه وبس لا طلع عندها بنيه وصبي ريم: يه ما تعرف توقفها عند حدها احمد: والله وقفتها ما يفيد وياها ريم: قول لها بقول الى زوجش خلها تخاف وهي متى اتصلت فيك احمد:اتصلت الليل ريم: ليش ما قلتي حزتها احمد: مابيش تنامين وانتين زعلانه ريم: هالمرة قول لي لا تخش شي عني احمد: انزين بخليش انا ريم: وين احمد: بروح للحين ما خلصت الشغل ريم: اوكي تحمل بروحك ولا تشرب جقاره اوكي احمد: انتي تحملي بروحش اذا طلعتين لا تخلين لش مكياج ولا تلبسين عبايه ضيقه ولا طلعين شعرش وروحي كله ويه اختش لا تتباعدين عنها ريم: انشالله تامر امر احمد: اذا رجعتي كلميني ريم: اوكي احمد: يلا بااي ريم: باي الساعه8.23 ديــــــــــــــــد ديـــــــــــــــد اختها: روحي يمكن جت سكينه ريم: مو هي لو هي بتنزل بجيب نبأ الانه ما بناخدها ترن ترن ريم: الو سكينه: يلا طلعي ريم: وصلتين يعني انتين ل تضربين الهرن سكينه: اي يلا بسرعه ورايي سياره وطلعت ريم ويه اختها سكينه: وين تبين نروح ريم: روحي جيان وامري الى الله سكينه: ما نروح الدانه ريم: لا باستا مالت الدانه مو حلوة وواجد يتاخر اذا يسويها في جيان بسرعه يسويها ولذليده يمممي سكينه: اوكي عجل بركنوا في الباركات ودخلوا جيان ولقطها واحد كان وياهم في سفر لصبي: كأني جايفج في مكان ريم: اي مو انه للي اغني واطلع في التلفزيون يمكن لصبي: لا بس متاكد اعرفج ريم: انزين شصار وتعرفني لصبي: لا بس ذكريني وين جايفنج ريم: هيهيهي طير بس طير بايخ ويه هالسؤال سكينه: ايي مو انت للي ويانه في السفر يوم نروح سوريا لصبي: عليج نور ريم: لا عليها شيله لصبي: شخباركم شمسوين بعد ريم: نسال عنك سكينه: ريم يلا مشي نروح نفتر بعدين بنعشى واحنا طالعين لصبي: اوو اسمج حلو بعد ريم: طالع عليك يلا بنخليك نبي ناخد راحتنا باي لصبي: تبين الفكه ريم: لا الخرده ابي لصبي: هههههه يلا مسامحه على الازعاج وانشالله نشوكم في سفره غير وراحت ريم وسكينه يفترون في المجمع وتعشوا ورجعوا البيت اختها: وش اكلتون ريم: نايبه خليني استريح عاد اشوي اختها: وين رحتون ريم: المائيه رحنا اختها: كله جلف وش مودنكم ريم: انا إلا الله الحين الاكل كامل بيطلع منش اروح حجرتي ارحم لي طرشت مسج الى احمد حمود انة وصلت البيت اذا تقدر دق علي الساعه 1 وراحت ريم تطالع الفلم في mbc4 اتصل احمد وريم ما تبي ترد عليه على شان تبي تطالع الفلم وشالته بعدين احمد: الو ريم: هلا احمد: شخبار ريم: زينه احمد: زينه ولا نحول ريم: خيخيخي ظريف احمد: ها وين رحتي اليوم ريم: عمري اكلمك بعدين احمد: ليش ريم: ابي اكمل الفلم احمد:تفضلين الفلم عليي ريم: لا بس كل يوم اتابعه احمد: لا جذبين كل يوم ذى الحزة انكلم بعض ريم: انزين قريب بخلص بس بجوف يقتلونه ولالا احمد: هرارة ان صكيته الحين ما بتصل فيش لا الساعه 2 اوكي ريم: اوكي احمد: اي مستانسه ريم: بدينا يلا ها بعدين احمد: اوكي باي ريم: باي وقعدت تطالعالفلم ليما خلص وجت الساعه 2 واحمد ما اتصل الساعه 2.30 هززز هززز ريم : توة متفرغ ردت ريم: ... احمد:... ريم:... احمد: الو اشفيج ساكته ريم: اشدراني انت تكلم اول احمد: انزين خليش تعبان انا بنام ريم: الحين تقول بتتصل يوم اتصلت بتنام اوكي باي احمد: اشفيش تعبان وباجر عندي دوام من الصبح ريم: اوكي تصبح على خير غلطانه يوم اسمع كلامك واسهر احمد: عمري لا تزعلين بس عندي دوام بكرة ريم: اوكي خلاص اذا قعدت اتصل فيني احمد: زعلانه ادري ريم: مو زعلانه صدقني احمد: اكو ينعرف من صوتش ان زعلتين ريم: مو زعلانه خلاص لا احمد: انزين اذا قعدت بتصل فيش ويلا روحي نامي لا تسهرين وتحملي بروحش ريم: يو تو احمد: بااي حبيبتي ريم: باي عمري ورقدت ريم الساعه 7 الصبح رن التلفون ريم: الو احمد: صباح الحب والخير عمري ريم: صباح الانوار يخراب النوم احمد: خربت نومتش ريم: اي كله منك قطعت عليي حلمتي احمد: شنو حلمتين ريم: اشدراني كانه فلم هندي كله يضربون وريس وحاله وخيول احمد: هههههههه فلم سينامئي يعني ريم: هههههه الظاهر جذي احمد: انزين حبيت اصبح عليش بالخير اكو رايح الدوام انا ريم: اوكي تحمل بروحك ولا تتلصق فيك زهرة احمد: انا كله احقرها ما اعطيها مجال تتصل فيني او تكلمني ريم: اوكي احمد: تامريني بشي ريم: لا تشرب الجقاره ولا تمشي سريع واول ما تخلص كلمني احمد: انشالله يلا ردي كملي نومش اوكي ريم: اوكي احمد: يلا باي ريم: باي قلبي واختربت نومه ريم تبغي ترقد ما جاها نوم نزلت الى الصاله وخلت سبيس ستون وراحت المطبخ تسوي لها ريوق ريم: مافي شي في هالبيت كله مخلصه الاغراض وبس بطلت الثلاجه لقت بيض ريم: يالله مافي لا هالبيضه بتشبعني ونخلي عليها جبن الاااي خوش ريوق وخدت ريم البيضه والمقله وراحت يم الفرن وسوت البيضه وراحت تسوي شاي حليب نست ان البيضه خلتها ما راحت لها إلا محترقه وطلعت الريحه وقعدت امها ام ريم: وش هالريحه ريم: نسيت البيضه واحترقت ام ريم: متى سويتي شي وما احترق ريم: نسيتها ام ريم: طلعي من المطبخ بسوي الريوق اني لا تحرقين وتعفسين المكان راحت ريم الصاله قعدت تفارر بالقنوات ليما ثبتت على قناه الراي برنامج رايكم شباب إعاده وقعدت تطالعه ونامت بدون ما تحس ام ريم: ريم ريم نايمه وماتدري عن شي راحت امها تجوفها ام ريم: ريم قعدي اكو سويت الريوق ريم: بعدين ماما مابغي شي ابي انام ام ريم: تقولين تبغين ويوم سويت نمتين ريم: بعدين بعدين ام ريم: بتريق عنش لا تقولين ما قعدت كيفش بندي التلفزيون لاتخلينه مشغل ورقدت ريم يات الساعه 12 ام ريم: قعدي صلي ريوق ما تريقتين حتى الصلاه ما بصلينها ريم: بقوم بقوم ام ريم: يلا قومي حلاتش الحين قاعده تتمسحين وتصلين وتقابلين قبله ربش وتقراين القران مو مجوده كله في النوم ريم: بقوم قلت بقوم راحت ام ريم تصلي وريم للحين في سابع نومه اتصلت فيها بنت خالها فاطمه ريم: الو فاطمه: هلا ريم: هلا بيج فاطمه: اشفيش مريضه ريم: نايمه فاطمه: للحين نايمه قومي ريم: بقوم اصلي الحين فاطمه: انزين بنمرش اليوم ريم: وين بنروح فاطمه: بنروح رامز ريم: رامز ههههههه فاطمه: جي رامز فيه شي ريم: لا ما فيه شي فاطمه:كيفش تطنزين جزات الخير قلت بتصل فيش تجين ويانه ريم: ما قلت اني شي بس اسمه يضحك فاطمه: على ان رخيص ومال فقاره ريم: لا مو على جذي حتى رامز صاير مثل السيف غالي فاطمه: اطنزي بس خلاص ما بنمرش ريم: مريني فاطمه: الساعه 4 بمرش ريم: اوكي فاطمه: يلا سلمي على عمتي ريم: يوصل فاطمه: يلا خدافس ريم: خنافس فاطمه: ههه باي ريم: باي وقامت ريم تصلي وراحت تجهز ويه امها الغذه ام ريم: يلا روحي خلي السفره بنجيب الغذه ريم: جي وين الفقمه ام ريم: للحين ما جت في الشغل ريم: مو من عوايدها تتاخر ام ريم: روحي اتصلي فيها ريم: اوكي وراحت ريم تتصل في اختها يرن التلفون.. توت توت توت ريم: الو اختها: هلا ريم: ليش ما جيتين الى الحين اختها: دعمت بالسياره ريم: هههههه وش صادها السياره اختها: تضحكين بدل ما تقولين اني وش صادني ريم: ادري ما صادش شي اختها: رقبتي تعورني ريم: لا يكون نطحتين الجامه للي قدام اختها: اي جاي سكسويل فلت ومن وراي دعمني كن في الاشارة والاشارة وقفت مرة وحده ريم: ما جوفين شر وين انتين الحين اختها: اكو اتصلت في حسين اجيني ريم: اوكي بقول الى امي اختها: مو تزهقينا ريم: جي هبله يلا باي اختها: باي راحت ريم الى امها وقالت لها ومحد تغذه الانه قاموا يحاتون اختها يات الساعه 3.30 ريم: ماما ام ريم:... ريم : مامااااااا ام ريم:... ريم : اماااا ام ريم:.... ريم: ام محمد ام ريم :.... ريم: وش فيها وين راحت نزلت تحت ولقت امها نايمه ريم: نايمه وانى باح صوتي واني انادي ريم: ماما ام ريم: نعم ريم: بتمر عليي فاطمه بت خالي وبنروح رامز ام ريم: مو تتاخرون ريم : اوكي راحت ريم تجهز روحها .............................. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.