عهد المحبة Posted مارس 2, 2007 Report Share Posted مارس 2, 2007 (edited) السلام عليكم اليوم حبيت اطرح مشكلة كثيرا ماسمعنا عنها وياما صارت وتضرروا فيها الابناء وهي مشكلة العنف اسلوب الضرب اللي يتبعه بعض الأهالي ضد اولادهم المشكلة اني اليوم سمعت من وحدة من ربعي انها تنضرب وتنسحب خارج الحجرة على سبب تافه،،، يعني تخيلوا بنت بالـ16 من عمرها تنضرب!!!!؟؟ يعني حنا عايشين بأي زمن وأي تخلف اللي يخلينا نتبع هالأساليب لايكون احنا بعدنا بعصر الجاهلية وحنا ماندري،،، يمكن مادام الناس -انا ما اقصد الكل- بس الأغلبية تتبع أسلوب التخلف يعني الحين وين راح اسلوب التفاهم والنقاش بهالأيام حتى الطفل لازم ماينطق لأن صار يفهم وبالكلام الطيب يقدرون يوصلون نتيجة ولا يعني مازالوا يعتقدون ان الأبناء مايتربون الا بالطق والعنف ساعات يمكن الضرب اسلوبه عكسي يخلي الشخص يتمرد اكثر ويعاند اكثر فماراح يستفيدون شي من الطق واذا هم على وعاية ويخافون ربهم ومؤمنين بالله ورسله خلهم يرجعون إلى سنة النبي والأئمة من بعده،،، خلهم يشوفون تعامل الرسول مع أبنائه وتعامل الأمام علي مع مو بس اولاده حتى مع اولاد الصحابة؛الرسول رحمة وقدوة لازم نتعلم منها غير هذا ان الضرب يصيب الشخص بأمراض يمكن تؤدي لاسمح الله إلى الاعاقة وبعدين شراح يستفيدون غير الندم والحسرة والتعب وهم يعالجون الولد المسكينصراااااااااااحة يمكن الموضوع بنظر البعض مايستحق بس بنظري يستحق ونص فلا تبخلون علي برايكم وانتقادكم لهالموضوع Edited مارس 2, 2007 by عهد المحبة Quote Link to comment Share on other sites More sharing options...
blue magic Posted مارس 2, 2007 Report Share Posted مارس 2, 2007 هلا كلامج صح إختي نور المحبه الكثير من الناس يواجهون ابنائهم بالضرب لكن ما يدرون ان هذا ينقلب عليهم وعلى نفسيتهم الي راح تكوون محطمه وراح ايحسون انهم منبوذين ومختلفين على الغير ويمكن يسبب لهم خوف في حياتهم من كل شي..!! تحياتي إختكم:blue magic Quote Link to comment Share on other sites More sharing options...
سندرا Posted مارس 2, 2007 Report Share Posted مارس 2, 2007 هااي اسلوووب تخلف مال الاهل ماال قبل انه باقولها من قلبي لاني حصلت طق من اصغري .. الصراحه ابووي واايد شديد وعلى اقل شي هووشه .. بس الحين كبرت حددهم احصل صطار ولاا قمت ايوود يد ابووي ومارضه .. كلشي ينحل بالتفاهم مايدرون اذا سوو هلوون راااح انعاندهم اكثر ووفق ذي نتعقد .. بس شنسوي حكم القوي على الضعيف Quote Link to comment Share on other sites More sharing options...
Bounty Posted مارس 2, 2007 Report Share Posted مارس 2, 2007 يعطيج العافيه اختي على طرح الموضوع < مسأله العنف اكيد ما تنم على التحضر لان العنف مو مرغوب سواء كان للتأديب او لمجرد العنف < ولو ننظر في الاسباب اللي تخلي الاباء يلجئون الى العنف فهي غالبا ما تكون اسباب اسريه < واحداث سابقه في حياتهم تنعكس من خلال العنف يعني < كون الاب ينشأ في اسره الاب فيها يطق امه وخواته يتأثر بهالشي وحتى لو كان يكرهه < فهو لا اراديا يكرر نفس الشي مع اسرته وغيره وغيره من الحوادث اللي يعيشها الطفل ويترجمها بعدين على صورة عنف ويطبقها على اسرته وعشان جذي واجب على الاسره انها توفر اولا الجو المناسب للنشوء الطفل بحيث ما يتعرض الى الحوادث اللي تؤثر في شخصيته من هالناحيه وثانيا < يجب التعامل مع كل مسأله فور حدوثها وعدم تخزين المشاعر فمثلا اسره تتعرض الى حاله طلاق < ويعيش الطفل في هالفتره حاله من تضارب المشاعر فواجب على الاباء في هالفتره انهم يعالجون مشاعره ما يلجئون الى الصمت والكتمان لانه في المستقبل ممكن ينفس عن هالمشاعر في عياله < هذا بس جانب واحد من الاسباب وهو اللي يتعلق بنشأه الوالدين < وطبعا فيه اسباب وعوامل اكثر واكثر تؤدي الى العنف منها الفشل الاجتماعي ومحاوله التعويض عن هالفشل في الابناء وممكن كلها تكون عوامل نفسيه << وطبعا لا ننكر ان احيانا الاب يضطر انه يلجأ الى الضرب وهذا شي طبيعي اذا كان هدفه التأديب لاكن الضرب ما يكون على طول وما يكون بالعنف < وما يكون كتنفيس للغضب واجب على الام والاب تأديب ابناءهم واتباع الوسائل اللازمة في هالامر ولو تطلب الامر الى الضرب لان الطفل اذا انطق مره ما يكررها مره ثانيه لان يعرف ان من وراها عقاب بينما اذا تخلى على راحته بيلعب اكثر واكثر وبيكونون امه وابوه خاتم في صبعه << وفي نفس الوقت الضرب المفرط والعنف الشديد يخلي للطفل نوع من العناد لانه اذا حس بانه راح ينطق سواء سوى شي خطأ او لا يحس باللا مسؤوليه وبالنقص الشديد اللي اكيد يؤدي الى نتائج في المستقبل منها العنف على ابناءه << يعني المسأله متتابعة < >> اتمنى ما طولت في الكلام < Quote Link to comment Share on other sites More sharing options...
فراوله حامضه Posted مارس 3, 2007 Report Share Posted مارس 3, 2007 العنف اصلا مابيفيد في شي الا بيزيد الشي لان مافي فايده من الضرب فايدته ان الابناء بيعاندون واصلا العنف مافي فايده منه اضرار واصلا بعدين بياثر على النفسيه !!! ومشكوره بعد جبدي ع الموضوع يعطيج العافيه Quote Link to comment Share on other sites More sharing options...
دلوعة بيتهم Posted مارس 3, 2007 Report Share Posted مارس 3, 2007 انـا ماضن أسلوب الضرب أو العنـف رااح يفـيد في الطفـل .. بالعكس رااحـ يزيد من عنـاد الطـفل .. ويـجب علـى الاهـل تربـية أبـناهـم عـلى التفاهـم لأن مع الاستمرار في ضرب .. الطفل قـد يؤدي الي مرضـ نـفـسي أو عـقلي فيهـ وراحـ يضـرب عـيالهـ .. وهـاذي الضرب نـاتج عن خلل في الأهل وراح يورثونهـ الاطفالهـم .. ومشـكورهـ أختي عـلى الموضوعـ القـيـم .. Quote Link to comment Share on other sites More sharing options...
الناعمه Posted مارس 3, 2007 Report Share Posted مارس 3, 2007 على حسب اذا كانو الاولاد شياطين يستاهلون الطق والعقاب لكن اذا كانو متفهين يحاولون يأدبونهم بالكلام Quote Link to comment Share on other sites More sharing options...
كل الحلا بحرينية Posted مارس 4, 2007 Report Share Posted مارس 4, 2007 اللي يطق ولده اهوا متخلف 100% اصلا ما في شي ايي بالطق الكلمه الطيبه اهيا اللي تمشي يسلموو ع الموضوع ننتضر المزيد Quote Link to comment Share on other sites More sharing options...
عهد المحبة Posted مارس 4, 2007 Author Report Share Posted مارس 4, 2007 اشكر كل من شاركني موضوع النقاش بس عندي بعض التعقيبات للي ردوا على موضوعي blue magic: صدقتي بكل كلمة صح الله لسانج سندرا:<<<<لاني حصلت طق من اصغري .. الصراحه ابووي واايد شديد وعلى اقل شي هووشه .. بس الحين كبرت حددهم احصل صطار ولاا قمت ايوود يد ابووي ومارضه>> كبرتي ومازال في هناك بعض من هالأسلوب والصطار مو شويه بالنسبة لي لو احصل هالصطار بتنهز نفسيتي وبمرض يمكن لاني ماجربت بس احس من كلام اللي حوالي احس ان اللي ينطقون وهم كبار تتعقد نفسيتهم ويمكن توصل انهم يكرهون اهاليهم واذا ماتركو البيت بعد زين اما انج تيودين يده احس انج تقليلين من احترامج له وحاولي تتفاهمين معاه والله يصلح حالكم Bounty: ماشاء الله حللتي الموضوع بكل تفاصيله فراوله حامضه: اي والله بعاندون وبيتعقدون بعد دلوعة بيتهم:<<يؤدي الي مرضـ نـفـسي أو عـقلي فيهـ وراحـ يضـرب عـيالهـم وهـذي الضرب نـاتج عن خلل في الأهل وراح يورثونهـ الاطفالهـم >> أييد كلامج مئة بالمئة لو ما الاهل يعانون من خلل جان ماعاملو اولادهم جذي الناعمه: نعومة بقولج حتى لو كانوا شياطين،، ما اروح اطقهم يعني مو معقولة الطفل بكون اقوى من شخص كبير وان الضرب هو الحل يفهمونه يكلمونه بأسلوب يتقبله الطفل مثل يقولون له راح نعطيك هالشي لو صرت عاقل وراح احرمك من هالشي اذا تشيطنت كل الحلا بحرينية: متخلف الا بس لأن عايش بزمن العصر الحجري كله طق وصراخ مماكو تعامل وماكو انسانية ولا يفتكر انه هذا جزء من حياته ومشكوووووووووووورين وصدقوني لو بأيدي سويت جمعية للأطفال المتضررين بالبحرين والخليج واللي يعانون من تخلف الأهل بس ما أقول الا الله يهدي الكل Quote Link to comment Share on other sites More sharing options...
حواء الجنة Posted مارس 4, 2007 Report Share Posted مارس 4, 2007 البعض يعتبر ان الضرب تربية لكن هو يعتبر عنف وليس تربية , اول شي الطفل يفقد شخصيتة ماله اي رأي واعتقد حتى الأطباء النفسيون يعتبرون الضرب شي سلبي ,,,,,, Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.