بحرينيه حتى النخاع Posted مايو 31, 2007 Report Share Posted مايو 31, 2007 السلام عليكم و رحمة الله وبركاته.. هذي اول مشاركه لي وفي خاطري موضوع اقووله ماعرفت حتى في اي قسم اكتبه قلت يمكن هذا القسم انسب شي..وياريت لو تتفهمون كلامي وموقفي من هذا لان صج شي يقهر ويحرق القلب.. اكتب و في قلبي قهر..وما اقصد اي اهانه حق اي بنت هذا مجرد رايي من الواقع اللي يبط الجبد.. هل فعلا بنات البحرين صارو مثل مايقولون عنهم الناس؟! او بالاحرى باقي الدول الخليجيه الشقيقه؟! خلوني اتكلم عن نفسي...عمري كله عشته في الامارات..وكل اللي يقولونه انتو يا البحرينيات كل شي عندكم عادي و فري وماتلبسون الشيله والعبايه جذي في الويه يقولون لي وين الستر؟! ( عن نفسي وعن هلي الحمدالله مشينا على اللي أمرنا فيه الله) وطبعا غيري و غيري واااااااايد..بس في فئه من الناس اقووولهم ((وين الستر؟)) ياما رحت البحرين اكيد طبعا في بنات ملتزمين و لابسين الشيله والعبايه ولكن فعلا اشوووف بنات....شقوول؟؟ لابسات هالجنزات و تي شرت وفاله الشعر والدنيا عندها بخير... مهما كان بلادنا بلاد عربي خليجي مسلم ليش في ناس مايحترمون العادات والتقاليد لهذا البلد؟! كفايه ان دينا دين اسلامي ونهانا عن كل شي اللي نص البنات يسووونه هالايام... والله شبابنا مب مضطرين انج تجبرينهم انهم يطالعووونج و ياخذووون اثام عليج .. وكل ماكانت البنت ساتره نفسها كل مازاد احترام الناس لها و صار لها هيبه و مكانتها .. لاحد يقووول مب شرط البنت يحترموونها اذا كانت ساتره روحها..مهما كانت البنت المستوره فالته بعد مجرد انك ماتنظر لها بتحترمها لو شويه ..والاسلام ماشرط على المرأه الحجات والستر الا لان هالشي يحفظ لها كرامتها..ويبعد عنها كلام الناس والشبهات.. ادري ان في ناس بترد وبتقووول والله كل وحده و كيفها....بس كيفها في بيت اهلها مب كيفها في الشارع والله حرام عليكم..كل اللي صرت اقووله في خاطري سمعة بنات البحرين رااااااااااااااحت...وهالفئه من البنات يظلمون كل بنات البحرين على سبب شي مايفكروون في عواقبه...شي مايرضي الله ولا يرضي دينا ولا يرضي المجتمع... وياريت لو محد ياخذ الموضوع بحساسيه زاايده بس هذا الكلام اللي يصير في الوااقع مايبته من راسي وقلت لازم اكتبه من القهر اللي فيني يوم ان سمعتنا راحت على جذي بس.. وبعد لو الحكومه تفكر انهم يحطون شرطة آداب جان زيييين والله جان زين... والسموحه اذا غلطت في اي شي بس فعلا تهمني سمعة بنات بلادي واغار ويحز في نفسي على اي كلمه تمس بلادي.. Quote Link to comment Share on other sites More sharing options...
هولـي Posted مايو 31, 2007 Report Share Posted مايو 31, 2007 كلامج صحيح و تسلمين عالموضوع Quote Link to comment Share on other sites More sharing options...
مرايم89 Posted مايو 31, 2007 Report Share Posted مايو 31, 2007 صح ألسانج اختي وتسلمين ع هالموضوع إلي اكثر من رائع Quote Link to comment Share on other sites More sharing options...
ريم شيخة الحريم Posted مايو 31, 2007 Report Share Posted مايو 31, 2007 كلامج صحيح لاكن اغلبية البنات الي فرري ,, مو بحرينيااات اصل وفصل يعني فيهم مني ومني ,,, مابحدد عشان محد يزعل فهذلين الفئة يخربون علينا كلنااااا,,,, انا ماقول ان مافيه بنات بحرينيات رايحه عليهم بس بعد اهم شي الاهل اذا كانوا ملتزمين بيعرفون يربون بناتهم بس الي انا اجوفه في الجامعه اغلبيتهم مو بحرينيات وشكرا على الموضوع Quote Link to comment Share on other sites More sharing options...
قلادت البحرين Posted مايو 31, 2007 Report Share Posted مايو 31, 2007 السلام عليكم ورحمة الله وبركاته،، بسم الله الرحمن الرحيم تسلمين حبيبتي على موضوعج الروعه وصح السانج على الكلام الى قلتيه وفعلن قهر الى قاعد يصير مب بس قهر اله يبط الجبد لكن شتقولين الله يهديهم وثانكس Quote Link to comment Share on other sites More sharing options...
انين القلوب Posted مايو 31, 2007 Report Share Posted مايو 31, 2007 تسلمين على موضوعج الحلو وفعلا اغلب البنات البحرينيات جذي بس الشره موعليهم على اهاليهم فسق البحرين زايد من هالاجانب اللي عندنا بس مااقول الا الله يستر علينا وعلى اللي يحب الستر Quote Link to comment Share on other sites More sharing options...
برستيج الريم Posted مايو 31, 2007 Report Share Posted مايو 31, 2007 مغسي sisoooooooo ويحفظج ربي ^^ Quote Link to comment Share on other sites More sharing options...
alshoog Posted مايو 31, 2007 Report Share Posted مايو 31, 2007 هي لو جت ياأختي بس على سالفه الستر والحجاب أهون،،، هي جايه على شرف البنات،،، عندي تعليق بسيط عن كل اللي قالوا أنه أغلب الي يسوي جذي مو من أصل بحريني >>> تدرون أن الاغلب اللي يسون جذي بحريني وعندي دليل من الجامعه،،، ياما ناس اسوي روحها تطلع من البيت ماأطلع حتى شعره ومن اتروح الجامعة نص الشعر طالع وتقعد اتلبخ (( اتحط مكياج بزياده )) في روحها،،، ذاك اليوم اسولف مع ابنيه اتقول ليي الجامعة المسائي قبل مافيها سفور واجد اتقول يمكن الجامعة بس وحده أو ثنتين والحين مترووسه!!! هذا الزمن زمن الفسق والسبب أحنا،،، (( نعيب زماننا والعيب فينا )) Quote Link to comment Share on other sites More sharing options...
محبوبة الروح Posted مايو 31, 2007 Report Share Posted مايو 31, 2007 كلامج صحيح لاكن اغلبية البنات الي فرري ,, مو بحرينيااات اصل وفصل يعني فيهم مني ومني ,,, مابحدد عشان محد يزعل فهذلين الفئة يخربون علينا كلنااااا,,,, انا ماقول ان مافيه بنات بحرينيات رايحه عليهم بس بعد اهم شي الاهل اذا كانوا ملتزمين بيعرفون يربون بناتهم بس الي انا اجوفه في الجامعه اغلبيتهم مو بحرينيات وشكرا على الموضوع تسلمي على طرح الظاهره إلي منتشره عندنا وايد كلام ريم وايضا كلام alshoog مو مسألة بحريني لو مو بحريني مسألة ضمير ميت حسافه على الوازع الديني اي كانت الجنسيات وتسلموووووووووووووووو الله يهدينا ويستر علينا محبوبة الروح Quote Link to comment Share on other sites More sharing options...
عهد المحبة Posted مايو 31, 2007 Report Share Posted مايو 31, 2007 (edited) اول شي السلام عليكم وثاني شي اقولج اي والله صدقتي بكل كلمة قلتيها اللي يجي البحرين مع احترامي للكل يقول هذي وحدة من بلاد اوروبا صج في المتحجاب بس شنو نسبتهم قليلة احنا مانفرض عليج لبس العباة والشيلة ابد الاسلام عطى كل انسان حريته لكن بحدود ماتبين تلبسين عباة وشيلة ستري على روحج بثيابج يعني مو حلوة البنت تطلع وهالجنيز ضاغط عليها ولا ذيج البلوزة اللي استغفر الله كشفت كل جسمها تبين تلبسين وتتكشخين تكشخي بحدود ترى مو حلوة لابحقج ولا حق أهلج والله يستر على الكل ونجي لموضوع اللي تطرقوا ليه اللي قبلي سالفة بحرينات ولا مو بحرينات ترى كل بنت عايشة بهالبلد تمثله وتمثل فئة منه يعني لو واحد جى من بره مابعرف هذي بحرنية ولا لأ سيدة بقول بحرينية كونها عايشة بهالبلد فلذا يعني هذولا بعد يشكلون من سمعة البلد وشرفه البحرين مو ضد التطور ولا ضد الانفتاح لكن اذا كان الانفتاح ع الغرب بهالصورة فسوري انا ما اشجعه كلش ومشكور اختي ع الموضوع اللي يدل حرصج وحبج لبلدج البحرين وغيرتج عليه وسوري على الإطالة Edited مايو 31, 2007 by عهد المحبة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.