جرح انسانه Posted مايو 1, 2007 Report Share Posted مايو 1, 2007 (edited) المهم ما علينا من هاي السوالف كل واحد ذنبه على جنبه ... واتمنى ما يتكررر هاي الكلام مرة ثانية غناتي وعيشي حياتج وانتي حرة وخلي الباقي بعد يعشيون حياتهم مثل ما يبون والناس احرارررررررررر والله يوفقج ويه الحب مالج Edited مايو 1, 2007 by جرح انسانه Link to comment Share on other sites More sharing options...
ابتسامه نور Posted مايو 2, 2007 Report Share Posted مايو 2, 2007 (edited) هدوها تولي هذي الحقران يقطع المصران نبي القصه بأسرع وقت ... مو شغلنا أنتي علقتينا بالقصه و شوقتينا عاد تحملي كسار ظهر والله ظعف نظر مالينا شغل لا لا لا أفا سلامتج يالغاليه أمزح معاش والله يديم المحبه بين فطوم و هادي فطوم خلي أمج تقرأ عليج من عيون الحساد و قولي لهادي بعد ... الله يخليكم لبعض .. و تكتب لنا رزان عن سوالف عيال عيالكم .. قولوا أن شاء الله Edited مايو 2, 2007 by ابتسامه نور Link to comment Share on other sites More sharing options...
قمر البنات Posted مايو 2, 2007 Report Share Posted مايو 2, 2007 كلمت رزون من شوي و قلت لها ما تنامين الا لمى تنزلين لنا بارت...وقالت لي كلها نص ساعه و بيزل تطمنوووو Link to comment Share on other sites More sharing options...
متيمة شجون Posted مايو 2, 2007 Author Report Share Posted مايو 2, 2007 آسفه على تأخير البارت بس الحين قام اكتبه لكم بهالوقت 3 الفجر ...!! وخلكم من الهانم..وراح نكمل القصة بس هدوي يقول لي شكلنا راح نتزوج و نيب عيال و أنتي للحين ما خلصتي القصه وانتو شرايكم ؟؟ وقبل ما اكتب لكم فطوم فرحانه وايد بردودكم...و ودها تتعرف عليكم وبذات جرح انسانه راح تدخل هاليوميين وتدز لكم رسائل يمكن اسمها الروح ذكرى بس تبي تغيره الى حبيبة الكويتي او حبيبة ابوها لانه هدوي يناديها بهالاسامي ************ هادي شاف رد رزان وحس انه بينها و بين الاخت سهروا مشكلة بس ما اهتم عشان ما يعطي سهروا مجال انها تكلمه بالموضوع لانه بالاحرى الكل بلوك عنده وبس للضرورة يفتح لهم ماعدا فطوم والمشكلة بذاك الوقت محد حاس انه في مشكلة بينهم بتتحول الى مشاكل اكبر و اكبر وخصوصا" الادارة ما تدخلت من البداية عشان تنهي الموضوع وانه مشاكلهم بالمسنجر ما ينقلوها الى المنتدى زهور الحلوة صار وقت حظور الخطيب الحلو اللي جاها باليانصيب على قولتها للاسف باعت عمرها وتصرفت تصرف يهالوا... خطيبها عادل وللاسف ماعدل ممعاها بشيء كان وايد شديد وكلش مو تايبها اهيا ملكة جمال بالنسبة الى خواته و اهله اللي للأسف اهيا لحد الحين باقيه وياهم صارت المقابلة وكل شي رغم انه ما فيه ولا شي عدل مجرد انه راتبه راهي !!! **** صار وقت البريك و فطوم على طول راحت تتصل بهادي لانه وحشها ومريم تتصل بأحمد وفاتي ماندري بمنو لانه كل يوم على موال هههههههههه فطوم : ميوووم ابي اتصل و مو عارفه احس هااي مال المعهد يراقبنا من اول ما طلعنا مريم :اي خبرج لا ناس وايد يتواعدون اهني و مشاكل و بلاوي فطوم : تري احس اني مو فاهمه شي من اللي انشرح مريم: يعني انا اللي فاهمه تدرين شلون خلنا نطلع برع اكثر فطوم راحت تدق على هادي فطوم : الو هلا حبيبي هادي : هلا فطومة هلا هلا فطوم : ها تعشيت هادي : اي بتعشى بعد شوي ويا امي خلينا من العشى بشري فهمتي الى الشرح اوانتبهتي ولالا فطوم : يعني ما احس حالي فهمت وااايد هادي : فطوم سمعيني ابوس يديينج ابيج تكوني شطورة فطوم : من عيوني انا كل المواد اوكي فيهم بس رياضيات لا سامحني هادي : والله فطوم ابيج تتخرجييين و آخدج تدرسين بجامعة الكويت فطوم :ووووي ناوي نخطب و انا صغيرونه هادي : اذا انتي صغيرونه انا كبير فطوم : لا منو قال كبير توك بعمر الزهور على قولتهم وبين ما هما يتكلم مريم : فطووم يالله اش تبين نشتري ناكل انا مييته من الجوع فطوم : لحظة بسال هدوي فطوم : حبيبي شنو بغيت ؟ انا بشتري لي شي ينأكل على الطاير هادي : ووي حاسبي فطوم الهنود مالهم امان فطوم : ههههههههههههه وشنو رداك انهم هنود هادي : الخليج كلها هنود هههههههه فطوم : حتى انا بتاكد من الجواز هادي : شوفي الجنسيه هههههههههههه وتاكدي و قولي لي قبل ما نتوهق فطوم : هههههههههههههههه لا عاد مو لهادرجة هادي : كل هالبياض و هنديه الا والله العظيم بدون مجامله كانج ايرانييه و الا من جنوب لبنان لو تشوفج امي تنجن عليج فطوم:هدووي خلاص والله وجهي صار نار نار هادي :ووي انا شنو قايل فطوم : ولا شي بس استحى هادي : فديت اللي يستحووووووون فديييتهم فطوم : هادي احبك هادي : حتى انا اموت فيج مريم : حتى انا احبكم بس يالله فطوم شنو تبين مابقى شي هادي : اوكي فطوم روحي و لمى تطلعيين انا بدق عليج فطوم : اوكي رغم انه صوتك و الكلام وياك احلى درس هادي : ما اقدددددددر على هالحجي ويينج انتي من زمااان وييينج فطوم:ربي ما يحرمني منك يارب هادي : ولا يحرمني منج يا الغالية يالله حبيبتي ديري بالج على حالج وانتبهي الى الشرح اوكي وانشالله بالتوفيق فطوم : انشالله هادي : يالله تبين شي فطوم : اي اكييد ابييييك هادي : حتى انا ابيييج باااي حبيبتي فطوم : باي حبيبي مريم : وآخيرا" يعني سكرتيييه فطوم: ولهت على هدوووي احبببببببببببه شسووي مريم : يالله خلنا نشووف هالنهدي شيبيع الكل يشتري من عنده فطوم و يا مريم عند الكافتيريا اللي يم المعهد مريم تقول الى الهندي رفييق شنو يبيع ؟ الهندي : كلش فطوم ومريم : ههههههههههههههههههههههههه شنو كلش قصدك كل شي ههههههههههههههههه الهندي : اي كل شي هههههههههههههه فطوم : في سندويش آلو بس ؟ الهندي : اي فطوم : ابي وحدة بسرعه سوها عندنا معهد مريم : وانا ابي همبرجر واثنين عصير همبا بسرعه رفييق الهندي راح يسوي لهم وينطرون الاوردر من زينه من اوردر فاتي ما راحت وياهم لانها من الكشخه اللي ما ياكلون من اي مكان ههههههههههه عكسنا فطوم : لحقي لحقي يا ميووم مريم : شنو صاير فطوم : شوفي الاعلان اللي فوق راسنا مريم رفعت راسها و لقت لوحة مكتوب عليها " مغسلة رزان " مريم و فطوم راحوا يضحكون فطوم : الخاينه عندها مغسله من ورانا مري: خلنا نتصل فيها نواجها بالحقيقة ههههههه فطوم : اي حقيقة ههههههههههه مريم راحت تتصل برزان مريم :الوووو من متى وشنو و ليش رزون : ههههههههههه شنو فيج كل هذا من تأثيرات المعهد مريم : اعترفي رزون :ههههههههههههه شنو اعترف مريم : في مغسلة بجدعلي ما ادري المدينة بأسمج رزون : هههههههههههه وليش انا الوحيدة اللي اسمها رزان مريم : هههههههههههه لالا بس يمكن تكون لكم رزون : يمكن تكون لواحد معجب برزان المغربي و سواها مري: يمكن و كل شي جايز هههههه رزان : وين فطوم و فاتي و شخباركم ويا الاستاد مريم : فطوم تنطر الهندي يخلص لنا الاكل وفاتي ما ادري وينها تعرفينها مو من كل مكان تاكل وبيني وبينج الاستاد بوادي واحنا بوادي رزان : اووف سكتي انا طفشت تهاوشت ويا سهروا الحقيرة هالمسيحيييه الجلحة الملحة مريم : ديري بالج لا يوقفون عضويتح رزان : لالا هدووي عندنا مريم : اوكي رزون بروح انا ابي اكل مابقى شي رزون : اوكي باي رزون : باي مريم راحت الى فطوم... مريم : تاتصلت الى رزون و تقول انها تهاوشت ويا سهروا فطوم : ليش شنو صاااير بعد مريم : مادري ما قالت بس تقول انها تهاوشت فطوم :يالله شنو هالحال وين ما اروح ضيقت خلق مريم : انتي ما عليج احنا جايين اهني ندرس وما نبي نفكر بهالاشكال فطوم: متاكدة جاييين ندرس مو عشان شي ثاني مريم : اي عشان شي ثاني ههههههههه اكا الاكل برز فطوم تقول للهندي جم صار احسابي الهندي : سندويش آلو نص روبيه فطوم :ههههههههههههههههههههههه شنو نص روبيه ليش ما قلت لي من البداية عشان اسوي لي ثنتين مريم : حلفي هههههههه فطوم : والله انا مييته من الجوع كثر الكلام ينشف الريج وتعرفيني كل شوي ما دق هدوي فطوم تقول للهندي انت تعرف هدوي ؟ الهندي : من ؟ فطوم : احبه هذا زوج مال انا مريم : تعالي عاااد بيختييها خلنا نروح قبل ما يجي ذاك البايخ فطوم : هههههههههه مادري شنو فيني من قال الهندي انه السندويجه بنص هههههه وانا اضحك كأني داخله البرداه و مشتريه جبس ههههههه مريم : الله يخلف عليج مو منج من اللي مطير عقلج فطوم : اي والله مريم و فطوم راحو الى فاتي فطوم لفتت نظرها ايمان بنت عمتها على زاويه تتكلم بالتلفون خجلت انها تروح تكلمها شنو راح يقولون حتى هالصغيرونه اللي بالاعدادي تتكلم بالتلفون اكييد مع صبي حتى لو ماكانت تكلم صبي نظرة الناس و كلامهم ما يرحم على طول راحت الى فاتي فاتي : وينكم انتو من متى بدوا يدرسون مريم : كنا نطلب اوردر خبرج لا طالبين باستا فطوم : ههههه لا يفوتج شريت سندويجه بنص فاتي : هههههههه شنو هالسندوجة فطوم : والله بنص بس آلو فاتي :هههههه وي لو انا منج ما كليت فطوم:وانتي يعني ماتوثقين الا بمطاعم الكشخه مريم: لا تتهاوشون يالله خلنا نروح ا فطوم و فاتي و مريم راحو الصف والاستاد اوردي ما نطرهم على باله انهم طلعوا مع صبيان مثل باقي البنات بين ما الاستاد يشرح فطوم راحت تطلع الموبايل تكتب مسج لهدوي حبيبي كليت سندويجه بنص فطوم: مريمي قلت لهدوي عن السندوجه مريم : هههههه انتي فضيحة اش بيقول الحين فطوم : حبيبتي شنو فيها هدووي كلشش عادي وبالعكس لو صار له هالموقف بيضحك فاتي : سكتوا خلنا ننتبه نبغي ننجح مرت الساعات وطلعوا من المعهد ام فاتي وصلتهم بيتهم ام فطوم :ها درستوا...؟؟ انتبهتوا فطوم : اي اي ماما نص و نص و نص ام فطوم : شكلج طربانه الاهم انكم فهمتوا فطوم : اي فهمت و انا اللي علي باجر بسوي اللي اعرفه و الباقي على الله والمعلمة و ضميرها ام فطوم : فطوم لا تخلين الرياضيات يخرب عليج انتي شدي حيلج شووي شوفي مستواج شلون كل ماله ينزل فطوم : لالا تحاتيييين اكييييد لاني ابي ادرس بالكويت ام فطوم : انشالله بس درسي عدل عشان تحصلين بعثه فطوم :هههههههه بعثه و لا باجر الصبح خليها على الله يا ماما ام فطوم : عيل منو اللي بيوديج لو بعثه يمكن اوكي و سلمانو ما يفج حلجه بشي بس انتي تروحين و منج و من نفسج لا تاكدي ما بيخليج فطوم : انا بروح و بخليه حلجه مسكر غصب ام فطوم : سكتي لا يسمعج تراهوا اهني فطوم : وانا اشقلت فطوم توها بتروح غرفتها الا سلمانو بوجها سلمان : من وين جايه فطوم : يعني باين علي من وين سلمان : سالتج ردي علي بجواب مختصر الحين الساعه 11 من وين جايه فطوم : من المعهد باجر علينا امتحان رياضيات سلمان : اوكي على طول روحي نامي الحين و لي شفتج اون لاين ياويلج فطوم : لا تخاف بنام على طول سلمان : وليش جذي لابسه الشيله فطوم : شنو فيها سلمان : أذاينج ليش يطلعون و ليش لابسه تراجي فطوم : لحوووو انا حاطتهم جذي مو عشان الفت نظر احد سلمان : لا تقولين لحوو لحوو بعينج وهالمرة لا تلبسين الشيله جذي احنا مو ناقصين حجي من الناس فطوم: كل البنات جذي يلبسون الشيله سلمان : انا ماعلي من البنات علي منج انتي بس فطوم : لحووو اوكي اوكي سلمان : يالله روحي نامي يالله فطوم تنرفزت من كلامه و سكرت الباب وطفت كل شي و شغلت بس الابجوره وغطت وجهها و راحت تدق على هادي الا اهوا مشغووول فطوم : يعني مع منو هالحزه كنت مستانسه على السندوجة اللي بنص والحين جذي هذا يسب وينصح و كانه آيه الله وذاك ويتنق اووف اوووف احط راسي و نام احسن لي لا منت هذا و لا منت ذاك خلت التلفون سايلنت و حطت راسها تبي تنام وحضنت صورة هدووي حيل وقالت احبه هالدب البايخ الكريه اللي ذابحني ونامت وهدوي رجع يتصل لها دز مسج حبيبتي فطومة كنت اكلم رفيجي اعذريني كنت معصب وما قدرت اسكره لمى كنتي تدقي ورجع يدق مرة و مرتين و ثلاث والحلوة نامت سلمان طلع يشرب سجاير برع البيت بالحديقة واهوا بالاحرى كان طالع يشوف غرفت فطوم اذا كانت ظلمة او مشغل الليت سلمان يقول الى ام فطوم ديروا بالكم عليها مو ناقصنا حجي ام فطوم : اهيا شنو سوت مو كافي ذاك اليوم يوم تذبحها من الضرب مو حرام يا سلمان قلبك ما يعورك تشوف اختك بهالحال سلمان : لا ما يعورني الغلط غلط و اهيا غلطت و هذا جزاها ام فطوم : انت شفت صورتها اللي بالمجلة عشان تقول هالحجي سلمان : لا بس اكيد اهيا ماحطتها الا عشان الصبيان ام فطوم : ليش اظن جذي بأختك الحين ما عندك الا اهيا سارة ماتكلمها مو حرام سلمان : اكلمها ما اكلمها شي راجع لي ام فطوم : لا الله و لا رسول يرضى عن اللي تسويه سلمان : ييمه و اللي يسلمج انا خواتي واعرف شلون احافظ عليهم ام فطوم : تحافظ عليهم و انت حتى الموت وريتهم سارة و يا يوسف و منعتهم رغم انه يوسف تقدكم لها على طول والحين فطوم معذبنها سلمان : يعني اهيا جت و شكت لج ام فطوم : كل هالمرض و هالتعب و تبيها تشكي لي ما يحتاج انت شوفها مو حرام ما تاكل شي و عضمها لين اقل شي يتكسر وانت ضربك مو هيين حافظ عليها انا كل خوفي اموت و انت تقتلها سلمان : اش هالحجي مو لهادرجة عاد ام فطوم : لا صج انا وايد افكر في فطوم وحاتيها و خايفه من اللي قاعد يصير و بيصير لها انت ليش تحملها اغلاط غيرها سلمان : اغلاط سارة مثلا" ام فطوم : اي ...فطوم لا حبت و لا شي انت مشكلتك مع سارة فطوم شكو ...؟ وبالاساس ماكو مشكلة لانه سارة تزوجت و خلاص والحين اهيا حامل لاتنسى عدل تصرفاتك شوي جدامها سلمان : انشالله بس انا بروح الحين ريم تدق علي ام فطوم : اوكي تصبح على خير سلمان : وانتي من اهل الخير ام فطوم راحت تنام و كل خوفها يصير شي و يخلي سلمان يقتل فطوم و لا يسوي فيها شي لانه وااايد ما يعاملها بطيب و مو معتبرها اخته رزون و مريم وفاتي بعد ناموا ينطرون الصبح يجي عشان يقدمون الامتحان و يفتكون هادي ما انام مبجر بس لاحظ فطوم ما دخلت ولا رزان و لا مريمي و لا فاتي دز مسج لفطوم تقدرين تنامين وانتي مو سامعه صوتي اذا انتي تقدرين انا ما اقدر صارت الساعه 3 فطوم صحيت الغرفه حيل برد شافت مسجات هدوي وراحت تدق عليه هدوي صحى فطوم : صباح الحب هادي : صباح الورد يا اغلى انسانه بهالدنيا فطوم : آسفه حبيبي كنت نايمة هادي : تنامين و تعلقيني انا متعود اسمع صوتج والله انتي مو بس حبيبتي انتي امي و بنتي فطوم : من بعد هالكلام لا بالله اكيد بسوي زين بالامتحان هادي: مو تخلصين بسرعه وتقعدين تفكرين فيني فطوم :هههههه لالا اذا كتبت شي بالورقه اصلاً زيين هادي:والله ما امزح فطوم بليزز ابيج تكملين دراسه بالكويت بليزز فطوم ما ابي حد يكون اقل من مستواج بالعائله انتي ابيج شي سبيشل كافي انج من البحرين فطوم : تحب البحرين هادي : لا احب اللي يعيشون عليها فطوم : فددديتك يا الكريه حتى انا اعشق الكويت هادي : ههههه بكرى عندج رياضيات و لا تاريخ و لا تربيه و طنييه فطوم : ههههههههههههههه شنو تربيه وطنيه بعد هادي : فديت هالضحك..حبيبتي يالله ارجعي نامي وراج امتحان فطوم : انشالله بس خلني اكلمك لين ماي خلص الكرت سولف لي قول اي شي احب صوتك في نبره حب و حنان هادي : حنان هااي بنت جيران بس حب ما اتوقع في احد يسمي هالاسم فطوم : ههههه يا الدب في انا عيالي بسميهم اسامي كلها حب و حنان هادي : شنو مثلا" فطوم : هادي و هادي و هادي هادي : الله و اذا بنيه فطوم : هاديه هههههههه مع انه ما توقع بتكون هاديه اكيد مثل ابوها هادي :تحبين ابوها فطوم : لو قلت احبه قليل... احس هواه يسري بدمي هالانسان له افضال وايد علي ما اقدر اوفيها لو بعد الف سنة والله احبه اموت فيه وظلت فطوم تتغزل بهادي لين ما نامت هادي: فطومة حبيبتي ليش سكتي كلامج وايد حبيته بس فطوم نامت هادي : عمري فديتها شكلها نامت ببوسها و بسكره... اممممواح تصبحين على خير حبيبتي هادي سكر التلفون وراح يفكر بفطوم وتنه مرتاح وايد انها تعلقت فيه وانه لقى بنت صادقه معاه وتعلقت فيه لهادرجة وبادلته نفس الشعور... هادي ودي اضمها حيل و قول لها عن كل اللي بقلبي وعلى طول راح شغل الجهاز عشان يطبع صورة فطوم و يخليها تحت راسه فتح المنتدى و لقت الحقيرة سهروا اون وعلى ما الصورة تنطبع وصلته رساله من الحقيرة سهروا " صباح الورد على الناس الغالين اللي نسونا و بطلوا يحكوا معنا " هادي على طول سوا تسجيل خروج ما يبي يعور راسه معاها لانه كان بالاساس معتبرها مجرد عضوه بس اهيا فهمته غلط لانها بلا ديانه و لا دين وعندها كل شي عادي هدوي طبع صورة فطوم وباسها وقال يارب تكون من نصيبي وخلها تحت راسه ونام صار الصبح ام فطوم : يالله قومي امتحان فطوم: ماما الامتحان الفترةالثانيه الساعه 9 ام فطوم : صحصحي من الحين عشان تدرسين فطوم ابيج تروحين الجامعه ما ابي حد يقعد لي بالبيت فطوم : برروح جامعه الكويت بعد و لا يهمج ام فطوم : انتي رحتي المعهد دقيقتيين واخوج ذبحنا شلون لو رحتي الكويت فطوم : بروح بروح بالحلال ام فطوم : اي حلال قمتي تحللي و تحرمي فطوم : ههههه اوكي اوكي تعالي بعد ساعه ام فطوم راحت وفطوم راحت تدز مسج لهدوي تصبح عليه اذا انت ما تقدر تنام بدون صوتي انا ما اقدر يعدي يوم و ما اصبح عليك صباح الحب حبيبي " ******************************** انشالله البارت يكون اوكي طوووله يالله تصبحون على خير Link to comment Share on other sites More sharing options...
قمر البنات Posted مايو 2, 2007 Report Share Posted مايو 2, 2007 قريته بس على الطاااير ميرسسسسسسسسي رزونه برجع اقرئه بعدين وتسلم يدج تعبناج Link to comment Share on other sites More sharing options...
الريــم Posted مايو 2, 2007 Report Share Posted مايو 2, 2007 تسلمين عالبارت تعبناج معانا يعطيج الف عااافيه Link to comment Share on other sites More sharing options...
ابتسامه نور Posted مايو 2, 2007 Report Share Posted مايو 2, 2007 يسلم لي الحلو اي جذي البنت السنعه .. كل ساعتين نبي بارت شكله كلام هادي صج بييبون أولادهم و أحنا للحين Link to comment Share on other sites More sharing options...
عابره Posted مايو 2, 2007 Report Share Posted مايو 2, 2007 شكرا متيمة شجون على هالجزء الحلو ,,, وفي انتظار التكمله بسرعه ... تحياتي : عابره Link to comment Share on other sites More sharing options...
me-me Posted مايو 2, 2007 Report Share Posted مايو 2, 2007 ثانكس ع البارت بس بعد قصير نبي اطول Link to comment Share on other sites More sharing options...
انين القلوب Posted مايو 2, 2007 Report Share Posted مايو 2, 2007 تسلمين يالغلا على البارت وسلمي لي على فطوووووم واايد وقلي لها اطل علينا طله على الاقل وننتظر التكمله Link to comment Share on other sites More sharing options...
Recommended Posts