كويتاويه Posted يونيو 11, 2007 Report Share Posted يونيو 11, 2007 (edited) الســلام عليــكم ورحمة الله وبركـاتهـ .. شلـونكم، أعضاء منتدى البحرين اليوم .. فنانينا وأعضائنا الطيبيين .. حطيــت كذا موضوع بكل من منتدى الفنني خالد وشيماء وشجون .. وطبعا اهني .. الاستاذه؟/ طيــف ..وكله على نفس المحور .. هالموضوع .. اتمنى رايــكم طبعا بهالموضوع بنتكلم عن مسلسل جمانه واللي اتوقع اغلبكم شافه .. واليوم ان شاء الله الحلقه الاخيرهـ .. قصهـ المسلس بالنسبه لي اعتبرها يديده من نوعها .. واول حلقات المسلسل انمدجـتـ معاها بشــكـل.. 2 و3 و4 و5 و و جم حلقهـ مازالو يمشون بالبطئ على اشياء انحسها مالا داعي وعرفنا زبدتها ولا شرايكم؟ .. يعني مطولين بالحلقات والممثلين للحين ماطلعو اقصد البطوله ك خالد والجميــع من غير استثناء : ) .. عقب بدو أبطالنا بالظهور .. .. للمسلسل واايد أخطــاء .. ! والمفروض ماتصير مثل هالاغلاط.. مرفوض اساسا .. طبــعا في وااااااااااااااايد تناقضات بشـــــــكل !! اللي أذكر منهم .. 1- اول يوم تعرفت شجون على عبير .. ! وطلعت معاها بالسياره او ماردت البيت ولا أفراح (شريفة) .. تقولها اانه جم مره قايلتل لا تطلعين مع عبير هذي ! انه جـذي قلت بسم الله شلون درت واهيا توها متعرفه ع البنت ! 2- حوار ابو سعود مع ام سعود يتكرر ويتكرر ونفس الجمل تنعااد ونفس الجمل نعيدها والزبده وحده .. مع احترامي جنه برنامج سلامتك على قولة رفيجتي 3- مشهد بوسعود وريم عن الحلال .. داار راســــــــــــــي صج صج ضعــتــ اهنــي قمت أدقدق ع البنات اسئلهم شسالفهـ ؟!!... ألحين يابوسعود يكلم ريم عن انه يسجل الحلال باسمها وباسم ام سعود .. .. بعدين فيه لخبطه عقب تيي تقول حق سعود بعدين ينعاد نفس المشهد .. والله حراام هالأغلاط 4- واايد طولتو بأول الحلقات مامنها فايدهـ .. يعني حتى مشاري مالهـ دور لما كبر ع الاقل لو يطلعنا واحد يتكلمم من برا انحس أكو شي بعدين شهالدراسه اللي .. يدرسها برا يتروالي جم سنهـ ؟!!! اللي بعده دخلو الجاامعه .. 5- تبين لنا [اول حلقات المسلسل بو مشاري وام مشاري ناس عااديين ويحبون بعض يعني وخاصه المواقف الطريفه اللي اتيي من قبل السلمان يعني لا يتزوج عليها ولا شي .. شلوون جذي جك وبم بحلقه او حلقتين تزوجها ولا ياابها معاهم .. ويعني سالفة عبداللطيف ماتدخل الراس شلون يماشيه وقص عليه بالقهوه اانه اعرفكم واانه مادري شنو ! ..؟! 6- سعود يوم تهاوش مع ابوه ورفع رفع ايده مدري نزلها او مسكها .. اووكيك معقوله,, بس يوم يطيح الابو يوقف جذي .. أكيد انه بيطيح اهوا يدري من الاول ويبي هالشي يصير.. صار وعقبه على طول وراه يصحى من غفلته ! على طول .. لأن 30 حلقهـ تمشون ســريعــ وااااااايد واايد واحنا ضايعيين.. 7- بوفواز شلون استقوى على ام فواز بين يوم وليله ماتدخل الراس .. أمس مثل (ثورناانه ) معااها واليوم اللي وراه فرعون .. .. طيراااااان واهوا اللي يخاف منها .. 8- جمانه متى خذت حلالها متى قامت تصرف متى ومتى كله ما بين .؟ 9- ليش ماقامو يدقون على مشاري ع الاقل يرجع .. المفروض يرجع او ع الاقل يتكلمون عن موضوعه وزواجه بالتلفون طبعا ولا انفتحت هالسيره وكان شيئا لم يكن !! !!!!!! ويوم طااحت امه ولا احد يدق عليه ولا يرد ولا اي شي .!! 10 - يمكن تشوفونه بسيط هالشغله بس احنا يهمنا الاحداث تمشي تمام .. طلعت نتايج البنات .. وع طول سافرت سندس ؟؟ 11- ام فواز مرضها صج يضحك ؟ .. يعني نطلع عله بس معقوله ع الاقل .. مو واهيا تمشي صدفه ريلها وآآي وواااي .. وكل يوم دكتور ومادري شنو .. يعني لو مسويلها السرطان المعده اهون اي شي .. معقول ع الاقل .. وشلون جذي تطيح امبراطوريتها وشلون بحلقة أمس تستسلم لما حتى استأذنت منها علشان التلفون .. 12- طيحـة المستشفى وراا بعض والسجن بعد وحتى لما يتزوجون المره الثانيه !!.. 13- كلنا ندري علاقة ام سعود وام مشاري شلوون قويهـ .. شلون جذي يوم طاحت هذي ماتدري عنها والعكس صحيح بعد مع بوسعود أدري بتقولون .. مع بعض بس حتى مابينو ولا عطوهم خبر جك وببببم .. 14- للحين ماعرفنا .. سالفة خالد وعبير .. ! ولا لو محه بسيــطه ولا شي .. ! وفي بعد كذا شغله بس نسيتهم >>>كل هذا ونسيتي انتي خليتي شي ;p بعض المثثلين .. يمكن كأول ظهور لهم مو ضابطين الدور اون شاء الله بأعملاهم القادمه يعطون من نفسهم أكثر علشان يطلع المسلسل بأجسن صوره ممكنه ومقنعه طبـتعا للمشاهد .. يعطيــكم العافيه .. سندرت راسكم/ والله من هالنقد ما اقصد شي بس.. ودي اسمع ردكم يعني معاي ولا لأ؟! وهالآراء مو بس مني من الناس اللي سألتها .. وبالعكس قصة المسلسل وايد حلوه بس ماكان فيها تنسيق .. مشكورين ماقصرتوا .. أنتـظر ردودكم اخواني .. Edited يونيو 11, 2007 by كويتاويه Quote Link to comment Share on other sites More sharing options...
ساندروز Posted يونيو 11, 2007 Report Share Posted يونيو 11, 2007 واحيانا بعد يخلص والمشهد بعده ماكمل وفي العادة المشهد الاخير ماينعاد بس هذي اغلاط عادية اي منتج يغلطها سبحانه الي مايغلط Quote Link to comment Share on other sites More sharing options...
البلورة Posted يونيو 11, 2007 Report Share Posted يونيو 11, 2007 اختي كويتاوية ،، اشكرج ،، وانا اتفق معاج على البرود في الحلقات الاولية ،، وان بعض الامور مازالت غامضة ، وعلى زواجهم ومرضهم كلهم في حلقه واحده والشكر لجميع الممثلين على هالعمل Quote Link to comment Share on other sites More sharing options...
رازجية Posted يونيو 11, 2007 Report Share Posted يونيو 11, 2007 اتفق معاكم في بعض الاشياء غامضة بس زين نبهتيني ان اليوم الحلقة الاخيرة عشان اشوفها تسلمين قلبووو رورو Quote Link to comment Share on other sites More sharing options...
كويتاويه Posted يونيو 11, 2007 Author Report Share Posted يونيو 11, 2007 ساندروز .. اختــي محــد كامل .. وبالعكس العمل يشكروون عليهـ وانتي قلتيها بنفسج ما تكتمل بس الاحداث طيران ومو مفهومه معظم الاحياان .. البلوره .. .. عدل كلامج . ويعطيكم العافيه على مشاركاتكم .. رزجيه خخخخخخخ .. زين اني كتبت الموضوع عيل ;p Quote Link to comment Share on other sites More sharing options...
بنوتــة دبي Posted يونيو 11, 2007 Report Share Posted يونيو 11, 2007 انـا اشـوف انـه المسـلسـل مميـز و هـ الاشيـاء مالهـا علاقـة بالمخرج او الكاتب او الممثليـن هـ الاشيـاء المسـؤول عنهـا المنتـج اللي يقـوم بحـذف المشاهـد و ترتيبهـا Quote Link to comment Share on other sites More sharing options...
كويتاويه Posted يونيو 11, 2007 Author Report Share Posted يونيو 11, 2007 بنوتةة دبي .. اناه ما اعرف بهالشغلات المسؤولين او شي مثل ما قلت بالبدايه المسلسل وااييد حلو وماعليه كلام بس على هالاخطــاء .. ينزل مستوااه بغض النظر عن منو المسوؤل المشاهد يبي يشوف تسلمين ع المشاركه الطيبه Quote Link to comment Share on other sites More sharing options...
ملكة الوردي Posted يونيو 11, 2007 Report Share Posted يونيو 11, 2007 بصراحه المسلسل قصة روووووعه لاكنهم راحت عن بالهم الاشياء الي ذكرتيها وهاي تتعبر من الاشياء المهمه لمصداقية العمل فلو انهم شوي بطلو المط فالحلقات الاولى لقدرو بعدين يسووون هالنقاط الي قلتي عنها بس مثل ما يقولون ما في عمل ناجح 100% Quote Link to comment Share on other sites More sharing options...
كويتاويه Posted يونيو 11, 2007 Author Report Share Posted يونيو 11, 2007 عدل كلامج اختيــه .. بس الحوار ينعاد .. واللقطات تتكرر وبالنهايهـ مافي شي يديد يضاف اذا يتكرر الحوار .. او تصير اشيا ماهي موجده .. يعطيج العافيه ع المشاركه Quote Link to comment Share on other sites More sharing options...
x_RoZa_x Posted يونيو 11, 2007 Report Share Posted يونيو 11, 2007 كلامج عدل وانا لاحظت الاشياء كلها الي تكلمتي عليها ومافي شي كامل صح بس هالمسلسل اهون من غيره بعد بس القصه حلوه يعطيج العافيه على التحليل Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.