cofyana Posted يونيو 23, 2007 Author Report Share Posted يونيو 23, 2007 (edited) بااااااااااااااااااااااك ييت معاااي بارت صغنوون تفضلوووو ************************** مر الوقت سريـع كالعادة ... وراح ماجد دواامه .. متأخر مثل كل مرة .. وطبعاً حصل له تهزئية حلوة مرتبة من الوالد العزيز !! ولكن سارة ما قعدت على النت مثل العادة ... حست روحها دايخة شوووي وفيها نومة لأنها البارحة كانت سهرانة للصبح ... فـ راحت غرفتها ونامت وسط جو الغرفة المظلم والبارد .. ******************* الساعة 1 ونص .. رد ماجد من دوامه .... بدل ملابسه وصلى (لأن ما صار عنده وقت يصلي بالدوام) .... وبعدين راح برع يقول لـ جوسي (خدامتهم) تحط له غدى .. خذا صحنه ... وراح يتغدى على طاولة الكمبيوتر كالعادةً ... وهو ينطر سارة .. ولكن سارة ما دخلت اون لاين (لأنها كانت راقده) ... ولما صارت الساعة 2 ونص وسارة بعدها ما لها أثر .. قرر ماجد يروح يرقد شوي عشان يريّــح جسمه التعبان .. لأن العصر وراه مباراة مهمة .. ولازم يسوي فيها زين .. ويبذل كـل جهده عشان يآخذون الكاس .. ******************** على الساعة اربع .. سارة للحين راقدة ما ادري اشفيها للحين راقدة !! .. كل هذا نوم ! ((دخلت منى عليها الغرفة))........::: سااااااارة سااارة ((انقلبت على الجهة الثانية وغطت ويهها ولا تكلمت)) (بصوت عالي).......:::: ساااااااااارة يااا سااارة قعدي - امممممممممممممم - سااااااروووووووووه !!!! قووووووومي - اشتبين !! - قووووووووومي قعدي ارفيجتج تبيج على التلفوون يلا قوومي بسسسسسسرعة - اوهوو ! - سارووه وجع قوووووومي تنطر فشللللله - انزين سأليها عن اسمها وقولي لها بدق عليها بعد شووي - انزين ..!!! ((وراحت للتلفون))....:: آآلوو - هلا - سارة بتدق عليج بعد شوي .. بس منو اقول لها ؟ - ووي آنه نورة .. ما عرفتيني ؟ - اهاا .. لالا ما عرفتح سوي - اووكي قولي ليها تدق ضروري مو تنسى لأني اعرفها مخها مطيّـر وماعندها ذاكره ! - هههههه لالا .. لا تحاتين بقول لها - اوكي اخليج الحين ... مع السلامة - مع السلامة ************************ راحت سارة تغسل وويهها زين ما زين ... وتذكرت ماجد ... وووي فديته اليوم ما كلمته الظهر مسكين رقدت عنه ما دري شخبارهـ ..!!! (راحت الصالة وكانت منى قاعدة على الكمبيوتر)....::: منى يلا قووووومي - ووين ؟! - آبي اقعد على النت بعد وين !! - اول دقي على ارفيجتج !! - اووه نسيت ! .. انزين منو قالت لج ؟ - نورة ! ((اووه فشله ! ... اكيد داقة تسأل عني وآنه إلي ما فيني خير ماادق عليهم ولا اسأل عنهم .. إن جفتهم بالمسنجر كلمتهم وإن ما جفتهم ما اتعب روحي وادق!!))) ...... (رفعت سماعة التلفون واتصلت على نورة) (نورة)....:: آآلوو - هلا نووورة ... شلونج شخبارج - هلااااااااا .. اهلييين سارووة وينج يالقاطعة - ههههه عايشة بالدنيا - انزين شلونج شخبارج عساج طيبة - الحمد لله اسأل عنج والله - سألت عنج العافية حبيبتي - الله يعافيج ويخليج - انزين سارة ترى الليلة بيوون فطووم ومريووم بيتنا بنسوي حفلة اصغيرة على قدنا وانتي لازم انتيين مو اتقولين ما تقدرين - بمناسبة شنو الحفلة ؟ - خبرج إحنا ما يبي لنا مناسبة عشان نسوي حفلات! كل مرة نخترع لنا شي! وهالمرة جي قصدنا نتيمع قبل ما تبدأ المدرسة - اهاا .. بس مسامحة صج صج ما بقدر ايي نورة - لالالالالالا مالي شغل اتيين يعني اتيين ... ما يصير جذي من زمان شفناج - الليلة باطلع مع بيتنا عشان آشتري أغراض حق المدرسة - انزين ما يصير الطلعة تتأجل - والله صدقيني مااقدر .. وآسفه صج - حرام عليج خاطرنا فيج - شسوي بعد ... إن شاء الله مرة ثانية ... عاد اتييون بيتنا - بيتنا والا بيتكم واحد .. المهم انشوفج - حبيبتي والله - انزين مااعطلج آنه بروح اشوف الكيكة استوت ولا لا - اوكي تحملي بروحج نورة ولا تزعلين مني - افا عليج حبووبة مسمووحة .. ترى مسووية ورق عنب إلي تموتين عليه بس لازم برفع لج - هههههههههههه ايييه لااااااازم ترى اذبحكم اذا كليتوه عني - عاد انتي الي تعالي اخذيه .. آنه آستحي ايي بيتكم على حساب صحن ورق عنب ! - افا عليج ايي له ليش لاء ! ههه - اوكي مع السلامة سووويرة وسلمي على امج - الله يسلمج وانتي بعد سلمي على فطوم ومريم ******************************** ع الساعة خمس وشوووي هالوقت ماجد كان وسط المعلب ... والشوط صار له ربع ساعة من بدأ كان يركض بكل قوته .. ويعطي كل ما عنده باللعب ماجد شاااطر واايد في لعب كرة القدم (ماشاء الله عليه)... وإذا نزل الملعب الكل يخاف منه ... لأنه قووي في اللعب وخشن! لا زال يركض ... ويركض ...... ويركض وفجأة ... الكل ... الجمهووور الحكم المعلق فريق ماجد صرخو بأعلى صوووتهم .............:::: قووووووووووووووووووووول !! وهذا كان أول قووول يدخل بقلب الهدف ..... وطبعاً ماجد اهوه إلي سجل القوول ***************************** مرت الساعات .. ساعة ورى ساعة ورى ساعة وصارت المغرب بعد الصلاة ابو سارة كان عند وعدهـ ... وودى سارة كل مكان تبيـه (اهيه ومنى وامهم) ... عشان تشتري اهيه ومنى اغراض المدرسة إلي ما باقي عليها الا ثلاث ايام ... ويبدأ الفصل الدراسي الثاني .. ما ظل قلم ودفتر ولا ملف ولا شي بالمكتبة عجبها الا وشرتـه... وراحت للخياط تفصل لها مريول جديد ... وما ردوا البيت الا متأخر .. لأنهم تعشوو برع ... وراحو مجمع يتسوقون الكل رد تعبااان .. ويبي يرقد إلا سارة راحت تطل على مسنجرها .. وحشها ماجد تبي تكلمه من الصبح ما كلمته !!! وهذا شي عظيم عندها ! تبي اتعرف اخباره ... وتبي اتحس بكل لحظة وثانية يعيش فيها للأسف ماجد ما كان اون لاين .. لأنه بهالوقت كان مع ولد عمه بالمستشفى لأن تعور شووي واهو يلعب على نهاية الشوط الثاني حزنت سارة لما شافت ماجد اوف لاين .. وراحت غرفتها .. بين دفاترها وأوراقها والأقلام .... ******************************* بسسسسسس خلاص ذبحتوووووووني بروح آرقد مت تعبااانة دايخة ارحموووووووووني وراي قعده الساعة 6 اممم اتمنى تحطون لي ملاحظاتكم على البارتات الاخيريه .. بالنسبة للأحداث اكتبها بصورة سريعة ولا بطيئة ولا زينة ؟ واي ملاحظات ثانية وعن الاسلوب تحسون اسلوبي تغيير للأسوء ؟ بحكم إني الحين البارتات اكتبها بصورة سريعة واحطها بنفس الوقت بدون مراجعتها او التدقيق فيها وبكون شاكرهـ لكم تصبحـون على سُكـــر Edited يونيو 23, 2007 by cofyana Link to comment Share on other sites More sharing options...
حلم الأيام Posted يونيو 23, 2007 Report Share Posted يونيو 23, 2007 تسلمييييييين على البارت الرووعة ... وقت ممتع ان شاء الله .. ووننتظرج لا تتأخرين .. Link to comment Share on other sites More sharing options...
!.. كشوح ..! Posted يونيو 23, 2007 Report Share Posted يونيو 23, 2007 يسلمو ع الجزء وننطر البااقي Link to comment Share on other sites More sharing options...
قلادت البحرين Posted يونيو 23, 2007 Report Share Posted يونيو 23, 2007 السلام عليكم ورحمة الله وبركاته،، تسلمين حبيبتي ويعطيج الف عافية وثانكس على البارت وننتظر البارت الياي Link to comment Share on other sites More sharing options...
jElO Posted يونيو 24, 2007 Report Share Posted يونيو 24, 2007 (edited) لاااااااااااااااااااااا شي شي شي شي شي صرحاتنااا ولايزال العقاب جاري عليج o خخخخخخخخخخخخخخخ متسببه عليج انا وعن الاسلوب شي حبوبة Edited يونيو 24, 2007 by jElO Link to comment Share on other sites More sharing options...
حلم الأيام Posted يونيو 24, 2007 Report Share Posted يونيو 24, 2007 البارتات عجيبة بس واجد قصيرة.. والاسلوب هذا هو مااتغير.. تسلمين حبوبة .. ننتظر البارتات الجاية .. . Link to comment Share on other sites More sharing options...
alshoog Posted يونيو 24, 2007 Report Share Posted يونيو 24, 2007 الاسلوب ماتغير ،،، مافيه أخطاء تذكر ،،، الأحداث مستمره ،،، والبارت قصير ،،، والقصه فـــــــــــــــــــله ،،، Link to comment Share on other sites More sharing options...
~~pretty girl~~ Posted يونيو 24, 2007 Report Share Posted يونيو 24, 2007 القصة فن والاسلوب وايد حلو بس العيب وااحد البارتااااات كلهم وااايد قصيرين وتتأخرين وايد :(( Link to comment Share on other sites More sharing options...
مشدخ Posted يونيو 24, 2007 Report Share Posted يونيو 24, 2007 يسلمو على البارت مافي اغلاط بس انتي طولي البارت اكثر وماعليج وفي انتظار الجديد Link to comment Share on other sites More sharing options...
الزعلان Posted يونيو 24, 2007 Report Share Posted يونيو 24, 2007 الاسلوب ممتاز مثل ماتعودنا والاخطاء الاملائيه مافي شي يذكر بس مثل ما قالو العيب الوحيد ان البارتات قصيره اي صج نسيت اقول شكرا ع البارت و ننطر الي بعده و للحين العقاب جاري Link to comment Share on other sites More sharing options...
Recommended Posts