FTL Posted يوليو 2, 2007 Report Share Posted يوليو 2, 2007 كل منا يحتاج إلى المال.. والكثير من المال الذي يكفي لسد احتياجاتنا الأساسية ولكن العناء كبير من اجل ذلك وخصوصاً في ظل الظروف الاقتصادية التي تجتاح العالم الآن. قصة طالب جامعي، يريد أن يكمل دراسته العليا، أو التخصص في مجال معين، تحصيله الدراسي ممتاز جداً، ولكن العائق هو المصاريف الجامعية من رسوم وكتب.. الخ. إذا العائق الوحيد هنا هو المال، وكل منا رأى هذا المثال خلال حياته لشخص طموح ولكن أحلامه تهدمت بسبب قصر في توفير المال لتغطية المصاريف الجامعية. قصة رب أسرة، أراد تحسين الدخل بشتى الطرق، بسبب غلاء المعيشة، وبسبب تغيّر في قوانين العلاج والإقامة، ومصاريف تعليم لأولاده... كل هذا بحاجة إلى دخل وفير ومستمر أيضاً، فنرى البعض يعمل بمهنة ما بالمساء وذلك للحصول على دخل إضافي يضمن له تسديد العديد من الالتزامات، بدون اللجوء الى مصدر حرام أو يسيء إلى سمعته ومكانته. لكن رحمه الله بالناس ومسئوليته عن الأرزاق ييسر في الرزق للعباد ويفتح لهم أبواب جديدة.. لتكون قناة من قنوات رزقه لينساب لعباده، ومن هذه القنوات كويست الدولية المحدودة. التي كانت السبب في تحقيق أحلام الكثير من الناس الذين أعطوا أنفسهم فرصة لفهم فكرة عمل جديدة، نظيفة، وراقية في نفس الوقت. لكن رحمه الله بالناس ومسئوليته عن الأرزاق ييسر في الرزق للعباد ويفتح لهم أبواب جديدة.. لتكون قناة من قنوات رزقه لينساب لعباده، ومن هذه القنوات قناة جولد كويست الدولية المحدودة. التي كانت السبب في تحقيق أحلام الكثير من الناس الذين أعطوا أنفسهم فرصة لفهم فكرة عمل جديدة، نظيفة، وراقية في نفس الوقت. كويسيت نت الدولية مؤسسة عالمية لتلبيه طلبات الشراء عن طريق الطلب البريدي، ولا يوجد لها أي معرض في الأسواق ولا وكلاء مسوقين. الشركة تأسست سنة 1998، وقد حققت نجاح هائل خلال هذه الفترة الوجيزة، وأصبح أسمها في مجال التسويق نار على علم. مما ميّزها عن باقي شركات التسويق بالمصداقية والنظام النزيه، والذي يحمي نفسها وزبائنها بالدرجة الأولى، لأن زبائنها هم رأس مالها الحقيقي، حيث أنه لا يمكن العبث برأس المال في أي حال من الأحوال. شركة كويست دوت نت شركة تسوق عبر النت وتعطيك وكاله ومن يشترك من خلالك تعطيك ارباح 250 دولار ان الشركه هي شركة تسوق عبر النت ومكانها في كوريا ولها فروع في 23 دوله بضمنها الامارات العربيه وستفتح فرع في السعوديه ويمكن ان يشترك بها اي شخص بالعالم كان رقم تسلسل الشركه سنة 2003 كان تسلسلها بين الشركات هو رقم 3000 واصبح تسلسلها رقم 3 عام 2005 بين شركات التسوق والعمليه بالتسجيل فيها بسيطه جدا وهو عن طريق الرقم التعريفي للشخص الذي تريد ان تشترك من خلاله وبدون رقم تعريفي لشخص ما لاتستطيع ان تشترك وعند الاشتراك تملا البيانات بصوره صحيحه جدا والعنوان ورقم الهويه او جواز السفر وكذلك اسم الوريث ويجب ان تعطي المعلومات بصوره صحيحه وحقيقيه والعنوان كامل حتى تاتيك السلعه الذهبيه نعم الاشتراك بثمن معين ساشرحه بالتفصيل ولا احد يمل او يخاف من الشركه وعندما تسوق للشركه تعطيك 250 دولار اخواني العزاء الشركه باختصار هي شركة تسوق عبر النت 1- التسجيل ب 10$ عن طريق الكارت الالكتروني e-card او الفيزا كارد والاي كارد هو تعامل الشركه فعند الربح تستطيع ان تسحب المبلغ على شكل اي كارد وهو عباره عن سيريال نمبر وبن كود وتسطيع تحويل المبلغ على بلدك واسهل طريقه هي سحب المبلغ على شكل اي كارد وتسجل به الاخرين ثم بعد التسجيل تشتري سلعه ذهبيه او اي منتوج مثل ساعات ومواد ذهب عيار 24 منقوشه بمعمل اتش ماير بالمانيا وتصلك على عنوان بيتك في اي بلد ك مع العقد وتستطيع ان تسحب العقد في لحظة التسجيل كل سلعه لها مقدار معين يسمى ال uv ويجب ان تمتلك اقل شي يو في واحده حتى تمتلك الوكاله وبعد ان يسجل شخصين عن طريقك واحد على الجانب الايمن والاخر على الجانب الايسر تصبح فعال وتاتيك اول 50$ دولار هديه وكل واحد من الشخصين يسجلون شخصين اخرين وسوف تاتيك 250 $ وهكذا عن كل شخصين اخرين اي انك تكون فريق عمل وبعد ان تكبر الشجره تاتيك الارباح كل يوم اربعاء بدون ان تعمل شي الذين في الشجره هم الذين يسجلون وهكذا تستمر العمليه حتى تصل ارباحك الى شي لايصدق ان لكل سلعه تشتريه سعر معين وان السلعه ستصلك وتسترجع اموالك وكذلك تجني ارباح مستمره بجهد قليل هذا شرح بسيط جدا واذا عندكم اي استفسار انا حاضر وبالخدمة Quote Link to comment Share on other sites More sharing options...
FTL Posted يوليو 4, 2007 Author Report Share Posted يوليو 4, 2007 هلا شباب محد فيكم يبي يحقق احلامه ؟ Quote Link to comment Share on other sites More sharing options...
شهد الحياة Posted يوليو 16, 2007 Report Share Posted يوليو 16, 2007 اقول اخووي الناس احين عينها تفتحت ,, وقصص نصب واحتيال ناس تتكلم بلسانها صادتها من هذه الشركة ؟؟؟؟ وهذه قصة واحد في احد المنتديات السلام عليكم حبيت اطرق حق هل موضوع اللي لاحظنا ان انتشر في الفتره الاخيره عن المشروع اللي راح يغير حياتك وللأسف انا دشيت وتحسفت اني دشيت ليومي واللي معاي ادخلوا وبعد نفس الشي يا جماعه في شركه تدعى نفسها Quest.Net واهيه بالفعل شركه موجوده في الصين ولها فرع في في الامارات وغيرها من الدول ولكن للاسف في البحرين ناس قاعد اتسوقها بهدف ايقصون على الشباب وانا واحد منهم اللي انقصيت عليهم!! قصتي بهل شركه عندما طلبني واحد اخ عزيز وطلب مني ان اقعد معاه اول مره المهم قعدنا في كوفي شوب وقعد يشرح لي عن شنو امنياتي ومادري شنو في البدايه توقعت ان راح نفتح موقع او مثلا شي مربح او ندخل اسهم وكان يقول لي: (( تبي دوار في بيتكم )) (( تبي تتزوج )) (( تبي وتبي وإلخ...)) انا كل ما قال شي اقول الحمد لله انا اشتغل او الحمد لله انا جذي وإلخ... المهم شرح لي الشركه اشلون بدت واطلعت ووين راحت ووإلخ.. وبعد كل هذا قال المطلوب منك تشتري بضاعه بـ260 دينار قلت له من صجك روح يا يبه شنو 260 دينار والمهم قال اكيد بتحصل ومادري شنو قلت له انزين بافكر ورفيجي (الله يسامحه) كان يتصل من فتره لثانيه يبي مصلحتي وإلخ وانا كنت اقول بافكر وبافكر إلى ذاك اليوم طلبني ان اروح معاه الفندق وياليتني ما رحت حق محاضرتهم في البدايه انا يوم شفت الناس اشلون تدخل وذي وذاك وما شاء الله ريال اسمه (محبوب) كان بالفعل يتكلم عن جد وانا ما حبيت اجذبه لان كان اكثر من 50 واحد في محاضرته وشرح وإلخ... وانا اهني اقتنعت ان السالفه صج!! المهم صدقت رفيجي وقلت له تمام انا باشترك بس وقلت له اكيد مضمون وقال مضمون وانا ابي مصلحتك!! وقلت له حلال او حرام قال حلال وانا سائل شيخ اذا ما خاب ضني وقلت له انزين توكلنا على الله وعطيته الـ180 دينار المهم انا يوم قلت حق اللي يصيرون لي ما صدقتهم لاني طلعت غلطان ومنهم من قال روح اشتكي وإلخ قلت لا خلني انتظر إلى ما اشوف اشلون نهايتها رفيجي الله يسامحه كان يحاضرني بين فتره وثانيه ومن كلامه اللي دهشني ان لين يحاضرك وعقب فتره تتركه وتتصل فيه تسئل عنه اهني انت تعطي الانسان جارج علشان يفكر مره ثانيه بالموضوع والمهم مختصرها دش رفيجي وواحد ثاني وغيره وغيره وانا لليوم ما استلمت شي ووصلت القطعه اللي شريتها ورحت سمتها في السوق قال لي سعرها 3 دينار!!! تخيلوا من 180 دينار إلى 3 دينار هذي مب بس ضربه إلا ابو الضربه ويوم اتصلت له قال ادري جم سعرها انت خلها حق 5 سنوات يرتفع سعرها!! ابذمتكم 5 سنوات اشبتسوي فيها وإذا على قولتهم الربح مضمون!! وكل يوم قام يزيد العدد في الكف اليمين وانا ليحين حتى ما دخلت احد يساري وعقب ما استوعبت لازم اوازي الكفه اليمين على الشمال علشان احصل افلوسي صح يعني لازم اقعد اروح واقص على اوادم واخلي الناس تسب وتلعن فيني علشان شنو "اغير حياتهم" عموما مختصر الكلام الانسان يتحسف على اشيه اتصيده لكن على هل مشروع تحسفت عليه وايد لان انقص علي!! فيا جماعه تحملوا منهم واي واحد يقول لك باغير حياتك او مشروع Quest ابتعد عنهم لان ما منهم فايده كلهم حجي قول له باعطيك اياها ابلاش بس لا تجذب علي تحياتي .. Quote Link to comment Share on other sites More sharing options...
هـيـــا Posted أغسطس 26, 2007 Report Share Posted أغسطس 26, 2007 ووصلت القطعه اللي شريتها ورحت سمتها في السوق قال لي سعرها 3 دينار!!! تخيلوا من 180 دينار إلى 3 دينار هذي مب بس ضربه إلا ابو الضربه ويوم اتصلت له قال ادري جم سعرها انت خلها حق 5 سنوات يرتفع سعرها!! ابذمتكم 5 سنوات اشبتسوي فيها وإذا على قولتهم الربح مضمون!! وكل يوم قام يزيد العدد في الكف اليمين وانا ليحين حتى ما دخلت احد يساري وعقب ما استوعبت لازم اوازي الكفه اليمين على الشمال علشان احصل افلوسي صح يعني لازم اقعد اروح واقص على اوادم واخلي الناس تسب وتلعن فيني علشان شنو "اغير حياتهم" عموما مختصر الكلام الانسان يتحسف على اشيه اتصيده لكن على هل مشروع تحسفت عليه وايد لان انقص علي!! فيا جماعه تحملوا منهم واي واحد يقول لك باغير حياتك او مشروع Quest ابتعد عنهم لان ما منهم فايده كلهم حجي قول له باعطيك اياها ابلاش بس لا تجذب علي تحياتي .. اخوي حابه اقولك شغله اهو صح سعر السلعه اذا تساومها اهني في البحرين ماتسوى شي ،، بس انت راح اطلع اضعاف اضعاف اللي دفعته ،، وانا فاهمة من كلامك ان الشخص اللي فوقك قاعد يزيد على يمينك وعلى اليسار مافي احد ،، يااخي ليش ماتيب ناس تحتك المفروض 3 على يمينك و3 على يسارك وراح تحصل اول مبلغ اللي اهو 95 دينار شهريا وكل مازدت الناس اللي تحتك تحصل اكثر ،، انت قاعد وتبي اللي فوقك اهو اللي يشتغل ،، وانا عن نفسي داشه هذي الشركة ولحمدلله شريت سلعه الماس وصح ان هني ماتسوى ال ا15 دينار بس انا الحسن صارلي 4 شهور استلم مبلغ ثابت 95 دينار شهريا ،، وان شاء الله الحين راح ازيد اللي تحتي لان اللي تحتي هم قاعدين يشتغلون ،، يعني مثل الشجرة ،، وعلى فكرة نص البحرين داشين هذي البزنز بس لازم تتعب على روحك مو تنطر وتنطر عشان تيييك الفلوس لااا اصلا هذي راح يصير حرام والسموحه طولت وعورت راسكم Quote Link to comment Share on other sites More sharing options...
عاشق الداتسون Posted سبتمبر 29, 2007 Report Share Posted سبتمبر 29, 2007 اصلا الموضوع كله شلخ ولا فيه شي من العدل لان لو كان المشروع فيه خير جان محد ظل جان كل الناس بتسجل فيه بس لان المشروع فاشل وحرااام بس السيستاني الي حلل ها الموضوع اما باقي المذاهب كلهم يقولون حرام لانه هذي الشركة تمول حق اسرائيل وتقص على الناس يعني تشتري شي ب 200 دينار وتبيه ب 10 دينار شنو مقصه ذي والناس اذا يسمعون المحاضرة يفكرونا صدق وما في عليها بس ويش عااد لو الشركة فيها خير وحلال جان تقدر تفتح لها معرض في البحرين وتبيع وبدون عوار الراس بس لان هذي الشركة حرام في حرام وسالو اي شي عن طريقة عملها وبتعرفون انا حطيت اعلان اهني في المنتدى بس ما شفت اي تفاعل منكم بس في منتديات مملكة البحرين في اعلان موجود حاطتنه بنية والله لا يراويكم الردود يعني انا ابي افهم لو الشركة الكلام الي تقوله صح جان كل الناس بتشترك انا اعرف واحد اخو رفيجي يشتغل في ها الشركة اكبر جذاااب ذبح عمره يدور ناس حق يصيرون تحته ما حصل لان في ها الزمن الناس فاهمة وما تبي ينقص عليها شنو انا غبي ادفع 200 واشتري شي واذا ابيع ابيعه اقل من 10 دينار ويش ها المقصه يا ناس فهمو الفلوس هذي شوفوها وين تروح تروح حق ناس اعداء للاسلام يدرون لو ما سوو ها الطريقة جان ما بتمشي السلع مالهم من جذي يسوون جذي لان يدرون ان الناس تحب الفلوس وبتركض ركض وبعد ما يشترون يعطونهم ظهورهم ولا تقدرون تشتكون لان في عقد شراء وما في اي اتفاق ثاني نصيحة مني لا احد يشترك ترى هذي الشركة حرام في حرام ولا منها فايدة وكل وعودها خرابيط والقهر يجيبون لك شيك ويقول لك اذا اشتركت بتحصل بيزات وبتحصل ما ادري ويش وكل جذب في جذب ما ادري ليش يقصون على الناس وعلى فكرة الي يشترك او الي يدافع عن ها الشركة هو غبي وما يفهم واذا بعدها عرف الي نفسه وشاف روحه انقص عليها اهني بيندم وبيصيح لاكن بعدها ويش يفيد الندم ومسامحة على الازعاج Quote Link to comment Share on other sites More sharing options...
الدبلوماسية Posted سبتمبر 30, 2007 Report Share Posted سبتمبر 30, 2007 لا تصدقون شباب هذي الشركات كلها كلام فاضي وحدة من ربعي راحت و قصوه عليها Quote Link to comment Share on other sites More sharing options...
kamikazi 69 Posted سبتمبر 30, 2007 Report Share Posted سبتمبر 30, 2007 نصي واحتيال كل واحد انصم ودفع 200 دينار يوم توهج قال خلني اوهق غيري Quote Link to comment Share on other sites More sharing options...
جني البحرين Posted أكتوبر 27, 2007 Report Share Posted أكتوبر 27, 2007 سامعين بالمثل الا يقول خذ من جيسه وعايده هالشركه مثل الشي بالظبط تبيعك سلعه على سبيل المثال سعرها السوقي المتعارف عليه 15 دينار بس انت تشتريها ب حوالي 200 دينار ولما تسال ليش هالسعر يجاوبونك ان رسوم اشتراك بعد اي رسوم اشتراك وخرابيط (رسوم النصب) وترى يا جماعه لا يغركم الا يقول لكم شريت عماره وشريت سياره وصرت مليونير كله كلام فاضي وفي ناس ما تنعد على الاصابع اشتركت وشنو حصلت (ولاشي) بتقول لي اشتغل بتحصل ما بتحصل ما بتشتغل يعني انصب على الناس بتحصل هاي يسمونه الكميشن بس بالطريقه غير المباشره يعني انصب على عشر اشخص <<يعني دخل للشركه الفين دينار وبينزل لك 200 دينار وما اقول لكل شخص الا (فكر قبل ان تعمل) واوزن الشي بعقلك واذا بعد عقلك خراب شيسوون وياك الناس Quote Link to comment Share on other sites More sharing options...
وطن الاحزان Posted أكتوبر 28, 2007 Report Share Posted أكتوبر 28, 2007 (edited) شباب المشكله في الي يشوه سمعة هالشركه اصلاً هو فاشل ومن زود فشله مخه مايستوعب شي اسمه فلوس انا اتحدى اي شخص يقول دخل وقصوا عليه خلني اقعد اياه واذا ماطلع غلطان ليه قيمة السلعه مني هالبزنس يحتاج لشوية وقت وجهد وإلتزام وجديه و(هدف) الا هو الحلم وهذا الي الناس الفاشله ماعندها ماعندها هدف في حياتها فماتبي احد ينجح وتخرب على الكل هذي شركه عالميه بدلت حياة اشخاص (الشخص نفسه يقدر يبدل حياته بمجهوده) وهالشركه توفر الفرصه إلينه واصلاً احنه وقت الي بنعرض البزنس على اي شخص احنه نعرض فكره وفرصه لتحقيق الأحلام مانعرض (سلعه) نعرض فرصه للوصول للحريه الماليه فرصه للحصول على حرية الوقت شهد الحياة شوفي اختي مب كل شي ينكتب صح والمفروض شي مب متأكده منه ماتنقلينه حبيبي جني البحرين انت تتكلم عن شي ماتدري به اصلاً هالسلع انت لاتعرف عنها شي المشكله الي يجي يناقشك شخص يتكلم عن شي يبنيه في خياله ومايعرف عنه وحبيبي على كلام ماينعد على الاصابع الي اشتركوا هذا كلام فاضي فيه اجتماعات تعال واحضر وشوف صار في تريننغ على مستوى البحرين الي حضروا بس بعد مب كل المشتركين بالمئات انا ما أقول حصلت سياره او بنيت عماره بس ادري لوين بوصل حبيبي روح اوزن عقلك علشان بتعرف ان انت تتكلم عن شي ماتعرف عنه شي اخوي kamikazi 69 كأنك تقول حشرٌ مع الناس عيد الدبلوماسية سألي رفيقتش انها ليش اشتركت وماإستفادت اسأليها راحت تريننغات؟ اسأليها تعرف شي عن رول ثري اسأليها سوت الي قالوا لها تسويه (اشتغلت) وجم عطت من وقتها للبزنس؟؟ وتالي اسألي روحج تعرفين شي عن الي تتكلمين إبه؟؟ عاشق الداتسون شوف خوك (شارع البديع) 1-روح مجمع جود وشوف في المطاعم لازم بتشوف ناس قاعده بفايلات واوراق وبتشوف ناس تشرح لناس ويمكن تشوف ناس تدفع علشان يشركونها 2-روح الكونتري مول المجمع الي صوب دوار ابو صيبع روح شوف كوستا كوفي وبرجر كنج (بعد بتشوف مثل الشي) 3-روح جسميز الي في مدينة عيسى الي قريب من مدينة زايد بعد بتشوف مجموعات. 4-بعد في محل عند دوار ألبا على ما أعتقد الا فيه مجموعة مطاعم وفيه ماكدونالدز. 5-غريل اند تشيل الي صوب اشارات السلمانيه. انت حبيبي تتكلم كلام ماليه معنى ههههه والله تضحكون تتكلم عن شي ماتدري عنه واصلاً المرجع الي يسألونه مايقول حرام مني والطريقه على (صيغة السؤال) اوكيي .. يعني في وااااحد فااااشل سائل شيخ يعني شلون تتوقعون من واحد فاشل ومايعرف عن الشي الي بيتكلم عنه يقووووول شركه صهيونيه يهوديه هدفها استنزااااف امواال المسلمين (والباقي مااذكره) هو الفقيه الي يسألونه يرد على قد السؤال شي طبيعي بقوول حراام وحتى كاتب الموضوع غلطان حبيبي FTL هذا البزنز ماينشرح جذي على منتدى هذا كله وورد اوف ماوث ينشرح فيس تو فيس وتحتاج لورقه وقلم والي حاب يتأكد من صحة كلامي يتصل لي 36629956 ويرتب قعده Edited أكتوبر 28, 2007 by وطن الاحزان Quote Link to comment Share on other sites More sharing options...
وطن الاحزان Posted أكتوبر 28, 2007 Report Share Posted أكتوبر 28, 2007 الإستمراريه دليل النجاح تعالوا لي عقب سنتين بتشوفوني مواصل في هالبزنس اي نصب الي تتكلمووون عنه هذي شكره عالميه وكانت من الرعاة الرسميين لكأس العالم المؤسس عطوه جائزه مال رفع اقتصاد هذي شركه تبيع سلع نادره مب 15 دينار شنو تتمسخرووون !! تدرون شنو تبيع؟ تعرف شنو البايو ديسك تعرف ان هالشركه عندها اكثر من 4000 منتجع (بيج) موزع في 120 دوله وعندها منتدجات صحيه مفيده لصحة الإنسان والى اكثر من 18 منتدى لدى الشركه هذي شركه عالميه وهالبزنس عالمي وكل مشارك رابح الا الي ماعندهم جديه وينسحبووون الحلم هو الي يدفع الشخص انه يشتغل كل شي لازم تشووفه علشان تصدق بس في كوست لازم تصدق تالي تشوووف شنو تقولووون ناس انصموا يبون يصمون غيرهم ليش بيتأجرون الصالات؟ ناس عندها خير حتى تتأجر صالات في فنادق 5 نجوم؟ من وين لها هالمبالغ هالشركه موجوده علشان تعدل من المعيشه في هالبزنس انت تختار وقتك وحتى انت الي تحدد مدخولك وانت الي تحدد اماكن عملك تحياتي.. اخوكم وطن الاحزان يابحرين Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.