scorpion queeen

صح لسانك شاعرنا ومن حسن الى احسن القصيده حلوه بصراحة بس مادري ليش احس انها علي

صراحة قصيده ولا اروع شدتني لها من البدايه للنهاية الله يوفقك وتسلم يمناك

اول شي حتى لو في حب انا ضد الطلعات لان كلش مافي داعي لان ماوراها الا البلاوي والمشاكل يعني حتى لو احبه مابي اطلع معاه ثاني شي اول شي اذا حبيبي صج يحبني ومن صجه يبيني ليش اتزوج غيره وبعدين حتى لو تقدم لي شخص واكتشفت ان حبيبي مو جاد صج بهد حبيبي بس ماعتقد بوافق عالشخص خاصة اذ1ا كنت للحين احب حبيبي اللي ما يستاهل ومايصير اظلمه معاي ولا شرايكم جني دورت راسكم معاي؟

نهائيا قطعيا لالالالالالالالالالالالالالالالالالالالالالالالالالالالالا لسيطرة المرأه على الرجل احلا شي ان المرأه تكون اهيه اللي تستضل تحت الريال ويحميها وتكون علاقتهم كلها تفاهم ما يسيطر عليها ولاتسيطر عليه بس تبون الصراحه انا لو واحد يسمع كلامي على طول باتملل منه وباستضعفه حلو انه يلبي لي طلباتي بس مو ان طلباتي اوامر حلووو انه يدلعني بس مو انه يصير خاتم في صبعي حلاته انه يزفني ساعات

سوري اختي بس انا ماعتقد ان بنات الشات مثل ماذكرتي وانا متأكده ان حولج بنات يدخلون الشات سوالف وضحك ومو معناته انهم سيأين ثاني شي اخوي انت شخص وايد حساس وقلبك رهيف ومشتاق للحب وهذي اللي خلاك تقط كل شي وراك عشان مشاعر توهمت انها حب انا ما اقول ان البنت مو غلطانه بس انت بعد غلطان كان المفروض ترتب اولوياتك وماتعتمد على كلام انسانه ماعرفتها الا خمس شهور وتفكر عدل قبل ماتقرر وتتصرف هالتصرف الشي المهم من كل اللي صار انك ترتب اوراقك وتبتدي من يديدit's never too late عشان جذي انا اقول حاول تحقق حلمك بأي طريقه خاصة الحين ان انفتح عندنا في البحرين كلية للطيران واتمنالك التوفيقgood luck

الموضوع حلو واايد بس مو واقعي كللش لان ماعتقد ان في احد من الشباب مستعد يسوي كل هاي لان للاسف شباب هالايام ماطقتهم الرومنسيه ويحسون هالسوالف بياخه يعني باختصار وعليه علينا يا هالبنات

وانا معاك بعد charmerلازم كلنا نحط يدنا بيد بعض بلا سوالف فاضية

والله ماعرف عن شنو تتكلمين صراحة ياملاك المحرق لان بنات الجمعية بالعكس كلهم حبوبات وطيوبات وماعتقد ان الشخص ينحكم عليه من نظرة او مشيه لان هذي بتكون سطحية جربي منهم واشتركي في انشطتهم وتعاملي معاهم عشان تعرفين اذا اغتروو وشافوو في روحهم او لا ولا اغتروو ومثل ماقلنا ان المناصب الاداريه في الجمعيةوعضوية الجمعيه بعد تكليف لاتشريف وتعب ومجهود لرفع اسم الكلية والجمعيه ويقولون لك بالعامي حط حق الناس اعذار قبل لاتحكم عليهم ماتدرين شنو على راس هالناس يمكن يكونون من التعب والكراف والمراكض حق الجمعيه متضايقين وتعابه ولا بس لانهم في الجمعيه لازم يشقون الحلج 24 ساعه حسوو بالناس يانااااااااااااااااااااااااااااااااااااااااااااااااااس وبسكم لوم حق خلق الله حاولو تساعدونهم وتحطون يدكم في يدهم وقدمو اقتراحاتكم ومع بعض انشالله كلنا نرفع اسم الكليه والجمعيه وللأمام ياجمعية كلية الحقوق ومن حسن الى احس وماقصرتو بنات وشباب ويعطيكم العافية

انا مع مو لازم لان في وايد بنات وشباب ظروفم اقسى بس يتحدون الفقر وحتى الاعاقه ومواصلين في الجامعه ومتفوقين بعد لا وازيدكم من الشعر بيت اكثر المتفوقين على قد حالهم يعني مو مسألة فقر المسأله ان اللي بيدرس وبيجد وبيجتهد ان شاءلله بيحصل مناه وبيتخرج باذن الله

احس بشعورك اخووي انا بعد اخذ الدولي هالفصل والله يعينا ويعينك اذا عرفتوو شي بعد قولولنا

وي وعليه عليكم من صجكم مصدقين ان في حفله غير مافي حفله ولا شي بس هاي اللي لكم مادري من قص عليكم البرنامج مثل ما اهوه مافي غيره اللي يبي يغير جو حياه الله في الحقوق جمعية الحقوق مسويين فعاليه حلوه وخفيفه انشالله يعطيهم العافية والكل حياهم الله في الكليه انشالله تستانسوون في كليتنا

اسهل واحسن طريقة حق دراسة حقوق الانسان والوصفة السحريه له اهيه ملخص الموسى والله صج صج صج محم الموسى دكتوور ونعم الدكاتره لو كل الدكاتره مثله جان بتم طوول عمري ادرس

شباب وشابات الغوث الغوث اول شي ابي اعرف متى تاريخ تسليم بحوث القانون الدولي حق عبدالكريم علوان وثاني شي ابي اسال اللي طلعوو بحوووث عن شنو طلعتووو وكم مصدر حطيتو ومن وين لكم المصادر وهل يبي من النت ولا كتب ولا شالسالفة

نصيحتي لج اخذي علم الاجرام احسن واسهل توج عالتجاري علم الاجرام انا درسني سعيد حسب الله واااااااااااااااااااايد زين فاذا موجوود اخذي معاه وبالتوفيق

لعيونج بس بنت الحقوق وهذي غيرنا الجنس عسى مرتاحه

كالعادة مشادة قوية على موضوع عادي انا مع ان كل شخص يطرح رأية وعبدالله المعراج ما منع احد ولا طلب منه انه يستغني عن حقه في الالتجاء للصحافة بس الشخص العاقل والفاهم يتدرج في ردود الفعل اللي يسويها يلتجأ للطرق اللي الجامعه موفرينها لنا واذا ما صار له اللي يبيه بعدين يطير للصحافة وبعدين ليمتى هالتفسير السلبي اللي احنا عاشين فيه تعاملو مع الناس حسن نية والمفروض الواحد يحط لاخوه الاعذار قبل ما يحكم عليه الله معاك يا عبدالله المعراج في جهودك اللي انت تسويها واللي الكل يثمنها وانت بعد يا محمود العريبي مشكووووووووور وماتقصر وواصل في طريجك بس خل الشفافية نصب عينيك

انتو ما تعبتو من الحجي اللي مامنه فايدة تعبنا من الحجيقالكم محمد الوردي (مشكور) انتقادات واضحة مو بس حجي وبس واللي يروح الجمعية ومعاه برنامج مقدمه وماعطوه ويه ولا شي عقب يتحجه انتو تتكلمون وبس روحو ودخلو في اللجان انا شفت بعيني العضوة نورة عيسى الله يوفقها تنادي الكل في الكفتيريا وتقولهم تفضلو وتعالو معانا كفاية ظلم وافتراءات تعالو وشاركو وقولو نبي ندش واذا احد قالكم لا تكلمو بعدين وييبو معاكم تسجيل للي صار كككككككككككككككككككككك الله يوفق كل اعضاء الجمعية واقولهم كلهم شدو حيلكم وبالتوفيق وتستاهلون

والله ماعرف شقول لكم انا مو قادرة افهم ليش هالاسلوب العصبي في الرد خاصة صوت الحرية(شكلك راسب في المادة) وللعلم لاني مو من اللي متفرغين ويبسطون في المكتب مع الدكتور ولا غيره الوصفة السحرية اهيه اني احضر قبل ماحضر وأرجع ادرس الدرس مره ثانية والدكتور يقدر الطالب اللي يسوي له هالشي لكن بتتلعبون وبتيوون يوم ثاني بيسألكم الا نسيت الا ما حضرت شتبونه يسوي لكم يحطلكم A ويتوسط لكم عشان يحطون صورتكم في لوحة رئيسة الجامعة الشرفية درسو عدل وحضروا واي دكتور بيحبكم وبيحط لكم A واذا في اكثر بيحط لكم بعد شوفو الدكتور يمكن شديد شوي لكنه شرحه ولا افضل وللعلم تره انا ماحطلي A هالفصل حطلي B لاني يبت في المنتصف 24 لوكنت يايبه اكثر اكيد بيحط لي وفي النهاية اشكر لكم جهودكم خاصة (صوت الحرية) اللي منشف ريجه على قلة أسلوب واقوله في دورات في الاتصال والتواصل اذا تبي تصير حقوقي ناجح تحتاج وحده واذا كنت تكلم دكتور بهالطريقة فأتوقع انه لا بيدانيك ولا بتدانيه وفي الاخير اشكر دكتوري الحبيب أي كان اللي سميتوه فيه.

بسم الله الرحمن الرحيم أولا حبيت أشكر الأخ محمود العريبي على كل الجهود اللي يبذلها وكل المواضيع اللي يحطها في المنتدى وعلى حرصه على مصلحة الطلبة. وثانيا محمود عندي عتب عليك أعتقد عيب انك تقول لبنت انتي من(....) ومون من الذوق انك تتكلم بأسلوب النقط نقط نقط المفروض انك إعلامي وتعرف أكثر من جذي أما بالنسبة عن الموضوع الأساسي واهوه دكتور كبير واحترامه واجب على الجميع ومافي داعي للألقاب وغيره سوري إذا بطول عليكم بس أنا عندي كذا نقطة بطرحها بالترتيب: 1. الدكتور من أفضل الدكاترة في الشرح شرحه حلو وواضح ووافي وممتع بعد وإجحاف منكم إنكم تذمون شرحه لو انه ساعات يحط علي بس بعد من اقرب الدكاترة لقلبي وأحترمه وأعزه 2. وبالنسبة عن الأخ أو الأخت اللي تكلمت عن التقرير أنا كتبت التقرير خلال 3 أيام وأجلت التقديم يومين بعد والدكتور ما قال لي شي بالعكس أنا رحت له قبل كم يوم وبدل لي الموضوع بصدر رحب ويوم قدمته له عجبه التقرير لأنه كان كامل ووافي ومرتب وكل كلمه فيه من رأيي الشخصي وحتى ما خلاني اشرحه لأنه مميز ومدحني جدام كل الطلبة وبصراحة هذي التقرير أعتز فيه لان عجب هذي الدكتور بالذات مو أي دكتور 3. أنا كنت أتأخر وماروح له عشان يحط لي حضور وما كنت أتذكر كم مرة تأخرت فرحت له عقب المحاضرة وقلت له ما أذكر إذا أربع أو ثلاث محاضرات قالي بكل طيبة ولا تزعلي يا بنتي وأدي خمس محاضرات((وين القسوة اللي تتكلمون عنها)) 4. الدكتور بصراحة مثل ماقالت أختي قانونية والنعم يحب الطالب المجد والمجتهد ((صج)) مو يسوي روحه على ولا شي مثل وايد ناس وأنا إذا أسأله أو أناقشة يرد علي ردود وافية ويكون مستانس إني معاه وفاهمه اللي يقوله. 5. الدكتور ما أنكر انه دقيق في الدرجات ((وليس شحيح)) بس يعطي الطالب اللي يستاهله وما يظلم حد أنا شخصيا حطلي 24 من 30 في المنتصف وكانت مو عاجبتني الدرجة يوم رحت له فهمني أخطائي وفهمني شاللي يبيني أكتبه وعرفت إني أستاهل هالعلامة وبيني وبينكم في ناس وايد يكتبون الكتاب كله صح لكنهم مايدرون شالسالفة ولا يكتبون الشي اللي يبيه الدكتور . وفي النهاية أشكر الجميع وعلى رأسهم الدكتور اللي ماخليتوا ولا بقيتو فيه لأنه يستاهل كل خير وما قصر معانا في المقرر ولا بخل علينا بشرح ومحاضراته من أحلى وأمتع المحاضرات

الله يسمع منكم ويرجع الصيفي وانا متأكدة ان عبدالله المعراج وباقي المرشحين اكيد ما بيقصرون وبيرجع الصيفي على يدهم

انا في رايي الدكتور صبري خاطر بدون نقاش ولا كلام انا خذته مع خالد طيب ويتساهل في الغياب بس يملل بشكل مو طبيعي الجنائي وايد حلو وخفيف الاداري اذا مو شيحا اخذيه العربي علي المدني اذا انتي تحضرين وما تغيبين زين بس نحييييييييييس حد مع كثيرات الغياب مثلي تره عادي يقولج ويحكي خخخخخخخخ