روح علي ( قصه بمنتهى الروعه)

[هلي لا تحرموني منه]

ســـــــــلام ..

 

وهذا باااارت لعيونكم

 

 

===========

سلمى في غرفتها وهي في قمة الحماس .. باكر الحفله .. شلون بوقف قدام كل هالناس ؟ يالله اقوي روحي .. بس والله احراج

بوقف (معاه) قدام هالناس!!! .. رتبت اغراضها وثيابها وراحت ترقد بس بعد نص ساعه من نومها ازعجها اصوات في البيت .. طلعت برا تشوف شالسالفه .. شصاااااار ؟ الكل يصيح وحالته حاله .. راحت لسارا ..

سلمى: سارا شالسالفه ؟

سارا وهي تصيح : سلمى .. عبد الله ولد عمي .. وامير ..

سلمى : شفيهم ؟

سارا : سوو حادث ..و عبد الله ...... (ضاع صوتها وهي تصيح )

سلمى تهزها : سارا عبد الله شصار له ؟

سارا : ماااااااات ..

سلمى مصدومه .. مات ؟ عبد الله مات ؟ ولد عمي مات .. وانتبهت .. نوف شبتسوي ؟مريم شبتسوي ؟ امه شبتسوي؟ ودموعها بدت تطيح من عيونها ..

سلمى: وامير ؟

سارا : ما ندري .. بس حالته صعبه ..

سلمى ركضت لبيت عمها .. لمريم ..

شافت مريم تصرخ : ما مات .. مامااااااااااااااااااااااااااااااااااات .. تكذبون .. كلكم تكذبون .. عبد الله ما مات .. انتو كذابين .. اصلا باكر بيجي يتغدا معانا هو نوف ..

سلمى تحظنها وهي تصيح معاها ..

مريم : سلمى .. يكذبون علي صح ؟ عبد الله عايش .. مافيه شي .. باكر بيجي صح ؟

سلمى ما ترد عليها وتصيح .. ومريم بتموت من الصياح ..

اما نوف .. ابوها الي قال لها ..

نوف بصراخ: لااااااااااااااااااااااااااااااااااااااااااا .. عبـــــــد الله .. عبد الله وينه عبد الله .. ابي عبد الله ما ابيكم .. وخرو عني .. ما ابيكم ... كلكم ما ابيكم .. عبد الله .. عبـــــــــــــــــــد اللـــــــــــــــه .. وينه وينه ابي اشوفه .. هو عايش انتو بس تبون تخوفوني .. عبد الله تعال ابيك .. عبد الله .. عبد الله لا تروح .. تعاااااااااااااال .. عبد الله انا كنت ابي اقول لك .. لا تروح .. عبد الله انا حامل لا تروح ..

عبد الله لا تسوي فيني كذا لا تروح .. عبد الله ابيك تفرح معاي لا تروح .. عبــــــــــد اللـــــــــــــــــــــــــــــــــــــــــــــــ ــــــــــــه..

وطاحت مو قادره تسوي شي .. بتموت من الصياح .. يحاولون يهدأونها بس مو قادرين .. هايجه عليهم .. والي يقرب منها يلقى منها صفعه ولا طراق .. ما تبي احد يقرب منها .. تصرخ وتنادي عبد الله ...

عاليه .. ماتدري عن امير ولا شي .. تدور في عيونهم شي يطمنها عنه .. بس مافي ..

 

***************

 

 

مضت ايام العزا والكل حالته مزريه .. نوف كل شوي تصرخ وتنادي عبد الله .. مومصدقه احد منهم .. تقول ودوني له .. امير صحا .. بس صحا بخير ثاني فجعهم كلهم .. رجوله راحت خلاص .. ممكن يركبون له رجول صناعيه لأنه ما فقد جزء كبير منهم .. بس ما بيرجع مثل اول .. عاليه .. ما احد توقع انها تطلب هالشي .. بس قالت تبي تروح له .. دخلت الغرفه .. وهو قاعد على السرير ومنزل راسه .. ركضت له وهي تصيح ..

عاليه بصوت مخنوق من الصياح : امير ..

امير رفع راسه بحزن ....

طلع الكل من الغرفه .. وهي قربت منه .. لف راسه عنها .. موقادر يطالعها ..

عاليه ودموعها تصب : امير .. امير طالعني .. لاتلف راسك ..

ما استجاب لها : امير طلبتك لا تسوي لي كذا .. والله بموت من الخوف عليك ..

امير ساكت .. مسكت راسه ولفته .. قاومها .. قوت يدها ..وخارت قوته .. التف راسه جهتها .. شهقت من الي شافته .. امير كان يصيح

.. كانت دموعه تسيل بهدووء حظنت راسه ..

عاليه : لا تصيح حبيبي لا تصيح .. انا معاك ..

امير يبعدها : لا يا عاليه .. انا قررت .. ما ابي اعذبك معاي ..

عاليه : شقصدك ؟

امير : آسف .. خلاص لازم ننفصل .. عشان انتي تشوفين حياتك ..

عاليه : لا .. امير لاتقول كذا ..

امير ودموعه تزيد : عاليه انا احبك .. صدقيني احبك .. عشان كذا ما ابغي اعذبك معاي .. انتي ماتستاهلين اني اعذبك .. من حقك انك تعيشين مع انسان صاحي ..

عاليه وهي تتعلق في ذراعه بقوه وفكها يرتجف: امير .. امير لا تقول كذا .. انا ما اتعذب معاك .. حتى لو كنت بهالحاله .. انا ابي اكون معاك حتى لو شصار .. امير انا حياتي معاك وانت كذا احسن الف مره من حياتي مع أي احد ثاني ..

امير بألم: الحين بتقولين كذا .. بس بعد سنه او سنتين بتغيرين رايك ..

عاليه وهي تزيد شدها عليه : لا .. امير الي يحب يتحمل حبيبه مثل ما هو .. انا ما بغير رايي .. انا ابيك انت .. ما ابغي احد ثاني في هالدنيا .. لاتعذبني بهالكلام ..

امير يسحب يده منها .. سحبتها منه : لاتسوي لي كذا حرام عليك .. امير انا ابيييييييك ..

طاح في حظنها يصيح بقوه ..

امير : عاليه شلون بعيش .. مو قادر اتقبل .. ما اقدر ..ما اقدر..

عاليه : اسم الله عليك .. خلاص امير لازم تقبل الي الله قدره لك ..

ساكت ويحس بألم .. بسبب حالته .. بس في نفس الوقت بالأرتياح .. عاليه ما تركته .. ما تخلت عنه ..

 

************

 

 

ام امير دخلت غرفة نوف والحزن مرتسم على وجهها .. على بنتها الي ما كملت سنه من زواجها وصارت ارمله .. على الجنين الي في بطنها .. الي عمره ما بيشوف ابوه ولا بيحس فيه .. يتيم من وهو في بطن امه .. شافت نوف على السرير .. ساكنه مثل الشبح .. لها ايام ما تتحرك ولا تاكل ولا تتكلم .. وعلى ولدها الي خلاص .. فقد رجوله ومابترجع له ...

ام امير : نوف .. نوف يمه ردي علي قطعتي قلبي بهالحاله الي انتي فيها ..

نوف ما ترد .. ولا كأنها تسمع شي ..

ام امير : يانوف الي تسوينه في روحك ما بيرجع الأشياء مثل اول .. حرام عليك تسوين كذا .. هالي في بطنك بيموت ..

نوف فجأه قامت تصرخ : يموت .. يموووووووووت خله يموت .. ما ابيه .. بدون عبد الله ما ابيه .. شلون اربيه بروحي بدون عبد الله.. ما اتحمل .. ما اقدر ..

امها بعدت شوي .. توقعت انها بتثور .. بس صار العكس .. رجعت نوف الشبح الساكن .. امها ماقدرت تسوي شي غير انها طلعت من الغرفه ودمعتها على خدها ...

 

 

*************

 

 

اليوم سفر علي .. بيروح والعايله كلها منهاره .. مصبيتهم كبيره .. موت عبد الله .. وحالة امير .. ودعهم كلهم وراح قريب من الباب بيطلع .. ومحمد معاه هو الي بياخذه المطار .. وهو يمشي مع محمد في الحديقه سمع صوتها ..

:علـــــــــــي..

التفت .. شاف سلمى جايه تركض .. وقف هو ومحمد مكانهم .. وصلت لهم وتعلقت في ذراعه وعيونها مغرفة بالدموع ..

سلمى: لا تروح ..

محمد : سلمى .. لاتسوين حركات اطفال .. يلا اتركي الرجال..

سلمى وهي تدق برجلها على الأض مثل طفله صغيره ..

سلمى: لاتروووووح .. ماابيك تروح ..

علي ساكت ..

محمد : بلا انانيه سلمى .. خليه ..

علي اشر لمحمد انه يبعد شوي .. ومحمد راح ..

سلمى وهي تمسح دموعها بيدها وشكلها صار بريئ وكأنها طفله عمرها ما يتعدى الخمس سنين : انا انانيه عادي .. لا تروح ..

علي بهدوء يمسح دمعتها : سلومتي لازم اروح .. بس راجع ان شاء الله ..

سلمى : ماابي .. اخاف عليك يصير فيك شي .. مااتحمل..

علي : ما بيصير .. بنتبه على روحي ..

سلمى ساكته ودموعها تصب .. وفمها عابس ..

علي يمسح على كتفها : خلاص سلوووم .. حبيبي بتاخر على طيارتي ..

سلمى : احسن .. عشان ما تروح ..

علي:ههههههههههه .. زين شرايك تجين معاي ؟

سلمى : هاا؟ مادري..(بهبل)زين ..

علي : ههههههههههههههه .. عاد هاذي يبغي لها شغله ..

سلمى:............................................

علي : بكلمك كل يوم ... بس خليني اروح ..

سلمى: كل يوم ؟ وعد ؟

علي : كل يوم ..

سلمى : بـ... بشتاق لك ..

علي بابتسامه : وانا اكثر .. بس لازم اروح اكمل دراستي ..

سلمى اخير تركت ذراعه بعد ما كانت متشبثه فيها بالقوه ..

سلمى: اوكي .. بس تكلمني كل يوم .. واذا ما كلمت .. امممممم.. بجي لك على اول طياره وبرجعك معاي ..

علي :هههههههههههههه .. اوكي .. (وينادي محمد)محمـــد يـــلا ..

قرب محمد جنبهم .. علي باس خد سلمى وهي منزله راسها ووجها مليان دموع: اشوفك على خير ..

سلمى: مع السلامه ..

علي : الله يسلمك ..

وراح مع محمد وسلمى بقت واقفه مكانها لوقت طويل قبل ما تدخل..

 

 

**************

 

اليوم عملية امير .. لرجوله.. امير في غرفته مع ابوه قبل ساعتين من العمليه ..

بو امير : ها امير .. تبي شي ؟

امير : ايه يبا .. تقدر تجيب عاليه .. ابي اشوفها قبل العمليه ..

بو امير بابتسامه : ما يحتاج .. كلمتني قبل شوي وقالت لي انها الحين بتجي ..

امير: اها ..

قعد امير ساكت وابوه في يده قرآن ويقرا بصوت منخفض ..

انطق باب الغرفه ..

بو امير : تفضل ..

دخلت عاليه ووجهها شاحب من الخوف ..

سلمت على بو امير وراحت جنب امير .. بو امير طلع يشوف الدكتور ..

امير يطالعها ويبتسم .. مدت له يدها وهو مسكها بيدينه الثنتين وكانو يرتجفون..

عاليه : شخبارك ؟

امير : بخير .. لاتخافين ..

عاليه وفكها يرتجف : ما اقدر .. بموت من الخوف ..

امير : ما بتموتين ..(بهبل) عاد اذا متي مشكله .. بنصير روميو وجولييت بس بشكل ثاني .. العاشق بلا رجول والعاشقه ماتت من الخوف ..

عاليه : ههههههههههههه .. تتمسخر .. (وهي تحاول تمسك دموعها) اذا طلعت من العمليه وقالو لك اني مت من الخوف تمسخر ..

امير: علوووي .. لا تخافين .. ما بيصير لي شي ان شاء الله .. مادام اني ادري انك موجوده معاي وقلبك معاي مابيصير لي شي ..

عاليه : ان شاء الله .. زين تبي اجيب لك شي؟

امير: لا .. بس اقعدي جنبي ..

قعدت جنبه يسولفون.. وبعد شوي ..

امير: علايتي..

عاليه : هلا ؟

امير : نسيت رجولي في البيت وابي اقوم اجيب لي ماي .. عاد انتي جبتي رجولك ما نسيتيهم .. ممكن تجيبين لي من الثلاجه هناك ؟

عاليه حزنت بس ما وضحت له: هههههههههه .. اكيد .. وراحت جابت له ..فتحتها عاليه ومد يده لها ..

عاليه : تؤ ..

قربتها من ثمه وشربها وهي في يدها وعيونه على عاليه.. حرك راسه دلاله انه خلاص ما يبي ..وبعدتها ..

امير: الحمد لله ..

سكرتها وتركتها على الطاوله .. قعدو يسولفون ليما جا وقت العمليه .. دخلوه غرفة العمليات وهي قعدت جنبها على كراسي الأنتظار .. خايفه وتدعي ربها بالسلامه له ...

 

 

****************

 

 

ام عبد الله قاعده في الصاله .. دخل عبد الهادي .. وبس شافته بدت تصيح .. تذكرت اخوه ..

عبد الهادي بحزن : يايمه خلاص .. حرام عليك تسوين في روحك كذا .. كل مره تشوفيني تصيحين .. خلاص بقعد في غرفتي ولا بطلع ..

ام عبد الله : غصبن عني ياحبيبي .. انت فيك ريحة اخوك .. ما اقدر..

عبد الهادي يسمح على كتفها ويحاول يهديها : يايمه خلاص.. بتموتين اذا سويتي في روحك كذا .. يعني عبد الله .. الله يرحمه .. لو عايش كان ما رضا يشوفك لهالحاله ..

ام عبد الله : لو عايش كان ما كنت انا بهالحاله ..

عبد الهادي طلع من الصاله وهو يهز راسه بحزن .. على اخوه وحالة امه .. ويفكر بنوف المسكينه .. سمع ان حالتها مو زينه .. شهالحاله !

 

 

******************

 

 

المدارس بدت دواماتها والطلاب بدا اجتهادهم .. بعضهم فرحان بهالرجعه وبعضهم العكس .. سلمى قاعده على الأرض جنب باب الفصل ومستنده على الجدار ..الأبله غايبه والدنيا سايبه .. الفصل فاضي والبنات رايح جاي .. سلمى تشم هوا وتحاول اتخلي الضيق الي فيها يخف .. تفكر بحالة مريم .. امير .. محمد .. نوف .. عبد الله .. واهم واحد .. الي شاغل فكرها وقلبها وروحها .. علـــــــي !

كلمها اول كم يوم من وصل .. وله الحين اكثر من اسبوع ماتدري عنه .. انقهرت منه .. اوووووووف انا غبيه الي اظن انه بيكلمني كل يوم .. شلون بيذاكر ويدرس اذا على طول معاي ؟.. بس شسوي بعمري .. اشتقت له .. وانتقلت بتفكيرها من قاره الى قاره بعيده عنها .. لمريم .. نوف .. هم الثنتين حالتهم صعبه .. مو قادره تشوفها بهالحال .. ومحمد من عرف ان مريم تعبانه نفسيته زفت وماله نفس يكلم احد .. اما امير وعاليه .. مااحد توقع الي يصير .. بس هم الثنين بخير ويدعمون بعض .. امير سوو له اول عمليه وباقي له 2 ويخلص .. بس بيظل طول عمره رجوله تركيب ..

جاو لها حنان واحلام ((طلعو معاها بالفصل))

حنان وهي تبي تضيع سالفة عبد الله وموته ومريم وحالتها: الله الله الله .. كل هذا عشان حبيب الألب مو بالبلد .. وينه يشوفك بهالحاله اكيد بيموت من الفرح ...

سلمى الي مو منتبهه : ههههههه .. يمكن !<< جمله مالها علاقه بالي قبلها ..

احلام :هههههههههههههههههه.. شالي يمكن ؟ لااا .. هاذي مو معانا اصلا ..

حنان :أيه والله ..ههههههههههههههههههههههههه

سلمى بضيق : بنات بليز خلوني مالي خلق احد ..

احلام : مريم ؟

سلمى : ايه .. والله مو قارده اتحمل اشوفها بهالحاله ..للحين ما تداوم بالمدرسه وتصيح طول اليوم ..

حنان : ياسلمى لا تسوين في روحك كذا .. مريم لازم بيجي يوم وتتقبل وفاته .. لنا اسبوعين من بدينا نداوم وانتي مو منتبهه على ولا شي .. لا تهدمين شي انتي تبنينه من زمان وتبين تنجحين فيه .. عشان ظرف وبيعدي ...

سلمى : وتظنين انتي اني مو حزينه على عبد الله .. تراه ولد عمي .. ومو متقبله فكرة وفاته .. اذكره واحنا صغار كان مثل الأخو الكبير لنا .. ومو قادره انسى زوجته المسكينه ... ذابحه عمرها ولا تتكلم ولا تاكل ولا تحس ولا شي ..

احلام : حتى زوجته لازم بيجي يوم وتتخطاه ..

سلمى : شلون بالله وهي بتظل طول عمرها تشوف ولدها تربيه وتهتم فيه وتذكر ابوه ..

حنان :حاااااااامل؟

سلمى : ايه .. وتصرخ تقول ما تبيه .. تقول خذوه وجيبو لي عبد الله.. والله اني قلبي متقطع عليها .. بنت عمتي واشوفها كذا .. واخوها طايح في المستشفى من عمليه لعمليه ..

حنان : لا حول ولا قوة الا بالله ..

احلام تبي تغير السالفه : تدون بنات كان ودي فرح تكون معانا بالفصل السنه ..

سلمى : ايه انا بعد .. بس يلا مو مشكله .. اهم شي وحده منا مع الثانيه على الأقل ..

حنان : بنات ما تحسون انها متغيره شوي هالأيام ؟

سلمى: امبلا .. سألتها بس ما رضت تقول لي ..

احلام بتردد : سلمى .. بقول لك شي .. بس لاتقولين لها اني انا الي قلت لك ..

سلمى باهتمام : شنو ؟

احلام: هالأيام اشوفها على طول تتمشى مع دينا وشلتها ..

حنان وسلمى : شنوووووووو ؟

احلام : لا تاكلوني .. قلت لكم الي شفته ..

سلمى: يمكن بس سألوها عن شي ..

احلام : اقول لك (هالأيام) يعني مو يوم ولا اثنين .. كل يوم .. وحركاتها مثلهم ..

سلمى: لااااا .. لازم اكلمها هالبنت ..

حنان : اوكي اهدي انتي .. يكفيك الي عندك ..

سلمى : يصير خير .. الا قولي لي .......

قطعت علهم بنت جايه تررررررررركض : يابنااااااااااات .. ادخلو شاكيرا شافتكم .. و

طااااااااااااااخ .. تزحلقت من مريولها والبنات يضحكون عليها وهي تسبهم : مالت عليكم ..الحين هذا جزاي اني جايه احذركم ..

جات شاكير ( المراقبه دلال يسمونها شاكير لأنها العكس .. دبه وكشه )

دلال بصراخ : من الي كانو برا ؟ .. بسرعه من الي كانت برا تحوس مثل البقره ؟

البنات يتهامسون ويضحكون : اوووف .. شاكيرا مفوحه .. طالعي الدخان يطلع من اذانها .. شوفو شوفو كشتها اليوم .. بركان صايره .. طالعي ثيابها تفشل الله يفشلها ..

دلال : بسرعه يلا من الي كانت برا ؟

بدت تطلع من البنات اسماء بصوت صغير << تضليل عشان يضيعونها >>

: شوق .. ندى .. نوف .. بشرى .. هناء ..ماندري .. بنات بس ماندري .. ابله ما احد طلع << ومن هالخرابيط ..

دلال : بسرعه جيبو ورقة وقلم واكتبو اسماء كل الي طلعو ..

شوق : ابله ماندري من الي طلع ..

دلال : قولو أي اسم ..

حنان : لا ياابله حرام ما يجووووز << استهبال>> يمكن نظلم البنت ..

رانيا : ايه ابله حرام .. يمكن نقول اسمها وتطلع ما طلعت ونشيل ذنبها .. حرام ابله حراااااام ..

وكل وحده تخربط بشي غير ..

المراقبه صارخت وتوعدت بأشياء يدرون انها مابتسوي ولا شي منها والبنات يضحكون ولا هامهم شي .. <حصة الفراغ لعب> وبس طلعت كلهم طلعو وراهااا يكملون حوسه ..

سلمى: هههههههههههههههههههههههه ... انا عمري ما شفت اغبى من هالمعلمه ..

حنان : ايه .. تذكرين واحنا بأول .. يوم اخذنا اوراق دخلو الصف من قدامها وهي مو حاسه ..خخخخخخخخخخخخخ

سلمى : شخطنا المدرسه بالحواسه ورجعنا ولا كأننا مسوين شي ..

احلام : والبرائه على وجوهنا بعد ..هههههههههههههههه..

وهم في وسط السوالف شافو البنات يدخلون بتأفف ..

شوق : شفيكم ؟

ندى : اوووووووووف .. زيتونه جات .. بتعطينا درس .. يوجعها قلبها تشوفنا في حصة فراغ وما تاخذها ..

البنات : اوووووووووف ..

جات المعلمه : يلا يابنات دااااااااخل .. انتو شالي مطلعكم برا ؟ قلة ادب ..

البنات يطالعونها بملل .. دخلو الصف وخذت فراغهم ووناستهم وعطتهم درس !!!..

 

*************

 

 

علي من اول يوم وصل ولايته وهو في شغل .. لأنه وصل متأخر كم يوم .. عشان الظروف الي كانت عنده .. تلفونه السعودي ما يشتغل وطلع له رقم .. اتصل على سلمى بس ما ترد .. يمكن في المدرسه .. دق على امه في البيت .. جاه صوت آني (الخدامه)

اني : هلو؟

علي : الووو .. منو انتي ؟

آني : مستر علي .. انا آني .. انتي وين ؟

علي .. اوف من لقافتك .. ما تتركينها : آني وين امي ؟

آني : مدام تحت .. تبي كلام ؟

علي .. لا اجل ابي اكلمك انتي يعني ؟: ايه .. بسرعه ..

تركته على الهولد وراحت تنادي امه ..

سمع صوت امه : هلا علي .. هلا يمه .. شلونك ..؟شلون دراسك؟ تاكل زين يمه ؟

علي : ههههههههههه .. شوي شوي علي يمه .. بخير ياكل الخير .. شخباركم انتو ؟

ام علي : كلنا بخير يايمه .. تاكل زين؟ البس زين البلد برد .. لا تطلع والوقت متأخر .. زين يمه ؟

علي :هههههههههههههههههههههههه .. يما انا مو طفل .. بنتبه على روحي ان شاء الله ما بيصير لي شي ..

ام علي : ايه حبيبي .. انتبه على روحك زين .. وكلمني على طول لا تشغل بالي ..

علي : ان شاااااااااء الله يمه .. سلمي علي ابوي واخواني ..

ام علي : ان شاء الله يمه ..

علي بتردد : وسلمى .. قولي لها اني دقيت بس ماردت علي ..

ام علي : ان شاء الله يمه .. يبلغ .. بتسكر ؟

علي : ايه ..

ام علي : ليش يمه .. توني ابي اسولف معاك .. ابي اتهنى بصوتك .. ولهت عليك ..

علي : وانا بعد.. بس بطلع الحين .. عندي كم شي ابي اخلصهم ..

ام علي : الله يوفقك ..

علي : مع السلامه ..

ام علي : الله يسلمك .. حافظ على عمرك ..

علي : ان شاء الله ..

سكر السماعه وهم يطالعه الشقه المعفوسه ويعقد حواجبه .. هذا اسبوعين بس والشقه بهالحاله .. شلون بقعد فيها سنه كامله .. الله يعين .. فتح الثلاجه .. يبي أي شي يسد جوعه .. مافيها الا خرابيط .. كم كاكاو وكم علبة عصير بس .. اوووووف ! باب الشقه ينطق ..

طالع من العين الي في الباب شاف مساعد .. جاره من الرياض .. تعرف عليه في الجامعه في المحاظره وطلع بالصدفه جاره ومعاه بأكثر الكلاسات ..

فتح الباب : هلا مساعد ..

مساعد : هلا بك .. انا ابطلع اشوف لي شي يسد هالجوع .. تبي تجي معي ؟

ابتسم علي : you know what ?.. تفكر مثلي بالضبط .. I was going to do thes.. (تدري شنو .. تفكر مثلي .. كنت ناوي اسوي كذا )

مساعد :ههههههههههههه .. خلاص يلا نطلع ..

علي : اوكي ..

دخلو كل واحد شقته ولبسو لبس ثقيل شوي .. لأن الجو بدا يبرد ..

راحو خذو لهم بيتزا كلوها برا المطعم وهم يتمشون ورجعو للبيت وكل واحد رجع راسه لكتابه يذاكرون ..

 

 

 

***************

 

 

9 شهور مضت .. العايله بدت تنسى قصة وفاة عبد الله .. سارا وحسن تزوجو وكان زواجهم روعه بالرغم من الحزن الي كانت له لمحه بالعرس .. مريم رجعت تدرس وتعدلت نفسيتها .. بمساعدة سلمى طبعا .. علي كل ماله يجتهد اكثر في دراسته ويحاول انه ما يقطع سلمى .. امير تعود على حالته وتعلم شلون يمشي مره ثانيه .. والي قواه اكثر وقوف عاليه معاه .. اما فرح هي الي ما احد يعرف سبب تغيرها .. صارت وحده تافهه .. تماشي بنات الصياعه في المدرسه .. لكن اليوم .. كان بيرجع لهم شي يحاولون يتخطونه .. وفــــــــــــــــــاة عبـــــــــــــــــــــد اللــــــــــــــــــــــــه!

نوف طول ماهي حامل ما اهتمت ببطنها الي يكبر ولا جهزت لولدها .. امها وعاليه سوو كل شي .. واليوم ولدت .. وتجددت عليهم الأحزان .. لأن ولدها كان نسخه من عبد الله .. نفس تقاسيم وجهه بالضبط .. مختلطه بنعومة ملامح نوف .. نوف بس شافته حضنته وقامت تصيح .. وتنادي عبد الله .. الكل بس شافه رجعت له صورة عبد الله في هالطفل .. كان صحيح نسخه مصغره عنه .. واحد ثاني تأثر واااااااااااااجد بس شافه .. لالامو ام عبد الله .. ولا ابوه .. ولا مريم .. عبد الهادي .. احتظنه وقعد على الأرض ودموعه تصب صب .. حس انه قاعد مع اخوه .. اخوه الي فقده وهو ماشبع منه .. بعده شباب وراح ..!

نوف ماقبلت تستقبل احد .. امها كانت تقعد من الحريم الي يجون ونوف داخل مع ولدها الي سموه عبد الله.. حتى ما رضت لأمها تاخذه توريه للناس .. ما تبعد عنه .. تتلعلق فيه وتقول : انحرمت من عبد الله الأول .. ماابي ابعد عن عبد الله الثاني ويصير له شي .. كانت تخاف عليه بشكل مو طبيعي ..

 

************

 

اليوم الجمعه .. ومحمد يذاكر وراه باكر اختبار .. اليوم بيمشي (للرياض) جواله دق .. ماشاف الرقم ورد على طول ..

محمد : نعم ؟

:بل .. احد يرد على تلفونه يقول نعم ؟ قول هلا .. مرحبا .. السلام عليكم .. حتى الو .. بس نعم ذي طالعه من طرف خشمك ..

محمد بصدمه بس بفرح : علييييييييييييييييييييو..

علي : عمك علي .. اقول يلا قم بس قم خذ مفتاح سيارتك واشخط لي انا في المطار ..

محمد: ياكلب ما تستحي .. ليش ماقلت لي انك جاي ؟

علي : هيهيهيهييووووو .. مفاجأه .. بس لاتقول لأحد .. يعني احد .. فاهم ؟

محمد : أيه ايه فاهم ... سلمى يعني ..

علي : عليك نووووووووور ... يلا قوم تعال لي ..

محمد : اوكيشن ..

طلع من البيت بدون ما احد يحس فيه وراح لعلي المطار .. سلم عليه وركبو السياره ..

محمد : اهلك يدرون ؟

علي : لا .. ما قلت لأحد .. شوف حمود ..

محمد : نعم ؟

علي : انت شفيك على هالنعم ؟رد عدل ..

محمد : اوووووووف .. وانت كل ما قلت نعم بتسوي لي سالفه .. شتبي ؟

علي : امممممممم .. شوف .. انا بروح الحديقه الخارجيه من ورا وانت خل سلمى تجي .. بس لاتقول لها .. خلها ماتدري .. ابي اشوف شبتسوي ..

محمد : ولا يهمك .. حتى عيونها بربطهم ..

علي :هههههههههههههههههههههههههه .. لاشدعوه .. مو لهالدرجه!

محمد : امبلا .. عشان تصير المفاجأه احلى ..

علي : اووووووكي ..

 

*************

 

 

مريم تكلم سلمى على التلفون ..

مريم : سلوووووووم .. عمري انتي تعالي معااااي ..

سلمى: انتي ما تفهمين ؟ اقول لك عندي كويز باكر كويييييييييييز .. شلون اشرح لك يعني ؟؟ ك و ي ز .. يعني بذاكر .. عطلتيني ..

مريم : يوووه .. ساعه وحده بس .. ابغي آخذ لي نعال حلوه ونطلع من السوق ..

سلمى : لا ..

مريم : بليز ..

سلمى : نو ..

مريم : سلووووووووووووووووومتيييي ..

سلمى نزلت راسها من سمعت الأسم .. وتذكرت الي يقول لها سلومتي .. ياربي قاهرني .. شهرين ما كلمني ..

مريم : هييييييي سلوووووووووووم ..

سلمى: هاا ؟

مريم : وين رحتي ؟

سلمى : هنا ولا مكان .. مريوم قلت لك لا ..

مريم : اوف منك .. صحيح بنت علمي ..

سلمى بغرور : اجل اصير مثلك بنت ادبي .؟. لا حبيبتي .. انا علميه علميه ..

مريم : اوف اوف اوف .. بدينا بالتكبر ..

سلمى: هههههههههههههههههههههه .. المهم مريومي .. محمد يناديني بروح ..

مريم :آآآآآخ من هالمحمد هذا .. بذبحه ذابحني ..

سلمى محمد جا جنبها وهي تحطه على السبيكر وتسوي له اووش :هههههههههههههههههه .. مطير عقلك ؟

مريم : عقلي بس ؟ عقلي وقلبي وروحي .. والله اني ولهت عليه .. هالقاطع 4 ايام ما شفته ولا سمعت صوته ..

سلمى:هههههههههههههههههه .. هالكثر تحبينه؟

مريم بحالميه :اموت فيه ..

محمد : الله الله الله .. يافرحتي .. في ناس يشتاقون لي .. مريومتي حياتي اشتقت لك ..

مريم تصرخ: سلوووووووووووم ياحمااااااااااااااااااااااااااره ..

محمد وسلمى:ههههههههههههههههههههههههههههههههه..

محمد :سلوم طلعي برا .. بكلم مريوم ..

سلمى : ياسلام .. تطردني من غرفتي .. انت الي اطلع ..

مريم ساكته ومحمد يتهاوش معاها ويطلعها برا .. ونسى علي الي واقف برا ينتظر ..

رفع السماعه : هلا وغلا ..

مريم : اهلين ..

محمد : بس اهلين ؟ وين الي طير عقلي وقلبي وروحي ومادري شنو ؟

مريم : ......................................

محمد : يعني بس من وراي ؟

مريم : ها .. لا ..

محمد : ههههههههههههههههههههههههه ..(ضرب على جبهته بقوه) اوووووووج..

مريم : شفيك ؟

محمد : نسيت ..

مريم : شنو ؟

محمد : مريوم اكلمك بعد شوي اوكي ؟

مريم : اوكي ..

وسكر عنها ..

 

****************

 

: لازم تتزوجها .. عشان ولد اخوك ..

عبد الهادي : يبا شلون اتزوجها ؟ ما اقدر .. ما اتحمل .. كانت زوجة اخوي اروح انا اتزوجها .. والله بحس بالذنب طول حياتي ..

بو عبد الله : ذنب شنو ؟ انت مالك دخل في وفاته ..

عبد الهادي : ايه يبا مالي دخل .. بس ما اقدر اتزوج نوف ..

بو عبد الله : تتزوجها غصبن عنك .. ما ابغي ولد اخوك يتربى في حظن رجال ثاني ..

عبد الهادي : يبا انت تدري ان نوف رافضه فكرة الزواج .. والناس من مات عبد الله الله يرحمه وهم يتقدمون لها ..

بو عبد الله : بس ماردها بتغير رايها ..

عبد الهادي : يايبا والله ما يصير ... حرام عليكم .. ما عليكم مني انا زين راعو مشاعر البنت .. والله بتتعذب وهي تشوفني طول حياتها..

بو عبد الله : بالعكس .. بتحس ان عبد الله قريب منها ..

عبد الهادي : لا .. ما بتحس .. هي مو طفله وتدري اني غير وعبد الله غير ..

بو عبد الله : قلت لك البنت بتتزوجها وخلاص ...

 

 

*****************

 

 

سلمى واقفه على الباب منقهره من محمد .. طردني من غرفتي الحمار ..

سلمى بصراخ : حمود ياحمار افتح لا اكسر الباب على راسك ..

شافت الباب انفتح ومحمد طلع لها وهو يقول : اوف .. نسيت ..

سلمى : شنو ؟

محمد يسحب يدها : تعالي ..

سلمى : وييييييين ؟

محمد رجع الغرفه خذ شيلتها وجا لها .. وربط عيونها ..

سلمى : محمد .. شتسوي ؟

محمد : شي .. لا تخافين امسكي يدي وامشي ..

وقفت : لا .. ما ادري شتبي .. قلي اول ..

محمد : والله شي حلو .. تعالي ..

مشت وراه وهي خايفه تضرب في شي .. حست انها في الحديقه من الطريق الي مشته ومن الهوا الي حست فيه ..

سلمى: ليش جايبني برا ؟

محمد : اصبري شوي وبتشوفين ..

مشت وراه .. ليما وقفها ..

محمد: اوقفي ..

علي واقف وساكت .. اشر لمحمد يروح .. محمد تركها واقفه ودخل البيت ..

سلمى : محمد .. محمد وين رحت ؟ ياحمار مو يكفي طاردني من غرفتي بعد تركتني هنا ؟ حمووووووووود ..

علي يضحك عليها بصوت صغير .. وفك الشيله من على راسها ..

فتحت عيونها .. شافته قدامها ... وهو ساكت ينتظر ردة فعلها ..!

 

 

********************

 

 

 

نوف وعبد الهادي..بيرضخون لبوعبدالله؟

سلمى اذا شافت علي..شبتسوي؟؟

والباقي؟

 

رايكم يهمني جداً..

 

تحياتي...

 

[danat aldonya]

الله الله الحبايب تجمعوا

واعتقد ان هادي ونوف بيقبلون بفكرة بوعبدالله بس بعد عناء طويل

واكيد سلمى بتستجن اذا شافت علوي

يسلمووووووووووووووووو وبالانتظاااااااااااااااار

[هلي لا تحرموني منه]

والحين استمتعو بالباااااارت

 

==========

 

فتحت عيونها .. شافته قدامها ... وهو ساكت ينتظر ردة فعلها ..!

طالعته .. وتذكرت .. الحين انا كنت بموت من الخوف عليه .. كل يوم اصيح .. والحين كذا جاي ..بس كذا !

كان واقف والجدار وراه .. ساكت وماقال شي .. ينتظرها تقول شي .. تحركت .. خطت خطوه باتجاهه .. رفعت يدها .. حطتها على صدره .. ورزته بالجدار ..ما كانت دفعتها قويه .. بالعكس خفيفه .. بس هو رجع .. طالعته ببرود ..

سلمى : نعم ؟

استغرب منها .. سكت ..

سلمى: شتبي ؟ شهرين ما تكلمني على بالك بتجي ما بقول لك شي؟

علي ولا كأنه سمعها : اشتقت لك حياتي..

سلمى والدموع مغرقه عيونها : وانا بعد .. ليش ماكلمتني ؟

علي : ما قدرت ..

سلمى : ما قدرت تفضي روحك تكلمني ولا حتى خمس دقايق .. لا مو خمس دقايق .. دقيقه بس ؟

علي : سلومتي والله كنت مشغول .. وبعد .. عشان تصير مفاجأه احلى ..

قرب منها ومد يده لها .. وهي مدت يدها .. وسلم عليها .. ونزلت راسها ودموعها تطيح .. رفع راسها بيده ..

علي : سلومي .. لا تنزلين راسك .. ولهان عليك ابي اشوف وجهك الي احلى من القمر تنزلينه ؟ ...

طالعته بعيونها بس ما كانت تشوفه بوضوح .. الدموع تحجب صورته عنها ..

مسح دموعها بيده : لا تصيحين .. يتقطع قلبي اذا شفت دموعك..

سلمى: كذاب .. لو صج يتقطع قلبك كان كلمتني على طول .. تدري اني صار لي اكثر من اسبوع كل يوم اصيح ..

علي : افاااااا .. اوه اوه .. آسف والله آسف .. توبه توبه توبه ما اعيدها توووووبه ..

سلمى وهي تضحك وتصيح في نفس الوقت : زين خلاص .. بتموت وانت تتأسف .. (وهي تتذكر) احد يدري انك جيت ؟

علي : لا.. انتي اول وحده اشوفها .. حتى امي ما شفتها ..

سلمى: ليش ؟

علي وهو يبتسم: بس ! .. اذا سلمت عليكم مع بعض بس امي بتدلعني .. وانتي بتستحين جنبهم .. قلت اروح لزوجتي اول تدلعني ... وبعدها اروح لأمي تدلعني !

سلمى : يعني !!.. خلاص روح حق امك انا ما ادلع احد !

علي :ههههههههههههههههههه ... امزح .. بس اشتقت لك وجيت اسلم عليك قبل ..

سلمى : اها ..

علي بصراخ : محمد .. وقف لأذبحك ..

سلمى ارتاعت منه .. شفيه ؟ التفتت شافت محمد يصورهم بكاميرا فيديو ..

راح علي يلحق محمد ومحمد يصوره .. وهي تضحك عليهم ..يراكضون ويدورون!!

علي : حموووووووووووووووووووووود .. عطني الشريط بسرعه .. محمد..

على صراخهم الكل طلع ..

عبد الله (اخو علي ): علاوييييييييييييييي .. ونط عليه يحظنه ..

علي :هههههههههههههههههههههههه .. عبود صرت كبير .. طولت..

وفاطمه بعد سلمت والأبتسامه تشع على وجهها (شي غريب )

فاطمه : زين انك جيت اليوم ..

علي : شمعنى اليوم ؟

فاطمه : هاا ؟ لا بس يعني الحمد لله انك جيت بسرعه ..

علي : اها ..

ودخل يسلم على امه وابوها وسلمى دخلت البيت بعد ما خذت الكاميرا بدون ما يحس محمد ... قفلت باب الغرفه .. توها بتفتحها ..

محمد يطق الباب بقوه : سلوم ووجع .. جبيبي الكاميرا..

سلمى:ههههههههههههههههههههههههههههههههه .. احلم ..

محمد : سلمى بكسر راسك جيبيها ..

سلمى: اوكي .. بس اخذ الشريط ..

 

*************

 

 

عبد العزيز يتكلم مع علي ..

بوعلي : سمعة الأهل زينه .. بس الولد ماندري ..

علي : شلون يعني ؟ ما احد يعرفه ؟

بو علي : امبلا .. بس كلهم قالو مثل اهله .. حسيت انهم عندهم كلام بس ما يبون يقولونه ..

علي : وفاطمه ؟

بوعلي : موافقه ..

علي:.............................. والله ما ادري ..

بوعلي : انا حاير .. البنت موافقه وما عندي سبب مقنع ارفض .. بس قلبي مومرتاح ..

علي : انا عادي .. ما احس بشي .. اذا ماسمعت عنه شي شي ما يحتاج ترفض .. وانت قلت الأهل زينين .. والولد على اهله ..

بو علي : يصير خير ان شاء الله ..

 

 

*************

 

 

سارا وحسن يتمشون على البحر .. مبتسمين و ساكتين .. سارا بدت تدندن شوي ..

حسن : سارا .. غني بصوت اعلى شوي .. ابي اسمع صوتك ..

سارا :ههههههههههه .. تتذكر ايام الخطوبه .. كنت تقول لي ابي اسمعك تغنين وما ارضى ؟

حسن : ايه اذكر .. جننتيني ابي اسمعك مافي .. المهم غني الحين ..قريب ونكمل 9 شهور من تزوجنا وانا ماسمعتك تغنين.. غني..

سارا بضحكه: شتبيني اقول ؟

حسن : قولي .. امممممممم .. والله ما يسوى ..

سارا بهدوء : والله مايسوى .. اعيش الدنيا دوونك .. لا ولا تسوى .. حياتي بهالوجوووود .. دامك انت الي رحلت وكيف ابصبر .. عالبعاد وكيف .. بنثر هالوروود .. عالبعاد وكيف ... بننننثر هالورود .. لا وعدتك .. تقاسمني المحبه .. ويبقى لي حبك .. لدروبي دلييييييل .. بس حسافه الموووت .. كان اقرب وارحم .. حسبي الله وحده وونعم الوكيل .. حسبي الله .. وحده ونعم الوكيل ..

حسن : انا ودي اعرف ليش اول كنتي تقولين لي ان صوتك مو حلو؟ والله يجنن ..

سارا : لأني كنت استحي وابي عذر ..ههههههههههههههههههه

حسن :هههههههههههههههههههه .. اجل ما بثق في كلامك وانتي مستحيه ..

 

 

 

*********

 

 

عبد العزيز مسوي عشى بمناسة رجعة علي .. للأهل يعني .. الكل في بيتهم وسوالف ووناسه .. بس في 2 مفقودين .. وينهم ؟؟؟

علي وسلمى .. عزمها على الغدا ومن ذاك الوقت ما رجعو .. اول شي وقفو جنب المطعم ..

علي :يلا وصلنا ..

نزلو وسلمى تمشي ورا علي ويدها في يده .. دخلو للطاوله المخصصه لهم .. علي يطالعها ..

علي : تصدقين يمكن هاذي 3 مره في حياتي ادخل مكان مثل هذا ..

سلمى: ليش ؟

علي : ماكنا نجي واجد .. وحتى اذا جينا .. اطلع مع الشباب .. ما ندخل قسم العوائل ..

سلمى: يعني الحين احنا عائله ..ههههههههههههههههههههه .. احس ما يصلح ..

علي : امبلا احنا عائله .. ما اقصد بيتنا وبيتكم .. اقصد انا وانتي ...

سلمى بحيا : اها .. يمكن ..

علي : لامو يمكن .. اكيد .. سلمى .. كم التاريخ اليوم ؟؟

سلمى : ليش ؟

علي : بس ..

وسكت .. فجأه سماعة المطعم تشغلت فيها :

غنو لحبيبي وقدمو له التهاني .. في عيد ميلاده عساها مية عام .. افرح حبيبي واطلب اغلى الأماني .. الليله ياعمري تناديك الأحلام .. ودعت عام وقابلك عام ثاني .. تعال نقضي العمر في حب وهيام .. انسى الهموم اليوم واضحك عشاني .. والله ابتسامه منك تسعدني اعوام ..

سلمى تذكرت : شلون عرفت؟

علي وهو رافع حواجبه : يابنت عاشقك من 5 سنين تسأليني شلون عرفت عيد ميلادك؟..

سلمى استحت : صحيح ؟

علي : ايه .. اكيد صحيح ..

ضحكو مع بعض :هههههههههههههههههههههههههه ..

سلمى: تدري .. كنت اخاف منك اول ..

علي بتعجب : تخافين ؟

سلمى : مو اخاف .. بس كنت احسك غريب .. يعني ما اشوفك حيل .. وكنت استغرب اذا شفتك يعني على طول قاعد في مكان قريب..

علي : ما فكرتي اني يمكن كنت احبك ؟

سلمى: ما خطر على بالي .. بس ..ههههههههههههه .. مريوم في يوم رجعتكم قلت لها قالت لي يمكن يحبك ..

علي : وشقلتي لها ؟

سلمى: ما قلت شي ..

علي : سلمى .. شلون حبيتيني ؟

سلمى تبي تحرق دمه شوي : ياواثق .. على طول شلون حبيتيني !

علي بثقه : ادري تحبيني..

سلمى: هههههههههههههههههههههههههه..

علي :.. زين قولي لي ..

سلمى: اول شي انت قول لي..

علي : شوفي ياطويلة العمر .. رجعنا هنا من خمس سنين .. وبس دخلنا باب الحديقه شفت حوريه شيطونه تتهاوش مع محمد وسارا .. ضحكت منها ومن خفة دمها .. قالت لي بعصبيه : ليش تضحك مع وجهك ؟ ههههههههههههههههههههههههه

سلمى: انا ؟

علي : لا انا .. اكيد انتي .. تذكري شوي ..

سلمى تذكرت وتفشلللللللللت :آسفه ..

علي :ههههههههههههههههه .. بصراحه .. مع وجهك ذي هي الي علقتني فيها .. صرت ما اتحمل ما اشوفها .. حاولت اتجنبها .. بس مافي فايده .. دخلت قلبي .. جنيت جنييييييت بدونها .. ما قدرت .. ابي هالبنت ابيها ..

سلمى تبيه يوقف هالكلام: اها .. وبعدين ؟

علي : جيت السنه ابي اخطبها .. شفتها تحب (طالعته بنظره يعني لا ) اقصد تظن انها تحب واحد .. تحطمت وتعبت .. بس بالنهايه حبتني وفزت انا فيها .. (وابتسم)..كنت بمشي بروح بعثتي السنه ... جات وقالت لي (وهو يقلد عليها وهي تصيح وينعم صوته ) لا تروووووح .. تركت قلبي عندها ورحت .. والحين رجعت..

سلمى : الله .. حلوه القصه ..

علي : بتتهربين يعني ؟ مافي يلا قولي ..

سلمى: اممممممممممممم .. شوف .. اول كنت دايما الاحظك .. وخصوصا هالعيون ..(وهي تأشر على عيونه)..

علي : شمعنى هالعيون ؟

سلمى بخجل : حلوين ..

علي :ههههههههههههههههههههه .. عيوني انا حلوين ؟.. المهم كملي ...

سلمى: بس مثل ما قلت لك .. حسيتك غريب .. وبعدين مريوم علقت وقالت يمكن تحبني .. انا ظليت افكر .. واحاول انتاسى انها قال كذا .. بس ما نسيت .. وبعدين حسن خطب سارا .. مرضت وتعبت .. بس اكتشف اني ما احبه .. بس كنت اقنع روحي اني احبه .. وانتبهت لك .. وتذكرت لاب توبك ..

علي : لحظه .. انا من زمان ابي اسألك .. شلون عرفتي اسم بلوتوث لاب توبي ؟

سلمى: اول يوم جيتو .. كنت اسوي بحث بلوتوث من لاب توبي وشفته ..

علي : اها .. طيب؟

سلمى : قعدت انكر اني احبـ ( سكتت مو عارفه تقول )...

علي بابتسامه ومستانس: تحبيني ..؟

سلمى : أيه .. بس سمعتك تكلم سمانثا .. قعدت اصيح واقول انا ليش مهتمه .. هو ما يستاهل .. هو ما يحبني .. واني لازم اموت هالحب .. حاولت وحاولت .. بس ما قدرت .. تذكر ليما غرقت وطلعوك من البحر ..

علي اشر لها ايه ..

سلمى: قعدت اصيح لأنك غرقت ..بس يوم الي سألتني قلت لك ماعرفت شأرد عليك.. وما ادري ليش .. قلت الي قلته وانت على البلكونه ..

علي وهو يشرب من العصير الي قدامه وينزله : الحمد لله انك قلتي .. ولا ماكنا هنا اليوم ..

سلمى :ههههههههههه .. ايه ..

علي: طيب وبعدين .؟.

سلمى : ولا قبلين .. خطبتني وانا استغربت .. سألتك ليش ؟ وانت تعرف الباقي ..

علي : طيب ابي اسألك .. في الطريق في السياره .. غنيتي بلغ حبيبك .. كنتي تعنين شي ؟

سلمى:ههههههههههههههه .. كنت بموت من الغيره .. دعيت على هالسمانثا المسكينه بالموت .. قلت انا باخذه باخذه .. وغنيتها قلت يمكن تحس .. بس ما كنت ثابته وتعبانه من التفكير ..

علي : ايه .. انا استغربت سؤالك بالمطبخ بعد ما غنيتيها .. بس تصدقين .. مستحيل انسى ذاك اليوم .. كان يوم سعيد حيل بالنسبه لي ..

سلمى : ولي .. حسيت اني ملكت العالم ..

علي : اجل انا شقول .. ليما قلتي لي (وقلد على طوتها الناعم وطريقتها الدلوعه) ما اقدر احرقه .. لأني لو حرقته ... بحرق قلبي..

سلمى: انا ما اتكلم كذا ..

علي : والله! اجل شلون ؟

سلمى : مو كذا وبس ..

علي : تحبين اصورك عشان اثبت لك ؟

سلمى : ايه صحيح .. على التصوير ..(طلعت الشريط الي خذته من الكاميرا) هههههههههههههههه .. خذته من محمد ..

علي سحبه بسرعه : شكراً ...

سلمى:لاااااااااااا .. ابيه ..

علي : راح عليك حياتي ..

سلمى : علييييييييي ..

علي : عيونه ؟

سلمى: عطني .. وهي ماده يدها ..

رفع يدها وباس اصابعها : عطيتك ..

سلمى : لا .. الشريط ..

علي : اممممممم ... اول شي قولي ..

سلمى : شقول ؟

علي : قولي : علي حبيبي انت حياتي عطني ..

سلمى : لا .. عطنيييي ..

علي : اجل مافي ..

سلمى : اهئ اهئ .. انا سلومتك دلوعتك ما تعطيني ؟

علي مبلق عيونه : شنووووووو ؟ اخيرا طلع شوي عسل من هالسان ..

سلمى بغرور : اصلا انا كل شي اقوله عسل بس انت ماتدري ..

علي : هههههههههههه .. ايه صح .. والله حتى يوم الي قلتي لي مع وجهك ما زعلت .. حسيتها عسل ..

سلمى : شفت .. يلا عطني ..

علي : لا ..اول قولي ..

سلمى : لا عيوني .. انا ما اقول شي الا وانا ابغي اقوله ..

علي : خلاص رضيت بعيوني تكفي .. بس هم ما بعطيك ..

سلمى حطت يدها على ثمها .. اوبس .. غبيه انا .. هالكلام يطلع وانا ما ادري ..

علي : شيليها شيليها .. طلعي كلام بعد بعد ..

سلمى عرفت انه ما بيرجع الشريط لها قعدت مكانها بملل ..

علي :ههههههههههههههههههههههه .. يأستي ..

سلمى: شسوي فيك ؟ عنيد ..

علي : هههههههههههههههههههههههههه . عصبت سلومتي ..

المهم قولي لي .. عجبتك المفاجأه ؟

سلمى وهي تتعدل بقعدتها : ايه .. تجنن .. مشكور ..

علي : شدعوه ما سويت شي .. انتظري شوي ..

وطلع ورجع قعد ..

سلمى : وين رحت ؟

علي : انا ما ارحت مكان ..

سلمى: الحين توك راجع .. رحت وين ؟

علي بنحاسه: مارحت مكان ..

انطق الباب الخشبي للغرفه (غرفة المطعم) االي هم فيها ... فتحته علي ودخل الجرسون شايل علبة هديه كبيره حطها على الطاوله وطلع .. وسلمى تطالعه بذهول ..

علي : ما بتفتحينها ؟

سلمى : ماادري .. لا مو الحين .. بفتحها في البيت ..

علي : على راحتك ..

كملو اكلهم وطلعو من المطعم راحو يتمشون على البحر .. دق جوال سلمى .. ردت:

سلمى : الوو ..

مريم : مالت عليك وعلى وجهك .. قاعده مع علي وتاركتني في بيت عمي بروحي ..

سلمى : هههههههههههههههههههههههه .. تحملي شوي ..

مريم : لا .. تعالو الحين .. قولي له يقولون رجعو ..

سلمى بنحاسه: اقول له مريم تقول ؟

مريم : لا ... مجنونه انتي ؟.. بس امك قالت لي اقول لك ..

سلمى : اها .. خلاص الحين نجي ..

علي : لا مو الحين ..

سلمى تأشر له اووش : خلاص مريومي .. مع السلامه ..

سكرت : امي الي قالت ..

علي : وانا شعلي من امك ؟ امك طول هالسنه تشوفك انا لا .. بعوض اليوم ..

سلمى: خلاص باكر اشوفك .. كل الناس جاو موحلوه بس احنا موموجودين .. والعزيمه كلها عشانك اصلا ..

علي : انا ما طلبت منهم ... سلمى ما ابغي اروح .. ابي اقعد معاك..

سلمى : والحل ؟

علي : سكري جوالك وطنشيهم ..

سلمى: ياسلام .. وليش ما نروح ..؟

علي: وتطنشيني انا ؟

سلمى : لا .. بس .. خلاص علي باكر تشوفني مره ثانيه ..

علي: ايه .. على بالك انا طفل بتقصين علي بهالكلام ؟.. بنروح الحين .. بس باكر بشوفك يعني اشوفك ..

سلمى :ههههههههههههههههههههههههههههه .. اوكي ..

ورجعو للبيت ..سلمى راحت للبنات وعلي المجلس..

 

 

***************************

 

 

اليوم كانت خطبة فاطمه رسمياً .. فاطمه كانت متشققه من الفرح .. في غرفتها تكلم اكرم ..

فاطمه : ياااااااي حبيبي مو مصدقه ..

اكرم : هههههههههههههه .. صدقي صدقي .. شوي وبتشوفيني وتصدقين ..

فاطمه : تدري عاد .. احس هالمره بشوفك بس غير ...

اكرم : شلون غير ؟

فاطمه :ماادري .. يعني خلاص صرت خطيبتك ..

اكرم بغير اهتمام: اها ..

فاطمه : تبيني البس بلوزه تركواز ولا اورنج ؟

اكرم : عادي أي شي ...

فاطمه : لاحبيبي ابيك انت الي تختار ..

اكرم : لبسي الأورنج ..

فاطمه : اوكي .. يلا حبيبي انا بسكر عشان اكمل لبس ..

اكرم : اوكي .. بس لاتطولين انا نص ساعه وبكون في مجلسكم ..

فاطمه : وانا انتظرك .. باي ..

اكرم : بايات ..

فاطمه سكرت وهي بتموت من الوناسه ... وبعد 45 دقيقه نزلت مع علي المجلس .. دخلت وسلمت بدون حيا وهي تطالعه عادي .. حتى ان علي شك في الوضع ..

اكرم : أي قسم دخلتي ..

فاطمه: لغه عربيه ..

اكرم : ليش ؟

فاطمه : يقولون انه سهل .. مع اني اشوفه صعب .. يمكن عشان ما درست عربي في كندا ..

اكرم : اها ..

علي اشر لفاطمه انها تقوم تدخل وهي تظاهرت انها ما حست ..

فاطمه : اكرم وين بنسكن هنا ولا في الرياض ..

علي تفاجأ من سؤال اخته .. مو في وقته ابداً ..

وحتى اكرم ما توقع السؤال : ماادري .. ماقررت ..

علي : فاطمه يلا ادخلي ..

فاطمه بملل : اوكي .. باي اكرم ..

اكرم : بايات ..

طلعت فاطمه .. علي : آسف .. بس هي متسرعه شوي ..

اكرم : لاعادي .. حقها انها تسأل .. يلا نروح نقعد مع باقي الرجال؟

علي : يلا ..

وراحو المجلس مع بوعلي واخوانه واخوان اكرم وابوه وعمامه ..

 

 

*************

 

 

سلمى ومريم في الصاله مع الحريم .. اهل اكرم .. عشان انهم جاو عزموهم على العشا طبعا .. وفاطمه الي المفروض هي الي تقوم مع امها تشتغل قاعده مثل الأميره .. والكل مستغرب منها هالتصرف ..

ام اكرم : ما شاء الله .. عروسنا مافي احلى منها .. (وطالعت سلمى الي مرت بتكلم امها وكلمت ام علي )هذي بنت اخو زوجك ؟

ام علي : ايه ..

ام اكرم : ما شاء الله ما شاء الله .. لو ان عندي اخو لأكرم في عمر زواج كان خطبتها ..

ام عبد الله : هذي خطيبة علي ..

ام اكرم بفشيله : اعذروني ما كنت ادري .. بس من حلاوتها ..

ام علي : لا شدعوه ياام اكرم .. بالعكس فرحتيني بمرت ولدي ..

فاطمه الي غارت : خالتي اجيب لك عصير ؟

ام اكرم : لا مشكوره يابنتي .. موجود جنبي ..

تفشلت فاطمه ..وسلمى ضحكت عليها في قلبها ..

سلمى راحت لمريم تسولف معاها ..

مريم : ههههههههههههه .. غارت منك ..

سلمى : مسكينه والله تفشلت .. تعالي معاي المطبخ شوي ..

مريم : ليش ؟

سلمى : بس بشرب ماي ..

مريم : اوكي ..

راحو المطبخ .. شافو دخل عبد الله من الباب الجانبي للمطبخ .. بلق عيونه على سلمى ..

عبد الله : انتي زوجة علي اخوي ؟

سلمى وهي تحط شليتها على راسها بسرعه ..

سلمى : ايه ..

عبد الله : ياحظه .. زوجته حلوه ..بقول له..

سلمى طالعت عبد الله القصير: ههههههههههههههه .. عبد الله كم عمرك ؟

عبد الله : 14..

سلمى بتعجب : وعادي عندك تكلم البنات بهالطريقه ؟

عبد الله: ايه .. البنات في كندا اذا قلتي لها انها حلوه مستعده تسجد لك..

سلمى : انت كنت تطلع مع البنات هناك ؟

عبد الله وهو ياخذ عصير للرجال: لا ... حرام .. وانا مو صايع ..

سلمى : بس عادي عندك تعلق ؟

عبد الله : امممممم .. بعض الأحيان .. بس ما اطلع معاهم ولا حتى اكلمهم تلفون ولا شي .. اصلا ما اهتم لهم ..

سلمى :زين ..

عبد الله : لا تزعلين ترا كنت امزح ..

سلمى : على شنو ؟

عبد الله : أني قلت بقول لعلي زوجتك حلوه ..

سلمى : لا ما زعلت .. بس هنا لاتقول للبنات كذا .. يشوفونك مو زين.. اوكي؟

عبد الله : ان شاء الله ..

وطلع من المطبخ ..

 

*****************

 

 

نزل الخبر عليها مثل الصاعقه .. غير قادره على الأنجاب .. مابكون ام .. مابكون ام .. حسن مابيكون اب .. وانتبهت لشي ثاني .. حسن من حقه يكون اب .. وانا ما اقدر اوفر له هالشي .. اكيد بيتزو...... طاحت على السرير وهي تصيح .. ليش صار لي كذا .. ليش انا هذا حظي .. شافها حسن وركض لها ..

حسن : سارا حياتي لا تصيحين ..

سارا : شلون ما اصيح بعد الي عرفته ؟ اني ما بكون ام .. ولا بقدر اسعدك واخليك تكون اب .. استغفر الله ليش هذا يصير لي ليش ؟

حسن : سارا لا تقولين هالكلام .. ان شاء الله العلاج يفيدك ..

سارا : واذا ما فادني ؟

حسن : لاتقولين كذا .. ان شاء الله يفيد ..

سكتت .. هي ماكانت مهتمه بأنها يكون عندها طفل كثر ماهي مهتمه ان حسن يكون عنده طفل ..

سارا : وانت ؟

حسن : انا ؟ شلون يعني وانا ؟

سارا : بتتزوج علي ؟

حسن انصدم منها : سارا انا ابيك انتي لو شصار ؟ مايهموني العيال .. يهمني انتي ..

سارا : بس من حقك انك تتزوج علي .. انا مااقدر انجب ..

حسن بعصبيه : سارا .. ماابغي اسمع هالكلام على لسانك مره ثانيه

سارا : ان شاء الله ..

وقامت راحت الحمام غسلت وجهها وتوضت وطلعت .. كان وقت صلاة مغرب .. صلت وكملت شغل البيت واتصلت على حسن ..

حسن: الوو ؟

سارا : هلا حبيبي .. وينك ؟

حسن : طالع مع ناس .. ليش ؟

سارا : لا بس كنت ابغي اروح بيت اهلي .. ماتقدر تجي لي ؟

حسن : امبلا اقدر .. خلاص ربع ساعه وانا عندك اوكي ؟

سارا : وانا انتظرك ..

سكرت ولبست وحطت لها مكياج يروح شحوب وجهها بعد الطامه الي نزلت عليها .. كانت تبي تطلع عشان تتناسى الي سمعته .. للحين مو مصدقه ... شلون كذا ؟ يعني ماراح يكون عندي عيال .. مابكون مثل امي والباقي .. كلمة يما ما بسمعها من احد ؟ وحسن .. هو قال لي كذا وهو يعني كلامه ولا بس يهديني ... وحتى لو هو مايبي .. اكيد بيضغطون عليه عشان يتزوج .. بس انا احبه .. ما ابيه يقعد طول عمره بدون عيال .. ولا اتحمل انه يكون لي شريكه فيه .. ما حست الا بيد على كتفها .. شافته حسن ..

سارا : من متى وانت هنا ؟

حسن : من ارتسمت هالتكشيره على هالوجه الحلو ..

سارا : حسن ..

حسن : عيونه ؟

سارا : انت مو زعلان ؟

حسن : امبلا .. بس مو لازم اصيح واذبح عمري عشان اكون حزين ..

سارا : بس .. اقصد .. يعني شلون قادر تتحمل ؟ انا احس اني ودي انتحر ..

حسن : اسم الله عليك .. شنو تتنتحرين ؟ تبيني انتحر وراك ؟

سارا : حسن موقاعده امزح .. للحين مو متقبله ..

حسن : ياسارا ياعمري لا نتقبل الي ربي كاتبه لنا .. صح ؟

سارا : ادري .. بس والله مو عارفه شسوي .. حزينه واجد ..

حسن : روحي غيري جو شوي .. لك ايام ما طلعتي من البيت .. لكن ما اوصيك .. لاتتكلمين مع احد في هالموضوع ..

سارا باستغراب : مااقول لأمي ؟ ليش ؟

حسن : سارا انا وياك وللحين مو مصدقين ... خلينا اول نهدى وبعدين يصير خير ..

سارا : ان شاء الله ..

حسن : يلا قومي اوصلك ..

سارا : يلا ..

طلعو من البيت وكل واحد في قلبه حزن اكثر من الثاني ..

 

 

*****************

 

 

بعد يومين ..الكل متجمع في بيت بومحمد .. العمام كلهم وبو عماد وعياله .. الصاله في قمة الفوضى والسوالف ما تخلص ...

عاليه : مريوم شفتي فروحه وينها ؟

مريم : لا .. ايه صح .. تذكرت .. جات وعلى طول قعدت على لاب توب سلوم .. مانزلت ..

عاليه : اها .. بروح اشوفها ..

سلمى : خلك مكانك .. انا بروح ..

عاليه : اوكي ..

بعد ما راحت سلمى بقو يسولفون ..

مريم : علاوي قولي لي .. ماقررتو متى الزواج ؟

عاليه : امبلا .. باقي شهر ونص بس ..

مريم : يووووه .. وانا ما سويت لي شي البسه .. ليش ماقلتو من اول؟

عاليه : من زمااااااان قلنا .. ماكنتي تدرين ؟

مريم : لا ..

عاليه : خلاص دبري عمرك ..

مريم : وانتي فستانك متى يخلص ؟

عاليه : قبل يوم العرس بأسبوع ونص ..

مريم : طيب ولو طلع فيه شي يبيله تصليح ؟

عاليه : ان شاء الله ما يطلع ..

راحت سلمى فوق .. ودخلت الغرفه ..

سلمى : فرح ممكن تتركين اللاب توب وتكلميني ؟

فرح وعيونها على الجهاز :همممممم ؟

سلمى تسحبه منها : فرح .. اتكلم معاك انا ..

فرح : اوووووووووف سلمى خليني ..

سلمى : اقعدي زين ابي اتكلم معاك ..

فرح بملل: شتبين؟

سلمى : انتي ليش متغيره هالأيام ؟ شفيك ؟

فرح : مافيني شي ومومتغيره ولا شي .. انتي تتوهمين ..

سلمى : لا والله ؟ اتوهم ها ؟ من الي تغير كلامها وحركاتها ؟ من الي تتمشا مع بنات الصياعه في المدرسه ؟ من الي درجاتها نزلت والكل يتوقع ترسب ؟

فرح : مالكم شغل فيني .. امشي بالطريقه الي ابي واتكلم بالطريقه الي ابي واتمشا مع الي ابي .. ما احد له دخل فيني ..

سلمى : فرح انا مو عدوتك .. انا ابي اخفف عنك .. قولي لي شفيك؟

فرح : ما بتحسين فيني .. انتي حصلتي الي تبينه .. انا لا ..

سلمى بتعجب: الي ابيه ؟

فرح : علي ..

 

 

****************

 

يعقوب في غرفة محمد ومحمد يحوس في الغرفه مو شايف جواله ..

محمد : اوووووف .. اذكر اني تركته هنا .. وين راح ؟

يعقوب : انت خبل .. ليش تحوس؟ دق عليه ..

محمد : لا والله ؟ وتظن اني ما دقيت انت ووجهك ؟ بس البطاريه خلصت .. والجهاز طافي ..

يعقوب : اووووووف .. بنزل انا ..

محمد : شلون مع وجهك ؟ الحريم في الصاله ..

يعقوب : في شي اسمه عبايات .. اختراع قديم اذا ماتعرفه مشكله والله ..

محمد وهو يرمي مخده عليه: انقلع برا غرفتي ..

طلع يعقوب بسرعه وظرب في وحده .. ما انتبه الا وهي على الأرض .. بلق عيونه من الصدمه .. ماكانت أي وحده .. كانت تعني له واااااااااااااااااااااجد .. فرح !

يعقوب بتدارك : آآآ ..آآسف ..ماادري ..

قامت من قدامه وراحت تركض ..

هذي فرح .. فرح .. ياربي هذي فرح .. فرررررررررررح .. سنه كامله ما شفتها .. ياربي بتجيني سكته قلبيه .. سكت وقعد على الكنبات الي في الصاله الصغيره ومو مصدق الي شافه ..

 

 

****************

توقعاتكم ؟ ورايكم ؟

 

تحياتي...

[danat aldonya]

يسلموووووووووو على الجزء الروعه

والاحداث الصراحة تشوق

واحنا بانتظار باقي الاحداث

بس لا تتاخري علينا

[الحلوة المزيونة]

شكورة اختي على القصة الحلوة

بليييز كمليها

[alshoog]

ننتظر التكمله

[citrus]

ننطر التكمله

لاتطولين علينا القصه حلوه

[المحبوبة]

لطولين

[السمكة المفترسة]

القصــــــــــــة حلووووووووة حدها

 

 

 

ننتظر التكملة

 

 

 

 

لا تطولين علينا

[sweety.heart]

تسلمين على القصه

لا تطولين علينا

***بسرررررررررررررررعة ***

كمليها بليييييييييز

 

 

 

,,, صرت متشوقه ابي اعرف شيصير