banoOota coOl Posted مارس 23, 2007 Report Share Posted مارس 23, 2007 السلام عليكم ورحمه الله وبركاته شلونكم شخباركم؟ ان شاء الله بخير انا بس حبيت اسئل وياريت تساعدوني انا طالبه آخر سنه لي يعني بتوجيهي تخصصي تجاري نسبتي90.1 واحين تدرون لازم نسجل للجامعه ونحدد تخصص يناسبنا ونبيه انا يعني متردده ومحتاره ويمكن البعض منكم مر في مثل هالفتره بس من جم يوم يعني بما اني ابي ادرس شي من ناحية الكمبيوتر او الانج فكنت حاطه ببالي يا بدرس ادب انجليزي او IT ادب انجليزي هونوني عنه يعني وقالو انه صعب ومعقد ويبي له مخ شكبره ومادري يعني خوفوني منه ليه ماشلت الفكره من بالي بعدين عن ال IT قالو لي يعني سمعت يقولون انه زين ومطلوب وفي ناس وايدين داشينه ويعني لحد الآن سمعت انه اوكي فدخلت الفكره ببالي يعني بس لما جيت عسايت جامعة البحرين لقيت انه متفرع وفي اكتر من اختصاص وانا صراحه ماعرف شي عنه هالاختصاصات انا اللي سمعته انه IT وبعدين سنتين في خيارين البرمجه احسنها لان الخيار الاول للشباب يعني فمادري قلت ادخل هالقسم وشفت بعض المواضيع يعني بس مافهمت يعني ابي بس تساعدوني وتقولو لي شنهي الاقسام اللي يضمها IT وشنو تحتوي وشنو رايكم بتجربتكم شنو تنصحوني يعني انا محتاجه رايكم يعني عشان اختار مساري بثقه وماتحسف فياريت تساعدوني ومشكورين سي يو Quote Link to comment Share on other sites More sharing options...
صدى الآهات Posted مارس 23, 2007 Report Share Posted مارس 23, 2007 هلا خيتو كلية تقنية المعلومات تتفرع منها ثلاث تخصصات ألا وهي:- 1-هندسة كمبيوتر 2-علوم الحاسوب 3-نظم معلومات أدارية مرتبين من الأصعب للأسهل في هالقسم في معلومات عن هندسة الكمبيوتر وعلوم الحاسوب تقدرين ادخلين عليهم تضغطين على الوصلة: هندسة كمبيوتر علوم حاسوب ونظم المعلومات أسهل التخصصات فيهم وتكثر فيه المواد المتعلقة بتخصص التجاري وسلامتج Quote Link to comment Share on other sites More sharing options...
طالبة IT Posted مارس 23, 2007 Report Share Posted مارس 23, 2007 خيو مال التجاري يقدرون يختارون تخصص واحد من قسم الاي تي الي هو نظم المعلومات الاداريه بس ما يصير يختارون لا هندسه ولا علوم حاسوب مع تمنياتي لكِ بالتوفيق Quote Link to comment Share on other sites More sharing options...
banoOota coOl Posted مارس 23, 2007 Author Report Share Posted مارس 23, 2007 صدى الآهات مشكوووووووره ماتقصرين والله بس ممكن توضحين لي عن نظم المعلومات الاداريه وتحطين رايج الشخصي فيه يهمني رايكم يعني خصوصا لو كانت لكم تجربه في احدى التخصصات --------------------- طالبه ال IT مشكوره على المرور بس انا هم احس ارتحت للنظم المعلومات الاداريه بيني وبينج ابي شي مايشيبني يعني شرايج فيه انتي؟ مجربته سامعه عنه؟ له مستقبل؟ مطلوب؟ يصلح لنسبتي ولا تبع عباقره؟ انا ابي شي يعني اتوفق فيه مو انصدم وانحبط مشكوره مره ثانيه ---------------- ياريت بعد اشوف حد مجرب هالاختصاص ويقول لي رايه ولو انه يناسبني او لا ؟ وشنو المواد اللي فيه؟ شنو مميزاته؟ وش ممكن اشتغل ؟ وهل هو مطلوب؟ ومشكورين كلكم ماتقصرون Quote Link to comment Share on other sites More sharing options...
صدى الآهات Posted مارس 24, 2007 Report Share Posted مارس 24, 2007 (edited) banoOota coOl سمعيني خيتو بما انج تجاري وهذا التخصص فيه مواد وايد تتعلق بالتجارة فأعتقد ان يناسبج وبتاخذين بعد مواد تتعلق بالكمبيوتر يعني برمجة وهالأشياء يختلف أختلاف كبير عن المدرسة ماخذيتيها من قبل يعني بكون شي جديد عليج ومن ناحية مطلوب فهو مطلوب مطلوووووووووب في العمل وله مستقبل ويعني مثل ما قلت لج قبل هو أسهل تخصص من التخصصات الثلاثة وهالتخصص(bis) يهدف الى تعليم الطالب مفاهيم نظم المعلومات و تطبيقها في ادارة المنظمات و الشركات ، و دور نظم المعلومات في وضع و تنفيذ الخطط ، و استخدامات برامجيات الحاسب الالكتروني في دعم الادارات و اصحاب القرار ، و يتضمن البرنامج تطبيق عملي على البرامجيات و التطبيقات . ولج الأختيار انتي بالتخصص والله يوفقج Edited مارس 24, 2007 by صدى الآهات Quote Link to comment Share on other sites More sharing options...
banoOota coOl Posted مارس 24, 2007 Author Report Share Posted مارس 24, 2007 تسلميييييييييييييييين مشكوره والله كلج ذوووووق انقذتيني يعني كنت محتاجه حد يعطيني خلفيه يعني وان شاء الله اتوفق فيه ادعو لي سي يو Quote Link to comment Share on other sites More sharing options...
صدى الآهات Posted مارس 24, 2007 Report Share Posted مارس 24, 2007 (edited) ولو حاضرين ونحن في الخدمة ما سويت ألا الواجب وأي خدمة حاضرين والله يوفقج ونشوفج في كليتنا Edited مارس 24, 2007 by صدى الآهات Quote Link to comment Share on other sites More sharing options...
طالبة IT Posted مارس 26, 2007 Report Share Posted مارس 26, 2007 طالبه ال IT مشكوره على المرور بس انا هم احس ارتحت للنظم المعلومات الاداريه بيني وبينج ابي شي مايشيبني يعني شرايج فيه انتي؟ مجربته سامعه عنه؟ له مستقبل؟ مطلوب؟ يصلح لنسبتي ولا تبع عباقره؟ انا ابي شي يعني اتوفق فيه مو انصدم وانحبط مشكوره مره ثانيه اني تخصصي بي اي اس التخصص مو صعب ولا سهل يعني يبغي له دراسه اني تجاري ونسبتي كانت اقل منش كنت في ال80 التخصص فيه مواد بزنس قريب الى الي درسناه في المدرسه مثل الايكون والمنيجمنت والفاينانس واكاونت هذلين فيهم شوي يشبه مال المدرسه ما يحتاج ليه ناس عباقره اني مو عبقريه بس امشيه في التخصص انتين لما تحبين التخصص بتحسين انه سهل وحليو وطبعا سالفة البرمجه يبغي اليها دراسه او باول واختي صدى الآهات ما قصرة شرحت ليش عن التخصص واذا عندش اي اسئله حاضرين خيو بتوفيق Quote Link to comment Share on other sites More sharing options...
Lazy Posted مارس 29, 2007 Report Share Posted مارس 29, 2007 مرحبا انا تخصصي Bis سنة رابعه في البداية كنا مريحين لأن قبل ما ناخذ مواد Bis التخصص بكل صراحة يشبه تخصص الـ CS نفس موادنا ياخذون بس هم يعطونهم مواد علمية احنا مواد تجاري بس مواد البرمجة ومواد التخصص نفس الشي مجرد الاسم غير بالنسبة للصعوبة: لا تقارنينه بتخصصات البزنز لأن الـ Bis لازم تتحملين الضغط .. وخاصة ضغط عمل البروجكتات يعني مثلا يمكن يصيدش في الكورس الواحد 3 بروجكتات كحد قليل ! بس تتعبين فيهم من قلب لأن البروجكت مو شي سهل!! واحنا غير عن الـ Cs لأن هم يعطونهم بروجكتات بس غالباً Documention احنا الاغلب Documention & implention يعني مثلا نسوي ريبورت + برنامج على سبيل المثال .. ويكون الشغل يبى ليه شخص يتحمل ضغط المعاناة ومو بس يحتوي على بروجكتات بعض الاحيان تتطلب المواد اسايمنت مثلا كل اسبوع نسلمه .. فلا تقولين انه سهل يعني .. كل واحد وعلى حسب رؤيته ووو بالنسبة الى موادنا اغلبها اغلبها حفظ .. بس بصراحة تخصصنا مطلوب وهاي اللي مشجعنا على مواصلة الدارسة فيه بالتوفيق Quote Link to comment Share on other sites More sharing options...
صدى الآهات Posted مارس 30, 2007 Report Share Posted مارس 30, 2007 طالبة IT & Lazy متشكرين بعد ما قصرو معاج في الشرح الله يوفقج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.