sami_77 Posted ابريل 7, 2007 Report Share Posted ابريل 7, 2007 (edited) السلام عليكم يا جماعة في بدايه سطوري احب اقولكم انها اول مشاركة لي في منتدى و عمري ما شاركت في منتدى قبل احب اشاركم بالكلمة هل هذا يسمونة حب او لعبة او تسلية انا كنت ادرس في استراليا و عن طريق احد مواقع الشات تعرفت على انسانة بحرينية توهمت اني احبها و تحول الوهم الي حقيقة تركت الدراسة و رجعت البلاد دورت لي اي شغلة عشان اشتغل و اتقدم للبنت صارت لي معها مدة خمس شهور و هي تلح علي بالزواج و لماكنت اتقدم لهاكانوا اهلها يرفضون و هي تقول انها ما راح تقول لاهلهاولا راح تتخلى عني مهما يكون الطامة الكبرى اني تركت دراسة الطيران الي هو حلمي الوحيد اني اكون طيار و البنت تخاف تكلم اهلها و بعد فترة و اهلها رافضيني اتصلت فيني و قالت لي كلمة غريبة قالت انها اكنت لها علاقة مع واحد ظلت ثلاث سنوات و الحين هي شافتة في احد المجمعات و صار قلبها يخفق لما شافتة و المصيبة انها قامت تقارني بة الي ان صرت بركان محتاج اثور اول ما سويتة اني اقدمت على الانتحار كنت ضان ان الموت بيفكني من ها المشاكل بس الحمد لله الله كتبلي عمر جديد و في احد الاعياد اتصلت انا بابوها و قلت له ان كانت لي علاقة حب معا بنتك و انا اريد اتزوجها على سنة الله و رسولة و الحمد لله ما صار بيني و بينها شي و على فكرة انا مو من الي يختلون بالبنات بس الي بيني و بينها التلفون و الشات تعرفوا شنو رد علي قال لي انت واحد حثالة اشلون ترضى تتقدم على بنت من حسب و نسب و انت واحد بسيط قلت له اذا انت ولد حسب و نسب و انا انسان بسيط ربي خلقنا في اطوار متشابهة ولا انت مولون من نطفة من ذهب و على فكرة ان الله خلقنا من تراب و بنرجع الى التراب لاكن الزواج من بنتك مو اول ولا اخر الدنيا و هذا انا الحين خسرت كل شي حلمي اني اكون طيار و البنت الي توقعت انها تحبني و قالت توكل انا ابوي فوق كل شي نصحوني و دلوني شاسوي ووين اروح Edited ابريل 7, 2007 by sami_77 Quote Link to comment Share on other sites More sharing options...
emma watson Posted ابريل 7, 2007 Report Share Posted ابريل 7, 2007 السلام عليكم .. اخوي اهلا بك اولا في منتديات بحرين تودي .. إقامة ممتعة ان شاء الله و ثاني شي .. انا مابي افرض رايي عليك بس انا كلش ما أئيد الحب من الشات .. لانه حب مو حقيقي انت ما جفت البنت اولا .. و ثانيا البنت تقدر تغير شخصيتها في الشات عن شخصيتها في الواقع فتصير مثل الملاك و اتأكد اخوي اذا جفت وحدة في الشات يعني عندها علاقات سابقة .. لانها مثل ما رضت تكلمك , ترضى تكلم الف غيرك و اخوي ابي الفت انتباهك لشي ثاني .. انت شلون تتخلى عن حلمك و مستقبلك علشان وحدة ما ضامن انك تاخذها ؟!! و حتى لو ضامن تاخذها المفروض ما تتخلى عن مستقبلك عشانها و نصيحتي لك شيلها من بالك لان وحدة من هالاشكال ما تستاهل قلبك و فكرك .. و هذا اللي كنت ابيه اقوله و مسامحة اذا قلت اشياء مالي حق اقولها بس هذا مجرد رأي تحياتي ... Quote Link to comment Share on other sites More sharing options...
sami_77 Posted ابريل 7, 2007 Author Report Share Posted ابريل 7, 2007 بالعكس اختي الغالية رايج على عيني وراسي و انا احترم هذا الراي Quote Link to comment Share on other sites More sharing options...
انين القلوب Posted ابريل 7, 2007 Report Share Posted ابريل 7, 2007 بما ان انت عرفتها من الشات هذي مومشكله وايد يتعرفون من النت وعلاقتهم تستمر بس انت مب المفروض منك انك تترك دراستك عشان وحده ماتعرفها ولالك علاقه فيها الا مجرد صوت والمفروض ماتثق بأي شخص بدون ماتعرفه وهالبنت مثل ماكلمتك كلمت ملاييييين غيرك والله يوفقك واسمح لى على التدخل Quote Link to comment Share on other sites More sharing options...
هـيـــا Posted ابريل 8, 2007 Report Share Posted ابريل 8, 2007 b2d Quote Link to comment Share on other sites More sharing options...
scorpion queeen Posted ابريل 8, 2007 Report Share Posted ابريل 8, 2007 سوري اختي بس انا ماعتقد ان بنات الشات مثل ماذكرتي وانا متأكده ان حولج بنات يدخلون الشات سوالف وضحك ومو معناته انهم سيأين ثاني شي اخوي انت شخص وايد حساس وقلبك رهيف ومشتاق للحب وهذي اللي خلاك تقط كل شي وراك عشان مشاعر توهمت انها حب انا ما اقول ان البنت مو غلطانه بس انت بعد غلطان كان المفروض ترتب اولوياتك وماتعتمد على كلام انسانه ماعرفتها الا خمس شهور وتفكر عدل قبل ماتقرر وتتصرف هالتصرف الشي المهم من كل اللي صار انك ترتب اوراقك وتبتدي من يديدit's never too late عشان جذي انا اقول حاول تحقق حلمك بأي طريقه خاصة الحين ان انفتح عندنا في البحرين كلية للطيران واتمنالك التوفيقgood luck Quote Link to comment Share on other sites More sharing options...
اسيرة حبة Posted ابريل 8, 2007 Report Share Posted ابريل 8, 2007 اولا اهلا بك في منتدى البحرين انا ما اقولك ان الحب من الشات او من اي مكان هو نفسه حب وهذا يعتمد عا الشخص نفسه وانت كان لازم قبل لا تحبها تتاكد من مشاعرها ومن طيب نيتها واصلها وبعدين مو من المفروض تعلق مصير مستقبلك وحلمك بحب وحده ماتستاهل لو كانت تستاهل عا الاقل شي ثاني وبعدين 5 شهور حب وتعارف وثقه وانك تعطيها كامل حبك وثقتك ...فترة قصيرة للاسف في ناس مثل هالنوعيه من البنات اتمنى انك تراجع نفسك وتبتدي صفحه جديدة في حياتك وتلاقي وحدة تستاهل حبك Quote Link to comment Share on other sites More sharing options...
رغوده المحرقاوية Posted ابريل 8, 2007 Report Share Posted ابريل 8, 2007 اخووي الغلط اللي سويته ان انت تركت دراستك الحل انك ترجع الى دراستك وانك ما تفكر فيها تعتبر شي راح من الماضي والدنيا مو بس هي موجوده في بنات واجد والله يوفقك ان شاء الله Quote Link to comment Share on other sites More sharing options...
cat 333 Posted ابريل 10, 2007 Report Share Posted ابريل 10, 2007 خله تولي يقوا مثل الخليجي لي بيعك برخيص بيعه لو جان تبيك جان تحدت عالم علشانك بس البنت ماتبيك لانه تلعب عليك بعواطف انصحتي من لك روح كمل دراستك والله وفقك ولا تفكر لابدراسه بس حتى تطمح لي انت فيه ذي بنت باجر بجوفه اتصيح دم من حسره ندم عليك وربك بيعطيك بنت مثل عسل ع قلبك وتعوضك لي فات وشكرا عزيزي Quote Link to comment Share on other sites More sharing options...
قلادت البحرين Posted ابريل 10, 2007 Report Share Posted ابريل 10, 2007 السلام عليكم ورحمة الله وبركاته،، بسم الله الرحمن الرحيم الله يساعدك ويعوضك ان شاء الله اب بنت احسن منها والله معاك ان شاء الله بتعوض كل شي وكل الى راح منك Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.